ముంబై: దేవేంద్ర ఫడణవిస్ సీఎం కావడం కొల్హాపూర్ బీజేపీ ఎమ్మెల్సీ చంద్రకాంత్ పాటిల్‌కి కలిసొచ్చిన సూచనలు కనిపిస్తున్నాయి. చంద్రకాంత్‌కు రాష్ట్ర శాఖ అధ్యక్ష పదవీ బాధ్యతలను అప్పగించే అవకాశముందని తెలియవచ్చింది. ఈ నెల 31వ తేదీ తరువాత ఆయనను ఈ పదవి వరించనుందని వాంఖడే స్టేడియంలో ప్రమాణ స్వీకార ఏర్పాట్లను పరిశీలిస్తున్న ఓ నాయకుడు తెలియజేశారు. చంద్రకాంత్‌కు ఆర్‌ఎస్‌ఎస్‌తో సత్సంబంధాలు ఉన్నాయి. ఇదిలాఉంచితే బీజేపీ నగర శాఖ అధ్యక్షుడు ఆశిష్ శేలార్‌కు మంత్రి పదవి దక్కే అవకాశముండడంతో ఈ పదవి కూడా ఖాళీ అయ్యే అవకాశముంది. ఈ పదవి విలేపార్లే ఎమ్మెల్యే పరాగ్ అల్వనికి ద క్కే అవకాశముందని ఆ పార్టీ వర్గాలు చెబుతున్నాయి.