సంగారెడ్డి (మెదక్ జిల్లా): తెలంగాణ ప్రభుత్వం విడుదల చేసిన జీవో నంబరు. 58  ప్రకారం ప్రభుత్వ స్థలాల్లో ఇళ్లు నిర్మించుకున్న వారికి ఇళ్ల స్థలాల క్రమబద్ధీకరణకు శ్రీకారం చుట్టింది. ఈ సందర్భంగా మెదక్ జిల్లా సంగారెడ్డిలో జరిగిన కార్యక్రమంలో రాష్ట్ర భారీ నీటిపారుదల శాఖ మంత్రి తన్నీరు హరీశ్ రావు పాల్గొన్నారు. ఈ జీవో ప్రకారం ప్రభుత్వ భూముల్లో ఇళ్లు నిర్మించుకున్న పేదలకు 125 గజాలు విస్తీర్ణం గల స్థలాన్ని క్రమబద్ధీకరించనున్నట్లు మంత్రి హరీశ్ రవు చెప్పారు. ఈ కార్యక్రమంలో మంత్రితో పాటు స్థానిక ఎమ్మెల్యే చింతా ప్రభాకర్ పాల్గొన్నారు.