సాక్షి,హైదరాబాద్‌ : బంజారాహిల్స్‌ కేంద్రంగా పలు పబ్బుల్లో డీజేగా పనిచేస్తున్న అఖిల్ డ్రగ్స్‌ అమ్ముతూ పోలీసులకు పట్టుబడ్డాడు. మాదక ద్రవ్యాల సరఫరాపై సమాచారం అందుకున్న పోలీసులు రెక్కీ నిర్వహించారు. అయితే ఓ ప్రాంతంలో డ్రగ్స్‌ అమ్ముతుండగా అఖిల్‌ను హ్యాండెడ్‌గా పట్టుకున్నారు. నిందితుడి నుంచి పెద్ద ఎత్తున ఎండీఎఏ డ్రగ్స్‌ను స్వాధీనం చేసుకున్నారు. డ్రగ్స్‌తో పాటు నిందితుడు వద్ద గంజాయిని బెంగళూరు నుంచి హైదరాబాద్‌కు తెచ్చి సరఫరా చేస్తున్నాడని పోలీసులు తెలిపాడు. ఇక డ్రగ్స్ అమ్ముతూ పట్టుబడ్డ అఖిల్‌ను పోలీసులు విచారిస్తున్నారు. నగరంలో డ్రగ్స్‌ ఎవరికి అమ్మాడు, వారిలో సెలబ్రిటీలు ఉన్నారా? అన్న కోణంలో పోలీసులు దర్యాప్తు ముమ్మరం చేశారు.

బాలీవుడ్ స్టార్ హీరో హృతిక్ భార్య సుసానే ఖాన్ సోదరి ఫరా ఖాన్ అలీ విడాకులు తీసింది. తన భర్త డీజే అకీల్‌తో అధికారికంగా విడాకులు తీసుకున్నట్లు తెలిపింది. కాగా.. 2021లోనే తామిద్దరూ విడిపోతున్నట్లు ప్రకటించారు. తాజాగా ఈ విషయాన్ని సోషల్ మీడియా వేదికగా వెల్లడించింది.  జువెలరీ డిజైనర్ ఫరా ఖాన్ అలీ భర్త అకీల్‌తో  ఉన్న చిత్రాలను పోస్ట్ చేసింది. ఆమె తన ఇన్‌స్టాలో రాస్తూ.. 'మేము అధికారికంగా విడాకులు తీసుకున్నాం. ఈ విషయంలో మేమిద్దరం సంతోషంగా ఉన్నాం. మేము ఒకరికొకరు చాలా ప్రేమ, సంతోషంతో ఉన్నాం. ఇకముందు ప్రయాణంలో ఇలాగే ఉండాలని కోరుకుంటున్నాం. మేము ఎల్లప్పుడూ మా  పిల్లలు అజాన్, ఫిజాలకు తల్లిదండ్రులుగానే ఉంటాం. ఇన్ని రోజుల మా ప్రయాణంలో సహకరించిన వారందరికీ కృతజ్ఞతలు.' అంటూ పోస్ట్ చేసింది.  ఇదే విషయాన్ని అకీల్ తన ఇన్‌స్టాగ్రామ్ స్టోరీస్‌లో పోస్ట్ చేశాడు. మీ ఇద్దర్నీ ప్రేమిస్తూనే ఉంటా సుసానే ఖాన్ కామెంట్ చేసింది. ఈ విడాకులు తీసుకున్న జంటపై బాలీవుడ్ నటులు ట్వింకిల్ ఖన్నా, నందితా మహతాని, సైషా షిండే, దియా మీర్జా, భావన పాండే, మోజెజ్ సింగ్, ఎల్నాజ్ నొరౌజీ  తదితరులు స్పందించారు.  ఫరా, అకీల్ కొన్ని సంవత్సరాల పాటు డేటింగ్ చేసిన తర్వాత ఫిబ్రవరి 20, 1999న పెళ్లి చేసుకున్నారు. వారికి ఇద్దరు పిల్లలు అజాన్, ఫిజా ఉన్నారు.  View this post on Instagram A post shared by Farah Khan Ali (@farahkhanali)


 న్యూ ఇయర్ జోష్‌ను రెట్టింపు చేసేందుకు రేడియో మిర్చీ, మేఘనా మీడియా సంయుక్తంగా ‘హోలా 2015’ నిర్వహిస్తున్నాయి. ప్రముఖ డీజే అఖీల్ ఆధ్వర్యంలో కొత్త సంవత్సరానికి స్వాగతం పలికే ఈ మెగా ఈవెంట్ బుధవారం హైటెక్స్‌లోని కోలోజల్ ఎంటర్‌టైన్‌మెంట్ గ్రౌండ్స్‌లో జరగనుంది. బేగంపేట రేడియోమిర్చీ స్టేషన్‌లో మంగళవారం ఏర్పాటు చేసిన విలేకరుల సమావేశంలో ఈ  వివరాలు వెల్లడించారు. అఖీల్‌తో పాటు వీడీజే రిషప్ కూడా ఈవెంట్‌లో అలరిస్తాడని తెలిపారు. రేడియో మిర్చి క్లస్టర్ హెడ్ అరిందమ్ మోండల్, నటుడు, దర్శకుడు అడవి శేషు, నిర్మాత మధుర శ్రీధర్, ఆర్జేలు హేమంత్, భార్గవి ఈ సమావేశంలో పాల్గొన్నారు.


 2015కు స్వాగతం చెప్పేందుకు నగరంలో హడావుడి మొదలైంది. భారీ ఈవెంట్లు నగరవాసులను అలరించనున్నాయి. న్యూఇయర్‌కి వెల్‌కం చెప్పేందుకు అనేక ఈవెంట్ సంస్థలు జాతీయ, అంతర్జాతీయ సెలబ్రిటీలను, డీజేలను నగరానికి రప్పిస్తున్నాయి. ఈసారి తన మ్యూజిక్‌తో హోరెత్తించడానికి డీజే అఖీల్ నగరానికి వస్తున్నారు. షేక్ ఇట్ డ్యాడీ మిక్స్‌తో బాగా పాపులర్ అయిన అఖీల్ బాలీవుడ్‌లో అనేక హిట్ సాంగ్స్‌ని రీమిక్స్ చేశారు. అలాగే అతని ఫరెవర్ 1, 2, 3, సిరీస్ కూడా ఎంతో పాపులర్. హోలా పేరుతో హైటెక్స్‌లో 31 నైట్ జరుగుతున్న ఈవెంట్‌కి అఖీల్ ప్రధాన ఆకర్షణ కానున్నారు.
  
  దశాబ్ద కాలానికి పైగా తన మ్యూజిక్‌తో అలరిస్తున్న అఖీల్ ప్రపంచ వ్యాప్తంగా అనేక ప్రదర్శనలు ఇచ్చారు. బిల్ క్లింటన్, కోఫీ అన్నన్ లాంటి ప్రపంచ ప్రముఖుల ప్రశంసలు అందుకున్నారు. లక్ష్మీ మిట్టల్ లాంటి బిజినెస్ ప్రముఖులు, అమితాబ్, ఐశ్వర్య, కరీనా, సైఫ్ లాంటి బాలీవుడ్ నటులు అఖీల్ మ్యూజిక్‌ని ఎంజాయ్ చేసినవారే. లేడీ గగా సాంగ్ ఎడ్జ్ ఆఫ్ గ్లోరీ నుంచి కజ్ రారే (బంటీ అవుర్ బబ్లీ), దర్ద్ ఏ డిస్కో (ఓం శాంతి ఓం) సాంగ్స్ వరకూ అఖిల్ రీమిక్స్ రికార్డ్స్‌లో ఉన్నాయి.