ప్రముఖ నిర్మాత వి.దొరస్వామి నేడు(సోమవారం) ఉదయం తుది శ్వాస విడిచిన సంగతి విదితమే. ఆయన మరణం పట్ల టాలీవుడ్‌ సెలబ్రిటీలు సంతాపం తెలియజేస్తున్నారు. ఆయన ఇక లేరనే వార్త చాలా బాధాకరమని హీరో జూనియర్‌ ఎన్టీఆర్‌ అన్నారు. నిర్మాతగా, పంపిణీదారుడిగా తెలుగు చలనచిత్ర పరిశ్రమకు ఆయన అందించిన సేవలు మరువలేనివని కొనియాడారు. సింహాద్రి చిత్ర విజయంలో ఆయన పాత్ర ఎంతో కీలకమని గుర్తు తెచ్చుకున్నాగు. దొరస్వామి కుటుంబ సభ్యులకు ప్రగాఢ సానుభూతి తెలియజేశారు. (చదవండి: ప్రముఖ తెలుగు నిర్మాత‌ కన్నుమూత) "అజాత శత్రువు, అందరికీ బంధువు దొరస్వామి గారు డిస్ట్రిబ్యూషన్ రంగంలో కింగ్‌లా వెలిగారు. మేం తీసిన 90 శాతం సినిమాలు ఆయనే రిలీజ్‌ చేశారు. ఆయన తీసిన అన్నమయ్య కీర్తనలకు నేను దర్శకుడిగా పని చేసినప్పుడు పంచుకున్న అనుభవాలన్నీ ఇప్పుడు గుర్తొస్తున్నాయి. ఆయనకు ఆత్మ శాంతి కలగాలని మనస్ఫూర్తిగా కోరుకుంటున్నాను" అని దర్శకేంద్రుడు రాఘవేంద్ర రావు పేర్కొన్నారు. తదితరులు సైతం ఆయన మృతికి నివాళులు అర్పిస్తున్నారు. కాగా ఫిల్మ్‌నగర్‌లోని మహాప్రస్థానంలో రేపు ఉదయం 11 గంటలకు దొరస్వామి అంత్యక్రియలు జరగనున్నాయి. (చదవండి: యాక్షన్‌ సీన్‌ కోసం 50 రోజులు నైట్‌ షూట్‌) దొరస్వామి రాజు గారు ఇక లేరు అనే వార్త చాలా బాధాకరం. ఒక నిర్మాత గా, పంపిణీదారుడి గా తెలుగు చలనచిత్ర పరిశ్రమకు ఆయన అందించిన సేవలు మరువలేనివి. సింహాద్రి చిత్ర విజయం లో ఆయన పాత్ర ఎంతో కీలకం. ఆయన ఆత్మకు శాంతి కలగాలని కోరుకుంటూ, ఆయన కుటుంబ సభ్యులకు నా ప్రగాఢ సానుభూతి తెలుపుతున్నాను — Jr NTR (@tarak9999) January 18, 2021 We lost Telugu Cinema’s one of the passionate distributors & producers, VMC Doraswami Raju garu. My condolences to his family. - K. Raghavendra Rao @Ragavendraraoba pic.twitter.com/yrhtvXnGGr — BARaju (@baraju_SuperHit) January 18, 2021

సాక్షి, హైదరాబాద్‌ : ప్రముఖ తెలుగు నిర్మాత, పంపిణీదారుడు వి. దొరస్వామి రాజు కన్నుమూశారు. వయో భారం కారణంగా ఆయన ఆరోగ్యం బాగా క్షీణించటంతో.. గత కొద్దిరోజులుగా బంజారాహిల్స్‌లోని కేర్‌ ఆసుపత్రిలో చికిత్సపొందుతున్నారు. సోమవారం ఉదయం పరిస్థితి విషమించి తుదిశ్వాస విడిచారు. వీఎంసీ పేరుతో డిస్ట్రిబ్యూషన్‌ సంస్థను స్థాపించిన దొరస్వామి పలు హిట్‌ సినిమాలను డిస్ట్రిబ్యూట్‌ చేశారు. తొలిసారి ఎన్టీఆర్‌ హీరోగా నటించిన సింహబలుడు సినిమాను పంపిణీ చేశారు. డ్రైవర్‌ రాముడు, వేటగాడు, యుగంధర్‌, గజదొంగ, ప్రేమాభిషేకం, కొండవీటి సింహం, జస్టిస్‌ చౌదరి సినిమాలను వీఎంసీ సంస్థ ద్వారా విడుదల చేశారు. సీతారామయ్యగారి మనవరాలు, ప్రెసిడెంట్‌గారి పెళ్లాం, కిరాయిదాదా, అన్నమయ్య, సింహాద్రి, వెంగమాంబ, భలేపెళ్లాం వంటి సినిమాలను నిర్మించారు. 90లలో రాజకీయ రంగ ప్రవేశం చేసిన ఆయన 1994లో నగరి నియోజకవర్గంనుంచి ఎమ్మెల్యేగా గెలిచారు. పలు కీలక పదువుల్లోనూ కొనసాగారు. 


 జిల్లాలో వేర్వేరు చోట్ల జరిగిన రోడ్డు ప్రమాదాల్లో ఇద్దరు దుర్మరణం చెందారు. మరో ఇద్దరు తీవ్రంగా గాయపడ్డారు. మృతుల్లో ఒకరు కర్ణాటకకు చెందిన వారు ఉన్నారు.
 
 ఓడీ చెరువు: వేలూరుకు చెందిన గరికముక్క రాము, స్వరూప దంపతులు మంగళవారం ఉదయం కర్ణాటకలోని బెంగళూరు నుంచి అద్దె కారు తీసుకుని స్వగ్రామానికి బయల్దేరారు. ఓడీ చెరువు మండలం దాదిరెడ్డిపల్లి సమీపాన కదిరి వైపు నుంచి వస్తున్న సిమెంటు లారీని ఢీకొంది. కారు ముందుభాగం లారీ కిందకు దూసుకుపోవడంతో బెంగళూరుకు చెందిన కారుడ్రైవర్‌ ఎం.హెచ్‌.దొరస్వామి (45) ఇరుక్కుపోయాడు. వెనుక సీట్లో కూర్చున్న దంపతులు తీవ్రంగా గాయపడ్డారు. ఎస్‌ఐ సత్యనారాయణ పోలీసు సిబ్బంది, స్థానికుల సహాయంతో హుటాహుటిన క్షతగాత్రులను 108 వాహనంలో కదిరి ప్రభుత్వాస్పత్రికి తరలించారు. చికిత్స పొందుతూ దొరస్వామి మృతి చెందాడు. గరికముక్క రాము, స్వరూపలు చికిత్స పొందుతున్నారు.
 
 ఎడ్లబండిని ఢీకొని మరొకరు..
 కణేకల్లు: పులచెర్లకు చెందిన సంజీవప్ప (48) తన స్నేహితుడు హనుమంతప్పతో కలిసి సోమవారం రాత్రి 9.30 గంటలకు ద్విచక్రవాహనంలో కణేకల్లుక్రాస్‌ నుంచి స్వగ్రామానికి బయల్దేదేరాడు. పుల్లంపల్లి గ్రామం దాటాక ఎదురుగా వస్తున్న ఓ లారీకి సైడిస్తూ ముందుకుసాగాడు. లారీ లైట్ల వెలుతురులో లారీ వెనుకాలే ఉన్న ఎడ్లబండిని గమనించక ఢీకొట్టాడు. బలమైన దెబ్బలు తగిలి సంజీవప్ప అక్కడికక్కడే మృతి చెందాడు. తీవ్రంగా గాయపడిన హనుమంతప్పను స్థానికులు బళ్లారి విమ్స్‌ ఆస్పత్రికి తరలించారు. పోలీసులు కేసు దర్యాప్తు చేస్తున్నారు.