నెల్లూరు(స్టోన్‌హౌస్‌పేట): వీఆర్సీ సెంటర్‌ వద్ద ఉన్న బాప్టిస్ట్‌ చర్చ్‌ డౌనీహాల్లో సంఘ వార్షిక ఒక రోజు యూత్‌ రిట్రీట్‌ను సోమవారం భక్తిశ్రద్ధలతో నిర్వహించారు. నగరంలోని వివిధ చర్చిలకు చెందిన యూత్‌ పాల్గొన్న ఈ కార్యక్రమానికి అతిథిగా అంతర్జాతీయ ప్రసంగీకుడు రెవరెండ్‌ అగస్టీన్‌ హాజరయ్యారు. ప్రముఖ ఆధ్యాత్మిక గాయకుడు జోనా శామ్యూల్‌ తన బృందంతో వివిధ భక్తి గీతాలను అలపించారు. యూత్‌ డైరెక్టర్లు హేమలత విద్యాధర్, విజయ్‌పాల్‌ ఆధ్వర్యంలో క్విజ్, పాటల పోటీలను నిర్వహించారు. పాస్టర్‌ రెవరెండ్‌ అనిల్‌కుమార్, సంఘ చైర్మన్‌ జాన్, ఫుల్‌ పిట్‌ కమిటీ చైర్మన్‌ డేవిడ్‌లివింగ్‌స్టన్, కార్యదర్శి గుర్రం అరుణ్‌కుమార్,  ట్రెజరర్‌ విజయ్‌భాస్కర్, కార్యవర్గ సభ్యులు పాల్గొన్నారు.
  
  


 నెల్లూరు(స్టోన్‌హౌస్‌పేట): నగరంలోని బాప్టిస్ట్‌ చర్చి డౌనీహాల్లో శనివారం జరిగిన వార్షిక కృతజ్ఞతార్పణల పండగలో సభ్యులు ఉత్సాహంగా పాల్గొన్నారు. ప్రత్యేకంగా ఏర్పాటు చేసిన తినుబండారాల స్టాళ్లు పలువుర్ని ఆకట్టుకున్నాయి. ఈ స్టాళ్ల ద్వారా వచ్చే ఆదాయాన్ని కానుకలుగా ఇవ్వడం సభ్యులకు ఆనవాయతీ. వివిధ ఆటల పోటీలు, సాంస్కృతిక కార్యక్రమాలను నిర్వహించారు. సాయంత్రం జరిగిన కార్యక్రమంలో పాస్టర్‌ రెవ. అనిల్‌కుమార్‌ వాక్యోపదేశాన్ని అందించారు. విజేతలకు బహుమతులను ప్రదానం చేశారు. ఆదివారం ఉదయం 9.30కు జరిగే కృతజ్ఞతార్పణల పండగ ముగింపు ఆరాధనలో రక్షణ టీవీ వాక్యోపదేశకుడు బ్రదర్‌ ప్రకాష్‌ గంటెల దేవవార్తమానాన్ని అందిస్తారని సంఘ కార్యదర్శి గుర్రం అరుణ్‌కుమార్‌ తెలిపారు. చైర్మన్‌ ఎన్‌వై జాన్, పుల్‌పిట్‌ కమిటీ చైర్మన్‌ డేవిడ్‌ లివింగ్‌స్టన్, కోశాధికారి విజయభాస్కర్, కార్యవర్గ సభ్యులు పాల్గొన్నారు.