పారిస్: సెర్బియా టెన్నీస్ స్టార్ నొవాక్ జొకోవిచ్ ఫ్రెంచ్ ఓపెన్ పురుషుల సింగిల్స్‌ ఫైనల్లోకి దూసుకెళ్లాడు. శుక్రవారం జరిగిన సెమీఫైనల్లో లాత్వియా ఆటగాడు ఎర్నెస్ట్ గుల్బిస్ ను6-3, 6-3, 3-6, 6-3 తో ఓడించి తుదిపోరుకు సిద్దమయ్యాడు. మరో సెమీఫైనల్లో టాప్‌సీడ్ రాఫెల్ నాదల్ (స్పెయిన్), ఏడోసీడ్ అండీ ముర్రే (బ్రిటన్) తలపడుతున్నారు. ఈ మ్యాచ్ లో గెలిచిన ఆటగాడితో జొకోవిచ్ టైటిల్ పోరు సాగిస్తాడు.
 
 శనివారం జరిగే మహిళల సింగిల్స్  ఫైనల్లో రష్యా అందాల తార మరియా షరపోవా, నాలుగోసీడ్ సిమోనా హలెప్ తో తలపడుతుంది.


 పారిస్: ఫ్రెంచ్ ఓపెన్ టెన్నిస్ టోర్నమెంట్ లో అభిమానులను టెన్నిస్ లెజెండ్ రోజర్ ఫెదరర్ నిరాశపరిచారు. ఫ్రెంచ్ ఓపెన్ లో పురుషుల విభాగంలో క్వార్టర్ ఫైనల్ కు చేరకుండానే తిరుగుముఖం పట్టారు.
  
 2004 తర్వాత ఫ్రెంచ్ ఓపెన్ లో క్వార్టర్ ఫైనల్ చేరకపోవడం ఇదే తొలిసారి. ఆదివారం జరిగిన మ్యాచ్ లో లాత్వియాకు చెందిన 18వ సీడ్ ఆటగాడు మెస్ట్స్ గుల్బీస్ చేతిలో ఓటమి పాలయ్యారు. 
  
 గుల్బీస్ చేతిలో 7-6(5), 6-7(3), 2-6, 6-4, 3-6 స్కోరు తేడాతో ఫెదరర్ పరాజయం పాలయ్యారు. ఓ దశలో ఫెదరర్ రెండవ సెట్ లో 5-3తో ఆధిక్యం కనబరిచినా.. సెట్ ను సొంత చేసుకోలేకపోయాడు.