పారిస్‌: పదవీకాలం ముగిసేదాకా కొనసాగుతానని ఫ్రాన్స్‌ అధ్యక్షుడు ఇమ్మానుయేల్‌ మాక్రాన్‌ స్పష్టం చేశారు. కొత్త ప్రధానిని మరికొద్ది రోజుల్లో ప్రకటిస్తానని చెప్పారు. పార్లమెంటులో అవిశ్వాస తీర్మానం నెగ్గి ప్రధాని మైకేల్‌ బార్నియర్‌ రాజీనామా చేయడం తెలిసిందే. ఈ నేపథ్యంలో మాక్రాన్‌ జాతినుద్దేశించి ప్రసంగించారు. ప్రభుత్వాన్ని కూలదోసేందుకు ఫ్రెంచ్‌ ఫార్‌ రైట్, హార్డ్‌ లెఫ్ట్‌ పార్టీలు రిపబ్లికన్‌ వ్యతిరేక ఫ్రంట్‌కు సహకరిస్తున్నాయని ఆరోపించారు. ‘‘నా నిర్ణయాలపై వ్యతిరేకతతో రాజకీయ ప్రత్యర్థులు గందరగోళాన్ని సృష్టించే ప్రయత్నం చేస్తున్నారు. వారి దృష్టి ప్రజల సమస్యలపై కాదు. కేవలం అధ్యక్ష ఎన్నికలపైనే ఉంది’’ ని విమర్శించారు. తదుపరి ప్రధాని ఎవరనే దానిపై మాక్రాన్‌ సంకేతాలివ్వలేదు. రక్షణ మంత్రి సెబాస్టియన్‌ లెకోర్, అంతర్గత మంత్రి బ్రూనో రిటైల్లీయు, ఫ్రాంకోయిస్‌ బేరూ పేర్లు గట్టిగా వినిపిస్తున్నాయి.

పారిస్‌: యూరోపియన్‌ యూనియన్‌ (ఈయూ) పార్లమెంటరీ ఎన్నికలు పరోక్షంగా ఫ్రాన్స్‌ పార్లమెంట్‌ ముందస్తు ఎన్నికలను మోసుకొచ్చాయి. యూరోపియన్‌ యూనియన్‌లో మొత్తం 720 సీట్లు ఉండగా 81 సభ్యులను ఫ్రాన్స్‌ ఎన్నుకోనుంది. ఇందుకోసం జరిగిన ఎన్నికల్లో ఫ్రాన్స్‌ విపక్ష నేషనల్‌ర్యాలీ పార్టీకి 32 శాతం ఓట్లు పడొచ్చని ఎగ్జిట్‌ పోల్స్‌ అంచనా వేశాయి. ఫ్రాన్స్‌ దేశాధ్యక్షుడు ఎమ్మాన్యుయేల్‌ మేక్రాన్‌కు చెందిన రనీసాన్స్‌ పారీ్టకి కేవలం 15 శాతం ఓట్లు పడతాయని ఎగ్జిట్‌ పోల్స్‌ ప్రకటించాయి. నిజంగానే ఈ ధోరణి ఇలాగే కొనసాగితే మూడేళ్ల తర్వాత అంటే 2027లో జరగబోయే ఫ్రాన్స్‌ పార్లమెంట్‌ ఎన్నికల్లోనూ విపక్ష పార్టీ విజయం సాధించే ప్రమాదముందని దేశాధ్యక్షుడు ఎమ్మాన్యుయేల్‌ మేక్రాన్‌ భావించారు. ఇందుకు బలం చేకూరుస్తూ ఆయన పార్లమెంట్‌ను రద్దుచేస్తున్నట్లు ఆదివారం ప్రకటించారు. దీంతో వచ్చే 20 రోజుల్లో పార్లమెంట్‌ ఎన్నికలు జరగనున్నాయి. జూన్‌ 30న తొలి దశ, జూలై ఏడో తేదీన రెండో దశ పోలింగ్‌ జరగనుంది. మూడేళ్ల తర్వాత నిర్వహిస్తే ఓడిపోతామని, ప్రజాదరణ తగ్గేలోపు ఇప్పుడే నిర్వహిస్తే తమ రనీసాన్స్‌ పారీ్టయే గెలుస్తుందన్న అంచనాతో ఆయన ఈ అనూహ్య నిర్ణయం తీసుకున్నారని వార్తలొచ్చాయి. సరైన నిర్ణయం తీసుకున్నా: మేక్రాన్‌ పార్లమెంట్‌ రద్దు నిర్ణయాన్ని మేక్రాన్‌ సమరి్థంచుకున్నారు. ‘‘ దేశం కోసం సరైన నిర్ణయం తీసుకున్నా. ఈయూ ఎన్నికల ద్వారా ప్రజలు మా ప్రభుత్వానికి ఏం చెప్పదల్చుకున్నారో అర్థమైంది. ప్రజల సమస్యలకు పరిష్కారాలు చూపకుండా వదిలేయలేను’ అని చెప్పారు.


 పారిస్‌: ఫ్రాన్స్‌ పార్లమెంట్‌కు  ఆదివారం జరిగిన తొలి రౌండ్‌ ఎన్నికల్లో అధ్యక్షుడు మేక్రాన్‌కు చెందిన ఆర్‌ఈఎం పార్టీ భారీ విజయం సాధిస్తుందని అంచనా వేస్తున్నారు. మేక్రాన్‌ పార్టీకి 30 శాతం ఓట్లు పడే అవకాశం ఉందనీ, కొందరు ఎంపీలు తొలిదశలోనే విజయం సాధించొచ్చని ఒపీనియన్‌ పోల్స్‌లో వెల్లడైంది. 577 స్థానాలకు జరుగుతున్న ఎన్నికల్లో మేక్రాన్‌కు చెందిన ఆర్‌ఈఎం పార్టీ 400 వరకు సీట్లను గెలుచుకోవచ్చని అంచనా.