విరిగిన కుడికాలు, ఆస్పత్రికి తరలింపు
 
  శంకర్‌పల్లి,  కాంగ్రెస్ నేత జి.వెంకటస్వామి(కాకా) ప్రమాదవశాత్తు బాత్‌రూంలో జారిపడ్డారు. దీంతో ఆయన కుడికాలు విరిగిపోయింది. ఈ సంఘటన సోమవారం జరిగింది. జి.వెంకటస్వామి రోజు మాదిరిగానే  ఉదయం రంగారెడ్డి జిల్లా శంకర్‌పల్లి మండలం మహరాజ్‌పేట్ గ్రామ శివారులోని తన ఫాంహౌస్‌కు వచ్చారు. సాయంత్రం 4:30 గంటల సమయంలో గదిలో ఉన్న బాత్‌రూంకు వెళ్లిన ఆయన కాలు జారి కిందపడ్డారు. ప్రమాదంలో వెంకటస్వామి కుడికాలు మోకాలి పైభాగంలో ఎముక విరిగిపోయింది. 108లో కేర్ ఆస్పత్రికి తరలించారు.
  


 మంచిర్యాల, న్యూస్‌లైన్: ఈ ఎన్నికల్లో టీఆర్‌ఎస్‌కు 20కి మించి సీట్లు రావని కాంగ్రెస్ సీనియర్ నేత  జి.వెంకటస్వామి జోస్యం చెప్పారు. ఆదిలాబాద్ జిల్లా మంచిర్యాలలో ఆయన విలేకరులతో మాట్లాడుతూ,  తెలంగాణ ఇస్తే కాంగ్రెస్‌లో పార్టీని విలీనం చేస్తానని మాట ఇచ్చి తప్పడం, దళితుడిని తెలంగాణకు తొలి సీఎంను చేస్తానని చెప్పి.. ఇప్పుడు సీఎం సీటు కోసం ఆరాటపడడంతో కేసీఆర్‌పై విశ్వసనీయత తగ్గిం దన్నారు. ఫలితంగా టీఆర్‌ఎస్‌కు సీట్లు తగ్గుతున్నాయని చెప్పారు. కేంద్రంలో యూపీఏ ప్రభుత్వం మళ్లీ అధికారంలోకి వస్తుందని, మోడీ ప్రభంజనం ఎక్కడా లేదన్నారు.