ముంబై: రత్నాభరణాల ఎగుమతులు మే నెలలో 11 శాతం తగ్గాయి. రూ.22,693 కోట్ల విలువైన ఎగమతులు నమోదయ్యాయి. 2022 మే నెలలో రత్నాభరణాల ఎగుమతుల విలువ రూ.25,413 కోట్లుగా ఉంది. రత్నాభరణాల ఎగుమతి ప్రోత్సాహక మండలి (జీఏఈపీసీ) ఈ వివరాలు వెల్లడించింది. కట్, పాలిష్డ్‌ వజ్రాల ఎగుమతులు 12 శాతానికి పైగా తగ్గాయి. వీటి విలువ రూ.14,190 కోట్లుగా ఉంది. క్రితం ఏడాది ఇదే నెలలో ఎగుమతుల విలువ రూ.16,154 కోట్లుగా ఉండడం గమనార్హం. ల్యాబ్‌లో తయారైన వజ్రాల ఎగుమతుల విలువ ఈ ఏడాది ఏప్రిల్, మే నెలల్లో 20 శాతం తగ్గి రూ.1,986 కోట్లుగా ఉంది. 2022 ఏప్రిల్, మే నెలల్లో వీటి ఎగుమతుల విలువ రూ.2,500 కోట్లుగా ఉంది. మే నెలకు సంబంధించి బంగారం ఆభరణాల ఎగుమతుల విలువ 7 శాతానికి పైగా పెరిగి రూ.5,705 కోట్లకు చేరుకుంది. క్రితం ఏడాది ఇదే నెలలో ఎగుమతులు రూ.5,318 కోట్లుగానే ఉన్నాయి. ఇక ఏప్రిల్, మే నెలల్లో రూ.1,173 కోట్లు విలువ చేసే వెండి ఆభరణాల ఎగుమతులు నమోదయ్యాయి. క్రితం ఏడాది ఇదే కాలంలో ఎగుమతులు రూ.3,729 కోట్లతో పోలిస్తే 68 శాతం క్షీణించాయి. 

ముంబై: భారత్‌ మొత్తం రత్నాలు– ఆభరణాల ఎగుమతులు 2022–23 ఆర్థిక సంవత్సరంలో  స్వల్పంగా 2.48 శాతం పెరిగి రూ. 3,00,462.52 కోట్లకు (37,469 మిలియన్‌ డాలర్లు) చేరాయి. ఒక్క మార్చి నెల చూస్తే, ఏకంగా ఈ విలువ భారీగా 24 శాతం పడిపోయి రూ.21,502 (2,613 మిలియన్‌ డాలర్లు) కోట్లుగా నమోదయ్యింది. 2022 మార్చిలో ఈ విలువ రూ.28,198.36 కోట్లు (3,699.90 మిలియన్‌ డాలర్లు). ద్రవ్యోల్బణం, రష్యా–ఉక్రెయిన్‌ యుద్ధం, దాదాపు ఆరు నెలల పాటు చైనాలో లాక్‌డౌన్‌ కారణంగా నెలకొన్న అనిశ్చితి పరిస్థితులు మొత్తం రత్నాలు, ఆభరణాల పరిశ్రమపై ప్రతికూల ప్రభావం చూపాయి. రత్నాలు, ఆభరణాల ఎగుమతుల ప్రోత్సాహక మండలి (జీజేఈపీసీ) ఈ మేరకు ఒక ప్రకటన విడుదల చేసింది. ప్రకటనలో మరిన్ని ముఖ్యాంశాలు పరిశీలిస్తే.. ► ఆర్థిక సంవత్సరం మొత్తంగా స్వల్ప వృద్ధి నమోదుకావడానికి సకాలంలో జరిగిన భారత్‌–యునైటెడ్‌ అరబ్‌ ఎమిరైట్స్‌ సమగ్ర ఆర్థిక భాగస్వామ్య ఒప్పందం (సీఈపీఏ) కొంత దోహపదడింది. దీనితో ప్లైన్‌ గోల్డ్‌ జ్యూయలరీ 2022–23 ఆర్థిక సంవత్సరం మొత్తంగా చూస్తే భారీగా 17 శాతం వృద్ధిని నమోదుచేసుకుంది.   ► 2022 ఏప్రిల్‌ నుంచి 2023 మార్చి మధ్య కట్‌ అండ్‌ పాలిష్డ్‌ డైమండ్స్‌ ఎగుమతుల్లో 2.97 శాతం క్షీణత నమోదయ్యింది. విలువలో రూ.1,82,111 కోట్ల (24,434 మిలియన్‌ డాలర్లు) నుంచి రూ.1,76,697 కోట్లకు (22,045 మిలియన్‌ డాలర్లు) ఎగుమతుల విలువ తగ్గింది.   ► అమెరికా–చైనాసహా భారత్‌ కీలక మార్కెట్లలో వజ్రాల డిమాండ్‌ను ప్రపంచ సవాళ్లు, అనిశ్చితి పరిస్థితులు  ప్రభావితం చేశాయి.   ► అయితే యూరప్‌ ఆగ్నేయాసియాలోని కొన్ని ప్రాంతాల్లో డిమాండ్‌ బాగానే ఉంది. రష్యన్‌ వజ్రాల సరఫరాల్లో అనిశ్చితి,  శుద్ధీకరణలో సవాళ్ల కారణంగా భారతదేశం ఇబ్బందులను ఎదుర్కొంది. ► రాబోయే నెలల్లో వజ్రాల రంగానికి స్థిరత్వం తిరిగి వస్తుందన్నది అంచనా.  ముఖ్యంగా చైనా,  దూర ప్రాశ్చ ఆసియాలో మెరుగైన పరిస్థితులు ఏర్పడతాయని విశ్వాసం ఉంది.   ► 2022 ఏప్రిల్‌ 2023 మార్చి మధ్య పసిడి ఆభరణాల ఎగుమతుల విలువ 11 శాతం పెరిగి రూ.75,636 కోట్లు (9,423 మిలియన్‌ డాలర్లు).  2021–22 ఆర్థిక సంవత్సరం మధ్య ఈ విలువ రూ.68,062.41 కోట్లు (9,130 మిలియన్‌ డాలర్లు).   ► ఇక 2022–23 ఆర్థిక సంవత్సరంలో వెండి ఆభరణాల ఎగుమతులు 16.02 శాతం పెరిగి రూ. 23,492.71 కోట్లకు (2,932 మిలియన్‌ డాలర్లు) పెరిగింది. 2021–22 ఇదే కాలంలో ఈ విలువ రూ. 20,248.09 కోట్లు (2,714.14 మిలియన్‌ డాలర్లు).

ముంబై: ప్రయోగశాలల్లో తయారు చేసిన వజ్రాల (ఎల్‌జీడీ) విక్రేతలు, కొనుగోలుదారులకు సంబంధించి గుజరాత్‌లోని సూరత్‌లో తొలిసారిగా సదస్సును ప్రారంభించినట్లు రత్నాభరణాల ఎగుమతుల ప్రోత్సాహక మండలి (జీజేఈపీసీ) తెలిపింది. ఇందులో 13 దేశాల నుంచి 22 మంది ఎగ్జిబిటర్లు పాల్గొంటున్నట్లు పేర్కొంది. మూడు రోజుల పాటు జరిగే ఈ సదస్సులో కొనుగోలుదారులు, విక్రేతలు ప్రత్యక్షంగా డీల్స్‌ గురించి చర్చించుకోవచ్చని, దీర్ఘకాలిక వ్యాపార సంబంధాలను కుదుర్చుకోవచ్చని వివరించింది. గత అయిదేళ్లుగా భారత్‌లో ఎల్‌జీడీ విభాగం గణనీయంగా పెరిగిందని జీజేఈపీసీ చైర్మన్‌ విపుల్‌ షా వివరించారు. 2016–17లో 131 మిలియన్‌ డాలర్లుగా ఉన్న ఎగుమతులు 2022 ఏప్రిల్‌–2023 ఫిబ్రవరి మధ్య కాలంలో 1.5 బిలియన్‌ డాలర్లకు చేరాయని తెలిపారు.

న్యూఢిల్లీ: రత్నాభరణాల (జెమ్స్‌ అండ్‌ జ్యుయలరీ) ఎగుమతులు జూన్‌లో జోరుగా సాగాయి. క్రితం ఏడాది ఇదే నెలతో పోలిస్తే 21.41 శాతం వృద్ధితో రూ.25,295 కోట్ల విలువ మేర ఎగుమతులు నమోదైనట్టు.. జెమ్‌ అండ్‌ జ్యులయరీ ఎగుమతి ప్రోత్సాహక మండలి (జీజేఈపీసీ) ప్రకటించింది. 2021 జూన్‌ నెలలో ఎగుమతుల విలువ రూ.20,835 కోట్లుగా ఉన్నట్టు పేర్కొంది. ఇక ప్రస్తుత ఆర్థిక సంవత్సరం మొదటి మూడు నెలల్లో (ఏప్రిల్‌ నుంచి జూన్‌ వరకు) రత్నాభరణాల ఎగుమతులు 15 శాతం పెరిగి రూ.77,049 కోట్లుగా ఉన్నాయి. అంతక్రితం ఏడాది ఇదే కాలంలో నమోదైన ఎగుమతులు రూ.67,231 కోట్లుగా ఉండడం గమనార్హం. యూఏఈతో సమగ్ర ఆర్థిక భాగస్వామ్య ఒప్పందం (భారత్‌–యూఏఈ సీఈపీఏ) చేసుకున్న తర్వాత మధ్య ప్రాచ్యానికి ఎగుమతుల్లో సానుకూల వృద్ధి కనిపించినట్టు జీజేఈపీసీ వివరించింది. కట్, పాలిష్డ్‌ వజ్రాల ఎగుమతులు జూన్‌లో 8 శాతానికి పైగా పెరిగి రూ.15,737 కోట్లుగా ఉన్నాయి. బంగారం ఆభరణాల ఎగుమతులు 35 శాతం వృద్ధితో రూ.5,641 కోట్లుగా ఉన్నాయి. వెండి ఆభరణాల ఎగుమతులు ఏప్రిల్‌–జూన్‌ మధ్య కాలంలో 35 శాతం పెరిగి రూ.6,258 కోట్లుగా ఉన్నాయి.   యూఏఈతో ఒప్పందం ఫలితాలు ‘‘భారత్‌–యూఏఈ సీఈపీఏ మే 1 నుంచి అమల్లోకి వచ్చింది. అదే నెలలో ప్లెయిన్‌ గోల్డ్‌ జ్యుయలరీ ఎగుమతులు యూఏఈకి 72 శాతం పెరిగి రూ.1,048 కోట్లుగా ఉన్నాయి. జూన్‌లోనూ 68 శాతం పెరిగి రూ.1,451 కోట్లుగా ఉన్నాయి’’ అని జీజేఈపీసీ వెల్లడించింది. మొత్తం మీద ఏప్రిల్‌ నుంచి జూన్‌ వరకు యూఏఈ వరకే ఎగుమతులు 10 శాతం వృద్ధితో రూ.9,803 కోట్లుగా నమోదయ్యాయి. ‘‘యూఏఈతో సీఈపీఏ ఒప్పందం వల్ల ప్లెయిన్‌ గోల్డ్‌ జ్యుయలరీ తక్షణమే లాభపడిన విభాగం. పరిమాణాత్మక మార్పును తీసుకొచ్చే విధానంతో మద్దతుగా నిలిచినందుకు వాణిజ్య శాఖకు ధన్యవాదాలు. ఈ ఒప్పందంలోని ప్రయోజనాలను భాగస్వాములు అందరూ వినియోగించుకుని లబ్ధి పొందాలి’’అని జీజేఈపీసీ చైర్మన్‌ కొలిన్‌ షా సూచించారు.


 న్యూఢిల్లీ: భారత్ బంగారు అభరణాల ఎగుమతులు గత నెలలో 70 శాతం తగ్గాయని జెమ్స్ అండ్ జ్యూయలరీ ఎక్స్‌పోర్ట్ ప్రమోషన్ కౌన్సిల్(జీజేఈపీసీ) తెలిపింది. బంగారం కొరతగా ఉండడం, దేశీయ మార్కెట్లో పరిమిత నిల్వల కారణంగా పుత్తడి ఆభరణాల ఎగుమతులు 70 శాతం క్షీణించి 44.14 కోట్ల డాలర్లకు తగ్గాయని జీజేఈపీసీ చైర్మన్ విపుల్ షా తెలిపారు. జీజేఈపీసీ వెల్లడించిన వివరాల ప్రకారం....,
  
      గత ఏడాది జూలైలో 150 కోట్ల డాలర్ల బంగా రం ఎగుమతులు జరిగాయి.
      బంగారం మెడళ్లు, నాణాలు ఎగమతులు 63 శాతం క్షీణించి 11.28 కోట్ల డాలర్లకు తగ్గాయి.
  
      అయితే వెండి ఆభరణాల ఎగుమతులు మాత్రం జోరుగా పెరిగాయి. ఈ ఎగుమతులు 184% వృద్ధితో 11 కోట్ల డాలర్లకు పెరిగాయి.
  
      మొత్తం మీద భారత దేశ రత్నాలు, ఆభరణాల ఎగుమతులు 17% క్షీణించి 249 కోట్ల డాలర్లకు తగ్గాయి. ఈ ఏడాది ఏప్రిల్    -జూలై కాలానికి ఈ ఎగుమతులు 14 శాతం క్షీణించి 1,100 కోట్ల డాలర్లకు చేరాయి.
  
      {పభుత్వం బంగారం దిగుమతులపై ఆంక్షలు విధించడంతో ఆభరణాల తయారీకి అవసరమైన పుత్తడి కొరత తీవ్రంగా ఉంది.
  
      {పపంచంలోనే అత్యధికంగా బంగారాన్ని దిగుమతి చేసుకునే దేశం మనదే.