ఘ‌జియాబాద్:  బ‌య‌టివాళ్ల‌ను అపార్ట్‌మెంట్ లోప‌లికి అనుమ‌తిస్తే జ‌రిమానాతో పాటు క‌రెంటు, నీళ్ల‌ను క‌ట్ చేస్తామంటూ ఉత్త‌ర‌ప్ర‌దేశ్ లోని ఘ‌జియాబాద్ అపార్ట్‌మెంట్ అసోసియేష‌న్ ప్ర‌క‌టించింది. క‌రోనా క‌ట్ట‌డిలో భాగంగా ఈ నిర్ణ‌యం తీసుకుంటున్న‌ట్లు నోటీసులు జారీ చేసింది.  దేశ వ్యాప్తంగా  క‌రోనా వైర‌స్ క‌రాళ‌నృత్యం చేస్తున్న నేప‌థ్యంలో ఈ క‌ఠిన నిబంధ‌న‌లు తెచ్చిన‌ట్లు పేర్కొంది. అపార్ట్‌మెంట్ వాసులు కొత్త‌వారిని లోప‌లికి అనుమ‌తిస్తే 11 వేల రూపాయ‌ల జ‌రిమానాతో పాటు నీళ్లు, క‌రెంట్   కూడా క‌ట్ చేస్తామ‌ని అసోసియేష‌న్ వెల్ల‌డించింది. అంతేకాకుండా జ‌రిమానా డ‌బ్బులు చెల్లించేంత వ‌ర‌కు క‌రెంట్, నీళ్ల సేవ‌లు  పున‌రిద్ద‌రించమంటూ తీవ్రంగా హెచ్చ‌రించింది. (స‌రుకులు తీసుకుర‌మ్మంటే అమ్మాయిని తెచ్చాడు) ఇప్ప‌టికే రాజ్‌న‌గ‌ర్ ఎక్స్‌టెన్ష‌న్‌లోని మూడు సొసైటీలు కంటైన్‌మెంట్ జోన్ల‌లోకి వెళ్ల‌డంతో ముందు జాగ్ర‌త్త చ‌ర్య‌గా ఈ నిర్ణ‌యం తీసుకున్న‌ట్లు తెలిపింది. నిబంధ‌న‌లు అతిక్ర‌మిస్తే లీగ‌ల్ నోటీసుల‌ను ఎదుర్కోవాల్సి వ‌స్తుంద‌ని కూడా హెచ్చ‌రించింది. తాజా నిబంధ‌న‌ల‌పై అపార్ట్‌మెంట్ వాసులు ఆగ్ర‌హం వ్య‌క్తం చేస్తున్నారు. త‌మ‌తో సంప్ర‌దించ‌కుండా ఎంత పెద్ద నిర్ణ‌యం ఎలా తీసుకున్నార‌ని ప్ర‌శ్నిస్తున్నారు. దీనిపై స్పందించిన అపార్ట్‌మెంట్ అసోసిషేయ‌న్ స‌భ్యులు నిబంధ‌న‌లు అతిక్ర‌మించిన రోడ్ల‌పైకి వచ్చేవారిపై పోలీసులు ఎలా చ‌ర్య‌లు తీసుకుంటున్నారో మేము కూడా అపార్ట్‌మెంట్ వాసుల సంక్షేమం దృష్ట్యా క‌ఠిన నిర్ణ‌యం తీసుకుంటున్న‌ట్లు తెలిపారు. ఈ మొత్తం డ‌బ్బును పీఎం కేర్స్ ఫండ్‌కు విరాళంగా ఇస్తామని అసోసియేష‌న్ ప్ర‌క‌టించింది.   


 సాక్షి, న్యూఢిల్లీ: ఆమ్ ఆద్మీ పార్టీ (ఆప్) నేత, మాజీ ముఖ్యమంత్రి అరవింద్ కేజ్రీవాల్ ఎట్టకేలకు తన పాత గూటికి తిరిగి చేరుకున్నారు. ముఖ్యమంత్రి పదవి చేపట్టిన తరువాత ప్రభుత్వం తనకు  కేటాయించిన అధికారిక నివాసాన్ని ఖాళీ చేసి కౌశాం బీలోని సొంత ఇంటికి మంగళవారం ప్రవేశించారు. సీఎం కాకముందు కేజ్రీవాల్ ఘజియాబాద్‌లోని కౌశాంబీ అపార్టుమెంటులోనే నివసించేవారు. ఐఆర్‌ఎస్ అధికారిణి అయిన తన భార్య సునీతకు మంజూరయిన ఫ్లాట్‌లో ఆయన నివాసముండేవారు. ముఖ్యమంత్రి అయిన తరువాత ఆయన నివాసం ఢిల్లీలోని తిలక్‌లేన్‌కు మారింది. అయితే 49 రోజులకే  ముఖ్యమంత్రి పదవికి రాజీనామా ఇవ్వడంతో అధికారిక నివాసాన్ని ఖాళీ చేయవలసి వచ్చింది.
  
  దేశవ్యాప్తంగా పర్యటించాల్సి రావడం, తన సంతానం చదువుల దృష్ట్యా ఆయన ఇప్పటి వరకు అధికారిక నివాసాన్ని ఖాళీ చేయలేదు. దీనిపై ప్రభుత్వం నుంచి ఆయన పలుసార్లు నోటీసులు కూడా అందుకున్నారు. ఢిల్లీ రాజకీయాలపై దృష్టి సారించిన కేజ్రీవాల్ ఇదేనగరంలో నివాసముండాలని అనుకున్నారు. అందుకే ఇళ్లు వెదికారు. ఒకటి రెండు చోట్ల  సంప్రదింపులు జరిగినప్పటికీ ఆయన అవసరాలకు తగిన ఇల్లు ఢిల్లీలో దోరకలేదు. దాని తో ఆయన కౌశాంబీలోని పాత ఇంటికే మకాం మార్చారు. ఈ ఫ్లాట్లో కేజ్రీవాల్.. భార్య, ఇద్దరు పిల్లలు, తల్లిదండ్రులతో కలిసి నివసిస్తారు.