గుజరాత్ పర్యటనలో ఉన్న ప్రధాని ప్రధాని నరేంద్ర మోదీ గిర్ వన్యప్రాణుల అభయారణ్యంలో జంగిల్ సఫారీలో పాల్గొన్నారు. రాష్ట్ర అటవీశాఖ గెస్ట్‌హౌస్‌ ‘సింగ్ సదన్’ నుంచి ప్రధానితో పాటు కొందరు మంత్రులు, అటవీ శాఖ సీనియర్ అధికారులు జంగిల్ సఫారీకి తరలి వెళ్లారు. ప్రధాని మోదీ ‘జంగిల్‌ సఫారీ’కి సంబంధించిన ఫొటోలు సోషల్‌ మీడియాలో వైరల్‌ అవుతున్నాయి. ఇంతకీ గిర్ వన్యప్రాణుల అభయారణ్యం ప్రత్యేకత ఏమిటి?ఆసియా సింహాల పరిరక్షణగుజరాత్‌లోని జునాగఢ్‌కు 65 కిలోమీటర్ల దూరంలో ఉన్న గిర్ నేషనల్ పార్క్ దేశంలోని ప్రధాన జాతీయ ఉద్యానవనాలలో ఒకటి. ఈ అభయారణ్యం దాదాపు 1412 చదరపు కిలోమీటర్ల విస్తీర్ణంలో విస్తరించి ఉంది. దీనిని 1965లో ఏర్పాటు చేశారు. దాదాపు రెండు శతాబ్దాల పాటు అరణ్యాలలో స్వతంత్రంగా తిరిగిన ఆసియా సింహాల పరిరక్షణకు గిర్ ప్రసిద్ధి చెందింది.1884 నుంచి గిర్ నేషనల్ పార్క్ అంతరించిపోతున్న ఆసియా సింహాలకు ఏకైక సహజ నివాసంగా ఉంది. ఆసియా సింహాలతో సహా దాదాపు 2,375 విభిన్న వన్యప్రాణుల జాతులకు గిర్ అభయారణ్యం ఆశ్రయం కల్పిస్తున్నది. గిర్ వన్యప్రాణుల అభయారణ్యం అందమైన నల్సరోవర్ సరస్సు సమీపంలో ఉంది. ఆసియా సింహాలు, ఆఫ్రికన్ సింహాలు రెండూ ఒకే జాతికి చెందిన ఉపజాతులు. ఆసియా సింహాలు.. ఆఫ్రికన్ సింహాల నుండి లక్ష సంవత్సరాల క్రితం విడిపోయాయి. ఆసియా సింహాలు ఒకప్పుడు మధ్యప్రాచ్యం నుండి భారతదేశానికి తరలివచ్చాయి. ఇప్పుడు వీటిలో కొన్ని జాతులు మాత్రమే అడవుల్లో మనుగడలో ఉన్నాయి.‘గిర్‌’ చుట్టుపక్కల పర్యాటక ఆకర్షణలుకమలేశ్వర్ ఆనకట్టతులసి శ్యామ్ ఆలయంగిరిజన స్థావరాలుఉపర్కోట్ కోటసోమనాథ్ ఆలయందేవలియా సఫారీ పార్క్జంజీర్ జలపాతంసఫారీ ఎలా చేయాలి?గిర్‌ అభయారణ్యంలో సఫారీ చేయాలనుకుంటే ముందుగానే జీప్ సఫారీని ఆన్‌లైన్‌లో బుక్ చేసుకోవాలి. పార్క్ లోపలికి ప్రవేశించేటప్పుడు ఐడీ ప్రూఫ్‌లను చూపించాలి. జంగిల్ సఫారీ వైపు వెళ్లేటప్పుడు సౌకర్యవంతమైన దుస్తులను ధరించాలి. పార్క్ లోపల ధూమపానం, మద్యపానం నిషేధించారు.ప్రాజెక్ట్ లయన్ఆసియాటిక్ సింహాల సంరక్షణకు కేంద్ర ప్రభుత్వం ‘ప్రాజెక్ట్ లయన్’ కింద రూ.2,900 కోట్లకు పైగా నిధులు మంజూరు చేసింది. ప్రస్తుతం గుజరాత్‌లోని తొమ్మిది జిల్లాల్లోని 53 తాలూకాల్లో ఆసియా సింహాలు దాదాపు 30,000 చదరపు కిలోమీటర్ల విస్తీర్ణంలో నివసిస్తున్నాయని ప్రభుత్వం ప్రకటించింది. జునాగఢ్ జిల్లాలోని న్యూ పిపాల్య వద్ద 20.24 హెక్టార్లకు పైగా భూభాగంలో వన్యప్రాణుల వైద్య నిర్ధారణ, వ్యాధి నివారణ కోసం 'నేషనల్ రెఫరల్ సెంటర్’ను ప్రభుత​ం ఏర్పాటు చేయనుంది.👉:​​​​​​​ (ఫోటో గ్యాలరీ కోసం ఇక్కడ క్లిక్ చేయండి)ఇది కూడా చదవండి: ఆకర్షించే స్క్వేర్ వేవ్స్.. దగ్గరకు వెళ్తే అంతే సంగతులు


 సాధారణంగా ఎక్కడైనా పులులు మనుషులను చంపి తింటాయి. కానీ, గుజరాత్‌లోని గిర్ అడ వులలో అత్యంత అరుదైన ఘటన జరిగింది. ఏడేళ్ల అబ్బాయిని, ఓ మహిళను సింహాలు చంపి తినేశాయి. ఈ రెండు మరణాలు వేర్వురు ఘటనలలో గుజరాత్‌లో ఇలా జరగడం ఇదే మొదటిసారి అంటున్నారు. 2010లో గిర్ అడవుల్లో 411 సింహాలు మాత్రమే ఉండగా, 2015 నాటికి వాటి సంఖ్య 523కు పెరిగింది.
 
 గిర్-సోమనాథ్ జిల్లాలోని మలియా హతినా తాలూకాలో గల బాబ్రా విర్ది గ్రామానికి చెందిన ఏడు సంవత్సరాల వయసున్న రోహిత్ అనే అబ్బాయి తన తండ్రి రుమల్ ఆదివాసితో కలిసి బయటకు వెళ్లినప్పుడు ఓ మగసింహం దాడిచేసింది. రోహిత్‌ను సింహం అడవిలోకి లాక్కెళ్లిపోవడంతో అతడి తండ్రి సాయం కోసం అరిచాడు. సమీప గ్రామస్తులు వెంటనే వచ్చి అడవిలోకి వెళ్లినా.. అప్పటికే సింహం ఆ పిల్లాడిని చంపేసి ముక్కలు చేసేసింది. ఆ సింహం మ్యాన్ ఈటర్‌గా మారుతుందన్న భయంతో, అటవీ శాఖాధికారులు తర్వాత దాన్ని పట్టుకున్నారు.
 
 మరో సంఘటన జునాగఢ్ జిల్లాలోని భేసన్ తాలుకా సమత్పరా గ్రామంలో జరిగింది. అక్కడ హన్సాబెన్ ధమేచా (45) అనే మహిళ గ్రామం బయట కట్టెలు కొట్టుకుని తెచ్చుకోడానికి వెళ్లినప్పుడు ఆమెపై సింహం దాడి చేసింది. ఆమెను సమీపంలోని పీహెచ్‌సీకి తరలించగా, అప్పటికే మరణించినట్లు వైద్యులు తెలిపారు. సాధారణంగా సింహాలను ఎవరైనా రెచ్చగొడితే తప్ప అవి మనుషుల మీద దాడులు చేయవని, ఇది చాలా అరుదని అటవీశాఖ చీఫ్ కన్జర్వేటర్ ఏపీ సింగ్ తెలిపారు.