సాక్షాత్తూ సర్కార్ వారి సాంస్కృతిక కార్యక్రమంలోనే అశ్లీల నృత్యాలు చేయడం బిహార్‌లో దుమారం రేపుతోంది. 'బిహార్ దివస్' సందర్భంగా సీతామర్హి జిల్లాలో సాంస్కృతిక కార్యక్రమాల పేరిట ఇటీవల రికార్డింగ్ డ్యాన్స్ ను ఏర్పాటు చేశారు. ఈ కార్యక్రమంలో అమ్మాయిలు అశ్లీలంగా నృత్యాలు చేస్తున్న వీడియో ప్రస్తుతం ఆన్‌లైన్‌లో హల్‌చల్ చేస్తోంది.
 
 పొట్టి దుస్తుల్లో అమ్మాయిలు అశ్లీల నృత్యాలు చేస్తుండగా చుట్టూ మూగిన వ్యక్తులు వారికి డబ్బులు ఈ వీడియోలో కనిపిస్తుంది. సాక్షాత్తూ సీతామర్హి నగర పరిషత్‌ అధికారికంగా నిర్వహించిన ఈ సాంస్కృతిక వేడుకల్లో అశ్లీల నృత్యాలు చేయడం వివాదం రేపుతోంది. ఈ అశ్లీల నృత్యాలపై స్థానికులు ఆగ్రహం వ్యక్తం చేస్తున్నారు. ప్రభుత్వ సొమ్ముతో ఇలాంటి అసభ్యకరమైన కార్యక్రమాలు ఏర్పాటుచేయడమేమిటని ప్రశ్నిస్తున్నారు.