లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) ఏజెంట్లు, ఉద్యోగులకు కేంద్ర ప్రభుత్వం వరాల జల్లు కురిపించింది. ఎల్‌ఐసీ ఏజెంట్లు, ఉ‍ద్యోగుల ప్రయోజనాల కోసం సంక్షేమ చర్యలను కేంద్ర ఆర్థిక శాఖ ఆమోదించింది.  ఎల్‌ఐసీ ఏజెంట్ల (LIC agents) గ్రాట్యుటీ పరిమితిని రూ. 3 లక్షల నుంచి రూ. 5 లక్షలకు పెంచాలని కేంద్ర ఆర్థిక  శాఖ నిర్ణయించింది. అలాగే ప్రస్తుతం రూ. 3,000 నుంచి రూ.10,000 స్థాయిలో ఉన్న టర్మ్ ఇన్సూరెన్స్ కవర్‌ను రూ. 25,000 నుంచి రూ.150,000 స్థాయికి పెంచేందుకు అంగీకరిచింది. (PM Vishwakarma Scheme: రూ.13,000 కోట్లతో కేంద్ర ప్రభుత్వ కొత్త పథకం.. ప్రయోజనాలు ఇవే..)  టర్మ్ ఇన్సూరెన్స్‌లో ఈ పెంపుదలతో మరణించిన ఏజెంట్ల కుటుంబాలకు గణనీయంగా ప్రయోజనం చేకూరుతుందని భావిస్తున్నారు. అలాగే ఎల్‌ఐసీ ఉద్యోగుల కుటుంబాల సంక్షేమం కోసం 30 శాతం చొప్పున కుటుంబ పింఛను ఇవ్వాలని నిర్ణయించారు. దేశంలో ఎల్‌ఐసీ వృద్ధి, బీమా విస్తరణలో కీలక పాత్ర పోషిస్తున్న 13 లక్షలకు పైగా ఏజెంట్లు, లక్ష మందికి పైగా ఉద్యోగులు ఈ సంక్షేమ చర్యల ద్వారా ప్రయోజనం పొందుతారని కేంద్ర ఆర్థిక శాఖ తెలిపింది. (EPFO:వేతన జీవులకు షాక్‌.. తగ్గనున్న పీఎఫ్‌ వడ్డీ!)


 - కొత్త తిరకాసు పెట్టిన ప్రభుత్వం
 - 1999 నాటి జీవో ప్రకారం లెక్కించనున్నట్లుగా ఉత్తర్వులు
 - మార్చి తర్వాత రిటైరైనవారికి నగదు రూపంలో చెల్లింపు.. బకాయిలపై దాటవేత
 - గ్రాట్యుటీ రూ.12 లక్షలకు, మెడికల్ అలవెన్స్ రూ. 350కు, డెత్ రిలీఫ్ రూ. 20 వేలకు పెంపు
 - మూడు ఉత్తర్వులు జారీ చేసిన ఆర్థిక శాఖ
  
 సాక్షి, హైదరాబాద్: రిటైరైన ఉద్యోగులకు చెల్లించే గ్రాట్యుటీ లెక్కింపులో రాష్ట్ర ప్రభుత్వం కొత్త తిరకాసు పెట్టింది. ప్రస్తుతం చివరి నెల మూలవేతనం, డీఏ కలిపిన మొత్తంపై 16.5 రెట్లు లేదా ప్రభుత్వం నిర్దేశించిన రూ.8 లక్షలు.. ఈ రెండింటిలో ఏది తక్కువైతే దానిని గ్రాట్యుటీగా చెల్లిస్తున్నారు. 2010 ఏప్రిల్ 6న జారీ చేసిన జీవో నం.101, 2011 ఏప్రిల్ 1న జారీ చేసిన జీవోలను అందుకు ప్రాతిపదికగా భావిస్తున్నారు.
 
 అయితే ఆ రెండు జీవోల ఊసెత్తకుండా 1999 జనవరి 30న జారీ చేసిన జీవో నం.14లోని మూడో పేరా ప్రకారం గ్రాట్యుటీని లెక్కించనున్నట్లుగా తాజాగా ఆర్థిక శాఖ ఉత్తర్వులు జారీ చేసింది. ఈ లెక్కన కేవలం మూల వేతనంపై మాత్రమే గ్రాట్యుటీ వర్తిస్తుందని, డీఏను కలపకుండా ఆర్థిక శాఖ ఈ మెలిక పెట్టిందని ఉద్యోగ, ఉపాధ్యాయ సంఘాలు ఆందోళన వ్యక్తం చేస్తున్నాయి. రెండు నెలలుగా పెండింగ్‌లో ఉన్న గ్రాట్యుటీతో పాటు పెన్షనర్ల మెడికల్ అలవెన్స్, డెత్ రిలీఫ్ అలవెన్స్‌లకు సంబంధించిన మూడు జీవోలను ఆర్థిక శాఖ కార్యదర్శి శివశంకర్ మంగళవారం జారీ చేశారు.
 
 పదో పీఆర్సీ సిఫారసుల ప్రకారం గ్రాట్యుటీ పరిమితిని రూ.8 లక్షల నుంచి రూ.12 లక్షలకు పెంచినట్లు ఉత్తర్వుల్లో తెలిపారు. గత ఏడాది జూన్ 2 తర్వాత రిటైరైన ఉద్యోగులందరికీ ఈ ప్రయోజనం వర్తిస్తుందని ఉత్తర్వుల్లో పేర్కొన్నారు. అయితే  2014 జూన్ 2 నుంచి 2015 ఫిబ్రవరి 28 మధ్య రిటైరైన ఉద్యోగులకు చెల్లించాల్సిన గ్రాట్యుటీ వ్యత్యాస బకాయిలను ప్రభుత్వం పెండింగ్‌లో పెట్టారు. ఇందుకు సంబంధించిన ఉత్తర్వులు విడిగా తదుపరి జారీచేస్తామని.. మార్చి నెల తర్వాత రిటైరైన ఉద్యోగులకు నగదు రూపంలో అందిస్తామని పేర్కొన్నారు.
 
 ఇక పెన్షనర్లకు నెలనెలా వైద్య ఖర్చులకు ఇచ్చే మెడికల్ అలవెన్స్‌ను రూ.200 నుంచి రూ.350కి పెంచుతూ మరో ఉత్తర్వు జారీ చేశారు. కేటగిరీ వన్, కేటగిరీ టూ పెన్షనర్లకు ఫ్యామిలీ పెన్షన్ సీలింగ్‌ను రూ.6,500కు పెంచారు. పెన్షనర్ల వయసు పెరిగే కొద్దీ అదనంగా ఇచ్చే పెన్షన్(అడిషనల్ క్వాంటమ్ ఆఫ్ పెన్షన్) గతంలో ఉన్నట్లుగానే వర్తిస్తుందని స్పష్టం చేశారు. పెన్షనర్లు మరణించిన సందర్భంలో ఇచ్చే డెత్ రిలీఫ్ అలవెన్స్‌ను రూ.10 వేల నుంచి రూ.20వేలకు పెంచుతూ ప్రత్యేకంగా జీవో జారీ చేశారు.


 * ప్రభుత్వోద్యోగులకు రెట్టింపు వేతనాలు
 * పదో పీఆర్‌సీ అమలుపై తెలంగాణ, ఏపీ కసరత్తు
 * అన్ని స్థాయిల్లో జీతాల పెంపునకు పీఆర్‌సీ సిఫారసు
 * సీనియర్ అసిస్టెంట్, జూనియర్ లెక్చరర్లకు అదనపు పెంపు
 * అలవెన్సుల్లో 50 శాతం నుంచి 75 శాతం పెరుగుదల
 * 70 ఏళ్ల నుంచే అదనపు పెన్షన్.. రెండేళ్లకు పెరగనున్న
 * చైల్డ్ కేర్ లీవ్, గ్రాట్యుటీ పరిమితి రూ. 12 లక్షలు
 * 15 వేల మంది ఎంటీఎస్ ఉద్యోగుల క్రమబద్ధీకరణకు సూచన
 * వేతన సంఘం నివేదికలోని వివరాలు ‘సాక్షి’కి ప్రత్యేకం
 
 చింతకింది గణేష్: ఇరు రాష్ట్రాల్లోని ప్రభుత్వోద్యోగుల వేతనాలను భారీగా పెంచాలని వేతన సవరణ సంఘం(పీఆర్‌సీ) సిఫారసు చేసింది. పదో పీఆర్‌సీ నివేదిక ప్రకారం ఉద్యోగుల కనీస వేతనం దాదాపు రెట్టింపు కానుంది. అన్ని స్థాయిల్లోనూ ఇదే పెంపు కొనసాగనుంది. ఈ సిఫారసులను ఏపీ, తెలంగాణ ప్రభుత్వాలు యథాతథంగా అమలు చేస్తే లక్షలాది మంది ఉద్యోగులకు అనేక ప్రయోజనాలు చేకూరనున్నాయి. విశ్వసనీయ సమాచారం మేరకు మహిళా ఉద్యోగులకు పిల్లల సంరక్షణ సెలవు (చైల్డ్ కేర్ లీవ్)లను ఆరు నెలల నుంచి రెండేళ్లకు పెంచాలని, 15 వేల మంది మినిమమ్ టైం స్కేల్(ఎంటీఎస్) ఉద్యోగుల సర్వీసును క్రమబద్ధీకరించాలని, ఇందుకోసం చట్ట సవరణ చేయాలని పీఆర్‌సీ సూచించింది.
 
 గ్రాట్యుటీని రూ. 12 లక్షలకు పెంచడం, 70 ఏళ్లకే అదనపు పెన్షన్ పొందే సౌకర్యం, ఐదు స్టాగ్నేషన్ ఇంక్రిమెంట్లు ఇవ్వడం వంటి సిఫారసులు చేసింది. ఈ మేరకు నివేదికను పీఆర్‌సీ కమిషనర్ అగర్వాల్ రాష్ట్ర విభజనకు కొద్ది రోజుల ముందే గవర్నర్ నరసింహన్‌కు అందజేశారు. రెండు రాష్ట్రాల్లో ప్రభుత్వాలు ఏర్పడిన తర్వాత ఆ నివేదిక ఇరు రాష్ట్రాలకు చేరింది. తెలంగాణ ముఖ్యమంత్రి కె.చంద్రశేఖర్‌రావు ఇప్పటికే దాన్ని ఆర్థిక శాఖ పరిశీలనకు పంపించారు. అలాగే ఈ అంశాన్ని పరిశీలించేందుకు ఇటీవల ఉన్నతస్థాయి కమిటీని కూడా వేశారు.
 
 ఇక పీఆర్‌సీ సిఫారసులపై ఉద్యోగ సంఘాలతో చర్చించేందుకు మంత్రుల కమిటీ వేయాలని ఏపీ సర్కారు నిర్ణయించింది. ప్రాథమిక లెక్కల ప్రకారం తెలంగాణలో 4,97,882 పోస్టులు ఉండగా.. 3,99,866 మంది ఉద్యోగులు పని చేస్తున్నారు. ఆంధ్రప్రదేశ్‌లో 6,80,516 పోస్టులు ఉండగా.. 5,41,769 మంది ఉద్యోగులు పని చేస్తున్నారు. ఆంధ్రప్రదేశ్‌లో 6,80,516 పోస్టులు ఉండగా.. 5,41,769 మంది  పని చేస్తున్నారు. వీరితోపాటు మరో ఐదు లక్ష ల మందికిపైగా పెన్షనర్లకు ఈ పీఆర్‌సీని వర్తింపజేయాల్సి ఉంటుంది. పీఆర్‌సీ నివేదికలోని వివరాలను ‘సాక్షి’ ప్రత్యేకంగా సేకరించింది.
 
 కనీస వేతనం రూ. 13 వేలు
 పీఆర్‌సీ సిఫారసుల ప్రకారం ఉద్యోగుల కనీస వేతనం రూ. 13 వేలుగా ఉండబోతోంది. పెరిగిన ధరలకు అనుగుణంగా ప్రస్తుతం రూ. 6,700గా ఉన్న కనీస వేతనాన్ని రూ. 13 వేలు చేయాలని వేతన సవరణ సంఘం తన నివేదికలో పేర్కొంది. ఇక గరిష్ట వేతనం రూ. 1,08,500గా నిర్ణయించింది. తొమ్మిదో పీఆర్‌సీలో సవరించిన ఇంటి అద్దె భత్యాన్ని, ఎల్టీసీని అలాగే కొనసాగించాలని, సిటీ కాంపెన్సేటరీ అలవెన్సును(సీసీఏ) రెట్టింపు చేయాలని, ఆటోమేటిక్ అడ్వాన్స్‌మెంట్ స్కీంను కూడా యథాతథంగానే ఉంచాలని, ఇతర అలవెన్సులను 50 శాతం నుంచి 75 శాతం వరకు పెంచాలని సిఫారసు చేసింది.
 
 ఇక పదవీ విమరణ చేసిన ఉద్యోగులకు ఇప్పటివరకు 75 ఏళ్ల వయస్సు వచ్చాకే 25 శాతం వరకు అదనపు పెన్షన్ అందుతోంది. ఈ వయసును 70 ఏళ్లకు కుదించాలని పదో పీఆర్‌సీ సూచించింది. ఉద్యోగుల గ్రాట్యుటీ పెంపును కూడా ప్రతిపాదించింది. గత పీఆర్‌సీలో రూ. 8 లక్షలుగా ఉన్న గ్రాట్యుటీని రూ. 12 లక్షలకు పెంచాలని పేర్కొంది.
 
 రెండేళ్ల చైల్డ్ కేర్ లీవ్..
 చైల్డ్ కేర్ లీవ్‌ను రెండేళ్లకు పెంచాలని పేర్కొంది. మహిళా ఉద్యోగులు 730 రోజుల శిశు సంరక్షణ సెలవులు పొందడానికి అర్హులుగా తెలిపింది. 18ఏళ్లలోపు బాలబాలికలు ఉన్న వారు ఈ సెలవులు తీసుకోవచ్చు. గత పీఆర్‌సీ ప్రకారం ఈ సెలవుల పరిమితి 180 రోజులు మాత్రమే. అది ఇద్దరు పిల్లలకు మాత్రమే వర్తిస్తుందనే నిబంధన ఉంది. వేతనాల పెరుగుదలలో భాగంగా ఉద్యోగికి నిర్దేశించిన గరిష్ట వేతనం దాటితే అదనంగా మూడు స్టాగ్నేషన్ ఇంక్రిమెంట్లు మాత్రమే పొందవచ్చని గత పీఆర్‌సీలో ఉంది. ప్రస్తుతం దాన్ని ఐదు ఇంక్రిమెంట్లకు పెంచుతూ సిఫారసు చేసింది.
 
 వేతన వ్యత్యాసాలు లేకుండా జాగ్రత్తలు
 ఒకే స్థాయిలో పని చేస్తున్న ఉద్యోగుల వేతనాల్లో వ్యత్యాసాలను తగ్గించేందుకు పదో పీఆర్‌సీ జాగ్రత్తలు తీసుకుంది. ముఖ్యంగా మండల స్థాయిలో పనిచేసే ఎంపీడీవో, వ్యవసాయ అధికారులు, మండల విద్యా అధికారులతోపాటు సీనియర్ అసిస్టెంట్లకు అదనంగా వేతనాల పెంపు ను సిఫారసు చేసింది. జూనియర్ లెక్చర ర్లకు కూడా అదనంగా వేతనాన్ని పెంచాలని పేర్కొం ది. ప్రస్తుతం రూ. 18,030-43,630 ఉన్న స్కేలును అదనపు పెంపుతో రూ. 37,100-91,450గా చేయాలని సిఫారసు చేసింది.
 
 ఫిట్‌మెంట్ బెనిఫిట్ ఎంత?
 పీఆర్‌సీ అమలు కోసం ఇరు రాష్ట్రాల్లోని ఉద్యోగులు కొంతకాలంగా ఎదురుచూస్తున్నారు. సాధారణంగా పీఆర్‌సీ సిఫారసులనే ప్రభుత్వం ఆమోదిస్తుంది. అయితే ప్రధానమైన ఫిట్‌మెంట్ బెనిఫిట్‌ను మా త్రం సమాలోచనలు జరిపి ఖరారు చేస్తుం ది. 29 శాతం ఫిట్‌మెంట్‌ను పదో పీఆర్‌సీ సిఫారసు చేయగా, ఉద్యోగ సంఘాలు మాత్రం 63 శాతం ఫిట్‌మెంట్‌ను ఆడుగుతున్నాయి. మరోవైపు ప్రభుత్వ వర్గాలు 35 శాతం వరకు ఫిట్‌మెంట్ ఇస్తే సరిపోతుం దని ఆలోచిస్తున్నాయి. అయితే గత పీఆర్‌సీలో ఇచ్చిన 39 శాతం దాటాల్సిందేనని, కనీసంగా 45 శాతం వరకైనా ఫిట్‌మెంట్ బెనిఫిట్ ను రాబట్టుకోవాలని ఉద్యోగులు పట్టుదలగా ఉన్నారు.
 
 చివరకు 42 శాతం ఫిట్‌మెంట్ ఖరారవడం ఖాయమని కింది స్థాయి ఉద్యోగులు విశ్వసిస్తున్నారు. మరో ప్రధానాంశమైన మానిటరీ బెనిఫిట్‌పైనా ఉద్యోగుల్లో ఉత్కంఠ నెలకొంది. వాస్తవానికి 2013 జూలై 1 నుంచే పదో పీఆర్‌సీ అమల్లోకి రావాలి. కానీ నివేదిక రూపకల్పనలో జాప్యం, ఎన్నికలు ముంచుకురావడంతో పీఆర్‌సీ అమలు ఆలస్యమైంది. ప్రస్తుతం దీనిపై ఇరు ప్రభుత్వాలు దృష్టి సారించడంతో మానిటరీ బెనిఫిట్ ఎప్పటి నుంచి ఇస్తారన్న చర్చ జరుగుతోంది. 2013 జూలై 1 నుంచి 2014 జూలై 1వ తేదీ వరకు నోషనల్‌గా ఇచ్చి, ఆ తర్వాత నుంచి మానిటరీ బెనిఫిట్ ఇస్తారా లేక 2013 జూలై 1 నుంచి ఇప్పటి వరకు నోషనల్‌గా ఇస్తారా అన్నది ఉత్కంఠగా మారింది.