కుప్పం: చిత్తూరు జిల్లా కుప్పం మండలంలోని గుడ్లనాయినిపల్లి అటవీ ప్రాంతంలో ఓ వ్యక్తిని దుండగులు అత్యంత దారుణంగా హతమార్చారు. వ్యక్తిని హత్య చేసిన అనంతరం గుర్తు పట్టేందుకు ఆనవాళ్లు లేకుండా చేశారు. మృతదేహం తల భాగాన్ని పెట్రోల్ పోసి తగులబెట్టారు.
 శనివారం ఉదయం ఈ ఘటన వెలుగు చూసింది. దారిన పోయే వాళ్లు గుర్తించి పోలీసులకు సమాచారం అందించగా... వారు ఘటనా స్థలానికి చేరుకుని దర్యాప్తు ప్రారంభించారు. హత్యకు గురైన వ్యక్తి వివరాలు వెల్లడి కావాల్సి ఉంది.