పెద్దఅడిశర్లపల్లి : జొన్నలగడ్డ శివ దర్శకత్వంలో నిర్మిస్తున్న పోలీస్‌ పవర్‌ చిత్రంలోని ఓ ఫైట్‌ సన్నివేశంలో మండలంలోని పేర్వాల పంచాయతీ పరిధిలోని గుర్రపుతండాకు చెందిన అలేకియా బంజార ఆంగ్ల మాధ్యమ పాఠశాలకు చెందిన 13 మంది విద్యార్థులతో పాటు కరాటే మాస్టర్‌ రవినాయక్‌ గురువారం పాల్గొన్నారు. ఈ చిత్రానికి దర్శకత్వం వహించడంతో పాటు హీరోగానూ జొన్నలగడ్డ శివ నటిస్తున్నారు. ఫైట్‌ మాస్టర్‌గా అభిలాశ్‌ నేతృత్వం వహిస్తున్నారు. ప్రస్తుతం ఈ చిత్రం షూటింగ్‌ హైదరాబాద్‌లో కొనసాగుతోంది. షూటింగ్‌లో పాల్గొన్న విద్యార్థులు సునీల్, సురేశ్, నరేశ్, చింటు, జగన్, విజయ్‌కుమార్, సతీశ్, జగన్, అనిల్, ప్రణయ్, ప్రవీణ్, గిరిబాబు, మునిలను పాఠశాల కరస్పాండెంట్‌ సుజాత నాయక్, ప్రిన్సిపాల్‌ సామ్యేల్‌కుమార్, ఉపాధ్యాయులు అభినందించారు.