బుధవారం శ్రీ 18 శ్రీ జూన్‌ శ్రీ 2025– 8లోuమార్గదర్శకాలు పాటించని మెడికల్‌ కాలేజీలు ● కనీస వసతులు కరువు ● కొత్త మెడికల్‌ కాలేజీలతోపాటు కేఎంసీకీ షోకాజ్‌ ● 50నుంచి 70శాతం ఖాళీలతో నడుస్తున్న వైనం ● ఒక్క కేఎంసీలోనే ఖాళీగా 130 వైద్యపోస్టులు ● ప్రశ్నార్థకంగా కాలేజీల నిర్వహణ న్యూస్‌రీల్‌

వరంగల్‌ అర్బన్‌: అన్ని విభాగాల అధికారులు, సిబ్బంది సమన్వయంతో పనిచేస్తూ నగరవాసులకు మెరుగైన సేవలు అందించాలని మేయర్‌ గుండు సుధారాణి సూచించారు. మంగళవారం బల్దియా ప్రధాన కార్యాలయంలో అన్ని విభాగాల అధికారులు, సిబ్బందితో కమిషనర్‌ చాహత్‌ బాజ్‌పాయ్‌తో కలిసి మేయర్‌ సమీక్షించారు. ఈ సందర్భంగా అధికారులు తమతమ విభాగాల పనితీరును వివరించారు. పారిశుద్ధ్య నిర్వహణ, వాహనాల మరమ్మతులు పక్కాగా చేపట్టాలని మేయర్‌, కమిషనర్‌లు ఆదేశించారు. వర్షాల సమయంలో నగరంలోని లోతట్టు ప్రాంతాలు ముంపునకు గురి కాకుండా ముందస్తుగా చర్యలు చేపట్టాలన్నారు. సాధారణ, 15వ ఫైనాన్స్‌, స్టేట్‌ ఫైనాన్స్‌ తదితర నిధులతో చేపట్టిన, కొనసాగుతున్న పనులను త్వరగా పూర్తి చేయాలని ఆదేశించారు. భవన నిర్మాణాలు, లే అవుట్ల అనుమతులు, ఎల్‌ఆర్‌ఎస్‌ పురోగతిని అడిగి తెలుసుకున్నారు. హార్టికల్చర్‌ విభాగం ద్వారా నర్సరీల నిర్వహణ, అమృత్‌ 2.0, వన మహోత్సవం తదితర అంశాలపై సమీక్షించారు. అనంతరం 37 మంది సఫాయి మిత్ర కార్మికులకు, సెప్టిక్‌ ట్యాంక్‌ ఆపరేటర్లకు పీపీఈ కిట్లను అందజేశారు. సమావేశంలో అడిషనల్‌ కమిషనర్‌ జోనా, ఇన్‌చార్జ్‌ సిటీ ప్లానర్‌ రవీందర్‌ రాడేకర్‌, ఇన్‌చార్జ్‌ ఎస్‌ఈ శ్రీనివాస్‌, సీఎంహెచ్‌ఓ డాక్టర్‌ రాజారెడ్డి, తదితరులు పాల్గొన్నారు. అనంతరం బాలసముద్రంలోని వెహికిల్‌ షెడ్డును తనిఖీ చేసి పలు సూచనలు చేశారు. మేయర్‌ గుండు సుధారాణి, కమిషనర్‌ చాహత్‌ బాజ్‌పాయ్‌

ఎంజీఎం : సీజనల్‌ వ్యాధులతో అప్రమత్తంగా ఉండాలని హనుమకొండ జిల్లా వైద్యాధికారి అప్పయ్య వైద్యాధికారులు, సిబ్బందికి సూచించారు. మంగళవారం హనుమకొండ కలెక్టరేట్‌లోని డీఎంహెచ్‌ఓ కార్యాలయంలో హనుమకొండ పరిధిలోని పట్టణ ఆరోగ్య కేంద్రాలు, కడిపికొండ పీహెచ్‌సీకి చెందిన డాక్టర్లు, సూపర్‌వైజర్లతో సమీక్ష నిర్వహించారు. ఈ సందర్భంగా డీఎంహెచ్‌ఓ అప్పయ్య మాట్లాడుతూ.. స్టాప్‌ డయేరియా క్యాంపెయిన్‌లో భాగంగా 15 రోజులపాటు పిల్లలు అతిసార వ్యాధి బారినపడకుండా తీసుకోవాల్సిన జాగ్రత్తలపై తల్లిదండ్రులకు అవగాహన కల్పించాలని, జింక్‌ ట్యాబెట్లు అందుబాటులో ఉంచుకోవాలని ఆదేశించారు. డెంగీ, మలేరియా కేసులు రాకుండా సంబంధిత విభాగాలతో సమన్వయం చేస్తూ ప్రజలకు అవగాహన కల్పిస్తూ పాజిటివ్‌ వచ్చిన ప్రాంతాల్లో తగిన చర్యలు తీసుకోవాలని సూచించారు. ప్రతి మంగళ, శుక్రవారాల్లో తప్పకుండా డ్రై డే పాటించేలా ప్రజలకు విస్తృతంగా అవగాహన కల్పించాలన్నారు. టీబీ చికిత్స పొందుతున్న కుటుంబ సభ్యులకు పరీక్షలు నిర్వహించాలని, వారి పోషణకు సంబంధించిన అవగాహన, తీసుకోవాల్సిన జాగ్రత్తలను వివరించాలన్నారు. ఈ సమావేశంలో డిప్యూటీ డీఎంహెచ్‌ఓ డాక్టర్‌ విజయకుమార్‌, అదనపు డీఎంహెచ్‌ఓ, ఇన్‌చార్జ్‌ మలేరియా అధికారి డాక్టర్‌ మదన్‌మోహన్‌రావు, జిల్లా ఇమ్యూనైజేషన్‌ అధికారి మహేందర్‌, జిల్లా టీబీ నియంత్రణ అధికారి హిమబిందు, ప్రోగ్రాం అధికారి ఇక్తాదర్‌ అహ్మద్‌, ఎన్‌సీడీ, మాతా శిశు సంక్షేమ రక్ష ప్రోగ్రాం అధికారి మంజుల, వైద్యాధికారులు పాల్గొన్నారు.హనుమకొండ డీఎంహెచ్‌ఓ అప్పయ్య

మరోసారి వివాదంలో వరంగల్‌ ఖాకీలుసాక్షి, వరంగల్‌ : వరంగల్‌ డివిజన్‌ పోలీసుల తీరు మారడం లేదు.. తరచూ ఏదో ఒక వివాదంలో చిక్కుకుంటున్నారు. తమ స్టేషన్‌ పరిధితోపాటు హద్దులు దాటి మరీ వరంగల్‌ తూర్పులోని ముఖ్య నేతకు బందోబస్తుగా వెళ్లడం దుమారం రేపుతోంది. గతంలో స్టేషన్‌ ఘన్‌పూర్‌లోని ఆలయానికి వెళ్లిన మాజీ ఎమ్మెల్సీ కొండా మురళికి ఎస్కార్ట్‌గా వ్యవహరించిన మిల్స్‌ కాలనీ సీఐ మల్లయ్యను ఐజీ కార్యాలయానికి అటాచ్‌ చేసిన విషయం తెలిసిందే. ఈ తరహాలోనే ఇటీవల వరంగల్‌ తూర్పులో జరిగిన ఓ కార్యక్రమానికి హాజరైన కొండా మురళికి పోలీసుస్టేషన్‌లో తమ విధులు వదిలి బందోబస్తుగా వెళ్లిన వరంగల్‌ డివిజన్‌లోని ఏసీపీ, సీఐ, ఎస్సైల వీడియోలు సోషల్‌ మీడియాలో వైరల్‌ కావడాన్ని సీరియస్‌గా తీసుకున్న వరంగల్‌ సీపీ సన్‌ప్రీత్‌సింగ్‌ వివరణ ఇవ్వాలంటూ మూడు రోజులక్రితం మెమో జారీచేయడం ఖాకీ వర్గాల్లో చర్చనీయాంశమైంది. మీపై ఎందుకు చర్య తీసుకోకూడదో వివరణ ఇవ్వాలని, లేకపోతే కఠిన చర్యలుంటాయని ఆయన హెచ్చరించారు. ఈ అంశంపై ఆయా పోలీసు అధికారులు సీపీకి వివరణ ఇచ్చారు. వారిచ్చిన వివరణ ఆధారంగానే తదుపరి చర్యలుంటాయని పోలీసు వర్గాల్లో చర్చ జరుగుతోంది. గతంలోనూ మంత్రి కొండా సురేఖ జన్మదిన వేడుకల్లో ఏసీపీ పాల్గొనడం వివాదాస్పదమైన సంగతి తెలిసిందే.

హసన్‌పర్తి : ఇందిరమ్మ ఇళ్ల నిర్మాణాలకు సంబంధించి ఫొటో క్యాప్చర్‌ జరుగుతోందా అని హనుమకొండ కలెక్టర్‌ స్నేహ శబరీష్‌.. అధికారులను ప్రశ్నించారు. పెంబర్తిలో నిర్మిస్తున్న ఇందిరమ్మ ఇళ్లను మంగళవారం కలెక్టర్‌ స్వయంగా పరిశీలించి, లబ్ధిదారులతో ముచ్చటించారు. పనులు ఏవిధంగా జరుగుతున్నాయని అడిగారు. రోజువారీగా మేసీ్త్రకి కూలి ఇచ్చి ఇళ్లు నిర్మించుకుంటున్నట్లు లబ్ధిదారులు తెలిపారు. అనంతరం కలెక్టర్‌ మాట్లాడుతూ.. ప్రభుత్వ మార్గదర్శకాల ప్రకారం దశల వారీగా ఫొటోలు తీయాలని సూచించారు. ఆ మేరకు బిల్లులు కూడా చెల్లింపులు జరుగుతాయని, పనులు వేగవంతం చేయాలని ఆదేశించారు. గృహ నిర్మాణశాఖ పీడీ రవీందర్‌ నాయక్‌, డీఈఈ సిద్దార్థ నాయక్‌, నాయబ్‌ తహసీల్దార్‌ రహీం, ఎంపీడీఓ కర్ణాకర్‌, మాజీ సర్పంచ్‌ పూల, యూత్‌ కాంగ్రెస్‌ నాయకుడు చరణ్‌, కారోబార్‌ సదానందం పాల్గొన్నారు. భూభారతితో సమస్యల పరిష్కారం: కలెక్టర్‌ భూభారతితో భూ సమస్యలు పరిష్కారమవుతాయని కలెక్టర్‌ స్నేహ శబరీష్‌ పేర్కొన్నారు. రెవెన్యూ సదస్సుల్లో భాగంగా సూదన్‌పల్లిలో నిర్వహించిన సభలో ఆమె పాల్గొన్నారు. స్థానిక రైతులతో మాట్లాడి సమస్యలు తెలుసుకున్నారు. తెల్లకాగితంపై భూములు కొనుగోలు చేశామని, ఇప్పటివరకు పట్టాదారుగా పేర్లు నమోదు కాలేదని రైతులు కలెక్టర్‌ దృష్టికి తీసుకెళ్లారు. ఏదైనా సమస్య ఉంటే లిఖితపూర్వకంగా దరఖాస్తు చేసుకోవాలన్నారు. హనుమకొండ కలెక్టర్‌ స్నేహ శబరీష్‌ ఇందిరమ్మ ఇళ్ల నిర్మాణాల పరిశీలన

విద్యారణ్యపురి : ప్రభుత్వ పాఠశాలల్లో అనేక సదుపాయాలు కల్పిస్తూ.. అనుభవజ్ఞులైన ఉపాధ్యాయులతో విద్యాబోధన చేస్తున్నా తమ పిల్లలను చేర్పించేందుకు తల్లిదండ్రులు ఆసక్తి చూపడం లేదు. ఇటీవల నిర్వహించిన బడిబాటలో పాఠశాలల్లో నమోదైన విద్యార్థుల సంఖ్యే ఇందుకు ఉదాహరణ. రాష్ట్ర ప్రభుత్వం చేపట్టిన ప్రొఫెసర్‌ జయశంకర్‌ బడిబాట కార్యక్రమం ఈనెల19వ తేదీతో (గురువారం) ముగియనుంది. ఆయా పాఠశాలల్లో విద్యార్థులకు కల్పిస్తున్న సదుపాయాలతోపాటు వివిధ అంశాలతో ముద్రించిన కరపత్రాలను పంపిణీ చేసి ప్రచారం చేశారు. బడిబాటలో భాగంగా ర్యాలీలు, ఇంటింటికి వెళ్లి బడిఈడు పిల్లలను గుర్తించడం వారి పేర్లు నమోదు చేసుకోవటం వంటివి చేసి పాఠశాలల్లో చేర్పించాలనే ప్రక్రియ పూర్తయింది. ఈ మేరకు ప్రభ్వుత్వ పాఠశాలల్లో విద్యార్థుల ప్రవేశాలు కొనసాగుతున్నాయి. బడిబాట ముగింపు దశకు వచ్చినా అనుకున్న మేర విద్యార్థులు ప్రభుత్వ పాఠశాలల్లో చేరడం లేదనేది స్పష్టమవుతోంది. అసలు విద్యార్థులు లేని పాఠశాలల ఉపాధ్యాయులు విద్యార్థులు ఎక్కువగా ఉన్న చోటికి సర్దుబాటు తప్పదని భావిస్తున్నారు. గురుకుల పాఠశాలల ప్రభావం.. హనుమకొండ, వరంగల్‌ జిల్లాల్లో ప్రభుత్వ పాఠశాలల్లో విద్యార్థుల నమోదు కోసం బడిబాట నిర్వహించినా గురుకులాల్లోనే ఎక్కువగా విద్యార్థులు చేరుతున్నారనేది స్పష్టమవుతోంది. తెలంగాణ సాంఘిక, గిరిజన సంక్షేమ, బీసీ, మైనార్టీ గురుకులాలతో పాటు నవోదయ, కేంద్రీయ విద్యాలయాలు కూడా అందుబాటులో ఉండటంతో అందులో చేర్పిస్తున్నారు. మరికొందరు ప్రైవేటు, కార్పొరేట్‌ పాఠశాలల వైపు వెళ్తున్నారు. దీంతో ప్రభుత్వ పాఠశాలలపై ప్రతికూల ప్రభావం పడుతోంది. ప్రభుత్వ ప్రాథమిక పాఠశాలలను బలోపేతం చేసేందుకు ఈ విద్యాసంవత్సరం నుంచి ప్రీ ప్రైమ రీ తరగతులు ప్రారంభించారు. హనుమకొండలో 16, వరంగల్‌లో 13 పాఠశాలల్లో ప్రారంభించి అడ్మిషన్లు కల్పిస్తున్నారు. ఏ మేరకు ప్రవేశాలు పొందుతారనేది వేచి చూడాల్సిందే. హనుమకొండ జిల్లాలో 4,131 మంది ప్రవేశాలు హనుమకొండ జిల్లాలో 2025–26 విద్యాసంవత్సరానికి ఈనెల 12వ తేదీన పాఠశాలలు పునఃప్రారంభమయ్యాయి. బడిబాట కార్యక్రమం కూడా ముగియ వచ్చినా.. ప్రభుత్వ పాఠశాలల్లో వివిధ తరగతుల్లో కలిపి మొత్తంగా 4,131మంది విద్యార్థులు ప్రవేశాలు పొందారు. ఇందులో ఒకటో తరగతిలోనే 2,074మంది ప్రవేశం పొందారు. హనుమకొండ జిల్లాలో 492 ప్రైమరీ, జెడ్పీ ఉన్నత పాఠశాలలు ఉండగా అందులో 41 ప్రభుత్వ పాఠశాలల్లో అసలు విద్యార్థులే లేరు. బడిబాట కార్యక్రమం ద్వారా కనీసం పది మంది విద్యార్థులు చేరితే ఆయా పాఠశాలలను తెరిపిస్తామని డీఈఓ అవకాశం కల్పించారు. దీంతో ఏడు పాఠశాలల్లోనే కొద్దిమంది విద్యార్థులు ప్రవేశాలు పొందగా వాటిని తెరిచారు. విద్యార్థుల నమోదు లక్ష్యం నెరవేరేనా! ప్రభుత్వ స్కూళ్లపై గురుకులాల ప్రభావం హనుమకొండ జిల్లాలో 4,131 మంది.. వరంగల్‌లో 3,896 మంది విద్యార్థుల నమోదు వరంగల్‌ జిల్లాలో 3,896 మంది విద్యార్థులు వరంగల్‌ జిల్లావ్యాప్తంగా మంగళవారం వరకు 3,896 మంది విద్యార్థులు ప్రవేశాలు పొందారు. బడిబాటలో భాగంగా ఉపాధ్యాయులు విస్తృతంగా ప్రచారం నిర్వహించిన అనుకున్న మేర విద్యార్థుల నమోదు ప్రక్రియ కావడం లేదనేది స్పష్టమవుతోంది. జిల్లాలో ప్రైమరీ, జెడ్పీ ఉన్నత పాఠశాలలు 568 ఉండగా అందులో అసలు విద్యార్థులే లేని పాఠశాలలు 135 ఉన్నాయి. ఇప్పటి వరకు కేవలం నాలు గు పాఠశాలలే తెరుచుకున్నాయి. అసలే విద్యార్థులు లేని పాఠశాలల టీచర్లను విద్యార్థులు ఎక్కువగా ఉన్న పాఠశాలలకు సర్దుబాటు చేయనున్నారు.

వరంగల్‌ కలెక్టర్‌ డాక్టర్‌ సత్యశారద న్యూశాయంపేట: నేషనల్‌ గ్రీన్‌ఫీల్డ్‌ హైవే ప్రాజెక్టులో భూములు కోల్పోతున్న భూనిర్వాసితులకు పెండింగ్‌లో ఉన్న నష్టపరిహారాన్ని చెల్లించేందుకు త్వరితగతిన చర్యలు తీసుకోవాలని వరంగల్‌ కలెక్టర్‌ డాక్టర్‌ సత్యశారద.. అధికారులను ఆదేశించారు. కలెక్టరేట్‌ సమావేశ మందిరంలో ఇన్నర్‌ రింగ్‌ రోడ్డు, నేషనల్‌ గ్రీన్‌ఫీల్డ్‌ హైవే, కాకతీయ మెగా టెక్స్‌టైల్‌ పార్కు, ఆర్‌ఓబీ తదితర అభివృద్ధి పనులపై అధికారులతో మంగళవారం సమీక్ష నిర్వహించారు. ఈ సందర్భంగా కలెక్టర్‌ మాట్లాడుతూ అభివృద్ధి పనుల్లో వేగం పెంచాలని, ఇన్నర్‌ రింగ్‌రోడ్డు పనులను ప్రాధాన్యతతో కొనసాగించాలన్నారు. టెక్స్‌టైల్‌ పార్కులో వరద ముంపు నివారణకు రిటైనింగ్‌ వాల్‌ నిర్మాణాన్ని సాంకేతికంగా మార్చేందుకు ప్రతిపాదనలు పంపించాలని ఇరిగేషన్‌ అధికారులను ఆదేశించారు. నిర్వాసితులకు ఉపాధి కల్పించాలి భూ నిర్వాసితులకు ఉపాధి కల్పించడానికి ఉపాధి శాఖ, జీఎం ఇండస్ట్రీయల్‌, డీఆర్‌డీఓ సమన్వయంతో పనిచేసి ప్రణాళికలు సిద్ధం చేయాలని అధికారులకు వరంగల్‌ కలెక్టర్‌ సూచించారు. సమీక్షలో అదనపు కలెక్టర్‌ సంధ్యారాణి, వరంగల్‌, నర్సంపేట ఆర్డీఓలు సత్యపాల్‌రెడ్డి, ఉమారాణి, జోనల్‌ మేనేజర్‌ స్వామి, ఇరిగేషన్‌ ఎస్‌ఈ వెంకటేశ్వర్లు, గీసుకొండ, సంగెం, నెక్కొండ, పర్వతగిరి తహసీల్దార్లు, నేషనల్‌ హైవే ప్రాజెక్టు మేనేజర్‌ పాల్గొన్నారు.

రామన్నపేట : వరంగల్‌లోని ప్రభుత్వ పాలిటెక్నిక్‌ కళాశాలలో టీజీఈసెట్‌–2025 కౌన్సెలింగ్‌ ప్రక్రియ మంగళవారం ప్రారంభమైనట్లు ప్రిన్సిపాల్‌, క్యాంప్‌ ఆఫీసర్‌ బైరి ప్రభాకర్‌ తెలిపారు. మొదటిరోజు 362 మంది విద్యార్థులు హెల్ప్‌లైన్‌ సెంటర్‌ వద్ద పేర్లు నమోదు చేసుకున్నారని వివరించారు. అధికారుల పర్యవేక్షణలో ఉదయం 9 గంటల నుంచి ప్రారంభమైన సర్టిఫికెట్‌ వెరిఫికేషన్‌ ప్రక్రియ క్రమబద్ధంగా కొనసాగిందని తెలిపారు. రైతు భరోసా రూ.84.01 కోట్లు జమహన్మకొండ: వానాకాలం పెట్టుబడి సాయం రైతు భరోసా హనుమకొండ జిల్లాలో మంగళవారం 1,17,028 మంది రైతుల ఖాతాల్లో రూ.84.01 కోట్లు జమ అయ్యాయని జిల్లా వ్యవసాయాధికారి రవీందర్‌ సింగ్‌ ఒక ప్రకటనలో తెలిపారు. వారం రోజులపాటు ఈ ప్రక్రియ కొనసాగనుందని పేర్కొన్నారు. వరంగల్‌ జిల్లాలో.. న్యూశాయంపేట: వరంగల్‌ జిల్లాలోని రైతులకు మంగళవారం వరకు రైతుభరోసా నిధులు రూ.94కోట్ల వరకు నేరుగా వారి ఖాతాల్లో జమ చేసినట్లు కలెక్టర్‌ సత్యశారద తెలిపారు. ఇప్పటివరకు 1,29,542 మంది రైతులకు పెట్టుబడి సాయం జమైనట్లు పేర్కొన్నారు. వేదపాఠశాలలో ప్రవేశానికి దరఖాస్తులుహన్మకొండ కల్చరల్‌ : వరంగల్‌ శ్రీభద్రకాళి వేదపాఠశాలలో ప్రవేశానికి ఆసక్తి గల విద్యార్థులు దరఖాస్తు చేసుకోవాలని అసిస్టెంట్‌ కమిషనర్‌, దేవాలయం ఈఓ శేషుభారతి మంగళవారం ఒక ప్రకటనలో కోరారు. వేదపాఠశాలలో ప్రవేశానికి విద్యార్థులకు మాతృభాషలో చదవడం, రాయడం వచ్చి, 8నుంచి 12సంవత్సరాల మధ్య వయస్సు కలిగి ఉపనయన సంస్కారం, ఉపాకర్మోత్సర్జనము పూర్తయినవారు అర్హులని పేర్కొన్నారు. అలాగే సంధ్యావందనం, అగ్నికార్యం, బ్రహ్మయజ్ఞం కంఠస్థమయి ఉండి స్వయంగా అనుష్టానం చేసుకోగల వారు, 10 సంస్కృత శబ్ధములు (7 విభక్తులు) కంఠస్థం అయిన వారు దరఖాస్తు చేసుకోవచ్చని వివరించారు. వరంగల్‌లోని శ్రీభద్రకాళి దేవస్థానంలోని వేదపాఠశాల కార్యాలయంలో నేటినుంచి దరఖాస్తులు ఇవ్వనున్నట్లు తెలిపారు. పూర్తి చేసిన దరఖాస్తులను 25వ తేదీవరకు అందజేయాలని కోరారు. పోలీస్‌ కీర్తి ప్రతిష్టలకు భంగం కలిగించొద్దువరంగల్‌ క్రైం: పోలీస్‌ కీర్తి ప్రతిష్టలకు భంగం కలిగించే విధంగా ప్రవర్తించవద్దని వరంగల్‌ పోలీస్‌ కమిషనర్‌ సన్‌ప్రీత్‌సింగ్‌ సూచించారు. హనుమకొండ, సుబేదారి, ఏనుమాముల పోలీస్‌స్టేషన్లతోపాటు సీసీఎస్‌, టాస్క్‌ఫోర్స్‌, యాంటీడ్రగ్స్‌ విభాగాల్లో బాధ్యతలు స్వీకరించిన ఇన్‌స్పెక్టర్లు శివకుమార్‌, రంజిత్‌, రాఘవేందర్‌, సత్యనారాయణరెడ్డి, సతీష్‌లు మంగళవారం సీపీని మర్యాదపూర్వకంగా కలిసి పుష్పగుచ్ఛాలు అందజేశారు. అప్పగించిన పనులను సమర్థవంతంగా నిర్వర్తించాలని సీపీ వారికి సూచించారు. సహితా విద్యా దినోత్సవంవిద్యారణ్యపురి : బడిబాటలో భాగంగా మంగళవారం సహిత విద్యాదినోత్సవాన్ని నిర్వహించగా హనుమకొండ మండల కేంద్రంలోని భవిత కేంద్రాన్ని జిల్లా విద్యాశాఖాధికారి డి.వాసంతి సందర్శించి విద్యార్థులతో మాట్లాడారు. భవిత కేంద్రంలో విద్యార్థులకు కల్పి స్తున్న సదుపాయాలను వివరించారు. భవిత కేంద్రానికి సరఫరా చేసిన రూ.2లక్షల విలువచేసే సామగ్రిని డీఈఓ పరిశీలించారు. జిల్లా కమ్యూనిటీ మొబిలైజింగ్‌ కో ఆర్డినేటర్‌ బద్దం సుదర్శన్‌ రెడ్డి, ఎంఈఓ నెహ్రూ ఉన్నారు.

సాక్షిప్రతినిధి, వరంగల్‌/ఎంజీఎం: తెలంగాణ రాష్ట్రం ఆవిర్భవించిన ఆనంతరం అప్పటి ప్రభుత్వం జిల్లాకో మెడికల్‌ కళాశాల స్థాపనే లక్ష్యంగా ముందుకు సాగింది. ఈ క్రమంలో ఉమ్మడి వరంగల్‌ జిల్లాలో అప్పటికే ఉన్న కాకతీయ మెడికల్‌ కళాశాలకు అదనంగా జనగామ, నర్సంపేట, భూపాలపల్లి, ములుగు, మహబూబాబాద్‌లలో మెడికల్‌ కళాశాలలను ఏర్పాటు చేసింది. ప్రభుత్వ లక్ష్యం బాగానే ఉన్నా.. ఓ మెడికల్‌ కళాశాలకు ఏర్పాటు చేయడానికి ఎంతమంది సిబ్బంది ఉండాలి...? ఆ కళాశాలకు అనుబంధంగా ఉన్న ఆస్పత్రుల్లో పడకల సంఖ్య ఎంత...? దానికి అనుగుణంగా ఎలాంటి పరికరాలు ఉండాలి...? అన్న అంశాలను పరిగణనలోకి తీసుకుని ఆ మేరకు నియామకాలు, ఇన్‌ఫ్రాస్ట్రక్చర్‌ను ఏర్పాటు చేయలేదు. వైద్యవిద్యార్థుల బోధనకు కావాల్సిన హాస్టల్‌ వసతులు? వైద్యానికి అవసరమైన పరికరాలు, బోధన, బోధనేతర సిబ్బంది నియామకాలు చేసి ఇవన్నీ సవ్యంగా ఉన్నప్పుడే మెడికల్‌ కళాశాల స్థాపనకు ప్రభుత్వం ముందడుగు వేయాలి. కానీ, అలాంటి విషయాలను ఏ మాత్రం పట్టించుకోకుండా అరకొర వసతులతో రాష్ట్రంలో పెద్ద ఎత్తున మెడికల్‌ కళాశాలను నెలకొల్పి కొనసాగుతున్న క్రమంలో వసతుల కొరతను గుర్తించిన నేషనల్‌ మెడికల్‌ కమిషన్‌ (ఎన్‌ఎంసీ) సీరియస్‌ అయ్యింది. కేఎంసీతోపాటు ఉమ్మడి జిల్లాలోని భూపాలపల్లి, ములుగు, నర్సంపేట, మహబూబాబాద్‌, జనగామ కళాశాలలకు షోకాజ్‌ నోటీసులు జారీ చేసింది. ఈ నోటీసులు ప్రస్తుతం ప్రభుత్వానికి, వైద్యారోగ్యశాఖ ఉన్నతాధికారులకు పెద్ద తలనొప్పిగా మారాయి. కేఎంసీలో లోపాలపై సీరియస్‌.. వైద్య కళాశాలల పనితీరుపై తీవ్ర అసంతృప్తి వ్యక్తం చేసిన నేషనల్‌ మెడికల్‌ కమిషన్‌(ఎన్‌ఎంసీ) కాకతీయ మెడికల్‌ కాలేజీ (కేఎంసీ)లో ఖాళీలు, లోపాలపై సీరియస్‌ అయ్యింది. ఎప్పుడో స్థాపించిన కాలేజీలోనూ నిబంధనల మేరకు వసతులు లేకపోవడం చూసి ఆశ్చర్యానికి గురైన ఎన్‌ఎంసీ.. నోటీసులు జారీ చేసింది. యూజీఎంఎస్‌ఆర్‌–2023 నిబంధనల ప్రకారం విద్యార్థుల సంఖ్యకు అనుగుణంగా కాలేజీల్లో మౌలిక వసతులు, అధ్యాపకులు, విద్యార్థుల ఆధార్‌ బేస్డ్‌ బయోమెట్రిక్‌ హాజరు, విద్యార్థులకు సరిపడా రోగులు, ప్రాక్టికల్స్‌కు కావాల్సిన మృతదేహాలు, ఇతర పరికరాలు, డిజిటల్‌ రికార్డింగ్‌, సీసీటీవీల ఏర్పాటు వంటి వాటిపైనా అసంతృప్తి వ్యక్తం చేసింది. ముఖ్యంగా విద్యార్థుల హాజరు, మౌలిక సదుపాయాల కల్పన, క్లినికల్‌ ట్రెయినింగ్‌ వంటి అంశాల్లో తీవ్ర ఉల్లంఘనలు ఉన్నట్లు పేర్కొంది. ఈ నేపథ్యంలో వచ్చే విద్యా సంవత్సరానికి కళాశాలలను కొనసాగించడమో.. రద్దు చేయడమో నిర్ధారించేందుకు విచారణకు హాజరు కావాలని ఆదేశించి, సమస్యను ప్రభుత్వం దృష్టికి తీసుకెళ్లడం కలకలం రేపుతోంది. నేడు తేలనున్న భవితవ్యం..ప్రభుత్వ వైద్య కళాశాల భవితవ్యం నేడు (బుధవారం)తేలనుంది. గుర్తించిన లోపాలు, షోకాజ్‌ నోటీసులపై సంజాయిషీ ఇవ్వాలని, ఇందుకోసం బుధవారం ఢిల్లీకి రావాలని ఆరోగ్యశాఖ కార్యదర్శి, డీఎంఈలను ఆదేశించింది. ఆ లోపాలను సరిచేస్తామని అన్ని కళాశాలలనుంచి హామీ పత్రాలు ఇవ్వనున్నారు. కానీ, వాటికి కూడా సంతృప్తి చెందక సీట్లు తగ్గిస్తారా? జరిమానాలు విధిస్తారా..? మందలించి వదిలేస్తారా..? అనే సందేహాలు వ్యక్తమవుతున్నాయి. ఇదిలా ఉండగా ఢిల్లీలో పూర్తి వివరాలు సమర్పించేందుకు అన్ని జిల్లాల, మెడికల్‌ కళాశాలల డీన్లు/ప్రిన్సిపాళ్లు, మెడికల్‌ సూపరింటెండెంట్లతో డీఎంఈ సోమ, మంగళవారాల్లో సమావేశమై కళాశాలల సమగ్ర సమాచారం సేకరించారు. 130కి పైగా కీలక పోస్టులు ఖాళీ1955వ సంవత్సరంలో 50 సీట్లతో ప్రారంభమైన కాకతీయ మెడికల్‌ కళాశాల ప్రస్తుతం 250 ఎంబీబీఎస్‌, 100కుపైగా పీజీ సీట్లు, ఐదు సూపర్‌ స్పెషాలిటీ సీట్లతో కొనసాగుతోంది. కళాశాలలో వైద్యవిద్య బోధించేందుకు 22 విభాగాల బోధన సిబ్బందితో మరో 10 విభాగాల బోధనేతర సిబ్బంది పనిచేయాలి. మొత్తం ఈ విభాగంలో 250మంది వైద్యులు విధులు నిర్వర్తిస్తూ విద్యార్థులకు బోధన చేయాలి. ఇందులో ప్రొఫెసర్‌, అసోసియేట్‌, అసిస్టెంట్‌ ప్రొఫెసర్‌ స్థాయి వైద్యులు ఉంటారు. ప్రస్తుతం కేఎంసీ అనుబంధంగా కొనసాగుతున్న ఎంజీఎం, సీకేఎం, ఆర్‌ఈహెచ్‌, జీఎంహెచ్‌ టీబీ ఆస్పత్రులు ఉన్నాయి. కేఎంసీలో ప్రొఫెసర్‌ స్థాయిలో 10కిపైగా, అసోసియేట్‌ స్థాయిలో 35కు పైగా, అసిస్టెంట్‌ ప్రొఫెసర్‌ స్థాయిలో సుమారు 90కిపైగా పోస్టులు ఖాళీగా ఉన్నట్లు వైద్యవర్గాలు బహిరంగంగానే పేర్కొంటున్నారు. కొన్నేళ్లుగా కొనసాగుతున్న కేఎంసీ పరిస్థితి ఈ విధంగా ఉంటే రెండు, మూడేళ్ల క్రితం ఏర్పడిన నూతన కళాశాల పరిస్థితి ఏ విధంగా ఉంటుందో అర్థమవుతుంది.

నయీంనగర్‌: మహర్షి గోశాల, ఎస్‌ఆర్‌ ఫౌండేషన్‌ సౌజన్యంతో ఆదర్శ కాలనీ అభివృద్ధి కమిటీ ఆధ్వర్యంలో గ్రేటర్‌ వరంగల్‌ 53వ డివిజన్‌ ఆదర్శ కాలనీలో సోమవారం పిట్టగూళ్లు, వరికంకులను పంపిణీ చేశారు. ఈ సందర్భంగా కాలనీ కమిటీ ప్రధాన కార్యదర్శి పరికిపండ్ల వేణు మాట్లాడుతూ పర్యావరణ పరిరక్షణలో పిచ్చుకల పాత్ర గొప్పదని అన్నారు. నేటి ఆధునిక సమాజం కాంక్రీట్‌ జంగిల్‌గా మారడంతో పక్షులు తమ గూళ్లు కట్టుకోడానికి సరైన వసతులు లేక ఇబ్బందులు పడుతున్నాయని అన్నారు. పిచ్చుక జాతి అంతరించిపోయే ప్రమాదకర పరిస్థితులు నెలకొన్నాయని అన్నారు. ఈ క్రమంలో వాటి సంరక్షణకు గూళ్ల పంపిణీ చేస్తున్నట్లు వివరించారు. కార్యక్రమంలో కాలనీ కమిటీ అధ్యక్షుడు తూడి విద్యాసాగర్‌ రెడ్డి, నర్సింహస్వామి, రమణయ్య, మంజుల, వనజ, తేరాల యుగంధర్‌, యాదగిరి, గోశాల సిబ్బంది తదితరులు పాల్గొన్నారు.

వరంగల్‌ అర్బన్‌: ‘పై కప్పు లేని మ్యాన్‌హోల్‌ కనిపింట్లేదా? ఏదైనా ప్రమాదం జరిగితే ఎవరు బాధ్యులు’ అని మేయర్‌ గుండు సుధారాణి శానిటేషన్‌ సిబ్బందిని మందలించారు. వరంగల్‌ ఎస్‌వీఎన్‌ రోడ్డు వెంకటేశ్వర ఆలయం వద్ద చిన్నపాటి వర్షానికే మోకాళ్ల లోతు నీళ్లు స్తంభించి వాహనదారులు, పాదచారులకు ఎదురవుతున్న ఇబ్బందులపై అందిన ఫిర్యాదుతో మేయర్‌ తనిఖీ చేశారు. పైకప్పులేని మ్యాన్‌ హోల్‌, పూడిక తీయని డ్రెయినేజీలను ఆమె పరిశీలించారు. పనితీరు మార్చుకోవాలని శానిటేషన్‌ సిబ్బందికి సూచించారు. ప్రతీ రోజు డ్రెయినేజీలోని పూడిక తీయాలని, ఏమైనా సమస్య ఉంటే ఇంజనీర్లతో సమన్వయం చేసుకోవాలని ఆదేశించారు. కమర్షియల్‌ దుకాణాదారులు డ్రెయినేజీల్లో, ఆరు బయట చెత్త వేస్తే జరిమానాలు విధించాలన్నారు. ఈతనిఖీల్లో ఎంహెచ్‌ఓ రాజేశ్‌, శానిటరీ సూపర్‌వైజర్‌ భాస్కర్‌ తదితరులు ఉన్నారు. శానిటేషన్‌ సిబ్బందిని మందలించిన మేయర్‌ సుధారాణి

స్టేషన్‌ఘన్‌పూర్‌: గ్రామంలో వారివి సమీప ఇళ్లు. హైస్కూల్‌, ఇంటర్‌ చదువులు నమిలిగొండ శివారులోని మోడల్‌ స్కూల్‌లో చదివారు.. ఇద్దరూ ఒకే తరగతి వారు కావడంతో స్నేహం కాస్త ప్రేమగా మారింది. కానీ, కులాలు వేరు కావడంతో తమ ప్రేమను పెద్దలు అంగీకరించలేదని జనగామ జిల్లా స్టేషన్‌ఘన్‌పూర్‌ మండలం నమిలిగొండ గ్రామానికి చెందిన ప్రేమజంట కోటె వినయ్‌కుమార్‌(25), మచ్చ శృతి(23) ఆదివారం రాత్రి యాదాద్రి భువనగిరి జిల్లా భువనగిరిలో రైలుకింద పడి ఆత్మహత్యకు పాల్పడ్డారు. అందరితో కలివిడిగా ఉండే వినయ్‌కుమార్‌, శృతి ఆత్మహత్య చేసుకున్నారనే సమాచారంతో సోమవారం గ్రామంలో విషాదఛాయలు అలుముకున్నాయి. అమ్మాయి సాఫ్ట్‌వేర్‌.. అబ్బాయి ప్రైవేట్‌ ఉద్యోగి నమిలిగొండ గ్రామానికి చెందిన కోటె రాజయ్య, లక్ష్మి దంపతుల కుమారుడు వినయ్‌కుమార్‌, మచ్చ కుమారస్వామి, రేణుక దంపతుల కుమార్తె శృతి బాల్యం నుంచే స్నేహితులు. శృతి బీటెక్‌ పూర్తి చేసి ప్రస్తుతం హైదరాబాద్‌లో విప్రో కంపెనీలో సాఫ్ట్‌వేర్‌ ఉద్యోగం చేస్తోంది. వినయ్‌కుమార్‌ జనగామ పిన్‌కేర్‌ బ్యాంకులో ప్రైవేట్‌ ఉద్యోగం చేస్తున్నాడు. వీరి ప్రేమను ఒప్పుకోకపోవడంతోపాటు శృతికి ఇంటిలో వేరే పెళ్లి సంబంధాలు చూస్తున్నారని తెలుసుకున్న వినయ్‌కుమార్‌ మనస్తాపానికి గురయ్యాడు. ఇక ఎప్పటికీ తమ పెళ్లికి పెద్దలు అంగీకరించరనే ఆవేదనతో ఇద్దరు రైలుకింద పడి ఆత్మహత్య చేసుకున్నట్లు స్థానికులు చెబుతున్నారు. గ్రామంలో విషాదఛాయలు భువనగిరిలో పోస్టుమార్టం అనంతరం ఇద్దరి మృతదేహాలను వేర్వేరుగా అంబులెన్స్‌లలో గ్రామానికి తరలించారు. వారివారి ఇళ్ల వద్దకు మృతదేహాలను చేర్చగానే మృతుల తల్లిదండ్రులు, కుటుంబ సభ్యులు, బంధువులు, స్నేహితులు కన్నీరుమున్నీరుగా విలపించాయి. ఛిద్రమైన మృతదేహాలను చూసి తల్లిదండ్రులు, బంధువులు చేసిన రోదనలు మిన్నంటాయి. అనంతరం శృతి, వినయ్‌కుమార్‌ల అంత్యక్రియలు వేర్వేరుగా వారి కుటుంబసభ్యులు చేపట్టారు. ఎలాంటి గొడవలు జరగకుండా సీఐ జి.వేణు ఆదేశాల మేరకు ఎస్సై వినయ్‌కుమార్‌ ఆధ్వర్యంలో పోలీసులు గ్రామంలో బందోబస్తు చేపట్టారు. గ్రామానికి చెందిన ప్రేమజంట భువనగిరిలో ఆత్మహత్యరోదిస్తున్న శృతి తల్లి, కుటుంబ సభ్యులు

● మూడు రోజుల్లో 65 అడ్మిషన్లు కేసముద్రం: విద్యార్థులు లేక ప్రభుత్వ పాఠశాలలు మూతబడుతున్న క్రమంలో మండలంలోని కల్వల ప్రాథమిక పాఠశాల కేవలం మూడు రోజుల్లోనే 65 అడ్మిషన్లు సాధించి ఇతర స్కూళ్లకు ఆదర్శంగా నిలిచింది. వివరాలు ఇలా ఉన్నాయి.. కల్వల ప్రాథమిక పాఠశాలలో 62 మంది విద్యార్థులుండగా ఈ విద్యా సంవత్సరం ఉపాధ్యాయులు బడిబాట నిర్వహించారు. ఈ సందర్భంగా ప్రభుత్వ పాఠశాలల్లో కల్పిస్తున్న సౌకర్యాలపై ఇంటింటి ప్రచారం చేశారు. దీంతో సోమవారం నాటికి 65 మంది విద్యార్థులు అడ్మిషన్లు పొందారు. ఫలితంగా ఆ పాఠశాలలో ప్రస్తుతం విద్యార్థుల సంఖ్య 127కి చేరింది. ఇదిలా ఉండగా గ్రామానికి చెందిన ప్రభుత్వ ఉపాధ్యాయుడు సయ్యద్‌, వీఆర్‌ఏ మహేశ్‌, నవోదయ గెస్ట్‌ లెక్చరర్‌ తమ పిల్లలను ఇదే పాఠశాలలో చేర్పించి ఆదర్శంగా నిలిచారు. ఈ సందర్భంగా ఎంఈఓ యాదగిరి, హెచ్‌ఎం కళ్లెం వీరారెడ్డి మాట్లాడుతూ ప్రైవేట్‌ పాఠశాలలకు దీటుగా తమ పాఠశాల విద్యార్థులను తీర్చిదిద్దుతామని, అనేక సౌకర్యాలు కల్పించామన్నారు.

ఎంజీఎం : కాళోజీ నారాయణరావు హెల్త్‌ యూనివర్సిటీ డిప్యూటీ రిజిస్ట్రార్‌గా డాక్టర్‌ కేశవ్‌ నియమితులయ్యారు. నీట్‌ కౌన్సెలింగ్‌, అడ్మిషన్ల ప్రక్రియ కోసం ఐదుగురు అధికారులను డిప్యుటేషన్‌పై ఆరోగ్య విశ్వవిద్యాలయానికి కేటాయించారు. ఈ మేరకు వైద్యారోగ్య శాఖ కార్యదర్శి క్రిస్టినా జడ్‌ చొంగ్తూ ఉత్తర్వులు జారీ చేశారు. మెదక్‌ ప్రభుత్వ వైద్య కళాశాల మైక్రోబయాలజీ ప్రొఫెసర్‌ డాక్టర్‌ జ్యోతి, నర్సంపేట ప్రభుత్వ వైద్య కళాశాల ఆర్థో విభాగం అసో సియేట్‌ ప్రొఫెసర్‌ డాక్టర్‌ కేశవ్‌, వరంగల్‌ ప్రభుత్వ ఆయుర్వేదిక్‌ కళాశాల ప్రొఫెసర్‌ డి.నాగలక్ష్మి, హైదరాబాద్‌ ఆర్‌హెచ్‌ఎఫ్‌ డబ్ల్యూటీసీ కార్యాలయ పర్యవేక్షకుడు ఎండి. ఫయాజ్‌, మహబూబాబాద్‌ ప్రభుత్వ న ర్సింగ్‌ కళాశాల పరిపాలన అధికారి బి.శ్రీనివాస్‌ను డిప్యుటేషన్‌పై కాళోజీ నారాయ ణరావు హెల్త్‌ యూనివర్సిటీకి కేటాయించారు. ఏడాది కాలం పాటు హెల్త్‌ యూనివర్సిటీలో విధులు నిర్వర్తించాలని ఉత్తర్వుల్లో పేర్కొన్నారు.

ఖిలా వరంగల్‌: తన భూమిని కబ్జా చేశారంటూ వరంగల్‌ కరీమాబాద్‌కు చెందిన పోలెపాక కుమారస్వామి(55) మనస్తాపంతో ఈనెల 9వ తేదీన శరీరంపై పెట్రోల్‌ పోసుకుని ఆత్మహత్యాయత్నానికి పాల్పడిన విషయం తెలిసిందే. ఈ ఘటనలో హైదరాబాద్‌లో ఉస్మానియా ఆస్పత్రిలో చికిత్స పొందుతూ ఆదివారం మధ్యాహ్నం మృతి చెందగా.. సోమవారం సాయంత్రం వరంగల్‌–ఖమ్మం జాతీయ రహదారిపై ఆర్టీఏ జంక్షన్‌ వద్ద కుమారస్వామి మృతదేహంతో కుటుంబ సభ్యులు, బంధువులు ధర్నా నిర్వహించారు. కబ్జాకు పాల్పడిన బండి కుమారస్వామి, పులి రంజిత్‌ రెడ్డి, తాళ్ల మల్లేశంను కఠినంగా శిక్షించి తమకు న్యాయం చేయాలని డిమాండ్‌ చేశారు. దీంతో వరంగల్‌–ఖమ్మం జాతీయ రహదారిపై ట్రాఫిక్‌ జామ్‌ అయ్యింది. ఈ విషయం తెలిసిన మామునూరు, మిల్స్‌కాలనీ పోలీసులు ఘటనాస్థలికి చేరుకున్నారు. న్యాయం చేస్తామని హామీ ఇవ్వడంతో మృతుడి కుటుంబ సభ్యులు ఆందోళన విరమించారు.

● అభివృద్ధి పనుల నిధుల కేటాయింపులకు ప్రతిపాదనలు కేయూ క్యాంపస్‌ : కాకతీయ యూనివర్సిటీ పాలకమండలి సమావేశం నేడు (మంగళవారం) హైదరాబాద్‌లోని సచివాలయంలో నిర్వహించనున్నట్లు అధికారులు తెలిపారు. తొలుత ఉదయం 10:30 గంటలకు ఫైనాన్స్‌ కమిటీ సమావేశం ఉంటుంది. కేయూ ప్రహరీకి రూ.20కోట్లు, పద్మాక్షి మహిళా హాస్టల్‌ డైనింగ్‌ హాల్‌ నిర్మాణానికి రూ.3.5కోట్ల నిధులతో చేపట్టేందుకు ప్రతిపాదించనున్నారు. అలాగే యూనివర్సిటీలోని వివిధ సెమినార్‌ హాల్స్‌ మరమ్మతులకు, కేయూ సిల్వర్‌ జూబ్లీ ఉత్సవాల నిర్వహణకు, వచ్చే నెల 7వ తేదీన నిర్వహించనున్న కేయూ 23వ స్నాతకోత్సవ నిధుల వ్యయానికి కూడా ఫైనాన్స్‌ కమిటీ ఆమోదానికి ప్రతిపాదించనున్నారు. అనంతరం మధ్యాహ్నం 3గంటలకు కేయూ పాలకమండలి సమావేశం ఎజెండాలో పేర్కొన్న వివిధ అంశాలతోపాటు అభివృద్ధికి వెచ్చించే నిధులపై కూడా చర్చించి ఎన్ని ఆమోదం ఇస్తారో తెలియనుంది. వరంగల్‌ పశ్చిమ నియోజక వర్గానికి మంజూరైన యంగ్‌ ఇండియా ఇంటిగ్రేటెడ్‌ స్కూల్‌కు కేయూలోని భూమిని కేటాయించే విషయంపై కూడా పాలకమండలిలో చర్చించే అవకాశం ఉందని తెలుస్తోంది. సమావేశంలో వీసీ ప్రొఫెసర్‌ కె.ప్రతాప్‌రెడ్డి, రిజిస్ట్రార్‌ ప్రొఫెసర్‌ వి.రామచంద్రం, విద్యాశాఖ ప్రిన్సిపల్‌ సెక్రటరీ యోగితారాణా, ఉన్నత విద్యా కమిషనర్‌ శ్రీదేవ సేన, పాలక మండలి సభ్యులు, ఫైనాన్స్‌ సెక్రటరీ పాల్గొననున్నారు.

వరంగల్‌ చౌరస్తా : పేదల ఆత్మగౌరవ ప్రతిక సొంతిళ్లని, వారి కల సాకారం చేయడానికి ప్రజాప్రభుత్వం ఇందిరమ్మ ఇళ్లు మంజూరు చేస్తోందని రాష్ట్ర అటవీ శాఖ మంత్రి కొండా సురేఖ అన్నారు. వరంగల్‌ తూర్పు నియోజక వర్గానికి 3,500 ఇందిరమ్మ ఇల్లు మంజూరు కాగా అందులో వెరిఫికేషన్‌ పూర్తయిన 1,659 ఇందిరమ్మ ఇళ్ల లబ్ధిదారులకు సోమవారం వరంగల్‌ ఓసిటీ లోని మంత్రి క్యాంపు కార్యాలయ ఆవరణలో మంజూరు పత్రాలు పంపిణీ చేశారు. మిగతా లబ్ధిదారులకు త్వరలో అందచేస్తామని స్పష్టం చేశారు. ఈ సందర్భంగా మంత్రి మాట్లాడుతూ మాజీ సీఎం కేసీఆర్‌ డబుల్‌ బెడ్‌ రూంలకు బదులు ఇళ్ల నిర్మాణాలకు నిధులు మంజూరు చేస్తామని మాయ మాటలు చెప్పి పేదలకు అన్యాయం చేశారని విమర్శించారు. కాంగ్రెస్‌ ప్రభుత్వం ప్రతీ నిరుపేద రూ. 5 లక్షలతో ఇల్లు నిర్మించుకోవడానికి అవకాశం కల్పిస్తున్నట్లు పేర్కొన్నారు. నియోజకవర్గ అభివృద్ధికి ఇచ్చిన హామీలను తూచా తప్పకుండా నెరవేరుస్తామని తెలిపారు. కేంద్ర మంత్రి కిషన్‌ రెడ్డి పుష్కరాలకు ఆంధ్రప్రదేశ్‌కు నిధులు అధికంగా విడుదల చేసి, తెలంగాణపై వివక్ష చూపించారని విమర్శించారు. అనంతరం మేయర్‌ గుండు సుధారాణి, కలెక్టర్‌ సత్య శారద, మాజీ ఎమ్మెల్సీ కొండా మురళీధర్‌ రావు మాట్లాడారు. కార్యక్రమంలో బల్దియా కమిషనర్‌ చాహత్‌ బాజ్‌, అదనపు కలెక్టర్‌ సంధ్యారాణి, డిప్యూటీ కమిషనర్‌ ప్రసునారాణి, నోడల్‌ అధికారి రామ్‌రెడ్డి, హౌసింగ్‌ పీడీ గణపతి, ఆర్‌డీఓ సత్యపాల్‌ రెడ్డి, కార్పొరేటర్లు పాల్గొన్నారు. కాగా, ఇళ్ల మంజూరు పత్రాల పంపిణీకి లబ్ధిదారులు పెద్ద ఎత్తున హాజరు కావడంతో క్యాంపు ఆఫీస్‌ కిక్కిరిసింది. సరైన ఏర్పాట్లు చేయకపోవడంతో దేశాయిపేటకు చెందిన ఓ వ్యక్తి ఫిట్స్‌తో కింద పడిపోగా సల్ప గాయాలు కావడంతో ఆస్పత్రికి తరలించారు. తొలి విడతలో 1,659 ఇందిరమ్మ ఇళ్ల మంజూరు పత్రాలు పంపిణీ రాష్ట్ర అటవీ శాఖ మంత్రి కొండా సురేఖ

● టీజీ ఎన్పీడీసీఎల్‌ సీఎండీ కర్నాటి వరుణ్‌ రెడ్డి హన్మకొండ : విద్యుత్‌ ఉద్యోగులు బాఽధ్యతాయుతంగా విధులు నిర్వర్తించాలని టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి అన్నారు. సోమవారం హనుమకొండలోని ఎన్పీడీసీఎల్‌ ప్రధాన కార్యాలయం నుంచి 16 సర్కిళ్ల ఎస్‌ఈలు, డీఈ (టెక్నికల్‌), సేఫ్టీ ఆఫీసర్లతో వీడియో కాన్ఫరెన్స్‌ నిర్వహించారు. ఈ సందర్భంగా ఆయన మాట్లాడుతూ విద్యుత్‌ పనులు చేస్తున్న సమయంలో భద్రతకు సంబంధించి అన్ని జాగ్రత్తలు తీసుకోవాలన్నారు. విద్యుత్‌ ప్ర మాదాలు జరిగే అవకాశం ఉన్న లూజు లైన్లు, వంగిన, తుప్పు పట్టిన స్తంభాలు గుర్తించి మార్చాలన్నారు. తక్కువ ఎత్తులో ఉన్న డిస్ట్రిబ్యూషన్‌ ట్రాన్స్‌ఫార్మర్ల గద్దెల ఎత్తు పెంచాలని, లైన్‌ క్రాసింగ్‌, డబుల్‌ ఫీడింగ్‌ లైన్లను గుర్తించి మార్చాలన్నా రు. ఈ మేరకు కార్యాచరణ రూ పొందించుకోవాలన్నారు. అధి కారులు తమ సర్కిళ్ల పరిధిలో నిరంతరం అప్రమతంగా ఉంటూ విద్యుత్‌ ప్రమాదాల నివా రణపై విస్తృత ప్రచారం కల్పించి వినియోగదారుల్లో చైతన్యం తీసుకురావాలన్నారు. రైతులు స్వయంగా విద్యుత్‌ సంబంధ పనులు చేయొద్దని, అవసరమైతే 1912కు ఫోన్‌ చేయాలన్నారు. వీడియో కాన్ఫ రెన్స్‌లో చీఫ్‌ ఇంజనీర్లు, రాజు చౌహాన్‌, అశోక్‌, వెంకటరమణ, జీఎంలు ఉత్తమ్‌, సురేందర్‌, డీఈ అనిల్‌ కుమార్‌ పాల్గొన్నారు.

కాజీపేట అర్బన్‌: అనుమతి లేకుండా నడుపుతున్న విద్యాసంస్థలపై అధికారులు కొరడా ఝుళిపిస్తున్నారు. హంటర్‌ రోడ్డులోని విశాల్‌మార్ట్‌ ఎదురుగా ఉన్న నారాయణ హైస్కూల్‌ను కాజీపేట మండల విద్యాశాఖ అధికారి బండారి మనోజ్‌కుమార్‌ సోమవారం సీజ్‌ చేశారు. ఎంఈఓ మనోజ్‌కుమార్‌ తెలిపి న వివరాల ప్రకారం.. ప్రభుత్వ గుర్తింపు లేకుండా నడిపిస్తున్న నారాయణ హైస్కూల్‌ను మూసేసి యాజమాన్యానికి హెచ్చరిక జారీ చేశామన్నారు. గుర్తింపు లేని ప్రైవేట్‌ పాఠశాల సీజ్‌ విద్యారణ్యపురి: హనుమకొండ రాంగనర్‌లో అనుమతి లేకుండా నడుపుతున్న మెరీడియన్‌ హై స్కూల్‌ను సోమవారం సీజ్‌ చేసినట్లు హనుమకొండ మండల విద్యాశాఖ అధికారి గుగులోతు నెహ్రూ తెలిపారు. ఆహైస్కూల్‌ను ఇటీవల ఓసారి సీజ్‌ చేసినప్పటికీ మళ్లీ సీజ్‌ను తొలగించుకుని కొనసాగిస్తుండడంతో కాజిపేట ఎంఈఓ బి.మనోజ్‌కుమార్‌తో కలిసి వెళ్లి మరోసారి సీజ్‌ చేసినట్లు నెహ్రూ తెలిపారు. నగరంలోని డబ్బాల జంక్షన్‌ సమీపంలో ని ఏకశిల హై స్కూల్‌లో నిబంధనలకు విరుద్ధంగా పాఠశాల ఆవరణలోనే పాఠ్యపుస్తకాలు అమ్ముతున్నారని ఓగదిలో పుస్తకాల్ని స్టోర్‌గా కూడా ఉపయోగించుకుంటున్నట్లు గుర్తించామని, ఆ గదిని సీజ్‌ చేసినట్లు ఎంఈఓ నెహ్రూ తెలిపారు. నగరంలోని పలు స్కూళ్లు సీజ్‌ విద్యాశాఖ అధికారుల ఆకస్మిక తనిఖీలు

వరంగల్‌ అర్బన్‌: గ్రేటర్‌ వరంగల్‌ నూతన కమిషనర్‌గా తాజాగా బాధ్యతలు చేపట్టిన చాహత్‌ బాజ్‌పాయ్‌ సోమవారం రోజంతా బిజీబిజీగా గడిపారు. రాష్ట్ర అటవీ, పర్యావరణ, దేవాదాయ శాఖ మంత్రి కొండా సురేఖను ఆర్‌అండ్‌బీ గెస్ట్‌ హౌస్‌లో మర్యాద పూర్వకంగా కలిసి పూల మొక్క అందజేశారు. హనుమకొండ కలెక్టర్‌ స్నేహ శబరీష్‌ను, జిల్లా ప్రిన్సిపల్‌ డిస్ట్రిక్ట్‌ అండ్‌ సెషన్‌న్స్‌ జడ్జి డాక్టర్‌ కె.పట్టాభి రామారావును, వరంగల్‌ జిల్లా ప్రిన్సిపల్‌ డిస్ట్రిక్ట్‌ అండ్‌ సెషన్‌న్స్‌ జడ్జి వీబీ.నిర్మలా గీతాంబను వారి కార్యాలయాల్లో మర్యాద పూర్వకంగా కలిసి పూల మొక్క అందించారు. అనంతరం వరంగల్‌ నగరంలో మంత్రి సురేఖ క్యాంపు కార్యాలయంలో ఇందిరమ్మ ఇళ్ల లబ్ధిదారులకు మంజూరు పత్రాల పంపిణీ కార్యక్రమంలో పాల్గొన్నారు. మేయర్‌ గుండు సుధారాణిని జీడబ్ల్యూఎంసీ కార్యాలయంలో కలిసి పూల మొక్క బహూకరించారు. కొద్దిసేపు బల్దియా పరిపాలనా వ్యవహారాలపై చర్చించుకున్నారు. తదుపరి గ్రీవెన్స్‌ సెల్‌లో ప్రజల నుంచి ఫిర్యాదులు స్వీకరించారు. గ్రీవెన్స్‌ సెల్‌ దరఖాస్తుల పరిష్కారం సిటిజన్‌ చార్టర్‌ అమలు చేయాలని ఆదేశాలిచ్చారు. బల్దియా ఆవరణలో కొనసాగుతున్న కౌన్సిల్‌ హాల్‌ ఆధునికీరణను మేయర్‌తో కలిసి పర్యవేక్షించారు. త్వరగా అందుబాటులోకి తీసుకోవాలని ఇంజనీర్లకు సూచించారు. బల్దియా వింగ్‌ అధికారులు, జేఏసీ నాయకులు, వివిధ విభాగాల అధికారులు సిబ్బంది కమిషనర్‌కు పూల మొక్కలు, బోకేలు అందించి శుభాకాంక్షలు తెలిపారు. ఆమె ఉదయం నుంచి సాయంత్రం వరకు తీరిక లేకుండా గడిపారు.

– 8లోuవరంగల్‌ పోలీస్‌ కమిషనరేట్‌లో పోస్టింగ్‌లకు పోటాపోటీ ● ప్రజాప్రతినిధులనుంచి లేఖలు, సిఫార్సులు ● లూప్‌లైన్‌లో ఎంట్రీ.. ఎస్‌హెచ్‌ఓగా కీలక ఠాణాలపై కన్ను ● పైరవీలు, సిఫార్సు లేఖలపై పోలీస్‌ ఉన్నతాధికారి సీరియస్‌? ● పోలీస్‌ వర్గాల్లో చర్చనీయాంశంగా బదిలీలు, పోస్టింగులు గ్రేటర్‌ వరంగల్‌లోని కీలక ఠాణాల కోసం పైరవీలు, లేఖల సిఫారసులు ఉన్నతాధికారులకు తెప్పిస్తున్నాయి. గతంలో ఇక్కడ పనిచేసి ఆరోపణలు, వివాదాస్పదంగా ఉన్న పలువురు ఇన్‌స్పెక్టర్‌లు ఇతర జిల్లాలకు వివిధ పోస్టింగ్‌లలో భాగంగా వెళ్లారు. పరిస్థితులు అనుకూలంగా మారడంతో తిరిగి మళ్లీ ఏదో ఒక కారణం.. పైరవీతో కమిషనరేట్‌లో ఎంటర్‌ అవుతున్నారు. వచ్చిరాగానే కీలక ఠాణాలు ఎంపిక చేసుకుని పావులు కదుపుతుండటంతో పోలీస్‌ ఉన్నతాధికారులు కూడా అసహనం వ్యక్తం చేస్తున్నారన్న ప్రచారం ఉంది. డీసీఆర్‌బీ, పీసీఆర్‌, సీసీఎస్‌, టాస్క్‌ఫోర్స్‌ తదితర విభాగాల్లో ఉన్న కొందరు ఆ విభాగాలకు సంబంధించిన పనులు చేయకుండా ప్రజాప్రతినిధుల చుట్టూ తిరుగుతూ లేఖలు, సిఫారసులు చేయించడం పట్ల పోలీసు ఉన్నతాధికారి చికాకు పడినట్లు తెలిసింది. చేసే పని సరిగా చేయకుండా పైరవీలు చేయించడాన్ని సీరియస్‌గా భావించిన సదరు అధికారి కొందరిని గట్టిగానే మందలించారన్న వార్త పోలీసు సర్కిళ్లలో వైరల్‌గా మారింది. సాక్షిప్రతినిధి, వరంగల్‌: వరంగల్‌ పోలీస్‌ కమిషనరేట్‌లో ‘లేఖ’ల పంచాయితీ నడుస్తోంది. ప్రధానంగా వరంగల్‌ నగర పోస్టింగ్‌ల ప్రయత్నాలు మామూలుగా లేవు. నగరానికి దూరంగా, లూప్‌లైన్‌లో ఉన్న కొందరి కుర్చీల పరుగు సహచర పోలీసులనే ఆశ్చర్యానికి గురి చేస్తున్నాయి. పోటాపోటీగా చేస్తున్న ఈ ప్రయత్నాలు ఒక దశలో ఇటు రాజకీయ నాయకులు, అటు పోలీస్‌ ఉన్నతాధికారులకు చికాకు తెప్పిస్తున్నాయి. ఈ నేపథ్యంలో పోస్టింగ్‌ పట్టడమే కాదు తెచ్చుకున్న స్థానాన్ని కాపాడుకునేందుకు కొందరు పోలీస్‌ ఇన్‌స్పెక్టర్లు పడరాని పాట్లు పడుతున్నారు. మరికొందరైతే బదిలీలకు కొద్ది రోజుల ముందు కమిషనరేట్‌లో ఎంటరై లూప్‌లైన్‌ సీటు సంపాదించి.. ఆ వెంటనే ఆ పనిచేయకుండా స్టేషన్‌ హౌస్‌ ఆఫీసర్‌ పోస్టింగ్‌ల కోసం పావులు కదుపుతున్నారు. ఎక్కడ ఎవరూ ఏం మిస్టేక్‌ చేస్తారా? అని మరీ లేఖలు తీసుకుని కాచుకు కూర్చుంటున్నారు. దీంతో ఠాణాలలో ఎస్‌హెచ్‌ఓలుగా పనిచేసే పలువురు అభద్రతాభావానికి గురవుతున్నారన్న చర్చ ఆ శాఖలో ప్రస్తుతం హాట్‌టాపిక్‌గా ఉంది. పోలీసుల పోస్టింగ్‌లపై ‘అఽధికార’ మార్కు.. వరంగల్‌ పోలీస్‌ కమిషనరేట్‌ పరిధి పలువురు పోలీస్‌ ఇన్‌స్పెక్టర్లు, ఏసీపీల బదిలీ వెనుక అధికార కాంగ్రెస్‌ పార్టీ మార్కు ఉందన్న చర్చ ఉంది. సార్వత్రిక ఎన్నికల ఫలితాలు వెలువడిన మరుసటి రోజునుంచే ఇక్కడ పోస్టింగ్‌ల కోసం పోటాపోటీగా పావులు కదుపుకుంటున్నారన్న చర్చ ఉంది.. ఒక ఇన్‌స్పెక్టర్‌ (ఎస్‌హెచ్‌ఓ) పదవీకాలం ఏడాదిన్నరైనా పూర్తికాక ముందే ఆ పోస్టింగ్‌లు కొట్టేందుకు వారి సహచరులే ప్రజాప్రతినిధులను కాకా పట్టిన వైనం అప్పట్లో బహిరంగంగానే మాట్లాడుకున్నారు. కాగా, ఈ పోస్టింగ్‌ల ప్రయత్నాల్లో గత ప్రభుత్వం హయాంలో పనిచేసిన కొందరు దూరంగా ఉంటుండగా.. మరికొందరు ఇప్పటికీ కీలక పోస్టింగ్‌లు పొందుతున్నారు. కోరుకున్న చోట కొ లువు చేయాలనుకునే కొందరు సీఐలు ఆ ఠాణాల్లో ఖర్చీఫ్‌ (లేఖ)లు వేసుకుని పోస్టింగ్‌లపైనే దృష్టిపెట్టడం వల్ల వారు పనిచేస్తున్న విభాగాల్లో పనులు పెండింగ్‌ పడుతున్నాయి. వీటికి కారణాలేమైనా.. బదిలీలు, పోస్టింగ్‌లు జరిగినప్పుడల్లా ఆ అంశంపై పోలీస్‌శాఖలో చర్చ జరుగుతోంది. ఇదిలా ఉండగా కీలక ఠాణాలు, సర్కిళ్లలో పోస్టింగ్‌ల కోసం సీఐల మధ్య ‘కుర్చీలాట’ సాగడం.. గత ఆరు నెలల వ్యవధిలో జరిగిన బదిలీల సందర్భంగా చాలామందికి స్థానచలనం కలగడం, తిరిగి మళ్లీ పోస్టింగ్‌లు పొందడం హాట్‌టాపిక్‌ అవుతోంది. న్యూస్‌రీల్‌చికాకు తెప్పిస్తున్న పైరవీలు, లేఖలు

వరంగల్‌ అర్బన్‌: ‘వ్యయ, ప్రయాసలకోర్చి క్షేత్ర స్థాయి సమస్యలపై ప్రజలు గ్రీవెన్స్‌ సెల్‌లో ఫిర్యాదులు అందజేస్తారు. అలాంటి ఫిర్యాదులపై ఏ మాత్రం నిర్లక్ష్యం వహించకూడదు’ అని గ్రేటర్‌ వరంగల్‌ నూతన కమిషనర్‌ చాహత్‌ బాజ్‌పాయ్‌ అధికారులను ఆదేశించారు. సోమవారం బల్దియా ప్రధాన కార్యాలయం కమాండ్‌ కంట్రోల్‌ సెంటర్‌ గ్రీవెన్స్‌ సెల్‌లో ప్రజల నుంచి ఆమె దరఖాస్తులు స్వీకరించారు. ఈసందర్భంగా కమిషనర్‌ పలు సమస్యలపై ఆరా తీస్తూ, ఆదేశాలిచ్చారు. ఫిర్యాదు అందిన 24 గంటల్లో శానిటేషన్‌ సమస్యలు పరిష్కారం కావాలన్నారు. ఆక్రమణలు, అతిక్రమణలు, ఇతర ఫిర్యాదులపై టౌన్‌ ప్లానింగ్‌, ఇంజనీరింగ్‌ అధికారులు, సిబ్బంది వారం రోజుల్లో క్లియర్‌ చేయాలని కోరారు. సమస్యాత్మకంగా ఉంటే తన దృష్టికి తీసుకొచ్చి, నివేదిక రూపంలో అందజేయాలని సూచించారు. సీడీఎంఏ సిటిజన్‌ బుడ్డీ యాప్‌లోని విజ్ఞప్తులు రాష్ట్ర వ్యాప్తంగా అన్ని మున్సిపాలిటీల్లో అమలు చేస్తున్నారని, ఇక్కడ కూడా ఆ విధానాన్ని వేగంగా పాటించాలన్నారు. మొత్తం 111 ఫిర్యాదులు బల్దియా గ్రీవెన్స్‌ సెల్‌కు మొత్తం 111 ఫిర్యాదులు వచ్చాయి. అందులో టౌన్‌ ప్లానింగ్‌ సెక్షన్‌కు 58, ఇంజనీరింగ్‌ విభాగానికి 26, హెల్త్‌, శానిటేషన్‌కు 9, పన్నుల సెక్షన్‌కు 9, తాగునీటి సెక్షన్‌కు 5, హార్టికల్చర్‌ 2, ఎలక్ట్రికల్‌ విభాగానికి 2 ఫిర్యాదులు నమోదైనట్లు అధికారులు వెల్లడించారు. కార్యక్రమంలో అడిషనల్‌ కమిషనర్‌ జోనా, సీఎంహెచ్‌ఓ రాజారెడ్డి, సెక్రటరీ అలివేలు, ఇన్‌చార్జ్‌ సిటీప్లానర్‌ రవీందర్‌ రాడేకర్‌, హెచ్‌ఓలు రమేశ్‌, లక్ష్మారెడ్డి, డిప్యూటీ కమిషనర్‌ రవీందర్‌, ఎంహెచ్‌ఓ రాజేశ్‌, టీఓ రామకృష్ణ తదితరులు పాల్గొన్నారు. ఫిర్యాదుల్లో కొన్ని.. – 29వ డివిజన్‌ రామన్నపేటలో కొత్తగా ఏర్పాటు చేస్తున్న సెల్‌ టవర్‌ అనుమతులు రద్దు చేసి, స్థానికుల ఆరోగ్యాలను కాపాడాలని కాలనీవాసులు వినతిపత్రం అందజేశారు. ● 41వ డివిజన్‌ శంభునిపేట అంబేడ్కర్‌ వీధిలో 3 విద్యుత్‌ స్తంభాలు మంజూరు చేయాలని కాలనీవాసులు విజ్ఞప్తి చేశారు. ● హనుమకొండ ప్రశాంత్‌నగర్‌ డాక్టర్స్‌ కాలనీలో 60 ఫీట్ల రోడ్డు నిర్మాణాన్ని పట్టదారులు అడ్డుకుంటున్నారని చర్యలు తీసుకోవాలని స్థానికులు ఫిర్యాదు చేశారు. ● హనుమకొండ 30వ డివిజన్‌ ఏషియన్‌ మాల్‌ వెనుక భాగంలో, హయగ్రీవా చారి గ్రౌండ్‌కు సమీపంలో ఆస్పత్రి భవన నిర్మాణాన్ని నిబంధనలకు విరుద్ధంగా నిర్మిస్తున్నారని స్థానిక కార్పొరేటర్‌ కోమల విన్నవించారు. ● హనుమకొండ ఏకశిల పార్కు ఎదుట వాహనాల పార్కింగ్‌, పార్కులు, వివిధ సమస్యలు పరిష్కారించాలని వాకర్స్‌ అసోసియేషన్‌ ప్రతినిధులు వినతి పత్రం అందజేశారు. ● హనుమకొండ ఎర్రగట్టు గుట్ట వద్ద అంబాల రోడ్డులో బస్‌ షెల్టర్‌ నిర్మించాలని నారాయణనగర్‌ కాలనీ వెల్ఫేర్‌ అసోసియేషన్‌ ప్రతినిధులు విన్నవించారు. ● హనుమకొండ పెగడపల్లికి వెళ్లే రోడ్డును ఆక్రమించి నిర్మాణం చేస్తున్నారని చర్యలు తీసుకోవాలని హనుమాన్‌ నగర్‌ కాలనీ వెల్ఫేర్‌ అసోసియేషన్‌ ప్రతినిధులు కోరారు. 24 గంటల్లో శానిటేషన్‌ పనులు పూర్తి చేయాలి 7 రోజుల్లో టౌన్‌ ప్లానింగ్‌, ఇంజనీరింగ్‌ ఫిర్యాదులు పరిష్కారమవ్వాలి సీడీఎంఏ సిటిజన్‌ బుడ్డీ ఫాలో కావాలి గ్రేటర్‌ వరంగల్‌ గ్రీవెన్స్‌ సెల్‌లో కొత్త కమిషనర్‌ చాహత్‌ బాజ్‌పాయ్‌

కొండా దంపతులపై టీపీసీసీ చీఫ్‌కు ఫిర్యాదు వరంగల్‌: పార్టీని నమ్ముకున్న తమకు నామినేటెడ్‌ పదవులు ఇవ్వకుండా కొండా సురేఖ దంపతులు అన్యాయం చేస్తున్నారని వరంగల్‌ తూర్పు కాంగ్రెస్‌ పార్టీ సీనియర్‌ నాయకులు టీపీసీసీ చీఫ్‌ మహేశ్‌కుమార్‌గౌడ్‌కు ఏకరువు పెట్టారు. సోమవారం తూర్పు కాంగ్రెస్‌ నాయకులు ఎమ్మెల్సీ బస్వరాజు సారయ్య, జిల్లా పార్టీ అధ్యక్షురాలు ఎర్రబెల్లి స్వర్ణ నేతృత్వంలో హైదరాబాద్‌లో టీపీసీసీ చీఫ్‌ మహేశ్‌కుమార్‌ను మర్యాద పూర్వకంగా కలిసి సన్మానించారు. ఈసందర్భంగా పలువురు ఆయనతో మాట్లాడుతూ.. కాంగ్రెస్‌లోని సీనియర్లను కాదని గత ఎన్నికల్లో, గెలిచిన తర్వాత పార్టీలో వచ్చిన వారికి నామినేటెడ్‌ పదవులు ఇస్తూ తమను నిర్లక్ష్యం చేస్తున్నారని వివరించారు. ఈవిషయంపై అసంతృప్తి వ్యక్తం చేసిన వారిపై కేసులు పెడుతూ ఇబ్బందులకు గురి చేస్తున్నారని ఆవేదన వ్యక్తం చేశారు. ఇటీవల భద్రకాళీ దేవాలయ ట్రస్ట్‌బోర్డులో సైతం గెలిచిన తర్వాత వచ్చిన వారికి అవకాశం కల్పించారే తప్ప సీనియర్లను విస్మరించారని ఫిర్యాదు చేశారు. కాగా.. ‘తప్పకుండా పార్టీ కోసం పనిచేసిన వారికి అవకాశాలు కల్పిస్తాం’ అని మహేష్‌కుమార్‌గౌడ్‌ హామీ ఇచ్చినట్లు నాయకులు తెలిపారు. కార్యక్రమంలో ఎమ్మెల్సీ బస్వరాజు సారయ్య, డీసీసీ అధ్యక్షురాలు ఎర్రబెల్లి స్వర్ణ, కార్పొరేటర్‌ గుండేటి నరేంద్రకుమార్‌, బ్లాక్‌ కాంగ్రెస్‌ అధ్యక్షుడు గోరంటల రాజు, మాజీ కార్పొరేటర్లు జన్ను అరుణ్‌, దూపం సంపత్‌, బిల్ల శ్రీకాంత్‌, జన్ను రవి, కరాటే ప్రభాకర్‌, జిల్లా యూత్‌ కాంగ్రెస్‌ అధ్యక్షుడు కొరిమి పరమేశ్‌, అర్బన్‌ అధ్యక్షుడు సలీం, వరుణ్‌, లింగమూర్తి, రవి, లక్ష్మణ్‌, బాలరాజు, కొమురయ్య, చిరంజీవి, దామోదర్‌, తిరుపతి పాల్గొన్నారు.

హన్మకొండ అర్బన్‌: ప్రజావాణిలో స్వీకరించిన వినతులు త్వరగా పరిష్కరించాలని హనుమకొండ కలెక్టర్‌ స్నేహ శబరీష్‌ అధికారులను ఆదేశించారు. సోమవారం కలెక్టరేట్‌లో నిర్వహించిన ప్రజావాణిలో కలెక్టర్‌ ప్రజల నుంచి వినతులు స్వీకరించారు. ఈసందర్భంగా కలెక్టర్‌ మాట్లాడుతూ.. ప్రజావాణిలో గ్రీవెన్స్‌లో స్వీకరించిన అర్జీల పరిష్కారంలో జాప్యం వద్దన్నారు. ప్రజావాణిలో వివిధ శాఖలకు మొత్తం 145 వినతులు స్వీకరించినట్లు తెలిపారు. కార్యక్రమంలో అదనపు కలెక్టర్‌ వెంకట్‌రెడ్డి, డీఆర్‌ఓ వైవీ.గణేశ్‌, డీఆర్డీఓ పీడీ మేన శ్రీను, హనుమకొండ, పరకాల ఆర్డీఓలు రాథోడ్‌ రమేశ్‌, నారా యణ, సీపీఓ సత్యనారాయణ, వివిధ శాఖల అధికారులు పాల్గొన్నారు. అన్ని శాఖల అధికారులు రావాల్సిందే..ప్రజావాణికి జిల్లాలోని అన్ని శాఖల అధికారులు తప్పనిసరిగా రావాల్సిందేనని హనుమకొండ కలెక్టర్‌ స్నేహ శబరీష్‌ అధికారులను ఆదేశించారు. సోమవారం ప్రజావాణికి హాజరైన కలెక్టర్‌ స్నేహ శబరీష్‌ పోలీస్‌, ఫారెస్ట్‌ శాఖ నుంచి అధికారులు వచ్చారా? అంటూ ప్రత్యేకంగా ఆరా తీశారు. వారు రాలేదని అధికారులు తెలపడంతో హాజరు రిజిస్టర్‌ ను సంబంధిత అధికారులు నుంచి తీసుకొని పరిశీలించారు. శాఖల వారీగా ఎవరెవరు వచ్చారు? అని పరిశీలించిన కలెక్టర్‌ ఇకపై ఫారెస్ట్‌, పోలీస్‌ అధికారులు కూడా ప్రజావాణికి హాజరుకావాలని ఆదేశించారు. అధికారులు సకాలంలో హాజరుకావడంతో పాటు సమస్యల పరిష్కారానికి చర్యలు తీసుకోవాలని సూచించారు. పరిష్కారం ఎప్పుడో? న్యూశాయంపేట: సమస్యల పరిష్కారానికి మండల స్థాయిలో, కలెక్టరేట్‌లోని గ్రీవెన్స్‌లో దరఖాస్తు చేసుకున్నా... పరిష్కారం చూపడం లేదని అర్జీదారులు వాపోతున్నారు. సోమవారం వరంగల్‌ కలెక్టరేట్‌లో కలెక్టర్‌ సత్యశారద ప్రజావాణి వినతులు స్వీకరించారు. మొత్తం 127 దరఖాస్తులు రాగా ఆయాశాఖల అధికారులకు ఎండార్స్‌ చేశారు. అనంతరం కలెక్టర్‌ మాట్లాడుతూ.. జనవరి మాసం నుంచి ఇప్పటివరకు 11,221 దరఖాస్తులు రాగా 10,349 దరఖాస్తులు పరిష్కరించగా 872 దరఖాస్తులు పెండింగ్‌లో ఉన్నాయన్నారు. వాటిని కూడా అధికారులు త్వరగా పరిష్కరించాలన్నారు. కార్యక్రమంలో అదనపు కలెక్టర్‌ సంధ్యారాణి, డీఆర్‌ఓ విజయలక్ష్మి, ఆర్డీఓలు సత్యపాల్‌రెడ్డి, ఉమారాణి, జెడ్పీ సీఈఓ రామిరెడ్డి, డీఆర్‌డీఓ కౌసల్యాదేవి, హౌసింగ్‌ పీడీ గణపతి పాల్గొన్నారు. హనుమకొండ కలెక్టర్‌ స్నేహ శబరీష్‌

హన్మకొండ అర్బన్‌: హనుమకొండ కలెక్టర్‌ స్నేహ శబరీష్‌ను టీఎన్జీఓస్‌ హనుమకొండ జిల్లా అధ్యక్షుడు ఆకుల రాజేందర్‌ ఆధ్వర్యంలో సోమవారం నాయకులు మర్యాదపూర్వకంగా కలిసి పుష్పగుచ్ఛాలు అందించి శుభాకాంక్షలు తెలిపారు. కార్యక్రమంలో సంఘం జిల్లా కార్యదర్శి బైరి సోమయ్య, అసోసియేట్‌ అధ్యక్షుడు పుల్లూరు వేణుగోపాల్‌, కేంద్ర సంఘం నేతలు రామునాయక్‌, పెన్షనర్ల సంఘం నేతలు సర్వర్‌ హుస్సేన్‌, గోవర్దన్‌, జిల్లా టీఎన్జీఓస్‌ నాయకులు సురేశ్‌, శ్రీనివాస్‌, రాజీవ్‌, ప్రణయ్‌, ఫాతిమా, సురేఖ, నాగరాణి, చైతన్య, రవళిక, తదితరులు పాల్గొన్నారు. నేటి నుంచి టీజీఈసెట్‌ కౌన్సెలింగ్‌రామన్నపేట: రాష్ట్రంలోని వివిధ ప్రభుత్వ, ప్రై వేట్‌ ఇంజనీరింగ్‌, ఫార్మసీ కళాశాలల్లో డిప్లొ మా విద్యార్థులకు రెండో సంవత్సరం బీఈ/బీటెక్‌/బీఫార్మసీ కోర్సుల్లో ప్రవేశాల కోసం టీజీఈసెట్‌ కౌన్సెలింగ్‌ నేటి (మంగళవారం) నుంచి ప్రారంభం కానున్నట్లు వరంగల్‌ ప్రభుత్వ పాలిటెక్నిక్‌ కళాశాల ప్రిన్సిపాల్‌, టీజీఈసెట్‌ క్యాంప్‌ ఆఫీసర్‌ బైరి ప్రభాకర్‌ తెలిపారు. ఈనెల 17 నుంచి 19 వరకు సర్టిఫికెట్‌ వెరిఫికేషన్‌ (స్లాట్‌ బుక్‌ చేసిన అభ్యర్థులకు), 17 నుంచి 21 వరకు ఆప్షన్ల ఎంపిక (కళాశాలు, కోర్సులు), 21న ఆప్షన్ల ఫ్రీజింగ్‌, 25వ తేదీలోపు సీట్ల తాత్కాలిక కేటాయింపు, 25 నుంచి 29 వరకు ట్యూషన్‌ ఫీజు చెల్లింపు, సెల్ఫ్‌ రిపోర్టింగ్‌ ఉంటుందని ఒక ప్రకటనలో పేర్కొన్నారు. సర్టిఫికెట్‌ వెరిఫికేషన్‌కు హాజరయ్యే అభ్యర్థులు ర్యాంక్‌ కార్డు, హాల్‌ టికెట్‌, ఎస్సెస్సీ మెమో, డిప్లొమా సర్టిఫికెట్‌, స్లడీ సర్టిఫికెట్‌, కుల, ఆదాయ ధ్రువీకరణ పత్రం, టీసీ, తదితర సర్టిఫికెట్లు తప్పనిసరిగా వెంట తెచ్చుకోవాలని వివరించారు. మరిన్ని వివరాలకు htttps://tgecet.nic.in వెబ్‌సైట్‌ను సందర్శించాలని పేర్కొన్నారు. జాతీయ స్థాయి బాక్సింగ్‌ పోటీలకు తనుశ్రీహసన్‌పర్తి: జాతీయ స్థాయి బాక్సింగ్‌ పోటీలకు హసన్‌పర్తికి చెందిన శీలం తనుశ్రీ ఎంపికై ంది. ఈనెల 11, 12వ తేదీల్లో బాక్సింగ్‌ అసోిసియేషన్‌ ఆధ్వర్యంలో నిజామాబాద్‌ జిల్లాలో జరిగిన అండర్‌–17 బాక్సింగ్‌ పోటీల్లో తనుశ్రీ పాల్గొని బంగారు పతకం సాధించింది. ఈనెల 18 నుంచి 25వ తేదీ వరకు హర్యానాలో జరిగే జాతీయ స్థాయి పోటీల్లో ఆమె పాల్గొననుంది. ఈసందర్భంగా హసన్‌పర్తి జిల్లా పరిషత్‌ పాఠశాల ఆవరణలో సోమవారం జరిగిన కార్యక్రమంలో తనుశ్రీని స్థానిక కార్పొరేటర్‌ గురుమూర్తి శివకుమార్‌, ప్రధానోపాధ్యాయురాలు సుమాదేవి, ఉపాధ్యాయులు ఎల్లయ్య, పార్థ సారథి అభినందించారు. వేధింపులకు పాల్పడుతున్న వారిపై విజిలెన్స్‌ ఆరాకాజీపేట రూరల్‌: కాజీపేట రైల్వే సబ్‌ డివిజన్‌ పరిధిలో పని చేస్తున్న గ్యాంగ్‌ ఉమెన్‌లపై వేధింపులకు పాల్పడుతున్న ఇంజనీరింగ్‌ అధికారులపై విజిలెన్స్‌ అధికారులు ఆరా తీస్తున్నట్లు సోమవారం రైల్వే సంఘాల నాయకులు తెలిపారు. ఇంజనీరింగ్‌ విభాగాల్లో విధుల్లో ఉన్న గ్యాంగ్‌ ఉమెన్లపై కావాలనే వేధింపులకు పాల్పడుతూ, డ్యూటీలో వర్క్‌ టార్గెట్‌ ఇవ్వడ, ఉద్దేశ్యపూర్వకంగా హాజరు వేయకపోవడం, విధులకు విరుద్ధంగా సమయపాలన లేకుండా పని చేయిస్తున్న కొందరు ఇంజనీరింగ్‌ అధికారులపై సికింద్రాబాద్‌ రైల్వే విజిలెన్స్‌ విభాగాధికారులు ఆరా తీస్తున్నట్లు నాయకులు తెలిపారు. మొరాయించిన సర్వర్‌.. రిజిస్ట్రేషన్లకు బ్రేక్‌కాజీపేట అర్బన్‌: వరంగల్‌ ఆర్‌ఓ రిజిస్ట్రేషన్‌ కార్యాలయంలో సోమవారం ఈ–కేవైసీ ఆధా ర్‌ సర్వర్‌ మొరాయించింది. దీంతో ఉదయం నుంచి మధ్యాహ్నం వరకు రిజిస్ట్రేషన్లకు బ్రేక్‌ పడింది. ఉదయం 10.30 నుంచి 12 గంటల వరకు సర్వర్‌ పని చేయకపోవడంతో రిజిస్ట్రేషన్ల కోసం భూక్రయవిక్రయదారులు రిజిస్ట్రేషన్‌ కార్యాలయంలో ఎదురుచూశారు. తిరిగి 12.30 గంటల నుంచి రిజిస్ట్రేషన్లు ప్రారంభమయ్యాయి. దీంతో ప్రతీ రోజు సాయంత్రం 5.30 నిమిషాలకు ముగియాల్సిన రిజిస్ట్రేషన్లు 6.30 నిమిషాల వరకు కొనసాగాయి.

హన్మకొండ కల్చరల్‌ : నాటక రంగాన్ని భావితరాలకు అందించాలని, కళాకారులను ప్రోత్సహిస్తూ దాతలు సహకరించాలని కేంద్ర ఖాదీ చిన్నపరిశ్రమల మాజీ డైరెక్టర్‌ ఈగ మల్లేశం అన్నారు. తెలంగాణ రాష్ట్ర భాషా సాంస్కృతికశాఖ, రాష్ట్ర చలనచిత్ర, నాటకరంగ అభివృద్ధి సంస్థ హైదరాబాద్‌ సౌజన్యంతో వరంగల్‌ జిల్లా రంగస్థల కళాకారుల ఐక్యవేదిక ఆధ్వర్యంలో మూడు రోజులపాటు జరిగిన 16వ జాతీయస్థాయి నాటిక పోటీలు ఆదివారంతో ముగిశాయి. సాయంత్రం వరంగల్‌ పోతన విజ్ఞానపీఠం ఆడిటోరియంలో ఐక్యవేదిక అధ్యక్షుడు కాజీపేట తిరుమలయ్య అధ్యక్షతన జరిగిన కార్యక్రమంలో ఈగ మల్లేశం పాల్గొన్నారు. జ్యోతి ప్రజ్వలన చేసి నాటిక పోటీలను ప్రారంభించారు. అతిథులుగా కేయూ రిజిస్ట్రార్‌ ప్రొఫెసర్‌ వి.రామచంద్రం, డా.శ్రీరామోజు సుందరమూర్తి, రచయిత వడ్డేపల్లి నర్సింగరావు, వేదిక సలహాదారు పొగాకు రాజేశ్వరరావు, ప్రధాన కార్యదర్శి ఎన్‌ఎస్‌ఆర్‌ మూర్తి పాల్గొని ప్రసంగించారు. ఈసందర్భంగా రంగస్థల కళాకారులు కుసుమ సుధాకర్‌, సాదుల సురేశ్‌ను ఘనంగా సన్మానించారు. అనంతరం హైదరాబాద్‌ గోవాడ క్రియేషన్స్‌ వారు అమ్మ చెక్కిన బొమ్మ, కాట్రపాడు ఉషోదయ కళానికేతన్‌ వారి కిడ్నాప్‌ నాటిక ప్రదర్శనలు అలరించాయి. కార్యక్రమంలో రంగస్థల కళాకారులు జేఎన్‌ శర్మ, బిటవరం శ్రీధరస్వామి, సుధాకర్‌, విజయరాజ్‌, జూలూరు నాగరాజు, సంజయ్‌బాబు, ఆకుల సదానందం ఓడపల్లి చక్రపాణి పాల్గొన్నారు. కేంద్ర ఖాదీ చిన్నపరిశ్రమల మాజీ డైరెక్టర్‌ ఈగ మల్లేశం ముగిసిన జాతీయస్థాయి ఆహ్వాన నాటిక పోటీలు

హన్మకొండ చౌరస్తా: గత బీఆర్‌ఎస్‌ సర్కార్‌ హయాంలో పదేళ్లు మంత్రిగా ఉన్న కేటీఆర్‌ వరంగల్‌ నగర అభివృద్ధికి చేసిందేంటో చెప్పాలని, లేదంటే 16 నెలల పాలనలో కాంగ్రెస్‌ ప్రభుత్వం చేసిన అభివృద్ధిని ఆధారాలతో సహా చర్చకు సిద్ధమని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. హనుమకొండలోని కాంగ్రెస్‌ పార్టీ జిల్లా కార్యాలయంలో ఆదివారం ఆయన విలేకరులతో మాట్లాడారు. మిషన్‌ కాకతీయ, మిషన్‌ భగీరథలకు తేడా తెలియని మాజీ ఎమ్మెల్యే వినయ్‌భాస్కర్‌.. భద్రకాళి చెరువు పూడికతీతను పరిశీలించడం హాస్యాస్పదం అన్నారు. కమీషన్ల కోసమే చెరువు అభివృద్ధి పనులంటూ ఆరోపించడం చూస్తుంటే దొంగలే దొంగ అంటున్న సామెత గుర్తొస్తుందని ఎద్దేవా చేశారు. తాము కక్ష సాధింపు చర్యలకు దిగితే బీఆర్‌ఎస్‌ నాయకులు ఒక్కరు కూడా బయట తిరగరన్నారు. తన సొంత ఊరు వడ్డ్డేపల్లి రైతుల భూములను లాక్కోవాలని చూసిన వినయ్‌భాస్కర్‌కు మా గురించి మాట్లాడే హక్కు లేదన్నారు. నాడు కేసీఆర్‌ పాలనలో అనేక అక్రమాలు జరుగుతున్నాయని వ్యతిరేకించిన ఆర్‌ఎస్‌ ప్రవీణ్‌కుమార్‌, నేడు వత్తాసు పలకడం సిగ్గుచేటని అన్నారు. సమావేశంలో ‘కుడా’ చైర్మన్‌ ఇనుగాల వెంకట్రాంరెడ్డి, టీటీపీసీసీ సభ్యుడు బత్తిని శ్రీనివాసరావు, కార్పొరేషన్‌ ఫ్లోర్‌ లీడర్‌ తోట వెంకటేశ్వర్లు, నాయకులు పాల్గొన్నారు.పశ్చిమ ఎమ్మెల్యే నాయిని రాజేందర్‌రెడ్డి

సాక్షి, వరంగల్‌: వరంగల్‌ జిల్లాలో ప్రభుత్వ పథకాలను పకడ్బందీగా అమలు చేస్తూనే.. ప్రాధాన్యం కలిగిన విద్య, వైద్యంతోపాటు ఉమ్మడి వరంగల్‌ వాసుల ఏళ్లనాటి కల మామునూరు విమానాశ్రయ పనులు ముందుకు తీసుకెళ్లడంలో కలెక్టర్‌ సత్యశారద తన మార్క్‌ చూపెడుతున్నారు. కలెక్టర్‌గా ఆమె సోమవారం నాటికి బాధ్యతలు చేపట్టి ఏడాది పూర్తికానుంది. విద్యార్థుల సమస్యలను తెలుసుకునేందుకు గురుకుల పాఠశాలల్లో ‘ఫిర్యాదుల పెట్టె’లు ఏర్పాటు చేశారు. అంతేకాకుండా గురుకులాలను సందర్శించిన సమయంలో ఫిర్యాదుల పెట్టెలను తెరిచి విద్యార్థుల సమస్య పరిష్కారానికి చర్యలు తీసుకున్నారు. ఈకార్యక్రమానికి రాష్ట్రస్థాయిలో ప్రశంసలు వచ్చాయి. స్ఫూర్తి కార్యక్రమం ద్వారా పదో తరగతిలో ఉత్తీర్ణత శాతం పెంచారు. అలాగే, గ్రీవెన్స్‌కు వచ్చే సీనియర్‌ సిటిజన్ల ఫిర్యాదులను త్వరగా పరిష్కరించేందుకు ప్రాధాన్యం ఇచ్చారు. ఇటీవల వరంగల్‌లో జరిగిన ప్రపంచ అందాల భామల పర్యటన విజయవంతమయ్యేలా అన్ని శాఖల అధికారులను సమన్వయం చేశారు. చారిత్రక వరంగల్‌ ప్రాధాన్యాన్ని ప్రపంచానికి చాటేలా పర్యవేక్షించారు. పలు అంశాల్లో ప్రత్యేక చొరవ.. ● కలెక్టర్‌గా బాధ్యతలు స్వీకరించిన సత్యశారద తొలి రెండు నెలల్లో పూర్తిస్థాయిలో ఎంజీఎంపై దృష్టిసారించారు. డుమ్మా కొట్టే వైద్యులకు అప్పటి సూపరింటెండెంట్‌ వి.చంద్రశేఖర్‌ ద్వారా నోటీసులు కూడా ఇప్పించారు. రోగులపై నిర్లక్ష్యంగా వ్యవహరించే కొందరు నర్సుల తీరు కూడా మార్చుకోవాలని ఆమె క్షేత్రస్థాయిలో పర్యటించి హెచ్చరించారు. ● ఉమ్మడి వరంగల్‌ వాసుల ఏళ్లనాటి కల నెరవేర్చే దిశగా కలెక్టర్‌ అడుగులు వేస్తున్నారు. ఆమె బాధ్యతలు చేపట్టిన ఏడాదిలోనే మామునూరు విమానాశ్రయం కోసం అవసరమయ్యే అదనపు 253 ఎకరాల భూసేకరణ సర్వేను పలు దఫాలుగా రెవెన్యూ అధికారులతో చేయించారు. భూనిర్వాసితులను ఒప్పించడంలో ఆమె విజయవంతమయ్యారని కలెక్టరేట్‌ వర్గాలంటున్నాయి. అలాగే, ఇన్నర్‌ రింగ్‌రోడ్డు, గ్రీన్‌ఫీల్డ్‌ హైవే భూనిర్వాసితులతో సమీక్షలు చేస్తూ భూసేకరణ కొలిక్కి వచ్చేలా ప్రయత్నిస్తున్నారు. ● కలెక్టర్‌గా రాకముందు సీసీఎల్‌ఏలో పనిచేసిన అనుభవం ఉండడంతో రెవెన్యూ సమస్యల పరిష్కారంలో చొరవ చూపారు. భూభారతి సదస్సుల్లో స్వయంగా పాల్గొని రైతులకు అవగాహన కలిగించారు. ● వరంగల్‌ బస్టాండ్‌తో పాటు జిల్లా సమీకృత కలెక్టరేట్‌ పనుల్లో వేగం పెంచాలని ఇప్పటికే అధికారులను పలుమార్లు ఆదేశించారు. వరంగల్‌ కలెక్టర్‌ డాక్టర్‌ సత్యశారద బాధ్యతలు చేపట్టి నేటికి ఏడాది ఎంజీఎంలో మెరుగైన వైద్యసేవలకు ప్రత్యేక చొరవ మామునూరు విమానాశ్రయం ముందుకెళ్లేలా చర్యలు ఫిర్యాదుల పెట్టెలతో విద్యార్థుల సమస్యల పరిష్కారానికి కృషి

ఖిలా వరంగల్‌: భూ కబ్జాదారుల ఆగడాలతో మనస్తాపం చెందిన ఓ వ్యక్తి ఆత్మహత్యాయత్నానికి పాల్పడగా చికిత్స పొందుతూ ఆదివారం మృతి చెందాడు. మిల్స్‌కాలనీ పోలీసుల కథనం ప్రకారం.. వరంగల్‌ కరీమాబాద్‌కు చెందిన పోలపాక కుమారస్వామి (55) ఆటోడ్రైవర్‌గా పనిచేస్తున్నాడు. వారసత్వంగా సంక్రమించిన భూమిని అమ్ముకోగా, మిగిలిన 14 గుంటల భూమిని ముగ్గురు.. బండి కుమారస్వామి, పులి రజనీకాంత్‌, తాళ్ల మల్లేశం కబ్జా చేసి ప్రహరీ నిర్మించారు. ఆ భూమి తనదేనని పోలెపాక కుమారస్వామి పత్రాలతో వెళ్తే ఎస్సీ, ఎస్టీ పేరుతో దుర్భాషలాడుతూ బెదిరింపులకు పాల్ప డ్డారు. దీంతో తీవ్ర మనస్తాపం చెందిన కుమారస్వామి ఈనెల 9న తన భూమి వద్దకు వెళ్లి ఒంటిపై కిరోసిన్‌ పోసుకుని నిప్పంటించుకున్నాడు. 80 శాతం కాలిన గాయాలయ్యాయి. వెంటనే బంధువులు హుటాహుటిన ఎంజీఎం ఆస్పత్రికి తరలించారు. చికిత్స పొందుతూ ఆదివారం సాయంత్రం చనిపోయాడు. మృతుడి కుమారుడు రాంకుమార్‌ ఫిర్యాదు మేరకు మిల్స్‌ కాలనీ పోలీసులు కేసు నమోదు చేసుకున్నారు.ఆత్మహత్యకు యత్నించిన వ్యక్తి మృతి

ప్రస్తుతం మరమ్మతులు పూర్తి చేసుకున్న ఈ కలెక్టర్‌ క్యాంపు కార్యాలయం 1886లో అప్పటి నిజాం అధికారి జార్జి పామర్రు సారథ్యంలో నిర్మించారు. ఈ భవనం వయస్సు దాదాపు 138 సంవత్సరాలు పై మాటే. ఈ భవనంలో దాదాపు 40 మందికి పైగా కలెక్టర్లు నివాసం ఉన్నారు. కలెక్టర్‌ బంగ్లా కొత్తది నిర్మించడంతో పాత బంగ్లాను హెరిటేజ్‌ భవనంగా తీర్చిదిద్దాలనే సంకల్పంతో ప్రస్తుతం బదిలీ అయిన కలెక్టర్‌ ప్రావీణ్య ప్రత్యేక చొరవ తీసుకున్నారు. ప్రభుత్వ అనుమతి తీసుకొని మరమ్మతులు చేయించారు. దెయ్యం.. భయం గతంలో ఉన్న కలెక్టర్లలో కొందరు ఈ భవనంలో తాము స్వయంగా దెయ్యం అనుభవాలు చవిచూశామని చెప్పడం అప్పట్లో కొంత చర్చనీయాంశమైంది. అయినప్పటికీ ఈ భవనానికి రాకపోకలు, అధికారులు నివాసం ఉండడం యథావిధిగా సాగాయి. ప్రస్తుతం ఈ భవనం అందుబాటులోకి తీసుకొస్తే ప్రజలు సందర్శించే అవకాశం కలుగుతుంది.

వరంగల్‌ అర్బన్‌: వరంగల్‌ నగరంలో సమస్యల పరిష్కారానికి సోమవారం గ్రీవెన్స్‌ సెల్‌ కార్యక్రమం నిర్వహిస్తున్నట్లు అడిషనల్‌ కమిషనర్‌ జోనా ఆదివారం ఒక ప్రకటనలో తెలిపారు. ఉదయం 11 గంటల నుంచి మధ్యాహ్నం వరకు రాత పూర్వకంగా దరఖాస్తులు స్వీకరించనున్నట్లు పేర్కొన్నారు. సమస్యల పరిష్కారానికి గ్రీవెన్స్‌ సెల్‌ చక్కటి వేదిక అని, వినియోగించుకోవాలని కోరారు. లా సెమిస్టర్ల పరీక్ష ఫీజు చెల్లించేందుకు గడువు కేయూ క్యాంపస్‌: కాకతీయ యూనివర్సిటీ పరిధిలో ఎల్‌ఎల్‌బీ మూడేళ్ల కోర్సు ఆరో సెమిస్టర్‌, ఎల్‌ఎల్‌బీ ఐదేళ్ల కోర్సు టెన్త్‌ సెమిస్టర్‌ పరీక్షలు (రెగ్యులర్‌, ఎక్స్‌, ఇంప్రూవ్‌మెంట్‌) ఫీజు చెల్లించేందుకు ఈనెల 20 వరకు గడువు ఉందని కేయూ పరీక్షల నియంత్రణాధికారి ఆచార్య రాజేందర్‌, అదనపు పరీక్షల నియంత్రణాధికారి డాక్టర్‌ ఆసీం ఇక్బాల్‌ తెలిపారు. రూ.250 అపరాధ రుసుముతో ఈనెల 23 వరకు ఫీజు చెల్లించుకోవచ్చని పేర్కొన్నారు. పూర్తి వివరాలకు డబ్ల్యూడబ్ల్యూడబ్ల్యూ.కాకతీయ.ఏసీ.ఇన్‌లో చూడవచ్చని వారు సూచించారు. శ్రీరాం అష్టావధానం విజయవంతంవిద్యారణ్యపురి: హనుమకొండకు చెందిన ప్రభుత్వ ఉపాధ్యాయుడు చేపూరి శ్రీరాం 29వ అష్టావధానం విజయవంతంగా పూర్తి చేశారు. ఆదివారం హనుమకొండలోని ప్రభుత్వ ప్రాక్టీసింగ్‌ హైస్కూల్‌లో కాకతీయ పద్య కవితావేదిక ఆధ్వర్యంలో నిర్వహించిన అక్షర తెలుగు అవధానంలో ‘తె అక్షర ముష్టికా కథనం’ అనే సరికొత్త అంశాన్ని కంది శంకరయ్య ప్రవేశపెట్టగా చేపూరి శ్రీరాం విజయవంతంగా పూరించారు. అంశం అచ్చుల్లో ఉండగా సరైన హల్లులతో పూరించారు. అనంతరం చేపూరి శ్రీరాంను విద్యావికాస పరిషత్‌ రాష్ట్ర అధ్యక్షుడు మరుమాముల దత్తాత్రేయ శర్మ, శతావధాని, చెన్నూరు డిగ్రీ కాళాశాల ప్రిన్సిపాల్‌ వెంకట రమణ పట్వర్ధన్‌, శతాశధాని మురళి అభినందించారు. ఈసందర్భంగా పద్యకవి సమ్మేళనం నిర్వహించారు. కార్యక్రమంలో గిరిజా మనోహర్‌బాబు, దహగం సాంబమూర్తి, నున్నపురాజు రమేశ్వర్‌రాజు, అక్కెర కరుణాసాగర్‌, కొండా యాదగిరి, గుంటి విష్ణుమూర్తి, వెలుగు ప్రభాకర్‌, సిద్దంకి బాబు పాల్గొన్నారు. గవర్నర్‌ చేతుల మీదుగా సీపీ సన్‌ప్రీత్‌సింగ్‌కు అవార్డువరంగల్‌ క్రైం: అత్యధిక సంఖ్యలో రక్తదానం చేసేందుకు ప్రోత్సహించినందుకుగాను వరంగల్‌ పోలీస్‌ కమిషనర్‌ సన్‌ప్రీత్‌సింగ్‌కు ఆదివారం రాష్ట్ర గవర్నర్‌ జిష్ణుదేవ్‌ వర్మ రెడ్‌క్రాస్‌ అవార్డు ప్రదానం చేశారు. ప్రపంచ రక్తదాన దినోత్సవం సందర్భంగా హైదరాబాద్‌లోని రాజ్‌భవన్‌ సంస్కృతి కమ్యూనిటీ హాల్‌లో ఏర్పాటు చేసిన కార్యక్రమంలో సీపీ హై బ్లడ్‌ డోనర్‌ మోటివేటర్‌ అవార్డు అందుకున్నారు. డాక్టర్‌ విజయ్‌చందర్‌రెడ్డికి అవార్డు ఎంజీఎం: తెలంగాణ వ్యాప్తంగా నిబద్ధతతో వైద్య సేవలందించిన అత్యుత్తమ 500 మంది వైద్యులను గౌరవిస్తూ ఓ ప్రైవేట్‌ టీవీ ఆధ్వర్యంలో బిగ్గెస్ట్‌ డాక్టర్‌ అవార్డు–500 కార్యక్రమం నిర్వహించగా.. హనుమకొండకు చెందిన సీనియర్‌ ఆర్థోపెడిక్‌ సర్జన్‌ డాక్టర్‌ పెసరు విజయ్‌చందర్‌రెడ్డి ఎంపికయ్యారు. వైద్యవృత్తిలో నాలుగు దశాబ్దాలకు పైగా విశిష్ట సేవలందించిన విజయ్‌చందర్‌రెడ్డి కేఎంసీలో ప్రొఫెసర్‌గా, ఆర్‌వీఎం కళాశాలలో హెచ్‌ఓడీగా, ఇండియన్‌ రెడ్‌క్రాస్‌ సొసైటీ చైర్మన్‌గా ప్రజలకు సేవలందిస్తూ వచ్చారు. ఐఎంఏ జాతీయ కార్యవర్గ సభ్యులుగా, దక్షిణ భారతదేశ ఆర్థోపెడిక్‌ సర్జన్ల సంఘం ప్రెసిండెంట్‌గా బాధ్యతలు సైతం నిర్వర్తిస్తున్నారు. ఈఅవార్డును ఆదివారం హైదరాబాద్‌లో ఆయన స్వీకరించారు. ఈసందర్భంగా ఆయన మాట్లాడుతూ తనకు దక్కిన ఈ గుర్తింపు యువ వైద్యుల్లో స్ఫూర్తి నింపుతుందన్నారు.

బల్దియా ప్రధాన కార్యాలయం గేటుకు కట్టిన తాడు బల్దియా ప్రధాన కార్యాలయం ఆధునికీకరణలో భాగంగా ఆవరణలో గత ఏడాది కిందట గేట్లు ఏర్పాటు చేసి, రంగులు వేశారు. కానీ ఆ గేట్లకు గొళ్లాలు పెట్టడం మరిచిపోయారు. దీంతో కార్యాలయంలోని పరికరాలు దొంగలపాలవుతున్నాయి. చేసేది లేక సెక్యూరిటీ గార్డులు రాత్రి సమయంలో, సెలవు రోజుల్లో గేట్లకు ఇలా తాళ్లు కట్టి ఉంచుతున్నారు. మరి ఈ తాళ్లు దొంగలకు ముకుతాళ్లు వేసేనా? అన్నది బల్దియా అధికారులకే తెలియాలి. – వరంగల్‌ అర్బన్‌

మంత్రి పొంగులేటి ప్రకటనతో పల్లెల్లో మొదలైన ఎన్నికల సందడి ● వారంలో నోటిఫికేషన్‌ ఉంటుందన్న సంకేతాలు ● నేటి కేబినెట్‌ మీటింగ్‌ తర్వాత మరింత స్పష్టత ● ముందుగా ఎంపీటీసీ, జెడ్పీటీసీ ఎన్నికలు ● ఆతర్వాతే సర్పంచ్‌, మున్సిపల్‌ ఎన్నికలు ● అధికార పార్టీలో మళ్లీ మొదలైన ఆశావహుల ప్రయత్నాలు ● ‘స్థానిక’ ఎన్నికలకు రాజకీయ పార్టీల సమాయత్తం సాక్షి ప్రతినిధి, వరంగల్‌: పల్లెల్లో మళ్లీ స్థానిక సంస్థల ఎన్నికల సందడి మొదలైంది. పొలిటికల్‌ పార్టీలకు ఎలక్షన్‌ జోష్‌ వచ్చింది. వారం, పది రోజుల్లో ఎన్నికల నోటిఫికేషన్‌ ఉంటుందన్న మంత్రుల వ్యాఖ్యలు.. ఎన్నికల వేడిని రగిలించాయి. మూడు రోజుల క్రితం మహబూబాబాద్‌ జిల్లాలో జరిగిన ముఖ్య కార్యకర్తల సమావేశంలో ‘ఎప్పుడు ఎన్నికలు వచ్చినా.. అత్యధికంగా గెలిచేలా సిద్ధంగా ఉండాలి’ అని నాయకులకు మార్గనిర్దేశం చేసిన మంత్రి ధనసరి సీతక్క పరోక్షంగా ‘స్థానిక’ ఎన్నికల సంకేతాలు ఇచ్చారు. రెవెన్యూ, గృహనిర్మాణశాఖ, జిల్లా ఇన్‌చార్జ్‌ మంత్రి పొంగులేటి శ్రీనివాస్‌రెడ్డి ఏకంగా వారం రోజుల్లో నోటిఫికేషన్‌ వస్తుందని, ముందుగా ఎంపీటీసీ, జెడ్పీటీసీ ఎన్నికలు ఉంటాయని ప్రకటించారు. సోమవారం జరిగే కేబినెట్‌ మీటింగ్‌లో నిర్ణయం తీసుకుంటామని కూడా చెప్పారు. దీంతో అధికార కాంగ్రెస్‌తో పాటు బీఆర్‌ఎస్‌, బీజేపీ తదితర పా ర్టీలు పోటీకి సమాయత్తం అవుతున్నాయి. ఎప్పుడెప్పుడా అని ఎదురుచూస్తున్న అన్ని పార్టీల ఆశావహులు పోటీ చేసేందుకు పావులు కదుపుతున్నారు. పాత రిజర్వేషన్ల ప్రకారమే ఎన్నికలు! మంత్రుల వ్యాఖ్యలు, ఇదే అంశంపై సోమవారం కేబినెట్‌ కీలక నిర్ణయం తీసుకుంటామనడంతో ‘స్థానిక’ ఎన్నికల నగారా ఖాయమన్న చర్చ జరుగుతోంది. 2019 ఏప్రిల్‌ 20న ఎంపీటీసీ, జెడ్పీటీసీ ఎన్నికల నోటిఫికేషన్‌ విడుదలైంది. మే 6, 10, 14 తేదీల్లో మూడు విడతలుగా పోలింగ్‌ నిర్వహించారు. 27న ఓట్లను లెక్కించి ఫలితాలను ప్రకటించారు. ఈసారి కూడా మూడు విడతల్లో ఎన్నికలు నిర్వహించే అవకాశం ఉండగా.. ఎప్పుడు నోటిఫికేషన్‌ వచ్చినా ఎన్నికలు నిర్వహించేందుకు వీలుగా పోలింగ్‌ కేంద్రాలు, బూత్‌లు, ఓటర్ల లిస్టులను ఇప్పటికే జిల్లాల వారీగా ఎన్నికల అధికారులు సిద్ధం చేశారు. 2019 ఎన్నికల సమయంలో రిజర్వేషన్ల ప్రకారం జెడ్పీ చైర్మన్‌ పదవులు కేటాయించారు. వరంగల్‌ అర్బన్‌ (హనుమకొండ) ఎస్సీ పురుషుడు/మహిళ, వరంగల్‌ రూరల్‌ (వరంగల్‌) జనరల్‌, జనగామ అన్‌ రిజర్వుడ్‌ కోటాలో పురుషుడు/మహిళ, జయశంకర్‌ భూపాలపల్లి ఎస్సీ మహిళ, ములుగు అన్‌ రిజర్వుడ్‌ పురుషుడు/మహిళ, మహబూబాబాద్‌ ఎస్టీ మహిళకు కేటాయించారు. అలాగే ఎంపీటీసీ, ఎంపీపీలు, సర్పంచ్‌లు కూడా రిజర్వేషన్లు ఇచ్చారు. అయితే ఈసారి నిర్వహించనున్న ఎన్నికల్లో పాత రిజర్వేషన్లనే పరిగణనలోకి తీసుకుంటారా? లేక కొత్త నిబంధనలు తీసుకొస్తారా? అనే సందేహాలు సర్వత్రా వ్యక్తమవుతున్నాయి.2019 ఎన్నికల్లో జిల్లాల వారీగా మొత్తం జెడ్పీటీసీ, ఎంపీటీసీ స్థానాలుజిల్లా పేరు జెడ్పీటీసీ ఎంపీపీ ఎంపీటీసీ స్థానాలు స్థానాలు స్థానాలువరంగల్‌ అర్బన్‌ 07 07 86 వరంగల్‌ రూరల్‌ 16 16 178 భూపాలపల్లి 11 11 106 ములుగు 09 09 72 మహబూబాబాద్‌ 16 16 198 జనగామ 12 12 140 మొత్తం 71 71 780సర్పంచ్‌ ఎన్నికలకు సమయం ఉంది.. వాస్తవానికి గతంలో సర్పంచ్‌ ఎన్నికలు ముందు జరిగి.. తర్వాతే ఎంపీటీసీ, జెడ్పీటీసీ ఎన్నికలు జరిగాయి. 2019లో పంచాయతీ ఎన్నికలు జనవరిలో జరిగితే, మే, జూన్‌లో ఎంపీటీసీ, జెడ్పీటీసీ, ఎంపీపీ, జెడ్పీ చైర్మన్‌ ఎన్నికల తంతు జరిగింది. ఈసారి ఎంపీటీసీ, జెడ్పీటీసీ ఎన్నికలే ముందు జరిపించే అవకాశం ఉందనడంతో సర్పంచ్‌, వార్డు సభ్యులు, మున్సిపల్‌ చైర్మన్‌, సభ్యుల ఎన్నికలకు మరింత సమయం పట్టే అవకాశం ఉంది. 2019లో ఉమ్మడి వరంగల్‌లో మంగపేట మండలం, ఏకగ్రీవమైన 305 పంచాయతీలు మినహా 1,403 గ్రామ పంచాయతీల్లో మూడు విడతల్లో ఎన్నికలు జరిగాయి. ఈసారి కూడా గతేడాది జూలైలోనే అధికారులు పంచాయతీల ఎన్నికలకు సర్వం సిద్ధం చేశారు. 1,705 జీపీల్లో 15,056 వార్డుల్లో 22,45,394 మంది ఓటర్లను గుర్తించిన అధికారులు ఆ మేరకు పోలింగ్‌ కేంద్రాలు ఏర్పాటు చేశారు. అయితే ప్రభుత్వం అప్పుడు ఎన్నికలకు విముఖత వ్యక్తం చేయడంతో సర్పంచ్‌ల పదవీకాలం ముగిసిన వెంటనే స్పెషల్‌ ఆఫీసర్లను నియమించారు. కాగా.. తాజాగా ఎన్నికల ప్రస్తావన తెర మీదకు రావడంతో అన్ని పార్టీల ఆశావహులతో సందడి మొదలైంది.

హన్మకొండ: 33 కేవీ విద్యుత్‌ లైన్‌లో తరచూ విద్యుత్‌ అంతరాయాలు కలుగుతుండడంతో సమస్య గుర్తించేందుకు విద్యుత్‌ ఉద్యోగులు ఇబ్బందులు పడుతున్నారు. వరంగల్‌ మహానగర పాలక సంస్థ పరిధి ఆరెపల్లి 220 కేవీ సబ్‌ స్టేషన్‌ నుంచి వరంగల్‌ ఉర్సు, హనుమకొండలోని న్యూ శాయంపేట వరకు మూడు సంవత్సరాల క్రితం 33 కేవీ లైన్‌ వేశారు. ఈ విద్యుత్‌ లైన్‌ ఏర్పాటైనప్పటి నుంచి తమకు అవస్థలు తప్పడం లేదని విద్యుత్‌ ఉద్యోగులు వాపోతున్నారు. నాసిరకం డిస్క్‌లు, ఇన్సులేటర్లు వాడడంతో అవి తరచూ పగిలిపోయి విద్యుత్‌ సరఫరాలో అంతరాయం కలుగుతోందని, ఈ సమస్యను గుర్తించడానికి పడుతున్న బాధలు వర్ణనాతీతమన్నారు. పగిలిన డిస్క్‌, ఇన్సులేటర్‌ గుర్తించడానికి ప్రతీ స్తంభాన్ని ఎక్కి దిగాల్సి వస్తోందని వాపోయారు. స్తంభం ఎక్కితేనే పగిలింది కనిపిస్తుందని, కింది నుంచి చూస్తే ఫాల్ట్‌ దొరకడం లేదని తెలిపారు. విద్యుత్‌ లైన్‌ వేసిన క్రమంలో నాణ్యమైన మెటీరియల్‌ వాడకపోవడంతోనే ఈ సమస్య తలెత్తుతుందని అంటున్నారు. ఈ విద్యుత్‌ లైన్‌లో తరచూ సరఫరాలో అంతరాయం కలుగడం, డిస్క్‌లు, ఇన్సులేటర్లు ఫెయిల్‌ కావడంపై టీజీ ఎన్పీడీసీఎల్‌ సీఎండీ వరుణ్‌ రెడ్డి సీరియస్‌గా తీసుకున్నట్లు తెలిసింది. ఏప్రిల్‌లో జరిగిన సమీక్షలో విద్యుత్‌ లైన్‌ వేసిన కాంట్రాక్టర్‌ ద్వారా డిస్క్‌లు, ఇన్సులేటర్లన్ని మార్పించాలని సంబంధిత అధికారిని ఆదేశించారని సమాచారం. కానీ, వాటిని మార్చకపోవడంతో సమస్య పునరావృతమవుతూనే ఉంది. వారానికి ఒకసారి డిస్క్‌, ఇన్సులేటర్‌ ఫెయిల్‌, షాట్‌ సర్క్యూట్‌తో బ్రేక్‌ డౌన్‌ అవుతూ విద్యుత్‌ సరఫరా నిలిచిపోతుంది. రెండేళ్లలో 18 డిస్క్‌లు మార్చినట్లు ఉద్యోగ వర్గాలు తెలిపాయి. కాంట్రాక్టర్‌తో నాణ్యమైన డిస్క్‌లు, ఇన్సులేటర్లు బిగించకపోతే విద్యుత్‌ అంతరాయాలు తప్పవని, ఫాల్ట్‌ కనుక్కోవడానికి ప్రతీ స్తంభం ఎక్కి దిగాల్సిందేనని ఉద్యోగులు ఆందోళన వ్యక్తం చేస్తున్నారు. దీనిపై ఇప్పటికై నా టీజీ ఎన్పీడీసీఎల్‌ ఉన్నతాధికారులు స్పందించి వెంటనే సీఎండీ ఆదేశాల మేరకు కాంట్రాక్టర్‌తో నాణ్యమైన డిస్క్‌లు, ఇన్సులేటర్లు ఏర్పాటు చేయించాలని ఉద్యోగులు కోరుతున్నారు. టైర్‌ పగిలి డీసీఎం బోల్తా.. ● యువకుడి మృతి.. ముగ్గురికి గాయాలు ● మడికొండ ఔటర్‌ రింగ్‌ రోడ్డుపై ఘటన మడికొండ: టైర్‌ పగిలి డీసీఎం బోల్తాపడిన ప్రమాదంలో ఓ యువకుడు మృతి చెందగా, ముగ్గురికి గాయాలయ్యాయి. ఈ ఘటన శనివారం మడికొండ ఔటర్‌ రింగ్‌ రో డ్డుపై జరిగింది. మడికొండ ఇన్‌స్పెక్టర్‌ కిషన్‌ కథనం ప్రకారం.. డీసీఎంలో ఎస్‌బీఐ బ్యాంకు లాకర్లను తీసుకుని హైదరాబాద్‌ నుంచి భూపాలపల్లికి నలుగురు బయలుదేరారు. ఈ క్రమంలో ఉదయం 8.30 గంటల ప్రాంతంలో మడికొండ శివారు టెక్స్‌టైల్‌ పార్కు సమీపంలో డీసీఎం వెనుక టైర్‌ పగిలింది. దీంతో వాహనం బోల్తాపడింది. ఈ ఘటనలో లాకర్‌ మీదపడి హైదరాబాద్‌కు చెందిన ఎండీ జావీద్‌ఖాన్‌(24) అక్కడికక్కడే మృతి చెందాడు. వ్యాన్‌ క్యాబిన్‌లో ఉన్న ముగ్గురు ఎండి. హబీబ్‌ఖాన్‌, ఎండి. మోయిజ్‌ఖాన్‌, ఎండి. సలీమ్‌ఖాన్‌కు గాయాలయ్యాయి. దీంతో క్షతగాత్రులను చికిత్స నిమిత్తం ఎంజీఎం తరలించి, మృతదేహాన్ని పంచనామ నిమిత్తం ఇదే ఆస్పత్రికి తరలించినట్లు ఇన్‌స్పెక్టర్‌ తెలిపారు. మృతుడి బంధువు మోయిన్‌ఖాన్‌ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఇన్‌స్పెక్టర్‌ పేర్కొన్నారు. నాసిరకం డిస్క్‌లు, ఇన్సులేటర్లతో అవస్థలు మార్పించాలని సీఎండీ ఆదేశం రెండున్నర నెలలు గడుస్తున్నా మార్చని అధికారులు విద్యుత్‌ సరఫరాకు అంతరాయం

పాలకుర్తి టౌన్‌: పాలకుర్తి మండల కేంద్రానికి చెందిన చిలుకమారి రాజేశ్‌ రెండు ప్రతిష్టాత్మక విద్యా సంస్థల్లో అసిస్టెంట్‌ ప్రొఫెసర్‌గా ఉద్యోగం సాఽధించాడు. హ రియాణాలోని నిట్‌ కురుక్షేత్ర, చైన్నెలోని కాంచీపురం ట్రిపుల్‌ ఐటీ అండ్‌ మా న్యుఫ్యాక్చరింగ్‌ టెక్నాలజీలో (ఐఐఐటీడీఎం)లో కంప్యూటర్‌ సైన్స్‌(సీఎస్‌సీ) విభాగంలో అసిస్టెంట్‌ ప్రొఫెసర్‌ ఉద్యోగం సాధించాడు. పద్మశాలి సామాజిక వర్గానికి చెందిన చిలుకమారి సమ్మయ్య, స్వరూప దంపతుల కుమారుడు రాజేశ్‌ పాలకుర్తిలోని విద్యాజ్యోతి ఉన్నత పాఠశాలలో పదో తరగతి, వరంగల్‌ ప్రభుత్వ పాలిటెక్నిక్‌ కళాశాలలో కంప్యూటర్‌ ఇంజనీరింగ్‌లో డిప్లొమా, ఉస్మానియా యూనివర్సిటీ పరిధిలోని మాతృశ్రీ ఇంజనీరింగ్‌ క ళాశాలలో సీఎస్‌ఐ బీటెక్‌ పూర్తి చేశాడు. నిట్‌ సిక్కింలో ఎంటెక్‌, నిట్‌ వరంగల్‌లో సీఎస్‌ఈలో పీహెచ్‌డీ పూర్తి చేశాడు. ఆంధ్రప్రదేశ్‌లోని వీఐటీ అమరావతిలో అసిస్టెంట్‌ ప్రొఫెసర్‌గా విధులు నిర్వర్తిస్తూనే నిట్‌ కురుక్షేత్ర, ఐఐఐటీడీఎం కాంచీపురంలో అసిస్టెంట్‌ ప్రొఫెసర్‌గా ఉద్యోగం సాధించాడు. దీంతో రాజేశ్‌ను పలువురు అభినందించారు. పంచకర్మ ప్రాముఖ్యతను తెలుసుకోవాలి జనగామ: ఆయుర్వేద వైద్యంలో పంచకర్మ ప్రాముఖ్యతను ప్రతి ఒక్కరూ తెలుసుకోవాలని ప్రముఖ వైద్యులు సూచించారు. జనగామ వేద పంచకర్మ వెల్‌నెస్‌ సెంటర్‌, విశ్వ ఆయుర్వేద పరిషత్‌ తెలంగాణ శాఖ సంయుక్త ఆధ్వర్యంలో స్టేట్‌ లెవల్‌ కౌశలం–2025 సదస్సు జరుగుతోంది. శనివారం వేద డాక్టర్‌ అంజిరెడ్డి అధ్యక్షతన ఆయుర్వేద వైద్య శాస్త్రంపై నిర్వహించిన సదస్సులో ప్రముఖ అధ్యాపకులు, వైద్య నిపుణులు ప్రయోగాత్మకజ్ఞానంతో పాటు తమ అనుభవాలు పంచుకున్నారు. డాక్టర్‌ సరస్వతి హిమబాల మాట్లాడుతూ సంప్రదాయ గ్రంథాల నుంచి ఆధునిక వైద్య చికిత్సల వరకు ఆయుర్వేదంలో పొందుపరిచి ఉందన్నారు. డాక్టర్‌ పంతులు రఘుపతి మాట్లాడుతూ పంచకర్మను సాధారణ వైద్య ప్రయోగాల్లో సమర్థవంతంగా ఎ లా అప్లయ్‌ చేయాలనే అంశంపై వివరణాత్మకంగా బోధించామన్నారు. డాక్టర్‌ సురేంద్రశర్మ మాట్లాడుతూ ఔషధ తయారీ ప్రక్రియ గురించి విద్యార్థులకు ప్రత్యక్ష బోధన ద్వారా అవగాహన కల్పించా మన్నారు. డాక్టర్‌ కిరణ్మయి మాట్లాడుతూ ఆయుర్వేద వైద్యం గొప్పదనాన్ని తెలుసుకుని రోగులకు చికిత్స చేసే సమయంలో దానిని అమలు పర్చాలన్నారు. డాక్టర్‌ మల్లికార్జున్‌ మాట్లాడుతూ కంటి వ్యా ధులు, దుష్ఫలితాలకు సంబంధించి అనేక మందికి ఆయుర్వేద వైద్యం ద్వారా చికిత్సలు చేసి విజయం సాధించామన్నారు. ఆయుర్వేద వైద్యంలో అద్భుత ఫలితాలు సాధించి, రుజువు చేయడమే కాకుండా, యువ వైద్యులకు శాసీ్త్రయం, అనుభవాత్మకంగా పరిపూర్ణత సాధించేందుకే ఇలాంటి రాష్ట్ర స్థాయి సదస్సులను నిర్వహిస్తున్నామన్నారు.

హసన్‌పర్తి: నీట్‌–2025 ఫలితాల్లో నగరంలోని ‘శివాని’ కళాశాల విద్యార్థులు విజయకేతనం ఎగురవేశారు. కళాశాలకు చెందిన మాధురీముఖేశ్‌(495/720), ఆడెపు మనోజ్‌(451/720), ఇ.కార్తీక్‌(443/720), ఆరికెళ్ల నిస్సి(4 38/720) మార్కులు సాధించినట్లు ‘శివాని’ విద్యాసంస్థల కరస్పాండెంట్‌ టి. స్వామి తెలిపారు. ఈ సందర్భంగా ప్రతిభ కనబరిచి ఉత్తమ మార్కులు సాధించిన విద్యార్థులను కళాశాల ప్రిన్సిపాళ్లు జి.సురేందర్‌రెడ్డి,వి.చంద్రమోహన్‌,డైరెక్టర్లు రాజు, ఎన్‌.రమేశ్‌, ఎ. మురళీధర్‌, వి. సురేశ్‌, ఎస్‌. సంతోశ్‌రెడ్డి అభినందించారు.

విద్యారణ్యపురి : నేషనల్‌ ఎల్జిబిలిటీ కమ్‌ ఎంట్రెన్స్‌టెస్ట్‌ (నీట్‌–యూజీ –25 ఫలితాల్లో ‘ఎస్‌ఆర్‌’ విద్యాసంస్థల విద్యార్థులు ప్రభంజనం సృష్టించారని ఆ విద్యాసంస్థల చైర్మన్‌ ఎ. వరదారెడ్డి, డైరెక్టర్లు మధుకర్‌రెడ్డి, సంతోశ్‌ రెడ్డి శనివారం తెలిపారు. నీట్‌ ఫలితాల్లో జాతీయ స్థాయిలో అన్ని కేటగిరీలు కలిపి పి. సాయిదివ్యాన్‌ ఆల్‌ ఇండియాలో 14వ ర్యాంకు, బి. ప్రియాంక 100వ ర్యాంకు, ఎం. వినయ్‌ 226వ ర్యాంకు, బి. గణేశ్‌ 671వ ర్యాంకు సాధించారని వారు తెలిపారు. రాష్ట్రంలోని ‘ఎస్‌ఆర్‌’ విద్యాసంస్థలకు చెందిన 210 మందికిపైగా విద్యార్థులు మెడిసిన్‌లో సీట్లు సాధించేలా ర్యాంకులు సాధించారని పేర్కొన్నారు. భవిష్యత్‌లో మరిన్ని ర్యాంకులు సాధించేలా తమ విద్యార్థులను తీర్చిదిద్దుతామని తెలిపారు. 50 సంవత్సరాల్లో పటిష్ట ప్రణాళికతో హైస్కూల్‌, జూనియర్‌ కాలేజీ, ఎంసెట్‌, ఐఐటీల్లో విద్యనందిస్తూ ప్రతీ ఏడాది జాతీయ స్థాయి పోటీపరీక్షల్లో అత్యుత్తమ ర్యాంకులు సాధిస్తున్నామన్నారు. ఈఏడాది జేఈఈ మెయిన్స్‌ –25 జాతీయ స్థాయిలో తమ విద్యార్థులు ఉత్తమ ఫలితాలు సాధించారని వారు చెప్పారు. ఈ ఫలితాలు విద్యార్థులందరికీ స్ఫూర్తిదాయకం కావాలని తాము ఆకాంక్షిస్తున్నామని తెలిపారు.

హన్మకొండ : నీట్‌–2025 ఫలితాల్లో ‘షైన్‌’ జూనియర్‌ కళాశాల విద్యార్థులు అత్యుత్తమ మార్కులు సాధించి విజయదుందుభి మోగించారు. తమ కళాశాల విద్యార్థులు కార్పొరేట్‌కు దీటుగా నీట్‌లో అత్యుత్తమ ఫలితాలు సాధించారని ‘షైన్‌’ విద్యా సంస్థల చైర్మన్‌ మూగల కుమార్‌ తెలిపారు. షైన్‌ విద్యాసంస్థలు మొదటి నుంచి, నీట్‌, జేఈఈ, మెయిన్స్‌, అడ్వాన్స్‌లో అత్యుత్తమ శిక్షణ ఇస్తున్నాయన్నారు. నీట్‌లో జాతీయ స్థాయిలో జి. కీర్తన –498 మార్కులు , కె. సహస్ర– 497, డి. ఇందూ– 437, ఇ. వెంకట శివాణి–427 మార్కులు సాధించారని వివరించా రు. వీరితో పాటు 15 మంది విద్యార్థులు 300 పైగా మార్కులు సాధించారని తెలిపారు. ఉత్తమ ఫలి తాలు సాధించిన విధ్యార్థులను షైన్‌ విద్యాసంస్థల చైర్మన్‌ మూగల కుమార్‌, డైరెక్టర్లు మూగల రమ, మూగల రమేశ్‌, అధ్యాపకులు అభినందించారు.

హసన్‌పర్తి: ఆస్తి కోసమే పిన తల్లి (చిన్నమ్మ)ని కుమారుడు గొడ్డలితో నరికి హత్యచేశాడని హనుమకొండ ఏసీపీ నర్సింహారావు అన్నారు. ఈ మేరకు కేయూ పోలీస్‌స్టేషన్‌లో శనివారం ఏర్పాటు చేసిన విలేకరుల సమావేశంలో హత్య వివరాలు వెల్లడించారు. హసన్‌పర్తి మండలం పెగడపల్లికి చెందిన చల్లా శ్రీనివాస్‌రెడ్డి మొదటి భార్యకు ముగ్గురు కుమారులు. 30ఏళ్ల క్రితం మొదటి భార్య వనమ్మ మృతి చెందగా, వివిధ కారణాలతో ఇద్దరు కుమారులు కూడా తనువు చాలించారు. చిన్న కుమారుడు చల్లా భూపాల్‌రెడ్డి ఆలనా పాలనా తండ్రి శ్రీనివాస్‌రెడ్డి చూసుకున్నాడు. కొంతకాలం తర్వాత సరోజన అనే మహిళను శ్రీనివాస్‌రెడ్డి రెండో వివాహం చేసుకున్నాడు. వీరికి ఇద్దరు కూతుళ్లు. ఆస్తి తగదా.. శ్రీనివాస్‌రెడ్డి తనకున్న భూమిలో నుంచి 3.20 ఎకరాల భూమిని రెండో భార్య కూతుళ్లు పేర రిజిస్ట్రేషన్‌ చేయించాడు. దీంతో తనకు తెలియకుండా చెల్లెళ్ల పేరిట భూమి రిజిస్ట్రేషన్‌ చేయడంతో ఆ కుటుంబంలో గొడవలు ప్రారంభమయ్యాయి. ఇప్పటి వరకు ఆ గొడవలు కొనసాగుతూనే ఉన్నాయి. కొడుకుకు భూమి కౌలుకు ఇవ్వొద్దు.. కాగా, పదిరోజుల క్రితం శ్రీనివాస్‌రెడ్డి కాలుకు దెబ్బ తగలడంతో వ్యవసాయ పనులకు దూరమయ్యాడు. దీంతో తన పేరిట ఉన్న 2.20 ఎకరాల భూమిని కొడుకు చల్లా భూపాల్‌రెడ్డికి కౌలుకు ఇవ్వాలని నిర్ణయించాడు. దీంతో భార్య సరోజన నుంచి అభ్యంతరం వ్యక్తమైంది. ఆ భూమిని అల్లుళ్లకు కౌలుకు ఇవ్వాలని సరోజన వాదిస్తూ వచ్చింది. పథకంప్రకారం హత్య.. తనకు తెలియకుండానే 3.20 ఎకరాల భూమిని కూతుళ్ల పేరిట రిజిస్ట్రేషన్‌చేసుకోవడమే కాకుండా తండ్రి భూమిని కూడా అల్లుళ్లకు ఇవ్వాలని పినతల్లి గొడవ చేయడంతో ఆమెనుఎలాగైనా హత్యచేయాలని భూపాల్‌రెడ్డి పథకం పన్నాడు. ఇందులో భాగంగా ఈనెల 11వ తేదీ అర్ధరాత్రి పిన తల్లి సరోజన బయట నుంచి ఇంట్లోకి వస్తుండగా గేట్‌ వద్ద గొడ్డలితో నరికి హత్యచేశాడు. ఈ ఘటనపై మృతురాలి భర్త శ్రీనివాస్‌రెడ్డి ఫిర్యాదు మేరకు కేసు నమోదు చేసుకుని 24 గంటల్లో నిందితుడిని అరెస్ట్‌ చేసినట్లు ఏసీపీ వివరించారు. కాగా, నిందితుడిని పట్టుకోవడంతో ప్రతిభ కనబరిచిన పోలీస్‌ ఇన్‌స్పెక్టర్‌ రవికుమార్‌, ఎస్సైలు రవీందర్‌, శ్రీకాంత్‌, సిబ్బందిని ఏసీపీ అభినందించారు. పథకం ప్రకారమే మర్డర్‌ పినతల్లిని చంపిన కొడుకు.. 24 గంటల్లోనే నిందితుడిని పట్టుకున్నాం హనుమకొండ ఏపీసీ నర్సింహారావు

కాజీపేట: ప్రపంచ రక్తదాత దినోత్సవం సందర్భంగా హైదరాబాద్‌ రాజ్‌భవన్‌లో శనివారం నిర్వహించిన రాష్ట్రస్థాయి కార్యక్రమంలో హనుమకొండ రెడ్‌క్రాస్‌ బ్లడ్‌ సెంటర్‌ 7 అవార్డులను దక్కించుకుంది. రాష్ట్ర గవర్నర్‌, రెడ్‌క్రాస్‌ రాష్ట్ర అధ్యక్షుడు జిష్ణుదేవ్‌ వర్మ రక్తదాతలకు అవార్డులు ప్రదానం చేశారు. అ వార్డులు అందుకున్నవారిలో రాజేశ్వర్‌రావు(ఎస్‌ఆ ర్‌ యూనివర్సిటీ ఎన్‌సీసీ అసోసియేట్‌ ఆఫీసర్‌), సతీశ్‌చంద్ర(కిట్స్‌ ఎన్‌ఎస్‌ఎస్‌ కో–ఆర్డినేటర్‌), ప్రొఫెసర్‌ డి.శ్రీనివాసాచార్య(నిట్‌ డీన్‌ స్టూడెంట్‌ వెల్ఫే ర్‌), ఆకవరం శ్రీనివాస్‌, సంపత్‌రావు(డీఆర్డీఏ), ఎడ్ల రవీందర్‌(రక్తదానదాత), రవి(అడిషనల్‌ డీసీ పీ) ఉన్నారు. డాక్టర్‌ విజయచందర్‌ రెడ్డి, ఈవీ శ్రీని వాస్‌రావు, పాలక మండలి సభ్యులు పాల్గొన్నారు.

సాక్షిప్రతినిధి, వరంగల్‌ : ‘ప్రశ్నించేవారంటే నరేంద్రమోదీకి భయం.. ఎర్రజెండా పార్టీలు, కమ్యూనిస్టులను లేకుండా చేయడానికి హత్యాకాండ కొనసాగిస్తున్నారు. భారత రాజ్యాంగం మీద ప్రమాణం చేసి పదవులు చేపట్టి ఆపరేషన్‌ కగార్‌ పేరిట దేశ పౌరుల ప్రాణాలు తీస్తున్నారు’ అని కొత్తగూడెం ఎమ్మెల్యే, సీపీఐ రాష్ట్ర కార్యదర్శి కూనంనేని సాంబశివరావు అన్నారు. శనివారం హనుమకొండ కాకతీయ హోటల్‌లో సీపీఐ రాష్ట్ర సహాయ కార్యదర్శి తక్కళ్లపెల్లి శ్రీనివాస్‌రావు అధ్యక్షతన ఏర్పాటు చేసిన విలేకరుల సమావేశంలో కూనంనేని మాట్లాడారు. 2026 మార్చి నాటికి మావోయిస్టులను అంతం చేస్తామని, ఇంకా 11 మంది కీలక మావోయిస్టు నేతలు ఉన్నారని ప్రకటించడం అప్రజాస్వామికం, ఆటవికమని పేర్కొన్నారు. చట్టపరంగా శిక్షించాల్సి ఉన్నా చంపడం అప్రజాస్వామికమన్నారు. ఆపరేషన్‌ కగార్‌ను ఆపేసి మావోయిస్టులతో చర్చలు జరపాలని డిమాండ్‌ చేశారు. కాళేశ్వరం ప్రాజెక్టుపై మాట్లాడుతూ.. ‘కాళేశ్వరం ప్రాజెక్టు తెల్ల ఏనుగు లాంటిది.. ఏటా రూ.25వేల కోట్లకు పైగా మెయింటనెన్స్‌ కోసం ఖర్చు చేయాల్సిన పరిస్థితి. ఆ ప్రాజెక్టు పనికిరాదు.. కాబట్టి కాళేశ్వరం ప్రాజెక్టును వెంటనే రద్దు చేయాలి. జనాల సొమ్మును ఇకపై కాళేశ్వరం కోసం ఖర్చు చేయొద్దని సూచించారు. అర్హులకు పథకాలు అందాలి రాష్ట్రంలో ప్రభుత్వ పథకాలను రాజకీయాలు, పా ర్టీలకతీతంగా అర్హులకు అందించాలని సాంబశివరావు సూచించారు. ఇందిరమ్మ లబ్ధిదారుల్లో జర్నలి స్టులు, కార్మికులు, అసంఘటిత కార్మికులను కచ్చి తంగా భాగస్వాములను చేయాలని సూచించారు. జర్నలిస్టులకు సర్కారు ఆసరా కావాలని, ఉచిత విద్య, ఆరోగ్యకార్డులు అందజేయాలన్నారు. ఇది లా ఉండగా.. ‘ఎమ్మెల్సీ కల్వకుంట్ల కవిత ఏపీసోడ్‌ ను తాము రాజకీయంగా చూడడం లేదు. కానీ.. అందులో పొలిటికల్‌ ఇన్‌వాల్వ్‌మెంట్‌ ఉన్నట్లుగా కనిపిస్తుంది’ అని ఓ విలేకరి అడిగిన ప్రశ్నకు కూనంనేని పై విధంగా స్పందించారు. సీపీఐ జిల్లా కార్యదర్శి కర్రె భిక్షపతి, రాష్ట్ర కార్యవర్గ సభ్యురాలు నేదునూరి జ్యోతి, మాజీ జిల్లా కార్యదర్శి సిరబోయిన కరుణా కర్‌, రాష్ట్ర సమితి సభ్యులు ఆదరి శ్రీనివాస్‌, మండ సదాలక్ష్మి, జిల్లా సహాయ కార్యదర్శులు తోట భిక్షపతి, ఎం.ఎల్లేశ్‌ పాల్గొన్నారు. చట్టపరంగా శిక్షించాల్సి ఉన్నా చంపడం అప్రజాస్వామికం ఎన్‌కౌంటర్‌లపై ఎమ్మెల్యే, సీపీఐ రాష్ట్ర కార్యదర్శి కూనంనేని సాంబశివరావు

నేషనల్‌ ఎల్జిబిలిటీ కమ్‌ ఎంట్రెన్స్‌ టెస్ట్‌ (నీట్‌–యూజీ –25) ఫలితాల్లో ఉమ్మడి వరంగల్‌ జిల్లా విద్యార్థులు మెరిశారు. శనివారం విడుదల చేసిన ఫలితాల్లో జాతీయ స్థాయిలో ఉత్తమ ర్యాంకులు సాధించారు. దీనిపై కుటుంబ సభ్యులు, బంధువులు, గ్రామస్తులు హర్షం చేశారు. ఈ సందర్భంగా ఆయా చోట్ల ర్యాంకర్లు, తల్లిదండ్రులను సన్మించారు. మానుకోట విద్యార్థుల ప్రతిభ.. మహబూబాబాద్‌ అర్బన్‌: నీట్‌ ఫలితాల్లో మానుకోట విద్యార్థులు ప్రతిభ చాటారు. జిల్లా కేంద్రంలోని ఓ ప్రైవేట్‌ కళాశాల అధ్యాపకుడు బొడ్డుపల్లి శ్రీనివాస్‌, మాధురి దంపతుల కుమారుడు ప్రణీతమ్‌ సుహాస్‌ 720 మార్కులకు 408 మార్కులు సాధించాడు. అదేవిధంగా ప్రభుత్వ ఉపాధ్యాయుడు కళ్లెం వెంకట్‌రెడ్డి, సుజాత దంపతుల కుమారై వర్షితారెడ్డి 720 మార్కులకు 431 మార్కులు సాధించింది. అలాగే, పిట్టల శ్రీమతి, మహేందర్‌ దంపతుల కుమారై అభిన్య 720 మార్కులకు 500 మార్కులు సాధించింది.–సాక్షి నెట్‌వర్క్‌ షణ్ముఖకు 48వ ర్యాంకు.. కేయూ క్యాంపస్‌: జాతీయ స్థాయిలో మెడిసిన్‌లో ప్రవేశాలకు గాను నిర్వహించిన నీట్‌ (నేషనల్‌ ఎల్జిబులిటీ కమ్‌ ఎంట్రెన్స్‌ టెస్ట్‌) ఫలితాల్లో హనుమకొండకు చెందిన యాండ్రపాటి షణ్ముఖ 720 మార్కులుకు 656 మార్కులు సాధించి ఆల్‌ఇండియా 48వ ర్యాంకు కై వసం చేసుకున్నాడు. హనుమకొండ టీచర్స్‌ కాలనీకి చెందిన యాండ్రపాటి శ్యాంసుందర్‌, రజనీదంపతుల కుమారుడు షణ్ముఖ పదో తరగతి హనుమకొండలోని ఓ ప్రైవేట్‌ పాఠశాలో, ఇంటర్మీడియట్‌ హైదరాబాద్‌లోని ఓ ప్రైవేట్‌ కళాశాలలో చదివాడు. చిన్నప్పటి నుంచే చదువులో చురుకుగా ఉండే షణ్ముఖ డాక్టర్‌ కావాలనే లక్ష్యంతో కష్టపడి చదివి శని వారం విడుదలైన నీట్‌ ఫలితాల్లో ఆల్‌ఇండియా స్థాయిలో సత్తాచాటాడు. దీనిపై తల్లిదండ్రులు శ్యాంసుందర్‌, రజనీ సంతోషం వ్యక్తం చేశారు. కాగా, షణ్ముఖ ఇటీవల ఆంధ్రప్రదేశ్‌ విడుదల చేసిన ఏపీ ఎప్‌సెట్‌ అగ్రికల్చరల్‌, ఫార్మసీలోనూ రాష్ట్రస్థాయిలో 4వ ర్యాంకు కూడా సాధించాడు. ఢిల్లీ ఎయిమ్స్‌లో చేరుతా.. నీట్‌లో ఆల్‌ఇండియాలో 48వ ర్యాంకు సాధించడం సంతోషంగా ఉంది. ఢిల్లీ ఎయిమ్స్‌ మెడిసిన్‌లో చేరుతా. డాక్టర్‌ కావాలనే లక్ష్యంతో చదివా. మా తల్లిదండ్రులు కూడా నన్ను ప్రోత్సహించారు. షణ్ముఖ, నీట్‌ 48వ ర్యాంకర్‌●

హన్మకొండ: విద్యుత్‌ ఉద్యోగులు ఎదుర్కొంటున్న సమస్యలను పరిష్కరించాలని డిప్యూటీ సీఎం, విద్యుత్‌ శాఖ మంత్రి మల్లు భట్టి విక్రమార్కను కో రినట్లు ఐఎన్‌టీయూసీ జాతీయ అధ్యక్షుడు, తెలంగాణ స్టేట్‌ ఎలక్ట్రిసిటీ ఎంప్లాయీస్‌ యూనియన్‌–327 అధ్యక్షుడు జి.సంజీవ రెడ్డి, సెక్రటరీ జనరల్‌ ఇనుగాల శ్రీధర్‌ తెలిపారు. గురువారం రాత్రి హైదరాబాద్‌లోని ప్రజాభవన్‌లో భట్టి విక్రమార్కను వారు కలిశారు. ఈ సందర్భంగా వారు మాట్లాడుతూ.. సమస్యలు చెప్పిన వెంటనే ట్రాన్స్‌ కో సీఎండీకి ఫోన్‌ చేసి త్వరలో విద్యుత్‌ ఉద్యోగ సంఘాలతో జాయింట్‌ మీటింగ్‌ ఏర్పాటు చేయాలని ఆదేశించినట్లు తెలిపారు. ఆర్టిజన్‌ కార్మికులకు గ్రేడ్‌ మార్పు చేయడంతోపాటు ఏపీఎస్‌ఈబీ రూల్స్‌ వర్తింపచేయాలని, 01.02.1999 నుంచి 2004 వరకు ఉద్యోగంలో చేరిన ఉద్యోగులకు పెన్షన్‌ అందించాలని, విద్యుత్‌ సంస్థలో మిగిలివున్న 6,500 అన్‌మ్యాన్‌ డిస్ట్రిబ్యూషన్‌ వర్కర్‌లు, కాంట్రాక్ట్‌ కార్మికులను ఆర్టిజన్లుగా గుర్తించాలని కోరినట్లు తెలిపారు. ఖాళీలను భర్తి చేయాలని, ట్రాన్స్‌కో సీబీడీ గ్యాంగ్‌లో పనిచేస్తున్న ఆర్టిజన్లకు విద్యార్హతతో పనిలేకుండా గ్రేడ్‌–1 జీతం ఇవ్వాలని కోరామన్నారు. కారుణ్య నియామకాల వయస్సును 46 సంవత్సరాలకు పెంచాలని కోరినట్లు పేర్కొన్నారు. ఉపముఖ్యమంత్రి సానుకూలంగా స్పందించారన్నారు. ఎంపీ బలరాం నాయక్‌, ఎమ్మెల్యే రాజేందర్‌ రెడ్డి, రాష్ట్ర కనీస వేతనాల సలహా బోర్డు చైర్మన్‌ జనక్‌ప్రసాద్‌, చంద్రశేఖర్‌ పాల్గొన్నారు.

● ద్వితీయ స్థానంలో వరంగల్‌ ● బాల్‌ బ్యాడ్మింటన్‌లో వరంగల్‌ జట్టు విజేతహన్మకొండ: తెలంగాణ ట్రాన్స్‌కో, డిస్కమ్స్‌ ఇంటర్‌ సర్కిల్‌ కబడ్డీ, బాల్‌ బ్యాడ్మింటన్‌ టోర్నీ 2025–2026 శుక్రవారం ముగిసింది. బాల్‌ బ్యాడ్మింటన్‌ ఫైనల్‌లో వరంగల్‌, మహబూబ్‌నగర్‌ జట్లు పోటీ పడగా, వరంగల్‌ సర్కిల్‌ విద్యుత్‌ ఉద్యోగుల జట్టు విజేతగా నిలిచింది. మహబూబ్‌నగర్‌ జట్టు ద్వితీయ స్థానంలో, నల్లగొండ జట్టు తృతీయ స్థానంలో నిలిచాయి. కబడ్డీ ఫైనల్‌లో నల్లగొండ, వరంగల్‌ జట్లు పోటీపడగా నల్లగొండ జట్టు విజేతగా నిలిచింది. వరంగల్‌ జట్టు ద్వితీయ స్థానం, నిజామాబాద్‌ తృతీయ స్థానంలో నిలిచింది. ఈ టోర్నీలో కబడ్డీలో 12 జట్లు, బాల్‌ బ్యాడ్మింటన్‌లో 9 జట్లు పాల్గొన్నాయి. కార్యక్రమంలో ఎన్పీడీసీఎల్‌ ఇన్‌చార్జ్‌ డైరెక్టర్‌లు బి.అశోక్‌ కుమార్‌, టి.మధుసూదన్‌, స్పోర్ట్స్‌ కౌన్సిల్‌ చైర్మన్‌, హనుమకొండ సర్కిల్‌ ఎస్‌ఈ పి.మధుసూదన్‌ రావు, కన్వీనర్‌ ఎ.విజేందర్‌ రెడ్డి, సభ్యులు ఎండీ యాకూబ్‌ పాషా, సునీల్‌ కుమార్‌, ఇ.ప్రేమ్‌ కుమార్‌, స్పోర్ట్స్‌ ఆఫీసర్‌ జగన్నాథ్‌, హనుమకొండ టౌన్‌ డీఈ జి.సాంబరెడ్డి, వరంగల్‌ టౌన్‌ డీఈ ఎస్‌.మల్లికార్జున్‌ పాల్గొన్నారు.

హన్మకొండ కల్చరల్‌: దేవాదాయ ధర్మాదాయ శాఖలో పనిచేస్తున్న ఉద్యోగులు, అధికారుల డిప్యుటేషన్‌ రద్దు చేసి ఖాళీలను తక్షణమే భర్తీ చేయాలని తెలంగాణ అర్చక ఉద్యోగుల జేఏసీ రాష్ట్ర చైర్మన్‌ గంగు ఉపేంద్రశర్మ అటవీ, పర్యావరణ, దేవాదాయ ధర్మదాయశాఖ మంత్రి కొండా సురేఖ, రాష్ట్ర ప్రిన్సిపల్‌ సెక్రటరీ శైలజా రామయ్యర్‌ను జిల్లా దేవాదాయశాఖ అధికారులు, సిబ్బంది, జేఏసీ రాష్ట్ర చైర్మన్‌ గంగు ఉపేంద్రశర్మ శుక్రవారం హైదరాబాద్‌లో కలిసి వినతి పత్రం అందజేశారు. ఈసందర్భంగా ఉపేంద్ర శర్మ మాట్లాడారు. ఎండోమెంట్స్‌ కార్యాలయాల్లో డిప్యూటేషన్‌పై నియామకాలు చేపట్టాలన్నారు. దేవాదాయ శాఖలో అనేక ఖాళీలు ఉన్నాయని, ఉద్యోగుల పదోన్నతి కల్పించటం లేదని ఆవేదన వ్యక్తం చేశారు. కార్యక్రమంలో దేవాదాయశాఖ ప్రాంతీయ సంయుక్త కమిషనర్‌ రామకృష్ణరావు, ఉపకమిషనర్లు సంధ్యారాణి, శ్రీకాంతరావు, అసిస్టెంట్‌ కమిషనర్‌ రామల సునీ త, ఈఓలు రత్నాకర్‌, శ్రీరాజేష్‌ పాల్గొన్నారు. మంత్రి కొండా సురేఖకు ఉపేంద్ర శర్మ వినతి

● వడ్లకొండ వేణుగోపాల్‌ గౌడ్‌ హన్మకొండ: రాష్ట్ర మంత్రివర్గంలో ఓసీలకు ఉత్తమ శాఖలను కేటాయించి, బీసీలకు ఉత్తిత్తి శాఖలను కేటాయించడం దేనికి నిదర్శనమని బీసీ సంక్షేమ సంఘం ఉమ్మడి వరంగల్‌ జిల్లా అధ్యక్షుడు వడ్లకొండ వేణుగోపాల్‌ గౌడ్‌ సీఎం రేవంత్‌ రెడ్డి ప్రభుత్వాన్ని ప్రశ్నించారు. శుక్రవారం హనుమకొండలో ఆయన విలేకరులతో మాట్లాడారు. కాంగ్రెస్‌ పార్టీ అధికారంలోకి వస్తే సామాజిక న్యాయం పాటిస్తామని చెప్పిన రాహుల్‌ గాంధీ మాటలకు విలువ లేదా అని శ్న్రించారు. రాష్ట్ర జనాభాలో 16 శాతం ఉన్న అగ్రవర్ణాలకు అత్యంత కీలకమైన బడ్జెట్‌ ఉన్న 7 మంత్రి పదవులను కేటాయించి, 86 శాతం ఉన్న ఎస్సీ, ఎస్టీ, బీసీ, మైనార్టీలకు ప్రాధాన్యత లేని బడ్జెట్‌ లేని 8 మంత్రి పదవులను కేటాయించడం సామాజిక న్యాయమా అంటూ నిలదీశారు. కామారెడ్డి డిక్లరేషన్‌లో భాగంగా బీసీలకు 42 శాతం రిజర్వేషన్లను కల్పిస్తామని చెప్పిన రేవంత్‌ రెడ్డి.. పాలనలో మాత్రం సామాజిక న్యాయం పాటించడం లేదని విమర్శించారు. పిడుగుపాటుతో కొబ్బరి చెట్టుపై మంటలు ● పలు ఇళ్లలో గృహోపకరణాలు దగ్ధం ఖిలా వరంగల్‌: నగరంలోని కరీమాబాద్‌లో శుక్రవారం సాయంత్రం ఉరుములు మెరుపులతో కూడిన భారీ వర్షం కురిసింది. సాయంత్రం 5 గంటలకు కురిసిన వర్షానికి ఉర్సు బొడ్రాయి శివాంజనేయ దేవాలయం వెనుక కుసుమ సుధాకర్‌, దయాకర్‌ ఇళ్ల ఆవరణలోని కొబ్బరి చెట్టుపై పిడుగుపడింది. కొబ్బరి చెట్టుపై పెద్ద ఎత్తున మంటలు చెలరేగాయి. ఎగిసి పడుతున్న మంటలను స్థానికులు అదపుచేశారు. పిడుగు పడే సమయంలో సమీపంలో ఎవరూ లేకపోవడంతో ప్రమాదం తప్పింది. పిడుగు పడడంతో షార్ట్‌ సర్క్యూట్‌తో పలు ఇళ్లల్లో గృహోపకరణాలు ధ్వంసమయ్యాయి. ఎలక్ట్రానిక్‌ పరికరాలు ఖాళిపోయాయి. స్థానిక కార్పొరేటర్‌ మరుపల్లి రవి ఘటనా స్థలాన్ని సందర్శించారు. పిడుగుపాటుతో నష్టపోయినవారిని ప్రభుత్వం ఆదుకునేలా ఉన్నతాధికారుల దృష్టికి తీసుకెళ్తానని హామీ ఇచ్చారు. హౌరా రైలులోనుంచి పడి ల్యాబ్‌ టెక్నీషియన్‌ మృతి● మృతుడిది సూర్యాపేట జిల్లా.. మంగళగిరి ఏయిమ్స్‌లో ఉద్యోగం కాజీపేట రూరల్‌: కాజీపేట జీఆర్‌పీ పోలీస్టేషన్‌ పరిధిలోని పెండ్యాల్‌–నష్కల్‌ రైల్వే స్టేషన్‌ల మధ్య శుక్రవారం ఓ వ్యక్తి రైలులోనుంచి ప్రమాదవశాత్తు కిందపడి మృతి చెందాడు. జీఆర్‌పీ హెడ్‌కానిస్టేబుల్‌ ఉపేందర్‌ తెలిపిన వివరాల ప్రకారం.. సూర్యాపేట జిల్లా పాలకవీడు మండలం గుండెబోయిన గూడెం గ్రామానికి చెందిన సామంతపూడి శ్రవణ్‌కుమార్‌ (36) ఏపీ మంగళగిరిలోని ఏయిమ్స్‌లో ల్యాబ్‌ టెక్నీషీయన్‌గా పని చేస్తున్నాడు. సికింద్రాబాద్‌ నుంచి విజయవాడకు జనరల్‌ టికెట్‌ తీసుకొని హౌరా (ఈస్ట్‌కోస్ట్‌) ఎక్స్‌ప్రెస్‌లో ప్రయాణిస్తున్నాడు. పెండ్యాల్‌–నష్కల్‌ రైల్వే స్టేషన్‌ల మధ్యలో ప్రమాదవశాత్తు రైలులోనుంచి జారి పడడంతో అక్కడికక్కడే మృతిచెందాడు. మృతుడికి భార్య, ఇద్దరు కూతుళ్లు ఉన్నారు. బంధువులకు సమాచారం అందించి, మృతదేహాన్ని పోస్టుమార్టం నిమిత్తం వరంగల్‌ ఎంజీఎం ఆస్పత్రి మార్చురీలో భద్రపరిచినట్లు హెడ్‌కానిస్టేబుల్‌ తెలిపారు.

హన్మకొండ: టీజీ ఎన్పీడీసీఎల్‌ వరంగల్‌ టౌన్‌ డివిజన్‌ విద్యుత్‌ అధికారుల ఫోన్‌ నంబర్లు మారాయి. గతంలో ఉన్న బీఎస్‌ఎన్‌ఎల్‌ నంబర్ల స్థానంలో టీజీ ఎన్పీడీసీఎల్‌ యాజమాన్యం ఎయిర్‌టెల్‌ ఫోన్‌ నంబర్లు కేటాయించింది. ఎన్పీడీసీఎల్‌ వరంగల్‌ సర్కిల్‌అధికారి హోదా ఫోన్‌ నంబర్‌ ఆజాంజాహి మిల్స్‌ ఫ్యూజ్‌ ఆఫ్‌ కాల్‌ 87124 85022 గొర్రెకుంట సబ్‌స్టేషన్‌ 87124 85035 ఫోర్ట్‌ రోడ్‌ ఫ్యూజ్‌ ఆఫ్‌ కాల్‌ 87124 85023 గొర్రెకుంట ఫ్యూజ్‌ ఆఫ్‌ కాల్‌ 87124 85030 మట్వాడ సెక్షన్‌ ఆఫీస్‌ ఫ్యూజ్‌ ఆఫ్‌ కాల్‌ 87124 84965 ఆరెపల్లి సబ్‌స్టేషన్‌ 87124 84940 ఆరెపల్లి సెక్షన్‌ కార్యాలయం ఫ్యూజ్‌ ఆఫ్‌ కాల్‌ 87124 84936 ఏనుమూముల సబ్‌స్టేషన్‌ 87124 84941 పోచమ్మ మైదాన్‌ సబ్‌ స్టేషన్‌ 87124 84972 పోచమ్మ మైదాన్‌ సెక్షన్‌ ఆఫీస్‌ ఫ్యూజ్‌ ఆఫ్‌ కాల్‌ 87124 84976 దేశాయి సబ్‌ స్టేషన్‌ 87124 84954 దేశాయిపేట సెక్షన్‌ ఆఫీస్‌ ఫ్యూజ్‌ ఆఫ్‌ కాల్‌ 87124 84945 మామునూరు సబ్‌స్టేషన్‌ 87124 85003 మామునూరు సెక్షన్‌ ఆఫీస్‌ ఫ్యూజ్‌ ఆఫ్‌ కాల్‌ 87124 84997 బొల్లికుంట సబ్‌స్టేషన్‌ 87124 85002 శంఽభునిపేట సబ్‌స్టేషన్‌ 87124 85867 శంభునిపేట సెక్షన్‌ ఆఫీస్‌ ఫ్యూజ్‌ ఆఫ్‌ కాల్‌ 87124 85006 కరీమాబాద్‌ సబ్‌స్టేషన్‌ 87124 84990 కరీమాబాద్‌ సెక్షన్‌ ఆఫీస్‌ ఫ్యూజ్‌ ఆఫ్‌ కాల్‌ 87124 84980అధికారి హోదా ఫోన్‌ నంబర్‌ ఎస్‌ఈ 87124 84950, వరంగల్‌ టౌన్‌ డీఈ 87124 85067 వరంగల్‌ ఏడీఈ 87124 85048 ములుగు రోడ్‌ ఏడీఈ 87124 84977 శంఽభునిపేట ఏడీఈ 87124 85018 ఆజంజాహి మిల్‌ ఈఆర్‌ఓ ఏఏఈ 87124 85051 వరంగల్‌ ఈఆర్‌ఓ ఏఏఓ 87124 85052 వరంగల్‌ టౌన్‌ డివిజన్‌ కార్యాలయం ఏఈ టెక్‌ 87124 85068 వరంగల్‌ టౌన్‌ డివిజన్‌ కార్యాలయం ఏఈ కమర్షియల్‌ 87124 85056 స్టేషన్‌ రోడ్‌ ఏఈ 87124 85036 ఆజాంజాహి మిల్స్‌ ఏఈ 87124 85020 ఫోర్ట్‌ రోడ్‌ ఏఈ 8712485028 గొర్రెకుంట ఏఈ 87124 85033 మట్వాడ ఏఈ 87124 84963 ఆరెపల్లి ఏఈ 87124 84938 పోచమ్మ మైదాన్‌ ఏఈ 87124 84976 దేశాయిపేట ఏఈ 87124 84945 మామునూరు ఏఈ 87124 84998 శంభునిపేట ఏఈ 87124 85005 కరీమాబాద్‌ ఏఈ 87124 84986 స్టేషన్‌రోడ్‌ సబ్‌ స్టేషన్‌ 87124 85046 స్టేషన్‌ రోడ్‌ సెక్షన్‌ ఆఫీస్‌ ఫ్యూజ్‌ ఆఫ్‌ కాల్‌ 87124 85037 ఫోర్ట్‌ రోడ్‌ సబ్‌స్టేషన్‌ 87124 85029

విద్యారణ్యపురి: బడిబాట కార్యక్రమంలో భాగంగా శుక్రవారం హనుమకొండ, వరంగల్‌ జిల్లాలో ప్రాథమిక పాఠశాలల్లో నూతనంగా ప్రవేశాలు పొందిన విద్యార్థులకు ఉపాధ్యాయులు సామూహిక అక్షరాభ్యాసం చేయించారు. హనుమకొండ డీఈఓ వాసంతి, జిల్లా కమ్యూనిటీ మొబలైజింగ్‌ కోఆర్డినేటర్‌ బద్దం సుదర్శన్‌రెడ్డి నడికుడ మండలం చర్లపల్లి, శాయంపేట పాఠశాలల్లో సామూహిక అక్షరాభ్యసంలో పాల్గొన్నారు. జిల్లాలో 16 ప్రాథమిక పాఠశాలల్లో పూర్వప్రాథమిక తరగతులను ప్రారంభిస్తున్నామని వాసంతి తెలిపారు. తెరుచుకున్న పాఠశాలలు హనుమకొండ జిల్లాలో 41 పాఠశాలలు మూతపడగా బడిబాట కార్యక్రమంలో భాగంగా ఈ విద్యాసంవత్సరంలో టీచర్లు.. విద్యార్థులను చేర్చుకున్నారు. ఓగ్లాపూర్‌ ప్రాథమిక పాఠశాలలో నూతనంగా వచ్చిన విద్యార్థులకు టీచర్లు అక్షరాభ్యాసం చేయించారు. ఎర్రబెల్లి తండా ప్రాథమిక పాఠశాలలో ముగ్గురు విద్యార్థులు ప్రవేశాలు పొందగా ఆ పాఠశాలను టీచర్‌ శ్రీదేవి తెరిచారు. ఎల్కతుర్తి మండలం ఎంపీపీఎస్‌ రామకృష్ణాపూర్‌ ప్రాథమిక పాఠశాలలో ఇద్దరు పిల్లలు జాయిన్‌ కాగా వారికి టీచర్‌ అక్షరాభ్యాసం చేయించారు. మూతపడిన మూడు పాఠశాలలు తెరుచుకున్నాయి

నేడు ప్రపంచ రక్తదాతల దినోత్సవం ●● రక్తదానంలో యువత ముందంజ●● అవగాహన కల్పించడంలో ఎన్జీఓల కృషి ● అత్యవసర సమయంలో కాపాడుతున్న రక్తదాతలుప్రమాదం జరిగినప్పుడు.. అనారోగ్య అత్యవసర పరిస్థితి ఏర్పడినప్పుడు రక్తం అందక అనేకమంది మృత్యుఒడికి చేరిన ఘటనలున్నాయి. కానీ ప్రస్తుతం ఎన్జీఓలు, యువజన సంఘాలు రక్తదానం చేయడం వల్ల కలిగే ప్రయోజనాలను ప్రజలకు వివరించడం ద్వారా రక్తదానంపై వారిలోని అపోహలను దూరం చేస్తున్నారు. తద్వారా అనేకమంది యువత రక్తదానం చేసి చావుబతుకుల్లో ఉన్నవారికి ప్రాణం పోస్తున్నారు. ఈనేపథ్యంలో నేడు ప్రపంచ రక్తదాతల దినోత్సవం సందర్భం ప్రత్యేక కథనం. టేకుమట్ల: రక్తదానం చేయడం వల్ల నీరసించి ఆరోగ్య ఇబ్బందులు ఏర్పడతాయనే అపోహ ప్రజల్లో ఉంటుంది. కానీ, అలాంటిది జరగదు. కేవలం 21 రోజుల్లోనే పూర్తి స్థాయిలో రక్తం శరీరంలో సమకూరుతుంది. అలాగే 6 నుంచి 12 వారాల్లో పురుషులకు, 6 నుంచి 16 వారాల్లో మహిళలకు హిమోగ్లోబిన్‌ స్థాయిలు సమంగా చేరుకుంటాయి. ఈవిషయంపై వివిధ స్వచ్ఛంద సంస్థలు, యువజన సంఘాలు, రెడ్‌క్రాస్‌ వంటి సంస్థలు ప్రజలకు అవగాహన కల్పిస్తూ రక్తదానం చేసేలా చొరవ చూపుతున్నాయి. దీంతో యువత రక్తదానం వైపు అడుగు వేస్తూ ఎంతో మంది ప్రాణాలను నిలబెడుతున్నారు. ఎవరు రక్తదానం చేయాలి.. ఎవరు రక్తదానం చేయాలనే విషయంపై ఎంతో మంది ఆలోచనలో పడి రక్తదానం చేయడంలో కాస్త వెనుకడుగేస్తున్నారు. 18 సంవత్సరాల నుంచి 65 సంవత్సరాలలోపు ఉన్న ఆరోగ్యవంతులైన ప్రతీ ఒక్కరు రక్తదానం చేయవచ్చని వైద్యులు సూచిస్తున్నారు. కానీ, హెపటైటిస్‌ బీ, హెచ్‌ఐవీ, రక్తహీనత, బలహీనత, షుగర్‌, దీర్ఘకాలిక వ్యాధులతో బాధపడేవారు.. రక్తదానం చేసేందుకు అనర్హులుగా వైద్యులు చెబుతారు. ఎంతో మందికి పునర్జన్మ అత్యవసర సమయంలో రక్తదాతల నుంచి సేకరించిన రక్తంతో ఎంతో మంది పునర్జన్మ పొందారు. కరోనా మహమ్మారి వ్యాప్తి సమయంలో రక్త నిల్వలు లేక ఎంతో మంది ప్రాణాలను కోల్పోయారు. అలాంటి పరిస్థితి రాకుండా రక్తదానం చేస్తూ ప్రాణాలను కాపాడాలని పలువురు మానవతావాదులు కోరుతున్నారు.

విద్యారణ్యపురి: ప్రైవేట్‌ విద్యాసంస్థల్లో అధిక ఫీజుల భారాన్ని నియంత్రించాలని విద్యాహక్కు చట్టం ప్రకారం ప్రైవేట్‌ విద్యాసంస్థల్లో 25 శాతం పేదవర్గాల పిల్లలకు అడ్మిషన్లు కల్పించేలా చర్యలు చేపట్టాలని బీసీ రాజ్యాధికార సమితి వ్యవస్థాపక అధ్యక్షుడు దాసు సురేష్‌ డిమాండ్‌ చేశారు. హనుమకొండ డీఈఓ వాసంతి, వరంగల్‌ డీఈఓ జ్ఞానేశ్వర్‌కు శుక్రవారం వేర్వేరుగా వినతిపత్రాలు అందజేశారు. ఈ సందర్భంగా దాసు సురేష్‌ మాట్లాడుతూ ప్రైవేట్‌ పాఠశాలల యాజమాన్యాలు అడ్డూ.. అదుపు లేకుండా ఫీజులు వసూలు చేస్తున్నాయని అన్నారు. నిబంధనలు పాటించని ప్రైవేట్‌ పాఠశాలల యాజమాన్యాలపై చర్యలు తీసుకోవాలని కోరారు. వరంగల్‌ జిల్లా ఇన్‌చార్జ్‌ వంగ రవియాదవ్‌, రాష్ట్ర మహిళా ఉపాధ్యక్షురాలు హైమవతి, రవీందర్‌, అశోక్‌, కొడపాక దేవి, శ్రీరామోజు అంజలి, యోగేశ్వర్‌ పాల్గొన్నారు. నూతన ఔషధ ఆవిష్కరణలు అవసరం కేయూ క్యాంపస్‌: మానవాళికి ఉపయోగపడే నూతన ఔషధాల ఆవిష్కరణలు చేయాలని కేయూ వీసీ ప్రతాప్‌రెడ్డి అన్నారు. యూనివర్సి టీలోని జువాలజీ విభాగం ఆధ్వర్యంలో ‘హ్యాండ్స్‌ ఆన్‌ మాలిక్యూలర్‌ డాకింగ్‌ అండ్‌ డ్రగ్‌ డిస్కవరీ టెక్నిక్స్‌’ అనే అంశంపై మూడు రోజులపా టు జరిగే జాతీయ వర్క్‌షాప్‌లో శుక్రవారం ఆయన మాట్లాడారు. ప్రస్తుతం పరిశోధనారంగంలో ఆర్టిఫిషియల్‌ ఇంటిలిజెన్స్‌తో నూతన ఔషధాలు ఆవిష్కరణలపై పరిశోధనలు జరుగుతున్నాయన్నారు. మాలిక్యూలర్‌ డాకింగ్‌ మాన్యువల్‌ను వీసీ ఆవిష్కరించారు. వరంగల్‌ నిట్‌ బయో ఇన్ఫర్మెటిక్‌ విభాగం అసిస్టెంట్‌ ప్రొఫెసర్‌ పెరగు శ్యామ్‌, జువాలజీ విభాగం అధిపతి ఆచార్య షమిత, సైన్స్‌ డీన్‌ హనుమంతు, ప్రొఫెసర్లు ఇస్తారి, వెంకయ్య పాల్గొన్నారు. వాహనం కొంటున్నానంటూ మోసం! రామన్నపేట: వాహనం కొనుగోలు చేస్తున్నా ను.. మీ సాక్షి సంతకం కావాలని పలువురి నుంచి పాన్‌, ఆధార్‌ కార్డులు సేకరించి వారి పే రుపైన వాహనాలు కొనుగోలు చేసి విక్రయించిన ఓ వ్యక్తిని శుక్రవారం మట్టెవాడ పోలీసులు అరెస్టు చేశారు. వారు తెలిపిన వివరాల ప్రకా రం.. కొత్తవాడకు చెందిన బిట్ల సందీప్‌ దుస్తుల దుకాణం నిర్వహించి నష్టపోవడంతో సులభంగా డబ్బులు సంపాదించాలని భావించాడు. ఈక్రమంలో తాను బైక్‌ కొనుగోలు చేస్తున్నానని.. సాక్షి సంతకం కోసం పాన్‌, ఆధార్‌ కార్డులు కావాలని ఒకరికి తెలియకుండా మరొకరి వద్ద 10 మంది కార్డులు సేకరించి షో రూమ్‌ల నుంచి వివిధ ఫైనాన్స్‌ల వద్ద పది వాహనాలు కొనుగోలు చేశాడు. అనంతరం ఈ వాహనాలు దసరా ఆఫర్‌, దళిత బంద్‌కు చెందినవిగా చెప్పి పలువురికి విక్రయించాడు. ఈఎంఐలు చెల్లించకపోవడంతో పాన్‌కార్డు, ఆధార్‌కార్డులు ఇచ్చిన వారికి మెస్సెజ్‌లు రావడంతో విషయం బహిర్గతమైంది. విచారణ చేసిన శుక్రవారం నిందితున్ని అరెస్టు చేసి 10 వాహనాలను స్వాధీనం చేసుకున్నారు.

ప్రతీ సంవత్సరం అక్టోబర్‌లో నిర్వహించే పోలీస్‌ అమరవీరుల వారోత్సవాల సందర్భంగా నిర్వహించే రక్తదాన శిబిరంలో పాల్గొంటాను. గ్రామాల్లోని యువతకు రక్తదానంపై అవగాహన కల్పించి ఎంతో మందిచే రక్తదానాన్ని చేయించాను. రక్తదానంపై అపోహలను నివృత్తి చేస్తూ ముందుకు సాగేలా కృషి చేశాను. భవిష్యత్‌లో కూడా యువతను రక్తదానం చేసేలా ప్రోత్సహిస్తూ నేను చేసేందుకు సిద్దంగా ఉన్నాను. ఆపదలో ఉన్న వారికి రక్తదానం చేయడం వల్ల ప్రాణాలను కాపాడొచ్చు. – దాసరి సుధాకర్‌, ఎస్సై టేకుమట్ల

కాజీపేట రూరల్‌: ప్రయాణికుల రద్దీని దృష్టిలో ఉంచుకొని కాజీపేట జంక్షన్‌ మీదుగా దక్షిణ మధ్య రైల్వే అధికారులు చర్లపల్లి–తిరుపతి మధ్య 10 ప్రత్యేక రైళ్ల సర్వీస్‌లను ప్రవేశపెట్టి నడిపిస్తున్నట్లు దక్షిణ మధ్య రైల్వే సీపీఆర్వో శ్రీధర్‌ శుక్రవారం తెలిపారు. ప్రత్యేక రైళ్ల వివరాలు ఇలా.. జూలై 2వ తేదీ నుంచి 30వ తేదీ వరకు చర్లపల్లి–తిరుపతి (07251) ఎక్స్‌ప్రెస్‌ ప్రతి బుధవారం కాజీపేట జంక్షన్‌కు చేరుకుంటుంది. తిరుగుప్రయాణంలో జూలై 3వ తేదీ నుంచి 31వ తేదీ వరకు తిరుపతి–చర్లపల్లి (07252) ఎక్స్‌ప్రెస్‌ ప్రతి శుక్రవారం కాజీపేట జంక్షన్‌కు చేరుకుటుంది. 1 ఏసీ, 2 ఏసీ, 3 ఏసీ, స్లీపర్‌ క్లాస్‌, జనరల్‌ సెకండ్‌ క్లాస్‌ కోచ్‌లతో ప్రయాణించే ఈ రైళ్ల సర్వీస్‌లకు అప్‌ అండ్‌ డౌన్‌ రూట్‌లో జనగామ, కాజీపేట, వరంగల్‌, నెక్కొండ, మహబూబాబాద్‌, ఖమ్మం, విజయవాడ, తెనాలి, చీరాల, ఒంగోలు, నెల్లూరు, గూడూరు, వెంకటగిరి, శ్రీ కాళహస్తి, రేణిగుంట స్టేషన్లలో హాల్టింగ్‌ సౌకర్యం కల్పించారు.

వరంగల్‌ క్రైం: మద్యానికి అలవాటు పడి, జల్సాలకు అవసరమైన డబ్బు కోసం మేనత్తను హత్యచేసి ఒంటి మీద ఉన్న నగలను చోరీ చేసిన వరంగల్‌లోని మట్టెవాడ రాజీవ్‌కాలనీకి చెందిన రేకులపెల్లి ప్రణయ్‌ని గీసుగొండ పోలీసులు శుక్రవారం అరెస్టు చేసినట్లు ఈస్‌జోన్‌ డీసీపీ అంకిత్‌కుమార్‌ తెలిపారు. నిందితుడి నుంచి పోలీసులు రూ.18 లక్షల విలువగల సుమారు 170 గ్రాముల బంగా రు, 34 గ్రాముల వెండి అభరణాలతోపాటు రూ.10 వేలు, బైక్‌, సెల్‌ఫోన్‌ స్వాధీనం చేసుకున్నట్లు శుక్రవారం ఏర్పాటు చేసిన సమావేశంలో వెల్లడించారు. ఈ నెల 7వ తేదీన వరంగల్‌ జిల్లా గీసుగొండ మండలం స్థంభంపల్లి గ్రామానికి చెందిన కొచన స్వరూప (70)ను గుర్తు తెలియని వ్యక్తులు హత్య చేసినట్లుగా మృతురాలి కుమారుడు ఇచ్చిన ఫిర్యాదుపై పోలీసులు కేసు నమోదు చేసుకున్నట్లు తెలిపారు. ఈస్ట్‌జోన్‌ డీసీపీ ఆధ్వర్యంలో దర్యాప్తు చేపట్టిన గీసుగొండ పోలీసులు టెక్నాలజీని వినియోగించి ప్రణయ్‌ని శుక్రవారం అరెస్టు చేసి గీసుగొండ పోలీస్‌ స్టేషన్‌లో విచారించినట్లు తెలిపారు. ఈక్రమంలో ప్రణయ్‌ ప్రైవేట్‌ ఉద్యోగం చేస్తూ జల్సాలు, బైక్‌ కొనుగోలుకు పెద్ద మొత్తంలో అప్పు చేసినట్లు తెలిపారు. ఇచ్చినవారు ఒత్తిడి చేయడంతో సులభంగా డబ్బు సంపాదించేందుకు చోరీలకు పాల్పడినట్లు తెలిపారు. ఈ క్రమంలో స్థంభంపల్లిలో ఒంటరిగా ఉంటున్న తన మేనత్త స్వరూప వద్ద పెద్ద మొత్తంలో డబ్బు ఉంటుందని, ఆమెను చంపి డబ్బు, బంగారం దోచుకోవచ్చని ప్లాన్‌వేసినట్లు తెలిపారు. ఈ నెల 7వ తేదీన తన మేనత్త స్వరూప వద్దకు వెళ్లిన ప్రణయ్‌ ఆమెతో కలిసి మద్యం సేవించిన అనంతరం మృతురాలి ఇంటిలోనే నిద్రించాడు. స్వరూప గాఢ నిద్రలో ఉన్న సమయంలో డంబెల్‌తో మేనత్త తలపై కొట్టినట్లు తెలిపారు. స్వరూప మరణించినట్లుగా నిర్ధారించుకుని ఒంటిపై ఉన్న బంగారు అభరణాలతోపాటు ఇంట్లోని వెండి ఆభరణాలు, డబ్బును దోచుకొని వెళ్లినట్లు తెలిపారు. 170 గ్రాముల బంగారం, 34 గ్రాముల వెండి స్వాధీనం వివరాలు వెల్లడించిన డీసీపీ అంకిత్‌కుమార్‌

హన్మకొండ కల్చరల్‌: కళాకారులను ప్రొత్సహించాలని, కళారంగాన్ని కాపాడుకోవాలని అందుకు కళాపోషకులు ముందుకు రావాలని కేయూ రిటైర్డ్‌ ప్రొఫెసర్‌ ఆచార్య బన్న అయిలయ్య అన్నారు. వరంగల్‌ జిల్లా రంగస్థల కళాకారుల ఐక్యవేదిక ఆధ్వర్యంలో మూడు రోజుల పాటు జరిగే 16వ జాతీయస్థాయి నాటిక పోటీలు–2025 శుక్రవారం రాత్రి ప్రారంభమయ్యాయి. ఈమేరకు వరంగల్‌ పోతన విజ్ఞాన పీఠం ఆడిటోరియంలో ఆచార్య బన్న అయిలయ్య ముఖ్య అతిథిగా పాల్గొని జ్యోతి ప్రజ్వలన చేసి నాటక పోటీలు ప్రారంభించారు. అలాగే పారితోషిక దాతగా వ్యవహరించారు. ఐక్యవేదిక అధ్యక్షుడు డాక్టర్‌ కాజీపేట తిరుమలయ్య అధ్యక్షతన జరిగిన కార్యక్రమంలో అతిథులుగా కవి గిరిజామనోహరబాబు, బండారు ఉమామహేశ్వర్‌రావు, వేదిక సలహాదారు సంజయ్‌బాబు, తెలంగాణ రాష్ట్ర నాటక సమాజాల సమాఖ్య అధ్యక్షుడు ఆకుల సదానందం, మాడిశెట్టి రమేశ్‌ తదితరులు పాల్గొని ప్రసంగించారు. అనంతరం చిలుకలూరిపేట మద్దుకూరి ఆర్ట్స్‌ క్రియేషన్‌ వారి మా ఇంట్లో మహాభారతం, నిజామాబాద్‌ తన్మయి ఆర్ట్స్‌ వారి చదువు నాటక ప్రదర్శనలు అలరించాయి. కేయూ రిటైర్డ్‌ ప్రొఫెసర్‌ బన్న అయిలయ్య ప్రారంభమైన ఆహ్వాన నాటిక పోటీలు

వరంగల్‌ కలెక్టర్‌ సత్యశారద న్యూశాయంపేట: జిల్లాలో సీజనల్‌ వ్యాధులు ప్రబలకుండా తగిన చర్యలు తీసుకోవాలని వరంగల్‌ కలెక్టర్‌ డాక్టర్‌ సత్యశారద అధికారులను ఆదేశించారు. సీజనల్‌ వ్యాధుల నివారణకు చేపట్టాల్సి న చర్యలపై కలెక్టరేట్‌లో శుక్రవారం పవర్‌ పాయింట్‌ ప్రజెంటేషన్‌ ద్వారా అవగాహన కల్పించారు. ఈ సందర్భంగా కలెక్టర్‌ మాట్లాడుతూ గ్రామాలు, మున్సిపాలిటీల్లో నీరు నిల్వ ఉండే ప్రాంతాలను గుర్తించాలని సూచించారు. అదనపు కలెక్టర్‌ సంధ్యారాణి, డీఎంహెచ్‌ఓ సాంబశివరావు, డీఆర్‌డీఓ కౌసల్యాదేవి, జిల్లా పరిషత్‌ సీఈఓ రాంరెడ్డి, మలేరియా అధికారి రజినీ, డీబీసీడీఓ పుష్పలత తదితర అధికారులు పాల్గొన్నారు. గిరిజన గ్రామాల్లో ప్రత్యేక క్యాంపులు జిల్లాల్లోని గిరిజన గ్రామాల్లో సౌకర్యాలు కల్పించడానికి ఈనెల 15 నుంచి 30 వరకు ప్రత్యేక క్యాంపులు నిర్వహించాలని కలెక్టర్‌ సత్యశారద అన్నారు. కలెక్టరేట్‌లో ప్రధాన మంత్రి జనజాతి ఆదివాసీ న్యాయ మహా అభియాన్‌(పీఎం జనమన్‌) నిర్వహణపై అధికారులతో శుక్రవారం సమీక్ష నిర్వహించారు. ఆయా గ్రామాల్లో గిరిజనులకు అన్ని ప్రభుత్వ సంక్షేమ పథకాలు అందేలా అధికారులు చర్యలు తీసుకోవాలని పేర్కొన్నారు. సమావేశంలో అధికారులు పాల్గొన్నారు. ఈవీఎం గోదాంల తనిఖీ వరంగల్‌ ఏనుమాముల వ్యవసాయ మార్కెట్‌యార్డులోని జిల్లా వేర్‌హౌస్‌ గోదాముల్లో భద్రపర్చిన ఎలక్ట్రానిక్‌ ఓటింగ్‌ మిషన్లను కలెక్టర్‌ డాక్టర్‌ సత్యశారద తనిఖీ చేశారు. కేంద్ర ఎన్నికల సంఘం ఆదేశాల మేరకు ప్రతీ మూడు నెలలకోసారి నిర్వహించే సాధారణ తనిఖీల్లో భాగంగా ఈవీఎం గోదాంలను పరిశీలించారు. ఇంకుడు గుంతలు నిర్మించాలి.. లిక్విడ్‌ వేస్ట్‌ మేనేజ్‌మెంట్‌లో భాగంగా ఇళ్ల నుంచి వెలువడే నీరు, వర్షపు నీరు, మురుగు నీరు భూగర్భంలో ఇంకేలా ఇంకుడు గుంతల నిర్మాణానికి చర్యలు తీసుకోవాలని కలెక్టర్‌ సత్యశారద అధికారులను ఆదేశించారు. కలెక్టరేట్‌లో సంబంధిత శాఖల అధికారులతో జరిగిన సమీక్షలో కలెక్టర్‌ మాట్లాడారు. సాలిడ్‌ వేస్ట్‌ నిర్వహణకు మెరుగైన పద్ధతులు అవలంబించాలని సూచించారు. రైతునేస్తం కేంద్రాల్లో వీడియో కాన్ఫరెన్స్‌కు ఏర్పాట్లు చేయాలి జిల్లాలో ఈ నెల 16న ప్రారంభించనున్న 21 రైతునేస్తం కేంద్రాల్లో వీడియో కాన్ఫరెన్స్‌కు ఏర్పాట్లు చేయాలని కలెక్టర్‌ ఆదేశించారు. కలెక్టరేట్‌లో జరిగిన సమావేశంలో ఆమె మాట్లాడుతూ.. సీఎం రేవంత్‌రెడ్డి రైతులతో ముఖాముఖి మాట్లాడనున్నట్లు తెలిపారు. అదనపు కలెక్టర్‌ సంధ్యారాణి, జిల్లా వ్యవసాయ అధికారి అనురాధ, అధికారులు పాల్గొన్నారు.

విద్యారణ్యపురి: ప్రభుత్వ ప్రాథమిక పాఠశాలలను బలోపేతం చేసేందుకు మరో అడుగు ముందుకు పడింది. ఏళ్ల నుంచి ఉన్న డిమాండ్‌కు అనుగుణంగా రాష్ట్ర ప్రభుత్వం ప్రభుత్వ ప్రాథమిక పాఠశాలల్లో ప్రీప్రైమరీ విద్య(ఇంగ్లిష్‌ మీడియం)ను ప్రవేశపెట్టింది. ప్రైవేట్‌ పాఠశాలల్లో నర్సరీ, ఎల్‌కేజీ, యూకేజీ ప్రవేశాలు ఉండడంతో ప్రభుత్వ పాఠశాలల్లో విద్యార్థుల సంఖ్య క్రమేపీ తగ్గిపోతోంది. కొన్నేళ్లుగా ప్రభుత్వ పాఠశాలల్లో ఇంగ్లిష్‌ మీడియం కొనసాగిస్తున్నారు. ప్రీప్రైమరీ విద్యను ప్రవేశపెట్టడంతో విద్యార్థి ఆ పాఠశాలలోనే పూర్తిస్థాయి విద్యను అభ్యసించే అవకాశం ఉంటుంది. ఎట్టకేలకు తెలంగాణ ప్రభుత్వం రాష్ట్రంలోని 210 ప్రభుత్వ ప్రాథమిక పాఠశాలల్లో ప్రీ ప్రైమరీ విద్యకు ఈవిద్యాసంవత్సరం 2025–26 నుంచి అనుమతులిస్తూ ఇటీవల విద్యాశాఖ నుంచి ఉత్తర్వులు జారీ అయ్యాయి. హనుమకొండ, వరంగల్‌ జిల్లాలో 29 స్కూళ్లు ఉమ్మడి వరంగల్‌ జిల్లాలోని హనుమకొండ జిల్లాలో 16, వరంగల్‌ జిల్లాలో 13 ప్రభుత్వ ప్రాథమిక పాఠశాలల్లో ప్రీప్రైమరీ విద్యను ప్రవేశపెట్టారు. ఈమేరకు హైదరాబాద్‌ నుంచే ఎంపిక చేసిన పీఎస్‌ల, యూపీఎస్‌ల జాబితాలను ఆయా జిల్లాల విద్యాశాఖల అధికారులకు పంపారు. జయశంకర్‌ భూపాలపల్లి జిల్లాలో 31 పీఎస్‌లలో ప్రీప్రైమరీ విద్యను ప్రవేశపెట్టారు. మిగతా మూడు జిల్లాలు మహబూబాబాద్‌, జనగామ, ములుగు జిల్లాలకు అవకాశం కల్పించలేదు. 12 మంది చేరిక హనుమకొండ ములుగు రోడ్డులోని పెద్దమ్మగడ్డ ప్రాంతంలోని పాలెం ప్రభుత్వ ప్రాథమిక పాఠశాలలో ప్రీ ప్రైమరీలో 12 మంది చిన్నారులను వారి తల్లిదండ్రులు చేర్పించారు. శుక్రవారం వీరికి ఆయా పాఠశాలల్లో ఉపాధ్యాయులు సామూహిక అక్షరాభ్యాసం చేయంచారు. కార్యకమంలో ఎంఈఓ నెహ్రూనాయక్‌, గొల్లపెల్లి పీఎస్‌లో ఇద్దరు, రాంనగర్‌ పీఎస్‌లో ఇద్దరు చిన్నారులు ప్రీప్రైమరీ విద్యలో ప్రవేశాలు పొందారు. వీరికి కూడా టీచర్లు అక్షరాభ్యాసం చేయించారు.ప్రభుత్వ ప్రాథమిక పాఠశాలల్లో యూకేజీ అడ్మిషన్లు హనుమకొండ జిల్లాలో 16.. వరంగల్‌ జిల్లాలో 13 పాఠశాలలు నాలుగేళ్లు నిండిన బాలలకు ప్రవేశాలు పాలెం ప్రభుత్వ పీఎస్‌లో 12మంది చిన్నారుల చేరిక ఎస్‌సీఈఆర్టీ నిపుణులతో సిలబస్‌ రూపకల్పన యూకేజీ మాత్రమే.. ప్రభుత్వ ప్రాథమిక పాఠశాలల్లో ప్రవేశపెట్టిన ప్రీప్రైమరీ విద్యలో యూకేజీ విద్యార్థులు మాత్రమే ఉంటారని జిల్లా విద్యాశాఖ అధికారులు చెబుతున్నారు. కాగా.. యూకేజీ విద్యార్థుల పాఠాలకు సిలబస్‌ను కూడా ఎస్‌సీఈఆర్‌టీ సబ్జెక్టు నిపుణులు రూపకల్పన చేసినట్లు సమాచారం. యూకేజీ చిన్నారుల కోసం పాఠ్య పుస్తకాలు సైతం ఉచితంగా అందజేయనున్నట్లు తెలిసింది. అదేవిధంగా ప్రీప్రైమరీలో చేరిన చిన్నారుల విద్యాబోధనకు ఒక్కో స్కూల్‌కు ఒక్కో వలంటీర్‌ను, చిన్నారుల ఆలనాపాలనా చూసేందుకు ఒక ఆయాను కూడా నియమిస్తారని తెలుస్తొంది. కాగా.. ఒక్కో స్కూల్‌ ప్రీప్రైమరీలో 30 మంది చిన్నారులకు ప్రవేశాలకు ఉండనుందని సంబంధిత అధికారుల ద్వారా తెలిసింది. ఈ స్కూళ్లలోనే ప్రీప్రైమరీ.. హనుమకొండ జిల్లాలో ఎంపీపీఎస్‌లు: పరకాల, ఎంపీపీఎస్‌ సీతారాంపూర్‌, మాణిక్యాపూర్‌, కొప్పూరు, (ఎస్సీ కాలనీ) ముల్కనూరు, భావుపేట కే శ్వాపూర్‌. ఎంపీయూఎస్‌లు: మైలారం, ప్రగతి సింగారం, రతన్‌గిరి. ప్రభుత్వ పీఎస్‌ లు: కాజీపేట, గొల్లపల్లి, పాలెం, రాంనగర్‌. వరంగల్‌ జిల్లాలో.. ఎంపీపీఎస్‌లు: స్వామిరావుపల్లి, లక్కమారిపల్లి, తొగర్రాయి, రామతీర్థం, లింగాపురం, కొండూరు, కొత్తూరు, బుర్హాపల్లి, పైడిపల్లి, జీపీఎస్‌ శుంభునిపేట. ఎంపీయూపీఎస్‌లు: రేకంపల్లి, లెంకాలపల్లి, గన్నారం పాఠశాలల్లో ప్రీౖప్రైమరీ విద్యను అందిస్తున్నారు.

హన్మకొండ అర్బన్‌: హనుమకొండ జిల్లా నూతన కలెక్టర్‌గా స్నేహ శబరీష్‌ శుక్రవారం కలెక్టరేట్‌లోని తన చాంబర్‌లో బాధ్యతలు స్వీకరించారు. ఈసందర్భంగా బాధ్యతలు స్వీకరించిన స్నేహ శబరీష్‌ను అదనపు కలెక్టర్‌ వెంకట్‌రెడ్డి, డీఆర్‌ ఓ వై.వి గణేశ్‌, డీఆర్డీఏ మేన శ్రీను, జెడ్పీ సీఈఓ విద్యాలత, అధికారులు పూలమొక్కలు, పుష్పగుచ్ఛాలు అందించి శుభాకాంక్షలు తెలిపారు. భద్రకాళి అమ్మవారిని దర్శించుకున్న కలెక్టర్‌హన్మకొండ కల్చరల్‌: భద్రకాళి దేవాలయాన్ని బాధ్యతలు స్వీకరించిన హనుమకొండ కలెక్టర్‌ స్నేహ శబరీష్‌ శుక్రవారం రాత్రి సందర్శించారు. ఈసందర్భంగా ఆలయ ఈఓ శేషుభారతి, అర్చకులు భద్రకాళి శేషు దేవాలయానికి వచ్చిన కలెక్టర్‌ను ఘనంగా స్వాగతించారు. కలెక్టర్‌ అమ్మవారిని దర్శించుకుని ప్రత్యేకపూజలు చేశారు. కలెక్టర్‌తో పాటు ఆమె తల్లిదండ్రులు, కూతురు, కుమారుడు ఉన్నారు. పూజల అనంతరం అర్చకులు మహదాశ్వీచనం అందజేశారు. ఈఓ శేషుభారతి వారికి అమ్మవారి శేషవస్త్రాలను, ప్రసాదాలను అందజేశారు.

కాజీపేట జంక్షన్‌ మీదుగా ప్రత్యేక రైళ్లు ప్రయాణికుల రద్దీని దృష్టిలో ఉంచుకొని చర్లపల్లి– తిరుపతి మధ్య ప్రత్యేక రైళ్లను నడిపిస్తున్నట్లు రైల్వే అధికారులు తెలిపారు.ప్రాణం పోస్తున్నారు.. అత్యవసర సమయంలో రక్తదాతల నుంచి సేకరించిన రక్తంతో ఎంతోమంది పునర్జన్మ పొందారు. – 8లోuసాక్షిప్రతినిధి, వరంగల్‌: బల్దియా కొత్త కమిషనర్‌ చాహత్‌ బాజ్‌పాయ్‌కి నగరంలోని పలు సమస్యలు స్వాగతం పలుకుతున్నాయి. ఐదు అసెంబ్లీ నియోజకవర్గాలు, రెండు కలెక్టరేట్ల పరిధిలో విస్తరించి ఉన్న గ్రేటర్‌ మున్సిపల్‌ కార్పొరేషన్‌ (జీడబ్ల్యూఎంసీ), కాకతీయ అర్బన్‌ డెవలప్‌మెంట్‌ అథారిటీ (కుడా)ల ద్వారా అభివృద్ధి పనుల కోసం రూ.కోట్లు ఖర్చు చేస్తున్నా.. క్షేత్రస్థాయిలో కొన్ని విభాగాల్లో కోరలు చాస్తున్న అవినీతి, అక్రమాల వల్ల చెడ్డ పేరు వస్తోంది. పార్కులు, చెరువులు, నాలాల ఆక్రమణలు.. అక్రమ నిర్మాణాలు నగరంలో విచ్చలవిడిగా సాగుతున్నా ఎవరికీ పట్టడం లేదు. భవన నిర్మాణదారుల సంఘం ఏకంగా సీఎం పేషీలోనే ఫిర్యాదు చేసింది. కార్పొరేషన్‌కు చెందిన ఓ కీలక ప్రజాప్రతినిధిని ఒప్పించి కాంట్రాక్టర్ల సిండికేట్‌కు ఎక్సెస్‌ టెండర్‌పై పనులు దక్కేలా ఇంజనీరింగ్‌ విభాగంలో కొందరు చక్రం తిప్పుతుండడం వివాదాస్పదమైంది. ఇదే సమయంలో జీడబ్ల్యూఎంసీ కమిషనర్‌తోపాటు ‘కుడా’ వైస్‌ చైర్మన్‌గా ఉన్న అశ్విని తానాజీ వాకడేపై బదిలీ వేటు పడడం చర్చనీయాంశంగా మారింది. కొత్తగా శుక్రవారం బాధ్యతలు చేపట్టిన చాహత్‌ బాజ్‌పాయ్‌ బల్దియాపై ప్రత్యేక దృష్టి సారిస్తేనే పాలన గాడిన పడుతుందన్న చర్చ సర్వత్రా జరుగుతోంది. ఎక్కడికెళ్లినా తిరిగి ఇక్కడికే.. జీడబ్ల్యూఎంసీలో పని చేయడానికి అలవాటు పడిన అధికారులు ఎక్కడికి వెళ్లినా కొద్దిరోజులే. ఆరు నెలల నుంచి ఏడాది వ్యవధిలో మళ్లీ ‘బల్దియా’కే వస్తున్నారు. పార్టీలు, ప్రభుత్వాలేవైనా ప్రజా ప్రతినిధులతో లాబీయింగ్‌ చేయడంలో దిట్ట అయిన అధికారులు ఇక్కడే తిష్ట వేస్తున్నారు. ప్రస్తుతం జీడబ్ల్యూఎంసీలో ఓ విభాగానికి కీలకాధికారిగా ఉన్న ఒకరు అతడి పదవికి ముప్పు వస్తుందంటే చాలు.. పాదరసంలా పావులు కదుపుతారు. ఈ టాలెంట్‌తోనే 22 నెలల కిందటి వరకు ఏడాదికోసారి రెన్యూవల్‌ చేయించుకుని నాలుగేళ్లు గడిపిన ఆయన.. జయశంకర్‌ భూపాలపల్లి జిల్లాలో కొద్ది రోజులు పని చేశారు. పదోన్నతిపై ఆయన తిరిగి 2024 అక్టోబర్‌ చివరి వారంలో ‘రాజా’లా బల్దియాలోని కీలకపోస్టులో చేరారు. ఆయన ఉన్న సమయంలోనే బల్దియా నిధుల దుర్వినియోగంతో పాటు పెద్ద సంఖ్యలో జరిగిన ఔట్‌ సోర్సింగ్‌ కార్మికుల నియామకాల్లో రూ.లక్షల్లో డబ్బు చేతులు మారాయన్న ఆరోపణలపై విజిలెన్స్‌, ఎన్‌ఫోర్స్‌మెంట్‌, ఏసీబీ, స్పెషల్‌బ్రాంచ్‌లు తలోదిక్కు విచారణ చేపట్టాయి. అయినా చాకచక్యంగా తప్పుకున్న సదరు అధికారి 22 నెలల గ్యాప్‌తో మళ్లీ అదేశాఖలో కీలకపోస్టులో చేరడంపై చర్చ జరిగింది. ● జూనియర్‌ అసిస్టెంట్‌గా చేరి ట్యాక్స్‌ ఆఫీసర్‌ స్థాయి వరకు ఎదిగిన మరో అధికారి సైతం ‘బల్దియా’ను వదల అన్నారు. ప్రమోషన్‌కు ముందు.. తర్వాత కొద్ది మాసాలు మాత్రమే ఇతర మున్సిపాలిటీలకు వెళ్తూ వెంటనే జీడబ్ల్యూఎంసీకి రావడం ఇతడికి పరిపాటి. ఎన్నికల నిబంధనల మేరకు ట్యాక్స్‌ ఆఫీసర్‌గా వర్ధన్నపేట మున్సిపాలిటీకి బదిలీపై వెళ్లిన ఆయన తిరిగి ఐదు రోజుల కిందటే మళ్లీ వరంగల్‌ మున్సిపల్‌ కార్పొరేషన్‌లో కీలక పదవిలో చేరారు. ● పీహెచ్‌సీ వర్కర్‌ నుంచి టీఓ వరకు ఎదిగిన ఒకరు ‘గ్రేటర్‌’ను వదలడం లేదు. హెల్త్‌అసిస్టెంట్‌, శానిటరీ ఇన్‌స్పెక్టర్‌గా ఇక్కడే పని చేసి... కమిషనర్‌ పదోన్నతిపై భూపాలపల్లి, పరకాల, నర్సంపేట మున్సిపాలిటీలలో కొద్ది రోజులు మాత్రమే పనిచేసిన సదరు అధికారి పన్నుల విభాగం కీలక అధికారిగా చేరారు. ● బల్దియాలో ఇంజనీరింగ్‌ విభాగంలో చిన్న ఉద్యోగిగా విధుల్లో చేరిన ఒకరు ఓ ఉన్నతస్థాయి అధికారిగా ఎదిగారు. ఉద్యోగ విరమణ చేసే వరకు వరంగల్‌ మున్సిపల్‌ కార్పొరేషన్‌ను వదలలేదు. ● ‘కుడా’ ఇంజినీరింగ్‌లోను డిప్యూటీ ఈఈ నుంచి ఎస్‌ఈ వరకు ఇక్కడి పనిచేస్తున్న ఓ అధికారి వరంగల్‌ను వదలడం లేదు. ఇలా చాలామంది కీలక విభాగాల్లో తిష్టవేయడం చర్చనీయాంశం అవుతోంది. కొత్త కమిషనర్‌ చాహత్‌ బాజ్‌పాయ్‌ కొరడా ఝుళిపించాల్సిందే..అవినీతి ఆరోపణల్లో పలు విభాగాలు..ఇంజినీరింగ్‌, టౌన్‌ప్లానింగ్‌, శానిటేషన్‌, రెవెన్యూ తదితర శాఖలపై అవినీతి ఆరోపణలు రోజురోజుకూ పెరుగుతున్నాయి. ఏకంగా మున్సిపల్‌ కమిషనర్‌ స్థాయి అధికారిని సైతం మెప్పించి పనులు కానిచ్చారన్న ఫిర్యాదులున్నాయి. వరంగల్‌ నగరం చుట్టూ విచ్చలవిడిగా ఏర్పాటవుతున్న రియల్‌ ఎస్టేట్‌ వెంచర్లు, నాన్‌ లేఅవుట్‌ ప్లాట్లను ‘మామూలు’గా తీసుకుంటున్నారన్న ఆరోపణలు ఉన్నాయి. గ్రేటర్‌ వరంగల్‌ నగరంలో జీ ప్లస్‌ 12 అపార్ట్‌మెంట్‌ నిర్మాణం వరకు అనుమతికి అవకాశం ఉన్నా... అత్యధికంగా జీప్లస్‌ త్రీ, జీ ప్లస్‌ 5 భవనాలు, అపార్టుమెంట్‌లే అత్యధికంగా నిర్మిస్తున్నారు. ఈ నిర్మాణాలకు పదిహేను మీటర్లు, ఆపై ఎత్తులో నిర్మించే వాటికి ముందువైపు మూడు మీటర్లు, మిగిలిన మూడు వైపులా 1.5 మీటర్లు స్థలం విడిచిపెట్టాలన్న నిబంధనలు పాటించడం లేదని అనుమతి కోసం రూ.2 లక్షల నుంచి రూ.10 లక్షల వరకు వసూలు చేసినట్లు ఆరోపణలు ఉన్నాయి. నగరంలో గొలుసుకట్టు చెరువులు, జీడబ్ల్యూఎంసీ స్థలాలు, కీలకమైన నాలాలను ఆక్రమించి వెంచర్ల వేయడంతో పాటు ఇళ్లు నిర్మించుకున్న వారికి అనుమతులు ఇచ్చి పెద్ద మొత్తంలో వసూలు చేశారన్న ఫిర్యాదులపై ‘విజిలెన్స్‌’ విచారణకు ఆదేశించారు. ఈ విషయమై కొందరు బిల్డర్లు హైదరాబాద్‌లో ఫిర్యాదులు కూడా చేశారు. ఆరు నెలల వ్యవధిలో ఇంజనీరింగ్‌ విభాగం ద్వారా నిర్వహించిన సుమారు రూ.314 కోట్ల ఈ–ప్రొక్యూర్‌మెంట్‌ టెండర్లలోనూ కాంట్రాక్టర్లను మిలాఖత్‌ చేసి 4.99 శాతం ఎక్సెస్‌ టెండర్‌ పనులు దక్కేలా చక్రం తిప్పారన్న ఆరోపణలు ఉన్నాయి. ఫలితంగా పెద్దమొత్తంలో అందరూ కలిసి వాటాలు పంచుకున్నారన్న ప్రచారం ఉంది. జీడబ్ల్యూఎంసీ, ‘కుడా’లో ఇష్టారాజ్యం.. పలు విభాగాలపై అవినీతి ఆరోపణలు ప్రతీ పనికి రేట్‌ ఫిక్స్‌ చేసి వసూళ్లు.. అభివృద్ధి ఉన్నా అవినీతితో చెడ్డపేరు బల్దియాలో ఏళ్ల తరబడిగా అధికారుల తిష్ట ఎక్కడికి బదిలీ చేసినా పదోన్నతులపై ఇక్కడికే.. చెరువులు, పార్కుల ఆక్రమణలు.. అక్రమ నిర్మాణాలు ఎక్సెస్‌ టెండర్లతో కాంట్రాక్టర్లకు పనులు.. పక్కదారి పడుతున్న నిధులు

బల్దియా కమిషనర్‌గా బాధ్యతలు స్వీకరిస్తున్న చాహత్‌ బాజ్‌పాయ్‌నగరాభివృద్ధికి సమష్టి కృషి చేద్దాం..● అధికారులకు పిలుపునిచ్చిన కమిషనర్‌ చాహత్‌ బాజ్‌పాయ్‌ ● ఉద్యోగ బాద్యతల స్వీకరణ వరంగల్‌ అర్బన్‌: నగరాభివృద్ధికి అధికారులంతా సమష్టిగా కృషి చేయాలని గ్రేటర్‌ కమిషనర్‌ చాహత్‌ బాజ్‌పాయ్‌ పిలుపునిచ్చారు. శుక్రవారం గ్రేటర్‌ వరంగల్‌ మున్సిపల్‌ కార్పొరేషన్‌ (జీడబ్ల్యూఎంసీ) ప్రధాన కార్యాలయంలో ఆమె కమిషనర్‌గా ఉద్యోగ బాధ్యతలు స్వీకరించారు. ఈసందర్భంగా వివిధ విభాగాలకు చెందిన ఉన్నతాధికారులు, సిబ్బంది కమిషనర్‌ను కలిసి పుష్పగుచ్ఛాలు, పూల మొక్కలు అందజేశారు. అనంతరం జరిగిన పరిచయ కార్యక్రమంలో కమిషనర్‌ మాట్లాడుతూ.. రాష్ట్ర ప్రభుత్వం ప్రతిష్టాత్మకంగా అమలు చేస్తున్న అభివృద్ధి, సంక్షేమ పథకాలను ప్రజలకు చేరువ చేస్తానని, కరీంనగర్‌లో మున్సిపల్‌ కమిషనర్‌గా కరీంనగర్‌ కార్పొరేషన్‌లో పనిచేసిన అనుభవం ఉందన్నారు. మున్సిపల్‌ సర్వీసులపై అవగాహన ఉందని స్పష్టం చేశారు. శానిటేషన్‌పై ప్రత్యేక దృష్టి సారించి నగర పరిశుభ్రతకు కలిసికట్టుగా కృషి చేయాలన్నారు. వన మహోత్సవంలో భాగంగా మొక్కలు నాటే లక్ష్యం, భవన నిర్మాణ అనుమతులకు జారీ చేసే విధానం, శానిటేషన్‌ విభాగంలో విధులు నిర్వహించే సిబ్బంది సంఖ్య, చెత్త తరలింపు వాహనాలకు జీపీఎస్‌ ఏర్పాటు, తదితర అంశాలను విభాగాల అధికారులను అడిగి తెలుసుకున్నారు. అన్ని విభాగాల అధికారులు సిబ్బంది సహకారంతో నగరాభివృద్ధికి కృషి చేస్తానన్నారు. కమిషనర్‌ను డిప్యూటీ కమిషనర్లు ప్రసూనారాణి, రవీందర్‌, (అడ్మిన్‌)రాజేశ్వర్‌, సీఎంహెచ్‌ఓ డాక్టర్‌ రాజారెడ్డి, ఇన్‌చార్జ్‌ ఎస్‌ఈ శ్రీనివాస్‌, సిటీ ప్లానర్లు శ్రీనివాస్‌ రవీందర్‌ రాడేకర్‌, పీఆర్‌ఓ ఆయుబ్‌ అలీ డిప్యూటీ కమిషనర్లు రవీందర్‌ తదితరులు పాల్గొన్నారు.న్యూస్‌రీల్‌

హన్మకొండ అర్బన్‌: వడ్డేపల్లిలోని పింగిళి ప్రభుత్వ మహిళా డిగ్రీ కళాశాలలో విద్యార్థులకు నాణ్యమైన విద్య అందుతుందని తాజా మాజీ కలెక్టర్‌ ప్రావీణ్య తెలిపారు. శుక్రవారం ఉదయం పింగిళి కళాశాల 2025–26 అడ్మిషన్ల పోస్టర్‌ను కలెక్టర్‌ ప్రావీణ్య క్యాంపు కార్యాలయంలో ఆవిష్కరించారు. ఈసందర్భంగా ఆమె మాట్లాడుతూ.. పింగిళి కళాశాలలోని సైన్స్‌, ఆర్ట్స్‌, కామర్స్‌ మొదలైన అన్ని విభాగాల్లో బోధనను అందిస్తున్న అధ్యాపకులకు అత్యధిక విద్యార్హతలు, దశాబ్దాల సుదీర్ఘ బోధనానుభవం ఉండడం వల్ల నాణ్యమైన విద్యను విద్యార్థులకు అందిస్తున్నారని తెలిపారు. అలాగే కళాశాలలో విద్యార్థినులకు కావాల్సిన అన్ని రకాల వసతులు, అత్యాధునిక బోధన ఉండడంతో విద్యార్థినులు చేరి తమ భవిష్యత్‌కు బంగారు బాటలు వేసుకోవాలని సూచించారు. కార్యక్రమంలో కళాశాల ప్రిన్సిపాల్‌ చంద్రమౌళి, వైస్‌ ప్రిన్సిపాల్‌ సుహాసిని, దోస్త్‌, ఐక్యూఏసీ కో–ఆర్డినేటర్‌ సురేశ్‌ బాబు, అధ్యాపకులు రామకృష్ణారెడ్డి, తదితరులు పాల్గొన్నారు. ప్రయాణికులపై టోల్‌ భారంహన్మకొండ: ఆర్టీసీ ప్రయాణికులపై టోల్‌ భారం పెరిగింది. ఈనెల 8 నుంచి టోల్‌ గేట్ల వద్ద రేట్లు పెంచడంతో ఆమేరకు ఆర్టీసీ చార్జీలు పెంచింది. వరంగల్‌ రీజియన్‌ బస్సులు నడిచే రెండు రూట్లలో టోల్‌ గేట్లు ఉన్నాయి. హనుమకొండ – ఏటూరునాగారం రూట్‌లో ములుగు సమీపంలో, హనుమకొండ – హైదరాబాద్‌ రూట్‌లో రఘునాథపల్లి, బీబీనగర్‌ వద్ద టోల్‌ గేట్లు ఉన్నాయి. ఒక్కో టోల్‌ గేట్‌కు రూ.10 చొప్పున ఆర్టీసీ అదనంగా వసూలు చేస్తోంది. దీంతో ఇప్పటి వరకు ఉన్న చార్జీలపై ప్రతీ బస్సుకు హైదరాబాద్‌ రూట్‌లో రూ.20 చొప్పున, ఏటూరునాగారం రూట్‌లో రూ.10 చొప్పున, హనుమకొండ – జనగామకు రూ.10 చొప్పున, జనగామ – హైదరాబాద్‌ రూట్‌లో తిరిగే బస్సులకు రూ.10 చొప్పున ఆర్టీసీ చార్జీలు పెంచింది. రేపు చేపూరి శ్రీరాం 29వ అష్టావధానంవిద్యారణ్యపురి: హనుమకొండకు చెందిన ప్రభుత్వ ఉపాధ్యాయుడు, అష్టావధాని చేపూరి శ్రీరాం 29వ అష్టావధానం ఈనెల 15న(ఆదివారం) ఉదయం పదిగంటలకు హనుమకొండలోని లష్కర్‌బజార్‌ ప్రభుత్వ ప్రాథమిక పాఠశాలలో నిర్వహించనున్నారు. కాకతీయ పద్య కవితావేదిక ఆధ్వర్యంలో ఈ కార్యక్రమం కొనసాగనుంది. ముఖ్య అతిథిగా సహృదయ సాహితీ అధ్యక్షుడు గిరిజామనోహరబాబు, విశిష్ట అతిథిగా దహగాం సాంబమూర్తి, విశ్రాంత విద్యాశాఖ అధికారి రామేశ్వర రాజు పాల్గొంటారని నిర్వాహకులు కొండా యాదగిరి, వెలుగు ప్రభాకర్‌ తెలిపారు. అనంతరం పద్యకవి సమ్మేళనం నిర్వహిస్తారు. హనుమకొండ డీఎండబ్ల్యూఓగా గౌస్‌ హైదర్‌!న్యూశాయంపేట: హనుమకొండ జిల్లా మైనార్టీ సంక్షేమాధికారి (డీఎండబ్ల్యూఓ)గా కేఏ.గౌస్‌ హైదర్‌ను ప్రభుత్వం నియమించనున్నట్లు సమాచారం. వరంగల్‌ జిల్లా వ్యవసాయశాఖ అసిస్టెంట్‌ డైరెక్టర్‌గా విధులు నిర్వహిస్తున్న ఆయన ఫారిన్‌ సర్వీస్‌లో భాగంగా వ్యవసాయ శాఖ నుంచి డిప్యుటేషన్‌పై మైనార్టీ సంక్షేమశాఖకు బదిలీ అయినట్లు తెలుస్తోంది. ఈమేరకు హనుమకొండ మైనార్టీ సంక్షేమాధికారిగా మంగళవారం బాధ్యతలు తీసుకోనున్నట్లు, ఈమేరకు త్వరలో ప్రభుత్వం ఉత్తర్వులు జారీ చేయనున్నట్లు సమాచారం. ఇప్పటి వరకు హనుమకొండ డీఎండబ్ల్యూఓగా విధులు నిర్వర్తిస్తున్న డి.మురళీధర్‌రెడ్డి మే నెలాఖరున ఉద్యోగ విరమణ పొందడంతో డీఎండబ్ల్యూఓ పోస్టు ఖాళీ ఏర్పడింది. తెలుగు విభాగం ఇన్‌చార్జ్‌ అధిపతికి షోకాజ్‌ నోటీస్‌కేయూ క్యాంపస్‌: కాకతీయ యూనివర్సిటీలోని తెలుగు విభాగం ఇన్‌చార్జ్‌ అధిపతిగా బాధ్యతలు నిర్వర్తిస్తున్న కాంట్రాక్ట్‌ ప్రొఫెసర్‌ డాక్టర్‌ ఎం.లింగయ్యకు రిజిస్ట్రార్‌ వి.రామచంద్రం షోకాజ్‌ నోటీస్‌ జారీ చేశారు. లింగయ్య తన పట్ల అమర్యాదకరంగా మాట్లాడి అవమానపర్చారని తెలుగు విభాగం విశ్రాంత ప్రొఫెసర్‌ వెంకటేశ్వర్లు ఈఏడాది ఏప్రిల్‌లో రిజిస్ట్రార్‌కు ఫిర్యాదు చేశారు. ఈనేపథ్యంలో మూడు రోజుల్లో వివరణ ఇవ్వాలని షోకాజ్‌ నోటీస్‌లో రిజిస్ట్రార్‌ పేర్కొన్నారు. లింగయ్య ఇచ్చే వివరణను బట్టి ఆయనపై చర్యలు ఉంటాయని భావిస్తున్నారు.

వరంగల్‌ స్పోర్ట్స్‌: హనుమకొండలోని జవహర్‌లాల్‌ నెహ్రూ స్టేడియంలో విద్యుత్‌ ఉద్యోగుల క్రీడా పోటీలను గురువారం టీజీ ఎన్పీడీసీఎల్‌ సీఎండీ కర్నాడీ వరుణ్‌రెడ్డి ప్రారంభించారు. ముందుగా క్రీడా ప తాకాన్ని ఆవిష్కరించిన ఆయన క్రీడాకారులను పరి చయం చేసుకున్నారు. అనంతరం మాట్లాడుతూ ని రంతరం విధుల్లో ఉంటూ ఒత్తిడికి గురయ్యే ఉద్యోగులకు క్రీడా పోటీలతో మానసిక, శారీరక విశ్రాంతి లభిస్తుందన్నారు. విద్యుత్‌ సంస్థల్లో పనిచేసే వారందరం అన్నదమ్ములమే.. పోటీల్లో గెలుపు ఓటములను సహజంగా తీసుకోవాలని సూచించారు. స్పోర్ట్స్‌ కౌన్సిల్‌ వరంగల్‌(ఎన్పీడీసీఎల్‌, ఎస్పీడీసీ ఎల్‌, ట్రాన్స్‌కో) ఆధ్వర్యాన ఈనెల 14 వరకు జరిగే ఇంటర్‌ సర్కిల్‌ కబడ్డీ, బాల్‌బ్యాడ్మింటన్‌ క్రీడా పో టీలు ఉంటాయని, కబడ్డీ 12 జట్లు, బాల్‌బ్యాడ్మింటన్‌ 9 జట్లు పాల్గొంటాయని పేర్కొన్నారు. ఎన్పీడీసీఎల్‌ ఇన్‌చార్జ్‌ డైరెక్టర్లు బి.అశోక్‌కుమార్‌, టి.సదర్‌రలాల్‌, వి.తిరుపతిరెడ్డి, హనుమకొండ ఎస్‌ఈ పి.మధుసూదన్‌రా వు, డీఈ టెక్నికల్‌ ఎ.విజయేందర్‌రెడ్డి, స్పోర్ట్స్‌ ఆఫీసర్‌ జగన్నాథ్‌, కోశాధికారి ఎం. సంతోష్‌, కౌన్సిల్‌ సభ్యులు యాకూబ్‌పాషా,సునీల్‌కుమార్‌, ప్రేమ్‌కుమార్‌, తదితరులు పాల్గొన్నారు.

హన్మకొండ: నిబంధనలకు విరుద్ధంగా ఏర్పాటు చేసిన కమిటీ నియామకం చెల్లదని తెలంగాణ ఎస్సీ, ఎస్టీ ఎలక్ట్రిసిటీ ఎంప్లాయీస్‌ వెల్ఫేర్‌ అసోసియేషన్‌ టీజీ ఎన్పీడీసీఎల్‌ శాఖ ప్రెసిడెంట్‌ ఆరెపల్లి శ్రీనివాస్‌, సెక్రటరీ బక్క దానయ్య, వర్కింగ్‌ ప్రెసిడెంట్‌ కె.ఉపేందర్‌, ఇతర నాయకులు స్పష్టం చేశారు. అసోసియేషన్‌ రాష్ట్ర ప్రధాన కార్యదర్శి మాతంగి శ్రీనివాస్‌ వాట్సాప్‌ గ్రూప్‌లో ఎన్పీడీసీఎల్‌ శాఖ కొత్త కమిటీ ఏర్పాటు చేసినట్లు పోస్టులు చేస్తున్నారని, దీనిని అసోసియేషన్‌ సభ్యులు పరిగణనలోకి తీసుకోవద్దని వారు సూచించారు. గురువారం హనుమకొండలో అసోసియేషన్‌ టీజీ ఎన్పీడీసీఎల్‌ శాఖ సమావేశం జరిగింది. ఇందులో మాతంగి శ్రీనివాస్‌ ఇష్టానుసారంగా వ్యవహరిస్తూ ఎన్నికలు నిర్వహించకుండా, అసోసియేషన్‌ సభ్యులతో చర్చించకుండా కమిటీని ప్రకటించడం హాస్యాస్పదంగా ఉందని విమర్శించారు. త్వరలో అసోసియేషన్‌ రాష్ట్ర అధ్యక్షుడు ఆరెపల్లి మోహన్‌ ఆధ్వర్యంలో ఎన్నికలు నిర్వహించే వరకు పాత కమిటీనే కొనసాగుతుందన్నారు. సమావేశంలో అసోసియేషన్‌ ఉపాధ్యక్షులు రామస్వామి, రౌతు రమేశ్‌ కుమార్‌, ఆర్గనైజింగ్‌ సెక్రటరీ లక్ష్మీనారాయణ, ట్రెజరర్‌ దామెర స్వదేశ్‌ కుమార్‌, తదితరులు పాల్గొన్నారు. తెలంగాణ ఎస్సీ, ఎస్టీ ఎలక్ట్రిసిటీ ఎంప్లాయీస్‌ వెల్ఫేర్‌ అసోసియేషన్‌ నేతలు

కాళేశ్వరం: జయశంకర్‌ భూపాలపల్లి జిల్లా మహదేవపూర్‌ మండలంలో ట్రెయినీ కలెక్టర్లు సౌరభ్‌ శర్మ, సలోని చోబ్రా, హర్ష చౌదరి, కెరోలిన్‌ చింగ్తయానమావి, కొయ్యాడ ప్రణయ్‌ కుమార్‌ బృందం గురువారం పర్యటించింది. ఈ సందర్భంగా కాళేశ్వరం అంతర్రాష్ట్ర వంతెనను పరిశీలించి కాళేశ్వరం ప్రాజెక్టు పరిధి కన్నెపల్లిలోని లక్ష్మీ పంప్‌హౌస్‌ను సందర్శించింది. పంపుహౌస్‌ వివరాలను ఇరిగేషన్‌ డీఈ సత్యబాబు వివరించారు. విద్యుత్‌ వినియోగం, ఎత్తిపోతల వివరాలు, స్టోరేజీ, మో టార్ల సామర్థ్యం, సాగు, తాగు అవసరాల వినియోగంపై వివరించారు. అనంతరం ట్రెయినీ కలెక్టర్ల బృందం మేడిగడ్డ (లక్ష్మి) బ్యారేజీని సందర్శించింది. మహదేవపూర్‌ డిప్యూటీ తహసీల్దార్‌ కృష్ణ, లైసన్‌ అధికారి అబ్బాస్‌, కోర్సు డైరెక్టర్‌ శ్రీనివాస్‌, డీఈ సురేశ్‌ తదితరులు ఉన్నారు. కాగా, ట్రెయినీ కలెక్టర్‌ సౌరభశర్మ శ్రీకాళేశ్వరముక్తీశ్వరుడిని దర్శించుకుని ప్రత్యేక పూజలు నిర్వహించారు.

● జిల్లా విద్యాశాఖాధికారి వాసంతి విద్యారణ్యపురి: సర్కారు స్కూళ్ల అభివృద్ధిలో విద్యార్థుల తల్లిదండ్రులు భాగస్వాములు కావాలని హనుమకొండ డీఈఓ డి.వాసంతి కోరారు. గురువారం హనుమకొండలోని ప్రభుత్వ మర్కజీ హైస్కూల్‌లో విద్యార్థుల తల్లిదండ్రులతో ఏర్పాటు చేసిన సమావేశంలో ఆమె మాట్లాడారు. విద్యార్థులకు నాణ్యమైన విద్య అందించటం ఉపాధ్యాయుల బాధ్యత అని, అలాగే పాఠశాలల ఆస్తిత్వాన్ని కాపాడే బాధ్యత తల్లిదండ్రులేదనన్నారు. ప్రతి నెలా మూడో శనివారం తల్లిదండ్రుల సమావేశాలు జరుగుతాయని, తప్పనిసరిగా హాజరై తమ పిల్లల చదువు, పాఠశాలల అవసరాలపై చర్చించి నిర్ణయాలు తీసుకోవాలని సూచించారు. అనంతరం విద్యార్థులకు పాఠ్యపుస్తకాలు, యూనిఫామ్‌ అందజేశారు. కార్యక్రమంలో జిల్లా కమ్యూనిటీ మొబలైజింగ్‌ కోఆర్డినేటర్‌ బద్దం సుదర్శన్‌రెడ్డి, పాఠశాల హెచ్‌ఎం జి.వి. రామారావు, తెలుగు స్కూల్‌ అసిస్టెంట్‌ వల్స పైడి తదితరులు పాల్గొన్నారు.

నయీంనగర్‌ : హనుమకొండ కలెక్టర్‌ పాత బంగ్లాలో చేపట్టిన పనుల పురోగతిని ‘కుడా’ చైర్మన్‌ ఇనగాల వెంకట్రామ్‌రెడ్డి గురువారం పరిశీలించారు. ఈ సందర్భంగా ఆయన మాట్లాడుతూ నిజాం కాలం నాటి చారిత్రక భవనమైన హనుమకొండ కలెక్టర్‌ బంగ్లాను ఓరుగల్లుకు ఐకాన్‌గా, హెరిటేజ్‌ భవనంగా మార్చి చరిత్రలో నిలిచేలా అభివృద్ధి చేసి సందర్శకులకు ఆకర్షణీయ కేంద్రంగా మార్చే దిశగా పనులు జరుగుతున్నాయని చెప్పారు. 7 నుంచి కరీంనగర్‌, తిరుపతి వీక్లీ స్పెషల్‌ ట్రైన్‌ ఖిలా వరంగల్‌: జూలై 7వ తేదీ నుంచి కరీంనగర్‌– తిరుపతి వీక్లీ స్పెషల్‌ ట్రైన్‌ నడుపనున్నట్లు రైల్వే అధికారులు గురువారం ఒక ప్రకటనలో తెలిపారు. జూలై 8న తిరుపతి– కరీంనగర్‌ వీక్లి వన్స్‌ ట్రైన్‌ నడవనుందని పేర్కొన్నారు. ప్రయాణికులు ఈ అవకాశాన్ని సద్వినియోగం చేసుకోవాలని వారు కోరారు. 20 వరకు ఫీజు గడువుకేయూ క్యాంపస్‌: కాకతీయ యూనివర్సిటీ పరిధి పీజీ కోర్సుల ఎంఏ, ఎంకామ్‌, ఎమ్మెస్సీ రెండో సెమిస్టర్‌ విద్యార్థులు పరీక్షల ఫీజు చెల్లించేందుకు (రెగ్యులర్‌, ఎక్స్‌, ఇంప్రూవ్‌మెంట్‌) గడువు ఈనెల 20 వరకు ఉన్నట్లు పరీక్షల నియంత్రణాధికారి కె.రాజేందర్‌ తెలిపారు. రూ.250 అపరాధ రుసుముతో 26వ తేదీ వరకు ఉందని పేర్కొన్నారు. ఇందిరమ్మ ఇళ్ల జాబితాలో పేరు తొలగించారని.. ధర్మసాగర్‌: గ్రామ పంచాయతీ కార్యదర్శిని ఓ యువకుడు బుధవారం గదిలో ఉంచి తాళం వేసి నిర్బంధించిన సంఘటన హనుమకొండ జిల్లా ధర్మసాగర్‌ మండలం రాపాకపల్లిలో గురువారం వెలుగులోకి వచ్చింది. వివరాలు ఇలా ఉన్నాయి. గ్రామంలో ఇటీవల ఎంపిక చేసిన ఇందిరమ్మ ఇళ్ల జాబితాలో కందుకూరి ప్రశాంత్‌ అనే యువకుడి పేరు వచ్చింది. ప్రొసీడింగ్‌ ఇచ్చే సమయంలో అతడి పేరు లేదు. తన పేరు ఎలా తొలగిస్తారంటూ ప్రశాంత్‌ బుధవారం మధ్యాహ్నం గ్రామ పంచాయతీ కార్యదర్శి భోగి శ్రీనివాస్‌ను ఆఫీస్‌ గదిలో ఉంచి తాళం వేసి దూషించాడు. దీంతో అతను పోలీసులకు ఫోన్‌ చేసి విషయం చెప్పగా వారు చేరుకుని ప్రశాంత్‌ను అరెస్ట్‌ చేసి స్టేషన్‌కు తరలించి కేసు నమోదు చేశారు. ఇదిలా ఉండగా మండలంలో అనర్హులకు ఇందిరమ్మ ఇళ్లు కేటాయించారని, కార్యదర్శులు కూడా అనర్హుల పేర్లనే ఫైనల్‌ చేశారని ప్రజలు ఆరోపిస్తున్నా అధికారులు పట్టించుకోకపోవడం గమనార్హం.

ములుగు రూరల్‌ : అనారోగ్య కారణాలతో ఇటీవల మృతి చెందిన సాక్షి ములుగు ఆర్‌సీ ఇన్‌చార్జ్‌ భూక్య సునీల్‌ కుటుంబానికి అండగా ఉంటానని రాష్ట్ర పంచాయతీరాజ్‌ శాఖ మంత్రి డాక్టర్‌ ధనసరి సీతక్క అన్నారు. ఈ మేరకు గురువారం సునీల్‌ కుటుంబ సభ్యులను పరామర్శించి ఓదార్చారు. ఈ సందర్భంగా సునీల్‌ చిత్రపటం వద్ద పూలమాల వేసి నివాళులర్పించారు. అనంతరం ఆర్థిక సాయం అందించారు. ఈ సందర్భంగా మంత్రి మాట్లాడుతూ సునీల్‌ కుటుంబానికి ఇందిరమ్మ ఇల్లు అందించడంతోపాటు కుటుంబానికి అండగా ఉంటానని హామీ ఇచ్చారు. ఆమె వెంట గ్రంథాలయ సంస్థ జిల్లా చైర్మ న్‌ బానోత్‌ రవిచందర్‌, కాంగ్రెస్‌ పార్టీ జిల్లా అధ్యక్షుడు పైడాకుల అశోక్‌, కిసాన్‌ సెల్‌ జిల్లా అధ్యక్షుడు గొల్లపల్లి రాజేందర్‌, నల్లెల భరత్‌కుమార్‌, మండల అధ్యక్షుడు చాంద్‌పాషా, తదితరులు పాల్గొన్నారు. రాష్ట్ర పంచాయతీరాజ్‌ శాఖ మంత్రి సీతక్క

విద్యారణ్యపురి: ఉమ్మడి వరంగల్‌ జిల్లాలో మరిన్ని పీఎంశ్రీ స్కూళ్ల ఎంపికకు తనవంతు కృషిచేస్తానని ఎంపీ కడియం కావ్య అన్నారు. గురువారం హనుమకొండ జిల్లా కాజీపేట మండలం పోచంపల్లి ప్రభుత్వ ప్రాథమిక పాఠశాలలో నూతన విద్యాసంవత్సరం పాఠశాలల పున:ప్రారంభ కార్యక్రమంలో ఆమె మాట్లాడారు. ప్రభుత్వ పాఠశాలల్లోని ఉపాధ్యాయులు పోటీపరీక్షల ద్వారానే నియమితులవుతారన్నారు. ఉపాధ్యాయులు అంకితభావంతో పనిచేస్తే సర్కారు బడులు జ్ఞానకర్మాగారాలుగా మారుతాయన్నారు.ఉపాధాయులు నిత్యవిద్యార్థిగా ఉంటూ విద్యార్థులను తీర్చిదిద్దాల్సిన అవసరం ఉందన్నారు. కలెక్టర్‌ ప్రావీణ్య మాట్లాడుతూ ప్రభుత్వ పాఠశాలల విద్యార్థులకు నాణ్యమైన విద్యనందించేందుకు ప్రభుత్వం కృషి చేస్తోందన్నారు. ఇందులో భాగంగా ఆంగ్ల మాధ్యమంలో విద్యాబోధన, కృత్రిమ మేధతో తరగతి గదుల అనుసంధానం డిజిటల్‌ బోర్డ్స్‌ ఏర్పాటు చేశారని విద్యాబోధన పద్ధతుల్లో నవీనప్రక్రియలను చేపడుతోందన్నారు. ఈవిద్యాసంవత్సరంలో 135 పాఠశాలల్లో కృత్రిమ మేధ తరగతులను,16 పాఠశాలల్లో పూర్వప్రాథమిక తరగతులను కూడా ప్రారంభిస్తున్నామన్నారు. డీఈఓ డి. వాసంతి మాట్లాడుతూ బడి బాట కార్యక్రమం ద్వారా విద్యార్థుల నమోదు పెంచేందుకు ఉపాధ్యాయులు కృషిచేస్తున్నారన్నారు. కార్యక్రమంలో కమ్యూనిటీ మొబలైజింగ్‌ కోఆర్డినేటర్‌ బద్దం సుదర్శన్‌రెడ్డి, ఎంఈఓ బి. మ నోజ్‌కుమార్‌, ఆ పాఠశాల హెచ్‌ఎం జి. ఉప్పల య్య, రిటైర్డ్‌ హెచ్‌ఎం బి. రాధ, పర్యావరణ పరిరక్షణ సమితి బాధ్యులు, రిటైర్డ్‌ డీఎఫ్‌ఓ కాజిపేట పురుషోత్తం, అశోక్‌బాబు, ప్రేరణ ఫౌండేషన్‌ అధ్యక్షుడు పెండ్లి ఉపేందర్‌రెడ్డి తదితరులు పాల్గొన్నారు. వరంగల్‌ ఎంపీ కడియం కావ్య

హన్మకొండ: టీజీ ఎన్పీడీసీఎల్‌లోని 16 సర్కిళ్లలో వ్యవసాయ సర్వీస్‌లను త్వరితగతిన మంజూరు చేయాలని ఆ కంపెనీ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌ రెడ్డి ఆదేశించారు. గురువారం హనుమకొండలోని ఎన్పీడీసీఎల్‌ ప్రధాన కార్యాలయం నుంచి 16 సర్కిళ్ల ఎస్‌ఈలు, డీఈలు, ఏడీఈలతో వీడియో కాన్ఫరెన్స్‌ నిర్వహించారు. ఈ సందర్భంగా వరుణ్‌ రెడ్డి మాట్లాడుతూ ఇంటర్‌ లింకింగ్‌ లైన్లు 68 పూర్తి అయ్యాయని, ఈ నెలాఖరు వరకు మిగతా 97 పనులు పూర్తి చేస్తామన్నారు. ప్రతీ సబ్‌ స్టేషన్‌కు ప్రత్యామ్నాయ విద్యుత్‌ సరఫరా ఉండేలా చూడాలన్నారు. ట్రాన్స్‌ఫార్మర్ల ఫెయిల్యూర్స్‌ కాకుండా నిర్వహణ చేపట్టాలని, పిడుగుల నిరోధకం అమర్చాలని సూచించారు. పురోగతిలో ఉన్న కొత్త సబ్‌ స్టేషన్ల పనులు వేగవంతం చేయాలన్నారు. పట్టణాల్లో అవసరమైన చోట 8 ఎంవీ పవర్‌ ట్రాన్స్‌ఫార్మర్ల ఏర్పాటు ప్రతిపాదనలు పంపాలని సూచించారు. కార్యక్రమంలో ఇన్‌చార్జ్‌ డైరెక్టర్లు టి.సదర్‌ లాల్‌, టి.మధుసూదన్‌, చీఫ్‌ ఇంజనీర్‌ రాజుచౌహాన్‌, జీఎంలు ఉత్తమ్‌, సురేందర్‌, డి.ఈలు అనిల్‌ కుమార్‌, ప్రభావతి పాల్గొన్నారు. టీజీ ఎన్పీడీసీఎల్‌ సీఎండీ కర్నాటి వరుణ్‌ రెడ్డి

● బీజేపీ ఎమ్మెల్సీ మల్కా కొమురయ్యఖిలా వరంగల్‌: వికసిత్‌ భారత్‌ దిశగా దేశం అడుగులు వేస్తోందని బీజీపీ ఎమ్మెల్సీ కొమురయ్య, బీజేపీ రాష్ట్ర అధికార ప్రతినిధి రాణి రుద్రమాదేవి అన్నారు. బీజేపీ 11 ఏళ్ల సుపరిపాలనపై వరంగల్‌ చౌరస్తాలోని ఓ కాన్వెన్షన్‌ హాల్‌లో గురువారం సంబురాలు జరుపుకున్నారు. ముఖ్యఅతిథులుగా వారు హాజరై ఎగ్జిబిషన్‌ను ప్రారంభించి మాట్లాడారు. నరేంద్ర మోదీ అభివృద్ధి ఫలాలు, సాధించిన ఆర్థిక ప్రగతిని ప్రజలకు వివరించాలని నాయకులు, కార్యకర్తలను కోరారు. సబ్‌కా విశ్వాస్‌, సబ్‌కా ప్రయాస్‌ అనే నినాదంతో నడుస్తున్న ఎన్‌డీఏ ప్రభుత్వ హయాంలో దేశం పురోగమిస్తోందని చెప్పారు. కార్యక్రమంలో పార్టీ వరంగల్‌ జిల్లా అధ్యక్షుడు గంట రవికుమార్‌, మాజీ ఎమ్మెల్యేలు కొండేటి శ్రీధర్‌, అరూరి రమేష్‌, రాష్ట్ర కార్యవర్గ సభ్యులు ఎర్రబెల్లి ప్రదీప్‌రావు, రత్నం, సతీష్‌షా, నాయకులు పుల్లారావు, బాకం హరిశంకర్‌, మల్లాడి తిరుపతిరెడ్డి, రాణా ప్రతాప్‌రెడ్డి, ఎడ్ల అశోక్‌రెడ్డి, గజ్జెల శ్రీరాములు, ముండ్రాతి వెంకటేశ్వర్లు పాల్గొన్నారు.

న్యూశాయంపేట/ఖిలా వరంగల్‌: మామునూరు ఎయిర్‌పోర్ట్‌ రోడ్ల కనెక్టివిటీ కోసం వెంటనే ప్రతిపాదనలు సిద్ధం చేయాలని వరంగల్‌ కలెక్టర్‌ డాక్టర్‌ సత్యశారద అధికారులను ఆదేశించారు. సంబంధిత శాఖల అధికారులతో కలిసి క్షేత్రస్థాయిలో గురువారం ఆమె పర్యటించారు. రోడ్ల నిర్మాణం చేపట్టే ప్రదేశాలను పరిశీలించి పలు సూచనలు చేశారు. ఈ సందర్భంగా కలెక్టర్‌ మాట్లాడుతూ గుంటూరుపల్లి నుంచి నేషనల్‌హైవే వరకు, నక్కలపల్లి నుంచి గాడిపల్లి–గాడిపల్లి బైపాస్‌ వరకు రోడ్ల స్థలాలను పరిశీలించి ప్రభుత్వానికి పంపడానికి త్వరితగతిన ప్రతిపాదనలు సమర్పించాలని అధికారులకు సూచించారు. కార్యక్రమంలో ఆర్‌అండ్‌బీ అధికారి రమేశ్‌, ఆర్డీఓ సత్యపాల్‌రెడ్డి, ఇరిగేషన్‌ డీఈ మధుసూదన్‌, తహసీల్దార్‌ నాగేశ్వర్‌రావు, అధికారులు పాల్గొన్నారు.భూనిర్వాసితులకు త్వరితగతిన పరిహారం.. న్యూశాయంపేట: ఇన్నర్‌ రింగ్‌ రోడ్డు నిర్మాణంలో భూములిచ్చిన భూనిర్వాసితులకు పెండింగ్‌లో ఉన్న పరిహారాన్ని త్వరితగతిన చెల్లించాలని కలెక్టర్‌ డాక్టర్‌ సత్యశారద అధికారులను ఆదేశించారు. ఇన్నర్‌ రింగ్‌రోడ్డు భూ నిర్వాసితులకు పరిహారం చెల్లింపు, కాకతీయ మెగా టెక్స్‌టైల్‌ పార్కులో రాజీవ్‌ మెగా టౌన్‌షిప్‌ లేఔట్‌ అనుమతుల పురోగతి తదితర అంశాలపై కలెక్టరేట్‌లో గురువారం కుడా చైర్మెన్‌ ఇనుగాల వెంకట్రామిరెడ్డితో కలిసి అధికారులతో సమీక్షించారు. ఈ సందర్భంగా కలెక్టర్‌ మాట్లాడుతూ గొర్రెకుంట, ఏనుమాములతోపాటు ఖిలా వరంగల్‌ మండలంలోని పలు గ్రామాలకు చెందిన రింగ్‌రోడ్డు భూ నిర్వాసితులకు త్వరితగతిన పరిహారాన్ని చెల్లించాలన్నారు. మెగా టెక్స్‌టైల్‌ పార్కులో రాజీవ్‌ మెగా టౌన్‌షిప్‌ ఏర్పాటుకు లేఔట్‌ అనుమతులు మంజూరు చేయాలని అధికారులకు సూచించారు. సమావేశంలో అదనపు కలెక్టర్‌ సంధ్యారాణి, కేఎంటీపీ జోనల్‌ మేనేజర్‌ స్వామి, ఆర్డీఓ సత్యపాల్‌రెడ్డి, కుడా పీఓ అజిత్‌రెడ్డి, తహసీల్దార్లు నాగేశ్వర్‌రావు, రాజ్‌కుమార్‌, మహ్మద్‌ ఇక్బాల్‌, రియాజుద్దీన్‌, అధికారులు పాల్గొన్నారు. బడిబాటను విజయవంతం చేయాలి.. ఖిలా వరంగల్‌: తల్లిదండ్రులు తమ పిల్లలను ప్రభుత్వ పాఠశాలల్లోనే చేర్పించాలని కలెక్టర్‌ డాక్టర్‌ సత్యశారద సూచించారు. ఖిలా వరంగల్‌ మండల పరిధి గుంటూరుపల్లిలోని మండల పరిషత్‌ ప్రాథమికోన్నత పాఠశాలను కలెక్టర్‌ సత్యశారద, ఆర్డీఓ సత్యపాల్‌రెడ్డి, తహసీల్దార్‌ బండి నాగేశ్వర్‌రావు సందర్శించారు. ఈ సందర్భంగా కలెక్టర్‌ బడిబాట కార్యక్రమాన్ని ప్రారంభించి, విద్యార్థులకు యూనిఫామ్‌, బుక్స్‌ పంపిణీ చేసి మాట్లాడారు. ఈనెల 6వ తేదీ నుంచి 19 వరకు బడిబాట కార్యక్రమాన్ని నిర్వహిస్తున్నట్లు తెలిపారు. పాఠశాల పునఃప్రారంభమైన సందర్భంగా ఉపాధ్యాయులు, విద్యార్థులకు శుభాకాంక్షలు తెలిపారు. ఐదు సంవత్సరాలు నిండిన చిన్నారులను అంగన్‌వాడీ కేంద్రాల్లో చేర్పించాలని, బడిబయట ఉన్న విద్యార్థులను గుర్తించి తిరిగి బడికి వచ్చే విధంగా చర్యలు తీసుకోవాలని సూచించారు. ఉపాధ్యాయులు విద్యార్థులకు అర్థమయ్యే రీతిలో విద్యాబోధన చేయాలని, వార్షిక పరీక్షల్లో ఉత్తమ ఫలితాలు సాధించేందుకు కృషి చేయాలని ఆదేశించారు. అంతకుముందు నూతనంగా బడిలో చేరిన విద్యార్థులకు అడ్మిషన్‌ ఫారాలు అందించారు. కార్యక్రమంలో ఇన్‌స్పెక్టర్‌ ఓ రమేష్‌, ఎస్సైలు శ్రీకాంత్‌, కృష్ణవేణి, ఉపాధ్యాయులు, విద్యార్థులు పాల్గొన్నారు.

రెండు గంటలు..కాజీపేట రూరల్‌ : సౌత్‌ వెస్ట్రన్‌ ఇంటర్‌ రైల్వే సేఫ్టీ ఆడిట్‌ అధికారుల బృందం గురువారం సికింద్రాబాద్‌ నుంచి ప్రత్యేక రైలులో కాజీపేట జంక్షన్‌కు చేరుకుంది. రైల్వే గేట్లు, వంతెనలు, సిగ్నల్‌ పాయింట్లు, ట్రాక్‌ను తనిఖీ చేసుకుంటూ కాజీపేటకు చేరుకున్న సౌత్‌ వెస్ట్రన్‌ రైల్వే, దక్షిణ మధ్య రైల్వేకు చెందిన దాదాపు 30 మంది బృంద సభ్యులకు కాజీపేట రైల్వే అధికారులు ఘన స్వాగతం పలికారు. అనంతరం సౌత్‌ వెస్ట్రన్‌ రైల్వే హుబ్లీ ప్రిన్సిపాల్‌ చీఫ్‌ సేఫ్టీ ఆఫీసర్‌ రామకృష్ణ నేతృత్వంలో సౌత్‌ వెస్ట్రన్‌ రైల్వే, దక్షిణ మధ్య రైల్వే సికింద్రాబాద్‌, కాజీపేట అధికారులు రైల్వే సీఆర్‌ఎస్‌ఈ వి.ఎం.దాస్‌పుత్ర, సీనియర్‌ డీఈఎన్‌ కోఆర్డినేషన్‌ రవీంద్రనాథ్‌, సీటీపీఎఫ్‌ దినేశ్‌, సీనియర్‌ డీఎస్‌ఓ సురేశ్‌, సీఈఎల్‌ఈ, సీనియర్‌ డీఎస్‌టీఈ ప్రియ అగర్వాల్‌, డీఓఎం జనరల్‌ సుధీర్‌కుమార్‌, కాజీపేట డీజిల్‌ సీనియర్‌ డీఎంఈ వెంకటకుమార్‌, కాజీపేట ఈఎల్‌ఎస్‌ సీనియర్‌ డీఈఈ ప్రశాంత్‌ కృష్ణసాయి, డీఈఎన్‌ సెంట్రల్‌ ప్రంజల్‌ కేశర్‌వాణి, ఇతర అధికారులు బృందం వివిధ డిపార్ట్‌మెంట్లలో తనిఖీలు నిర్వహించారు. కాజీపేట రైల్వే స్టేషన్‌, 140 టన్నుల క్రేన్‌, యాక్సిడెంట్‌ రిలీఫ్‌ ట్రైన్‌, మెడికల్‌ రిలీఫ్‌ వ్యాన్‌ ట్రైన్‌, క్యారియజ్‌ అండ్‌ వ్యాగన్‌ డిపో, సిగ్నల్‌ అండ్‌ టెలికమ్యూనికేషన్‌ డిపో, లోకోపైలెట్‌ కార్యాలయం, రూట్‌ రిలే ఇంటర్‌లాకింగ్‌ సిస్టం, రైల్వే ఎలక్ట్రిక్‌లోకోషెడ్‌, డీజిల్‌ లోకోషెడ్‌, రైల్వే ఇంజనీరింగ్‌ డిపో, సిగ్నల్‌ వ్యవస్థ, పాయింట్లను క్షుణ్ణంగా తనిఖీ చేశారు. అనుమానం వచ్చిన విషయాలపై ఆరా తీసి నోట్‌ చేసుకున్నారు. గతంలో పలు చోట్ల జరిగిన రైలు ప్రమాదాలను గుర్తు చేస్తూ అలా జరగకుండా సేఫ్టీ నియమాలు పాటించాలని సలహాలు, సూచనలు చేశారు. మధ్యాహ్నం 3.09 గంటలకు చేరుకున్న అధికారుల బృందం.. రెండు గంటల పాటు క్షుణ్ణంగా తనిఖీలు చేపట్టి సాయంత్రం 5.20 గంటలకు కాజీపేట నుంచి సికింద్రాబాద్‌కు బయలుదేరి వెళ్లారు. అధికారుల బృందం తనిఖీల్లో కాజీపేట రైల్వే స్టేషన్‌ మేనేజర్‌ అగ్గి రవీందర్‌తోపాటు అన్ని విభాగాల అధికారులు, సూపర్‌వైజర్లు ఉన్నారు.కాజీపేట జంక్షన్‌లో రైల్వే సేఫ్టీ బృందం తనిఖీలు ప్రత్యేక స్పిక్‌ రైలులో కాజీపేటకు చేరుకున్న సౌత్‌ వెస్ట్రన్‌ రైల్వే బృందం

ఎంజీఎం : నేషనల్‌ సర్జన్స్‌ డేను పురస్కరించుకొని ఏఎస్‌ఐ వరంగల్‌ బ్రాంచ్‌ ఐఎంఏ వరంగల్‌ డిపార్ట్‌మెంట్‌ ఆఫ్‌ సర్జరీ, కేఎంసీ ఎన్‌ఎస్‌ ఎస్‌ యూనిట్‌ ఆధ్వర్యాన గురువారం కేఎంసీ నుంచి ఐఎంఏ హాల్‌ వరకు 5కే రన్‌ నిర్వహించారు. ఏఎస్‌ఐ రాష్ట్ర అధ్యక్షుడు డాక్టర్‌ మోహన్‌దాస్‌, ఐఎంఏ వరంగల్‌ అధ్యక్షుడు డాక్టర్‌ నాగార్జునరెడ్డి జెండా ఊపి రన్‌ను ప్రారంభించారు. ఈ సందర్భంగా ఏఎస్‌ఐ ప్రధాన కార్యదర్శి కూరపాటి రమేశ్‌ మాట్లాడుతూ ఈ రన్‌ ద్వారా ప్రజల్లో ఆరోగ్యంపై అవగాహన పెంపొందించడమే కాకుండా సర్జన్‌ల పాత్రను సమాజానికి వివరిస్తున్నామని తెలిపారు. కార్యక్రమంలో సర్జన్‌ డాక్టర్లు శ్రీనివాస్‌గౌడ్‌, నాగేందర్‌, విద్యాసాగర్‌, రూప, కార్తీక్‌, కేఎంసీ ఎన్‌ఎస్‌ ఎస్‌ కోఆర్డినేటర్‌, పీజీ, నర్సింగ్‌ విద్యార్థులు పాల్గొన్నారు. సెర్ప్‌ ఏపీడీగా వెంకటేశ్వర్లు హన్మకొండ అర్బన్‌ : హనుమకొండ డీఆర్‌డీఏ పరిధి సెర్ప్‌ అదనపు డైరెక్టర్‌గా బొజ్జ వెంకటేశ్వర్లును నియమిస్తూ ఆ సంస్థ సీఈఓ ఉత్తర్వులు జారీ చేశారు. డీఆర్డీఏ ఆధ్వర్యాన చేపట్టిన సాధారణ బదిలీల్లో ట్రాన్స్‌ఫర్‌ చేశారు. గతంలో వెంకటేశ్వర్లు జిల్లాలో డీపీఎంగా కొంతకాలం పనిచేశారు. కేయూలో నేటినుంచి జాతీయ వర్క్‌షాప్‌ కేయూ క్యాంపస్‌: కాకతీయ యూనివర్సిటీజువాలజీ విభాగం ఆధ్వర్యాన ఈనెల 13 నుంచి 15వ తేదీ వరకు జాతీయ వర్క్‌షాప్‌ నిర్వహిస్తున్నట్లు ఆ విభాగం అఽధిపతి ఆచార్య జి.షమిత తెలిపారు. ‘హ్యాండ్‌ ఆన్‌ మాలిక్యూలర్‌ డాకింగ్‌ అండ్‌ డ్రగ్‌ డిస్కవరీ టెక్నిక్స్‌’ అనే అంశంపై జువాలజీ సెమినార్‌ హాల్‌లో నిర్వహించే ఈ వర్క్‌షాప్‌ ప్రారంభం సమావేశంలో కేయూ వీసీ ప్రతాప్‌రెడ్డితోపాటు సైన్స్‌ డీన్‌ జి.హనుమంతు, ఆర్గనైజింగ్‌ సెక్రటరీ మామి డాల ఇస్తారి, కన్వీనర్‌ వై.వెంకయ్య, బీఓఎస్‌ ఈసం నారాయణ పాల్గొంటారని ఒక ప్రకటనలో పేర్కొన్నారు. సమష్టి కృషితో ఉత్తమ ఫలితాలుపాలిటెక్నిక్‌ కళాశాల ప్రిన్సిపాల్‌ ప్రభాకర్‌ రామన్నపేట : విద్యార్థులు, అధ్యాపకుల సమష్టి కృషితో టీజీఈసెట్‌లో ఉత్తమ ఫలితాలు సాధ్యమయ్యాయని ప్రభుత్వ పాలిటెక్నిక్‌ కళాశాల ప్రిన్సిపాల్‌ బైరి ప్రభాకర్‌ అన్నారు. టీజీఈసెట్‌–2025లో ఉత్తమ ప్రతిభ కబర్చి రాష్ట్ర స్థాయిలో ర్యాంకులు సాధించిన పలువురు విద్యార్థులను గురువారం కళాశాల ఆవరణలో ప్రిన్సిపాల్‌తోపాటు అధ్యాపక బృందం అభినందించారు. ఈ సందర్భంగా కళాశా ల ప్రిన్సిపాల్‌ బైరి ప్రభాకర్‌ మాట్లాడుతూ.. విద్యార్థులు టాప్‌ ర్యాంకులు సాధించడం కళాశాలకు ఎంతో గర్వకారణమని అన్నారు. ఈ స్ఫూర్తిదాయక ప్రదర్శన ఇతరులకు ఆదర్శంగా నిలుస్తుందని చెప్పారు. భవిష్యత్‌లో వారు మరిన్ని విజయాలు సాధించి మంచి పేరు తెచ్చుకోవాలని ఆకాంక్షించారు. అరుణాచలానికి ఆర్టీసీ ప్రత్యేక బస్సు హన్మకొండ: తమిళనాడులోని అరుణాచలం గిరి ప్రదక్షిణకు వెళ్లి వచ్చే భక్తుల సౌకర్యార్థం ఆర్టీసీ ప్రత్యేక బస్సు నడుపుతున్నట్లు వరంగల్‌ రీజినల్‌ మేనేజర్‌ దర్శనం విజయభాను తెలి పారు. వరంగల్‌–1 డిపో సూపర్‌ లగ్జరీ బస్‌(సర్వీస్‌ నంబర్‌ 92222) ఈనెల 27న మధ్యాహ్నం 3 గంటలకు హనుమకొండ జిల్లా బస్‌ స్టేషన్‌ నుంచి బయలుదేరి 28న ఉదయం 6 గంటలకు ఆంధ్రప్రదేశ్‌లోని కాణిపాకం చేరుకుంటుంది. విఘ్నేశ్వరుడి దర్శనం అనంతరం బయలుదేరి మధ్యాహ్నం 1 గంటకు వెల్లూరులోని శ్రీ మహాలక్ష్మి అమ్మవారి సన్నిధికి చేరుకుంటుందన్నారు. ఇక్కడ దర్శనం అనంతరం సాయంత్రం 7 గంటలకు అరుణాచలానికి చేరుకుంటుందని ఒక ప్రకటనలో వివరించా రు. గిరి ప్రదక్షిణ పూర్తయిన తర్వాత 29న మధ్యాహ్నం బయలుదేరి 30న ఉదయం శ్రీ జోగులాంబ అమ్మవారి శక్తిపీఠం, తర్వాత బీచుపల్లి హనుమాన్‌ దర్శనం అనంతరం హనుమకొండకు బయలుదేరుతుందన్నారు. ఈ ప్యాకేజీ ధర పెద్దలకు రూ.5,000, పిల్లలకు రూ.3,500 నిర్ణయించినట్లు తెలిపారు. ఆర్టీసీ వెబ్‌సైట్‌లో ముందస్తు రిజర్వేషన్‌ చేసుకోవచ్చ ని, పూర్తి సమాచారానికి 9063407493, 7780565971, 9866373825, 9959226047 నంబర్లలో సంప్రదించాలని కోరారు.

హనుమకొండ కలెక్టర్‌ ప్రావీణ్య హన్మకొండ అర్బన్‌ : ప్రభుత్వ పనులకు సంబంధించి చిన్న తరహా ఖనిజాలైన కంకర, మట్టి కోసం ఆన్‌లైన్‌ జీరో పర్మిట్‌ అమలు చేయాలి.. ఈ విధానంపై కాంట్రాక్టర్లకు అవగాహన కల్పించాలని హనుమకొండ కలెక్టర్‌ ప్రావీణ్య ఆదేశించారు. ఈ మేరకు గురువారం కలెక్టరేట్‌లో మైనింగ్‌, టీజీఎండీసీ, రెవెన్యూ, పోలీస్‌, రవాణా తదితర శాఖల అధికా రులతో ఏర్పాటు చేసిన సమన్వయ సమావేశంలో ఆమె మాట్లాడారు. ఇంజనీరింగ్‌ శాఖల అధికారులు ప్రభుత్వ పనులను చేపట్టిన కాంట్రాక్టర్లు ఆన్‌లైన్‌ జీరో పర్మిట్‌కు దరఖాస్తు చేసుకుంటే వెంటనే ఆమోదించడం వల్ల అక్రమ ఖనిజ రవాణాను అరికట్టవచ్చని చెప్పారు. వాగుల్లో ఇసుక వెలికితీత, అక్రమ రవాణాపై పరిపాలనా పరమైన చర్యలు చేపట్టాలని సూచించారు. ఇందిరమ్మ ఇళ్ల నిర్మాణా నికి ఇసుక అవసరం ఎంతో ఉందని, సాండ్‌ బజార్‌ ద్వారా ఆన్‌లైన్‌ తీసుకునేలా చర్యలు చేపట్టాలన్నా రు. ధర్మసాగర్‌, హసన్‌పర్తి, ఆత్మకూరు మండలా ల్లో సాండ్‌ బజార్‌ కోసం ఐదు ఎకరాల చొప్పున స్థలం గుర్తించాలని, శుక్రవారం నుంచి లబ్ధిదారులకు కూపన్లు ఇవ్వాలని తహసీల్దార్లను ఆదేశించారు. సమావేశంలో జిల్లా అదనపు కలెక్టర్‌ వెంకట్‌ రెడ్డి, డీఆర్‌ఓ వైవీ.గణేశ్‌, హనుమకొండ, పరకాల ఆర్డీఓలు రాథోడ్‌ రమేశ్‌, డాక్టర్‌ నారాయణ తదితరులు పాల్గొన్నారు. ‘భోజన’ పథకం పక్కాగా అమలుచేయాలి ప్రభుత్వ పాఠశాలల్లో మధ్యాహ్న భోజన పథకాన్ని పక్కాగా అమలు చేయాలని హనుమకొండ కలెక్టర్‌ ప్రావీణ్య ఆదేశించారు. గురువారం కలెక్టరేట్‌లో విద్యాశాఖ, డీఆర్డీఓ, వైద్య ఆరోగ్య, ఫుడ్‌ సేఫ్టీ తదితర శాఖల అధికారులతో నిర్వహించిన స్టీరింగ్‌, మానిటరింగ్‌ కమిటీ జిల్లా స్థాయి సమావేశంలో ఆమె మాట్లాడారు. జిల్లాలో 470 పాఠశాలలు ఉండగా 324 స్కూళ్లకు వంట గదిలు అందుబాటులో ఉన్నాయని, మిగతా వాటికి నిర్మించాల్సి ఉందని, ప్రతిపాదనలు త్వరగా పంపించాలని డీఆర్డీఓ మేన శ్రీనును ఆదేశించారు. అన్ని పాఠశాలల్లో అవసరమైన వంట సామగ్రికి రూ.50 లక్షలు వెచ్చించినట్లు పేర్కొన్నారు. వంట కార్మికులకు కనీసం మూడు నెలలకు ఒకసారి ఆరోగ్య పరీక్షలు నిర్వహించాలని చెప్పారు. అన్ని పాఠశాలల్లో కిచెన్‌ గార్డెన్‌ ఏర్పాటు చేయాలని, మధ్యాహ్న భోజనం వండేందుకు గ్యాస్‌ కనెక్షన్లు ఇచ్చి సిలిండర్లు సరఫరా చేయాలని తెలిపారు. మూడు నెలలకోసారి ఆహార పదార్థాల నాణ్యత పరీక్షలను నిర్వహించాలని సంబంధిత అధికారులకు సూచించారు. సమావేశంలో డీఈఓ వాసంతి, అదనపు కలెక్టర్‌ వెంకట్‌రెడ్డి, సంబంధిత శాఖల అధికారులు పాల్గొన్నారు. ఆపద సమయంలో సిద్ధంగా ఉండాలి హన్మకొండ: విపత్తు, ప్రమాదాలు వంటి ఆపద సమయాల్లో సహాయం అందించేందుకు ఆపద మిత్రలు సిద్ధంగా ఉండాలని హనుమకొండ కలెక్టర్‌ పి.ప్రావీణ్య అన్నారు. జాతీయ, రాష్ట్ర విపత్తు నిర్వహణ సంస్థల ఆదేశాల మేరకు జిల్లా అగ్నిమాపక శాఖ ఆధ్వర్యాన ఆపద మిత్రలకు హనుమకొండలో ని అంబేడ్కర్‌ భవన్‌లో నిర్వహించిన శిక్షణ శిబిరం గురువారం ముగిసింది. ఈ సందర్భంగా ఏర్పాటు చేసిన కార్యక్రమంలో కలెక్టర్‌ మాట్లాడుతూ తమ చుట్టుపక్కల ప్రాంతాల్లో అనుకోని ప్రమాదాలు జరిగినా.. విపత్తులు సంభవించినా వెంటనే అధికారులకు సమాచారం అందించడంతో పాటు సహాయక చర్యలు చేపట్టాలని సూచించారు. ప్రకృతి విపత్తులు, ఆపద సమయాల్లో కాపాడటం, సహాయం చేయడంపై శిక్షణలో నేర్చుకున్న అంశాలను పదిమందికి నేర్పించాలని పేర్కొన్నారు. జిల్లా అగ్నిమాపక అధికారి నాగరాజు మాట్లాడుతూ మడికొండలోని దుర్గాబాయి మహిళా శిశు వికాస కేంద్రంలో 126 మంది, పరకాలలో 131 మంది వలంటీర్లకు 12 రోజులపాటు శిక్షణ కార్యక్రమాన్ని నిర్వహించినట్లు తెలిపారు. అనంతరం ఆపద మిత్ర వలంటీర్లకు సర్టిఫికెట్లు అందజేశారు. నెహ్రూ యువ కేంద్ర డిప్యూటీ డైరెక్టర్‌ అన్వేష్‌ చింతల, పరకాల మున్సిపల్‌ కమిషనర్‌ వెంకటేష్‌, దుర్గాబాయి మహిళా శిశు వికాస కేంద్రం జిల్లా మేనేజర్‌ జయశ్రీ, సైకాలజిస్ట్‌ శ్రీనివాస్‌ పాల్గొన్నారు.

విద్యారణ్యపురి: వేసవి సెలవులు ముగియడంతో విద్యార్థులు గురువారం బడిబాట పట్టారు. హనుమకొండ, వరంగల్‌ జిల్లాల్లో పండుగ వాతావరణంలో ప్రభుత్వ పాఠశాలలకు వచ్చిన విద్యార్థులకు ఉపాధ్యాయులు ఘన స్వాగతం పలికారు. వివిధ చోట్ల స్కూళ్లను మామిడి తోరణాలు, పూలు, బెలూన్లతో అలంకరించి పిల్లలకు తొలిరోజే గొప్ప అనూభూతి కలిగేలా ఆహ్వానం పలికారు. పలు పాఠశాలల్లో ఉపాధ్యాయులు విద్యార్థులకు పూలు అందజేసి స్వాగతించారు. ‘బడిబాట’ కార్యక్రమంలో భాగంగా పాఠశాలల్లో విద్యార్థుల తల్లిదండ్రులకు సమావేశాలు కూడా నిర్వహించారు. కొందరు తమపిల్లలతోపాటు పాఠశాలలకు వచ్చారు. వేసవి సెలవుల్లో ఆటపాటలతో గడిపిన చిన్నారులు మారాం చేస్తుండగా బుజ్జగించడం కనిపించింది. పాఠ్యపుస్తకాలు, యూనిఫామ్‌ హనుమకొండ జిల్లాలో 477, వరంగల్‌ జిల్లాలో 558 పాఠశాలల్లో తొలిరోజు హాజరైన విద్యార్థులకు పాఠ్యపుస్తకాలు, స్కూల్‌ యూనిఫామ్‌ అందజేశారు. హనుమకొండ పోచంపల్లి పాఠశాలలో వరంగల్‌ ఎంపీ కడియం కావ్య, కలెక్టర్‌ ప్రావిణ్య, డీఈఓ వాసంతి, కమలాపూర్‌ భీంపెల్లిలో జెడ్పీసీఈఓ విద్యాలత, ఎలకతుర్తి మండలం వల్బాపూర్‌ జెడ్పీఎస్‌ఎస్‌లో అడిషనల్‌ కలెక్టర్‌ వెంకటరెడ్డి పాల్గొన్నారు. వరంగల్‌ జిల్లా సంగెం మండలం మొండ్రా యి జెడ్పీహెచ్‌ఎస్‌, పల్లారిగూడెం యూపీఎస్‌లను జిల్లా కమ్యూనిటీ మొబలైజింగ్‌ కోఆర్డినేటర్‌ కె.సుభాష్‌ సందర్శించారు. వరంగల్‌ కృష్ణాకాలనీ ప్రభుత్వ పాఠశాలలో 300ల మంది విద్యార్థులకు 150 మంది, హనుమకొండ పోచంపెల్లి పాఠశాలలో 180 మందికి 100 మంది హాజరయ్యారు. వరంగల్‌ జిల్లా క్వాలిటీ కోఆర్డినేటర్‌ సుజన్‌తేజ పలు పాఠశాలలను సందర్శించి పర్యవేక్షించారు. పునఃప్రారంభమైన పాఠశాలలు మామిడి తోరణాలతో అలంకరణ విద్యార్థులకు పూలతో స్వాగతం తొలిరోజు 30శాతం వరకే విద్యార్థుల హాజరు

● ఒక్కో పోలీస్‌ స్టేషన్‌లో పదుల సంఖ్యలో కేసులు పెండింగ్‌ ● స్టేషన్ల చుట్టూ తిరిగి విసిగి పోతున్న బాధితులు ● కనిపించని పోలీస్‌ పెట్రోలింగ్‌.. ● సమీక్షలకే అధికారులు పరిమితం కమిషనరేట్‌ పరిధిలో చోరీలు ఇలా..● ఈ ఏడాది జనవరి 21న హనుమకొండ పోలీస్‌స్టేషన్‌ పరిధిలోని కొత్తూరుజెండా, సుభాష్‌కాలనీలో తాలం వేసిన ఓ ఇంట్లో దొంగలు పడి 178 గ్రాముల బంగారు అభరణాలు ఎత్తుకెళ్లారు. ఇదే నెలలో కొత్తూరుజెండాలో రూ.3.50 లక్షల విలువైన బంగారు ఆభరణాల చోరీ జరిగింది. ఇదే పోలీస్‌స్టేషన్‌ పరిధి కాకాజీ కాలనీలోని ఓ ఆస్పత్రిలో ఏప్రిల్‌ 8న బ్యాగులో బంగారం పెట్టి స్నానింగ్‌కు వెళ్లి వచ్చే సరికి బ్యాగు అపహరణకు గురైంది. అందులో 7 తులాల బంగారు ఆభరణాలు ఉన్నాయి. ● ఏప్రిల్‌ 5న హనుమకొండ పోలీస్‌స్టేషన్‌ పరిధి నయీంనగర్‌లో 5 తులాల బంగారం, రూ.50 వేల నగదు దొంగతనం జరిగింది. ● మామునూరు పోలీస్‌స్టేషన్‌ పరిధి బొల్లికుంట, సింగారంలో ఏప్రిల్‌లో రూ.15 లక్షల నగదు, రూ.2.50 లక్షల విలువైన బంగారు అభరణాలు చోరీకి గురయ్యాయి. ● మే నెలలో ఖానాపూర్‌ మండల కేంద్రంలో చోరీ జరిగి రూ.10 లక్షల విలువైన బంగారం, వెండి ఆభరణాలు పోయాయి. అలాగే.. కాకతీయ యూనివర్సిటీ పోలీస్‌స్టేషన్‌ పరిధి కృష్ణాకాలనీలో రూ.10 లక్షల నగదు, 15 తులాల బంగారు ఆభరణాలు అపహరణకు గురయ్యాయి. మిల్స్‌కాలనీ పోలీస్‌స్టేషన్‌ పరిధి వెంకటేశ్వర కాలనీలో రూ.17 లక్షల విలువైన బంగారు, వెండి ఆభరణాలు చోరీకి గురయ్యాయి. ● ఈనెల 8న మిల్స్‌కాలనీ పోలీస్‌స్టేషన్‌ పరిధి పడమర కోటలో జల్సాలకు అలవాటు పడిన ఓ యువకుడు తన ప్రేయసిని సంతోష పెట్టడానికి తన ఇంట్లోనే చోరీ చేసి 16 తులాల బంగారం ఎత్తుకుపోయి పోలీసులకు చిక్కిన ఘటన అందరినీ ఆశ్చర్యానికి గురి చేసింది. ఇదే పోలీస్‌స్టేషన్‌ పరిధి గణేశ్‌నగర్‌లో ఈనెల 11న చోరీ జరిగి 7 తులాల బంగారం, 70 తులాల వెండి ఆభరణాలు పోయాయి. వరంగల్‌ క్రైం: వరంగల్‌ పోలీస్‌ కమిషనరేట్‌ పరిధిలో వరుసగా జరుగుతున్న చోరీలతో ప్రజలు బెంబేలెత్తిపోతున్నారు. ట్రైసీటీల్లో ఎక్కడ ఎప్పడు దొంగతనం జరుగుతుందో.. ఎంత నష్టపోవాల్సి వస్తుందో ఎవ్వరికీ అంతుపట్టడం లేదు. కమిషనరేట్‌ పరిధిలో అంతర్రాష్ట్ర దొంగలతోపాటు స్థానిక దొంగలు రెచ్చిపోయి చోరీలకు పాల్పడుతున్నారు. పోలీసులు కేసులు నమోదు చేసి, ఒకటి రెండు రోజులు హడావుడి చేసి చేతులు దులుపుకుంటున్నారు. దీంతో బాధితులు పోలీస్‌స్టేషన్ల చుట్టూ తిరిగి విసిగిపోతున్నారు. కమిషనరేట్‌ కార్యాలయానికి కూతవేటు దూరంలో ఉన్న ఒక్క హన్మకొండ పోలీస్‌స్టేషన్‌ పరిధిలోనే ఈ ఏడాది ఇప్పటి వరకు 35 చోరీలు జరిగాయంటే.. పరిస్థితి ఎలా ఉందో అర్థం చేసుకోవచ్చు. గతంలో చోరీలు రాత్రి పూట ఎక్కువగా జరిగేవి. అయితే ఇటీవల రాత్రి, పగలు తేడా లేకుండా దొంగతనాలు జరుగుతున్నాయి. పోలీసులు కేవలం పండుగల సమయంలోనే దొంగతనాలు ఎక్కువగా జరుగుతాయని ప్రజలను అప్రమత్తం చేస్తున్నారు. మిగితా సమయంలో పట్టించుకోవడం లేదనే విమర్శలు వెల్లువెత్తుతున్నాయి. ఇప్పటికే కమిషనరేట్‌ పరిధిలో రూ.కోట్ల విలువైన బంగారు, వెండి ఆభరణాలు, నగదు ఇంకా రికవరీ కాలేదు. జాడలేని పెట్రోలింగ్‌ ఒకపక్క జోరుగా చోరీలు జురుగుతుంటే మరో పక్క పోలీస్‌ పెట్రోలింగ్‌ జాడ లేకుండా పోయిందనే ఆరోపణలు బలంగా వినిపిస్తున్నాయి. పోలీస్‌ ఉన్నత అధికారులు ప్రతీ సమీక్ష సమావేశంలో విజుబుల్‌ పోలీసింగ్‌ పెంచాలని కింది స్థాయి అధికారులకు పదే పదే చెబుతున్నా.. చాల మంది అధికారులు పట్టించుకున్న దాఖలాలు కనిపించడంలేదు. అధికారుల ఆదేశాలను అలా విని ఇలా వదిలేస్తున్నారనే విమర్శలున్నాయి. రాత్రి సమయంలో నగరంలోని కొన్ని ప్రాంతాల్లో పెట్రోలింగ్‌ వాహనాలు తిరగడం లేదు. స్థానిక దొంగలు ఇలాంటి విషయాలను పసిగట్టి ఆ ప్రాంతాల్లో చోరీలకు పాల్పడుతున్నారు. దొంగతనం జరిగిన తర్వాత పోలీసులు అప్రమత్తమై పెట్రోలింగ్‌ నిర్వహిస్తున్నారు. దీంతో ఫలితం లేకుండా పోతోంది. పోలీస్‌ ఉన్నతాధికారులు కేవలం సమీక్షలకే పరిమితం అవ్వడం వల్లే క్షేత్ర స్థాయిలో అధికారులు దొంగలను పట్టుకోవడంలో విఫలం అవుతున్నారనే విమర్శలు వినిపిస్తున్నాయి. అధికారులు దృష్టిసారించేనా..? కమిషనరేట్‌ పరిధిలో చోరీలతో పాటు చైన్‌స్నాచింగ్‌లు, ద్విచక్ర వాహనాలు పదుల సంఖ్యలో పోతున్నాయి. అధికారులు రికవరీ మాత్రం నామమాత్రంగా చూపిస్తున్నారు. ద్విచక్ర వాహనాలను పోగొట్టుకున్న బాధితులు పోలీస్‌స్టేన్ల చుట్టూ తిరుగుతున్నా అధికారులు కేసులు నమోదు చేయడం లేదు. వెతుకుతున్నాం.. దొరికితే అప్పగిస్తాం.. కేసులు పెడితే కోర్టు నుంచి రికవరీ చేసుకోవాల్సి ఉంటుందని భయపెట్టి కేసుల నమోదులో జాప్యం చేస్తున్నారు. నెలల తరబడి తిరిగినా కేసులు నమోదు చేయకపోవడంతో బాధితులు వారి బాధను ఎవరికి చెప్పుకోవాలో తెలియక మధ్యలోనే వదిలేస్తున్నారు. నగరంలోని చాల పోలీస్‌స్టేషన్ల పరిధిలో ఎన్ని చోరీలు జరిగినా వాటి రికవరీ విషయంలో అధికారులు శ్రద్ధ పెట్టడం లేదనే విషయం ఉన్నత అధికారుల సమీక్షల్లో వెల్లడయినా చర్యలు లేకపోవడంతో రికవరీ ఎక్కడ వెసిన గొంగ ళి అక్కడే అన్న చందంగా తయారైంది.

సాక్షిప్రతినిధి, వరంగల్‌ : హనుమకొండ కలెక్టర్‌ పి.ప్రావీణ్య సంగారెడ్డి కలెక్టర్‌గా బదిలీ అయ్యా రు. ఆమె స్థానంలో గ్రేటర్‌ హైదరాబాద్‌ మున్సి పల్‌ కార్పొరేషన్‌లో అడిషనల్‌ కమిషనర్‌గా పనిచేస్తున్న స్నేహ శబరీష్‌ను కలెక్టర్‌గా నియమించారు. 2017 ఐఏఎస్‌ బ్యాచ్‌కు చెందిన ఈమె గతంలో కొమురంభీమ్‌ ఆసిఫాబాద్‌ జిల్లా కలెక్టర్‌గా పని చేశారు. స్నేహ శబరీష్‌ ములుగు జిల్లా ఎస్పీగా పని చేస్తున్న శబరీష్‌ సతీమణి. గురువారం పలువురు ఐఏఎస్‌ అధికారులను బదిలీ చేస్తూ ప్రభుత్వ ముఖ్య కార్యదర్శి రామకృష్ణారావు ఉత్తర్వులు జారీ చేశారు. కాగా ఇక్కడి నుంచి బదిలీ అయిన 2016 ఐఏఎస్‌ బ్యాచ్‌కు చెందిన పి.ప్రావీణ్య 2019–20లో కరీంనగర్‌ ట్రెయినీ కలెక్టర్‌గా, కొద్ది రోజులు జీహెచ్‌ఎంసీ లో అడిషనల్‌ కమిషనర్‌గా పనిచేశారు. ఆ తర్వా త 2021 సెప్టెంబర్‌ 3 నుంచి గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌గా నియమితులయ్యారు. 2023లో వరంగల్‌ కలెక్టర్‌గా ఉన్న గోపి బదిలీ అయిన నేపథ్యంలో ఆయన స్థానంలో అదే ఏడాది మార్చి 13న ప్రావీణ్య నియమి తులయ్యారు. కాగా హనుమకొండ కలెక్టర్‌గా ఉన్న సిక్తా పట్నాయక్‌ 2024 జూన్‌ 16న బదిలీ కాగా.. ఆమె స్థానంలో వరంగల్‌ కలెక్టర్‌ పి.ప్రావీణ్యను నియమించిన ప్రభుత్వం.. వరంగల్‌ కలెక్టర్‌గా సత్య శారదను నియామకం చేశారు. సుమారు ఏడాదిగా హనుమకొండ కలెక్టర్‌గా పనిచేసిన ప్రావీణ్య అభివృద్ధి, సంక్షేమ పథకాల అమలు, అధికారులు, ప్రజాప్రతినిధులను సమన్వయం చేసి ప్రభుత్వ కార్యక్రమాలను ముందు కు తీసుకెళ్లడంలో కీలకంగా వ్యవహరించారు. బల్దియా కమిషనర్‌పై బదిలీ వేటు.. ఇదిలా ఉండగా గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ అశ్విని తానాజీ వాకడేపై బదిలీ వేటు పడింది. ఆమె స్థానంలో 2019 ఐఏఎస్‌ బ్యాచ్‌కు చెందిన చాహత్‌ బాచ్‌పాయ్‌ని నియమించారు. 2020 ఐఏఎస్‌ బ్యాచ్‌కు చెందిన అశ్విని తానాజీ వాకడేను 2023లో వరంగల్‌ అడిషనల్‌ కలెక్టర్‌ నుంచి బదిలీ చేసి వరంగల్‌ మున్సి పల్‌ కమిషనర్‌గా నియమించారు. బల్దియా అభివృద్ధి పనులు, బిల్లుల చెల్లింపుల విషయంలో జాప్యం చేయడం తదితర ఆరోపణలు ఎదుర్కొన్నారు. జీడబ్ల్యూఎంసీ, స్మార్ట్‌సిటీ పనుల్లో అవినీ తి, అక్రమాలు, టెండర్లు లేకుండా పనుల కేటా యింపు, బిల్లుల చెల్లింపుల్లో పర్సెంటేజీలు తదిత ర విషయాల్లో కీలక ప్రజాప్రతినిధికి వంతపాడారన్న ఆరోపణల నేపథ్యంలో ఆమెను కరీంనగర్‌ అడిషనల్‌ కలెక్టర్‌గా నియమించారన్న ప్రచారం జరుగుతోంది. కాగా ప్రస్తుతం గ్రేటర్‌ వరంగల్‌ మున్సిపల్‌ కమిషనర్‌గా నియమితులైన చాహత్‌ బాచ్‌పాయ్‌ ఎన్పీడీసీఎల్‌ సీఎండీ కర్నాటి వరుణ్‌రెడ్డి సతీమణి. సంగారెడ్డి కలెక్టర్‌గా ప్రావీణ్య బదిలీ బల్దియా కమిషనర్‌గా చాహత్‌ బాజ్‌పాయ్‌ అశ్విని తానాజీ వాకడేపై బదిలీ వేటు.. కరీంనగర్‌ అడిషనల్‌ కలెక్టర్‌గా నియామకం

హన్మకొండ: సేవా, సుపరిపాలన, పేద ప్రజల సంక్షేమమే లక్ష్యంగా కేంద్రంలోని నరేంద్ర మోదీ ప్రభుత్వ పాలన సాగుతున్నదని బీజేపీ జాతీయ ఉపాధ్యక్షురాలు, మహబూబ్‌నగర్‌ ఎంపీ డి.కె.అరుణ అన్నారు. గురువారం హనుమకొండ హంటర్‌ రోడ్డులోని సత్యం కన్వెన్షన్‌లో ఏర్పాటు చేసిన విలేకరుల సమావేశంలో ఆమె మాట్లాడుతూ 11 ఏళ్ల నరేంద్ర మోదీ పాలనలో ఒక్క అవినీతి ఆరోపణ లేదని, ఆదర్శవంతమైన పాలన అందిస్తున్నారని పేర్కొన్నారు. వికసిత్‌ భారత్‌ లక్ష్యంతో అభివృద్ధి, సంక్షేమానికి, సుపరిపాలన, దేశ భద్రతకు, అలాగే రోడ్లు, రైల్వే, విద్య, వైద్యం, ఉపాధికి అంత్యంత ప్రాధాన్యత ఇచ్చారని పేర్కొన్నారు. బీఆర్‌ఎస్‌ ప్రభుత్వం ఎంఎంటీఎస్‌ విస్తరణకు సహకరించకపోతే కేంద్ర ప్రభుత్వం నిధులతో యాదగిరి గుట్ట వరకు రూ.400 కోట్లతో విస్తరిస్తున్నట్లు తెలిపారు. మామునూర్‌ విమానాశ్రయం ఏర్పాటు చేస్తున్నామని, రూ.500 కోట్లతో వరంగల్‌లో టెక్స్‌టైల్స్‌ పార్కు, గిరిజన విశ్వ విద్యాలయం ఏర్పాటు చేసినట్లు వివరించారు. పీఎం సూర్యఘర్‌ బిజిలీ యోజన పథకం ద్వారా పేదలకు సోలార్‌ విద్యుత్‌ సౌకర్యాన్ని కల్పించామని, ఒక్కరికి నెలకు ఉచితంగా 5 కిలోల బియ్యం కేంద్రం ఇస్తున్నదని, మహిళలకు ముద్ర రుణాలు రూ.20 లక్షల వరకు పెంచినట్లు వివరించారు. అంతకు ముందు మోదీ ప్రభుత్వ 11 ఏళ్ల పాలనపై ఏర్పాటు చేసిన ఫొటో ఎగ్జిబిషన్‌ను తిలకించారు. కార్యక్రమంలో బీజేపీ హనుమకొండ జిల్లా అధ్యక్షుడు కొలను సంతోష్‌ రెడ్డి, మాజీ అధ్యక్షురాలు రావు పద్మ, మాజీ ఎంపీ ప్రొఫెసర్‌ అజ్మీరా సీతారాంనాయక్‌, నాయకులు చొల్లేటి కృష్ణమాచారి, డాక్టర్‌ పగడాల కాళీప్రసాద్‌, దొంతి దేవేందర్‌రెడ్డి, డాక్టర్‌ పెసరు విజయచందర్‌ రెడ్డి, గుజ్జ సత్యనారాయణ రావు, రావుల కిషన్‌, బైరి లక్మి, రావుల కోమల, చాడ స్వాతి, గుజ్జుల వసంత, గొట్టికొప్పుల రాంబాబు, కందగట్ల సత్యనారాయణ తదితరులు పాల్గొన్నారు. 11 ఏళ్లలో ఒక్క అవినీతి ఆరోపణ లేదు అన్ని రంగాల అభివృద్ధిలో దేశం పరుగులు బీజేపీ జాతీయ ఉపాధ్యక్షురాలు, ఎంపీ డీకే.అరుణ

జిల్లా ప్రధాన న్యాయమూర్తి పట్టాభిరామారావు విద్యారణ్యపురి: బాలలను పనిలో పెట్టుకోవద్దు.. వారితో పనిచేయించుకునేవారు చట్టపరంగా శిక్షార్హులవుతారని హనుమకొండ జిల్లా ప్రధాన న్యాయమూర్తి పట్టాభిరామారావు అన్నారు. ప్రపంచ బాలకార్మికుల వ్యతిరేక దినోత్సవం సందర్భంగా గురువారం న్యాయసేవాధికార సంస్థ ఆధ్వర్యాన హనుమకొండలోని జెడ్పీహాల్‌లో నిర్వహించిన సమావేశంలో ఆయన మాట్లాడారు. 14 ఏళ్ల వయసు వరకు బాలకార్మికులే.. ఆ వయసు వారు పనుల్లో కనబడి తే దగ్గరలోని సామాజిక సహాయ సంస్థలకు సమాచారం ఇవ్వాలని కోరారు. సమావేశంలో హనుమకొండ లీగల్‌ సర్వీసెస్‌ అథారిటీ సెక్రటరీ జడ్జి క్షమాదేశ్‌పాండె, పబ్లిక్‌ ప్రాసిక్యూటర్‌ సి.రాము, గవర్నమెంట్‌ ప్లీడర్‌ కె.నర్సింహారావు, అసిస్టెంట్‌ కమిషన ర్‌ ఆఫ్‌ లేబర్‌ నారాయణ స్వామి, డీడబ్ల్యూఓ జయంతి, కేయూ పాలకమండలి సభ్యురాలు డాక్టర్‌ కె.అనితారెడ్డి, ఎఫ్‌ఎంఎం ఎన్‌జీఓ డైరెక్టర్‌ సహాయసిస్టర్‌, యాంటి హ్యూమన్‌ ట్రాఫికింగ్‌ యూనిట్‌ ఎస్‌ఐ పి.ఫిలిప్‌రాజ్‌, జిల్లా చైల్డ్‌ ప్రొటెక్షన్‌ ఆఫీసర్‌ ప్రవీణ్‌కుమార్‌ పాల్గొన్నారు. లోక్‌ అదాలత్‌ను వినియోగించుకోవాలివరంగల్‌ క్రైం: ఈనెల 14న నిర్వహించే జాతీయ లోక్‌ అదాలత్‌ను కక్షిదారులు వినియోగించుకోవాల ని వరంగల్‌ సీపీ సన్‌ప్రీత్‌సింగ్‌ సూచించారు. చిన్న కేసులతో కక్ష పెంచుకుని కోర్టుల చుట్టూ తిరిగి సమయాన్ని, డబ్బులను వృథా చేసుకోవద్దని పేర్కొన్నా రు. పోలీస్‌ అధికారులు, కోర్టు కానిస్టేబుళ్లు, రాజీపడదగిన కేసుల్లో ఇరు వర్గాలను పిలిపించి కౌన్సిలింగ్‌ నిర్వహిస్తారని, రాజీపడాలని అనుకునే వారు పోలీస్‌ అధికారులను సంప్రదించాలని కోరారు.

హన్మకొండ: విద్యుత్‌ ఉద్యోగులకు రాష్ట్రస్థాయి క్రీడోత్సవాలకు విద్యుత్‌ స్పోర్ట్స్‌ కౌన్సిల్‌ ఏర్పాట్లు చేసింది. హనుమకొండలోని జవహర్‌లాల్‌ నెహ్రూ స్టేడియంలో ఈ నెల 12, 13, 14 తేదీల్లో కబడ్డీ, బాల్‌ బ్యాడ్మింటన్‌ క్రీడలు నిర్వహిస్తున్నట్లు స్పోర్ట్స్‌ కౌన్సిల్‌ బాధ్యులు తెలిపారు. ఈ ఇంటర్‌ సర్కిల్‌ కబడ్డీ, బాల్‌బ్యాడ్మింటన్‌ టోర్నమెంట్‌లో రాష్ట్రంలోని టీజీ ట్రాన్స్‌కో, టీజీ ఎస్పీడీసీఎల్‌, టీజీ ఎన్పీడీసీఎల్‌కు చెందిన 12 జట్ల చొప్పున పాల్గొననున్నాయని స్పోర్ట్స్‌ కౌన్సిల్‌ సభ్యులు వి.సునీల్‌కుమార్‌, ఎండీ.యాకూబ్‌ పాషా, ఇ.ప్రేంకుమార్‌ పేర్కొన్నారు. గురువారం ఉదయం 9 గంటలకు టీజీ ఎన్పీడీసీఎల్‌ చైర్మన్‌, మేనేజింగ్‌ డైరెక్టర్‌ కర్నాటి వరుణ్‌రెడ్డి ముఖ్య అతిథిగా పాల్గొని టోర్నమెంట్‌ ప్రారంభిస్తారని తెలిపారు. కార్యక్రమంలో ఎన్పీడీసీఎల్‌ ఇన్‌చార్జ్‌ డైరెక్టర్లు, స్పోర్ట్స్‌ కౌన్సిల్‌ కమిటీ బాధ్యులు, అధికారులు పాల్గొంటారని వివరించారు. మనబడి పాట ఆవిష్కరణ విద్యారణ్యపురి: హనుమకొండ జిల్లా శాయంపేట మండలం పెద్దకోడెపాక జిల్లా పరిషత్‌ ఉన్నత పాఠశాలలో సోషల్‌ స్కూల్‌ అసిస్టెంట్‌గా పనిచేస్తున్న పాలకుర్తి రవి రాసిన మనబడి పాటను బుధవారం హనుమకొండ డీఈఓ కార్యాలయంలో డీఈఓ డి.వాసంతి ఆవిష్కరించారు. కార్యక్రమంలో జిల్లా క్వాలిటీ కోఆర్డినేటర్‌ ఎశ్రీనివాస్‌, కమ్యూనిటీ మొబిలైజింగ్‌ కోఆర్డినేటర్‌ బద్దం సుదర్శన్‌రెడ్డి, శాయంపేట ఎంఈఓ భిక్షపతి, పీఆర్‌టీయూ జిల్లా అధ్యక్షుడు మందల తిరుపతిరెడ్డి, ప్రధాన కార్యదర్శి ఫలిత శ్రీహరి, ఓదెల నరేందర్‌, పెద్దకోడెపాక జెడ్పీహెచ్‌ఎస్‌ పధానోపాధ్యాయుడు సారయ్యనాయక్‌, ఉపాధ్యాయులు చంద్రయ్య, భాస్కర్‌, సారంగపాణి పాల్గొన్నారు. పోలీస్‌ కుటుంబానికి భద్రత చెక్కు అందజేతవరంగల్‌ క్రైం: వరంగల్‌ పోలీస్‌ కమిషనరేట్‌ కంట్రోల్‌ రూంలో కానిస్టేబుల్‌గా పనిచేస్తూ అనారోగ్యంతో ఈ ఏడాది జనవరి 28న మరణించిన వెంకటరమణ కుటుంబానికి పోలీస్‌ భద్రత విభాగంనుంచి మంజూరైన రూ.7.32 లక్షల చెక్కును సీపీ సన్‌ప్రీత్‌సింగ్‌ బుధవారం ఆ కానిస్టేబుల్‌ భార్య వాణికి అందజేశారు. కుటుంబ పరిస్థితులను అడిగి తెలుసుకున్నారు. కార్యక్రమంలో అదనపు డీసీపీ రవి, సూపరింటెండెంట్‌ రమాదేవి పాల్గొన్నారు. పరీక్షల పర్యవేక్షణ అధికారిగా శ్రీదేవి కేయూ క్యాంపస్‌: హనుమకొండలోని యూనివర్సిటీ ఆర్ట్స్‌ అండ్‌ సైన్స్‌ కాలేజీలో కెమిస్ట్రీ విభాగం అసిస్టెంట్‌ ప్రొఫెసర్‌గా పనిచేస్తున్న డాక్టర్‌ ఎన్‌. శ్రీదేవి పరీక్షల పర్యవేక్షణాధికారిగా నియమితులయ్యారు. ఈ మేరకు కళాశాల ప్రిన్సిపాల్‌ ఎస్‌.జ్యోతి బుధవారం ఉత్తర్వులు జారీచేశారు. డిగ్రీ, పీజీ పరీక్షలతోపాటు ఇతర పోటీల పరీక్షల నిర్వహణ, పర్యవేక్షణ బాధ్యతలను శ్రీదేవి నిర్వహిస్తారని తెలిపారు. అసిస్టెంట్‌ రిజిస్ట్రార్‌ శ్రీలత, డాక్టర్‌ నహీద తదితరులు శ్రీదేవిని అభినందించారు. నేడు జస్టిస్‌ పీసీ ఘోష్‌ పర్యటనహన్మకొండ: కాళేశ్వరం ప్రాజెక్టు కమిషన్‌ చైర్మన్‌, సుప్రీంకోర్టు పూర్వ జడ్జి జస్టిస్‌ పీసీ ఘోష్‌ గురువారం హనుమకొండ, ములుగు జిల్లాల్లో పర్యటించనున్నారు. బుధవారం రాత్రి హనుమకొండలోని హరిత కాకతీయ హోటల్‌కు చేరుకున్న ఆయనకు కలెక్టర్‌ పి.ప్రావీణ్య మొక్క అందించి స్వాగతం పలికారు. గురువారం ఉదయం 9.30 గంటలకు ఇక్కడి నుంచి బయలుదేరి 10.45 గంటలకు రామప్పకు చేరుకుంటారు. రామప్పలో దైవదర్శనం చేసుకుని, పూజా కార్యక్రమాలు నిర్వహించిన అనంతరం తిరుగు ప్రయాణమవుతారు. మధ్యాహ్నం 12.15 గంటలకు రామప్పలో బయలుదేరి 1.30 గంటలకు హనుమకొండలోని హరిత కాకతీయ హోటల్‌కు చేరుకుంటారు. మధ్యాహ్న భోజనం అనంతరం తిరిగి మూడు గంటలకు హైదరాబాద్‌ వెళ్తారు.

నగర మేయర్‌ గుండు సుధారాణి వరంగల్‌ అర్బన్‌: నగర డ్రెయినేజీల్లోని నీటి బ్లాకేజ్‌ ప్రాంతాల్లో మెష్‌ల ఏర్పాటుకు చర్యలు తీసుకోవాలని మేయర్‌ గుండు సుధారాణి.. ఇంజనీరింగ్‌ అధికారులను ఆదేశించారు. బుధవారం బల్దియా ప్రధాన కార్యాలయంలోని తన చాంబర్‌లో ఇంజనీరింగ్‌ అధికారులతో సమావేశమై వివిధ అభివృద్ధి పనుల పురోగతిపై సమీక్షించారు. ఈ సందర్భంగా మేయర్‌ మాట్లాడుతూ వర్షాకాలం నేపథ్యంలో డివిజన్‌లలోని డ్రెయిన్లలో బ్లాకేజ్‌ ఏరియాలను గుర్తించి మెష్‌లు ఏర్పాటు చేయాలన్నారు. మొత్తం 66 డివిజన్లకు ఎన్ని మెష్‌లు అవసరమో నివేదిక సమర్పించాలని సూచించారు. సమావేశంలో ఇన్‌చార్జ్‌ ఎస్‌ఈ శ్రీనివాస్‌, ఈఈలు రవికుమార్‌, సంతోష్‌బాబు, మహేందర్‌, మాధవీలత, డీఈలు రాజ్‌ కుమార్‌, సారంగం, కార్తీక్‌రెడ్డి, రోజా రాణి, రవి కిరణ్‌, రంగారావు, ఏఈలు పాల్గొన్నారు. మేయర్‌ను కలిసిన అకౌంట్స్‌ ఆఫీసర్‌ బల్దియా అకౌంట్స్‌ ఆఫీసర్‌గా (ఏఓ)గా బాధ్యతలు స్వీకరించిన శివలింగం బుధవారం బల్దియా ప్రధాన కార్యాలయంలో మేయర్‌ గుండు సుధారాణిని మర్యాద పూర్వకంగా కలిసి పూలమొక్క అందజేశారు. బాధ్యతాయుతంగా పనిచేయాలని మేయర్‌ సూచించారు.

ప్రైవేట్‌కు దీటుగా కరీమాబాద్‌ ప్రభుత్వ పాఠశాలలో బోధన ఖిలా వరంగల్‌: కరీమాబాద్‌ ప్రభుత్వ ఉన్నత పాఠశాలకు 75 ఏళ్ల చరిత్ర ఉంది. ఈ పాఠశాలలో చదివిన ఎంతోమంది విద్యార్థులు ప్రయోజకులయ్యారు. దేశవిదేశాల్లో స్థిరపడ్డారు. ప్రస్తుతం 519 మంది విద్యార్థులకు 15 మంది ఉపాధ్యాయులు, 9 మంది బోధనేతర సిబ్బంది ఉన్నారు. ప్రధానోపాధ్యాయురాలు మాధవి విద్యార్థుల భవితకు బాటలు వేస్తున్నారు. ఈ సంవత్సరం పదో తరగతిలో విద్యార్థులు ఉత్తమ ఫలితాలు సాధించారు. ప్రైవేట్‌ పాఠశాలలకు దీటుగా బోధనతోపాటు మెరుగైన వసతులు ఉన్నాయి. విశాలమైన తరగతి గదులు, ప్రయోగశాలలు, గ్రంథాలయం, కంప్యూటర్లు అందుబాటులో ఉన్నాయి. విద్యార్థులకు డిజిటల్‌ విధానంలో పాఠాలు బోధిస్తున్నారు. స్వచ్ఛంద సంస్థల బాధ్యులు అందిస్తున్న ఉచిత నోట్‌బుక్స్‌, పెన్నులు, బ్యాగులు, సైకిళ్లను విద్యార్థులు సద్వినియోగం చేసుకుంటున్నారు.

● రూ.నాలుగు కోట్ల విలువైన భూమి ఆక్రమణ ● పట్టించుకోని గ్రేటర్‌ వరంగల్‌ అధికారులువరంగల్‌ అర్బన్‌: వరంగల్‌ కాశిబుగ్గలోని ఎల్బీనగర్‌ భారత్‌ గ్యాస్‌ కేంద్రం దగ్గర సర్వే నంబర్‌ 199, బై7లో ఉన్న మున్సిపల్‌ స్థలాన్ని(అసైన్డ్‌) కొందరు కబ్జా చేసి చుట్టు ప్రహరీ నిర్మాణానికి ప్రయత్నాలు చేస్తున్నట్లు తెలుస్తోంది. కబ్జాదారులు పట్టపగలే కిరాయి మనుషులను పెట్టి రూ.నాలుగు కోట్ల విలువైన 1800 గజాల మున్సిపల్‌ స్థలం చుట్టూ గోడ నిర్మించడానికి గుంతలు తవ్వారు. కబ్జా వెనుక అధికార పార్టీ నాయకుల హస్తం ఉన్నట్లు ఆరోపణలు వస్తున్నాయి. ఇందులో పేరొందిన ఓ సబ్‌రిజిస్ట్రార్‌, ఓ హోటల్‌ యజమాని, మరో ఇద్దరు కార్పొరేటర్ల ప్రమేయం ఉందని స్థానికులు చర్చించుకుంటున్నారు. ఇదే అసైన్డ్‌ భూమిలో పేద ప్రజలకు అప్పటి ఎమ్మెల్యే దోనెపూడి రమేశ్‌బాబు పట్టాలు ఇచ్చినట్లు పేర్కొంటున్నారు. వరంగల్‌ తూర్పు నియోజకవర్గంలో మున్సిపల్‌ స్థలాలను పట్టపగలే కబ్జా చేస్తున్నా అడిగే నాథుడు లేడా అని ప్రజలు ప్రశ్నిస్తున్నారు. ఇప్పటికై నా అధికారులు స్పందించి కబ్జాదారులపై చర్యలు తీసుకుని మున్సిపల్‌ స్థలాన్ని కాపాడాలని వారు కోరుతున్నారు.

ఆటపాటలకు సెలవు.. ఇక పుస్తకాలతో కుస్తీ ● పాఠ్యపుస్తకాలు, స్కూల్‌ యూనిఫామ్‌ సిద్ధం ● ఈసారి వేసవిలోనే టీచర్లకు శిక్షణ పూర్తి ● డీఈఓ మొదలు కిందిస్థాయి సిబ్బందికి సైతం.. ● వరంగల్‌, హనుమకొండ జిల్లాల్లోని పలు పాఠశాలల్లో పండుగ వాతావరణంలో స్వాగత కార్యక్రమాలు విద్యారణ్యపురి: వేసవి సెలవులు ముగిశాయి. ఇన్నాళ్లు ఆట పాటలతో గడిపిన విద్యార్థులు గురువారం నుంచి బడిబాట పట్టనున్నారు. పుస్తకాలతో కుస్తీ షురూ కానుంది. పిల్లలను పాఠశాలలకు పంపేందుకు తల్లిదండ్రులు కూడా కొద్దిరోజులుగా సిద్ధం చేసుకున్నారు. ఈ మేరకు మొదటిరోజు పిల్లలను పండుగ వాతావరణంలో పాఠశాలల్లోకి ఆహ్వానించేందుకు విద్యాశాఖ అధికారులు అన్ని ఏర్పాట్లు చేశారు. పచ్చని మామిడితోరణాలు, పూలతో అందంగా అలంకరించారు. మొదటిరోజు నుంచే విద్యార్థులకు ఉచితంగా పాఠ్యపుస్తకాలు, జత యూనిఫామ్‌ ఇవ్వనున్నారు. డీఈఓ నుంచి ఉపాధ్యాయులు, ప్రతి విభాగం సిబ్బంది వరకు.. గతంలో ఎన్నడూ లేని విధంగా ప్రభుత్వం ఈసారి సమగ్రశిక్ష ద్వారా డీఈఓల నుంచి ఎంఈఓలు, ఉపాధ్యాయులు, చివరికి వంట మనుషుల వరకు వివిధ అంశాల్లో శిక్షణ ఇచ్చింది. ఒక్కో టీచర్‌కు ఐదు రోజులపాటు శిక్షణ పూర్తిచేసింది.విద్యార్థుల్లో అభ్యసన సామర్థ్యాలను పెంచేలా, ఐసీటీ టూల్స్‌ ద్వారా విద్యాభోధన చేసేలా, ఏఐ ఆధారిత విద్యాబోధన తదితర అంశాలపై శిక్షణ ఇచ్చారు. మధ్యాహ్న భోజన కార్మికులకు సుచి, శుభ్రతగా వంటలు చేయడంపై, పారిశుద్ధ్య కార్మికులకు పరిసరాల పరిశుభ్రతపై శిక్షణ ఇచ్చారు. పండుగ వాతావరణంలోస్వాగత కార్యక్రమాలు హనుమకొండ జిల్లాలో 14 మండలాల్లోని ఒక్కో పాఠశాలలో పాఠశాలల పునఃప్రారంభం సందర్భంగా విద్యార్థులకు స్వాగత కార్యక్రమాలు నిర్వహించాలని జిల్లా విద్యాశాఖ నిర్ణయించింది. ఈ మేరకు డీఈఓ వాసంతి ఆయా ఎంఈఓలను ఆదేశించారు. విద్యార్థి పాఠశాలలోకి ప్రవేశించగానే పండుగ వాతావరణం కనిపించేలా మామిడి తోరణాలు, బెలూన్లు, పూలతో అలంకరించారు. మొదటిరోజు తల్లిదండ్రులను కూడా ఆహ్వానిస్తున్నారు.నేటి నుంచి పాఠశాలలు పునఃప్రారంభంటీచర్లు సమయపాలన పాటించాలి పాఠశాలలు పునఃప్రారంభం రోజున టీచర్లు తప్పనిసరిగా సమయపాలన పాటించాలి. ఈ నెల 19వ తేదీ వరకు బడిబాట కార్యక్రమాలు కొనసాగించాల్సి ఉంటుంది. బడిబాట ఉదయం 7 నుంచి 9 గంటల వరకు నిర్వహించాలి. విద్యార్థుల నమోదు పెంచాలి. ఆ తర్వాత యఽథావిధిగా పాఠశాల విధుల్లో ఉండాలి. తరగతి గదుల్లో సెల్‌ఫోన్లు వినియోగించకూడదు. డి.వాసంతి, హనుమకొండ డీఈఓ

బడి ఆవరణలో 830 మొక్కలతో ప్లాంటేషన్‌ విద్యారణ్యపురి: దాతలు, ప్రేరణ ఫౌండేషన్‌ సహకారంతో కాజీపేటలోని పోచంపల్లి ప్రభుత్వ పాఠశాల ఆహ్లాదాన్ని పంచుతోంది. డీఆర్‌ఓ గణేశ్‌, ఉద్యానశాఖ అధికారి రమేశ్‌ దాతల సహకారంతో 830 మొక్కలను సమకూర్చి పాఠశాల ఆవరణలో ప్లాంటేషన్‌ తయారు చేయించారు. రిటైర్డ్‌ డీఎఫ్‌ఓ పురుషోత్తం ఆధ్వర్యంలో పర్యావరణ పరిరక్షణ కమిటీని ఏర్పాటు చేశారు. హనుమకొండలోని ప్రభుత్వ ప్రాక్టీసింగ్‌ ప్రాథమిక పాఠశాలను తీర్చిదిద్దిన హెచ్‌ఎం ఉప్పలయ్య 2023 డిసెంబర్‌లో పోచంపల్లి ప్రాథమిక పాఠశాలకు బదిలీ అయ్యారు. అక్కడ మురికివాడలోని పిల్లలను బడికి వచ్చేలా చేశారు. ప్రస్తుతం 180 మంది విద్యార్థులకు ఆరుగురు ఉపాధ్యాయులున్నారు. కలెక్టర్‌ ప్రావీణ్య గురువారం పాఠశాలను సందర్శించి విద్యార్థులకు పుస్తకాలు, యూనిఫాం పంపిణీ చేసి, గార్డెన్‌ను ప్రారంభిస్తారు.

బల్దియా కమిషనర్‌ డాక్టర్‌ అశ్విని తానాజీ వాకడే హన్మకొండ: పరిసరాలను పరిశుభ్రంగా ఉంచుకోవడం ప్రతీ ఒక్కరి సామాజిక బాధ్యత అని గ్రేటర్‌ వరంగల్‌ మున్సిపల్‌ కార్పొరేషన్‌ కమిషనర్‌ డాక్టర్‌ అశ్విని తానాజీ వాకడే అన్నారు. వంద రోజుల కార్యాచరణ కార్యక్రమంలో భాగంగా వరంగల్‌ మహానగర పాలక సంస్థ 58, 59వ డివిజన్‌ పరిధి హనుమకొండలోని ఇందిరానగర్‌, ఎన్జీవోస్‌ కాలనీ, భవానినగర్‌లో ర్యాలీ నిర్వహించారు. కరపత్రాలు పంపిణీ చేశారు. పారిశుద్ధ్య పనులను, డిసిల్టేషన్‌ ప్రక్రియ, తడి, పొడిచెత్తను వేరు చేసి స్వచ్ఛ ఆటోలకు అందించడం, సీజనల్‌ వ్యాధులు వ్యాపించకుండా దోమలను అరికట్టడానికి చేపట్టే యాంటీ లార్వా ఆక్టివిటీస్‌, ట్రేడ్‌ లైసెన్స్‌ వసూళ్ల తీరును కమిషనర్‌ క్షేత్రస్థాయిలో పరిశీలించారు. కమిషనర్‌ మాట్లాడుతూ పరిసరాలను పరిశుభ్రంగా ఉంచాలని, సింగిల్‌ యూజ్‌ ప్లాస్టిక్‌ను వాడొద్దన్నారు. బట్ట సంచులు, జ్యూట్‌ బ్యాగులను వినియోగించాలని నగరవాసులకు సూచించారు. కార్పొరేటర్లు గుజ్జుల వసంత, ఇమ్మడి లోహిత రాజు, సీఎంహెచ్‌ఓ డాక్టర్‌ రాజారెడ్డి, డీఈ సారంగం, శానిటరీ ఇన్‌స్పెక్టర్‌ బాషానాయక్‌, హెల్త్‌ ఇన్‌స్పెక్టర్‌ మధుకర్‌ పాల్గొన్నారు.

ప్రొఫెసర్‌ జయశంకర్‌ ప్రాథమిక విద్యాభ్యాసం ఇక్కడే.. విద్యారణ్యపురి: వివిధ రంగాల్లో ఉన్నతస్థానాలకు ఎదగిన ఎంతో మంది మేధావులను అందించింది హనుమకొండలోని మర్కజీ ప్రభుత్వ ఉన్నతపాఠశాల. నిజాం కాలంలో 1940లో ప్రారంభించిన ఈ పాఠశాల తొలుత ఊర్దూ మీడియంగా, తర్వాత తెలుగు మీడియంగా, ప్రస్తుతం ఇంగ్లిష్‌ మీడియంలో విద్యార్థులకు విద్య అందిస్తున్నారు. తెలంగాణ సిద్ధాంతకర్త ప్రొఫెసర్‌ జయశంకర్‌ ఈ పాఠశాలలోనే ఉర్దూమీడియంలో ప్రాథమిక విద్యాభ్యాసం చేశారు. ఇక్కడ చదువుకున్న అనేక మంది విద్యార్థులు వివిధ దేశాల్లో, రాష్ట్రంలో వివిధ ఉన్నత రంగాల్లో స్థిరపడ్డారు. ఈ స్కూల్‌లో ప్రస్తుతం 676 మంది విద్యార్థులు ఉండగా, 26మంది ఉపాధ్యాయులు పనిచేస్తున్నారు. ప్రాథమిక పాఠశాలలో 284 మంది చదువుతుండగా 10 మంది టీచర్లు ఉన్నారు. జిల్లాలో అత్యధికంగా విద్యార్థులు కలిగిన ప్రభుత్వ పాఠశాలగా గుర్తింపు పొందింది.

హనుమకొండ నయీంనగర్‌ పెద్ద మోరీ పొడవునా ఇరువైపులా కాంక్రీట్‌ గోడ పనులు దాదాపుగా పూర్తి కావొస్తున్నాయి. కానీ.. గోడ నిర్మించేటప్పుడు నీరురాకుండా మట్టితో అడ్డుకట్టలు వేశారు. గోడ పని పూర్తయినా.. మట్టి కట్టలను తొలగించలేదు. దీంతో నాలాలోకి వచ్చిన నీరు బయటకు వెళ్లకుండా ఎక్కడికక్కడే నిలుస్తోంది. దీంతోపాటు పోచమ్మకుంట, సమ్మయ్యనగర్‌ ప్రాంతాల్లోనూ ఇదే పరిస్థితి. భారీ వర్షం వస్తే వరద అంతా కాలనీల్లోకి వచ్చే ప్రమాదం ఉంది. బల్దియా అధికారులు స్పందించి మట్టి కట్టలను తొలగించి వరద సమస్యను పరిష్కరించాలని స్థానికులు కోరుతున్నారు. – సాక్షి స్టాఫ్‌ ఫొటోగ్రాఫర్‌, హన్మకొండ

హనుమకొండ కలెక్టర్‌ ప్రావీణ్య హన్మకొండ అర్బన్‌: జిల్లా వ్యాప్తంగా నిర్వహిస్తున్న భూ భారతి రెవెన్యూ సదస్సుల్లో వచ్చిన దరఖాస్తుల సత్వర పరిష్కారానికి చర్యలు చేపట్టాలని హనుమకొండ కలెక్టర్‌ ప్రావీణ్య అధికారులను ఆదేశించారు. మంగళవారం కలెక్టరేట్‌లో జిల్లాలోని రెవెన్యూ సదస్సుల నిర్వహణ, వచ్చిన దరఖాస్తుల పరిష్కారంపై ఆర్డీఓలు, తహసీల్దార్లతో కలెక్టర్‌ సమీక్ష నిర్వహించారు. సమావేశంలో అదనపు కలెక్టర్‌ వెంకట్‌రెడ్డి, భూమి కొలతల శాఖ ఏడీ శ్రీని వాసులు, హనుమకొండ, పరకాల ఆర్డీఓలు రాథోడ్‌ రమేశ్‌, నారాయణ, తహసీల్దార్లు పాల్గొన్నారు. రైతులకు వెంటనే పరిహారం చెల్లించాలి..భూసేకరణ పూర్తయిన రైతులకు వెంటనే పరిహారం అందించాలని కలెక్టర్‌ ప్రావీణ్య అధికారులను ఆదేశించారు. మంగళవారం కలెక్టరేట్‌లో అదనపు కలెక్టర్‌ వెంకట్‌రెడ్డితో కలిసి భీమదేవరపల్లి, వేలేరు మండలాల పరిధి గౌరవెల్లి ప్రాజెక్టు, పరకాల నియోజకవర్గ పరిధి గ్రీన్‌ ఫీల్డ్‌ నేషనల్‌ హైవే ప్రాజెక్ట్‌, జిల్లాలో వివిధ రైల్వే ప్రాజెక్టుల భూసేకరణ ప్రక్రియ, రైతులకు పరిహారం చెల్లింపు, భూసేకరణ పురోగతి అంశాలపై నేషనల్‌ హైవే అధికారులు, రెవెన్యూ అధికారులతో కలెక్టర్‌ సమీక్ష నిర్వహించారు. సఖి భవన ప్రారంభోత్సవానికి సిద్ధం చేయాలికాజీపేట అర్బన్‌: హనుమకొండ లష్కర్‌బజార్‌లో నూతనంగా నిర్మించిన సఖి కేంద్ర భవనాన్ని త్వరలో ప్రారంభించాలని కలెక్టర్‌ ప్రావీణ్య అన్నారు. సఖి నూతన భవనాన్ని మంగళవారం ఆమె పరిశీలించారు. డీడబ్ల్యూఓ జయంతి, ఆర్‌అండ్‌బీ ఈఈ సురేశ్‌బాబు, సఖి కేంద్ర కో–ఆర్డినేటర్‌ హైమావతి, డీఈ గోపీకృష్ణ తదితరులు పాల్గొన్నారు.

విద్యారణ్యపురి/హన్మకొండ: హనుమకొండ రాంనగర్‌ ప్రాంతంలోని మెరీడియన్‌ ప్రైవేట్‌ పాఠశాలను మంగళవారం ఎంఈఓ నెహ్రూ సీజ్‌ చేశారు. ఈపాఠశాలను అనుమతి లేకుండా నడిపిస్తున్నారని, తగిన చర్యలు తీసుకోవాలని టీఎస్‌ఎఫ్‌, బీఎస్‌ఎఫ్‌,టీజీవీపీ, ఎన్‌ఎస్‌ఎఫ్‌ విద్యార్థి సంఘాల బాధ్యులు డీఈఓ వాసంతికి పిర్యాదు చేశారు. ఆమె ఆదేశాల మేరకు ఎంఈఓ పాఠశాలను సందర్శించి సీజ్‌ చేశారు. ఎంఈఓ వెంట ఆయా విద్యార్థి సంఘాల బాధ్యులు కన్నం సునీల్‌, మేడ రంజిత్‌, కాడపాక రాజేందర్‌, సాంబరాజు, నాగారం ఫణితేజ ఉన్నారు. 8వ సెమిస్టర్‌ ఫలితాలు విడుదలకేయూ క్యాంపస్‌: కాకతీయ యూనివర్సిటీ పరిధి ఇంజనీరింగ్‌ కాలేజీల ఫైనలియర్‌ 8వ సెమిస్టర్‌ పరీక్షల ఫలితాలను విడుదల చేసినట్లు పరీక్షల నియంత్రణాధికారి కె.రాజేందర్‌ తెలిపారు. 955మందికిగాను 945 మంది విద్యార్థులు ఉత్తీర్ణత (98.5శాతం) సాధించినట్లు పేర్కొన్నారు. నాసిరకాన్ని అరికట్టేందుకు పటిష్ట చర్యలుసీపీ సన్‌ప్రీత్‌ సింగ్‌ వరంగల్‌ క్రైం: వానాకాలం సాగు ప్రారంభమవుతున్న నేపథ్యంలో.. రైతులు నాసిరకం విత్తనాల బారిన పడకుండా వరంగల్‌ పోలీస్‌ కమిషనరేట్‌ పోలీసుల ఆధ్వర్యంలో పటిష్ట ముందస్తు చర్యలు చేపడుతున్నట్లు వరంగల్‌ పోలీస్‌ కమిషనర్‌ సన్‌ప్రీత్‌ సింగ్‌ తెలిపారు. ఈమేరకు వరంగల్‌ పోలీస్‌ కమిషనరేట్‌ ఆధ్వర్యంలో రూపొందించిన ప్రచార పోస్టర్లను మంగళవారం పోలీస్‌ అధికారులతో కలిసి సీపీ ఆవిష్కరించారు. ఈసందర్భంగా సీపీ సన్‌ప్రీత్‌సింగ్‌ మాట్లాడుతూ.. ఇప్పటికే కమిషనరేట్‌ పరిధిలో రూ.1.23 కోట్ల విలువైన నాసిరకం పురుగు మందులు, విత్తనాలతో పాటు పెద్ద ఎత్తున గడ్డి మందును స్వాధీనం చేసుకోవడంతో పాటు 14 మంది నిందితులను అదుపులోకి తీసుకున్నట్లు తెలిపారు. ఎవరైనా నాసిరకం విత్తనాలు, పురుగు మందులు విక్రయిస్తున్నట్లు సమాచారం అందితే తక్షణమే స్థానిక పోలీసులకు లేదా.. వరంగల్‌ పోలీస్‌ కమిషనర్‌కు 77998 48333 నంబర్‌లో సమాచారం అందించాలని కోరారు.

● యాసంగిలో ములుగు జిల్లా వెంకటాపురం, కన్నాయిగూడెం, వాజేడు, మండలాల్లోని 55 గ్రామాల్లో పేరొందిన కంపెనీలవని నమ్మిన రైతులు.. 1,370 ఎకరాల్లో మొక్కజొన్న వేశారు. అవి నకిలీవి కావడంతో 618 మంది రైతులు నష్టపోగా, అందుకు బాధ్యులైన వారిపై కేసులు నమోదయ్యాయి. ● మార్చి నెలాఖరులో హనుమకొండ జిల్లాలో రూ.78.63 లక్షల విలువైన నాసిరకం పత్తి విత్తనాలను పోలీసులు పట్టుకున్నారు. ఈ ముఠాసభ్యులు గతంలో కూడా నాసిరకం పత్తి, మొక్కజొన్న విత్తనాలు విక్రయించినట్లు కేసులున్నాయి. ● తాజాగా వరంగల్‌ టాస్క్‌ఫోర్స్‌, గీసుకొండ, పరకాల పోలీసులు దాడులు నిర్వహించి ఏడుగురిని అరెస్టు చేసి రూ.63.62 లక్షల విలువ చేసే 166 కిలోల నాసిరకం విత్తనాలు, 800 లీటర్ల గడ్డిమందు, నకిలీ పురుగుల మందు తయారీకి అవసరమైన సామగ్రి, 7 సెల్‌ఫోన్లను స్వాధీనం చేసుకున్నారు. సాక్షిప్రతినిధి, వరంగల్‌: ప్రస్తుత వానాకాలం సీజన్‌కు నాసిరకం పత్తి విత్తనాలు పోటెత్తుతున్నాయి. ఓ వైపు మహారాష్ట్ర, ఆంధ్రప్రదేశ్‌, కర్ణాటక, గుజరాత్‌ తదితర రాష్ట్రాలనుంచి భారీగా రవాణా అవుతుండగా.. మరోవైపు ముఠాలుగా ఏర్పడిన కొందరు ఉమ్మడి వరంగల్‌వాసులు ఈ ‘నకిలీ’లను మార్కెట్లో విక్రయిస్తున్నారు. హనుమకొండ, వరంగల్‌, మహబూబాబాద్‌ జిల్లాలను కేంద్రాలుగా చేసుకుని ఈ దందా సాగిస్తున్నారు. వరంగల్‌ కమిషనరేట్‌ పరిధిలో ముందు జాగ్రత్తగా టాస్క్‌ఫోర్స్‌ పోలీసులు జరిపిన దాడుల్లో బయటపడిన నాసిరకం విత్తనాలే ఇందుకు ఉదాహరణ. వరి తర్వాత పత్తి వైపే రైతుల మొగ్గు.. ఉమ్మడి వరంగల్‌లో వరి తర్వాత రైతులు పత్తి సాగుపైనే ఆసక్తి చూపుతున్నారు. గత వానాకాలంలో 15,83,692 ఎకరాల్లో వివిధ పంటలు వేశారు. ఇందులో 8.72 లక్షల ఎకరాల్లో వరి పంటలు వేయగా 6.17 లక్షల ఎకరాల్లో పత్తి సాగు చేశారు. సుమారుగా 1.14 లక్షల ఎకరాల్లో మొక్కజొన్న, శనగ, పెసర తదితర పంటలు సాగయ్యాయి. గత వానాకాలం సాగు విస్తీర్ణాన్ని పరిగణనలోకి తీసుకున్న వ్యవసాయశాఖ.. ఈ సీజన్‌లో 15.85 లక్షల ఎకరాల్లో వివిధ పంటలు సాగయ్యే అవకాశం ఉందని, ఇందులో 9.02 లక్షల ఎకరాల్లో వరి, 5.67 లక్షల ఎకరాల్లో పత్తి పంటలు వేస్తారని అంచనా వేసింది. పత్తి వర్షాధార పంట కావడంతో ఈ నెల రెండు, మూడు వారాల్లో విత్తుకునేందుకు 20 రోజుల ముందునుంచే విత్తనాలు కొనుగోలు చేస్తున్నారు. ఈమేరకు 5.67 లక్షల ఎకరాల్లో పత్తి సాగు కోసం ఎకరానికి రెండు బస్తాల చొప్పున సుమారు 11,34,716 ప్యాకెట్లు అవసరం. ఉమ్మడి జిల్లాలో ఎక్కువగా బీటీ–2 రకం వాడకంలో ఉండగా, ఈసారి బీటీ–3 పేరిట వ్యాపారులు నాసిరకం విత్తనాల్ని విక్రయిస్తున్నారు. దీంతో చాలా మంది రైతులు విత్తనాల కొనుగోలు విష యంలో ఏటూ తేల్చుకోలేక పోతున్నారు. బ్లాక్‌ మార్కెట్‌లో విత్తనాలు.. రూ.400 వరకు అదనం.. ఉమ్మడి జిల్లాలో ఈసారి 5,67,358 ఎకరాల్లో పత్తి సాగవుతుందని అంచనా వేసిన వ్యవసాయశాఖ అధికారులు.. ఆమేరకు విత్తనాలు అందుబాటులో ఉన్నాయని చెబుతున్నారు. కానీ.. ఓవైపు నాసిరకం బెడద.. మరోవైపు బ్లాక్‌ మార్కెట్‌లో అధిక ధరలు రైతులను ఆందోళనకు గురిచేస్తున్నా యి. ఎకరానికి 475 గ్రాములున్న విత్తన ప్యాకెట్లు రెండు అవసరం కాగా.. ఉమ్మడి జిల్లాకు 11.35 లక్షల విత్తన ప్యాకెట్లు కావాల్సి ఉంది. ఈ మేరకు నిల్వలు ఉన్నాయని అధికారులు చెప్తున్నా... కొందరు డీలర్లు, వ్యాపారులు మాత్రం సరిపడా రాలేదంటున్నారు. బీటీ–2 రకాలకు మార్కెట్‌లో డిమాండ్‌ ఉండగా.. ఇప్పటి నుంచే కృత్రిమ కొరత సృష్టిస్తున్నారు. కాగా.. బీటీ–2 రకాలకు చెందిన ఒక్కో ప్యాకెట్‌ను రూ.901కు విక్రయించాల్సిన వ్యాపారులు లేవు.. లేవంటూ రూ.1,350ల నుంచి రూ.1,450ల వరకు అమ్ముతున్నట్లు చెబుతున్నారు. వర్షాలు పడితే ఆ ధరలు మరింత పెరిగే అవకాశం ఉన్నందున అధికారులు తగిన చర్యలు తీసుకోవాలని రైతులు కోరుతున్నారు. నాసిరకం విత్తనాలు, మందులు విక్రయిస్తే కఠిన చర్యలు నాసిరకం విత్తనాలు, పురుగు మందులు విక్రయిస్తే చట్టపరమైన చర్యలు తీసుకుంటాం. ఎవరైన వ్యాపారస్తులు, సంస్థలు, వ్యక్తులు రైతన్నను మోసం చేస్తూ నకిలీ విత్తనాలు, పురుగు మందులు విక్రయిస్తే పీడీ యాక్ట్‌ కింద కేసు నమోదు చేస్తాం. ఇందుకోసం ప్రత్యేక ప్రణాళిక రూపొందించి టీమ్‌లను రంగంలోకి దింపాం. నకిలీల సమాచారం తెలిస్తే తక్షణమే మాకు అందించాలి. వివరాలు గోప్యంగా ఉంచుతాం. – సన్‌ ప్రీత్‌సింగ్‌, పోలీస్‌ కమిషనర్‌రైతుల మెడపై నాసిరకం విత్తనాల కత్తి సీజన్‌ ఆరంభం నుంచే దందా పత్తి విత్తనాల కృత్రిమ కొరత... తప్పని అధిక ధరల మోత పత్తి, వరి విత్తనాల్లోనే నకిలీ ఎక్కువ.. ఇటీవల పట్టుకున్న పోలీసులు నిఘా పెంచాలని కోరుతున్న రైతులుజిల్లాల వారీగా పత్తిసాగు, విత్తనాల అంచనా జిల్లా సాగు అంచనా అవసరమయ్యే (ఎకరాల్లో..) విత్తన ప్యాకెట్లు హనుమకొండ 85,000 1,70,000 వరంగల్‌ 1,22,358 2,44,716 మహబూబాబాద్‌ 84,070 1,68,140 భూపాలపల్లి 1,01,500 2,03,000 జనగామ 1,45,000 2,90,000 ములుగు 29,430 58,860

హన్మకొండ అర్బన్‌: హనుమకొండ జిల్లాలో తహసీల్దార్లకు మరోసారి బదిలీ ఫీవర్‌ పట్టుకుంది. కొద్దిరోజుల క్రితమే రాష్ట్రస్థాయిలో తహసీల్దార్ల బదిలీలు చేసిన ప్రభుత్వం ఇటీవల కేబినెట్‌లో ఈ విషయంపై మాట్లాడింది. ఎన్నికల సమయంలో బదిలీ అయిన తహసీల్దార్లు సొంత జిల్లాలకు వెళ్లాల్సి ఉంటుందని నిర్ణయించింది. దీంతో రాష్ట్రస్థాయిలో మరోసారి భారీగా తహసీల్దార్ల బదిలీలు ఉంటాయన్న చర్చ అధికారుల్లో సాగుతోంది. ఇదిలా ఉంటే కొద్దిరోజుల క్రితమే జరిగిన బదిలీల్లో జిల్లాకు కొత్తగా నలుగురు తహసీల్దార్లు రాగా, మరికొందరు హనుమకొండనుంచి ఇతర జిల్లాలకు వెళ్లారు. జిల్లాకు వచ్చిన వాళ్లకు కలెక్టర్‌ ప్రావీణ్య పోస్టింగ్‌లు ఇచ్చారు. దీంతో అంతా సర్ద్దుమణిగింది అనుకున్న సమయంలో మరోసారి తహసీల్దార్లపై బదిలీల పిడుగు పడే అవకాశాలు కనిపిస్తున్నాయి. దీంతో ఎవరికివారు ఈ బదిలీ గండంనుంచి బయటపడేందుకు తమవంతుగా ప్రయత్నాలు సాగిస్తున్నారు. ఎన్నికల సమయంలో వచ్చిన వారు.. గతేడాది జరిగిన సాధారణ ఎన్నికల సమయంలో జిల్లాకు వచ్చిన తహసీల్దార్లు చాలావరకు ఇక్కడే ఉన్నారు. ఇటీవల బదిలీల్లో ఒకరిద్దరు మారారు. ఉద్యోగ సంఘాలు రాష్ట్రస్థాయిలో ప్రభుత్వానికి పలుమార్లు విజ్ఞప్తులు చేశాయి. ఎన్నికల సమయంలో బదిలీ అయిన తహసీల్దార్లను తిరిగి తమ సొంత జిల్లాలకు పంపించాలని కోరాయి. వారి అభ్యర్థనకు ప్రభుత్వం సానుకూలంగా స్పందించింది. దీంతో వచ్చిన వారు తిరిగి వెళ్లక తప్పదనే వినిపిస్తోంది. అదే జరిగితే ప్రస్తుతం హనుమకొండ జిల్లాలోని వేలేరు, ధర్మసాగర్‌, కాజీపేట, ఎల్కతుర్తి తహసీల్దార్లతోపాటు ఒక డీఈఓ, కలెక్టరేట్‌లో ఒక సూపరింటెండెంట్‌ ఈ బదిలీ పరిధిలోకి వచ్చే అవకాశాలు ఉన్నాయి. అదేవిధంగా గత ఎన్నికల సమయంలో జిల్లా నుంచి వెళ్లిన వారిలో తహసీల్దార్లు పాక రాజ్‌కుమార్‌, రియాజ్‌ మహేందర్‌, బండి నాగేశ్వరరావు, పూజారి కిరణ్‌ కుమార్‌, తదితరులు తిరిగి జిల్లాకు వచ్చే అవకాశం ఉంటుంది. హనుమకొండ జిల్లాకు వచ్చేవారు ఉత్సాహంగా ఉన్నప్పటికీ ఇక్కడినుంచి వెళ్లే వారికి కాస్త అసంతృప్తి ఉన్నట్లు సమాచారం. బదిలీలు తప్పించుకునేందుకు ఇక్కడివారు ఎంత ప్రయత్నం చేస్తున్నారో, రావాల్సిన వారు రెట్టింపు ప్రయత్నిస్తున్నారన్న చర్చ జోరుగా సాగుతోంది. తహసీల్దార్ల బదిలీలు పూర్తయి జిల్లాలు కేటాయిస్తే వచ్చిన వారికి పోస్టింగ్స్‌ ఇచ్చే క్రమంలో మరోసారి జిల్లా స్థాయిలో తహసీల్దార్లకు స్థానచలనం కలిగే అవకాశం ఉంటుంది. బదిలీ భయంతోనే శ్రీపాల్‌ మృతి? ఇటీవల హనుమకొండ తహసీల్దార్‌ శ్రీపాల్‌ రెడ్డి అకాల మరణం ఉద్యోగ వర్గాల్లో కలకలంరేపింది. బదిలీల విషయంపై పదేపదే ఆలోచించి ఆయన కొంత ఆందోళనకు గురైనట్లు సన్నిహితులు చెబు తున్నారు. ఇప్పటికే ప్రమాదవశాత్తు కాలు విరిగి ఇబ్బందులు పడుతున్న శ్రీపాల్‌రెడ్డి మరోసారి బదిలీ పేరుతో దూర ప్రాంతానికి వెళ్లడం ఎలా? అని మదనపడుతుండేవాడని సమాచారం. హనుమకొండ జిల్లా నుంచి ఏడుగురు బయటకి.. వచ్చేవాళ్లు ఐదుగురు బదిలీ గండం తప్పించుకునేందుకు తీవ్ర ప్రయత్నాలు

హన్మకొండ చౌరస్తా: పేదలకు వైద్య సేవలందించిన హనుమకొండ ప్రభుత్వ ప్రసూతి ఆస్పత్రి అభివృద్ధికి కావాల్సిన నిధుల కోసం, జిల్లా ప్రజాప్రతినిధులంతా కలిసి సీఎం రేవంత్‌రెడ్డిని కోరుతామని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి అన్నారు. 150 ఏళ్ల చరిత్ర కలిగిన ఈఆస్పత్రిని హెరిటేజ్‌ స్థాయిలో అభివృద్ధి చేసేందుకు కృషి చేస్తామన్నారు. మంగళవారం కలెక్టర్‌ ప్రావీణ్య, ఎంపీ కావ్య, ఎమ్మెల్యే రేవూరి ప్రకాశ్‌రెడ్డితో కలిసి నాయిని రాజేందర్‌రెడ్డి ప్రసూతి ఆస్పత్రిలో జిల్లా స్థాయి సమీక్ష నిర్వహించారు. ముందుగా ఆస్పత్రిలోని వివిధ విభాగాలు, పరిసర ప్రాంతాలను క్షుణ్ణంగా పరిశీలించారు. ఓపీ విభాగంలో రోగుల ఇన్‌ పేషెంట్‌ రికార్డులు పరిశీలించారు. రోగులతో మాట్లాడి అందుతున్న వైద్య సేవలు, సౌకర్యాలను అడిగి తెలుసుకున్నారు. అనంతరం సమీక్షలో నాయిని మాట్లాడుతూ.. ఆస్పత్రిలోని వైద్య సేవల స్థితిగతులు, రోగులకు అవసరమైన అదనపు వసతులు తదితర అంశాలపై పలు సూచనలిచ్చారు. వరంగల్‌ ఎంపీ కడియం కావ్య మాట్లాడుతూ.. 16 ఏళ్ల తర్వాత ఆస్పత్రి అభివృద్ధి కమిటీ సమావేశాన్ని నిర్వహించడం, పేదలకు వైద్య సేవలందించడం కాంగ్రెస్‌ సర్కార్‌కు ఉన్న చిత్తశుద్ధికి నిదర్శనమన్నారు. సమావేశంలో పీసీసీ ప్రధాన కార్యదర్శి ఈవీ శ్రీనివాసరావు, డీఎంహెచ్‌ఓ అప్పయ్య, జీఎంహెచ్‌ సూపరింటెండెంట్‌ విజయలక్ష్మి, ఆర్‌ఎంఓ అంబరీష్‌, స్థానిక కార్పొరేటర్‌ లక్ష్మి పాల్గొన్నారు. ఎమ్మెల్యే నాయిని రాజేందర్‌రెడ్డి

హన్మకొండ అర్బన్‌: ఆంధ్రప్రదేశ్‌ ప్రభుత్వం జర్నలిస్టులు, సాక్షి మీడియా కార్యాలయాలపై పాశవికంగా దాడులు చేస్తూ.. అక్రమ కేసులు నమోదు చేయడాన్ని హనుమకొండ జిల్లా జర్నలిస్టు సంఘాల ప్రతినిధులు, సీనియర్‌ జర్నలిస్టులు తీవ్రంగా ఖండించారు. ఏపీ ప్రభుత్వ వైఖరిని నిరసిస్తూ మంగళవారం హనుమకొండ కలెక్టరేట్‌ ఎదుట నిరసన తెలిపారు. నల్ల బ్యాడ్జీలు ధరించి ప్లకార్డులు పట్టుకుని ఆందోళన వ్యక్తం చేశారు. ఈసందర్భంగా జర్నలిస్టు సంఘాల నాయకులు మాట్లాడుతూ.. జర్నలిస్టులు, మీడియా కార్యాలయాలపై దాడులు ప్రజాస్వామ్యంపై దాడిగా వారు అభివర్ణించారు. ఏపీ ప్రభుత్వం హామీలను అమలు చేయలేక ప్రజలను పక్కదారి పట్టించేందుకు సాక్షి జర్నలిస్టులు, సాక్షి మీడియా కార్యాలయాలపై దాడులు, అక్రమ కేసులకు పాల్పడుతోందన్నారు. ఇవి పునరావృతమైతే ఆందోళనలు ఉధృతం చేస్తామని హెచ్చరించారు. పత్రికా స్వేచ్ఛను, ప్రజాస్వామ్యాన్ని పరిరక్షించుకునేందుకు సీనియర్‌ జర్నలిస్టులు, మేధావులు, ప్రజాసంఘాలు ముందుకు రావాలని పిలుపునిచ్చారు. సీనియర్‌ జర్నలిస్టు కొమ్మినేని శ్రీనివాసరావు అరెస్టును తీవ్రంగా ఖండించారు. ఆయనను భేషరతుగా విడుదల చేయాలని, పెట్టిన కేసులు ఎత్తివేయాలని డిమాండ్‌ చేశారు. ఈనిరసనలో టీయూడబ్ల్యూజే(ఐజేయూ) హనుమకొండ జిల్లా అధ్యక్షుడు, సాక్షి బ్యూరో ఇన్‌చార్జ్‌ గడ్డం రాజిరెడ్డి, ఎడిషన్‌ ఇన్‌చార్జ్‌ వర్ధెల్లి లింగయ్య, వరంగల్‌ స్టాఫ్‌ రిపోర్టర్‌ వాంకే శ్రీనివాస్‌, జర్నలిస్టు సంఘాల ప్రతినిధులు తోట సుధాకర్‌, టీవీ.రాజు, బొక్క దయాసాగర్‌, బొల్లారపు సదయ్య, పొడిశెట్టి విష్ణువర్ధన్‌, గాడిపెల్లి మధు, వల్లాల వెంకటరమణ, కంకణాల సంతోశ్‌, నల్లాల బుచ్చిరెడ్డి, అంతడుపుల శ్రీనివాస్‌, ఊటుకూరు సాయిరాం, నరేశ్‌, బత్తిని రాజేందర్‌గౌడ్‌, కొల్లా కృష్ణ్ణ కుమార్‌రెడ్డి, యాంసాని శ్రీనివాస్‌, దామెర రాజేందర్‌, కొలనుపాక కుమారస్వామి తదితరులు పాల్గొన్నారు. కొమ్మినేని అరెస్ట్‌.. సాక్షి కార్యాలయాలపై దాడులు నిరసిస్తూ జర్నలిస్టు సంఘాల ఆందోళన హనుమకొండ కలెక్టరేట్‌ ఎదుట నిరసన

● ఇంజనీర్లకు మేయర్‌ సుధారాణి క్లాస్‌ ● పద్ధతి మార్చుకోవాలని హెచ్చరిక వరంగల్‌ అర్బన్‌: వాహనాలపై ఇంత నిర్లక్ష్యం తగదని మేయర్‌ గుండు సుధారాణి ఆగ్రహం వ్యక్తం చేశారు. బల్దియాకు చెందిన బాలసముద్రంలోని వెహికిల్‌ షెడ్డును మంగళవారం మేయర్‌ ఆకస్మికంగా తనిఖీ చేశారు. ఈసందర్భంగా మరమ్మతులకు గురైన వాహనాలు, వాటి స్థితిగతులు, ఎదురవుతున్న ఇబ్బందులు తదితర అంశాలపై ఇంజనీర్లను అడిగి తెలుసుకున్నారు. ఈసందర్భంగా మేయర్‌ మాట్లాడుతూ.. 41 స్వచ్ఛ ఆటోలు, 9 ట్రాక్టర్లు, 4 డంపర్‌ పెసర్లు, 4 జేసీబీలు, 2 హిటాచీలు, 4 కాంపాక్టర్లకు వారంలోగా మరమ్మతులు పూర్తి చేసి వినియోగంలోకి తీసుకురావాలని సూచించారు. ప్రభుత్వం ప్రతిష్టాత్మకంగా చేపట్టిన 100 రోజుల కార్యాచరణ ప్రణాళికకు సంబంధించిన కార్యక్రమాలను స్వచ్ఛ ఆటో మైకుల ద్వారా ప్రజలకు అవగాహన కలిగించేలా విస్తృత ప్రచారం కల్పించాలన్నారు. వర్షాకాలం నేపథ్యంలో సీజనల్‌ వ్యాధులు ప్రబలకుండా దోమల వ్యాప్తిని అరికట్టడానికి నగరవ్యాప్తంగా ఉన్న 66 డివిజన్లలో ప్రణాళికాబద్ధంగా ఫాగింగ్‌ చేపట్టాలని సీఎంహెచ్‌ఓను ఆదేశించారు. కార్యక్రమంలో సీఎంహెచ్‌ఓ రాజారెడ్డి, ఈఈ మహేందర్‌, డీఈ శివానంద్‌, ఏఈలు సంతోశ్‌కుమార్‌, ఫణి, కాంట్రాక్టర్లు పాల్గొన్నారు.

హన్మకొండ: పీఎం కుసుం పథకంలో భాగంగా రైతులతో ఏర్పాటు చేయనున్న సోలార్‌ పవర్‌ ప్లాంట్‌ పవర్‌ పర్చేజ్‌ అగ్రిమెంట్‌ కార్యక్రమం షురూ అయ్యింది. టీజీ ఎన్పీడీసీఎల్‌లో రెండు రోజుల పాటు జరగనున్న ఈ కార్యక్రమంలో సోమవారం హనుమకొండలోని కంపెనీ కా ర్యాలయంలో ప్రారంభమైంది. కేంద్ర ప్రభుత్వం సోలార్‌ విద్యుత్‌ ఉత్పత్తి పెంచేందుకు, సోలార్‌ ప్లాంట్‌ ఏర్పాటుపై రైతులను ప్రోత్సహించేందుకు ప్రధాన మంత్రి కిసాన్‌ ఉర్జా సురక్షా ఎవం ఉత్థాన్‌ మహాభీయాన్‌ (పీఎం కుసుం) పథకం తీసుకొచ్చింది. ప్రధానంగా రైతులను సౌర విద్యుత్‌ ఉత్పత్తి వైపు ప్రోత్సహిస్తుంది. రాష్ట్రాల్లో కేంద్ర, రాష్ట్ర ప్రభుత్వాలు ఈ పథకాన్ని అమలు చేస్తున్నాయి. తెలంగాణ పు నరుద్ధరణీయ ఇంధన వనరుల అభివృద్ధి సంస్థ, టీజీ ఎన్పీడీసీఎల్‌, టీజీ ఎస్‌పీడీసీఎల్‌ ద్వా రా ఈ పథకాన్ని అమలు చేస్తోంది. రైతులు ఉ త్పత్తి చేసిన విద్యుత్‌ను స్థానిక డిస్కంలు ముందుగా నిర్ణయించిన టారిఫ్‌ ధరలకు కొనుగోలు చేస్తాయి. సోలార్‌ ప్లాంట్‌ ఏర్పాటు చేయడానికి స్థలం 33/11 కేవీ సబ్‌ స్టేషన్‌కు 5 కిలో మీటర్ల లోపు దూరం మాత్రమే ఉండాలి. 500 కిలో వాట్ల నుంచి 2 మెగావాట్ల ఉత్పత్తి వరకు సోలా ర్‌ ప్లాంట్‌ ఏర్పాటు చేసుకోవచ్చు. రాష్ట్ర వ్యా ప్తంగా 4 వేల మెగావాట్ల సోలార్‌ విద్యుత్‌ ఉ త్పత్తి చేయాలని లక్ష్యంగా పెట్టుకున్నారు. ఇందులో వెయ్యి మెగావాట్లు మహిళా స్వయం సహాయక సంఘాల ద్వారా ఉత్పత్తి చేయాలని ప్రభుత్వం నిర్ణయించింది. మిగతా 3 వేల మె గావాట్లు రైతులతో సోలార్‌ ప్లాంట్‌ ఏర్పాటు చే యించి ఉత్పత్తి చేయాలదే ఈ పథం ఉద్దేశం. టీజీ ఎన్పీడీసీఎల్‌ పరిధిలోని 16 సర్కిళ్ల పరిధిలో దరఖాస్తు చేసుకుని రూ.లక్ష చొప్పున ఈఎండీ చెల్లించిన 461 మందికి రెడ్‌ కో లెటర్‌ ఆఫ్‌ ఆక్సెప్టెనీ జారీ చేసింది. వీరితో ఇప్పుడు పవర్‌ పర్చేజ్‌ అగ్రిమెంట్‌ చేసుకుంటున్నారు. కాగా, మొదటి రోజు 80కి పైగా పవర్‌ పర్చేజ్‌ అగ్రిమెంట్‌లు జరిగాయి. ఈ కార్యక్రమం మంగళవారం కూడా కొనసాగనుంది. ఇన్‌చార్జ్‌ డైరెక్టర్లు బి.అశోక్‌ కుమార్‌, వి.తిరుపతిరెడ్డి, టి.మధుసూదన్‌, ఐపీసీ అండ్‌ రాక్‌ చీఫ్‌ ఇంజనీర్‌ కె.వెంకటరమణ, తదితరులు పాల్గొన్నారు. టీజీ ఎన్పీడీసీల్‌ ప్రధాన కార్యాలయంలో ప్రారంభం తొలి రోజు 80కి పైగా పీపీఏలు రెండు రోజుల పాటు కొనసాగింపు

శాయంపేట : భార్య వేధింపులు తట్టుకోలేక ఓ ఆర్మీ జవాన్‌ ఆత్మహత్యాయత్నానికి పాల్పడ్డాడు. ఈ ఘటన ఆదివారం రాత్రి జరిగింది. కుటుంబీకుల కథనం వివరాల ప్రకారం.. మండలంలోని మైలారం గ్రామానికి చెందిన అరికిల్ల ప్రవీణ్‌ సికింద్రాబాద్‌ తిరుమలగిరిలోని టెరిటోరియల్‌ ఆర్మీ 125 బెటాలియన్‌లో విధులు నిర్వహిస్తున్నాడు. ఈ క్రమంలో పరకాల మండలం నాగారం గ్రామానికి చెందిన రజనికతో 2020లో వివాహమైంది. కొంత కాలంగా దంపతుల మధ్య తరుచూ గొడువలు జరుగుతున్నాయి. భార్యతోపాటు అత్తింటి వారు కూడా ప్రవీణ్‌ను ఇబ్బందులకు గురి చేస్తున్నారు. ప్రవీణ్‌ ఉద్యోగానికి వెళ్లకుండా ఐడీ కార్డు దాచిపెట్టి వేధించారు. ఈక్రమంలో ప్రవీణ్‌ రెండు నెలల క్రితం విధులకు వెళ్లగా తన భార్య బెటాలియన్‌ వద్దకు వెళ్లింది. అక్కడ గొడవ చేసి ప్రవీణ్‌ పరువు తీయడంతో మనస్తాపం చెందాడు. దీంతో సెలవుల నిమిత్తం ప్రవీణ్‌.. ఈ నెల 6న ఇంటికొచ్చి కుటుంబీకులతో మాట్లాడి హనుమకొండకు వెళ్లాడు. 8న హనుమకొండలోనే గడ్డి మందు తాగి ఆత్మహత్యయత్నానికి పాల్పడి తన అన్న ప్రసాద్‌కు ఫోన్‌ చేసి చెప్పాడు. దీంతో వెంటనే ప్రవీణ్‌ను తిరుమలగిరిలోని మిలటరీ ఆస్పత్రికి తరలించారు. ప్రస్తుతం ప్రవీణ్‌ పరిస్థితి విషమంగా ఉన్నట్లు సమాచారం. ఆత్మహత్యాయత్నానికి ముందు ప్రవీణ్‌ సూసైడ్‌ నోట్‌ రాశాడు. అందులో ‘డియర్‌ ఫ్రెండ్స్‌ నేను చనిపోతున్నా.. నా చావుకి కారణమెవరో వాళ్లకు తెలుసు. వాళ్ల టార్చర్‌ తట్టుకోలేకపోతున్నా. అన్నా అమ్మను జాగ్రత్తగా చూసుకో. మన గ్రామంలో వాలీబాల్‌ టీమ్‌ బతకాలి, ఎప్పుడూ గేమ్‌ను వదలొద్దు’ అని పేర్కొన్నారు.

● 11న ఉచిత మెగా వైద్యశిబిరం జనగామ: పట్టణంలోని హైదరాబాద్‌ రోడ్డున ఉన్న వేద పంచకర్మ వెల్‌నెస్‌ సెంటర్‌లో ఈనె ల 11 నుంచి 15వ తేదీ వరకు రాష్ట్ర స్థాయి ఆ యుర్వేద వైద్య సదస్సు నిర్వహిస్తున్నట్లు వెల్‌నెస్‌ సెంటర్‌ ఫౌండర్‌ అంజిరెడ్డి సోమవారం తెలిపారు. ‘కౌశలం 2025 ఆయుర్వేదం’ పేరుతో విశ్వ ఆయుర్వేద పరిషత్‌ తెలంగాణ శాఖ ఆధ్వర్యంలో జనగామ వేద పంచకర్మ, వెల్‌నెస్‌ సహకారంతో నిర్వహించే ఈ సదస్సుకు ఢిల్లీ, ముంబాయి, కర్ణాటక, ఏపీ, తెలంగాణ తదితర రాష్ట్రాల నుంచి వైద్య విద్యార్థులు, వైద్యులు, ప్రముఖులు హాజరుకానున్నట్లు చెప్పారు. పంచకర్మ విధానాలపై హ్యాండ్స్‌ ఆన్‌ ట్రైనింగ్‌, ఓపీ, ఐపీడీ సందర్శనలు, ఆయుర్వేద చికిత్స విధానాలపై చర్చా గోష్టి, ప్రాక్టికల్‌ శిక్షణ ఉంటుందని పేర్కొన్నారు. ఈ సదస్సు ద్వారా ఆయుర్వేద వైద్య విద్యార్థులు నైపుణ్య చికిత్స విధానం, భవిష్యత్‌ అవకాశాలు తెలుసుకోవచ్చన్నారు. ఇదిలా ఉండగా 11వ తేదీన ఉదయం 10 నుంచి మధ్యాహ్నం 12.30 గంటల వరకు ఉచిత ఆయుర్వేద మెగా వైద్య శిబిరం నిర్వహిస్తున్నామని, ఈ అవకాశాన్ని సద్వినియోగం చేసుకోవాలని కోరారు. అనుమతిలేని విత్తనాలు విక్రయించొద్దు ● విజిలెన్స్‌ డీఎస్పీ మల్లయ్య ● విజిలెన్స్‌ అండ్‌ ఎన్‌ఫోర్స్‌మెంట్‌ ఆధ్వర్యంలో దాడులు ఖిలా వరంగల్‌ : ప్రభుత్వ అనుమతులు లేని పు రుగు మందులు, విత్తనాల విక్రయించినా, నిల్వచేసినా చట్టరీత్యా చర్యలు తప్పవని విజిలెన్స్‌ డీఎస్పీ బి.మల్లయ్య, ఏఓ రవీందర్‌ హెచ్చరించారు. సోమవారం వరంగల్‌ స్టేషన్‌రోడ్డు, ఫోర్ట్‌రోడ్డులోని సీడ్స్‌, పురుగు మందుల షాపులపై విజిలెన్స్‌, వ్యవసాయశాఖ సంయుక్త ఆధ్వర్యంలో ఆకస్మికంగా దాడులు నిర్వహించారు. పలు విత్తనాల షాపుల్లో అధికారులు తనిఖీలు చేపట్టారు. ఫెర్టిలైజర్‌ షాపుల్లో రికార్డుల్లో నమోదు చేయని రూ.1,12, 03,718ల విలువైన పురుగు మందులను అధికారులు గుర్తించి సీజ్‌ చేశారు. ఈ సందర్భంగా డీఎస్పీ, ఏఓలు మాట్లాడుతూ నిబంధనల మేరకు విత్తనాలు విక్రయించాలని, రికార్డుల ప్రకారం స్టాక్‌ మెంటేన్‌ చేయాలని సూచించారు. రైతులు ఎరువులు, విత్తనాలు, పురుగు మందులను కొనుగోలు చేసేటప్పుడు డీలర్‌ను కచ్చితంగా రశీదు తీసుకో వాలని సూచించారు. ఆలాగే బీటీ–3 విత్తనాలు ఎవరైనా అమ్మితే పోలీసు, వ్యవసాయశాఖ ఆధికా రులకు సమాచారం అందించాలని పేర్కొన్నారు. తనిఖీలో ఇన్‌స్పెక్టర్‌ రాకేష్‌, రెవెన్యూ అధికారి ఏవీ భాస్కర్‌, పీ.రవి తదితరులు పాల్గొన్నారు.

సాక్షిప్రతినిధి, వరంగల్‌: కాంగ్రెస్‌ అధిష్టానం కీలక నిర్ణయం తీసుకుంది. ఏఐసీసీ తాజాగా 27 మంది నేతలకు పార్టీ ఉపాధ్యక్ష పదవి, 69 మందికి రాష్ట్ర ప్రధాన కార్యదర్శి పదవులకు అవకాశం కల్పించింది. ఈ మేరకు ఏఐసీసీ ప్రధాన కార్యదర్శి కే.సీ.వేణుగోపాల్‌ సోమవారం రాత్రి ఉత్తర్వులు జారీ చేశారు. వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, పాలకుర్తి నియోజకవర్గ ఇన్‌చార్జ్‌ హనుమాండ్ల ఝాన్సీరెడ్డితోపాటు మాజీ ఎమ్మెల్సీ బస్వరాజు సారయ్య, నమిండ్ల శ్రీనివాస్‌, లకావత్‌ ధన్వంతి, టి.కుమార్‌రావులను రాష్ట్ర ఉపాధ్యక్షులుగా నియమించారు. అదేవిధంగా టీపీసీసీ ప్రధాన కార్యదర్శులుగా బొద్దిరెడ్డి ప్రభాకర్‌రెడ్డి, ఈవీ శ్రీనివాసరావు, కత్తి వెంకటస్వామి, మల్లాడి రాంరెడ్డిలకు అవకాశం దక్కింది. ఉపాధ్యక్షులు, ప్రధాన కార్యదర్శులుగా పలువురికి అవకాశం

● ముగిసిన నామినేషన్ల ప్రక్రియకేయూ క్యాంపస్‌ : కాకతీయ యూనివర్సిటీలో ఉద్యోగుల ఎన్నికల సందడి నెలకొంది. కే యూలో ఎన్‌జీఓ, క్లాస్‌ఫోర్త్‌ ఎంప్లాయీస్‌ అసోసియేషన్‌ ఎన్నికల ప్రక్రియకు ఇటీవలనే అధికారులు నోటిఫికేషన్‌ ఇచ్చి నామినేషన్లను స్వీకరించారు. వివిధ పదవులకు నామినేషన్లను స్వీకరించారు. సోమవారం సాయంత్రం నామినేషన్ల ప్ర క్రియ ముగిసింది. కేయూ ఎన్‌జీఓ అధ్యక్ష పదవికి నవీన్‌కుమార్‌, ని రంజన్‌, పోతు రాజు, జనరల్‌ సెక్రటరీగా తిరుపతి, నిరంజన్‌, అక్రమ్‌ మహ్మద్‌ నామినేషన్లు వేశారు. కోశాధికారి పదవికి దామోదర్‌, రాజు, సహెచ్‌ ప్రవీణ్‌కుమార్‌లు పోటీపడుతున్నారు. మిగతా పదవులకు నలుగురి చొప్పున అభ్యర్థులు పోటీపడుతున్నారు. మహిళా కార్యదర్శి కోసం ముగ్గురు ఉద్యోగులు పోటీపడుతున్నారు. క్లాస్‌ ఫోర్త్‌ ఎంప్లాయీస్‌ అసోసియేషన్‌ ఎన్నికలల్లో అధ్యక్ష పదవికి గుమ్మయ్య, కోర్నెల్‌, నిజాముద్దీన్‌లు, జనరల్‌ సెక్రటరీ కోసం బొక్క మొగిలి ,అంకూస్‌లు నామినేషన్లు వేశారు. ఈనెల 13వరకు నామినేషన్ల ఉపసంహరణ గ డువు ఉంది. ఓటింగ్‌ ఈనెల 20న నిర్వహించనున్నారు. 21న ఫ లితాలను వెల్లడిస్తారు. ఎన్నికల అసిస్టెంట్‌ రిటర్నింగ్‌ ఆఫీసర్‌గా అసిస్టెంట్‌ రిజిస్ట్రార్‌ పంజాల శ్రీధర్‌ వ్యవహరిస్తున్నారు. నామినేషన్ల ప్రక్రియ ముగిశాక జాబితాను రాత్రి 8 గంటలకు వెల్లడించారు.

కాజీపేట రూరల్‌ : కాజీపేట రైల్వే డ్రైవర్ల కార్యాలయ కేంద్రంగా పని చేస్తున్న క్రూ (లోకోపైలెట్‌, అసిస్టెంట్‌ లోకోపైలెట్‌)లను మెయిన్‌లైన్‌లో కాకుండా బొగ్గు, సిమెంట్‌ సైడిండ్‌ పాయింట్లకే పరిమితం చేసి పని చేయిస్తున్నారని రన్నింగ్‌స్టాఫ్‌ రైల్వే కార్మికులు ఆరోపిస్తున్నారు. కాజీపేట క్రూ డిపో ఏర్పాటు చరిత్రలో ఇప్పటి వరకు లోకోపైలెట్లు, అసిస్టెంట్‌ లోకోపైలెట్లు మెయిన్‌లైన్‌లో కాజీపేట–బల్లార్షా వరకు అప్‌ అండ్‌ డౌన్‌లో విధులు నిర్వర్తించేవారని వారు పేర్కొంటున్నారు. ఈ క్రమంలో సికింద్రాబాద్‌ రైల్వే యంత్రాంగం అనాలోచితంగా కాజీపేట క్రూ డిపోను చిన్నచూపు చూస్తూ క్రూ వర్కింగ్‌ సిస్టం నిర్వీర్యం చేస్తోందని ఆందోళన వ్యక్తం చేస్తున్నారు. కొన్ని రోజుల నుంచి కొంత సిబ్బందిని (కాజీపేట క్రూలు) మంచిర్యాల, మందమర్రి, రామగుండం, బెల్లంపల్లిలో సైడింగ్‌లకు పరిమితం చేసి వర్కింగ్‌ చేయిస్తున్నారని, ఖాళీ వ్యాగన్లతో గూడ్స్‌ను తీసుకెళ్లి లోడింగ్‌ చేయించడం, అక్కడ ఉండి మళ్లీ లోడింగ్‌ చేయిస్తున్నారని ఆవేదన వ్యక్తం చేస్తున్నారు. ఇటీవల కోచింగ్‌ క్రూ లింక్‌లను కూడా విడదీస్తూ గూడ్స్‌ డ్రైవర్ల వర్కింగ్‌ మాదిరి ఫస్ట్‌ ఇన్‌ ఫస్ట్‌ ఔట్‌ విధానంలో కోచింగ్‌ క్రూలను బుక్‌ చేస్తున్నారని రన్నింగ్‌స్టాఫ్‌ పేర్కొంటున్నారు. హెడ్‌క్వార్టర్స్‌, ఔట్‌ స్టేషన్లలో ఈ విధానం పాటించడం వల్ల హెచ్‌ఓఈఆర్‌ (అవర్స్‌ ఆఫ్‌ ఎంప్లాయిమెంట్‌ రూల్స్‌) నిబంధనలు ఉల్లంఘనకు గురై ప్రయాణికులకు భద్రత లేకుండా పోయే ప్రమాదం ఉందంటున్నారు. దీనిపై ఇప్పటికై నా సికింద్రాబాద్‌ రైల్వే యంత్రాంగం స్పందించి కాజీపేట క్రూ డిపో, లోకోపైలెట్ల, అసిస్టెంట్‌ లోకోపైట్ల ప్రాధాన్యం తగ్గించొద్దని రైల్వే నాయకులు, రన్నింగ్‌స్టాఫ్‌ కార్మికులు సోమవారం కోరారు. కాగా, ఇటీవల వరుసగా ప్రజాప్రతినిధులు, దక్షిణ మధ్య రైల్వే అధికారులతో ఏదో ఒక విషయంపై చర్చిస్తున్న నేపథ్యంలో ప్రస్తుతం క్రూల పనితీరుపై లోకోపైలెట్‌, అసిస్టెంట్‌ లోకోపైలెట్లు ఆరోపణలు చేయడం గమనార్హం. సైడింగ్‌ పాయింట్లకే కాజీపేట రైల్వే క్రూల పరిమితం ఆందోళనలో రన్నింగ్‌ స్టాఫ్‌ కార్మికులు

ఖిలా వరంగల్‌: తమ జీవనాధారమైన 14 గుంటల భూమిని కబ్జా చేశారనే మనస్తాపంతో ఓ వ్యక్తి పెట్రోల్‌ పోసుకుని ఆత్మహత్యకు యత్నించాడు. ఈ ఘటన వరంగల్‌–ఖమ్మం జాతీయ రహదారిపై ఉర్సుగుట్ట తాళ్లపద్మావతి కాలేజీ సమీపంలో చోటు చేసుకుంది. బాధితుల కథనం ప్రకారం.. వరంగల్‌ కరీమాబాద్‌కు చెందిన పోలపాక కుమారస్వామి ఆటో డ్రైవర్‌గా పనిచేస్తూ తన కుటుంబాన్ని పోషించుకుంటున్నాడు. వారసత్వంగా సంక్రమించిన భూ మిని విక్రయించగా.. మిగతా 14గంటల భూమి ఉర్సు గుట్ట తాళ్లపద్మావతి కళాశాల సమీపంలో ఉంది. ఇటీవల తాళ్ల మల్లేశం, బండి కుమారస్వామి, పులి రజింత్‌రెడ్డి అనే వ్యక్తులు 14 గుంటల భూమి కబ్జా చేసి ప్రహరీ నిర్మించారు. ఆ భూమి తమదేన ని పత్రాలతో వెళ్తే ఎస్సీ, ఎస్టీ పేరుతో దుర్బాషలా డుతూ బెదిరింపులకు పాల్పడ్డారు. దీంతో మనస్తా పం చెందిన కుమారస్వామి సోమవారం సాయంత్రం తన భూమి వద్దకు వెళ్లాడు. తనకు న్యాయం చేయాలని కలెక్టర్‌కు సూసైడ్‌ నోట్‌ రాసి ఒంటిపై పె ట్రోల్‌ పోసుకుని ఆత్మహత్యకు యత్నించాడు. ఈవి షయం తెలిసిన వెంటనే మిల్స్‌కాలనీ ఎస్సై శ్రీకాంత్‌ ఘటనా స్థలికి చేరుకున్నారు. బాధితుడి బంధువులతో మాట్లాడి వివరాలు సేకరించారు. బాధితుడికి 80 శాతంపైగా గాయాలు కావడంతో బంధువులు హుటాహుటిన 108లో ఎంజీఎం తరలించారు. ముగ్గురిపై కేసు నమోదు.. తన 14 గంటలు భూమిని కబ్జా చేశారని ఆరోపిస్తూ పొలెపాక కుమారస్వామి ఆత్మహత్యకు యత్నించి ఎంజీఎంలో చావుబతుకుల్లో కొట్టుమిట్టాడుతున్నాడు. దీనిపై కుమారస్వామి కుమారుడు రాంకుమార్‌ ఫిర్యాదు మేరకు పులి రజింత్‌రెడ్డి, బండి కుమారస్వామి, తాళ్ల మల్లేశంపై కేసు నమోదు చేసి దర్యాప్తు చేస్తున్నట్లు ఎస్సై శ్రీకాంత్‌ తెలిపారు. వ్యక్తి ఆత్మహత్యాయత్నం ఉర్సుగుట్టలో ఘటన న్యాయం చేయాలని కలెక్టర్‌కు సూసైడ్‌నోట్‌

ఎల్కతుర్తి : వివాహిత హత్యకేసులో నిందితుడిని అరెస్ట్‌ చేసినట్లు కాజీపేట ఏసీపీ పింగిళి ప్రశాంత్‌రెడ్డి తెలిపారు. ఈ మేరకు సోమవారం ముల్క నూరు పోలీస్‌స్టేషన్‌లో ఏర్పాటు చేసిన విలేకరుల సమావేశంలో వివరాలు వెల్లడించారు. భీమదేవరపల్లి మండలం గట్లనర్సింగాపూర్‌కు చెందిన మృతురాలు కోల సుమలత, నిందితుడు గూళ్ల రాజు ఇళ్లులు పక్కపక్కన ఉంటాయి. ఈ క్రమంలో మూడు సంవత్సరాల క్రితం రాజుకు చెందిన లేగదూడ చని పోయిన విషయంలో గొడవ జరిగింది. ఈ ఘటనలో సుమలత బావ సంపత్‌ను కొట్టిన విషయంలో రాజుపై ముల్కనూరు పీఎస్‌లో కేసు నమోదైంది. దీంతో రాజు రెండు రోజులు జైలుల్లో ఉండి బెయిల్‌ పై బయటకు వచ్చాడు. ఈ కేసులో సుమలత ప్రత్య క్ష సాక్షిగా ఉండగా నిందితుడు తనను పలుమార్లు రాజీ పడాలని కోరగా సుమలత వినలేదు. ఈ కేసులో సాక్ష్యం చెప్పొద్దని, రాజీ పడాలని రాజు.. సుమలత ఇంటికెళ్లి చంపుతానని బెదిరిస్తున్న సమయంలో మృతురాలి కుమారుడు వెంకటేశ్‌ అడ్డొచ్చాడు. దీంతో అతడిపై గొడ్డలితో దాడికి పాల్పడిన ఘటనలో ఇదే పీఎస్‌లో రాజుపై హత్యాయత్నం కేసు న మోదు కాగా నిందితుడు 60 రోజుల పాటు జైలులో ఉండి మెయిల్‌పై బయటకు వచ్చాడు. ఈ క్రమంలోనే మొదటి కేసు ట్రయల్‌కు వచ్చింది. ఈ నెల 11న పేషీ ఉంది. ఈ కేసులో సుమలత సాక్ష్యం చెప్పితే శిక్ష పడుతుందని తెలిసి కొన్ని రోజుల నుంచి రాజు.. సుమలతను రాజీపడమని బెదిరించగా ఆమె వినలేదు. ఈ క్రమంలో ఈనెల 5న సుమలత ఇంటివద్ద ఉంది. దీంతో సుమలతను చంపితే కేసులో శిక్ష నుంచి తప్పించుకోచ్చని భావించిన రాజు.. గొడ్డలితో ఆమైపె దాడికి పాల్పడడంతో అక్కడికక్కడే మృతి చెందింది. ఈ ఘటనపై పోలీసులు మూడు బృందాలుగా ఏర్పడి నిందితుడి కోసం గాలింపు చర్యలు చేపట్టారు. ఈక్రమంలో ముల్క నూరు గ్రామ శివారులో కనిపించగా పట్టుకుని అరెస్ట్‌ చేసినట్లు ఏసీపీ తెలిపారు. కాగా, నిందితుడిని పట్టుకోవడంలో సమర్థవంత విధులు నిర్వర్తించిన సీఐ పులి రమేశ్‌, ఎస్సైలు సాయిబాబు, ప్రవీణ్‌కుమార్‌, దివ్యను ఏసీపీ అభినందించారు. వివరాలు వెల్లడించిన కాజీపేట ఏసీపీ

● కాపాడే ప్రయత్నంలో మరో ఇద్దరికి షాక్‌ ● తండాధర్మారం గ్రామంలో సంఘటన మరిపెడ రూరల్‌: విద్యుదాఘాతంతో ఓ వృద్ధుడు మృతి చెందాడు. అతడిని కాపాడే యత్నంలో మరో ఇద్దరు షాక్‌కు గురయ్యారు. ఈ ఘటన సోమవారం మరిపెడ మండలం తండాధర్మారం గ్రామంలో చోటు చేసుకుంది. స్థానికుల కథనం ప్రకారం.. గ్రామానికి చెందిన ధరంసోత్‌ పత్యానాయక్‌ (70) ఎదురింటి కప్పుపై పట్టాలు కల్పి దానికి ఇనుప తీగ బిగించారు. కరెంట్‌ తీగ ఆ ఇంటిపై బిగించిన ఇనుప తీగకు ఆనుకుని విద్యుత్‌ సరఫరా అయ్యింది. ఈ క్రమంలో పత్యానాయక్‌ ఆ ఇంటి ఎదుట పని చేస్తుండగా ఇనుప తీగ తగలడంతో షాక్‌ తగిలి కిందపడ్డాడు. అతడిని కాపాడే ప్రయత్నంలో మనవడు సతీశ్‌, కోడలు బుజ్జి షాక్‌ గురయ్యారు. ఇది గమనించిన మరో మనవడు రాజేశ్‌ కర్ర సాయంతో వారిని రక్షించాడు. ప్రాణాపాయస్థితి నుంచి కోడలు, మనవడు బయటపడగా పత్యానాయక్‌ మాత్రం అక్కడికక్కడే మృతి చెందాడు. మృతుడికి భార్య, ముగ్గురు కుమారులు, ఓ కుమార్తె ఉన్నారు. కారు బోల్తా.. ముగ్గురికి గాయాలుమడికొండ: ప్రమాదవశాత్తు కారు బోల్తా పడటంతో ముగ్గురికి గాయాలయ్యాయి. ఈ ఘటన మడికొండ–ధర్మసాగర్‌ రోడ్డులో సోమవారం రాత్రి జరిగింది. స్థానికుల కథనం ప్రకారం.. ధర్మసాగర్‌ మండలం దామెరకు చెందిన అశోక్‌ ప్రైవేట్‌ సర్వేయర్‌గా పనిచేస్తు కారులో పని నిమిత్తం హనుమకొండకు వెళ్లి తిరిగి మడికొండ నుంచి ధర్మసాగర్‌ వైపు వెళ్తున్నాడు. ధర్మసాగర్‌ పెట్రోల్‌ పంపు సమీపంలో టైరు బ్లాస్ట్‌ కావడంతో కారు బోల్తా పడింది. ఈ సంఘటనలో అశోక్‌తో పాటు అతని కుటుంబ సభ్యులకు సైతం గాయాలయ్యాయి. స్థానికులు చికిత్స నిమిత్తం 108వాహనంలో ఎంజీఎం ఆస్పత్రికి తరలించారు. పోలీసులు ఘటనస్థలానికి చేరుకుని వివరాలను సేకరించి దర్యాప్తు చేస్తున్నట్లు తెలిపారు.

● హనుమకొండ కలెక్టర్‌ ప్రావీణ్య హన్మకొండ అర్బన్‌: ప్రజావాణిలో వివిధ రకాల సమస్యలపై ప్రజలనుంచి స్వీకరించిన వినతులు ఆయా శాఖల అధికారులు త్వరగా పరిష్కరించాల ని హనుమకొండ కలెక్టర్‌ ప్రావీణ్య ఆదేశించారు. సోమవారం కలెక్టరేట్‌లో నిర్వహించిన ప్రజావాణిలో కలెక్టర్‌ ప్రావీణ్య హాజరై ప్రజలనుంచి వినతులు స్వీకరించారు. వివిధ శాఖల సంబంధించి మొత్తం 137 వినతులు స్వీకరించినట్లు కలెక్టర్‌ తెలిపారు. కార్యక్రమంలో అదనపు కలెక్టర్‌ వెంకట్‌రెడ్డి, డీఆర్‌ఓ వై.వి గణేష్‌, డీఆర్‌డీఓ పీడీ మేన శ్రీను, హనుమకొండ, పరకాల ఆర్‌డీఓలు రమేష్‌, నారాయణ, అధికారులు పాల్గొన్నారు. లోపాలు చూపినందుకు బహిష్కరించారు..పెద్ద మనుషుల లోపాలు ఎత్తి చూపినందుకు తనను కుల బహిష్కరించి ఇబ్బందులకు గురి చేసున్నారని, వారిపై చట్టరీత్యా చర్యలు తీసుకొని న్యాయం చేయాలని హసన్‌పర్తి మండలం జయగిరికి చెందిన తాళ్లపల్లి రామకృష్ణ వాపోయారు. తనకు జరిగిన అన్యాయంపై చర్యలు తీసుకోవాలని ప్రజావాణిలో అధికారులకు వినతిపత్రం అందించారు. గౌడ వృత్తిమీద జీవనోపాధి పొందుతున్న తనను పెద్ద మనుషుల తప్పులను లేవనెత్తినందుకు తాళ్లు ఎక్కకుండా కుల బహిష్కరణ చేసి పరువు తీస్తూ, ఐదు నెలలుగా జీవనోపాధిని దూరం చేసి ఆర్థికంగా, మానసికంగా ఇబ్బందులకు గురి చేస్తున్నారని పేర్కొన్నారు. వృద్ధాశ్రమంలో చేర్పించండి..నాభర్త వెంకటరెడ్డి 14 ఏళ్ల క్రితం చనిపోయాడు. మాకున్న 16 ఎకరాల భూమిని పిల్లలకు సమానంగా పంచేశాం. నాభర్త చనిపోయాక నన్ను ఎవరూ సాకడం లేదు. వారితో పోరాడి వారిని ఎదురించే స్తోమత నాకు లేదు. నాకున్నది ఒక ఇల్లు, ఇంటి స్థలం మాత్రమే. నన్ను వృద్ధాశ్రమంలో చేర్పించండి. నా ఆలనాపాలనా చూసి, నా అంత్యక్రియలు చేసిన వారికే నా ఇల్లు, ఇంటి స్థలం చెందేలా అఽధికారులు చర్యలు తీసుకోండి. – చింతకుంట్ల కమలమ్మ, ఊరుగొండ

● వరంగల్‌ కలెక్టర్‌ సత్యశారద ● సీకేఎం ఆస్పత్రిలో ఆకస్మిక తనిఖీలు ఎంజీఎం: ప్రభుత్వ ప్రసూతి ఆస్పత్రికి వచ్చే గర్భిణులు, బాలింతలు, నవజాత శిశువులకు మెరుగైన వైద్యసేవలు అందించాలని వరంగల్‌ కలెక్టర్‌ డాక్టర్‌ సత్యశారద అధికారులను ఆదేశించారు. వరంగల్‌లోని సీకేఎం ప్రభుత్వ ప్రసూతి ఆస్పత్రిని సోమవారం ఆమె ఆకస్మికంగా తనిఖీ చేశారు. ఇన్‌ పేషెంట్‌, ఔట్‌ పేషెంట్‌, నవజాత శిశువులకు అందిస్తున్న వైద్యసేవల గదులతోపాటు ల్యాబ్‌లు, పలు విభాగాలను పరిశీలించారు. పలు రికార్డులను తనిఖీ చేశారు. ఆస్పత్రిలోని ఐపీ, ఓపీ సంఖ్యను అడిగి తెలుసుకున్నారు. సాధారణ ప్రసవాలు పెంచాలన్నారు. పలువురు గర్భిణులు, బాలింతలతో మాట్లాడి అందుతున్న వైద్యం గురించి తెలుసుకున్నారు. శానిటేషన్‌ వ్యవస్థ మెరుగుపర్చాలని, సెప్టిక్‌ ట్యాంకు వేగంగా శుభ్రం చేయాలన్నారు. బాలింత ప్లేట్‌లో భోజనాన్ని గమనించిన కలెక్టర్‌ మెనూ పాటించకపోవడంపై వార్డు ఇన్‌చార్జ్‌ స్టాఫ్‌ నర్స్‌, ఇన్‌చార్జ్‌ డైటీషియన్‌, కాంట్రాక్టర్‌పై ఆగ్రహం వ్యక్తం చేశారు. మెమో జారీ చేయాలని ఆర్‌ఎంఓను ఆదేశించారు. అన్నపూర్ణ భోజనం క్యాంటీన్‌ను ఆస్పత్రి బయటికి మార్చాలని, ఆస్పత్రి ఇరువైపులా వెంటనే సీసీ కెమెరాలు అమర్చాలని ఆదేశించారు. కార్యక్రమంలో ఆస్పత్రి ఆర్‌ఎంఓలు మురళి, రమేశ్‌, ఇన్‌చార్జ్‌ సూపరింటెండెంట్‌ స్వరూప, సృజన, కుమార్‌, వైద్యులు, సిబ్బంది తదితరులు పాల్గొన్నారు.

పశ్చిమ ఎమ్మెల్యే నాయిని రాజేందర్‌ రెడ్డి హన్మకొండ: హనుమకొండ గోకుల్‌ జంక్షన్‌ అభివృద్ధిపై ప్రత్యేక దృష్టి సారించినట్లు వరంగల్‌ పశ్చిమ ఎమ్మెల్యే నాయిని రాజేందర్‌ రెడ్డి తెలిపారు. సోమవారం గోకుల్‌ జంక్షన్‌ను కమిషనర్‌ అశ్విని తానాజీ వాకడే, మేయర్‌ గుండు సుధారాణితో కలిసి ఆయన పరిశీలించారు. కాలనీవాసులు తాము ఎదుర్కొంటున్న సమస్యలు వారికి వివరించారు. అశోక కాలనీ వరద ముంపునకు గురవుతోందని, భారీ వర్షానికి గోకుల్‌నగర్‌లో వరద ఉప్పొంగుతుందని, ఎగువనుంచి వస్తున్న వరద వెళ్లే మార్గం లేక కాలనీలు ముంపునకు గురవుతున్నాయని వివరించారు. ఈసందర్భంగా ఎమ్మెల్యే నాయిని రాజేందర్‌ రెడ్డి మాట్లాడుతూ.. అంబేడ్కర్‌ భవన్‌ నుంచి సమ్మయ్యనగర్‌ వరకు ప్రస్తుత డ్రెయినేజీకి ప్రత్యామ్నాయంగా మరోవైపు తాత్కాలిక కాలువ తవ్వాలని ఆదేశించారు. గోకుల్‌ జంక్షన్‌ అభివృద్ధిలో భాగంగా తగిన విద్యుద్దీపాలు, ఫుట్‌పాత్‌లు, సిగ్నల్‌ వ్యవస్థలు తదితర అంశాలపై ప్రణాళిక రూపొందించాలని సంబంధిత అధికారులకు సూచించారు. కార్యక్రమంలో పీసీసీ మెంబర్‌ ఈవీ శ్రీనివాస్‌రావు, జిల్లా మహిళా కాంగ్రెస్‌ అధ్యక్షురాలు బంక సరళ సంపత్‌ యాదవ్‌, బ్లాక్‌ కాంగ్రెస్‌ అధ్యక్షులు నాయిని లక్ష్మారెడ్డి, బంక సంపత్‌ యాదవ్‌, అశోక కాలనీ అభివృద్ధి కమిటీ అధ్యక్షుడు ఎం.కృష్ణారెడ్డి, రిటైర్డ్‌ ఇంజనీర్‌ నల్ల సుధాకర్‌రెడ్డి తదితరులు పాల్గొన్నారు.

వర్ధన్నపేట ఎమ్మెల్యే కేఆర్‌.నాగరాజు హన్మకొండ/హసన్‌పర్తి: ఇందిరమ్మ పథకం కింద ఇల్లు నిర్మిస్తున్న వారు దీపావళి నాటికి గృహ ప్రవేశాలు చేయాలని వర్ధన్నపేట ఎమ్మెల్యే కేఆర్‌.నాగరాజు అన్నారు. నగరంలోని 1, 2, 3, 43, 44, 45, 46, 55, 56, 65, 66వ డివిజన్‌ల్లోని ఇందిరమ్మ లబ్ధిదారులకు సోమవారం అంబేడ్కర్‌ భవన్‌లో జరిగిన కార్యక్రమంలో మంజూరు పత్రాలు అందించారు. ఈసందర్భంగా ఆయన మాట్లాడుతూ.. రాజకీయాలకతీతంగా అర్హులందరికీ ఇళ్లు ఇస్తామన్నారు. ఇళ్లు ఇప్పిస్తామని వచ్చే దళారులను నమ్మొద్దని సూచించారు. ఇల్లు కట్టుకునేందుకు ఆర్థికస్థోమత లేనివారికి మహిళా సంఘాల ద్వారా రుణసాయం చేయాలని సూచించారు. మేయర్‌ సుధారాణి మాట్లాడుతూ.. ప్రభుత్వ నిబంధనల మేరకు ఇళ్ల నిర్మాణం చేపట్టాలని సూచించారు. కార్యక్రమంలో కమిషనర్‌ అశ్విని తానాజీ వాకడే, అదనపు కలెక్టర్‌ వెంకట్‌రెడ్డి, కాజీపేట డిప్యూటీ కమిషనర్‌ రవీందర్‌, హౌసింగ్‌ పీడీ రవీందర్‌నాయక్‌, కార్పొరేటర్లు జక్కుల రజిత, సిరంగి సునీల్‌కుమార్‌, షీబారాణి, అరుణకుమారి, డివిజన్‌ అధ్యక్షుడు కిరణ్‌, పొన్నాల రఘు, హరిబాబు, గడ్డం శివరాంప్రసాద్‌ తదితరులు పాల్గొన్నారు.

హనుమకొండ కలెక్టర్‌ ప్రావీణ్య హన్మకొండ అర్బన్‌ : ప్రభుత్వ శాఖలు, స్వచ్ఛంద సంస్థల సమష్టి కృషి, సమన్వయంతో బాల కార్మిక వ్యవస్థ నిర్మూలన సాధ్యపడుతుందని హనుమకొండ కలెక్టర్‌ ప్రావీణ్య అన్నారు. జిల్లాలో బాల కార్మిక వ్యవస్థ నిర్మూలనకు ఈనెల 9 నుంచి 15వ తేదీ వరకు చేపట్టనున్న స్పెషల్‌ డ్రైవ్‌ కార్యక్రమంపై జిల్లా సంక్షేమ అధికారి జయంతి అధ్యక్షతన సోమవారం కలెక్టరేట్‌లో వివిధ శాఖల అధికారులతో సమీక్ష నిర్వహించారు. ఈసందర్భంగా కలెక్టర్‌ ప్రావీణ్య మాట్లాడుతూ.. స్పెషల్‌ డ్రైవ్‌ టీమ్‌ జిల్లాలోని పారిశ్రామిక ప్రాంతాలు, షాపులు, ప్రమాదకర ప్రాంతాల్లో స్పెషల్‌ డ్రైవ్‌ నిర్వహించాలన్నారు. 14 సంవత్సరాల్లోపు బాల బాలికలు పనిచేస్తున్నట్లు గుర్తిస్తే సంబంధిత యజమానులపై చట్ట ప్రకారం కేసు నమోదు చేయాలని, 18 సంవత్సరాల్లోపు వారైతే బాలల న్యాయ చట్టం ప్రకారం కేసులు నమోదు చేయాలన్నారు. జిల్లా సంక్షేమ అధికారి జయంతి మాట్లాడుతూ.. కార్మిక శాఖ, జిల్లా బాలల పరిరక్షణ విభాగం వారి ఆధ్వర్యంలో సేకరించి నివేదికలు అందజేయాలన్నారు. అనంతరం కలెక్టర్‌ ప్రావీణ్య స్పెషల్‌ డ్రైవ్‌కు సంబంధించిన వాల్‌పోస్టర్‌ను ఆవిష్కరించారు. స్పెషల్‌ డ్రైవ్‌ కార్యక్రమంలో భాగంగా పబ్లిక్‌ గార్డెన్‌లో ర్యాలీ, అనంతరం లేబర్‌ అడ్డా వద్ద అవగాహన కార్యక్రమం నిర్వహించారు. కార్యక్రమంలో డిప్యూటీ కమిషనర్‌ ఆఫ్‌ లేబర్‌ ఏఎస్‌ వినీత, ఎన్‌సీఎల్పీ డైరెక్టర్‌ బుర్ర అశోక్‌ కుమార్‌, బాలల సంక్షేమ సమితి సభ్యులు కజాంపురం దామోదర్‌, సందసాని రాజేంద్ర ప్రసాద్‌, జిల్లా బాలల పరిరక్షణ ఇన్‌చార్జ్‌ అధికారి ప్రవీణ్‌ కుమార్‌, చైల్డ్‌ హెల్ప్‌ లైన్‌ కో–ఆర్డినేటర్‌ ఎస్‌ భాస్కర్‌, ఏహెచ్‌టీయూ ఎస్సై ఫిలిప్‌ రాజ్‌, కానిస్టేబుల్‌ రాము, సోషల్‌ వర్కర్స్‌ శ్రీనివాసులు, సునీత, స్వచ్ఛంద సంస్థల ప్రతినిధులు తదితరులు పాల్గొన్నారు.

హన్మకొండ అర్బన్‌: మండుతున్న ఎండలో రేషన్‌ షాపుల వద్ద బియ్యం కోసం జనం అల్లాడుతున్నారు. ప్రభుత్వం మూడు నెలల బియ్యం ఒకేసారి ఇస్తుండడంతో క్షేత్ర స్థాయిలో ఇబ్బందులు ఎదురవుతున్నాయి. ఓ వైపు ఇరుకు గదుల్లో షాపులు, మరోవైపు మండుతున్న ఎండలు, తాగేందుకు నీరు, నిల్చునేందుకు నీడలేక రేషన్‌ లబ్ధిదారులు అవస్థలు పడుతున్నారు. మరో వైపు సర్వర్‌ డౌన్‌ కారణంగా గంటలు గంటలు వేచి చూడాల్సిన పరిస్థితి ఏర్పడుతోంది. నగరంలో దాదాపు అన్ని రేషన్‌ షాపుల వద్ద ఇదే పరిస్థితి నెలకొంది. ప్రత్యామ్నాయ ఏర్పాట్లు, కనీస వసతుల విషయంలో జిల్లా అధికారులు పట్టించుకోకపోవడంతో జనం ఆపసోపాలు పడుతున్నారు. ఒక్కొక్కరికి పది నిమిషాలు.. ప్రస్తుతం ఒక్కో కార్డుకు మూడు నెలల బియ్యం ఇస్తుండడంతో నెలకు ఒక సారి చొప్పున ముడు సార్లు కాంటా వేయాలి. మూడు సార్లు లబ్ధిదారుడు బయోమెట్రిక్‌ ఇవ్వాలి. వాతావరణం వేడిగా ఉండడం, ఒకేసారి అందరు ఉపయోగిస్తుండడంతో సర్వర్‌ మొరాయిస్తోంది. ఒక్కరికి కనీసం పది నిమిషాల సమయం పడుతోంది. అది కూడా సర్వర్‌ సరిగ్గా ఉంటే.. దీనివల్ల గంటకు కేవలం ఐదు, లేదా ఆరుగురికి మాత్రమే రేషన్‌ ఇవ్వగలుగుతున్నట్లు రేషన్‌ డీలర్లు చెబుతున్నారు. బియ్యం ఐపోతాయని.. రాష్ట్రంలో ఎక్కడి వారైనా.. ఎక్కడైనా రేషన్‌ తీసుకునేందుకు అవకాశం ఉండడంతో తమకు బియ్యం వస్తాయో రావో అనే బెంగతో జనం షాపులు తెరవక ముందు నుంచే బస్తాలు, చెప్పులు, వాటర్‌ బాటిళ్లు లైన్‌లో పెట్టి ఉంచుతున్నారు. షాపు తీయగానే జనం విరగబడుతున్న పరిస్థితులు అన్ని చోట్ల కనిపిస్తున్నాయి. దీంతో.. డీలర్లు కూడా ఏం చేయలేని పరిస్థితి నెలకొంటోంది. డీలర్లు టోకెన్‌ పద్ధతిని ప్రారంభించారు. ఉదయం షాపు తీయడానికి అరగంట ముందు రోజుకు 50 టోకెన్లు ఇస్తున్నారు. ఇచ్చిన 50 మందికి పూర్తిగా మూడు నెలల రేషన్‌ ఇస్తే సాధారణ రోజుల్లో 150 మందికి ఇచ్చినట్లు లెక్క. దీనివల్ల అంతకన్నా ఎక్కువ టోకెన్లు ఇవ్వలేనమని డీలర్లు చెబుతున్నారు. కొత్త సాఫ్ట్‌వేర్‌తో ఇబ్బందులు ఇటీవల పౌరసరఫరాల శాఖ రేషన్‌ డీలర్ల వద్ద ఉన్న ఈ పాస్‌ మిషన్లలో కొత్త సాఫ్ట్‌వేర్‌ ఏర్పాటు చేసింది. దీనిలో కేంద్ర ప్రభుత్వ కోటా ఒక్క వ్యక్తికి ఐదు కిలోలు, రాష్ట్ర ప్రభుత్వం కోటా ఒక కిలో బియ్యం విడివిడిగా నమోదు చేయాలని, విడిగా తూకం వేయాలని చెప్పారు. దీంతో మూడు నెలలకు సంబంధించిన బియ్యం పంపిణీ క్రమంలో ఒక్కొక్కరి నుంచి ఆరుసార్లు బయోమెట్రిక్‌ తీసుకుంటున్నారు. ఆరుసార్లు తూకం వేస్తున్నారు. దీంతో రోజంతా ఈ ప్రక్రియ కొనసాగినా ఒక్కో డీలర్‌ 15 మందికి కూడా బియ్యం ఇవ్వలేని పరిస్థితి ఏర్పడింది. పరిస్థితి గమనించి దిద్దుబాటుగా నెలకు రెండు సార్లు బదులు ఒక్కసారి తూకం వేసేలా మార్పు చేశారు. దీనికితోడు గతంలో కన్నా అదనంగా సమాచారం నమోదు చేయాల్సి వస్తుండడం అనవసర ఆప్షన్లు ఎక్కవగా ఉండడంతో సమయం వృథా అవుతోందని డీలర్లు చెబుతున్నారు. పౌరసరఫరాల శాఖ నిర్లక్ష్యం క్షేత్రస్థాయిలో ఇంత జరగుతున్నా.. జిల్లా పౌరసరఫరాల అధికారులు మాత్రం రేషన్‌ షాపుల వైపు కన్నెత్తి చూడడం లేదనే విమర్శలున్నాయి. సాధారణంగా రేషన్‌ షాపులకు బియ్యం నెలాఖరులో చేరవేస్తారు. నెల ఒకటో తారీఖు నుంచి 15వ తేదీ వరకు పంపిణీ చేసి అధికారులకు లెక్కలు అప్పగిస్తారు. మిగిలిన స్టాకునుబట్టి తదుపరి నెలకు కోటా కేటాయిస్తారు. అయితే ప్రస్తుతం మూడు నెలల కోటా విషయంలో జనం అయోమయానికి గురవుతున్నారు. ఎప్పటి మాదిరిగానే 15వ తేదీ వరకు షాపులు క్లోజ్‌ చేస్తారని ప్రజలు ఆందోళనకు గురవుతున్నారు. ఈవిషయంలో పౌరసరఫరాల శాఖ అధికారులు కార్డుదారులకు కనీసం భరోసా ఇవ్వలేకపోతున్నారనే విమర్శలు వ్యక్తమవుతున్నాయి. దీనికి తోడు షాపుల వద్ద పరిస్థితిని పర్యవేక్షించడం లేదని అంటున్నారు. ఎండ మండుతున్నందున షాపుల వద్ద టెంట్లు వేయించడం, తాగునీరు అందుబాటులో ఉంచడం కూడా చేయడం లేదని రేషన్‌ లబ్ధిదారులు మండిపడుతున్నారు. ఒక్కో వ్యక్తికి మూడు నెలల బియ్యం చేతికి అందాలంటే కనీసం మూడు రోజులపాటు లైన్లో ఉండాల్సిన పరిస్థితి ఏర్పడిందని ఆవేదన వ్యక్తం చేస్తున్నారు. అధికారులు సత్వరమే చర్యలు తీసుకుని పరిస్థితిని చక్కదిద్దాలని కోరుతున్నారు. నెలాఖరు దాకా పంపిణీ నెలాఖరుదాకా బియ్యం ఇస్తాం. ఎవరూ ఆందోళన చెందవద్దు. ఈ విషయం అధికారులు చెబితే ప్రజలు నమ్ముతారు. గతంలో మాదిరిగా 15వ తేదీ వరకు అనుకుని జనం ఎగబడుతున్నారు. సర్వర్‌ సమస్య తీవ్రంగా ఉంది. అధికారులు ప్రత్యామ్నాయ ఏర్పాట్లు చేస్తే మంచిది. ఎండల వల్ల జనం ఇబ్బందులు పడుతున్న మాట వాస్తవమే. – మహేశ్వరం గౌరీశంకర్‌, హనుమకొండ డీలర్ల సంఘం అధ్యక్షుడు ప్రజలకు అవగాహన కల్పించని సివిల్‌సప్లయ్‌ అధికారులు నీరు, నీడ లేక జనం అవస్థలు జిల్లాలో మొత్తం రేషన్‌ కార్డులు 2,31,516పంపిణీ చేస్తున్న బియ్యం (మూడు నెలల కోటా) 1,28,17,586 (మె.టన్నులు)

సాక్షి, వరంగల్‌: మామునూరు ఎయిర్‌పోర్ట్‌ పునర్నిర్మాణానికి అవసరమైన భూ సేకరణపై ప్రభుత్వం దృష్టి సారించింది. ఈనేపథ్యంలో సమీప గ్రామాల ప్రజల నుంచి సేకరించే భూమికి పరిహారం నిర్ణయించడం.. అందుకు భూనిర్వాసితులు సానుకూలత వ్యక్తం చేయడంతో విమానాశ్రయ నిర్మాణానికి మరో అడుగు పడినట్లయ్యింది. కలెక్టర్‌ సత్యశారద నేతృత్వంలోని జిల్లా చర్చల కమిటీ నిర్వాసితులతో చర్చింది. వ్యవసాయ భూములకు ఎకరానికి రూ.కోటి 20 లక్షలు, వ్యవసాయేతర భూములకు చదరపు గజానికి రూ.4,887 ఇస్తామని, అంతకు మించి పెంచే ప్రసక్తే లేదని తేల్చిచెప్పింది. దీంతో నక్కలపల్లి, గాడిపల్లి, గుంటూరుపల్లి భూనిర్వాసితులు భూములు ఇచ్చేందుకు సానుకూలత వ్యక్తం చేశారు. వీరిలో గుంటూరుపల్లికి చెందిన కొందరు రైతులు తమ భూములు మెయిన్‌ రోడ్డుకు ఉన్నాయని, ఇంకాస్త ఎక్కువ ధర వస్తుందన్న ఆలోచనలో ఉన్నవారితో తహసీల్దార్‌, ఆర్‌ఐ తదితరులు చర్చించి ఎక్కువ ధర ఇచ్చే అవకాశం లేదని చెప్పారు. కలెక్టర్‌ తనకున్న విచక్షణాధికారాలతో జనరల్‌ అవార్డు కింద రూ.65లక్షలు ఉంటే కన్సంట్‌ అవార్డు కింద రూ.కోటి 20లక్షల వరకు తీసుకొచ్చారని వివరించారు. ఇదిలా ఉండగా.. 253 ఎకరాల భూసేకరణకు రాష్ట్ర ప్రభుత్వం రూ. 205 కోట్లు కేటాయించిన సంగతి తెలిసిందే. తాజా గా కలెక్టర్‌ సత్యశారద నిర్ణయంతో మరో రూ.100 కోట్ల నుంచి రూ.150 కోట్లు అదనంగా అవసరం కానుండడంతో ఇప్పటికే ఆమె రాష్ట్ర ప్రభుత్వానికి పూర్తిస్థాయి నివేదిక సమర్పించినట్లు తెలిసింది. భూసేకరణ కాగానే పనులు మొదలు.. ఇప్పటికే ఎయిర్‌పోర్ట్‌ పరిధిలో 696.14 ఎకరాల భూమి ఉంది. ఆ భూమికి అదనంగా మరో 253 ఎకరాల భూమిని 136 మంది రైతుల నుంచి సేకరించాల్సి ఉండగా, అది కూడా పూర్తి కావొచ్చింది. భూ నోటిఫికేషన్‌ ప్రకారం రైతులు తమ భూపత్రాల వివరాలు ఇవ్వగానే, వారి ఖాతాల్లో డబ్బులు జమ చేస్తూనే భూమి సేకరించనుంది. ఇప్పటికే రెవెన్యూ అధికారులు సర్వే చేసి సరిహద్దులు నిర్ణయించారు. ఈవిమానాశ్రయం అందుబాటులోకి వస్తే 150 నుంచి 186 మంది ప్రయాణించే వీలున్న 37.6 మీటర్లు పొడవున్న ఏ–320, బీ–737 విమానాలు రాకపోకలు సాగించనున్నాయి. ధరల నిర్ణయాలపై మెజార్టీ నిర్వాసితుల సానుకూలత వ్యవసాయ భూములకు ఎకరానికి రూ.కోటి 20 లక్షలు.. వ్యవసాయేతర భూములకు గజానికి రూ.4 వేలకు పైగా..

కేయూ క్యాంపస్‌: కాకతీయ యూనివర్సిటీ పరిధి సెంటర్‌ ఫర్‌ డిస్టెన్స్‌ ఆన్‌లైన్‌ ఎడ్యుకేషన్‌ (సీడీఓఈ) సైన్స్‌ కోర్సుల అసిస్టెంట్‌ డైరెక్టర్‌గా మైక్రోబయాలజీ విభాగం అసిస్టెంట్‌ ప్రొఫెసర్‌ డాక్టర్‌ ముంజం శ్రీనివాస్‌ను నియమిస్తూ సోమవారం రిజిస్ట్రార్‌ రామచంద్రం ఉత్తర్వులు జారీ చేశారు. ఇప్పటివరకు ఆ పదవిలో ఉన్న వెంకటగోిపీనాథ్‌ ఏడాది గడువు ముగియడంతో ముంజం శ్రీనివాస్‌ను నియమించారు. ప్రస్తుతం శ్రీనివాస్‌ మైక్రోబయాలజీ బోర్డ్‌ ఆఫ్‌ స్టడీస్‌ చైర్మన్‌గా కూడా బాధ్యతలు నిర్వర్తిస్తున్నారు. నిట్‌ ఓపెన్‌ హౌస్‌కు అనూహ్య స్పందనకాజీపేట అర్బన్‌: నిట్‌ వరంగల్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో సోమవారం ఏర్పాటు చేసిన ఓపెన్‌ హౌస్‌కు తల్లిదండ్రులు, విద్యార్థుల నుంచి అనూహ్య స్పందన వచ్చింది. ఈ కార్యక్రమాన్ని నిట్‌ డైరెక్టర్‌ బిద్యాధర్‌ సుబుదీ ప్రారంభించి మాట్లాడారు. జోసా ప్రవేశ పరీక్ష ద్వారా ఐఐటీ, ఎన్‌ఐటీల్లో బీటెక్‌ ప్రథమ సంవత్సరంలో అడ్మిషన్‌ పొందేందుకు విద్యార్థులకు, తల్లిదండ్రులకు ఉన్న సందేహాలను నివృత్తి చేసేందుకు ఓపెన్‌ హౌస్‌ ఏర్పాటు చేసినట్లు తెలిపారు. ఏమరపాటుతో ఛాయిస్‌ ఫిల్లింగ్‌లో తప్పులు చేస్తే సీటు కోల్పోయే ప్రమాదం ఉందని, జాగ్రత్తగా అడ్మిషన్‌ అప్లికేషన్‌ ప్రక్రియను పూర్తి చేసుకోవాలన్నారు. జోసా ప్రవేశపరీక్ష అర్హత సాధించి బీటెక్‌ ప్రథమ సంవత్సరంలో ప్రవేశాల కోసం కళాశాల, కోర్సుల ఎంపికలో తీసుకోవాల్సిన జాగ్రత్తలపై విద్యార్థులు, తల్లిదండ్రులు.. నిట్‌ ప్రొఫెసర్లతో ముఖాముఖి మాట్లాడారు. కార్యక్రమంలో నిట్‌ డీన్లు, ప్రొఫెసర్లు, విద్యార్థులు, తల్లిదండ్రులు తదితరులు పాల్గొన్నారు. కోటి మంది మహిళలను కోటీశ్వరుల్ని చేయడమే లక్ష్యంహన్మకొండ అర్బన్‌: రాష్ట్రంలో కోటి మంది మహిళా సంఘాల మహిళలను కోటీశ్వరుల్ని చేయాలనే లక్ష్యంతో పలు కార్యక్రమాలు చేపడుతున్నట్లు రాష్ట్ర పంచాయతీ రాజ్‌, గ్రామీణాభివృద్ధి శాఖ మంత్రి సీతక్క అన్నారు. సోమవారం హైదరాబాద్‌ నుంచి మంత్రి సీతక్క, సీఎస్‌ రామకృష్ణారావుతో కలిసి బడిబాట, ఇందిరా మహిళా శక్తి కార్యక్రమాలపై కలెక్టర్లతో వీడియో కాన్ఫరెన్స్‌లో సమీక్ష నిర్వహించారు. ఇందులో హనుమకొండ కలెక్టరేట్‌ నుంచి హనుమకొండ కలెక్టర్‌ ప్రావీణ్య, అదనపు కలెక్టర్‌ వెంకట్‌రెడ్డి, డీఆర్డీఓ మేన శ్రీను, జిల్లా విద్యాశాఖ అధికారులు, సంబంధిత జిల్లా అధికారులు పాల్గొన్నారు. పర్యాటక ప్రదేశాలకు ఆర్టీసీ టూర్‌ ప్యాకేజీహన్మకొండ: పర్యాటక ప్రదేశాలు, పుణ్యక్షేత్రాలకు ఆర్టీసీ ప్రత్యేక టూర్‌ ప్యాకేజీని ప్రవేశపెట్టినట్లు టీజీఎస్‌ ఆర్టీసీ వరంగల్‌ రీజినల్‌ మేనేజర్‌ దర్శనం విజయ భాను అన్నారు. సోమవారం హనుమకొండలోని ఆర్టీసీ వరంగల్‌ రీజియన్‌ కార్యాలయంలో ప్రత్యేక టూర్‌ ప్యాకేజీ పోస్టర్లను ఆర్‌ఎం ఆవిష్కరించారు. ఈసందర్భంగా ఆయన మాట్లాడుతూ.. వరంగల్‌ రీజియన్‌లోని ఆయా డిపోల నుంచి పర్యాటక ప్రాంతాలు, పుణ్యక్షేత్రాలకు ప్రత్యేక బస్సులు నడుపనున్నట్లు తెలిపారు. హనుమకొండ నుంచి పంచరామాలు, అరుణాచలం, భద్రాచలం, వేములవాడ, నాగార్జునసాగర్‌, బొగత, రామప్ప, లక్నవరం, మల్లూరు, ఇతర పర్యాటక ప్రదేశాలకు బస్సులు నడుపనున్నట్లు వివరించారు. ప్రయాణికులు ఈసౌకర్యాన్ని వినియోగించుకోవాలని కోరారు. ప్రత్యేక టూర్‌ ప్యాకేజీల వివరాల కోసం వరంగల్‌–1 డిపో మేనేజర్‌ 99592 26047, వరంగల్‌–2 99592 26048, హనుమకొండ 89777 81103, పరకాల 99592 26051, నర్సంపేట 99592 26052, భూపాలపల్లి 99592 26707, తొర్రూరు 99592 26053, మహబూబాబాద్‌ 99592 26054, జనగామ డిపో మేనేజర్‌ 99592 26050ను సంప్రదించాలని కోరారు. కార్యక్రమంలో డిప్యూటీ రీజినల్‌ మేనేజర్‌ కేశరాజు భానుకిరణ్‌, అకౌంట్స్‌ ఆఫీసర్‌ రవీందర్‌, పర్సనల్‌ ఆఫీసర్‌ సైదులు, డిపో మేనేజర్లు అర్పిత, వి.జోత్స్న, ధరమ్‌సింగ్‌ పాల్గొన్నారు.

విద్యారణ్యపురి: ప్రభుత్వ పాఠశాలలు ఈనెల 12వ తేదీ నుంచి పునఃప్రారంభం కాబోతున్నాయి. ఓవైపు బడిబాటలో బడీడు పిల్లలను గుర్తించి స్కూల్లో చేర్పేంచేందుకు ఉపాధ్యాయులు ఇంటింటికీ తిరుగుతున్నారు. ఇంటింటి సర్వేను కొనసాగిస్తున్నారు. పాఠశాలలు తెరిచిన రోజే విద్యార్థులకు యూనిఫామ్‌ను అందజేయాలనే కృతనిశ్చయంతో సంబంధిత విద్యాశాఖ అధికారులున్నారు. ఈమేరకు హనుమకొండ, వరంగల్‌ జిల్లాలో సంబంధిత అధికారులు అన్ని మండలాల్లో పాఠశాలల స్థాయిలోని సెల్ఫ్‌హెల్ప్‌ గ్రూపుల మహిళా సమాఖ్యలతో స్కూల్‌ యూనిఽఫామ్‌లు కుట్టించారు. పట్టణ ప్రాంతంలో మెప్మాకు సంబంధించిన టీఎల్‌ఎఫ్‌ల ద్వారా స్టిచ్చింగ్‌ చేయించారు. ఈసారి స్టిచ్చింగ్‌ డిజైన్‌లో మార్పులు చేశారు. షర్టులు, లాంగ్‌ఫ్రాక్‌లకు పట్టీలు, భుజాలపై కప్స్‌ వంటి ప్యాచ్‌లు లేకుండా స్టిచ్చింగ్‌ చేశారు. వేసవి సెలవుల్లోనే పాఠశాలల్లోని విద్యార్థులకు కొలతలు కూడా తీసుకుని మహిళా సమాఖ్యలకు అప్పగించడంతో కుట్టించే ప్రక్రియ కొనసాగింది. తరగతుల వారీగా యూనిఽఫామ్‌ ఇలా.. ఒకటి నుంచి ఐదో తరగతి బాలురకు చొక్కా, నిక్కర్‌, ఆరు నుంచి 12 తరగతుల బాలురకు చొక్కా, ప్యాంట్‌, ఒకటి నుంచి మూడో తరగతి బాలికలకు చొక్కా, లాంగ్‌ఫ్రాక్‌, 4, 5 తరగతులకు బాలికలకు షర్ట్‌, స్కర్ట్‌, ఆరు నుంచి 12వ తరగతి బాలికలకు పంజాబీ డ్రెస్‌ మోడల్‌లో ఉండేలా లాప్‌బాటమ్‌ చున్నీ లేకుండా కుట్టించారు. హనుమకొండ జిల్లాలో.. సోమవారం వరకు 317 పాఠశాలలకు 66 శాతం యూనిఫామ్స్‌ చేరవేశారు. హనుమకొండ జిల్లాలో ప్రభుత్వ, జిల్లా పరిషత్‌, ఎయిడెడ్‌, కేజీబీవీలు, మోడల్‌ స్కూల్స్‌, యూఆర్‌ఎస్‌ స్కూల్స్‌ కలిపి 477 పాఠశాలల్లో 30,922 మంది విద్యార్థులున్నారు. అందులో బాలికలకు 16,070 మంది బాలురు 14,832 మంది ఉన్నారు. జిల్లాలో 91 శాతం స్కూల్‌ యూనిఫామ్స్‌ ఒక్కో విద్యార్థికి ఒక్కో జత కుట్టించే ప్రక్రియ పూర్తయ్యింది. ఇప్పటి వరకు 66 శాతం స్కూల్‌ యూనిఫామ్స్‌ ఆయా పాఠశాలల హెచ్‌ఎంలకు అందజేశారు. పాఠశాలలు తెరిచే నాటికి ఈనెల 12వ తేదీలోపు వందశాతం అన్ని స్కూళ్లకు చేర్చనున్నారు. పాఠశాలలు తెరిచిన రోజే విద్యార్థులకు ఒక్కో జత స్కూల్‌ యూనిఫామ్‌ అందించనున్నారు. వరంగల్‌ జిల్లాలో 98 శాతం.. వరంగల్‌ జిల్లాలో 558 పాఠశాలల్లో స్కూల్‌ ఫామ్స్‌ను అందించనున్నారు. 98 శాతం స్కూల్‌ యూనిఫామ్స్‌ ఒక్కో విద్యార్థి కోసం ఒక్కో జత మహిళా సమాఖ్యలచే స్టిచ్చింగ్‌ ప్రక్రియ 98 శాతం పూర్తయ్యింది. పాఠశాలలకు 98 శాతం పంపిఽణీ అయినట్లు సమాచారం. జిల్లాలో ప్రభుత్వ, ఎయిడెడ్‌, జిల్లా పరిషత్‌, కేజీబీవీలు, మోడల్‌ స్కూళ్లు, యూఆర్‌ఎస్‌, టీఎస్‌ఆర్‌ఐఈఎస్‌లు కలిపి 558 పాఠశాలలున్నాయి. అందులో మొత్తం 33,878 మంది విద్యార్థులున్నారు. వారిలో బాలికలు 17,853 మంది ఉండగా.. బాలురు 16,025 మంది ఉన్నారు. వీరికి ఒక్కో జత స్కూల్‌ యూనిఫామ్‌ను ఈనెల 12న పాఠశాలలు పునఃప్రారంభం రోజున అందజేయనున్నట్లు సంబంధిత అధికారులు చెబుతున్నారు. కాగా.. రెండోజత యూనిఫామ్‌ కోసం ఈనెలలోనే జిల్లాలకు టెస్కో నుంచి క్లాత్‌ రానుందని సమాచారం. స్టిచ్చింగ్‌ చేసి విద్యార్థులకు అందించే వరకు ఆగస్టు 15 కావొచ్చని భావిస్తున్నారు. స్టిచ్చింగ్‌ చేసినందుకు ఒక్కోజతకు మహిళా సమాఖ్యలకు రూ.75 చొప్పున అందజేస్తున్నారు. పాఠశాలల పునఃప్రారంభం రోజే అందజేస్తాం హనుమకొండ జిల్లాలో స్కూల్‌ యూనిఫామ్స్‌ ఒక్కో జత విద్యార్థులకు అందజేసేందుకు మహిళా సమాఖ్యలు వందశాతం స్టిచ్చింగ్‌ ప్రక్రియ పూర్తయ్యింది. పాఠశాలలకు చేరేవేసే ప్రక్రియ కొనసాగుతోంది. సోమవారం వరకు ఎక్కువ శాతం స్కూల్‌ యూనిఫామ్స్‌ పాఠశాలలకు చేరాయి. మరో రెండు రోజుల్లో వందశాతం పూర్తి చేసేలా ఆదేశించాం. తప్పనిసరిగా విద్యార్థులకు పాఠశాలలు పునఃప్రారంభమయ్యే రోజున అందజేస్తాం. – వాసంతి, డీఈఓ, హనుమకొండ హనుమకొండ జిల్లాలో 30,922 మంది.. వరంగల్‌ జిల్లాలో 33,878 మంది విద్యార్థులకు ఒక్కోజత పాఠశాలలకు పంపిణీ రెండో జతకు రావాల్సి ఉన్న క్లాత్‌

రోహిణి ముగిసి ఆదివారం మృగశిర కార్తె ప్రారంభమైంది. మృగశిర ప్రారంభం రోజు చేపలు తినడం వల్ల వానా కాలంలో వచ్చే వ్యాధులు దూరమవుతాయని, గుండె జబ్బులు, అస్తమా వ్యాధుల నుంచి ఉపశమనం కలుగుతుందనేది ప్రజల నమ్మకం. ఈనేపథ్యంలో గ్రేటర్‌ వరంగల్‌ నగరంలోని ప్రధాన రోడ్ల వెంట చేపల విక్రయాలు జోరుగా సాగాయి. కొర్రమీను, రోహు, కట్ల, రవ్వ, బొమ్మె చేపలను ఎక్కువ మంది కొనుక్కుని వెళ్లారు. కొందరు ఏపీ నుంచి రొయ్యలు, ఇతర రకాల చేపలను ఆర్డర్‌పై తెప్పించుకున్నారు. కాగా.. చేపలు తిననివారు ఇంగువను చిన్న ముద్దలుగా చేసి మింగారు. – సాక్షి స్టాఫ్‌ ఫొటోగ్రాఫర్‌, హనుమకొండ

మృతుడు నెక్కొండ వాసి హసన్‌పర్తి: స్నేహితులతో ఈతకు వెళ్లిన ఓ విద్యార్థి చెరువులో మునిగి ప్రాణాలు కోల్పోయాడు. ఈ ఘటన కాకతీయ యూనివర్సిటీ పోలీస్‌స్టేషన్‌ పరిధిలోని రెడ్డిపురం చెరువు వద్ద శనివారం జరిగింది. వివరాలు ఇలా ఉన్నాయి. వరంగల్‌ జిల్లా నెక్కొండ మండలం టేకులకుంట తండాకు చెందిన తేజావత్‌ గణేశ్‌ నగరంలోని అతిథి హాస్టల్‌లో ఉంటూ ప్రభుత్వ ఐటీఐ కళాశాలలో ద్వితీయ సంవత్సరం చదువుతున్నాడు. అదే హాస్టల్‌లో ఉంటున్న మాలోతు కార్తీక్‌, రాకేశ్‌, సాయి కిరణ్‌తో కలిసి గణేశ్‌ శనివారం రెడ్డిపురం సమీపంలోని చెరువులోకి ఈతకు వెళ్లాడు. నలుగురు చెరువులోకి దిగి ఈతకొట్టడం ప్రారంభించారు. గణేష్‌ ఈత కొడుతూ ముందుకు వెళ్లి మునిగిపోయాడు. గణేశ్‌ మునిగినట్లు గ్రహించిన స్నేహితులు ఈ విషయాన్ని బంధువులు, మిత్రులకు సమాచారం అందించారు. సమాచారం అందుకున్న పోలీసులు సంఘటన స్థలానికి చేరుకుని పరిస్థితి సమీక్షించారు. చెరువులోనుంచి గణేశ్‌ మృతదేహాన్ని వెలికి తీశారు. పంచనామా చేసి మృతదేహాన్ని పోస్ట్‌మార్టం నిమిత్తం ఎంజీఎంకు తరలించారు. మృతుడి తండ్రి తేజావత్‌ రాజు ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై రవీందర్‌ తెలిపారు.

ఈద్గాల వద్ద ప్రత్యేక ప్రార్థనలు బక్రీద్‌ పండుగను గ్రేటర్‌ వరంగల్‌ పరిధిలో ముస్లింలు భక్తిశ్రద్ధలతో జరుపుకున్నారు. పేదలకు ఖుర్బానీ ఇచ్చారు. ఈద్గాల వద్ద సామూహిక ప్రార్థనలు చేశారు. మతపెద్దలు ఖురాన్‌ చదివి వినిపించారు. ఒకరికొకరు అలయ్‌బలయ్‌ ఇచ్చుకున్నారు. ఖిలావరంగల్‌ ఈద్గాలో జరిగిన ప్రార్థనల్లో మాజీ ఎమ్మెల్యే కొండా మురళీధర్‌రావు పాల్గొన్నారు. హనుమకొండ బొక్కలగడ్డ ఈద్గాలో జరిగిన ప్రత్యేక ప్రార్థనల్లో వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, రాష్ట్ర ఫైనాన్స్‌ కార్పొరేషన్‌ చైర్మన్‌ సిరిసిల్ల రాజయ్య పాల్గొన్నారు. బక్రీద్‌ త్యాగానికి, విశ్వాసానికి ప్రతీక అని పేర్కొన్నారు. ఈద్గాలను వరంగల్‌ పోలీస్‌ కమిషనర్‌ సన్‌ప్రీత్‌సింగ్‌ సందర్శించి శాంతిభద్రతలను పర్యవేక్షించారు. – మరిన్ని వివరాలు, ఫొటోలు: 9లో

హన్మకొండ: ఇందిరమ్మ ఇళ్ల నిర్మాణ పనులు వెంటనే ప్రారంభించాలని గృహ నిర్మాణ సంస్థ హనుమకొండ జిల్లా ప్రాజెక్ట్‌ డైరెక్టర్‌ ధరావత్‌ రవీందర్‌ సూచించారు. రెండు రోజులు మంచి ముహూర్తాలు ఉన్నాయని, జిల్లాలోని లబ్ధిదా రులు 9వ తేదీలోపు ముగ్గులు పోసుకుని పనులు ప్రారంభించాలని ఆయన ఒక ప్రకటనలో కోరారు. లబ్ధిదారులు సామూహికంగా ముగ్గులు పోసుకోవాలని ఈమేరకు కలెక్టర్‌ ఆదేశించినట్లు ఆయన వివరించారు. రుణం పేరిట వేధింపులుకాజీపేట: కాజీపేట పట్టణంలోని కొంతమందికి గుర్తు తెలియని వ్యక్తులు ఫోన్లు చేసి రుణం చెల్లించాలని బెదిరిస్తున్నారు. రుణ యాప్‌లో లోన్‌ తీసుకున్న వ్యక్తికి మీరు వ్యక్తిగత పూచీకత్తు ఇచ్చారని.. తిరిగి చెల్లించాలంటూ బెదిరిస్తున్నారు. ‘దాదారి శశిధర్‌ అనే యువకుడు ఐడీఎఫ్‌సీ బ్యాంకులో రుణం తీసుకున్నారు. దానికి మీరు షూరిటీ పెట్టినందున లోన్‌ మొత్తం కట్టాలి’ అంటూ బీఆర్‌ఎస్‌ జిల్లా నాయకుడు గబ్బెట శ్రీనివాస్‌తో పాటు మరో ఇద్దరికి వరుసగా 81849–56121 నంబరు నుంచి ఫోన్లు వస్తున్నాయి. తాము ఎవరికీ షూరిటీ పడలేదని ఎంత చెప్పినా వినిపించుకోకుండా కాల్‌ చేస్తూనే ఉన్నారు. ఫోన్‌ చేసిన వ్యక్తులు తెలుగులోనే మాట్లాడుతున్నారు. ఎదుటి వారు చెప్పింది కూడా వినకుండా ఇష్టారితీన మాట్లాడుతున్నట్లు బాధితులు వాపోతున్నారు. లేదంటే తమ వద్ద ఉన్న ఫొటోలను సోషల్‌ మీడియాలో పెడతామని హెచ్చరిస్తున్నట్లు చెబుతున్నారు. లోన్‌ యాప్‌ ద్వారా రుణం తీసుకున్నట్లు ఆరోపణలు ఎదుర్కొంటున్న బాధితులంతా శశిధర్‌ ఇంటికి వెళ్లగా.. తనకు ఎవరూ తెలియదని, ఇదంతా సైబర్‌ నేరగాళ్ల పన్నాగం కావొచ్చని శశిధర్‌ వాపోయాడు. అందరూ కలిసి శనివారం కాజీపేట పోలీస్‌ స్టేషన్‌కు వెళ్లి తమను గుర్తు తెలియని వ్యక్తులు వేధిస్తున్నట్లుగా ఫిర్యాదు చేశారు. ఘ టనపై పోలీసులు విచారణ జరుపుతున్నారు. ఇంటింటి సర్వేలో టీచర్లువిద్యారణ్యపురి: హనుమకొండ జిల్లాలో ‘బడిబాట’ కార్యక్రమంలో భాగంగా.. రెండో రోజు శనివారం ప్రభుత్వ పాఠశాలల ఉపాధ్యాయులు ఇంటింటికీ వెళ్లి ప్రచారం నిర్వహించారు. అలాగే.. ఇంటింటి సర్వే నిర్వహించారు. జిల్లాలోని ఉపాధ్యాయులు తమ పాఠశాల గ్రామ పరిధిలో ఇంటింటికీ వెళ్లి సర్వే నిర్వహించారు. బడీడు పిల్లల వివరాలు సేకరిస్తున్నారు. వారి వయస్సుకు తగిన తరగతిలో చేర్పించేలా తల్లిదండ్రులకు వివరిస్తున్నారు. అర్ధంతరంగా బడి మానేసిన విద్యార్థులుంటే వారి వివరాలు సేకరించి ఓపెన్‌ స్కూల్‌లో నమోదు చేయించాలని సూచిస్తున్నారు. జిల్లాలో 372 పాఠశాలల్లోని ఉపాధ్యాయులు ఇంటింటి సర్వేలో భాగస్వాములైనట్లు జిల్లా విద్యాశాఖ కమ్యునిటీ మొబిలైజింగ్‌ కో–ఆర్డినేటర్‌ బద్దం సుదర్శన్‌రెడ్డి తెలిపారు. వరంగల్‌ జిల్లాలో బడిబాట కా ర్యక్రమంలో భాగంగా.. ఇంటింటి ప్రచారం, సర్వే నిర్వహించారు. ‘స్పోకెన్‌ ఇంగ్లిష్‌’ తరగతులను వినియోగించుకోవాలి..కేయూ క్యాంపస్‌: కాకతీయ యూనివర్సిటీలో నిర్వహించనున్న స్పోకెన్‌ ఇంగ్లిష్‌ తరగతులను వినియోగించుకోవాలని సెల్ట్‌ (సెంటర్‌ ఫర్‌ లాంగ్వేజ్‌ ఫర్‌ ఇంగ్లిష్‌ టీచింగ్‌) డైరెక్టర్‌ డాక్టర్‌ మేఘనారావు శనివారం ఒక ప్రకటనలో కోరారు. సెల్ట్‌ ఆధ్వర్యంలో ఆరువారాల స్పోకెన్‌ ఇంగ్లిష్‌ అండ్‌ కమ్యూనికేషన్‌ స్కిల్స్‌పై విశ్వవిద్యాలయంలోని ఇంగ్లిష్‌ విభాగంలో తరగతులు నిర్వహించనున్నట్లు ఆ సెల్ట్‌ డైరెక్టర్‌ డాక్టర్‌ మేఘనారావు తెలిపారు. ఆసక్తి ఉన్న విద్యార్థులు, గృహిణులు, బోధన, బోధనేతర ఉద్యోగులు ఈనెల 14 తేదీ వరకు తమ పేర్లు నమోదు చేసుకోవాలని పేర్కొన్నారు. వర్సిటీ విద్యార్థులకు ఫీజు రూ.1,000, బయటివారికి రూ.1,500 ఉంటుందని, ఫీజును యూనివర్సిటీ కళాశాల ప్రిన్సిపాల్‌ నాన్‌ యూనివర్సిటీ ఫండ్‌ ఖాతాలో చెల్లించి పేర్లు నమోదు చేసుకోవాలని సూచించారు. ఈనెల 16 నుంచి తరగతులు ప్రారంభమవుతాయని, ఆసక్తి ఉన్న వారు వినియోగించుకోవాలని కోరారు. ఐలోని మల్లన్నకు వరంగల్‌ కలెక్టర్‌ పూజలుఐనవోలు: ఐనవోలు మల్లికార్జునస్వామిని వరంగల్‌ కలెక్టర్‌ సత్యశారద దంపతులు శనివారం దర్శించుకున్నారు. ఆలయ ఈఓ అద్దంకి నాగేశ్వర్‌రావు, ఉప ప్రధాన అర్చకులు పాతర్లపాటి రవీందర్‌ సత్యశారద దంపతులకు ఆలయ సంప్రదాయం ప్రకారం స్వాగతం పలికారు. ఆలయంలో ప్రత్యేక పూజలు నిర్వహించిన అనంతరం స్వామి వారి తీర్థప్రసాదాలు అందజేశారు. కార్యక్రమంలో ఆలయ ముఖ్య అర్చకుడు ఐనవోలు మధుకర్‌ శర్మ తదితరులు పాల్గొన్నారు.

విద్యార్థుల భద్రతపై ప్రత్యేక దృష్టి సారిస్తాం. రవాణాశాఖ నిబంధనల మేరకు ఫిట్‌నెస్‌ పరీక్షలు చేయిస్తున్నాం. వందశాతం ఫిట్‌నెస్‌ పరీక్షలు పూర్తయ్యేలా చూస్తాం. ఐదేళ్ల అనుభవం ఉన్న డ్రైవర్లను నియమిస్తున్నాం. రోడ్డు ప్రమాదాలకు తావులేకుండా అన్ని రకాల చర్యలు చేపట్టనున్నాం. పిల్లలను జాగ్రత్తగా పాఠశాలలకు తీసుకెళ్లి తీసుకొచ్చేందుకు డ్రైవర్లకు త్వరలోనే నిపుణులతో ప్రత్యేక శిక్షణ ఇప్పిస్తాం. – గాదె స్వరూప్‌రెడ్డి, ప్రైవేట్‌ విద్యాసంస్థల బస్సుల ఓనర్స్‌ అసోసియేషన్‌ అధ్యక్షుడు

‘పిల్లలున్నారు జాగ్రత్త’ అని బడి బస్సుల వెనకాల రాసి ఉంటుంది. కానీ.. చాలా బస్సుల నిర్వాహకులు మాత్రం.. ఆ విషయాన్నే మరిచిపోతున్నారు. నిబంధనల ప్రకారం.. ఏటా పాఠశాలల ప్రారంభానికి ముందే బడి బస్సులకు ఫిట్‌నెస్‌ పరీక్షలు చేయించాలి. కానీ.. క్షేత్రస్థాయిలో అవేమీ అమలు కావడం లేదనే విమర్శలున్నాయి. – సాక్షి, వరంగల్‌/ఖిలా వరంగల్‌ఇవీ నిబంధనలు..● 15 ఏళ్లు నిండిన వాహనాలను స్టూడెంట్స్‌ రవాణాకు ఉపయోగించకూడదు. స్కూల్‌ బస్సు పూర్తి కండిషన్‌లో ఉండాలి. ● విద్యా సంస్థ పేరు, సెల్‌ఫోన్‌ నంబరు, పూర్తి అడ్రస్‌ బస్సు ఎడమ వైపు, ముందు భాగంలో స్పష్టంగా కనిపించేలా రాయాలి. ● ప్రతీ విద్యాసంస్థ యాజమాన్యం డ్రైవర్‌ ఆరోగ్య పట్టిక నిర్వహించాలి. ● డ్రైవర్‌ షుగర్‌, బీపీ, కంటిచూపు వంటి ప్రాథమిక పరీక్షలను ప్రతి 3 నెలలకోసారి చేయించాలి. డ్రైవర్‌కు ఐదేళ్ల అనుభవం తప్పనిసరి. ● బస్సులో ప్రథమ చికిత్స పెట్టె అందుబాటులో ఉండాలి. అత్యవసర ద్వారం ఉండాలి. బస్సుకు సంబంధించి వైపర్స్‌, విండ్‌ స్క్రీన్‌, పార్కింగ్‌ లైట్స్‌, లైటింగ్‌ ఉండాలి. ● ప్రతి బస్సులో మంటలు ఆర్పే పరికరాలు ఉండాలి. డ్రైవర్‌కు విద్యార్థులు బస్సు ఎక్కడం, దిగడం స్పష్టంగా కన్పించేలా అద్దాలు అమర్చుకోవాలి. ● ప్రతి బస్సులో అటెండర్‌ ఉండాలి. బస్సులో ప్రయాణిస్తున్న స్టూడెంట్స్‌ పట్టిక కూడా ఉండాలి. బస్సులో స్టూడెంట్స్‌ బ్యాగులు పెట్టుకొనేలా అరలు ఏర్పాటు చేయాలి. ● కిటికీలకు మధ్యలో లోహపు కడ్డీలు కచ్చితంగా ఉండాలి. ● ఫుట్‌బోర్డ్‌పై మొదటి మెట్టు భూమికి 325 మిల్లీ మీటర్ల ఎత్తు మించకుండా చూడాలి. అన్ని మెట్లు జారకుండా లోహంతో నిర్మించాలి. ● 1,820కి ఇప్పటివరకు పూర్తి చేసుకుంది 887 ● పరీక్షలు చేసుకోవాల్సింది 917.. ● ఫిట్‌నెస్‌ తనిఖీలకు రాని వందల బస్సులు ● ఈనెల 12న పాఠశాల పునఃప్రారంభంతో చర్చ ● స్పెషల్‌ డ్రైవ్‌లకు సిద్ధమవుతున్న ఆర్టీఏ అధికారులుబడి గంట మోగే సమయం ఆసన్నమవుతోంది.. ఇప్పటికే అడ్మిషన్ల బిజీలో ఉన్న పాఠశాలలు బడి బస్సుల భద్రతపై దృష్టి సారించడం లేదు. ప్రతీ ఏడాది మాదిరిగానే ఈసారి కూడా ఫిట్‌నెస్‌ పరీక్షలకు వందలాది బస్సులు దూరంగా ఉండడం తల్లిదండ్రులకు ఆందోళన కలిగిస్తోంది. ఉమ్మడి వరంగల్‌ జిల్లాలో 1,820 పాఠశాలల, కాలేజీల బస్సులు ఉన్నా.. ఇప్పటివరకు 863 బస్సులు మాత్రమే ఫిట్‌నెస్‌ పరీక్షలు చేయించుకుని సర్టిఫికెట్లు పొందాయి. పదిహేనేళ్ల కాల పరిమితి పూర్తి చేసుకున్నా.. వివిధ కారణాల చేత 225 బస్సులను అధికారులు ఫిట్‌నెస్‌ చేయకుండా తిరస్కరించారు. ఇంకా మిగిలిన 692 బస్సులకు ఆన్‌లైన్‌ చేసి ఫిట్‌నెస్‌ సర్టిఫికెట్స్‌ తీసుకోవాలి. మరో ఐదు రోజులు మాత్రమే సమయం ఉండడంతో ఆయా బస్సులు వచ్చి సాధ్యమైనంత త్వరగా ఫిట్‌నెస్‌ పరీక్షలు చేయించుకోవాలని ఆర్టీఏ అధికారులు కోరుతున్నారు. ఫిట్‌నెస్‌ పరీక్షల్లో పాసైతే విద్యార్థుల భద్రతకు భరోసా ఉంటుందని చెబుతున్నారు. ‘యాబై రోజులకుపైగా మూసి ఉన్న విద్యా సంస్థలు తిరిగి తెరుచుకోనున్నాయి. ఇన్నాళ్లూ విద్యార్థులను తరలించే బస్సులు షెడ్డుకే పరిమితమయ్యాయి. వాటి సామర్థ్య పరీక్షల గడువు కూడా మే 15కే ముగిసింది. ఇప్పటికీ ఫిట్‌నెస్‌ పరీక్షలు చేయించుకోని బడి బస్సులు వచ్చి త్వరగా చేసుకోవాలి’ అని వరంగల్‌ ఆర్టీఓ శోభన్‌బాబు కోరారు. ఇలా చేస్తే మంచిది.. ఉమ్మడి వరంగల్‌ జిల్లాలో ప్రైవేట్‌ పాఠశాలల బస్సుల ఫిట్‌నెస్‌ పరీక్షలను సంబంధిత అధికారులు తూతూ మంత్రంగానే నిర్వహిస్తున్నారు. కనీసం పది నిమిషాలైనా చెక్‌ చేయకుండానే బస్సులను పంపించేస్తున్నారనే ఆరోపణలున్నాయి. ప్రమాదాలు జరిగినప్పుడు మాత్రం అధికారులు అప్రమత్తమవుతున్నారని.. ప్రమాదాలు జరగకుండా ముందుగానే బస్సుల తనిఖీ చేయాలని విద్యార్థుల తల్లిదండ్రులు కోరుతున్నారు. ‘పిల్లల భద్రతను దృష్టిలో ఉంచుకుని ప్రతి బస్సు ఫిట్‌నెస్‌ పకడ్బందీగా చూడాలి. చాలా పాఠశాలలకు ఎక్కువ సంఖ్యలో బస్సులుంటాయి. ఒకటి రెండు బస్సులను చూసే ఫిట్‌నెస్‌ అయ్యిందని మమ అనిపించకుండా ప్రతి బస్సును చెక్‌ చేయాలి. నెల, రెండు నెలలకు ప్రత్యేక డ్రైవ్‌ చేపట్టి బస్సుల పరిస్థితి డ్రైవర్ల పరిస్థితి చెక్‌ చేస్తూ ఉండాలి. ఏవైనా లోపాలు ఉంటే ఒత్తిళ్లకు లొంగకుండా బస్సును సీజ్‌ చేయాలి’ అని విద్యార్థుల తల్లిదండ్రులు డిమాండ్‌ చేస్తున్నారు. ఉమ్మడి జిల్లాలో ఇలా..జిల్లా.. మొత్తం ఫిట్‌నెస్‌ చేయించు బస్సులు చేసుకున్నవి కోవాల్సినవివరంగల్‌ 350 172 178 హనుమకొండ 920 485 435 జనగామ 103 54 49 భూపాలపల్లి 130 58 72 ములుగు 95 46 49 మహబూబాబాద్‌ 222 48 134 మొత్తం 1,820 863 917 (917 బస్సుల్లో 225 బస్సులను వివిధ కారణాలతో తిరస్కరించారు)

కాళేశ్వరం: ఒకటే ఊరు. వారంతా 20 ఏళ్లలోపు విద్యార్థులు. సమీప బంధువులు. అదే గ్రామానికి చెందిన బంధువుల వివాహ వేడుకల్లో విందులు, వినోదాలతో ఆనందంగా గడిపారు. సరదాగా గడుపుదామని కాళేశ్వరం గోదావరి నదికి వెళ్లారు. ఈతరాని వారు ఒడ్డున నీటిలో ఆడలాడుతున్నారు. నది నీటి మట్టం పెరిగిన విష యం తెలియక మోకాళ్ల లోతు నీటిలో ఆడుకుంటుండగా.. ఒకరు ప్రమాదవశాత్తు లోతులోకి వెళ్లిపోతుండగా అతడిని కాపాడబోయి మరొ కరు.. ఇలా ఆరుగురు గల్లంతయ్యారు. భూపాలపల్లి జిల్లా మహదేవపూర్‌ మండలం అంబట్‌పల్లి గ్రామ సమీపంలోని మేడిగడ్డ ఎగువ భాగంలో మూడో బ్లాక్‌ వద్ద శనివారం రాత్రి జరిగిన ఈ ఘటనతో విషాదం అలుముకుంది. అర్ధరాత్రి వరకు సాగిన గాలింపు.. రాత్రి 6 గంటలకు ఆరుగురు విద్యార్థులు నదిలో మునగగా, సుమారు 8 గంటల సమయంలో స్థానికులు, పోలీసులకు సమాచారం అందింది. వెంటనే జిల్లా యంత్రాంగం, పోలీసులు అప్రమత్తమయ్యారు. భూపాలపల్లి ఏరియాలోని సింగరేణి ఆరు రెస్క్యూ బృందాలతోపాటు మహారాష్ట్రలోని సిరొంచకు చెందిన ‘ఆపద మిత్ర’ గజ ఈతగాళ్ల బృందాలతో గాలింపు చర్యలు చేపట్టారు. కాగా.. రాత్రివేళ కావడం, నదిలో 5,100 క్యూసెక్కుల వరద ప్రవాహం ఉండడంతో రాత్రి 11.50 గంటలకు గాలింపు చర్యలు ఆపేశారు. ఆదివారం ఉదయం 5 గంటల నుంచి రెస్క్యూ ఆపరేషన్‌ నిర్వహించనున్నారు. కాగా.. కాటారం డీఎస్పీ రాంమోహన్‌రెడ్డి గోదావరిలోకి దిగి నది ప్రవాహాన్ని అంచనా వేశారు. ఆదివారం ఉదయం గాలింపు చర్యల కోసం రెస్క్యూ టీం ప్రత్యేక బోట్లను సిద్ధం చేసింది. ఐదు కుటుంబాల్లో విషాదం... పెళ్లి వేడుకలను సంతోషంగా గడిపిన ఐదు కుటుంబాల్లో ఒకే రోజులో విషాదం నెలకొంది. పట్టి వెంకటస్వామి ఇద్దరు కుమారులతో పాటు మరో నాలుగు కుటుంబాలకు చెందిన విద్యార్థులు చనిపోవడంతో ఆయా కుటుంబాలతో పాటు పెళ్లింట విషాదం నెలకొంది. బిడ్డల కోసం ఎదురుచూస్తూ... గల్లంతైన ఆరుగురు విద్యార్థుల తల్లిదండ్రులు, కుటుంబ సభ్యులు, స్నేహితులు రాత్రి నుంచి గోదావరి నది ఒడ్డునే ఉండి వేచి చూస్తున్నారు. అధికారులు గాలింపు చర్యలను నిలిపేసి వెనుదిరిగినప్పటికీ గల్లంతైన వారి కుటుంబ సభ్యులు అక్కడే ఉండి రోదించసాగారు. తమ పిల్లలు ప్రాణాలతో బయటకు రాకపోతారా... అని వేచి చూస్తుండడం స్థానికులను కలచివేసింది. అడ్డుకున్నప్పుడు ఆగి ఉంటే.. ఈతకు వెళ్లిన వారిలో అంబట్‌పల్లి గ్రామానికి చెందిన పట్టి వెంకటస్వామికి కుమారులు మధుసూదన్‌, శివమనోజ్‌ కూడా ఉన్నారు. వీరితో పాటు మిగిలిన ఐదుగురు గోదావరి నదిలో స్నానం చేసేందుకు వెళ్తుండగా నదిలో నీటి మట్టం ఎక్కువగా ఉందని, స్నానానికి వెళ్లొద్దని వెంకటస్వామి వారించాడు. అయినా వారు వినకుండా వెళ్తామనడంతో అతను కూడా వెంటవెళ్లాడు. వీరు లోపలికి వెళ్తుండగా వెళ్లొద్దని, వెనక్కి రండని పిలిచాడు. కానీ అప్పటికే లోతులోకి వెళ్లిపోయారు. కళ్లెదుటే మునిగిపోతున్నా వెంకటస్వామిది ఏమీ చేయలేని పరిస్థితి. మేడిగడ్డ వద్ద గోదావరిలో ఆరుగురు విద్యార్థుల గల్లంతు సాయంత్రం 6 గంటల నుంచి రాత్రి 11:50 వరకు సాగిన గాలింపు.. లభించని ఆచూకీ జయశంకర్‌ భూపాలపల్లి జిల్లా మహదేవపూర్‌ మండలం అంబట్‌పల్లిలో విషాదం నేను సచ్చిపోయేవాడినే: పట్టి శివమణి (ప్రాణాలతో ఒడ్డుకు చేరుకున్న వ్యక్తి) స్నానం చేసేందుకు మొదట నలుగురు దిగారు. తర్వాత మరో ఇద్దరు దిగారు. ఒకరి వెనుక ఒకరు నీట మునిగారు. క్షణాల్లోనే అందరూ మునగసాగారు. కన్నుమూసి తెరిచే లోపే ఆరుగురు మునిగిపోయారు. మధుసూదన్‌ మునిగిపోతుంటే చేయి పట్టుకొని కాపాడేందుకు ప్రయత్నించినప్పటికీ ఆయన నీట మునిగాడు. దీంతో నేను భయపడి ఒడ్డుకు చేరుకున్నా.

నివాళులర్పించిన ఎమ్మెల్యే, కలెక్టర్‌, అధికారులు హన్మకొండ అర్బన్‌: హనుమకొండ తహసీల్దార్‌ కర్రే శ్రీపాల్‌రెడ్డి (47) శుక్రవారం ఉదయం గుండెపోటుతో మరణించారు. గురువారం రాత్రి వరకు నగరంలోని బాలసముద్రంలో డబుల్‌ బెడ్రూం ఇళ్ల పంచాయితీలో పాల్గొన్న ఆయన.. వారందరిని ఖాళీ చేయించి త్వరలోనే అర్హులకు ఇళ్లు కేటాయిస్తారని చెప్పి ఇంటికి వెళ్లారు. శుక్రవారం ఉదయం లేచి రెవెన్యూ సదస్సులు ఉన్నాయంటూ స్నానానికి సిద్ధమవుతున్న శ్రీపాల్‌రెడ్డి ఒక్కసారిగా అస్వస్థతకు గురయ్యారు. దీంతో కుటుంబ సభ్యులు స్థానిక ఓ ఆస్పత్రికి తరలించడంతో అప్పటికే గుండెపోటుతో మరణించినట్లు వైద్యులు ధ్రువీకరించారని కుటుంబ సభ్యులు తెలిపారు. వరంగల్‌ జిల్లాలో డిప్యూటీ తహసీల్దార్‌గా పనిచేసిన శ్రీపాల్‌రెడ్డి పదోన్నతి పొంది ఆసిఫాబాద్‌ జిల్లాకు తహసీల్దార్‌గా బదిలీ అయ్యారు. అనంతరం మళ్లీ తహసీల్దార్‌గా హనుమకొండ జిల్లాకు వచ్చి డిప్యుటేషన్‌పై ‘కుడా’లో పనిచేశారు. హనుమకొండ ఆర్‌డీఓ కార్యాలయంలో డీఏఓగా కొద్దిరోజుల క్రితమే విధులు పూర్తి చేసుకుని వస్తున్న ఆయన రోడ్డు ప్రమాదానికి గురయ్యాడు. ఈ ప్రమాదంలో ఆయన కాలుకు తీవ్ర గాయం కాగా, ప్రస్తుతం కర్ర సహాయంతోనే విధులు నిర్వహిస్తున్నారు. తమ సహచరుడిని కోల్పోవడం పట్ల రెవెన్యూ ఉద్యోగులు ఒక్కసారిగా ఆవేదనకు గురయ్యారు. విషయం తెలిసిన వెంటనే హనుమకొండ రాంనగర్‌లోని ఆయన నివాసానికి పెద్దఎత్తున చేరుకున్నారు. ఆయన భౌతికకాయానికి నివాళి అర్పించారు. శ్రీపాల్‌రెడ్డికి భార్య, ఇద్దరు కూతుళ్లు ఉన్నారు. పెద్ద కుమార్తె బీటెక్‌, చిన్న కుమార్తె ఇంటర్‌ చదువుతున్నట్లు బంధువులు తెలిపారు. కాగా, ఎన్నికల సమయంలో జరిగిన బదిలీల్లో వెళ్లిన వారు తిరిగి అదే ప్రాంతానికి వెళా ల్సి ఉంటుందని మంత్రివర్గ సమావేశంలో నిర్ణయం తీసుకోవడంతో డిప్యుటేషన్‌పై వచ్చిన ఆయన తిరిగి ఆసిఫాబాద్‌కు వెళ్తాననే బెంగ పెట్టుకున్నట్లు రెవెన్యూ వర్గాలు చర్చించుకుంటున్నాయి. నివాళులర్పించిన ఎమ్మెల్యే, కలెక్టర్‌ తహసీల్దార్‌ శ్రీపాల్‌రెడ్డి భౌతికకాయాన్ని వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, హనుమకొండ జిల్లా కలెక్టర్‌ ప్రావీణ్య, అదనపు కలెక్టర్‌ వెంకట్‌రెడ్డి, ఉన్నతాధికారులు సందర్శించి నివాళులర్పించారు. ఆయన కుటుంబానికి ప్రభుత్వపరంగా అండగా ఉంటామని హామీ ఇచ్చారు.

తనిఖీ చేసిన ‘కుడా’చైర్మన్‌, వైస్‌ చైర్‌పర్సన్‌ వరంగల్‌ చౌరస్తా : వరంగల్‌ ఆర్టీసీ బస్‌స్టేషన్‌ నిర్మాణం ఎందుకింత ఆలస్యమవుతుందని కాకతీయ అర్బన్‌ డెవలప్‌మెంట్‌ అథారిటీ (కుడా) చైర్మన్‌ ఇనగాల వెంకట్రాంరెడ్డి అధికారులను ప్రశ్నించారు. శుక్రవారం సాయంత్రం బస్‌స్టేషన్‌ నిర్మాణ ప్రాంతాన్ని పరిశీలించి, పనుల పురోగతిపై అధికారులను అడిగి తెలుసుకున్నారు. కార్యక్రమంలో వైస్‌ చైర్‌పర్సన్‌ అశ్విని తానాజీ వాకడే, సీపీఓ అజిత్‌ రెడ్డి, ఈఈ భీంరావు పాల్గొన్నారు. అలాగే, భద్రకాళి బండ్‌ పరిసరాలను పరిశీలించారు.

కేయూ స్టాండింగ్‌ కమిటీలో నిర్ణయం కేయూ క్యాంపస్‌: కాకతీయ యూనివర్సిటీ పరిధిలోని ప్రభుత్వ డిగ్రీ అండ్‌ పీజీ కళాశాలల అధ్యాపకులకు పీహెచ్‌డీ గైడ్‌షిప్‌ ఇవ్వనున్నారు. ఈ మేరకు శుక్రవారం సాయంత్రం కాకతీయ యూనివర్సిటీలో జరిగిన స్టాండింగ్‌ కమిటీ సమావేశంలో నిర్ణయించారు. పలు అకాడమిక్‌ సిలబస్‌ల మార్పు, పరీక్షలు, దూరవిద్యలో సర్టిఫికెట్‌ డిప్లొమా కోర్సులు, తదితర అంశాలపై చర్చించి ఆమోదించారు. ఒక క్లస్టర్‌ డిగ్రీ అండ్‌ పీజీ కళాశాల పరిధిలోకి వచ్చే అధ్యాపకులు ఆ క్లస్టర్‌ డిగ్రీ కళాశాల నుంచే పీహెచ్‌డీ గైడ్‌షిప్‌ కోసం దరఖాస్తు చేసుకోవాలి. ఎంతమందికి గైడ్‌షిప్‌ ఇవ్వనున్నది కొద్దిరోజుల్లో తేలనుంది. అదేవిధంగా కేయూ పరిధిలో డిగ్రీ, పీజీ, ఇంజనీరింగ్‌, ఫార్మసీ, లా విద్య (నాన్‌ ప్రొఫెషనల్‌, ప్రొఫెషనల్‌) కోర్సుల్లో కొన్ని సంత్సరాలుగా ఫెయిల్‌ అయి బ్యాక్‌లాగ్‌ సబ్జెక్టులు కలిగిన విద్యార్థులకు పరీక్షలు రాసేందుకు అవకాశం కల్పిస్తూ స్టాండింగ్‌ కమిటీలో నిర్ణయం తీసుకున్నారు. 2025–2026 విద్యా సంవత్సరంలో రెగ్యులర్‌ కోర్సుల సెమిస్టర్ల పరీక్షలతో వారు రాసుకునే అవకాశం కల్పిస్తారు. దూరవిద్యలోని ఇయర్‌వైజ్‌ స్కీం విద్యార్థులు కూడా బ్యాక్‌లాగ్‌ సబ్జెక్టులు రాసుకోవచ్చు. కేయూ దూరవిద్యలో 16వివిధ డిప్లొమా, సర్టిఫికెట్‌ కోర్సులను ప్రవేశపెట్టాలని, ఎమ్మెస్సీ జియాలజీ కోర్సులో సిలబస్‌ మార్పునకు ఆమోదించారు. సమావేశంలో వీసీ కె.ప్రతాప్‌రెడ్డి, రిజిస్ట్రార్‌ వి.రామచంద్రం, వివిధ విభాగాల డీన్‌లు, పలువురు పాలక మండలి సభ్యులు, యూనివర్సిటీ కళాశాలల ప్రిన్సిపాళ్లు పాల్గొన్నారు.

● హనుమకొండ ప్రభుత్వ మర్కజీ హైస్కూల్‌లో వివిధ పనులకు రూ 4.50 లక్షల మంజూరీ ఇచ్చారు. తొలుత 25శాతం నిధులు రూ.లక్షా 50 వేలు అడ్వాన్స్‌డ్‌గా విడుదల చేశారు. మిగతా పనులు పూర్తయ్యాయని, పనులు చేసిన వారికి బిల్లులు చెల్లించాల్సిందని సంబంధిత ఉన్నత పాఠశాల హెచ్‌ఎం రామారావు తెలిపారు. ● హనుమకొండలోని లష్కర్‌బజార్‌ ప్రభుత్వ బాలికల హైస్కూల్‌లో పనులు పూర్తయ్యాయి. ఆయా పనులకు అంచనాగా రూ.5.80 లక్షలు మంజూరీ ఇచ్చారు. మొదట 25శాతం నిధులు మాత్రమే విడుదల అయ్యాయని ఆ హైస్కూల్‌ హెచ్‌ఎం ఉమ తెలిపారు. పనులు చేసిన వారు బిల్లుల కోసం నిరీక్షిస్తున్నారు.

పనులు మంజూరైన పాఠశాలల్లో చాలావరకు 80శాతం పనులు పూర్తయ్యాయి. మిగిలిన పనులు ఈనెల 12న పాఠశాలలు పునఃప్రారంభమయ్యేలోగా పూర్తిచేయాల్సింటుంది. ఆ దిశగా పర్యవేక్షణ కొనసాగుతోంది. ఇంకా పనులు ప్రారంభించని పాఠశాలల్లో ఈనెల చివరి వరకు పూర్తిచేయాలి. – బి.మహేష్‌, జిల్లా విద్యాశాఖ ప్లానింగ్‌ కోఆర్డినేటర్‌ వినియోగంలోకి తేవాలి..ధర్మసాగర్‌ జిల్లా పరిషత్‌ ఉన్నత పాఠశాలలో బాలికల కోసం ప్రత్యేక టాయిలెట్లను మరమ్మతులు చేయడం సంతోషదాయకం. పాఠశాలలు తెరిచే నాటికి వాటిని పూర్తిస్థాయిలో వినియోగంలోకి వచ్చేలా పనులు పూర్తి చేయాలి. – వల్లెపు దేవి, విద్యార్థి తల్లి

వరంగల్‌ కలెక్టర్‌ సత్యశారద న్యూశాయంపేట: విద్యార్థుల పెంపు లక్ష్యంగా ప్రొఫెసర్‌ జయశంకర్‌ బడిబాట కార్యక్రమాన్ని పకడ్బందీగా నిర్వహించాలని వరంగల్‌ కలెక్టర్‌ సత్యశారద అన్నారు. బడిబాట కార్యక్రమంపై కలెక్టరేట్‌లో శుక్రవారం విద్యాశాఖ, సంక్షేమశాఖ, డీఆర్‌డీఓ, పంచాయతీ, కార్మిక, మున్సిపల్‌, మెప్మా, తదితర శాఖల అధికారులతో నిర్వహించిన సమావేశంలో కలెక్టర్‌ మాట్లాడుతూ.. షెడ్యూల్‌ ప్రకారం విస్తృతంగా కార్యక్రమాలు నిర్వహించాలని, బడీడు పిల్ల లను ప్రభుత్వ బడుల్లో చేర్పించాలన్నారు. విద్యార్థులకు ఉచిత యూనిఫామ్‌, పాఠ్యపుస్తకాలు నోట్‌బుక్స్‌, మధ్యాహ్న భోజన సౌకర్యాలు కల్పిస్తున్నామని, ఇవన్నీ ప్రజలకు తెలియపర్చాలని చెప్పారు. అన్ని శాఖల అధికారులు సమన్వయంతో పనిచేయాలని సూచించారు. గత నెలలో నిర్వహించిన క్యాంపెయిన్‌లో ప్రభుత్వ పాఠశాలల్లో చేర్పించిన నివేదికలను సమర్పించాలని ఎంఈఓలను కలెక్టర్‌ ఆదేశించారు. ఏఐ ద్వారా శిక్షణ పొందిన ఉపాధ్యాయుల ద్వారా విద్యాబోధన జరుగుతుందని ప్రజలకు వివరించాలన్నారు. జిల్లాల్లో 635 ప్రభుత్వ పాఠశాలలు ఉన్నాయని, వాటిలో 135 జీరో నమోదు పాఠశాలలు ఉన్నాయని, వాటిల్లో విద్యార్థుల నమోదుకు చర్యలు చేపట్టాలని ఆదేశించారు. తహసీల్దార్లు, స్పెషల్‌ ఆఫీసర్లు, ఎంపీడీఓలు, ఏపీఓ, మెప్మా, ఏపీఎంలు స్వయం సహాయక బృందాలు, అంగన్‌వాడీలను గ్రామసభల్లో భాగస్వాములను చేయాలన్నారు. అదనపు కలెక్టర్‌ సంధ్యారాణి మాట్లాడుతూ.. అన్ని శాఖల భాగస్వామ్యంతో ప్రభుత్వ పాఠశాలల్లో విద్యార్థుల సంఖ్య పెంచేందుకు కృషిచేయాలన్నారు. ఇటుక బట్టీల దగ్గర పనిచేసే పిల్లలను గుర్తించి వారి తల్లిదండ్రులను ఒప్పించి ప్రతి విద్యార్థిని పాఠశాలలో చేర్పించాలని తెలిపారు. సమావేశంలో డీఈఓ జ్ఞానేశ్వర్‌, జెడ్పీ సీఈఓ రాంరెడ్డి, డీఆర్డీఓ కౌసల్యాదేవి, ఆర్డీఓలు సత్యపాల్‌రెడ్డి, ఉమారాణి, డీపీఓ కల్పన తదితరులు పాల్గొన్నారు. బక్రీద్‌ శుభాకాంక్షలు తెలిపిన కలెక్టర్‌ జిల్లాలోని ముస్లింలకు కలెక్టర్‌ సత్యశారద ఈద్‌ ఉల్‌ అజ్‌హా(బక్రీద్‌) పండుగ శుభాకాంక్షలు తెలిపారు. త్యాగానికి ప్రతీక బక్రీద్‌ పండుగ అని పేర్కొన్నారు. భక్తిశ్రద్ధలతో, ఆనందోత్సాహాలతో పండుగ జరుపుకోవాలని ఆకాంక్షించారు.

కేయూ క్యాంపస్‌: వివిధ సామాజిక అంశాలపై పరిశోధనలు చేసేటప్పుడు పద్ధతులపై అవగాహన అవసరమని కాకతీయ యూనివర్సిటీ సోషియాలజీ అండ్‌ ఎంఎస్‌డబ్ల్యూ విభాగం అధిపతి ప్రొఫెసర్‌ స్వర్ణలత అన్నారు. శుక్రవారం యూనివర్సిటీలోని రాజనీతిశాస్త్ర విభాగం ఆధ్వర్యంలో సోషల్‌సైన్స్‌ పరిశోధకులకు రీసె ర్చ్‌ మెథడాలజీపై ఏర్పాటుచేసిన అవగాహన సమావేశంలో ఆమె మాట్లాడారు. పరిశోధకులకు పరిశీలనలో నమూనా పద్ధతులను ఆమె వివరించారు. కేస్‌ స్టడీ అనేది కీలకంగా ఉంటుందన్నారు. సమావేశంలో ఆ విభాగం అధిపతి సంకినేని వెంకటయ్య, అధ్యాపకులు డాక్టర్‌ నాగరాజు, పరిశోధకులు పాల్గొన్నారు. మిల్స్‌కాలనీ ఇన్‌స్పెక్టర్‌గా బొల్లం రమేష్‌వరంగల్‌ క్రైం: వరంగల్‌ సబ్‌ డివిజన్‌లోని మిల్స్‌కాలనీ పోలీస్‌స్టేషన్‌ ఇన్‌స్పెక్టర్‌గా బొల్లం రమేష్‌ను నియమిస్తూ వరంగల్‌ పోలీస్‌ కమిషనర్‌ సన్‌ప్రీత్‌ సింగ్‌ శుక్రవారం ఉత్తర్వులు జారీ చేశారు. బొల్లం రమేష్‌ గతంలో ధర్మసాగర్‌ ఇన్‌స్పెక్టర్‌గా పనిచేశారు. ‘ఎన్‌ఎంఎంఎస్‌’కు విద్యార్థుల ఎంపికవిద్యారణ్యపురి: నేషనల్‌ మీన్స్‌ కమ్‌ మెరిట్‌ స్కాలర్‌షిప్‌ (ఎన్‌ఎంఎంఎస్‌) కోసం గత ఏడాది నవంబర్‌లో నిర్వహించిన పరీక్షను అప్పటి ప్రభుత్వ యాజమాన్యాల్లోని పాఠశాలల 8వ తరగతి విద్యార్థులు రాశారు. హనుమకొండ జిల్లాలో 628మంది పరీక్ష రాయగా, అందులో స్కాలర్‌షిప్‌నకు 68మంది విద్యార్థులు ఎంపికయ్యారు. వారికి ప్రతి ఏడాది ఒక్కొక్కరికి ఇంటర్‌ వరకు రూ.12వేల చొప్పున స్కాలర్‌షిప్‌ వస్తుంది. బడిబాట షురూవిద్యారణ్యపురి: హనుమకొండ, వరంగల్‌ జిల్లాల్లోని పలు పాఠశాలల్లోని ఉపాధ్యాయులు శుక్రవారం బడిబాట కార్యక్రమం నిర్వహించారు. గ్రామసభలు నిర్వహించి బడీడు పిల్ల లను పాఠశాలల్లో చేర్పించాలని కోరారు. మండల విద్యాధికారులు హెచ్‌ఎంలు, ఉపాధ్యాయులు భాగస్వాములయ్యారు. ఈనెల 19వ తేదీవరకు ఈ బడిబాట కొనసాగనుంది. డీఈఈసెట్‌ అభ్యర్థులకు 9నుంచి సర్టిఫికెట్ల పరిశీలనవిద్యారణ్యపురి: ఉమ్మడి వరంగల్‌ జిల్లాలో డీఈఈసెట్‌లో ఉత్తీర్ణత సాధించిన అభ్యర్థుల ప్రవేశాలకుగాను ఈనెల 9నుంచి 13వ తేదీ వరకు సర్టిఫికెట్ల పరిశీలన ఉంటుందని హనుమకొండ ప్రభుత్వ డైట్‌ కళాశాల ఇన్‌చార్జ్‌ ప్రిన్సిపాల్‌ ఎండీ అబ్దుల్‌హై శుక్రవారం ఒక ప్రకటనలో తెలిపారు. అభ్యర్థులు తమ ఒరిజినల్‌ సర్టిఫికెట్లతోపాటు ర్యాంకు కార్డు, హాల్‌టికెట్‌, ఎస్‌ఎస్‌సీ, ఇంటర్మీడియట్‌, 4వ తరగతి నుంచి 12వ తరగతి వరకు స్టడీ సర్టిఫి కెట్లు తీసుకురావాలని పేర్కొన్నారు. సర్టిఫికెట్ల పరిశీలన అనంతరం ఈనెల 14నుంచి 17వరకు వెబ్‌ ఆప్షన్‌లు ఇచ్చుకోవాల్సింటుందని తెలిపారు. పూర్తి వివరాలకు టీజీడీఈఈసెట్‌ వెబ్‌సైట్‌లో చూడాలని సూచించారు. కొత్తమెనూ ప్రకారం వంటచేయాలివిద్యారణ్యపురి: హనుమకొండ జిల్లాలోని కేజీబీవీ, టీజీఆర్‌ఈఐఎస్‌, యూఆర్‌ఎస్‌, మోడల్‌ స్కూళ్లలోని హాస్టళ్లలో కొత్త మెనూ ప్రకారం వంట చేయాలని ఇన్‌చార్జ్‌ డీఈఓ మధుసూదన్‌ సూచించారు. కామన్‌ మెనూపై హసన్‌పర్తి కేజీబీవీలో శుక్రవారం వంట మనుషులకు శిక్షణ ఇచ్చారు. రాష్ట్రస్థాయిలో శిక్షణ పొందిన డీఆర్‌పీలు వివిధ రకాల వంటకాలు ఎలా చేయాలో ప్రయోగాత్మకంగా చేసి చూపించారు. సమావేశంలో జెండర్‌ ఈ్వకిటీ కోఆర్డినేటర్‌ సునీత, కేజీబీవీల స్పెషల్‌ ఆఫీసర్లు జ్యోతి, స్వప్న పాల్గొన్నారు. రెండు కేజీబీవీల్లో ఎంఎల్‌టీ కోర్సు విద్యారణ్యపురి: వరంగల్‌ జిల్లాలోని దుగ్గొండి, పర్వతగిరి కేజీబీవీల్లో ఈ విద్యాసంవత్సరం (2025–26) కళాశాల స్థాయిలో ఇంటర్మీడియట్‌ ఎంఎల్‌టీ (మెడికల్‌ ల్యాబ్‌ టెక్నీషియన్‌) కోర్సును నూతనంగా ప్రవేశపెట్టినట్లు డీఈఓ మామిడి జ్ఞానేశ్వర్‌ శుక్రవారం ఒక ప్రకటనలో తెలిపారు. ఒక్కో కేజీబీవీలో ప్రథమ సంవత్సరానికి 40 సీట్లు కేటాయించినట్లు తెలిపారు. ఆసక్తిగల బాలికలు వినియోగించుకోవాలని పేర్కొన్నారు.

విద్యారణ్యపురి : ప్రభుత్వ పాఠశాలల్లో విద్యార్థుల నమోదు పెంపు లక్ష్యంగా ప్రొఫెసర్‌ జయశంకర్‌ బడిబాట కార్యక్రమం నిర్వహణకు ఉపాధ్యాయులు సన్నద్ధమయ్యారు. నేటి(శుక్రవారం)నుంచి 19వరకు జిల్లాల్లోని అన్ని ప్రభుత్వ, జిల్లా పరిషత్‌ ఉన్నత పాఠశాలల ఉపాధ్యాయులు తమ పరిధిలోని ప్రాంతాల్లో బడిబాట నిర్వహించాల్సి ఉంటుంది. అందుకు ప్రభుత్వ మార్గదర్శకాలు ఇప్పటికే జారీ అయ్యాయి. విద్యార్థులు లేని పాఠశాలలను తెరుస్తారు.. హనుమకొండ జిల్లాలో అసలు విద్యార్థులు లేని ప్రభుత్వ ప్రాథమిక పాఠశాలలు 41 ఉన్నాయి. అందులో పనిచేస్తున్న ఉపాధ్యాయులను గతేడాది విద్యార్థులున్న పాఠశాలలకు సర్దుబాటు చేశారు. ఈ ఏడాది ఆయా పాఠశాలలను తెరిచేందుకు డీఈఓ వాసంతి అవకాశం ఇచ్చారు. 41 పాఠశాలల్లోని టీచర్లు బడిబాట కార్యక్రమం ద్వారా తమతమ ప్రాంతాల పాఠశాలల పరిధిలో విద్యార్థులను నమోదు చేయిస్తే అవే పాఠశాలల్లోనే ఆయా టీచర్లు కొనసాగించేందుకు కూడా నిర్ణయించారు. కనీసం పది మంది విద్యార్థులను చేర్పించిన కూడా ఆయా పాఠశాలలు కొనసాగనున్నాయి. విద్యార్థులను చేర్పించలేని పరిస్థితుల్లో ఆయా పాఠశాలల టీచర్లను విద్యార్థులున్న ఇతర పాఠశాలలకు సర్దుబాటు చేస్తారు. జిల్లాలో 10లోపు విద్యార్థులున్న పాఠశాలలు మరో 45 వరకు ఉన్నాయి. ఆయా పాఠశాలల టీచర్లు కూడా తమతమ పాఠశాలల్లో విద్యార్థుల నమోదును పెంచుకోవాల్సిందే. 20 మంది విద్యార్థులు ఉన్న పాఠశాలలు ఉన్నాయి. అలాగే ప్రభుత్వ ఉన్నత పాఠశాలల్లో కూడా కొన్నింటిలో తక్కువగానే విద్యార్థులు ఉన్నారు. బడిబాట కార్యక్రమం ద్వారా విద్యార్థుల తల్లిదండ్రులకు ప్రభుత్వ పాఠశాలలపై విశ్వాసం కలిగించేలా కృషిచేసి విద్యార్థులను చేర్పించుకోవాల్సి ఉంటుంది. లేకపోతే ఆయా పాఠశాలల మనుగడ ప్రశ్నార్థకంగా మారనుందని భావిస్తున్నారు. వరంగల్‌ జిల్లాలో 126 పాఠశాలల్లో అసలు విద్యార్థులే లేరు. గతేడాది ఆయా టీచర్లను వేరే పాఠశాలలో సర్దుబాటు చేశారు.విద్యార్థులను చేర్పించని పాఠశాలల టీచర్లకు ఇతర స్కూళ్లలో సర్దుబాటు చేస్తారు. రోజువారీగా కార్యక్రమాలు ఇలా.. ● 6న బడిబాటలో భాగంగా గ్రామసభలు, అవగాహన ర్యాలీలు నిర్వహించాలి. స్వయం సహాయక సంఘాలు ,హాస్టల్‌ వెల్ఫేర్‌ ఆఫీసర్లు, తల్లిదండ్రులు, పూర్వ విద్యార్థులు తదితరులను భాగస్వాములను చేయాలి. ● 7న ఇంటింటికి తిరుగుతూ బడిఈడు పిల్లలను గుర్తించాలి. గ్రామ విద్యార్థి రిజిస్టర్‌ను నవీకరించాలి. ● 8 నుంచి 10వ తేదీవరకు ఇంటింటికివె వెళ్లి ప్రచారం చేయటంతోపాటు గ్రామంలోని అంగన్‌వాడీ కేంద్రాలను సందర్శించాలి. అందులోని బడీడు పిల్లలను పాఠశాలల్లో చేర్పించేలా తల్లిదండ్రులకు అవగాహన కల్పించాలి. ప్రత్యేక అవసరాల పిల్లలను గుర్తించి భవిత కేంద్రాల్లో చేర్పించేలా ప్రోత్సహించాలి. ● 11న బడిబాట ద్వారా చేసిన ప్రగతిని చర్చించేందుకు గ్రామసభ నిర్వహించాలి. ● 12న అమ్మ ఆదర్శ కమిటీల ఆధ్వర్యంలో చేపట్టిన పనులను ప్రజాప్రతినిధులతో ప్రారంభించి అదే రోజు విద్యార్థులకు పాఠ్యపుస్తకాలు, నోట్‌బుక్స్‌, స్కూల్‌ యూనిఫామ్స్‌ అందించాలి. ● 13న సామూహిక అక్షరాభ్యాసం, బాలలసభ నిర్వహించాలి. ● 16న ఎఫ్‌ఎల్‌ఎన్‌, లిప్‌ దినోత్సవం జరపాలి. ● 17న విలీన విద్య, బాలికా దినోత్సవంను నిర్వహించాలి. ● 18 తరగతి గదుల డిజిటలీకరణపై అవగాహన కల్పించి మొక్కల పెంపకం ప్రాధాన్యాన్ని వివరించాలి. ● 19 బడిబాట ముగింపు సందర్భంగా విద్యార్థులకు వివిధ క్రీడాపోటీలు నిర్వహించాలి. విద్యార్థుల నమోదు లక్ష్యం.. జిల్లాలోని అన్ని పాఠశాలల్లో ఉపాధ్యాయులు విద్యార్థుల నమోదుకు బడిబాట నిర్వహించాలి. జిల్లా కేంద్రంలోని మడికొండ జెడ్పీ ఉన్నత పాఠశాలలో బడిబాట కార్యక్రమాన్ని పాఠశాల విద్యాశాఖ ఆర్జేడీ సత్యనారాయణరెడ్డి ప్రారంభిస్తారు. అక్కడే గ్రామసభ నిర్వహించి, తల్లిదండ్రులను, మహిళా సమాఖ్యలను, స్థానిక ప్రజాప్రతినిధులను భాగస్వాములయ్యేలా చూస్తాం. – బద్దం సుదర్శన్‌రెడ్డి, హనుమకొండ జిల్లా కమ్యూనిటీ మొబలైజింగ్‌, కోఆర్డినేటర్‌ నేటినుంచి 19వరకు నిర్వహణ వివిధ కార్యక్రమాల రూపకల్పన చివరి రోజు విద్యార్థులకు క్రీడాపోటీలు జిల్లాల్లో విద్యార్థులు లేని స్కూళ్ల పునఃప్రారంభానికి ఓకే.. కనీసం పదిమందినైనా చేర్పించాలి.. హనుమకొండలో 41, వరంగల్‌లో 126 పాఠశాలల్లో సున్నా సంఖ్య జిల్లాల వారీగా పాఠశాలల వివరాలు జిల్లా పీఎస్‌లు యూపీఎస్‌లు హైస్కూల్స్‌ హనుమకొండ 314 72 147 వరంగల్‌ 321 68 123

సాక్షిప్రతినిధి, వరంగల్‌ : రైతులు పండించిన ధాన్యాన్ని వానాకాలం, యాసంగి సీజన్లలో ఏటా సేకరిస్తున్న ప్రభుత్వం.. మర ఆడించేందుకు ఉమ్మడి వరంగల్‌ జిల్లాలోని రైస్‌మిల్లులకు అప్పగిస్తోంది. కస్టం మిల్లింగ్‌ రైస్‌(సీఎంఆర్‌) కోసం ఇచ్చిన ధాన్యాన్ని ఎప్పటికప్పుడు మరాడించి బియ్యాన్ని గడువులోగా పౌరసరఫరాల కార్పొరేషన్‌, ఎఫ్‌సీఐలకు మిల్లర్లు ఇవ్వాల్సి ఉంటుంది. అయితే ఉమ్మడి జిల్లాలో గతేడాది రెండు సీజన్లలో సీఎంఆర్‌ ప్రక్రియ అనుకున్నంత వేగంగా జరగలేదు. అయినప్పటికీ అధికారులు ఈ వానాకాలానికి సంబంధించి కూడా సుమారు 281 రా రైస్‌, పారాబాయిల్డ్‌ రైసుమిల్లులకు సీఎంఆర్‌ ధాన్యం సరఫరా చేశారు. రెండు నెలలు కావొస్తున్నా కేవలం 2.19 శాతం మాత్రమే రైస్‌మిల్లర్లు బియ్యం ప్రభుత్వరంగ సంస్థలకు అప్పగించారు. సర్కారు ధాన్యంతో మిల్లర్ల వ్యాపారం.. సీఎంఆర్‌ కింద ధాన్యం ఇచ్చే క్రమంలో రైస్‌మిల్లుల యజమానులకు గడువు విధించి నిర్దేశించిన సమయంలోగా అప్పగించాలని ప్రభుత్వం నుంచి ఆదేశాలు ఉన్నాయి. ఇందుకు సంబంధించి స్పష్టమైన మార్గదర్శకాలు ఇచ్చారు. అయితే ఏటా మిల్లుల యజమానులు గడువును లెక్కచేయకుండా ధాన్యాన్ని బియ్యంగా మార్చి సొంత వ్యాపారం చేసుకుంటూ.. వారికి నచ్చినప్పుడు పౌరసరఫరాల సంస్థ, ఎఫ్‌సీఐలకు బియ్యం అప్పగిస్తున్నారు. ఇది ప్రతి ఏటా జరుగుతోంది. ఉమ్మడి జిల్లాలో రైస్‌మిల్లులకు ఈ సీజన్‌లో రైతుల నుంచి కొనుగోలు చేసిన 7,42,261 మెట్రిక్‌ టన్నుల ధాన్యం సీఎంఆర్‌ కింద ఇచ్చారు. ఇందుకు 5,04,737 మెట్రిక్‌ టన్నుల బియ్యం ఆగస్టు వరకు పూర్తిగా ఇవ్వాల్సి ఉండగా.. రెండు నెలల్లో కేవలం 11,068(2.19 శాతం) మెట్రిక్‌ టన్నుల బియ్యం మిల్లర్లు ఇచ్చారు. గతేడాది వా నాకాలం, యాసంగి సీఎంఆర్‌కు సంబంధించి సుమారు రూ.561 కోట్ల విలువైన బియ్యం పెండింగ్‌లో ఉండగా..ఈవానాకాలం సీజన్‌కు సంబంధించి 4,93,669 మెట్రిక్‌ టన్నుల బియ్యం మిల్ల ర్లు ఎప్పటి వరకు ఇస్తారన్న చర్చ జరుగుతోంది. సీఎంఆర్‌ జాబితాలో డిఫాల్టర్లు.. గత వానాకాలం, యాసంగి సీజన్లలో సీఎంఆర్‌ కింద ధాన్యం తీసుకుని ఇంకా బియ్యం ఇవ్వని డిఫాల్టర్లకు ఈ వానాకాలంలో సీఎంఆర్‌ కింద ధాన్యం ఇచ్చారన్న ఆరోపణలు ఉన్నాయి. ఎక్కువగా హనుమకొండ, వరంగల్‌, మహబూబాబాద్‌ జిల్లాల్లో జరిగినట్లు ఫిర్యాదులున్నాయి. ● హనుమకొండ జిల్లా కమలాపూర్‌ మండలంలో రెండు రైస్‌మిల్లులను నడుపుతున్న హసన్‌పర్తికి చెందిన ఓ వ్యాపారి రూ.కోట్లలో సీఎంఆర్‌ ఎగవేసినా పట్టించుకోవడం లేదన్న ఆరోపణలు ఉన్నాయి. అతడిపై రెవెన్యూ రికవరీ యాక్టు పెట్టే అవకాశం ఉన్నా.. అధికారులు ఉదాసీనంగా వ్యవహరిస్తూ ధాన్యం కేటాయించడం వివాదాస్పదం అవుతోంది. ● హసన్‌పర్తి మండలం సీతంపేట సమీపంలోని ఓ రైస్‌మిల్లును లీజుకు తీసుకుని సివిల్‌సప్లయీస్‌ ద్వారా తీసుకున్న సుమారు రూ.15 కోట్ల విలువైన ధాన్యానికి మంగళం పాడినా పట్టించుకోవడం లేదన్న విమర్శలు ఉన్నాయి. అలాగే గత వానాకాలం, యాసంగి సీఎంఆర్‌ ఇవ్వని డిఫాల్టర్లకు ఈ సీజన్‌లో ధాన్యం ఇవ్వడంపై విమర్శలు వెల్లువెత్తుతున్నాయి. కాగా ప్రభుత్వ నిబంధనల ప్రకారమే ఈ సీజన్‌లోనూ రైస్‌మిల్లులకు బ్యాంకు గ్యారంటీ, ష్యూరిటీలు తీసుకుని సీఎంఆర్‌ కింద ధాన్యం కేటాయించామని, సీఎంఆర్‌ ప్రక్రియను గడువులోగా పూర్తిచేసేందుకు చర్యలు తీసుకుంటున్నామని ఉమ్మడి వరంగల్‌కు చెందిన పౌరసరఫరాలశాఖ అధికారి ఒకరు తెలిపారు. వానాకాలం బియ్యం మరాడింపు మరీ స్లో.. ఉమ్మడి వరంగల్‌లో మిల్లర్లకు 7.42 లక్షల మె.టన్నుల ధాన్యం సీఎంఆర్‌ కింద ఇవ్వాల్సిన బియ్యం 5.04 లక్షల మె.టన్నులు... రెండు నెలల్లో ఇచ్చింది 11,068 మెట్రిక్‌ టన్నుల బియ్యం మాత్రమే యాసంగి సీఎంఆర్‌పైన నిర్లక్ష్యమే.. డిఫాల్టర్లకు సీఎంఆర్‌ ధాన్యం?

హనుమకొండ డీఎంహెచ్‌ఓ అప్పయ్య ఎంజీఎం/హసన్‌పర్తి : జిల్లాలోని ఆయుష్మాన్‌ ఆరోగ్య మందిర్‌లు, పట్టణ ఆరోగ్య కేంద్రాలు, ప్రాథమిక ఆరోగ్య కేంద్రాలను పరిశుభ్రంగా ఉంచాలని హనుమకొండ డీఎంహెచ్‌ఓ అప్పయ్య సూచించారు. గురువారం ప్రపంచ పర్యావరణ దినోత్సవాన్ని పురస్కరించుకుని ఎంజీఎం ఆస్పత్రి ప్రాంగణంతో పాటు లష్కర్‌ సింగారం పట్టణ ఆరోగ్య కేంద్రంలో మొక్కలు నాటారు. ఈ సందర్భంగా డీఎంహెచ్‌ఓ అప్పయ్య మాట్లాడుతూ ఆస్పత్రికి వచ్చే రోగులకు ఆస్పత్రి ప్రాంగణం శుభ్రంగా పచ్చదనంతో ఆహ్లాదంగా కనిపించాలని సూచించారు. అదేవిధంగా టీబీ నిర్మూలనకు ప్రతీ ఒక్కరు కృషి చేయాలని డీఎంహెచ్‌ఓ పిలుపునిచ్చారు. హసన్‌పర్తి మండల కేంద్రంలోని దళితవాడ పాఠశాలలో టీబీ టెస్ట్‌లు నిర్వహించారు. ఎన్‌సీడీ ప్రోగ్రాం అధికారి డాక్టర్‌ రజాహైదర్‌, హెల్త్‌ సూపర్‌వైజర్‌ బాబు, ఎంజీఎం సూపర్‌వైజర్‌ నర్మద, విప్లవకుమార్‌, టీబీ ప్రోగ్రాం కో–ఆర్డినేటర్‌ డాక్టర్‌ హిమబిందు, టెక్నీషియన్‌ అయ్యుతరావు,హెల్త్‌ అసిస్టెంట్‌ శ్రీనివాస్‌, ఫార్మసీ ఆఫీసర్‌, నర్సింగ్‌ అధికారులు, ఏఎన్‌ఎంలు పాల్గొన్నారు.

వరంగల్‌ కలెక్టర్‌ సత్యశారద న్యూశాయంపేట: పర్యావరణ పరిరక్షణ మనందరి బాధ్యత అని కలెక్టర్‌ సత్యశారద అన్నారు. ప్రపంచ పర్యావరణ దినోత్సవాన్ని పురష్కరించుకుని తెలంగాణ కాలుష్య నియంత్రణ మండలి వరంగల్‌ ఆధ్వర్యంలో గురువారం హనుమకొండ పబ్లిక్‌ గార్డెన్‌లో నిర్వహించిన కార్యక్రమానికి కలెక్టర్‌ ముఖ్య అతిథిగా హాజరయ్యారు. వరంగల్‌ డీఎఫ్‌ఓ అనూజ్‌ అగర్వాల్‌తో కలిసి జ్యోతి ప్రజ్వలన చేసి కార్యక్రమాన్ని ప్రారంభించారు. ఈసందర్భంగా పర్యావరణ పరిరక్షణకు కట్టుబడి ఉంటామని కలెక్టర్‌ అందరితో ప్రతిజ్ఞ చేయించారు. జిల్లా అటవీశాఖ అధికారి అనూజ్‌ అగర్వాల్‌ మాట్లాడుతూ.. రోజువారీ జీవితంలో సింగిల్‌యూజ్‌ ప్లాస్టిక్‌ వాడకాన్ని నివారించాలన్నారు. ఈసందర్భంగా ‘ప్లాస్టిక్‌ కాలుష్యాన్ని ఓడించండి’ అంశంపై విద్యార్థులకు వ్యాసరచన, చిత్రలేఖనం పోటీలు నిర్వహించారు. పోటీల్లో గెలుపొందిన వారికి ప్రశంస పత్రాలు జ్ఞాపికలతో కలెక్టర్‌ సత్యశారద సన్మానించారు. కార్యక్రమంలో కాలుష్య నియంత్రణ మండలి ఉమ్మడి జిల్లా ఎగ్జిక్యూటివ్‌ ఇంజనీర్‌ సునీత, ఎన్‌ఐటీ ప్రొఫెసర్‌ వేణు, వినోద్‌, డాక్టర్‌ శ్రీనివాస్‌, గణేశ్‌ ఈకో కంపెనీ ప్రతినిధులు పాల్గొన్నారు.

వరంగల్‌ స్పోర్ట్స్‌/హన్మకొండ అర్బన్‌ : క్రీడల ప్రాధాన్యతను గుర్తించి తల్లిదండ్రులు వారి పిల్ల లను నచ్చిన క్రీడల్లో ప్రోత్సహించడం అభినందనీయమని హనుమకొండ కలెక్టర్‌ ప్రావీణ్య అన్నారు. హనుమకొండ జిల్లా క్రీడా ప్రాధికార సంస్థ ఆధ్వర్యంలో 35 రోజులపాటు నిర్వహించిన వేసవి క్రీడా శిక్షణ శిబిరాలు గురువారం ముగిశాయి. హనుమకొండ జవహర్‌లాల్‌ నెహ్రూ స్టేడియంలోని బాస్కెట్‌ బాల్‌ గ్రౌండ్‌లో జరిగిన ముగింపు వేడుకలకు ముఖ్య అతిథిగా కలెక్టర్‌ ప్రావీణ్య హాజరయ్యారు. ఈ సందర్భంగా ప్రపంచ పర్యావరణ దినోత్సవాన్ని పురస్కరించుకుని జేఎన్‌ స్టేడియంతోపాటు సుబేదారిలోని కలెక్టర్‌ నివాసంలో అధికారులతో కలిసి మొక్కలు నాటారు. అనంతరం ఆమె మాట్లాడుతూ.. క్రీడలతో మానసిక, శారీరక ఆరోగ్యం లభిస్తుందన్నారు. డీవైఎస్‌ఓ గుగులోత్‌ అశోక్‌కుమార్‌ మాట్లాడుతూ గతంలో ఎన్నడూ లేనివిధంగా వేసవి క్రీడా శిక్షణ శిబిరాలకు 2,500 మంది క్రీడాకారులు హాజరయ్యారని తెలిపారు. 35 రోజుల పాటు జరిగిన శిబిరంలో వివిధ క్రీడాంశాల్లో క్రీడాకారులు క్రమశిక్షణ, సమయపాలన పాటిస్తూ శిక్షణ పొందారన్నారు. అనంతరం శిక్షణ పొందిన క్రీడాకారులకు పతకాలు అందజేశారు. ఆయా కార్యక్రమాల్లో డీఆర్‌ఓ గణేష్‌, జెడ్పీ సీఈఓ విద్యాలత, డీపీఓ లక్ష్మీరమాకాంత్‌, శ్రీనివాస్‌కుమార్‌, గ్రంథాలయ సంస్థ చైర్మన్‌ అజీజ్‌ఖాన్‌, వివిధ క్రీడాసంఘాల బాధ్యులు, డీఎస్‌ఏ కోచ్‌లు తదితరులు ఉన్నారు. హనుమకొండ కలెక్టర్‌ ప్రావీణ్య ముగిసిన వేసవి క్రీడా శిక్షణ శిబిరం

కాజీపేట అర్బన్‌ : నిట్‌ వరంగల్‌లోని అంబేడ్కర్‌ లర్నింగ్‌ సెంటర్‌ ఆడిటోరియంలో ఈనెల 9వ తేదీన జోసా (జాయింట్‌ సీట్‌ అలకేషన్‌ అథారిటీ) ద్వారా నిట్‌, ఐఐటీల్లో ప్రవేశాలపై విద్యార్థులకు, తల్లిదండ్రులకు అవగాహన కల్పించేందుకు ఓపెన్‌ హౌజ్‌ నిర్వహించనున్నట్లు నిట్‌ యాజమాన్యం గురువారం ఒక ప్రకటనలో తెలిపింది. విద్యార్థులతో పాటు తల్లిదండ్రుల సందేహాలకు సమాధానాలు ఇచ్చేందుకు నిట్‌ డైరెక్టర్‌ బిద్యాధర్‌ సుబుదీ, డీన్లు, ప్రొఫెసర్లు ఉదయం 10:30 నుంచి సాయంత్రం వరకు అందుబాటులో ఉంటారని తెలిపారు. నేరుగా హజరుకాలేకపోతున్న వారి కోసం నిట్‌ అధికారిక యూట్యూబ్‌ అందుబాటులో ఉంటుందని వివరించారు. నిట్‌ను అగ్రగామిగా నిలబెడదాంనిట్‌ బోర్డ్‌ ఆఫ్‌ గవర్నెన్స్‌ చైర్‌పర్సన్‌ మోహన్‌రెడ్డి కాజీపేట అర్బన్‌ : నిట్‌ వరంగల్‌ను అన్ని రంగాల్లో అగ్రగామిగా నిలబెడదామని నిట్‌ బోర్డ్‌ ఆఫ్‌ గవర్నెన్స్‌ చైర్‌పర్సన్‌, ఐఐటీ హైదరాబాద్‌, రూర్కీ బోర్డ్‌ ఆఫ్‌ గవర్నెన్స్‌ చైర్‌పర్సన్‌ డాక్టర్‌ బీవీఆర్‌.మోహన్‌రెడ్డి పేర్కొన్నారు. నిట్‌ వరంగల్‌ బోర్డ్‌ ఆఫ్‌ గవర్నెన్స్‌ చైర్‌ పర్సన్‌గా ఎంపికై న సందర్భంగా తొలిసారిగా వరంగల్‌కు విచ్చేసిన మోహన్‌రెడ్డి గురువారం నిట్‌ క్యాంపస్‌ను పరిశీలించి మాట్లాడారు. ఆధునిక టెక్నాలజీకి అనుగుణంగా సిలబస్‌ను విద్యార్థులకు అందజేయాలని నిట్‌ యాజమాన్యానికి సూచించారు. ఈ సందర్భంగా నిట్‌ డైరెక్టర్‌ బిద్యాధర్‌ సుబుదీ మోహన్‌రెడ్డికి పూలబొకే అందజేసి అభినందించారు. కార్యక్రమంలో ప్రొఫెసర్లు, విద్యార్థులు తదితరులు పాల్గొన్నారు. ట్రాఫిక్‌ పోలీస్‌ స్టేషన్‌ తనిఖీకాజీపేట : కాజీపేట ట్రాఫిక్‌ పోలీస్‌ స్టేషన్‌ను ట్రాఫిక్‌, లా అండ్‌ ఆర్డర్‌ అదనపు డీసీపీ రాయల ప్రభాకర్‌ రావు గురువారం తనిఖీ చేశారు. స్టేషన్‌ పరిధిలో డ్రంకెన్‌ డ్రైవ్‌ కేసుల నమోదు, ఈ–చలాన్ల వివరాలను అడిగి తెలుసుకున్నారు. వాహనాలకు నంబరు ప్లేట్లు లేకుండా తిరగడం, మైనర్‌ డ్రైవింగ్‌ వంటి విషయాల్లో ఎవరిని ఉపేక్షించొద్దని సిబ్బందికి సూచించారు. ఏసీపీ సత్యనారాయణ, సీఐ వెంకన్న, ఎస్సైలు కనక చంద్రం, రామారావు పాల్గొన్నారు. దరఖాస్తుల ఆహ్వానంకాజీపేట అర్బన్‌ : జిల్లాలోని గిరిజన విద్యార్థులు బెస్ట్‌ అవైలబుల్‌ స్కీమ్‌లో భాగంగా 2025–26 విద్యా సంవత్సరానికి గాను 3, 5, 8వ తరగతుల్లో ప్రవేశానికి దరఖాస్తు చేసుకోవాలని జిల్లా గిరిజన అభివృద్ధి అధికారి ప్రేమకళారెడ్డి గురువారం ఒక ప్రకటనలో తెలిపారు. ఈనెల 9వ తేదీనుంచి 13వ తేదీలోపు హనుమకొండ అంబేడ్కర్‌ భవన్‌ ఎదురుగా ఉన్న జిల్లా గిరిజన అభివృద్ధి కార్యాలయంలో దరఖాస్తులు అందుబాటులో ఉన్నాయని పేర్కొన్నారు. పరిశోధనపత్రాల ప్రొసీడింగ్స్‌ ఆవిష్కరణకేయూ క్యాంపస్‌: కాకతీయ యూనివర్సిటీలోని జువాలజీ విభాగం ఆధ్వర్యంలో ఈఏడాది మార్చి 11, 12వ తేదీల్లో ‘ఇన్నోవేటివ్‌ టెక్నిక్స్‌ ఇన్‌ యానిమల్‌ బయా టెక్నాలజీ అండ్‌ ఇమ్యునాలజీ ఫర్‌ డిసీజ్‌ ప్రివెన్షన్‌ అండ్‌ మేనేజ్‌మెంట్‌’ జాతీయ సదస్సు నిర్వహించిన విషయం తెలిసిందే. ఇందులో వచ్చిన 26 పరిశోధన పత్రాలతో కూడిన ప్రొసీడింగ్స్‌ (పుస్తకం)ను రిజిస్ట్రార్‌ ప్రొఫెసర్‌ రామచంద్రంతో కలిసి కేయూ వీసీ ప్రొఫెసర్‌ ప్రతాప్‌రెడ్డి గురువారం ఆవిష్కరించారు. కార్యక్రమంలో జువాలజీ విభాగం అధిపతి ప్రొఫెసర్‌ షమిత, ఆ విభాగం ప్రొఫెసర్లు మామిడాల ఇస్తారి, డాక్టర్‌ వెంకయ్య, ఈసం నారాయణ, ఫార్మసీ కళాశాల ప్రిన్సిపాల్‌ ప్రొఫెసర్‌ కృష్ణవేణి, డీన్‌ ప్రొఫెసర్‌ గాదె సమ్మయ్య పాల్గొన్నారు.

న్యూశాయంపేట : సహజ వనరులను రక్షించుకోవాలని భద్రాద్రి జోన్‌ చీఫ్‌ కన్జర్వేటర్‌ ఆఫ్‌ ఫారెస్ట్‌ (సీసీఎఫ్‌) భీమా నాయక్‌ సూచించారు. గురువారం ప్రపంచ పర్యావరణ దినోత్సవం సందర్భంగా హనుమకొండలోని సుబేదారి ఫారెస్ట్‌ కాంప్లెక్స్‌ నుంచి హంటర్‌రోడ్‌లోని కాకతీయ జూ పార్క్‌ వరకు నిర్వహించిన ర్యాలీని జెండా ఊపి ప్రారంభించారు. అనంతరం జూ పార్క్‌లో జరిగిన కార్యక్రమంలో ఆయన మాట్లాడుతూ.. పర్యావరణాన్ని రక్షించేందుకు ప్రతీ ఒక్కరు పాటుపడాలన్నారు. కాకతీయ జూ పార్క్‌ను ప్లాస్టిక్‌ రహిత జూ గా మార్చేందుకు కృషిచేయాలని అధికారులను ఆదేశించారు. జూ పార్క్‌లో తెల్లపులి, సింహాలు తెచ్చే ప్రయత్నంలో ఉన్నామని సందర్శకులకు మరి కొద్ది రోజులల్లో వీక్షించే వీలు కలుగుతుందన్నారు. ఈ సందర్భంగా జూ పార్క్‌లో మొక్కలు నాటారు. విద్యార్థులకు పోటీలు నిర్వహించగా గెలుపొందిన వారికి బహుమతులు, సర్టిఫికెట్లు అందజేశారు. ఈ కార్యక్రమంలో డీఎఫ్‌ఓ అనుజ్‌ అగర్వాల్‌, ఎఫ్‌ఆర్‌ఓ మయూరీ, స్వచ్ఛంద సంస్థ ప్రతినిధులు రవిబాబు, తదితరులు పాల్గొన్నారు. ప్లాస్టిక్‌ను నిషేధించాలి:ఆర్డీఓ వైవీ గణేష్‌ హన్మకొండ కల్చరల్‌ : ప్లాస్టిక్‌ వినియోగాన్ని ప్రతిపౌరుడు నిషేధించాలని జిల్లా రెవెన్యూ అధికారి వైవీ గణేష్‌ పేర్కొన్నారు. ప్రపంచ పర్యావరణ దినోత్సవం సందర్భంగా గురువారం వరంగల్‌లోని అనంతలక్ష్మి ప్రభుత్వ ఆయుర్వేద వైద్యకళాశాల ప్రాంగణంలో యునైటెడ్‌ నేషన్స్‌ నార్త్‌ ఈస్టర్న్‌ రీజియన్‌ తెలంగాణ రాష్ట్ర చాప్టర్‌ ఆధ్వర్యంలో జరిగిన కార్యక్రమంలో భాగంగా మొక్కలు నాటారు.ఈ కార్యక్రమంలో ఆయుర్వేద వైద్యకళాశాల ప్రిన్సిపాల్‌ అనసూర్య, హార్టికల్చర్‌ అధికారి రమేశ్‌, కమిటీ సభ్యులు డాక్టర్‌ బి.సాంబమూర్తి, సంస్థ కోఆర్డినేటర్‌ రాజగోవిందు, ఎన్‌ఎస్‌ఎస్‌ కోఆర్డినేటర్‌ పోతు మహేష్‌, కొంతం కృష్ణ, వడ్నాల నరేందర్‌, కళాశాల విద్యార్థులు తదితరులు పాల్గొన్నారు. సీసీఎఫ్‌ భీమా నాయక్‌

న్యూశాయంపేట : పర్యావరణాన్ని కాపాడుకునేందుకు ప్రతి ఒక్కరూ కృషి చేయాలని భద్రాద్రి సర్కిల్‌ చీఫ్‌ కన్జర్వేటర్‌ ఆఫ్‌ ఫారెస్ట్‌ (సీసీ ఎఫ్‌) భీమా నాయక్‌ పిలుపునిచ్చారు. ప్రపంచ పర్యావరణ దినోత్సవం సందర్భంగా హనుమకొండ సుబేదారి ఫారెస్ట్‌ కాంప్లెక్స్‌లో బుధవారం ప్లాస్టిక్‌ ప్రీ కార్యక్రమాన్ని ప్రారంభించా రు. అనంతరం కాంప్లెక్స్‌ ఆవరణలోని ప్లాస్టిక్‌ వస్తువులు, బ్యాగులు సిబ్బంది సేకరించి డంపింగ్‌ యార్డ్‌కు తరలించి, ఆవరణను శుభ్రం చేశారు. కార్యక్రమంలో వరంగల్‌, హనుమకొండ, జనగామ జిల్లాల అటవీ అధికారి అనుజ్‌ అగర్వాల్‌, ఫారెస్ట్‌ రేంజ్‌ ఆఫీసర్లు, మినిస్ట్రీరియల్‌ సిబ్బంది పాల్గొన్నారు. రైల్వేవర్క్స్‌ సెక్షన్ల తనిఖీ కాజీపేట రూరల్‌ : కాజీపేట సబ్‌ డివిజన్‌ పరిధిలోని బెల్లంపల్లి–రెచ్నీరోడ్‌ సెక్షన్‌లో చేపట్టనున్న రైల్వే ఎన్‌ఐ ఇంజనీరింగ్‌ వర్క్స్‌ లోకేషన్‌ను బుధవారం సికింద్రాబాద్‌ రైల్వే అధికారులు తనిఖీ చేశారు. రైల్వే ఏడీఆర్‌ఎం ఆపరేటింగ్‌ విభాగం గోపాలకృష్ణన్‌, ఇతర అధికారులు ఎన్‌ఐ బ్లాక్‌ సెక్షన్లను పరిశీలించి తనిఖీ చేసి పలు సాంకేతిక విషయాలపై ఇంజనీరింగ్‌ అధికారులకు సూచనలు చేసినట్లు రైల్వే అధికారులు తెలిపారు. కాగా బెల్లంపల్లి–రెచ్నీ మధ్య ఎన్‌ఐ ఇంజనీరింగ్‌ బ్లాక్‌ పనులు ఈ నెల 20వ తేదీ వరకు ఉంటుందని, దీంతో దక్షిణ మధ్య రైల్వే సికింద్రాబాద్‌, కాజీపేట–బల్లార్షా రూట్లలో పలు రైళ్లను రద్దు, దారి మళ్లింపు, దూరం తగ్గించి నడిపిస్తున్నట్లు అధికారులు వివరించారు. 1,220 దరఖాస్తుల స్వీకరణ హన్మకొండ అర్బన్‌ : జిల్లావ్యాప్తంగా 14 గ్రామాల్లో బుధవారం నిర్వహించిన రెవెన్యూ సదస్సులో భూ సమస్యలపై రైతులనుంచి 1,220 దరఖాస్తులు స్వీకరించినట్లు అధికారులు తెలిపారు. ఈ సదసుల్లో సర్వే నంబర్ల మిస్సింగ్‌–90, పెండింగ్‌ మ్యూటేషన్‌–17, డీఎస్‌ పెండింగ్‌–49, ఎక్స్‌టెంట్‌–113, అసైన్డ్‌ భూ సమస్యలు–179, సక్సేషన్‌–101, ఇతర సమస్యలపై 625లతో పాటు తదితర సమస్యలపై మొత్తం 1,220 దరఖాస్తులు స్వీకరించినట్లు తెలిపారు. ఈ సదస్సులో ఆర్డీఓలు, తహసీల్దార్లు, నయాబ్‌ తహసీల్దార్లు, ఆర్‌ఐలు, సర్వేయర్లు పాల్గొన్నారు. రెవెన్యూ సదస్సులను సద్వినియోగం చేసుకోవాలి న్యూశాయంపేట: భూసమస్యల శాశ్వత పరిష్కారానికి ప్రభుత్వం నూతనంగా ప్రవేశపెట్టిన భూ భారతి రెవెన్యూ సదస్సులను సద్వినియోగం చేసుకోవాలని వరంగల్‌ కలెక్టర్‌ డాక్టర్‌ సత్యశారద అన్నారు. బుధవారం ఏనుమాములలో నిర్వహించిన రెవెన్యూ సదస్సులో పాల్గొని మాట్లాడారు. అనంతరం బాలాజీనగర్‌లో రేషన్‌ షాపును ఆకస్మికంగా తనిఖీ చేశారు. కార్యక్రమంలో తహసీల్దార్‌ ఇక్బాల్‌, సిబ్బంది పాల్గొన్నారు. హిందీ పరీక్షకు 8మంది హాజరువిద్యారణ్యపురి : జిల్లాలోని మూడు పరీక్ష కేంద్రాల్లో పదో తరగతి అడ్వాన్స్‌డ్‌ సప్లిమెంటరీ పరీక్షలు కొనసాగుతున్నాయి. బుధవారం హిందీ పరీక్షకు మొత్తం 12మందికి 8మంది విద్యార్థులు హాజరైనట్లు అధికారులు తెలిపారు. ప్రభుత్వ మార్కజీ హైస్కూల్‌ పరీక్ష కేంద్రంలో ముగ్గురు, బస్టాండ్‌ రోడ్డులోని ప్రభుత్వ హైస్కూల్‌ కేంద్రంలో ఇద్దరు, పెట్రోల్‌ పంపు బాలికల హైస్కూల్‌ కేంద్రంలో ముగ్గురు విద్యార్థులు హాజరయ్యారు.

బక్రీద్‌ పండుగ దృష్ట్యా ఆరు నెలల ముందునుంచే గొర్రె పోట్టేళ్లను పెంచుతాం. ఇవి ఎంత ఆరోగ్యంగా ఉంటే అంత మంచి ధర వస్తుంది. ప్రస్తుతం విక్రయాలతో ఆరునెలల కష్టానికి తగిన గిట్టుబాటు ధర లభిస్తుంది. – జక్కుల గట్టయ్య, మల్లక్‌పల్లి ప్రతి ఏటా రెండు పొట్టేళ్లు కొంటాం ఖర్చుకు వెనకాడకుండా ప్రతిఏటా బక్రీద్‌ పర్వదినం రోజుకు రెండు పొట్టేళ్లను కొంటాం. మూడు భాగాలు చేసి పంపిణీ చేస్తాం. ఈసారి ధరలు బాగానే ఉన్నాయి. ప్రతీ ముస్లిం విధిగా తమ ఆర్థిక పరిస్థితులకు అనుగుణంగా పొట్టేళ్లను కొనుగోలు చేసి మాంసం దానం చేస్తారు. – సయ్యద్‌ యాకూబ్‌, కాజీపేట

ఎంజీఎం : రోగులకు మరింత మెరుగైన వైద్యసేవలు అందించేందుకు కాకతీయ మెడికల్‌ కళాశాలలోని సూపర్‌ స్పెషాలిటీ ఆస్పత్రిలో శాశ్వత ప్రాతిపదికన అవసరమయ్యే సదుపాయాల కల్పనకు చర్యలు చేపట్టాలని వరంగల్‌ కలెక్టర్‌ డాక్టర్‌ సత్యశారద అధికారులను ఆదేశించారు. బుధవారం కేఎంసీలోని పీఎంఎస్‌ఎస్‌వై సూపర్‌ స్పెషాలిటీ ఆస్పత్రిని ఆమె ఆకస్మికంగా సందర్శించారు. ఈ సందర్భంగా సిబ్బంది హాజరు రిజిస్టర్‌ను పరిశీలించి, ఆలస్యంగా విధులకు హాజరైన ఇద్దరు డాక్టర్లు, హెడ్‌నర్సునుంచి సంజాయిషీ కోరాలని పర్యవేక్షకులను ఆదేశించారు. ఆస్పత్రి ఆవరణలో డాక్టర్లు, అధికారులతో కలిసి పర్యటించి తక్షణమే కావాల్సిన అవసరాలపై ఆరా తీశారు. ఆస్పత్రిలో అందుతున్న వైద్యసేవలపై రోగులను నేరుగా అడిగి తెలుసుకున్నారు. అనంతరం కలెక్టర్‌ సత్యశారద మాట్లాడుతూ.. వివిధ విభాగాల ఇంజనీరింగ్‌ అధికారులతో నియమించిన సభ్యులు సూపర్‌ స్పెషాలిటీ ఆస్పత్రితోపాటు ఎంజీఎం ఆస్పత్రిలో అత్యవసరంగా కావాల్సిన సౌకర్యాలను పరిశీలించి రేపటిలోగా నివేదిక సమర్పించాలని ఆదేశించారు. ఈ సందర్భంగా ఫార్మసీలో మందుల నిల్వలను పరిశీలించారు. ఆస్పత్రిలో హిటింగ్‌ వెంటిలేషన్‌, ఏయిర్‌ కండిషన్‌ సిస్టం మరమ్మతులతోపాటు ఆపరేషన్‌ థియేటర్లలో ఏసీలు ఏర్పాటు చేయాలని ఆదేశించారు. ఆస్పత్రి ఐదో అంతస్తులోని ఆపరేషన్‌ థియేటర్‌ ఈనెల 10వ తేదీలోగా రోగులకు సేవలు అందించేందుకు సిద్ధం చేయాలన్నారు. డయాలసిస్‌ కేంద్రంలో అదనంగా ఏడు పడకలు, బ్లడ్‌ ప్యూరిఫైయింగ్‌ థియేటర్‌, రోగులు వారి అటెండెంట్ల కోసం షెడ్‌, ఇందిరా మహిళా క్యాంటీన్‌ను ఏర్పాటు చేయాలన్నారు. కలెక్టర్‌ వెంట కేఎంసీ ప్రిన్సిపాల్‌ డాక్టర్‌ రామ్‌కుమార్‌ రెడ్డి, డాక్టర్‌ మురళి, జెడ్పీ సీఈఓ రామిరెడ్డి, బీసీ సంక్షేమ జిల్లా అధికారి పుష్పలత, ఎన్పీడీసీఎల్‌ ఎస్‌ఈ గోపాల్‌ రెడ్డి టీజీఈడబ్ల్యూఐడీసీ, టీజీఎంఐడీసీ, ఇరిగేషన్‌ శాఖల ఈఈలు ప్రసాద్‌, రవీందర్‌, సునీత, సంబంధిత శాఖల అధికారులు, డాక్టర్లు ఉన్నారు. వరంగల్‌ కలెక్టర్‌ డాక్టర్‌ సత్యశారద సదుపాయాలపై రేపటిలోగా నివేదిక ఇవ్వాలని ఆదేశం

వరంగల్‌ క్రైం : ట్రాఫిక్‌ నిబంధనలు ఉల్లఘించి ఏకంగా 109 ఆన్‌లైన్‌ చలాన్లు పెండింగ్‌లో ఉన్న ఓ ద్విచక్ర వాహనదారుడిని మంగళవారం ట్రాఫిక్‌ పోలీసులు పట్టుకున్నారు. హనుమకొండ ట్రాఫిక్‌ ఇన్‌స్పెక్టర్‌ సీతారెడ్డి తెలిపిన వివరాల ప్రకారం.. హనుమకొండకు చెందిన భిక్షపతి తన ద్విచక్ర వాహనం (టీఎస్‌03 ఈఎస్‌ 9020)పై వరంగల్‌ ట్రై సిటీలో ట్రాఫిక్‌ సిగ్నల్స్‌ జంపింగ్‌, హెల్మెట్‌ లేకుండా వాహనం నడపటంతోపాటు మరికొన్ని ట్రాఫిక్‌ నిబంధనలు ఉల్లఘించి తిరుగుతున్నాడు. బుధవారం ట్రాఫిక్‌ సిబ్బంది నగరంలోని అశోక జంక్షన్‌లో ద్విచక్ర వాహనాల పెండింగ్‌ చలాన్లు తనిఖీ చేస్తున్న క్రమంలో సదరు వాహనాన్ని ఆపి పోలీస్‌ వెబ్‌ పోర్టల్‌లో తనిఖీ చేశారు. ఆ వాహనంపై ఏకంగా 109 చలాన్లు పెండింగ్‌లో ఉన్నట్లు చూపడంతో పోలీసులు షాక్‌కు గురయ్యారు. భిక్షపతికి పెండింగ్‌లో ఉన్న చలాన్ల మొత్తం రూ.26,310 చెల్లిం చాల్సిందేనని రశీదు అందజేశారు. చల్లాన్లు చెల్లించేంతవరకు ద్విచక్ర వాహనం పోలీస్‌ కస్టడీలో ఉంటుందని వారు తెలిపారు.

గురువారం శ్రీ 5 శ్రీ జూన్‌ శ్రీ 202 – 12లోuకాజీపేట : బక్రీద్‌ పర్వదినం అంటేనే గొర్రె పొట్టేళ్ల విక్రయాలు.. ఈ పండుగ సందర్భంగా ఖుర్బానీ (దానం) ఇవ్వడం ముస్లింల ఆచారం. బక్రీద్‌ వచ్చిందంటే వారం ముందునుంచే నగరంలో పొట్టేళ్ల విక్రయాలకు భలే డిమాండ్‌ ఉంటుంది. ట్రైసిటీతో పాటు నగరంలోని 25 ప్రాంతాల్లో కొద్దిరోజులుగా పొట్టేళ్ల అమ్మకాలు జోరుగా మొదలయ్యాయి. ఈనెల 7వ తేదీన బక్రీద్‌ వేడుకను ముస్లింలు జరుపుకోనున్నారు. ఈ పర్వదినానికి శరీరంపై ఎటువంటి గాయాలు లేని పొట్టేళ్లనే ఎక్కువగా ముస్లింలు కొనుగోలు చేయడానికి ఇష్ట పడుతుంటారు. ధర ఎంతైనా సరే పొట్టేళ్లు మాత్రమే కొనుగోలు చేస్తారు.ఆర్థికంగా ఉన్నవారు రెండు, మూడు పొట్టేళ్లను బలిఇస్తారు. వారు కొంత మటన్‌ను వండుకుని మిగతాది పేదలకు, బంధువులకు ఖుర్చానీ (దానం) ఇస్తారు.పొట్టేళ్లను విక్రయించేందుకు గ్రామాలనుంచి కాపరులు నగరానికి వస్తుంటారు. అయితే ఏజెంట్లు కలగజేసుకొని తమకు పరిచయం ఉన్నవారికి అమ్మిస్తాం.. మాకు కమీషన్‌ ఇవ్వాలని నమ్మించి పొట్టేళ్లు తెచ్చిన కాపరులను పక్కన పెట్టేస్తున్నారు. దీంతో ఏజెంట్లే రేట్లు నిర్ణయించి తెలిసిన వారికి విక్రయించి లాభాలు గడిస్తున్నారనే వాదన వినిపిస్తోంది. ఈ ఏజెంట్ల వల్ల ధరలు పెరగడమేనని పలువురు వాపోతున్నారు. బక్రీద్‌ సందర్భంగా పొట్టేళ్ల ధరలను చూసి పలువురు ఇంత రేటా! అంటూ ఆశ్చర్యం వ్యక్తం చేస్తున్నారు.బక్రీద్‌ విక్రయాలకు తెచ్చిన పొట్టేళ్ల ధరలు రూ.5వేల నుంచి రూ.25వేల వరకు పలుకుతున్నా యి. పొట్టేల్‌ ఉన్నది ఉన్నట్టుగా తూకం వేసి కిలోకు రూ.430ల చొప్పున విక్రయిస్తున్నారు. ఆరోగ్యంగా, బలంగా ఉన్న పొట్టేళ్లను గొర్రెల కాపరులు అధిక ధరలకు అమ్ముతున్నారు. గతేడాదితో పోలిస్తే ఈఏడాది ధరలు కొంత ఎక్కువగానే ఉన్నాయని కొనుగోలుదారులు పేర్కొంటున్నారు. బక్రీద్‌ రోజు వరంగల్‌ నగరంలో దాదాపు 10వేలకు పైగా పొట్టేళ్లు బలిస్తారని ముస్లింలు చెబుతున్నారు. ధర రూ.5వేల నుంచి మొదలు

హన్మకొండ కల్చరల్‌ : చారిత్రాత్మక దేవాలయాల అభివృద్ధ్దే ప్రభుత్వ లక్ష్యమని రాష్ట్ర దేవాదాయశాఖ, అటవీ, పర్యావరణశాఖ మంత్రి కొండా సురేఖ అన్నారు. బుధవారం భద్రకాళి దేవాలయం సమీపంలోని ఊళ్లో ఆంజనేయస్వామి దేవాలయం ప్రాంగణంలో రూ.1.30 కోట్లతో నిర్మించ తలపెట్టిన భద్రకాళి సాంగవేద ఆగమ సంస్కృత విద్యాలయ భవన(వేదపాఠశాల) నిర్మాణ పనులను వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి, హనుమకొండ కలెక్టర్‌ ప్రావీణ్యతో కలిసి మంత్రి కొండా సురేఖ శంకుస్థాపన చేశారు. అనంతరం భద్రకాళి ఆలయం ఎదుట రాజగోపురం నిర్మాణం పనులకు భూమిపూజ చేసి శిలాఫలకాన్ని మంత్రి ఆవిష్కరించారు. ఈ సందర్భంగా మంత్రి కొండా సురేఖ మాట్లాడుతూ.. సరైన వసతులతో వేదపాఠశాల లేక విద్యార్థులు ఎన్ని ఇబ్బందులు పడ్డారో తనకు తెలుసని, వేదపాఠశాల నిర్మాణం వీలైనంత తొందరగా పూర్తిచేయాలన్నారు. దేవాదాయశాఖ పరిధిలో ఉన్న భూములను ఆక్రమించడం చట్టవిరుద్ధమని ఆమె అన్నారు. దేవాలయాల భూముల్లో ఆయా ఆలయాలకు ఉపయోగపడేలా వేదపాఠశాలలు, గోశాలలు, ధ్యానమందిరాలు, ప్రవచన మండపాలు నిర్మాణం చేయడానికి ప్రభుత్వం నిధులు సమకూరుస్తుందని తెలిపారు. భద్రకాళి ఆలయం అభివృద్ధిలో భాగంగానే మాడవీధుల నిర్మాణానికి రూ.30కోట్లు మంజూరు అయ్యాయన్నారు. భద్రకాళి చెరువు నీటి నిల్వ సామర్థ్యాన్ని పెంచేందుకే పూడికతీత కార్యక్రమాన్ని చేపట్టామని తెలిపారు. ఇక ముందు వరంగల్‌లోని అన్ని ఆలయాలను, పురావస్తుశాఖ పరిధిలోని దేవాలయాలపై ప్రత్యేక దృష్టి సారిస్తామని, దీనివల్ల టూరిజం స్పాట్‌గా అభివృద్ధి చెందుతుందన్నారు. ఆలయాలను పరిశీలించి సరైన మాస్టర్‌ ప్లాన్‌ను రూపొందించాలని ప్రభుత్వ ధార్మిక సలహాదారు గోవింద్‌ హరిని సూచించినట్లు తెలిపారు. వైభవంగా పూజా కార్యక్రమం.. అర్చకులు భద్రకాళి శేషు ఆధ్వర్యంలో వేదపండితులు శంకుస్థాపన పూజా కార్యక్రమాలు వైభవంగా నిర్వహించారు. ఎనిమిది సాల్రగామశిలలను (బ్లాక్‌ గ్రానైట్‌) కలశాలపై ఉంచి వాస్తునాభి పూజ, హోమం నిర్వహించారు. మంత్రి, ఎమ్మెల్యే శిలాన్యాసం చేయడంతో పూజా కార్యక్రమం పూర్తయిన అనంతరం రాజగోపుర నిర్మాణాలకు శిలా న్యాసం నిర్వహించారు. కార్యక్రమంలో దేవాదాయశాఖ డిప్యూటీ కమిషనర్‌ సంధ్యారాణి, అసిస్టెంట్‌ కమిషనర్‌ రామల సునీత, డీఈఈ సీహెచ్‌.రమేష్‌బాబు, కార్పొరేటర్‌ విజయలక్ష్మి, ఆలయ వ్యవస్థాపక ధర్మకర్త, ప్రముఖ వైద్యులు డాక్టర్‌ శివసుబ్రమణ్యం తదితరులు పాల్గొన్నారు. ఈఓ శేషు భారతి, సిబ్బంది ఏర్పాట్లను పర్యవేక్షించారు. మంత్రి కొండా సురేఖ రూ. 1.30కోట్ల వ్యయంతో వేదపాఠశాల భవన సముదాయానికి శంకుస్థాపన భద్రకాళి ఆలయ రాజగోపుర నిర్మాణ పనులకు సైతం..

గుంతలమయంగా రహదారులు ● చిన్నవర్షానికే గుంతల్లో నిలుస్తున్న నీళ్లు.. దీనికితోడు మురుగునీరు ● ప్రమాదాలబారిన వాహనదారులునయీంనగర్‌/కాజీపేట రూరల్‌ : పేరు గొప్ప ఊరు దిబ్బ అన్న చందంగా ఉంది గ్రేటర్‌ వరంగల్‌ స్మార్ట్‌ సిటీ రోడ్ల పరిస్థితి. పలు కాలనీల్లోని ప్రధాన లింక్‌ రోడ్లు పల్లెటూరు కంటే అధ్వానంగా గుంతలు తేలి ప్రమాదకరంగా ఉన్నాయి. చిన్నపాటి వర్షం వచ్చినా గుంతల్లో నీరు నిలిచిపోతోంది. వాహనదారులు గుంతలు ఎక్కడున్నాయో తెలియక ప్రమాదాల బారిన పడుతున్నారు. గ్రేటర్‌ వరంగల్‌ 8వ డివిజన్‌ అశోక జంక్షన్‌ కాంగ్రెస్‌ భవన్‌ నుంచి మార్కెట్‌ వెళ్లే రోడ్డు అధ్వానంగా తయారైంది. బొందలమయం కావడంతో వాహనదారులు తీవ్ర ఇబ్బందులకు గురవుతున్నారు. రైల్వే ఈఎల్‌ఎస్‌ కాలనీ రోడ్లు అధ్వానం.. కాజీపేట బాపూజీనగర్‌ నుంచి రైల్వే ఎలక్ట్రిక్‌ లోకోషెడ్‌ (ఈఎల్‌ఎస్‌) కాలనీకి వెళ్లే రోడ్లు కంకర తేలాయి. బాపూజీనగర్‌ మెయిన్‌ రోడ్డు నుంచి కడిపికొండ బ్రిడ్జి కింది నుంచి ఎలక్ట్రిక్‌ లోకోషెడ్‌కు, కాజీపేట రైల్వే స్టేషన్‌కు వెళ్లే రెండు వైపులా రోడ్లు అక్కడక్కడ దెబ్బతిని గుంతలు పడ్డాయి. ఈ రోడ్డు మార్గాల్లో వర్షాలు పడినప్పుడల్లా గుంతల్లో వర్షం నీరు నిలవడంతో వాహనదారులు ఇబ్బంది పడుతున్నారు. రాత్రి,పగలు విధులకు వెళ్లే రైల్వే కార్మికులు, కాజీపేట రైల్వే స్టేషన్‌కు వెళ్లే ప్రజలు గుంతల మీదుగా వెళ్లడంతో వాహనాలు దెబ్బతింటున్నాయని వాపోతున్నారు. అదేవిధంగా కడిపికొండ బ్రిడ్జి కింద నుంచి కాజీపేట రైల్వే స్టేషన్‌ వరకు వెళ్లే ప్రధాన రోడ్డు మార్గం కూడా ఇదే పరిస్థితి. గుంతలు పడడంతో ఈ మార్గం గుండా వెళ్లి రావాలంటే వాహనదారులు ఇబ్బంది పడుతున్నారు. కడిపికొండ బ్రిడ్జి కింద బయటి వారు చెత్త చెదారం వేయడంతో ఈ రోడ్డు మార్గం అంత దుర్గంధం వెదజల్లుతోంది. రైల్వే అధికారులు ఈ రోడ్డు మార్గం గుండా తనిఖీల నిమిత్తం రైల్వే కార్యాలయాలకు, రైల్వే కాలనీలకు వెళ్తున్నప్పటికి పట్టించుకోవడం లేదని స్థానికులు ఆరోపిస్తున్నారు.

సాక్షి, వరంగల్‌ : మామునూరు విమానాశ్రయం కోసం సేకరించే వ్యవసాయ భూములకు ఎకరానికి రూ.కోటి 20 లక్షలు పరిహారం ఇచ్చేలా వరంగల్‌ జిల్లా అధికారులు నిర్ణయించారు. కలెక్టర్‌ సత్యశారద తనకున్న విచక్షణాధికారాలతో కన్సంట్‌ అవా ర్డు కింద ఈ మేరకై తే ఇవ్వగలమని భూములు కోల్పోతున్న నక్కలపల్లి, గాడిపల్లి, గుంటూరుపల్లి రైతులతో కలెక్టరేట్‌లో బుధవారం రాత్రి జరిగిన డిస్ట్రిక్‌ లెవెల్‌ ల్యాండ్‌ నెగోషియేషన్‌ కమిటీ సమావేశంలో తేల్చిచెప్పారు. జనరల్‌ అవార్డు కింద రూ.65లక్షల వరకే ఇవ్వాల్సి ఉన్నా.. స్పెషల్‌ (కన్సంట్‌) అవార్డు కింద రూ.కోటి 20 లక్షలు ఇస్తున్నామని రైతులకు ఆమె హామీ ఇచ్చారు. అత్యంత ప్రతిష్టాత్మకంగా చేపడుతున్న విమానాశ్రయ నిర్మాణానికి ప్రభుత్వం నిర్ణయించిన ధరకు రైతులు అంగీకరించి సహకరించాలని కోరారు. కాగా, రెండురోజుల్లో చర్చించుకుని భూమి పాస్‌బుక్‌లు ఇస్తామని రైతులు చెప్పారు. స్థల సేకరణ కోసం రూ.205 కోట్లు కేటాయించిన సంగతి తెలిసిందే. నేడు వ్యవసాయేతర భూముల రైతులతో సమావేశం గుంటూరుపల్లి రైతులు కొత్తగా రోడ్డు ఏర్పాటు చేయాలని కోరగా అధికారులు క్షేత్రస్థాయిలో పరిశీలించి నివేదికను తయారు చేసుకొని జిల్లా ఇన్‌చార్జ్‌ మంత్రి దృష్టికి తీసుకెళ్తామని కలెక్టర్‌ డాక్టర్‌ సత్యశారద అన్నారు. విమానాశ్రయ నిర్మాణంలో వ్యవసాయేతర భూములు కోల్పోతున్న రైతులతో గురువారం మధ్యాహ్నం 3 గంటలకు కలెక్టరేట్‌లో నేగోషియేషన్‌ కమిటీ సమావేశం ఉంటుందన్నారు. సమావేశంలో అదనవు కలెక్టర్‌ సంధ్యారాణి, ఆర్డీఓ సత్యపాల్‌ రెడ్డి, ఆర్‌అండ్‌బీ, ఇరిగేషన్‌ ఈఈలు రమేష్‌, శంకర్‌, తహసీల్దార్‌ నాగేశ్వర్‌, ఇరిగేషన్‌ డీఈ మధుసూదన్‌ రెడ్డి, గుంటూరుపల్లి, నక్కలపల్లి, గాడిపెల్లి, రైతులు పాల్గొన్నారు. ‘మామునూరు’ వ్యవసాయ భూ నిర్వాసితులకు చెల్లింపునకు నిర్ణయం కలెక్టర్‌ విచక్షణాధికారాలతో కన్సంట్‌ అవార్డు కింద పరిహారం నక్కలపల్లి, గాడిపల్లి, గుంటూరుపల్లి రైతులతో భేటీలో సానుకూల పరిణామం మరో రెండు రోజుల్లో చర్చించుకుని పాస్‌బుక్‌లు ఇస్తామన్న రైతులు మరో రూ.83 కోట్లు అవసరమే వ్యవసాయ సాగుకు సంబంధించి 240 ఎకరా లకు భూపరిహారం రూ.288 కోట్లు అవుతున్నా యి. ఇప్పటికే ప్రభుత్వం రూ.205 కోట్లు కేటా యించింది. ఎకరాకు రూ.కోటి 20లక్షల ధర నిర్ణయంతో మరో రూ.83 కోట్లు అదనంగా అవసరం కానున్నాయి. వీటికితోడు మరో 13 ఎకరా ల వ్యవసాయేతర భూములకు గజం లెక్కన ఎంత చెల్లిస్తారన్నది గురువారం జరిగే సమావేశంలో తేలనుంది. ఈ లెక్కన అదనంగా రూ.100 కోట్లకుపైగానే భూపరిహారం కింద రైతులకు చెల్లించాల్సిన పరిస్థితి ఉంది. ఇదిలా ఉండగా హైదరాబాద్‌ రీజినల్‌ రింగ్‌ రోడ్డుకు భూసేకరణకు ఎకరానికి రూ.50 లక్షల నుంచి రూ.కోటి వరకు చెల్లిస్తున్నారు. ఈ లెక్కన చూసుకుంటే ఇక్కడున్న స్థానిక పరిస్థితులకు అనుగుణంగా రూ.కోటి 20లక్షలు ఎకరానికి పరిహారం కింద చెల్లించడం అధికమని రెవెన్యూ అధికారులు అంటున్నారు.

రవాణాశాఖ కమిషనర్‌ సురేంద్ర మోహన్‌ న్యూశాయంపేట: వరంగల్‌ జిల్లాలో రోడ్డు ప్రమాదాల నియంత్రణకు పటిష్ట చర్యలు చేపట్టాలని రాష్ట్ర రవాణాశాఖ కమిషనర్‌, మార్కెటింగ్‌ శాఖ సంచాలకులు సురేంద్రమోహన్‌ అన్నారు. వరంగల్‌ కలెక్టరేట్‌లో కలెక్టర్‌ సత్యశారద, డీసీపీ ప్రభాకర్‌, సంబంధిత శాఖల అధికారులతో రోడ్డు ప్రమాదాల నియంత్రణపై ఆయన మంగళవారం సమీక్ష నిర్వహించారు. ఈసందర్భంగా ఆయన మాట్లాడుతూ ప్రమాదాలు నివారించి విలువైన ప్రాణాలు కాపాడేందుకు అధికారులు సమన్వయంతో పనిచేయాలన్నారు. ఒకే ప్రాంతంలో ఐదు ప్రమాదాలు జరిగితే బ్లాక్‌ స్పాట్‌గా గుర్తించాలని.. భద్రతా ప్రమాణాలపై విస్తృత ప్రచారం కల్పించాలన్నారు. సమావేశంలో రవాణా శాఖ అధికారులు పురుషోత్తం, శోభన్‌బాబు, ఆర్‌అండ్‌బీ అధికారి రమేశ్‌, డీఈఓ జ్ఞానేశ్వర్‌, ఎన్‌హెచ్‌ఐఎ టీం లీడర్‌ సంపత్‌ తదితర అధికారులు పాల్గొన్నారు. సహకార సంఘాల బలోపేతానికి కృషి ప్రాథమిక వ్యవసాయ సహకార సంఘాల బలోపేతానికి కృషి చేయాలని రాష్ట్ర రవాణాశాఖ, మార్కెటింగ్‌శాఖ సంచాలకులు, సహకారశాఖ రిజిస్ట్రార్‌ సురేంద్రమోహన్‌ పేర్కొన్నారు. జిల్లాలో సహకార శాఖ, మార్కెటింగ్‌శాఖల ఆధ్వర్యంలో నిర్వహిస్తున్న కార్యకలాపాలపై కలెక్టరేట్‌లో మంగళవారం సమీక్ష నిర్వహించారు. రైతులకు మెరుగైన సేవలు అందించేందుకు ప్రాథమిక సహకార సంఘాలు కృషి చేయాలన్నారు. సమావేశంలో కలెక్టర్‌ సత్యశారద, జిల్లా కో–ఆపరేటివ్‌ అధికారి నీరజ, అసిస్టెంట్‌ రిజిస్ట్రార్‌ జగన్‌మోన్‌రావు, తదితరులున్నారు.

హన్మకొండ అర్బన్‌: హనుమకొండ బాలసముద్రంలో నిర్మించిన డబుల్‌ బెడ్‌ రూం ఇళ్లను పలువురు పేదలు మంగళవారం రాత్రి ఆక్రమించుకోవడంతో పరిసర ప్రాంతాలు ఉద్రిక్తంగా మారాయి. ఇక్కడ మొత్తం 592 డబుల్‌ బెడ్‌ రూం ఇళ్లను నిర్మించారు. కానీ, కేటాయింపు జరగలేదు. దీంతో వెంటనే అర్హులైన నిలువనీడ లేని నిరుపేదలకు కేటాయించాలని డిమాండ్‌ చేశారు. ఎంతో కాలంగా డబుల్‌ బెడ్‌ రూంలు ఇవ్వాలని ఆందోళన చేస్తున్నప్పటికీ అధికారులు పట్టించుకోకపోవడంతో విధిలేని పరిస్థితుల్లో గదుల తాళాలు పగులగొట్టి లోపలికి చొరబడినట్లు పలువురు మహిళలు తెలిపారు. ఖాళీగా ఉన్న గదుల్లో వంటావార్పు చేసుకుని భోజనాలు చేశారు. స్థానిక ఎమ్మెల్యే నాయిని రాజేందర్‌రెడ్డి స్పందించి అర్హులకు డబుల్‌ బెడ్‌ రూంలు కేటాయించాలని కోరారు.

వరంగల్‌ క్రైం: వరంగల్‌ పోలీస్‌ కమిషనరేట్‌ పరిధిలో ప్రతీ అధికారి పోలీసింగ్‌పై దృష్టి సారించాలని వరంగల్‌ పోలీస్‌ కమిషనర్‌ సన్‌ప్రీత్‌సింగ్‌ సూచించారు. మంగళవారం కమిషనరేట్‌లో నెలవారీ నేర సమీక్ష నిర్వహించారు. ఈసందర్భంగా సీపీ మాట్లాడుతూ.. ప్రతీ పోలీస్‌ స్టేషన్‌ పరిధిలో జరుగుతున్న చోరీలపై ప్రత్యేక దృష్టి సారించాలని, ఆస్తి నేరాలను తగ్గించాలని కోరారు. దీర్ఘకాలంగా పెండింగ్‌లో ఉన్న కేసులకు కారణాల్ని అడిగి తెలుసుకున్నారు. పరిష్కారానికి సూచనలిచ్చారు. ప్రతీ పోలీస్‌ స్టేషన్‌ పరిధిలో నేరాల నియంత్రణకు తీసుకోవాల్సిన కమ్యునిటి సీసీ కెమెరాలు ఏర్పాటు చేయాలన్నారు. సీసీ కెమెరాల ప్రాధాన్యాన్ని ప్రజలకు వివరించాలని సూచించారు. వాహనాల చోరీలకు సంబంధించి అవగాహన కల్పించాలన్నారు. బక్రీద్‌ను పురస్కరించుకుని మూగజీవాల రవాణాపై ప్రత్యేక దృష్టి పెట్టాలని సూచించారు. పండుగ రోజు దర్గాల వద్ద బందోబస్తు పటిష్టం చేయాలని, వరంగల్‌కు ఉన్న కీర్తి ప్రతిష్టలు తగ్గకుండా పోలీసింగ్‌ ఉండాలని ఆయన పేర్కొన్నారు. ప్రతీ పోలీస్‌ స్టేషన్‌ పరిధిలో బేసిక్‌ పోలీసింగ్‌ ఉండాలని సీపీ ఆదేశించారు. కార్యక్రమంలో డీసీపీలు షేక్‌ సలీమా, రాజమహేంద్రనాయక్‌, అంకిత్‌ కుమార్‌, జనగామ ఏఎస్పీ చైతన్య, అదనపు డీసీపీలు రవి, సురేశ్‌కుమార్‌, ఏసీపీలు, ఇన్‌స్పెక్టర్లు, ఎస్సైలు పాల్గొన్నారు. నిజాయితీగా పనిచేయాలి..నిజాయితీగా పని చేస్తూ.. పోలీస్‌ శాఖకు కీర్తి ప్రతి ష్టలు తీసుకురావాలని వరంగల్‌ పోలీస్‌ కమిషనర్‌ సన్‌ప్రీత్‌సింగ్‌ సూచించారు. మంగళవారం వరంగల్‌ పోలీస్‌ కమిషనరేట్‌ పరిధిలో ఏఎస్సైలుగా పని చేస్తూ.. సబ్‌ ఇన్‌స్పెక్టర్లుగా పదోన్నతి పొందిన జనార్దన్‌, నారాయణ, సీతారాములు సీపీని మర్యాదపూర్వకంగా కలిసి పుష్పగుచ్ఛం అందించారు. ఈసందర్భంగా సీపీ మాట్లాడుతూ.. పోలీసులపై ప్రజలకు నమ్మకం కలిగేలా విధులు నిర్వర్తించాలని సూచించారు. కార్యక్రమంలో పరిపాలనా విభాగం అదనపు డీసీపీ రవి పాల్గొన్నారు.

హన్మకొండ కల్చరల్‌: చారిత్రక భద్రకాళి దేవాలయంలో కొనసాగుతున్న మాడవీధుల నిర్మాణంలో భాగంగా బుధవారం రాజగోపురాల నిర్మాణానికి, భద్రకాళి సాంగ ఆగమ సంస్కృత వేద పాఠశాల భవనానికి శంకుస్థాపన నిర్వహిస్తున్నట్లు దేవాలయ ఈఓ శేషుభారతి తెలిపారు. ఈమేరకు దేవాలయం తూర్పు వైపు (మెయిన్‌ గేటు వద్ద) నుంచి రాజగోపురాల నిర్మాణం ప్రారంభం కానుంది. దేవాలయానికి వాయువ్య దిశలోని దేవాదాయశాఖ ఆధీనంలో ఉన్న ఆంజనేయస్వామి దేవాలయం భూమిలో వేద పాఠశాల నిర్మాణం చేపట్టనున్నారు. ఈసందర్భంగా దేవాదాయశాఖ మంత్రి కొండా సురేఖ, వరంగల్‌ పశ్చిమ ఎమ్మెల్యే నాయిని రాజేందర్‌రెడ్డి చేతుల మీదుగా శిలాన్యాసం జరుగుతుందని తెలిపారు. మంగళవారం తెలంగాణ రాష్ట్ర ప్రభుత్వ ధార్మిక సలహాదారు ఆర్‌.గోవింద హరి దేవాలయాన్ని సందర్శించారు. ఆయనను శేషుభారతి, అర్చకులు భద్రకాళి శేషు పూర్ణకుంభంతో ఆలయ మర్యాదలతో స్వాగతించారు. ఆదిశంకరులను, వల్లభగణపతిని దర్శించి ఆలయంలోని అమ్మవారికి ప్రత్యేకపూజలు చేశారు. పూజల అనంతరం భద్రకాళి శేషు, వేదపండితులు తీర్థప్రసాదాలు, అమ్మవారి శేషవస్త్రాలు అందజేసి మహదాశీర్వచనం అందించారు. గోవింద హరి వెంట రాష్ట్ర ప్రధాన స్థపతి వల్లీ నాయగం, రాష్ట్ర దేవాదాయశాఖ సూపరింటెండెంట్‌ ఇంజనీర్‌ కె.దుర్గాప్రసాద్‌, ఆలయ పర్యవేక్షకులు అద్దంకి విజయ్‌కుమార్‌ తదితరులు పాల్గొన్నారు. భద్రకాళి ఆలయాన్ని సందర్శించిన రాష్ట్ర ప్రభుత్వ ధార్మిక సలహాదారు

పశ్చిమ ఎమ్మెల్యే నాయిని రాజేందర్‌రెడ్డి నయీంనగర్‌: ప్రజల సంక్షేమానికి ప్రభుత్వ పథకాలు తోడ్పడతాయని, ప్రజల భాగస్వామ్యంతో పథకాలు విజయవంతమవుతాయని పశ్చిమ ఎమ్మెల్యే నాయిని రాజేందర్‌రెడ్డి అన్నారు. గ్రేటర్‌ వరంగల్‌ పరిధి ప్రాంతాలను నివాస యోగ్యమైన, స్థిరమైన అనుకూలమైన నగరంగా తీర్చిదిద్దేందుకు ప్రభుత్వం వంద రోజుల కార్యక్రమం ఏర్పాటు చేసింది. ఇందులో భాగంగా 53వ డివిజన్‌ ఆదర్శకాలనీలో మంగళవారం నాయిని ప్రచార కార్యక్రమం చేపట్టారు. ఈసందర్భంగా ఆయన మాట్లాడుతూ.. కార్యక్రమం విజయవంతం కావడానికి కాలనీవాసులు స్వచ్ఛందంగా ముందుకు రావడం అభినందనీయమన్నారు. ఎంహెచ్‌ఓ రాజిరెడ్డి, కార్పొరేటర్‌ సోదా కిరణ్‌, కాలనీ అధ్యక్షుడు తూడి విద్యాసాగర్‌రెడ్డి, ప్రధాన కార్యదర్శి పరికిపండ్ల వేణు, నరసింహస్వామి, జగదీశ్వర్‌ పాల్గొన్నారు.

కేయూ క్యాంపస్‌: ఎట్టకేలకు కాకతీయ యూనివర్సిటీలోని ఓల్డ్‌ అడ్మిషన్స్‌ డైరెక్టరేట్‌ బిల్డింగ్‌లో సో షియాలజీ డిపార్ట్‌మెంట్‌ను ఏర్పాటు చేశారు. గతంలో హనుమకొండలోని యూనివర్సిటీ ఆర్ట్స్‌ కాలేజీ నుంచి ఎంఏ సోషియాలజీ విభాగం (రెగ్యులర్‌ కోర్సు) ఏడాది క్రితం కాకతీయ యూనివర్సిటీకి తరలింది.. కానీ.. ఆ విభాగాన్ని ఎక్కడ ఏర్పాటు చేయాలనే అంశంలో జాప్యం జరిగింది. ఈనెల 2న యూనివర్సిటీ అధికారులు ఉత్తర్వులు ఇవ్వగా.. మంగళవారం సోషియాలజీ విభాగాన్ని ఓల్డ్‌ అడ్మిషన్ల డైరెక్టరేట్‌కు షిప్ట్‌ చేశారు. కాగా.. మంగళవారం అక్కడే సోషియాలజీ విభాగంలో ఫైనలియర్‌ విద్యార్థులు ఫేర్‌వెల్‌ పార్టీ నిర్వహించుకున్నారు. కేయూకు ఎంఎస్‌డబ్ల్యూ.. హనుమకొండలోని యూనివర్సిటీ ఆర్ట్స్‌ అండ్‌ సైన్స్‌ కాలేజీలో కొనసాగుతున్న మాస్టర్‌ ఆఫ్‌ సోషల్‌ వర్క్‌ (ఎంఎస్‌డబ్ల్యూ)ను కూడా కాకతీయ యూనివర్సిటీకి షిఫ్ట్‌ చేశారు. కాగా.. 2018లో నిర్మల్‌ పీజీ సెంటర్‌ నుంచి సోషియాలజీ కోర్సు యూనివర్సిటీ ఆర్ట్స్‌ అండ్‌ సైన్స్‌ కాలేజీలో ఏర్పాటు చేశారు. అప్పటి నుంచి సోషియాలజీ, ఎంఎస్‌డబ్ల్యూ ఒకే విభాగంగా కొనసాగుతూ వస్తోంది. సోషియాలజీ విభాగంలో 90 మంది, ఎంఎస్‌డబ్ల్యూలో 120 మంది విద్యార్థులున్నారు. సోషియాలజీ విభాగంతోపాటే ఎంఎస్‌డబ్ల్యూను కొనసాగించాలని విద్యార్థులు, అధ్యాపకులు అప్పటి వీసీ ఆచార్య ప్రతాప్‌రెడ్డి దృష్టికి తీసకెళ్లారు. చివరికి ఎంఎస్‌డబ్ల్యూను కూడా వర్సిటీ క్యాంపస్‌కు షిఫ్ట్‌ చేస్తూ కేయూ రిజిస్ట్రార్‌ రామచంద్రం ఈనెల 2న ఉత్తర్వులు జారీచేశారు. ఒకటి రెండురోజుల్లో ఎంఎస్‌డబ్ల్యూ విభాగం కూడా కేయూలోని ఓల్డ్‌ అడ్మిషన్ల డైరెక్టరేట్‌కే తరలించనున్నారు. కేయూకు తరలడం హర్హనీయం.. ఎప్పటి నుంచో సోషియాలజీ, ఎంఎస్‌డబ్ల్యూ.. క్యాంపస్‌లో ఉండాలని అందరూ కోరుకున్నారు. ఎట్టకేలకు షిఫ్ట్‌ చేయడం హర్షనీయం. వీసీ, రిజిస్ట్రార్‌కు కృతజ్ఞతలు. – ప్రొఫెసర్‌ స్వర్ణలత, సోషియాలజీ, ఎంఎస్‌డబ్ల్యూ విభాగాధిపతి

– 8లోuఅప్రమత్తంగా ఉన్నాం.. ఆందోళన వద్దు కేంద్ర, రాష్ట్ర ప్రభుత్వాల ఆదేశాల ప్రకారం జిల్లాలో కరోనా నియంత్రణ కోసం వైద్యారోగ్యశాఖ అప్రమత్తమైంది. జిల్లాలో కరోనా కేసులు నమోదయ్యాయని సామాజిక మాధ్యమాల్లో వార్తలు చక్కర్లుకొట్టాయి. అదంతా అవాస్తవం. ఇప్పటివరకు ఒక్క కేసు కూడా నిర్ధారణ కాలేదు. ప్రజలు ఆందోళన చెందొద్దు. దగ్గు, జలుబు, జ్వరం వస్తే సీజనల్‌ వ్యాధులే. ఈ ప్రకారం వైద్యులు ట్రీట్‌మెంట్‌ అందించాలి. – డాక్టర్‌ సాంబశివరావు, డీఎంహెచ్‌ఓ, వరంగల్‌ సీఎం ఓవర్సీస్‌ స్కాలర్‌షిప్‌ కోసం దరఖాస్తులున్యూశాయంపేట: మైనార్టీ విద్యార్థులు విదేశాల్లో ఉన్నత విద్యను అభ్యసించేందుకు ప్రభుత్వం ప్రవేశపెట్టిన సీఎం ఓవర్సీస్‌ స్కాలర్‌షిప్‌ పథకం ద్వారా ఆర్థిక సాయం కోసం అర్హులైన వారి నుంచి దరఖాస్తులు ఆహ్వానిస్తున్నట్లు హనుమకొండ కలెక్టర్‌, చైర్‌పర్సన్‌ మైనార్టీ సంక్షేమశాఖ ప్రావీణ్య ఒక ప్రకటనలో తెలిపారు. ఆన్‌లైన్‌లో తమ దరఖాస్తులు ఈనెల 30వ తేదీ వరకు సమర్పించాలని సూచించారు. పూర్తి వివరాల కోసం హనుమకొండ సుబేదారి కలెక్టరేట్‌లోని మైనార్టీ సంక్షేమాధికారి కార్యాలయంలో సంప్రదించాలని కలెక్టర్‌ కోరారు. నేటి నుంచి పరిశోధన పద్ధతులపై తరగతులుకేయూ క్యాంపస్‌: కాకతీయ యూనివర్సిటీ రాజనీతి శాస్త్ర విభాగం ఆధ్వర్యంలో ఈనెల 4 నుంచి 10వ తేదీ వరకు పరిశోధనా పద్ధతులపై అవగాహన తరగతులు నిర్వహించనున్నారు. ఇందుకు సంబంధించిన బ్రోచర్‌ను ఆ విభాగాధిపతి డాక్టర్‌ సంకినేని వెంకట్‌, బీఓఎస్‌ డాక్టర్‌ కిష్టయ్యతో కలిసి ఆవిష్కరించారు. యూనివర్సిటీకి చెందిన సీనియర్‌ ఆచార్యులతో ఈఅవగాహన తరగతులు నిర్వహించనున్నట్లు తెలిపారు. సోషల్‌ సైన్సెస్‌ పరిశోధకులు కూడా ఈపరిశోధనా పద్ధతుల అవగాహన తరగతుల్ని వినియోగించుకోవాలని కోరారు. ఈనెల 4న ఈతరగతులను కేయూ రిజిస్ట్రార్‌ ఆచార్య రామచంద్రం, సోషల్‌ సైన్స్‌ ఆచార్య టి.మనోహర్‌ ప్రారంభిస్తారని సంకినేని వెంకటయ్య తెలిపారు. కార్యక్రమంలో అధ్యాపకులు డాక్టర్‌ వి.సత్యనారాయణ, డాక్టర్‌ వి.నాగరాజు పాల్గొన్నారు. నేడు రైల్వే అధికారుల తనిఖీలుకాజీపేట రూరల్‌: కాజీపేట సబ్‌ డివిజన్‌ పరిధిలో చేపట్టిన పలు రైల్వే నాన్‌ ఇంటర్‌ లాకింగ్‌ ఇంజనీరింగ్‌ వర్క్స్‌ను తనిఖీ చేసేందుకు సికింద్రాబాద్‌ డివిజన్‌ నుంచి రైల్వే అధికారులు తనిఖీ నిమిత్తం వస్తున్నట్లు మంగళవారం స్థానిక రైల్వే అధికారులు తెలిపారు. ఈనెల 5వ తేదీ నుంచి 20వ తేదీ వరకు కాజీపేట నుంచి బల్లార్షా, ఖమ్మం, సికింద్రాబాద్‌ సెక్షన్లలో చేపట్టిన నాన్‌ ఇంటర్‌ లాకింగ్‌ వర్క్స్‌ను వారు తనిఖీ చేయనున్నట్లు స్థానిక రైల్వే అధికారులు తెలిపారు. ఇద్దరు సబ్‌ ఇన్‌స్పెక్టర్ల బదిలీవరంగల్‌ క్రైం: వరంగల్‌ పోలీస్‌ కమిషనరేట్‌లో పరిధిలో ఇద్దరు సబ్‌ ఇన్‌స్పెక్టర్లను బదిలీ చేస్తూ వరంగల్‌ పోలీస్‌ కమిషనర్‌ సన్‌ప్రీత్‌సింగ్‌ మంగళవారం ఉత్తర్వులు జారీ చేశారు. కమిషనరేట్‌లోని సీసీఆర్‌బీ విభాగంలో పనిచేస్తున్న ఎస్‌.రాజేందర్‌ను రాయపర్తి పోలీస్‌ స్టేషన్‌కు, అక్కడ పనిచేస్తున్న శ్రవణ్‌కుమార్‌ను వీఆర్‌కు బదిలీ చేశారు.సాక్షి, వరంగల్‌: మున్ముందు కరోనా మహమ్మారి వస్తే కట్టడి చేసేందుకు వరంగల్‌, హనుమకొండ జిల్లాల వైద్యారోగ్య విభాగాధికారులు సన్నద్ధమవుతున్నారు. రాష్ట్ర ప్రభుత్వ ఆదేశాల మేరకు మహాత్మాగాంధీ మెమోరియల్‌(ఎంజీఎం) ఆస్పత్రితోపాటు గతంలో సేవలందించిన వివిధ ఆస్పత్రుల్లో ఎన్ని పడకలున్నాయనే వివరాలను సేకరిస్తున్నారు. ఈ జాబితాను ఆయా జిల్లాల విభాగాధికారులు కలెక్టర్‌ల ద్వారా ఉన్నతాధికారులకు పంపించేలా ఏర్పాట్లు చేస్తున్నారు. అదే సమయంలో రాష్ట్ర ప్రభుత్వంనుంచి వచ్చే ఆదేశాలకు అనుగుణంగా కరోనా పరీక్షలు చేసేలా సరిపడా సిబ్బందిని అందుబాటులో ఉంచేలా కార్యాచరణ రూపొందిస్తున్నారు. ఇప్పటికిప్పుడు రాష్ట్రంలో కరోనా పాజిటివ్‌ కేసుల ప్రభావం పెద్దగా లేకపోవడంతో ఊపిరి పీల్చుకుంటున్న వైద్యులు, ఒకవేళ ప్రబళితే ఎదుర్కొనేందుకు సిద్ధమవుతున్నారు. ముఖ్యంగా గతంలో కరోనా ఫస్ట్‌, సెకండ్‌, థర్డ్‌ వేవ్‌లలో పాజిటివ్‌ రోగులకు మెరుగైన వైద్యం అందించి వేలాది మంది ప్రాణాలు కాపాడిన ఎంజీఎం ఆస్పత్రిలో ఇప్పటికీ 500 నుంచి 800 ఆక్సిజన్‌ పడకలు అందుబాటులో ఉండడంతో ఏ పరిస్థితి వచ్చినా సన్నద్ధంగా ఉండడం కలిసొచ్చే అంశమని వరంగల్‌ జిల్లా వైద్యారోగ్యవిభాగాధికారులు భావిస్తున్నారు. కరోనాను నిర్ధారించే ర్యాపిడ్‌ యాంటీ జెన్‌, ఆర్టీపీసీఆర్‌ కిట్‌లు రాష్ట్ర ప్రభుత్వంనుంచి జిల్లాలకు రాగానే ఇక్కడి పరిస్థితులకు అనుగుణంగా పరీక్షలు చేసే వీలుంటుందని అంటున్నారు. వాతావరణ మార్పులతో జ్వరాలు.. మే నెల మూడో వారం నుంచి వాతావరణం చల్ల బడి అప్పుడప్పుడు వర్షాలు కురుస్తుండడంతో వాతావరణంలో మార్పులు వచ్చాయి. దీంతో దగ్గు, జలుబు, జ్వరంతో బాధపడుతున్నవారి సంఖ్య పెరిగింది. వరంగల్‌లోని ఎంజీఎం ఆస్పత్రిలోని ఫీవర్‌ వార్డులోనూ పదుల సంఖ్యలో చికిత్స తీసుకుంటున్నారు. దగ్గు, జలుబు, జ్వరం వంటివి సీజన్‌ వ్యాధులుగానే పరిగణించి వైద్యాధికారులు వైద్యం అందిస్తున్నారు. కరోనా లక్షణాలు అనుకొని భయపడవద్దని, వాతావరణ మార్పులతో సీజనల్‌ వ్యాధులు వస్తుంటాయని అంటున్నారు. పల్లె దవాఖానా, ప్రాథమిక ఆరోగ్య కేంద్రాల్లో వైద్యులందరూ అందుబాటులో ఉండేలా చూస్తున్నారు. వరంగల్‌లో కరోనా బెల్స్‌●●●● ఎంజీఎంలో ఓ పీజీ వైద్యురాలికి పాజిటివ్‌? ● మరో ఆరుగురికి కూడా.. ప్రైవేట్‌లో చికిత్సలు ● నిర్ధారించని వైద్యాధికారులుఎంజీఎం : వరంగల్‌ నగరంలో కరోనా డేంజర్‌ బెల్స్‌ మోగాయి. ఎంజీఎం ఆస్పత్రిలోని జనరల్‌ మెడిసిన్‌ విభాగంలో పీజీ వైద్యురాలికి కరోనా పాజిటివ్‌గా నిర్ధారణ అయ్యింది. సదరు వైద్యురాలు దగ్గు, జ్వరంతో బాధపడుతుండగా కరోనా పరీక్ష నిర్వహించగా పాజిటివ్‌ రావడంతో వెంటనే హైదరాబాద్‌లోని తన స్వృగృహానికి ఐసోలేషన్‌కు వెళ్లిపోయింది. ఈ విషయంపై ఎంజీఎం పరిపాలనాధికారులను వివరణ కోరగా ప్రభుత్వపరంగా తమ వద్ద ఎలాంటి నిర్ధారణ పరీక్షలు జరగలేదని తెలిపారు. ప్రైవేట్‌ ల్యాబ్‌ కేంద్రంగా చేసిన పరీక్షల్లో వస్తే తాము పాజిటివ్‌గా నిర్ధారించలేమని పేర్కొన్నారు. మరో ఆరుగురికి కూడా.. వరంగల్‌ నగరంలోని ఓ ప్రైవేట్‌ ల్యాబ్‌లో చేసిన పరీక్షల్లో ఆరుగురికి పాజిటివ్‌ వచ్చినట్లు తెలిసింది. వీరంతా వివిధ ప్రైవేట్‌ ఆస్పత్రుల్లో చికిత్స పొందుతున్నట్లు సమాచారం. ఈ విషయంపై వైద్యారోగ్యశాఖ అధికారులను వివరణ కోరగా, తమ వద్ద ఎలాంటి పాజిటివ్‌ కేసులు నమోదు కాలేదని పేర్కొంటున్నారు. లోపించిన పాలన.. గ్రేటర్‌ వరంగల్‌లో పరిధిలోని ప్రైవేట్‌ ల్యాబ్‌లు, క్లినిక్‌లపై వైద్యారోగ్యశాఖ అధికారుల తనిఖీలు, సిబ్బంది వివరాలు, వివిధ కేసుల నమోదుపై ఎప్పటికప్పుడు నివేదికలు తీసుకోకపోవడంతో ఎవరి ఇష్టారాజ్యంగా వారు వ్యవహరిస్తున్నారు. ప్రైవేట్‌ ల్యాబ్‌లు, క్లినిక్‌ల అనుమతులు, రెన్యువల్‌ విషయాల్లో పెద్ద ఎత్తున చేతులు తడుపుతున్న క్రమంలో ప్రైవేట్‌ నిర్వాహకులు కీలకమైన వ్యాధి నిర్ధారణ విషయాలు అధికారులకు అందించడం లేదన్న ఆరోపణలు వినిపిస్తున్నాయి. కరోనా పాజిటివ్‌ కేసుల వివరాలతో ఈ విషయం స్పష్టమవుతుందన్న వాదన వినిపిస్తోంది. 20 పడకలతో ప్రత్యేక వార్డు.. ఎంజీఎంలో కరోనా చికిత్స కోసం 20 పడకలతో ప్రత్యేక వార్డు అందుబాటులో ఉంచాం. గతంలో కరోనా మహమ్మారి విజృంభించిన సమయంలో పనిచేసిన వైద్యులు, వారి బృందం అందుబాటులో ఉంది. దీనికితోడు 500 నుంచి 800 ఆక్సిజన్‌ బెడ్లు కూడా ఉన్నాయి. ఎంత పెద్ద ఆపద వచ్చినా ఆదుకునేందుకు ఈ పెద్దాస్పత్రి సిద్ధంగా ఉంది. ఇప్పటివరకు కరోనాతో ఎంజీఎంలో ఎవరూ చేరలేదు. – కిశోర్‌, ఎంజీఎం సూపరింటెండెంట్‌ ●● ఓల్డ్‌ అడ్మిషన్స్‌ బిల్డింగ్‌లో అన్ని ఏర్పాట్లు ● ఉత్తర్వులు జారీ చేసిన వర్సిటీ అధికారులు న్యూస్‌రీల్‌ రెండు జిల్లాల్లోని వివిధ ఆస్పత్రుల బెడ్‌ల సంఖ్య వివరాల సేకరణపై దృష్టి గతంలోనే 1,100 పడకలతో సేవలందించిన ఎంజీఎం రాష్ట్ర ప్రభుత్వం నుంచి కరోనా కిట్‌లు రాగానే పరీక్షలు షురూ ఇప్పటివరకు కరోనా ప్రభావం లేదంటున్న వరంగల్‌, హనుమకొండ జిల్లాల వైద్యారోగ్యశాఖ అధికారులు

దేవరుప్పుల: తెలంగాణ రాష్ట్ర అవతరణ దినోత్సవ వేడుకల్లో భాగంగా సోమవారం రాజ్‌ భవన్‌లో నిర్వహించిన సాంస్కృతిక సమ్మేళనం కార్యక్రమంలో జనగామ జిల్లా దేవరుప్పుల మండలానికి చెందిన పద్మశ్రీ అవార్డు గ్రహీత గడ్డం సమ్మయ్యను రాష్ట్ర గవర్నర్‌ జిష్ణుదేవ్‌ వర్మ, ప్రిన్సిపల్‌ సెక్రటరీ దానం కిశోర్‌ సన్మానించారు. ఈ సందర్భంగా సమ్మయ్య మాట్లాడుతూ చిందు యక్షగాన కళల వైభవం కోసం పాటుపడినందుకు సన్మానం లభించిందన్నారు. కార్యక్రమంలో భాషా సాంస్కృతిక శాఖ సంచాలకులు డాక్టర్‌ మామిడి హరికృష్ణ, గంటా చక్రపాణి, డైరెక్టర్‌ తరుణ్‌, ఐఐసీటీ డైరెక్టర్‌ భాస్కర్‌ తదితరులు పాల్గొన్నారు.చెస్‌లో దేవాన్ష్‌కు అంతర్జాతీయ రేటింగ్‌ వరంగల్‌ స్పోర్ట్స్‌: హనుమకొండ జిల్లా హసన్‌పర్తి మండలం వంగపహాడ్‌కు చెందిన బైరి దేవాన్ష్‌రెడ్డి చదరంగంలో అంతర్జాతీయ రేటింగ్‌ సాధించినట్లు జిల్లా చదరంగ సమాఖ్య ప్రతినిధి పి. కన్నా తెలిపారు. హనుమకొండ రాంనగర్‌లోని చిల్డ్రన్స్‌ మాంటిస్సోరి స్కూల్‌లో ఒకటో తరగతి చదువుతున్న దేవాన్ష్‌రెడ్డి ఈ ఏడాది ఏప్రిల్‌ 26 నుంచి 30వ తేదీ వరకు ఆంధ్రప్రదేశ్‌లోని అనకాపల్లిలో జరిగిన అంతర్జాతీయ క్లాసికల్‌ విభాగంలో 1508 రేటింగ్‌ సాధించడం హర్షణీయమన్నారు. దేవాన్ష్‌రెడ్డి ఆరుగురు అంతర్జాతీయ రేటెడ్‌ క్రీడాకారులతో తలపడి విజయం సాధించారన్నారు. ఈ రేటింగ్‌ సాధించడంపై తల్లిదండ్రులు రఘువీరారెడ్డి, దివ్య సంతోషం వ్యక్తం చేశారు. లోకో పైలెట్ల భర్తీకి గ్రీన్‌సిగ్నల్‌ ● కాజీపేట రైల్వే అభివృద్ధిలో ఫలించిన ఎంపీ కావ్య కృషికాజీపేట రూరల్‌ : కాజీపేట రైల్వే అభివృద్ధిలో వరంగల్‌ ఎంపీ డాక్టర్‌ కడియం కావ్య పలుమార్లు చేసిన విజ్ఞప్తులపై దక్షిణ మధ్య రైల్వే జీఎం అరుణ్‌కుమార్‌జైన్‌ సానుకూలంగా స్పందించి అభివృద్ధిపై ప్రత్యేక దృష్టి సారించారు. ఈ మేరకు దక్షిణ మధ్య రైల్వే జీఎం అరుణ్‌కుమార్‌ జైన్‌ కాజీపేట లోకో రన్నింగ్‌ డిపో క్రూ లింక్‌లు మార్చడం, ఖాళీ ఉద్యోగాలు భర్తీ చేయడంపై ఎంపీకి లేఖ రాశారు. సోమవారం ఎంపీ కావ్య విలేకరులకు తెలిపిన వివరాలు. విజయవాడ–బల్లార్షా మధ్య 24 వందేభారత్‌ రైళ్లు..130 కి.మీ.వేగంతో నడుస్తున్నాయని, ఇందుకు విజయవాడ, కాజీపేట, సికింద్రాబాద్‌ డిపోల్లో కొన్ని క్రూ లింక్‌లు మార్చారని, సికింద్రాబాద్‌ డివిజన్‌లో ఖాళీల భర్తీకి 272 మంది అసిస్టెంట్‌ లోకోపైలెట్లు శిక్షణ తీసుకుంటున్నారని చెప్పా రు. జూలై నాటికి శిక్షణ పూర్తి చేస్తారని, 56 మంది కొత్త వాళ్లకు శిక్షణ ఇవ్వడానికి సిద్ధం చేస్తున్నారని తెలిపారు. అలాగే 1,498 మంది అసిస్టెంట్‌ లోకోపైలెట్ల ఉద్యోగాల కోసం ఎంపిక ప్రక్రియ కూడా జరుగుతుందని జీఎం లేఖలో పేర్కొన్నారు. అసిస్టెంట్‌ లోకో పైలెట్లకు శిక్షణ పూర్తయిన తర్వాత కాజీపేట డ్రైవర్ల డిపోలో ఖాళీలు భర్తీ చేస్తామని జీఎం లేఖలో తెలియజేశారు. కాజీపేట జంక్షన్‌ ప్రాముఖ్యతను కాపాడేందకు అవసరమైన చర్యలు తీసుకుంటామని జీఎం హామీ ఇచ్చారని ఎంపీ తెలిపారు. కాజీపేట రైల్వే బస్టాండ్‌ నిర్మాణానికి త్వరితగతిన స్థల కేటాయింపు నిర్ణయం తీసుకోవాలని రైల్వే జీఎంను కోరగా జీఎం సానుకూలంగా స్పందించినట్లు పేర్కొన్నారు. రైల్వే విస్తరణ అవసరాల కోసం రాష్ట్ర ప్రభుత్వం సమాన విలువ గల భూమిని కేటాయించడానికి సిద్ధంగా ఉందని, రాష్ట్ర ప్రభుత్వం చూపిన భూమి విషయంలో రైల్వే అధికారులు ఆమోదం తెలిపితే త్వరితగతిన రైల్వే బస్టాండ్‌ పనులు వేగంగా జరుగుతాయని అన్నారు. బస్టాండ్‌ ఏర్పాటుతో ప్రయాణికులకు మరిన్ని మెరుగైన రవాణా సేవలు అందుతాయని ఆమె పేర్కొన్నారు.

విద్యారణ్యపురి: దేశంలో అత్యంత ప్రతిష్టాత్మక జేఈఈ అడ్వాన్స్‌డ్‌ –2025 ఫలితాల్లో ఎస్‌ఆర్‌ విద్యాసంస్థల విద్యార్థులు ప్రభంజనం సృష్టించారని ఆ విద్యాసంస్థల చైర్మన్‌ ఎ. వరదారెడ్డి, డైరెక్టర్లు మధుకర్‌రెడ్డి, సంతోశ్‌ రెడ్డి సోమవారం తెలిపారు. ఈ ఫలితాల్లో ఎస్‌ఆర్‌ విద్యాసంస్థల విద్యార్థులు జాతీయ స్థాయిలో అన్ని కేటగిరీల్లో కలిపి ఎం. రవిచంద్రారెడ్డి 8వ ర్యాంకు, వి. నాగసిద్దార్థ 13వ ర్యాంకు, పి. సాక్షి 40వ ర్యాంకు, ఎ. అనుశ్రీ 47వ ర్యాంకు సాధించి ఎస్‌ఆర్‌ కీర్తి ప్రతిష్టను జాతీయ స్థాయిలో నిలబెట్టారని వారు తెలిపారు. బి. సాయి 68వ ర్యాంకు, బి. భరణి శంకర్‌ 90వ ర్యాంకు, జి. రాజేశ్‌ 106వ ర్యాంకు, బి. వినోద్‌ 115వ ర్యాంకు, ఎం. వెంకటకౌసిక్‌ 123వ ర్యాంకు, ఎస్‌. పవన్‌ 204వ ర్యాంకు, ఎ. సంతోశ్‌ 265వ ర్యాంకు, బి. వాగ్దేవి 269వ ర్యాంకు సాధించారని వారు పేర్కొన్నారు. ఇంకా పలువురు ఎన్నో ర్యాంకులు సాధించారని వారు వివరించారు. భవిష్యత్‌లో మరింత అత్యత్తమ ర్యాంకులు సాధించేలా విద్యార్థులను తీర్చిదిద్దుతామని వారు పేర్కొన్నారు. 50 సంవత్సరాలుగా పటిష్ట ప్రణాళికతో హైస్కూల్‌, జూనియర్‌ కాలేజీ ఎంసెట్‌ , ఐఐటీల్లో విద్యనందిస్తూ ప్రతీ ఏడాది రాష్ట్ర, జాతీయ స్థాయి పోటీ పరీక్షల్లో తమ తమ విద్యార్థులు అత్యుత్తమ ర్యాంకులు సాధిస్తున్నారని వారు తెలిపారు.