నిడదవోలు: పశ్చిమగోదావరి జిల్లా నిడదవోలు మండలం తాళ్లపాళెం గ్రామంలో ఆదివారం గ్యాస్ సిలిండర్ పేలి ఒక హోటల్ దగ్ధమైంది. మంగమ్మ అనే మహిళ స్థానికంగా హోటల్ నిర్వహిస్తూ జీవనం సాగిస్తున్నది. ఈ రోజు మధ్యాహ్నం హోటల్‌లోని గ్యాస్ సిండర్ లైకై ఒక్కసారిగా మంటలు ఎగిసిపడ్డాయి.
 
 దీంతో హోటల్‌లో అల్పాహారం సేవిస్తున్నవారంతా భయంతో పరుగుతీశారు. అందరూ చూస్తుండగానే హోటల్ కాలిబూడిదైంది. సమాచారం అందుకున్న అగ్నిమాపక సిబ్బంది ఘటనా స్థలికి చేరుకుని మంటలు ఆర్పివేశారు. గల్లాపెట్టెలో ఉన్న రూ.10వేల నగదు సహా మొత్తం రూ. 2.5లక్షల ఆస్థినష్టం సంభవించడంతో యజమానురాలు మంగమ్మ కన్నీరు మున్నీరుగా విలపించింది.


 కంబదూరు (అనంతపురం): ఓ హోటల్‌కు గుర్తు తెలియని వ్యక్తులు నిప్పు అంటించారు. ఈ ఘటన అనంతపురం జిల్లా కంబదూరు మండలంలో సోమవారం ఉదయం చోటు చేసుకుంది. వివరాలు.. మండలంలోని మూలకనూరు గ్రామంలోని ఓ హోట్‌ల్‌కు సోమవారం తెల్లవారుజామున గుర్తు తెలియని వ్యక్తులు నిప్పు అంటించారు. దీంతో హోటల్ మొత్తం కాలిబూడిద అయింది. దాదాపు రూ. 2లక్షల ఆస్తి నష్టం జరిగిందని హోటల్ యాజమాని తెలిపారు. ఈ ఘటనకు సంబంధించి మరిన్ని వివరాలు తెలియాల్సి ఉంది.