సాక్షి, హైదరాబాద్‌: స్నేహితుడితో కలిసి బిర్యానీ తినేందుకు వెళ్లగా హోటల్‌ సిబ్బంది చితకబాదిన సంఘటన హైదరాబాద్‌లోని మైలార్‌దేవ్‌పల్లిలో చోటుచేసుకుంది. మటన్‌ బిర్యానీ బాగా లేదని చెప్పడంతో మొదలైన వాగ్వాదం పరస్పరం దాడి చేసుకునే స్థాయికి చేరుకుంది. మైలార్‌దేవ్‌పల్లి ప్రాంతంలోని దుర్గానగర్‌లో ఉన్న మెఫిల్ హోటల్‌కు ఇద్దరు స్నేహితులు వచ్చారు.  మటన్ బిర్యానీ ఆర్డర్‌ ఇచ్చి తింటుండగా రుచీ, నాణ్యత లేదని గుర్తించి హోటల్‌ సిబ్బందికి ఫిర్యాదు చేశారు. దీంతో వాగ్వాదం మొదలు కాగా ఆగ్రహంతో హోటల్‌ సిబ్బంది ఆ ఇద్దరు యువకులపై దాడికి పాల్పడ్డారు. హోటల్ సిబ్బంది దాడిలో ఒకరు తీవ్ర గాయాలయ్యాయి. లాక్‌డౌన్ నిబంధనలు పాటించకుండా యథాతథంగా మెఫిల్ విక్రయాలు కొనసాగుతున్నాయనే ఆరోపణలు ఉన్నాయి. కర్ఫ్యూ సమయంలో రహాస్యంగా బిర్యానీ విక్రయిస్తున్న హోటల్‌ యాజమాన్యంపై పోలీసులు కేసు నమోదు చేసుకుని దర్యాప్తు చేస్తున్నారు. ఈ హోటల్‌పై గతంలో నాణ్యత లేని ఆహారం అందించడంతో భోజనప్రియులు ఆందోళన చేశారు.


 మీరు ఏదైనా దుకాణానికి వెళ్లి, అక్కడ ఏమైనా కొంటే ఏం చేస్తారు... దానికి బిల్లు కడతారు. అదే హోటల్కు వెళ్లి రెండు మూడు రోజులు అక్కడ బస చేస్తే, అద్దె చెల్లిస్తారు. కానీ, ప్రముఖ మోడల్, బిగ్బాస్ 5లో పాల్గొన్న పూజామిశ్రా మాత్రం అలా చేయదు. ఇంతకుముందు ఓ పారిశ్రామికవేత్త మీద, సోనాక్షి సిన్హా, ఇషా కొప్పికర్ లాంటి పలువురు బాలీవుడ్ సెలబ్రిటీల మీద కూడా కేసులు దాఖలు చేసిన ఘనచరిత్ర ఈ అమ్మడికి ఉంది. ఇప్పుడు తాజాగా ఓ హోటల్ సిబ్బంది మీద ఆమె తన ప్రతాపం చూపించింది. ఆ వీడియో ప్రస్తుతం నెట్టింట్లో హల్చల్ చేస్తోంది.
 
 ద్వారకలో పూజా మిశ్రా ఓ హోటల్కు వెళ్లింది. అక్కడ తానున్న గదిలో కొన్ని వస్తువులను పగలగొట్టింది. వాటికి గాను డబ్బు చెల్లించాలని హోటల్ యాజమాన్యం అడిగితే, లేదు పొమ్మంది. హోటల్ ఖాళీ చేసి వెళ్లిపోతానంటూ బయల్దేరగా, సిబ్బంది ఆమెను ఆపేందుకు ప్రయత్నించారు. దాంతో ఒక్కసారిగా ఆమె పూనకం వచ్చినట్లు సిబ్బందిమీద పడి కొట్టేసింది. తనను ఫొటోలు తీస్తారా అంటూ వాళ్ల ఫోన్లు పగలగొట్టింది.