కేయూ క్యాంపస్: తెలంగాణ రాష్ట్రంలో ఎంబీఏ, ఎంసీఏ కోర్సుల్లో ప్రవేశానికి ఈ నెల 19న నిర్వహించిన ఐసెట్-2016 ప్రవేశ పరీక్ష ఫలితాలను మంగళవారం విడుదల చేయనున్నట్లు ఐసెట్ కన్వీనర్ ప్రొఫెసర్ ఓంప్రకాశ్ వెల్లడించారు. హైదరాబాద్‌లో తెలంగాణ రాష్ట్ర ఉన్నత  విద్యామండలి చైర్మన్ ప్రొఫెసర్ టి.పాపిరెడ్డి, కేయూ ఇన్‌చార్జ్ వీసీ టి.చిరంజీవులు మంగళవారం సాయంత్రం 4:30 గంటలకు ఫలితాలను విడుదల చేస్తారని తెలిపారు. పరీక్ష అనంతరం అదేరోజు ప్రాథమిక కీ విడుదల చేసి అభ్యంతరాలు స్వీకరించామని తెలిపారు. మంగళవారం ఫలితాలతో పాటు ఫైనల్ కీ విడుదల చేస్తామన్నారు. అనంతరం అభ్యర్థులు డబ్ల్యూడబ్ల్యూడబ్ల్యూ.టీఎస్‌ఐసెట్-2016.ఓఆర్‌జీ వెబ్‌సైట్ ద్వారా మార్కుల వివరాలు తెలుసుకోవచ్చని సూచించారు.