చివరి బంతి వరకు నరాలు తెగే ఉత్కంఠ రేకెత్తిచ్చిన టీ20 ప్రపంచకప్‌ మ్యాచ్‌లో పాకిస్థాన్‌పై భారత్ అద్భుత విజయం సాధించిన విషయం తెలిసిందే. అయితే మ్యాచ్‌ చివరి ఓవర్లో పాక్‌ బౌలర్ మహ్మద్ నవాజ్ వేసిన బంతిని అంపైర్లు 'నో బాల్‌'గా ప్రకటించడంపై సోషల్ మీడియాలో భిన్నాభిప్రాయాలు వ్యక్తమవుతున్నాయి. ఆఖరి ఓవర్ నాలుగో బంతిని నవాజ్ ఫుల్ టాస్ వేయగా కోహ్లి దాన్ని సిక్సర్‌గా మలిచాడు. నడుము ఎత్తులో వచ్చిన ఈ బంతిని అంపైర్లు నో బాల్‌గా ప్రకటించారు. వెంటనే పాకిస్థాన్ టీం సభ్యులంతా అంపైర్లతో వాదించారు. అయినా వాళ్లు నిర్ణయాన్ని మార్చుకోలేదు. నో బాల్ తర్వాత ఫ్రీ హిట్‌గా వచ్చిన బంతికి కోహ్లి క్లీన్ బౌల్డ్ అయ్యాడు. వికెట్లను గిరాటేసిన బంతి బౌండరీ వైపు దూసుకెళ్లడంతో కోహ్లి- దినేశ్ కార్తీక్ మూడు పరుగులు తీశారు. ఫ్రీ హిట్ అయినందున బ్యాటర్ బౌల్డ్ అయినా ఔట్ ఉండదనే నిబంధనను కోహ్లి చక్కగా వినియోగించున్నాడు. ఈ బంతితోనే మ్యాచ్ భారత్ చేతిలోకి వచ్చింది. చివరి రెండు బంతులకు రెండు పరుగులే అవసరమయ్యాయి. అయితే ఈ నోబాల్ వ్యవహారంపై ఆసీస్ మాజీ క్రికెటర్‌ బ్రాడ్ హాగ్ ట్విట్టర్‌లో కొన్ని ప్రశ్నలు లేవనెత్తాడు. నడుము ఎత్తులో వచ్చిన బంతిని అంపైర్లు రివ్యూ తీసుకోకుండానే నో బాల్‌గా ఎలా ప్రకటించారని అడిగాడు. ఫ్రీ హిట్‌ బాల్‌కు  కోహ్లి బౌల్డ్ అయినప్పుడు.. దాన్ని డెడ్ బాల్‍గా ఎందుకు ప్రకటించలేదు? అని ప్రశ్నించాడు. Why was no ball not reviewed, then how can it not be a dead ball when Kohli was bowled on a free hit. #INDvPAK #T20worldcup22 pic.twitter.com/ZCti75oEbd — Brad Hogg (@Brad_Hogg) October 23, 2022 ఈ నో బాల్ వ్యవహారంపై సోషల్ మీడియాలో భిన్న స్పందనలు వస్తున్నాయి. బంతి బ్యాటర్ నడుము ఎత్తుకు పైకి వస్తేనే నో బాల్‌ అని కొందరు అంటున్నారు. అంతిమ నిర్ణయం అంపైర్లదే అని, దానికి ఇరు జట్లు కట్టుబడి ఉండాలని మరికొందరు అంటున్నారు. మరికొందరేమో కోహ్లి దాదాపు క్రీజు బయట ఉన్నాడు.. అలాంటప్పుడు బంతి నడుము ఎత్తుపైకి వచ్చినా నో బాల్ కాదు అని పేర్కొన్నారు. ఏది ఏమైనా ఈ మ్యాచ్‌లో భారత్‌ చివరి బంతి వరకు అద్భుత పోరాటపటిమ ప్రదర్శించి ఘన విజయం సాధించింది. ముఖ్యంగా కింగ్ కోహ్లి తన కెరీర్‌లోనే బెస్ట్ ఇన్నింగ్స్ ఆడి భారత్‌కు ఒంటిచేత్తో విజయాన్ని అందించాడు. మ్యాచ్ అనంతరం భావోద్వేగానికి లోనై కన్నీరు పెట్టుకున్నాడు. ఈ మ్యాచ్ తనకు చిరకాలం గుర్తుండిపోతుందని చెప్పాడు. చదవండి: ప్రపంచ రికార్డు బద్దలు కొట్టిన విరాట్‌ కోహ్లి


 ముంబై: దక్షిణాఫ్రికాతో టీ20 మ్యాచ్ లో 230 పరుగుల భారీ లక్ష్యాన్ని ఛేదించడంలో కీలకపాత్ర పోషించిన ఇంగ్లండ్ బ్యాట్స్ మన్ జో రూట్. రూట్ కేవలం 44 బంతుల్లో 83 (6 ఫోర్లు; 4 సిక్సర్లు) బాది జట్టుకు విజయాన్ని అందించినా సంతృప్తిగా ఉన్నట్లు కనిపించడం లేదు. తమ జట్టు భారీ టార్గెట్ ఛేదించి మరీ విజయాన్ని అందుకున్నప్పటికీ అది ఇంగ్లండ్ అత్యుత్తమ ప్రదర్శన కాదని రూట్ అభిప్రాయపడ్డాడు. అయితే ఈ మ్యాచ్ ఫలితం మాత్రం తమ జట్టులో విశ్వాసాన్ని పెంచిందని జో రూట్ తెలిపాడు. టి20 ప్రపంచకప్ చరిత్రలో ఇదే అత్యధిక ఛేజింగ్ అయినప్పటికీ తమ అత్యుత్తమ ఆట బయటకు రావాల్సి ఉందని రూట్ పేర్కొటూ టోర్నమెంట్ కు మరింత జోష్ తీసుకొచ్చాడు.
 
 బ్యాటింగ్, బౌలింగ్ రెండు విభాగాల్లోనూ రాణించడం వల్లే ఈ విజయం సాధ్యమైందన్నాడు. గ్రూప్ నుంచి తర్వాతి దశకు వెళ్లేందుకు తమ ఆటగాళ్లకు మరింత మంచి అవకాశం లభించిందని, మంచి ఆరంభం లభిస్తే ఎలాంటి మ్యాచ్ లో నైనా విజయాలు సాధించవచ్చని చెప్పాడు. అద్భుత ఆరంభం లభించడంతో మధ్య ఓవర్లలో సులువుగా బ్యాటింగ్ చేసేందుకు అవకాశం దొరికిందని, స్పిన్నర్లు గత కొంతకాలం నుంచి మెరుగైన ప్రదర్శన ఇస్తున్నారని చెప్పుకొచ్చాడు.