టీమిండియాకు కొందరు ఆటగాళ్ల ఎంపికలో పక్షపాత ధోరణి అనేది బీసీసీఐలో అనాదిగా వస్తున్న బహిరంగ సంప్రదాయం. భారత క్రికెట్‌ తొలినాళ్లలో ఇది అడపాదడపా కనిపించినప్పటికీ.. ఇటీవలి కాలంలో ఈ సంప్రదాయం పట్ట పగ్గాల్లేకుండా పోతుంది. ఇందుకు ప్రత్యక్ష ఉదాహరణ రిషబ్‌ పంత్‌, సంజూ శాంసన్‌ల వ్యవహారం. వికెట్‌కీపర్‌ కమ్‌ బ్యాటర్లైన ఈ ఇద్దరు క్రికెటర్లు ప్రతిభావంతులే అయినప్పటికీ, బీసీసీఐ.. శాంసన్‌తో పోలిస్తే పంత్‌ను ఎక్కువగా ప్రోత్సహించి అవకాశాలిస్తుంది. బీసీసీఐకి, సెలెక్లర్లకు పంత్‌పై ప్రేమ, శాంసన్‌పై చిన్నచూపుకు వర్ణించలేని, నిషేధిత కారణాలు చాలానే ఉన్నాయి. ఈ వ్యవహారంలో ఇటీవల శాంసన్‌కు మద్దతు బాగానే పెరుగుతున్నప్పటికీ.. భారత క్రికెట్‌ బోర్డు పెద్దలు ఇవేవీ పట్టనట్లు పంత్‌ వరుసగా విఫలమవుతున్నా ఉదాసీనంగా వ్యవహరిస్తున్నారు. తాజాగా న్యూజిలాండ్‌తో ముగిసిన టీ20 సిరీస్‌లో ఇషాన్‌ కిషన్‌, పంత్‌లకు వరుస అవకాశాలిచ్చిన టీమ్‌ మేనేజ్‌మెంట్‌ ఫామ్‌లో ఉన్న శాంసన్‌ను బెంచ్‌కే పరిమితం చేసింది. ఓ పక్క పంత్‌ వికెట్‌కీపర్‌గా, బ్యాటర్‌గా విఫలమవ్వడం వల్ల టీమిండియాకు జరగాల్సిన నష్టాలు జరుగుతున్నప్పటికీ.. యాజమాన్యం ఉదాసీనంగా వ్యవహరిస్తూనే ఉంది. శాం‍సన్‌ విషయంలో చిన్న చూపు చూడటం మేనేజ్‌మెంట్‌కు పరిపాటిగా మారింది. ప్రశ్నించే వారు లేరని పంత్‌ను ప్రతి విషయంలోనూ వెనకేసుకొస్తూనే ఉంది. పంత్‌కు ఇచ్చినన్ని అవకాశాలు భారత క్రికెట్‌ చరిత్రలో ఏ ఇతర ఆటగాడికి ఇవ్వలేదని సోషల్‌మీడియా కోడై కూస్తున్నా బీసీసీఐ ఈ విషయాన్ని పెడచెవిన పెడుతూ తన పని తాను చేసుకుంటూ పోతుంది. ఇవాళ న్యూజిలాండ్‌తో జరిగిన మూడో టీ20లో పంత్‌ అనవసరపు షాట్‌ ఆడి వికెట్‌ పారేసుకోవడంతో పట్టలేని ఆగ్రహానికి గురైన క్రికెట్‌ అభిమానులు పంత్‌ను, అతన్ని వెనకేసుకొస్తున్న బీసీసీఐని, సెలెక్షన్‌ కమిటీని ఏకీ పారేస్తున్నారు. పంత్‌ వైఫల్యాలు టీమిండియాపై ప్రభావం చూపుతున్నా బీసీసీఐ ఎందుకు పట్టించుకోవట్లేదని నిలదీస్తున్నారు. పంత్‌పై ఎనలేని ప్రేమ, శాంసన్‌పై బీసీసీఐ చిన్నచూపు చూస్తుందనడానికి ఇంతకంటే సాక్షాలు ఏమి కావాలంటూ ఇద్దరి గణాంకాలను సోషల్‌మీడియాలో పోస్ట్‌ చేస్తూ ట్రోలింగ్‌కు దిగుతున్నారు. శాంసన్‌ 2015లో అంతర్జాతీయ టీ20ల్లోకి అరంగేట్రం చేస్తే, ఇప్పటివరకు ఆడింది కేవలం 16 మ్యాచ్‌లే అయితే.. 2017లో పొట్టి క్రికెట్‌లోకి ఎంట్రీ ఇచ్చిన పంత్‌ ఏకంగా 65 టీ20లు ఆడాడంటూ సెలెక్టర్ల ధోరణిని ఎండగడుతున్నారు. శాంసన్‌కు ఒక్క టీ20ల్లోనే కాదు.. వన్డేల్లో, టెస్ట్‌ల్లో కూడా అన్యాయం జరిగిందని అతని అభిమానులు వాపోతున్నారు. 2015లో అంతర్జాతీయ క్రికెట్‌లోకి అరంగేట్రం చేసిన ఆటగాడికి ఇప్పటివరకు కేవలం 10 వన్డేల్లో మాత్రమే అవకాశం​ ఇవ్వడమేంటని ప్రశ్నిస్తున్నారు. టెస్ట్‌ల్లో అయితే కనీసం ఒక్క అవకాశానికి కూడా పనికిరాడా అంటూ  నిలదీస్తున్నారు. మరోపక్క పంత్‌ మాత్రం 27 వన్డేల్లో, 31 టెస్ట్‌ల్లో అవకాశాలు పొంది దర్జాగా జట్టులో కొనసాగుతున్నాడని అంటున్నారు.  

ఆస్ట్రేలియా వేదికగా వచ్చే నెల (అక్టోబర్‌) 16 నుంచి ప్రారంభంకానున్న టీ20 వరల్డ్‌ కప్‌ కోసం 15 మంది సభ్యులతో కూడిన భారత జట్టును కొద్ది సేపటి కిందట ప్రకటించారు. ఈ జట్టులో ఎలాంటి సంచలన ఎంపికలకు తావివ్వని సెలెక్టర్లు.. తాజాగా ముగిసిన ఆసియా కప్‌లో పాల్గొన్న జట్టునే యధాతథంగా కొనసాగించారు.  గాయం నుంచి పూర్తిగా కోలుకున్న స్టార్‌ పేసర్‌ జస్ప్రీత్‌ బుమ్రా, హర్షల్‌ పటేల్‌లు జట్టులోకి తిరిగి రాగా, గాయపడ్డ రవీంద్ర జడేజా స్థానంలో అక్షర్‌ పటేల్‌ జట్టులో కొనసాగనున్నాడు. ఈ మార్పులు మినహాంచి అందరూ ఊహించినట్లుగా జట్టు ఎంపిక జరిగింది.  One more Snub.....And the management and Captian will come up with the same stories ...It's really tough to be Sanju Samson and a Sanju Samson fan as well....Hoping that he will get a 10% chance which Rishabh Pant is getting 😡#SanjuSamson pic.twitter.com/gFsNNfLvoQ — Snlkmr791 (@snlkmr791) September 12, 2022 కాగా, ప్రపంచకప్‌ జట్టులో సంజూ శాంసన్‌ను ఎంపిక చేయకపోవడంతో అతని అభిమానులు సోషల్‌మీడియాను హోరెత్తిస్తున్నారు. తమ అభిమాన క్రికెటర్‌కు మరోసారి మొండిచెయ్యి చూపడంతో భారత సెలెక్టర్లు, జట్టు కెప్టెన్‌, కోచ్‌లపై దుమ్మెత్తిపోస్తున్నారు. నువ్వేమి చేశావు నేరం.. నీ విషయంలోనే ఎందుకిలా అంటూ బాధను వ్యక్తపరుస్తున్నారు. టాలెంట్‌ ఉండి.. టీ20లకు సరిపడే దూకుడు కలిగి.. పోటీదారుల (పంత్‌, డీకేలను ఉద్దేశిస్తూ) కంటే మెరుగైన ట్రాక్‌ రికార్డు కలిగి ఉండి ప్రతిసారి ఇలా మొండిచెయ్యి చూపడం ఏంటని పెదవి విరుస్తున్నారు.  #SanjuSamson fans after #BCCI announce team india squad for #T20wc2022 #t20worldcup2022 pic.twitter.com/XilMRz0VRf — Agyaat Balak (@Agyaat__Balak) September 12, 2022 శాంసన్‌ను మరోసారి జట్టుకు ఎంపిక చేయకపోవడంతో రకరకాల మీమ్స్‌తో ట్విటర్‌ వేదికగా అసంతృప్తిని వెల్లగక్కుతున్నారు. వికెట్‌కీపర్‌ కోటాలో జట్టుకు ఎంపికైన పంత్‌, డీకేలతో పోలిస్తే శాంసన్‌ ఎందులో తక్కువని ప్రశ్నిస్తున్నారు. శాంసన్‌ను కనీసం స్టాండ్‌ బై వికెట్‌ కీపర్‌గా కూడా ఎందుకు ఎంపిక చేయలేదని నిలదీస్తున్నారు. సెలెక్టర్లు, కెప్టెన్‌, కోచ్‌లు శాంసన్‌ విషయంలో డ్రామాలాడుతున్నారని, తమ వాళ్ల కోసం​ శాంసన్‌ కెరీర్‌ను నాశనం చేస్తున్నారని మండిపడుతున్నారు.  sanju fans assemble. #sanjusamson https://t.co/mcLQpaYClj — dark fellow // notmentallywelltointeract (@narfault) September 12, 2022 ఫిట్‌నెస్‌, టెక్నిక్‌, షాట్‌ సెలెక్షన్‌, హిట్టింగ్‌ సామర్ధ్యంలో పంత్‌, డీకేలతో పోలిస్తే శాంసన్‌ మెరుగ్గా ఉన్నప్పటికీ అతన్ని జట్టు ఎంపికకు పరిగణలోకి తీసుకోకపోవడం బాధాకరమని వాపోతున్నారు. ఈ ఏడాది ఐపీఎల్‌లో శాంసన్‌ రాజస్థాన్‌ రాయల్స్‌ను అద్భుతంగా ముందుండి నడిపించి రన్నరప్‌గా నిలబెట్టిన విషయాన్ని గుర్తు చేస్తున్నారు. ఇదిలా ఉంటే, టీ20 ప్రపంచకప్‌ కోసం ఎంపిక చేసిన భారత జట్టులో రిషబ్‌ పంత్‌, దినేశ్‌ కార్తీక్‌ రెగ్యులర్‌ వికెట్‌కీపర్లు కాగా.. వైస్‌ కెప్టెన్‌ కేఎల్‌ రాహుల్‌ బ్యాకప్‌ అప్షన్‌గా ఉన్నాడు.  Fitness - 100% Technique and Shot Selection - 100% Hitting ability ✓ Dedication 100% Yet Sanju Samson is not even Considered as an Option in the team. India is failed to use One of the Best T20 player of the country.#sanjusamson #T20wc2022#T20WorldCup2022 pic.twitter.com/YDRKYblVb3 — Cric kid  (@ritvik5_) September 12, 2022 🚨 NEWS: India’s squad for ICC Men’s T20 World Cup 2022. Rohit Sharma (C), KL Rahul (VC), Virat Kohli, Suryakumar Yadav, Deepak Hooda, R Pant (WK), Dinesh Karthik (WK), Hardik Pandya, R. Ashwin, Y Chahal, Axar Patel, Jasprit Bumrah, B Kumar, Harshal Patel, Arshdeep Singh — BCCI (@BCCI) September 12, 2022 #SanjuSamson fan's rn. pic.twitter.com/L1RvWkZ1GA — चौधरी (@Choudhary_ji123) September 12, 2022

India Squad Announced For T20 WC 2022: ఆస్ట్రేలియా వేదికగా వచ్చే నెల (అక్టోబర్‌) 16 నుంచి ప్రారంభంకానున్న టీ20 వరల్డ్‌ కప్‌ కోసం భారత జట్టును సెలెక్టర్లు కొద్ది సేపటి కిందే ప్రకటించారు. 15 మంది సభ్యుల భారత బృందానికి రోహిత్‌ శర్మ నాయకుడిగా, కేఎల్‌ రాహుల్‌ ఉప నాయకుడిగా వ్యవహరించనున్నారు. ఆసియా కప్‌-2022లో పాల్గొన్న భారత జట్టునే సెలెక్టర్లు యధాతథంగా కొనసాగించారు. బుమ్రా, హర్షల్‌ పటేల్‌ తిరిగి జట్టులోకి వచ్చారు. 15 మంది సభ్యుల్లో ఉంటారనుకున్న మహ్మద్‌ షమీ, దీపక్‌ చాహర్‌కు మరోసారి మొండిచెయ్యి ఎదురైంది. వీరిని స్టాండ్‌ బై సభ్యులుగా ఎంపిక చేశారు సెలెక్టర్లు.  One title 🏆 One goal 🎯 Our squad 💪🏻#TeamIndia | #T20WorldCup pic.twitter.com/Dw9fWinHYQ — BCCI (@BCCI) September 12, 2022 టీ20 వరల్డ్ కప్ 2022లో పాల్గొనే భారత జట్టు ఇదే.. రోహిత్ శర్మ (కెప్టెన్), కేఎల్ రాహుల్ (వైస్ కెప్టెన్), విరాట్ కోహ్లి, సూర్యకుమార్ యాదవ్, దీపక్ హుడా, రిషబ్ పంత్, దినేశ్ కార్తీక్, హార్ధిక్ పాండ్యా, రవిచంద్రన్ అశ్విన్, యజ్వేంద్ర చహాల్, అక్షర్ పటేల్, జస్ప్రిత్ బుమ్రా, భువనేశ్వర్ కుమార్, హర్షల్ పటేల్, అర్ష్‌దీప్ సింగ్ స్టాండ్‌ బై ప్లేయర్లు: మహ్మద్ షమీ, శ్రేయస్ అయ్యర్, రవి భిష్ణోయ్, దీపక్ చాహార్‌ 


 ఇండోర్: భారత సెలక్టర్ల దృష్టిని ఆకర్షించడానికి లభించిన సువర్ణావకాశాన్ని గంభీర్, సెహ్వాగ్ వృథా చేసుకున్నారు. చాలెంజర్ ట్రోఫీలో పేలవ ఆటతీరుతో విఫలమయ్యారు. మరోవైపు యువరాజ్ సింగ్ కూడా నిరాశపరిచినా... ఇండియా బ్లూ జట్టు చాలెంజర్ ట్రోఫీని గెలుచుకుంది. భువనేశ్వర్ కుమార్ (4/39) ప్రతిభతో ఆదివారం జరిగిన ఫైనల్లో బ్లూ జట్టు 50 పరుగుల తేడాతో ఢిల్లీపై గెలిచింది.  టాస్ గెలిచి బ్యాటింగ్ ఎంచుకున్న బ్లూ జట్టు 50 ఓవర్లలో 9 వికెట్ల నష్టానికి 274 పరుగులు చేసింది.
  
  మనీష్ పాండే (78 బంతుల్లో 62; 6 ఫోర్లు, 1 సిక్సర్) టాప్ స్కోరర్. హైదరాబాదీ ఆటగాడు అక్షత్ రెడ్డి (22), కెప్టెన్ యువరాజ్ సింగ్ (29) విఫలమయ్యారు. ఢిల్లీ జట్టు 44.4 ఓవర్లలో 224 పరుగులకు ఆలౌటై ఓడిపోయింది. గంభీర్ (4), ఉన్ముక్త్ చంద్ (6), విరాట్ కోహ్లి (23), సెహ్వాగ్ (5) విఫలం కావడంతో... 46 పరుగులకే 4 వికెట్లు కోల్పోయిన ఢిల్లీ ఇక కోలుకోలేకపోయింది. ‘మ్యాన్ ఆఫ్ ద మ్యాచ్’ భువనేశ్వర్ కుమార్ నాలుగు వికెట్లు  తీశాడు.