సాక్షి, హైదరాబాద్‌ : కస్టమర్ ప్రయోజనాలకు అనుగుణమైన ప్లాన్‌లను అందించడంలో భాగంగా భారతి ఎయిర్‌టెల్ తన మొబైల్ కస్టమర్ల కోసం ఇంటర్నేషనల్ రోమింగ్ (ఐఆర్) అనుభవాన్ని మెరుగుపరిచేందుకు మరో వినూత్న ఆవిష్కరణను ప్రవేశపెట్టింది. వ్యాపార, పర్యాటక అవసరాల నిమిత్తం విదేశాలను సందర్శించే భారతీయుల సంఖ్య పెరుగుతుండటంతో ఆయా కస్టమర్లను ఆకట్టుకునేలా ఎయిర్‌టెల్‌ ఆకర్షణీయ ఫీచర్లతో గ్లోబల్స్‌ ప్యాక్స్‌ను లాంఛ్‌ చేసింది. ఎయిర్‌టెల్‌ కస‍్టమర్లు తమ ఎయరి్‌టెల్‌ థ్యాంక్స్‌ యాప్‌ ద్వారా ప్రస్తుతం తమ అంతర్జాతీయ రోమింగ్‌ ప్యాక్‌ యూసేజ్‌ను రియల్‌ టైమ్‌లో ట్రాక్‌ చేసుకునే వెసులుబాటు అందుబాటులోకి వచ్చింది. కేవలం సింగిల్‌ టచ్‌తో అంతర్జాతీయ రోమింగ్‌ ప్యాక్‌ను ఎనేబుల్‌, డిసేబుల్‌ చేసుకోవచ్చని ఎయిర్‌టెల్‌ తెలిపింది. మరో ప్యాక్‌ను తీసుకోవడం, టాప్‌ చేసుకోవడం థ్యాంక్స్‌ యాప్‌ ద్వారా చేపట్టవచ్చని వెల్లడించింది. ఎయిర్‌టెల్‌ ప్రీపెయిడ్‌ కస్టమర్లు తమ ప్రయాణ తేదీకి 30 రోజుల ముందుగా అంతర్జాతీయ రోమింగ్‌ ప్యాక్‌ను కొనుగోలు చేయవచ్చని, వారు అంతర్జాతీయ మొబైల్‌ నెట్‌వర్క్‌కు కనెక్ట్‌ అయిన తర్వాత నుంచే ప్యాక్‌ వ్యాలిడిటీ ప్రారంభమవుతుందని పేర్కొంది. ఈ ఫీచర్‌  పోస్ట్‌పెయిడ్‌ కస్టమర్లకూ అందుబాటులో ఉందని ఎయిర్‌టెల్‌ తెలిపింది. అంతర్జాతీయ ట్రావెల్‌లో కస్టమర్లు ఎదుర్కొనే ఇబ్బందులు, వారి అవసరాలను దృష్టిలో ఉంచుకుని అందుకు అనుగుణంగా అంతర్జాతీయ రోమింగ్‌ ప్యాక్‌లను డిజైన్‌ చేశామని ఎయిర్‌టెల్‌ చీఫ్‌ మార్కెటింగ్‌, బ్రాండ్‌ ఆఫీసర్‌ శశ్వత్‌ శర్మ తెలిపారు. చదవండి : మళ్లీ పేలనున్న సెల్‌ బాంబ్‌


 టెలికాం దిగ్గజం ఎయిర్ టెల్ అంతర్జాతీయ రోమింగ్ ప్యాక్స్ పై ఓ కొత్త ఆఫర్ ను తీసుకొచ్చింది. ' రోమ్ అబ్రాడ్ ఫ్రీలీ'' అంటే ఉచితంగా విదేశాలకు వెళ్లండి అనే ఆఫర్ ను ప్రకటించింది. దీని కింద మూడు ప్లాన్స్ ను కస్టమర్లకు అందుబాటులోకి తీసుకొచ్చింది.  'ఈ ప్లాన్లు అమెరికాకు రూ.646 నుంచి ప్రారంభమవుతాయి.  ఈ ప్లాన్ కింద రోజంతా అపరిమిత ఇన్ కమింగ్ కాల్స్, 500 ఎంబీ ఉచిత డేటా, 100 నిమిషాల అవుట్ గోయింగ్ కాల్స్, 100 ఎస్ఎంఎస్ లు అందుబాటులోకి వస్తాయి.  ఈ ప్లాన్ తో పాటు రూ.2,9978 ప్లాన్ ను ఎయిర్ టెల్ ప్రకటించింది.  ఈ ప్లాన్ తో 3జీబీ వరకు ఉచిత డేటాను ఆఫర్ చేస్తోంది. 10 రోజుల పాటు ఈ ప్లాన్ వాలిడిటీలో ఉంటుంది. డేటాతో పాటు ఉచిత ఇన్ కమింగ్ కాల్స్, 250 నిమిషాల అవుట్ గోయింగ్ కాల్స్, 100 ఎస్ఎంఎస్ లను వాడుకోవచ్చు.
  
 నెలవారీ ప్లాన్ కింద రూ.3,999ను ఎయిర్ టెల్ ప్రకటించింది.  ఈ ప్లాన్ లో 5జీబీ ఉచిత డేటా, ఉచిత ఇన్ కమింగ్ కాల్స్, 500 నిమిషాల అవుట్ గోయింగ్ కాల్స్, 100 ఎస్ఎంఎస్ లను ఎయిర్ టెల్ వినియోగదారులు పొందుతారు. ఈ ఆఫర్ కింద ఏ ప్యాక్ నైనా సబ్ స్క్రైబ్ చేసుకోవాలంటే అంతర్జాతీయ రోమింగ్ సేవలను యాక్టివేట్ చేసుకోవాల్సినవసరం లేదని ఎయిర్ టెల్ పేర్కొంది. అయితే భారత్ వదిలివెళ్లిన 24 గంటల్లోగా ఈ ఆఫర్ ను సబ్ స్క్రైబ్ చేసుకోవాలని, అప్పుడైతేనే ఈ ప్రయోజనాలు అందుబాటులోకి వస్తాయని తెలిపింది. ఇతర డిస్కౌంట్లను కూడా దీనిలో కలుపబోమని కంపెనీ స్పష్టంచేసింది.  అయితే దేశదేశానికి ఈ రెంటల్ ప్లాన్లు మారనున్నాయి.