2008లో ఐపీఎల్ మొదలైన నాటి నుంచి ఒకే జట్టుకి(ఆర్సీబీ) ప్రాతినిధ్యం వహించిన ఏకైక క్రికెటర్‌గా రికార్డుల్లోకెక్కిన విరాట్ కోహ్లి.. ఆటగాడిగా ఎంత సక్సెస్‌ సాధించినప్పటికీ, కెప్టెన్‌గా మాత్రం దారుణంగా విఫలమయ్యాడు. 9 సీజన్ల పాటు ఆర్సీబీని ముం‍దుండి నడిపించిన ఈ టీమిండియా మాజీ కెప్టెన్‌.. ఒక్క టైటిల్ కూడా నెగ్గలేక, 2021 సీజన్‌ అనంతరం జట్టు సారధ్య బాధ్యతల నుంచి తప్పుకున్నాడు.  ఇటీవల ఆర్సీబీ తమ ఫ్రాంచైజీకి ఆడిన ఆటగాళ్లతో ఓ కార్యక్రమం నిర్వహించగా, అందులో పాల్గొన్న కోహ్లి కొన్ని ఆసక్తికర విషయాలు వెల్లడించాడు. 2016 ఐపీఎల్‌ ఫైనల్లో ఓటమి ఇప్పటికీ బాధిస్తుందని తీవ్ర భావోద్వేగానికి లోనయ్యాడు. మ్యాచ్‌ హైలైట్స్‌ ప్లే అవుతుండగా నాటి జట్టు సహచరుడు కేఎల్‌ రాహుల్‌ స్క్రీన్ షాట్ తీసి తనకు పంపాడని గుర్తు చేసుకున్నాడు. వాటిని చూస్తుంటే ఇప్పటికీ బాధగా ఉంటుందని, ఆ బాధకు అంతే లేదని వాపోయాడు.  కాగా, హోరాహోరీగా జరిగిన ఆ సీజన్‌ ఫైనల్ మ్యాచ్‌లో ఆర్సీబీ 8 పరుగుల తేడాతో సన్‌రైజర్స్ హైదరాబాద్ చేతిలో ఓటమి పాలైంది. 209 పరుగుల లక్ష్య ఛేదనలో ఒకానొకదశలో 10.2 ఓవర్లలో 114/0 పరుగులు చేసిన ఆర్సీబీ, ఆ తర్వాత వరుసగా వికెట్లు కోల్పోయి 20 ఓవర్లలో 200 పరుగులకే పరిమితమై, టైటిల్‌ను చేజార్చుకుంది. క్రిస్ గేల్ (38 బంతుల్లో 76; 4 ఫోర్లు, 8 సిక్సర్లు), విరాట్ కోహ్లి (35 బంతుల్లో 54; 5 ఫోర్లు, 2 సిక్సర్లు) జట్టును గెలిపించేందుకు విఫలయత్నం చేశారు. నాటి సీజన్‌లో ఆకాశమే హద్దుగా చెలరేగిన కోహ్లి.. 16 మ్యాచ్‌ల్లో 4 సెంచరీలు, 7 హాఫ్ సెంచరీలతో 81.08 సగటున 973 పరుగులు చేసి రికార్డు నెలకొల్పాడు. ఈ రికార్డు నేటికీ అతని పేరిటే పదిలంగా ఉంది. చదవండి: Virat Kohli: డొక్కు కారు పంపి ఆర్సీబీ యాజమాన్యం అవమానించింది..!


 బెంగళూరు: దాదాపు రెండు నెలలుగా ఆసక్తిగా సాగుతున్న ఐపీఎల్ సమరం ముగింపు దశకు చేరుకుంది. ఫైనల్ పోరులో విజయం రాయల్ చాలెంజర్స్ బెంగళూరుదా? లేక సన్ రైజర్స్ హైదరాబాద్దా? అని అభిమానులు ఆసక్తిగా ఎదురు చూస్తున్నారు. బెంగళూరు చిన్నస్వామి స్టేడియంలో ఈ రోజు రాత్రి జరగాల్సిన ఫైనల్ మ్యాచ్ కోసం ఉత్సుకతతో ఉన్నారు. అయితే ఐపీఎల్ ఫైనల్ పోరుకు వర్షం రూపంలో గండం పొంచిఉంది. బెంగళూరు నగరంలో గత రెండు రోజులుగా విస్తారంగా వర్షాలు కురుస్తున్నాయి. వర్షం కారణంగా బెంగళూరు, హైదరాబాద్ జట్ల ప్రాక్టీస్కు కూడా అంతరాయం ఏర్పడింది. బెంగళూరులో ఈ రోజు కూడా వర్షం కురిసే అవకాశం ఉందని వాతావరణ శాఖ తెలిపింది. ఈ నేపథ్యంలో మ్యాచ్కు వర్షం ఆటంకం కలిగిస్తే పరిస్థితి ఏంటి?
 
 
 వర్షం కారణంగా ఈ రోజు మ్యాచ్ నిర్వహించడానికి సాధ్యంకాకపోతే బీసీసీఐ నిబంధనల ప్రకారం సోమవారం రిజర్వ్ డే ఉంది.
 
 ఈ రోజు వర్షం కారణంగా ఆలస్యమైతే.. మ్యాచ్ నిర్వహించడానికి అర్ధరాత్రి 12:26 గంటల వరకు సమయం ఉంది. ఐదు ఓవర్ల చొప్పున మ్యాచ్ నిర్వహిస్తారు.
 
 ఈ రోజు మ్యాచ్ మొదలయిన తర్వాత వర్షం కారణంగా ఆగిపోతే.. మిగిలిన ఆటను మరుసటి రోజు అనగా సోమవారం కొనసాగిస్తారు.
 
 ఈ రోజు టాస్ వేసిన తర్వాత మ్యాచ్ ఆరంభంకాకుంటే.. రేపు 20 ఓవర్ల చొప్పున మ్యాచ్ నిర్వహిస్తారు. ఇరు జట్లు కొత్తగా ఫైనల్ లెవెన్ జట్లను ఎంపిక చేసుకోవచ్చు.
 
 రేపు కూడా 5 ఓవర్ల మ్యాచ్ సాధ్యంకాకపోతే.. విజేతను నిర్ణయించేందుకు సూపర్ ఓవర్ నిర్వహిస్తారు.
 
 సూపర్ ఓవర్ కూడా సాధ్యంకాని పక్షంలో లీగ్లో అత్యధిక విజయాలు సాధించిన జట్టును విజేతగా ఎంపిక చేస్తారు. కాగా లీగ్ దశలో హైదరాబాద్, బెంగళూరు జట్లు తలా ఎనిమిది విజయాలతో 16 పాయింట్లతో సమానంగా ఉన్నాయి. ఇలాంటి సందర్భంలో అత్యధిక రన్రేట్ ఉన్న జట్టును విజేతగా ప్రకటిస్తారు. హైదరాబాద్ కంటే మెరుగైన రన్రేట్ ఉన్న బెంగళూరు ఐపీఎల్ చాంపియన్ అవుతుంది.