సూపర్ ఫామ్లో ఉన్న రాయల్ చాలెంజర్స్ బెంగళూరు కెప్టెన్ విరాట్ కోహ్లీ ఐపీఎల్లో రికార్డుల మోత మోగిస్తున్నాడు. ఓ ఐపీఎల్ సీజన్లో నాలుగు సెంచరీలు చేసిన తొలి బ్యాట్స్మన్గా, ఓ ఐపీఎల్ సీజన్లో అత్యధిక పరుగులు సాధించిన ఆటగాడిగా కోహ్లీ రికార్డులు సృష్టించిన సంగతి తెలిసిందే.
 
 కోహ్లీని మరో రికార్డు ఊరిస్తోంది. ఓ ఐపీఎల్ సీజన్లో వెయ్యి పరుగులు చేసిన తొలి క్రికెటర్గా కోహ్లీ చరిత్ర సృష్టించే అవకాశముంది. ఐపీఎల్ తాజా సీజన్లో కోహ్లీ ప్రస్తుతం 919 పరుగులు చేశాడు. ఈ రోజు సన్ రైజర్స్ హైదరాబాద్తో ఫైనల్లో విరాట్ మరో 81 పరుగులు చేస్తే 1000 పరుగులు పూర్తవుతాయి. విరాట్ ఫీట్ సాధిస్తే కొత్త రికార్డు నెలకొల్పవచ్చు.