ఐర్లాండ్: తెలుగు సమాజం ఆధ్వర్యంలో ఐటీవీ సహకారంతో ఐర్లాండ్లోని డబ్లిన్లో ఘనంగా వినాయక చవితి ఉత్సవాలు జరిపారు.  కమ్యూనిటీ స్థానిక సెంటర్లో నిర్వహించిన ఈ వేడుకల్లో పలువురు తెలుగు ప్రజలు పాల్గొని భక్తిశ్రద్ధలతో భజనలు చేశారు. భారీ సంఖ్యలో భక్తులు ఈ కార్యక్రమానికి హాజరయ్యారు.
 
 ఇక శనివారం నిమజ్జనానికి భారీ ఏర్పాట్లు చేయడమే కాకుండా భారీ ర్యాలీ నిర్వహించి, ఊరేగింపులు జరిపి ఘనంగా నిమజ్జన కార్యక్రమం పూర్తి చేశారు. ఈ సందర్భంగా ఉత్సవాన్ని విజయవంతం చేసిన తెలుగువారికి, స్నేహితులకు, కుటుంబ సభ్యులకు ఐర్లాడ్ తెలుగు సమాజం(ఐటీఎస్) కమిటీ నిర్వాహకులు కృతజ్ఞతలు తెలియజేశారు.
 
 
 
 
 
  


 తెలుగు సమాజం ఆధ్వర్యంలో ఐర్లండ్లో ఉగాది సంబరాలు వైభవంగా జరగనున్నాయి. దీనికి సంబంధించిన ఏర్పాట్లన్నింటినీ ఇప్పటికే పూర్తి చేశారు. టాలీవుడ్ నుంచి ప్రముఖ గాయనీ గాయకులు సునీత, సింహా అక్కడకు వెళ్లి ఈ సంబరాల్లో తమ గాత్రమాధుర్యంతో ఐర్లండ్లోని తెలుగువారిని అలరించేందుకు సిద్ధమవుతున్నారు. ఈ వేడుకలు శనివారం 14వ తేదీ మధ్యాహ్నం ఒంటిగంట నుంచి సాయంత్రం 6 గంటల వరకు జరుగుతాయి.
 
 డబ్లిన్ లోని డీసీయూ క్యాంపస్లో గల హెలిక్స్ వేదిక వద్ద ఈ కార్యక్రమాలుంటాయి. ఇందులో పాల్గొనే ప్రేక్షకులకు కొన్ని బహుమతులు కూడా పెట్టారు. మొదటి బహుమతిగా ఐప్యాడ్ ఎయిర్, రెండో బహుమతిగా ఐప్యాడ్ మినీ, మూడో బహుమతిగా శాంసంగ్ ట్యాబ్4 ఇవ్వనున్నారు. వివరాలకు సత్యను 0858800272లో గానీ, మహేష్ను 0831118340లో గానీ సంప్రదించవచ్చని నిర్వాహకులు తెలిపారు.