సాక్షి, ఖమ్మం: జిల్లా కలెక్టర్‌ ఆర్వీ కర్ణన్‌, ఆయన సతీమణి జెడ్పీ సీఈవో ప్రియాంకతో కలిసి గురువారం పొలం గట్లపై కలియతిరిగారు. కామేపల్లి మండలం పొన్నెకల్లు-నెమలిపురి మధ్యలో ఉన్న బుగ్గవాగు చెక్‌ డ్యాం ఫీడర్‌ చానల్‌ పనులను ఆయన పరిశీలించారు. కట్టు కాలువ చూసేందుకు దారి లేకపోవడంతో పొలం గట్లపై కలెక్టర్‌ దంపతులు గంటసేపు నడిచి వెళ్లారు. వంతెన ఎక్కి వాగును దాటి... ఐటీడీఏ పీఓకు నీల్వాయివాగు కష్టాలు నీల్వాయివాగు కష్టాలు ఆదిలాబాద్‌ ఉమ్మడి జిల్లా ఐటీడీఏ ప్రాజెక్టు ఆఫీసర్‌ (పీఓ) కృష్ణ ఆదిత్యకు కూడా తప్పలేదు. వాగు దాటడానికి 28 గ్రామాల ప్రజలు అనుభవిస్తున్న నిత్య కష్టాలను ఆయన చవిచూశారు. గురువారం ఇతర అధికారులతో కలసి మండలంలో ఆకస్మిక తనిఖీకి వచ్చారు. మార్గమధ్యలో ఉన్న నీల్వాయివాగు వరకు తన వాహనంలో వచ్చారు. వాగు వద్ద తాత్కాలిక వంతెన కొట్టుకుపోగా వాగు దాటలేని పరిస్థితి. ఎడతెరిపి లేకుండా కురుస్తున్న వర్షం.. వరద ఉధృతంగా ప్రవహిస్తోంది. వాగు నుంచి ఐదు కిలోమీటర్ల దూరంలో మండల కేంద్రం.  అక్కడే మామిడి తోటల్లో వాహనాలను నిలిపేసి పక్కనే ఉన్న అసంపూర్తి హైలెవల్‌ వంతెన వద్దకు నడుచుకుంటూ వెళ్లారు. వంతెనకు ఇరువైపులా అప్రోచ్‌రోడ్డు నిర్మించలేదు. ప్రజలు ఎక్కేందుకు కొద్దిపాటి మట్టి పోయించారు. వాహనాలు, బైక్‌లు కూడా దాటలేవు. వర్షాలకు మట్టి తడిసి రాకపోకలతో బురదగా మారింది. చేసేదేమీలేక ప్యాంట్, చెప్పులు పట్టుకుని.. వర్షంలో తడుస్తూ మోకాలు లోతు బురదలో జారుతూ అతికష్టం మీద 10 మీటర్ల వంతెనపైకి ఎక్కారు. దిగేచోటా అతికష్టంగా.. దిగారు. ప్రధాన రహదారి వరకు బురదలో నడుచుకుంటూ వెళ్లారు. వాగు ఒడ్డున ఉన్న ప్రైవేట్‌ వాహనం అద్దెకు మాట్లాడుకుని మండల కేంద్రానికి వచ్చి వెళ్లారు.    


 ఎటు చూసినా ఎత్తై కొండలు.. చుట్టూ దట్టమైన అడవి.. మధ్యన ఓ కుగ్రామం. దానిపేరు నాగన్నగూడెం. బుట్టాయగూడెం మండలంలోని ఈ గ్రామంలో కొండరెడ్ల తెగకు చెందిన 26 గిరిజన కుటుంబాలు నివసిస్తున్నాయి. రెండేళ్ల క్రితం వరకు ఈ గ్రామానికి రహదారి, విద్యుత్ సౌకర్యం లేవు. కేఆర్ పురం ఐటీడీఏ ద్వారా ఈ రెండూ సమకూరారుు. అయినా గ్రామంలో సమస్యలు పూర్తిగా తొలగిపోలేదు. అక్కడ ఇంకా ఎలాంటి సమస్యలున్నాయి.. గిరిజనులు ఎదుర్కొంటున్న ఇబ్బందులేమిటనే విషయూలను స్వయంగా తెలుసుకునేందుకు కోటరా మచంద్రపురం ఐటీడీఏ ప్రాజెక్ట్ అధికారి ఆర్‌వీ సూర్యనారాయణ ‘సాక్షి’ వీఐపీ రిపోర్టర్‌గా మారారు. మారు మూలన ఉన్న ఆ గ్రామానికి వెళ్లారు. ఇంటింటికీ తిరిగారు. గిరిజనులు ఎదుర్కొంటున్న సమస్యలను ప్రత్యక్షంగా తెలుసుకున్నారు. ఆ వివరాలివీ.
  
  పీవో : ఏమయ్యూ.. ఏం పనులు చేస్తున్నారు.
  మాండ్రు శ్రీరామమూర్తి : కూలి పనులు చేసుకుంటున్నామండి.
  కూరగాయల పంటలు వేశాం. ఆ పనులకు వెళ్లి వచ్చాం.
  పీవో : మీ గ్రామంలో ఎన్ని కుటుంబాల వారు నివసిస్తున్నారు.
  మాండ్రు శ్రీరామమూర్తి :  25 కుటుంబాలు ఉంటున్నాయండి.
  పీవో : మీకు ఏమైనా సమస్యలు ఉన్నాయా.
  కట్ల బాబుల్‌రెడ్డి : ఉన్నాయండి. మేం ఇప్పటికీ తాటాకింట్లోనే ఉంటున్నాం. మాకు పట్టాలు ఇప్పించండి. ఇందిరమ్మ ఇళ్లు కట్టించాలండి.
  పీవో : మీ ఇళ్లకు ఇప్పటివరకు పట్టాలివ్వలేదా
  మనుగుల రామిరెడ్డి : 1999లో అడవిని నరికి.. భూమిని చదును చేసుకుని ఇళ్లు నిర్మించుకున్నాం. అప్పటి నుంచి ఇదే తాటాకింట్లో ఉన్నాం. పట్టా కోసం తహసిల్దార్‌కు దరఖాస్తు చేసుకున్నాం. కానీ ఇవ్వలేదు.
  పీవో : మీ పిల్లలను చదివిస్తున్నారా.
  కట్ల సీత : మా పిల్లలు చదువుకోవడానికి ఇక్కడ పాఠశాలలు లేవండి. 10మంది పిల్లలు మాత్రమే ఉన్నారు. వీరి కోసం ఒక అంగన్‌వాడీ కేంద్రం పెట్టించండి.
  పీవో : మీ అందరికీ వ్యవసాయ భూములున్నాయా
  మాండ్రు వెంకటరెడ్డి : ఉన్నాయండి. అయితే భూములకు పట్టాలు లేవు. అటవీ హక్కుల చట్టం కింద పట్టాల కోసం దరఖాస్తు చేసుకున్నాం. కొంతమందికి మాత్రమే ఇచ్చారు. మిగిలిన వారికి కూడా పట్టాలిప్పించండి.
  పీవో : అలాగే. దరఖాస్తులను పరిశీలించి పట్టాలిప్పించేందుకు కృషిచేస్తాం.
  కెచ్చెల చిన్నారెడ్డి : అయ్యూ.. నాకు నాలుగు ఎకరాల భూమి ఉంది. అందులో బెండ తోట, మొక్కజొన్న పంట వేసుకున్నాం. సాగునీరు లేదు. పక్కనే ఉన్న కొవ్వాడ కాలువలోంచి రోజుకు రెండొందల అద్దె కట్టి అయిల్ ఇంజిన్‌తో నీటిని తోడుకుంటున్నాం. ఐటీడీఏ ద్వారా ఆయిల్ ఇంజిన్ ఇప్పించండి.
  పీవో : ట్రైకార్ పథకంలో అవసరమైన రైతులందరికీ ఆయిల్ ఇంజిన్లు ఇప్పించేందుకు కృషిచేస్తా.
  కోండ్ల శ్రీరామమూర్తి : నేను జీడిమామిడి తోట వేశాను. పూత సమయంలో స్ప్రేయింగ్ చేసేందుకు మెషిన్ లేదు. దాన్ని ఇప్పించండి.
  పీవో : అలాగే. దరఖాస్తు పెట్టుకో.
  పట్ల ముత్యాలమ్మ : సార్. మా ఊళ్లో కమ్యూనిటీ హాలు కట్టించండి. పండగలు, పబ్బాల సమయంలో అందరూ అక్కడ కూర్చుని మాట్లాడుకుంటాం.
  పీవో : ప్రతిపాదనలు తయారు చేయించి నిర్మాణానికి కృషిచేస్తాం.
  నక్కా దేవమణి : సార్. మేం డ్వాక్రా సంఘాల్లో ఉన్నాం. బ్యాంకు ద్వారా ఇచ్చిన సొమ్ము ఎటూ సరిపోలేదు. మాకు మళ్లీ రుణాలు ఇప్పించాలి.
  పీవో : వివరాలివ్వండి. బ్యాంకులు, ఐకేపీ వారితో సంప్రదించి రుణ సదుపాయం కల్పించేందుకు కృషిచేస్తా.
  మాండ్రు పోశమ్మ : అయ్యూ. మా ఊళ్లో రోడ్లు వేయించండి.
  పీవో : ముందు ఇళ్లు కట్టించే ఏర్పాటు చేసి.. ఆ తరువాత రోడ్డు నిర్మాణం చేపడదాం.
  పీవో : మీరు టీవీ చూస్తారా? అన్ని విషయాలు తెలుసుకుంటున్నారా?
  ఎం.రామిరెడ్డి : మా ఊళ్లో ఒక్క టీవీ కూడా లేదండి. టీవీ చూడాలంటే 4 కిలోమీటర్ల దూరంలోని రెడ్డిగూడెం వెళ్తాం. ఈ మధ్యనే కరెంటొచ్చింది. టీవీలు పెట్టుకుంటాం.
  పీవో : సరే.. ఇంకా ఏమైనా సమస్యలు ఉంటే ప్రతి బుధవారం ఐటీడీఏలో
  జరిగే గిరిజన దర్బార్‌కు రండి. ఏ సమస్య ఉన్నా చెప్పండి. పరిష్కారానికి కృషిచేస్తాం.
  
  గిరిజనుల అభివృద్ధికి కృషి చేస్తాం
  బుట్టాయగూడెం మండలం నాగన్నగూడెంలో నెలకొన్న సమస్యలపై నాకు పూర్తి అవగాహన వచ్చింది. ప్రాజెక్టు అధికారిగా నా పరిధిలో ఉన్న సమస్యలను పరిష్కరించేందుకు కృషిచేస్తాను. సాగు భూములున్న వారికి అటవీ హక్కుల చట్టం కింద పట్టాలు వచ్చేలా చూస్తాం. ఇళ్ల స్థలాలకు సంబంధించి రెవెన్యూ అధికారులతో మాట్లాడతాం. గృహ నిర్మాణ అధికారులతో మాట్లాడి ఇళ్లు నిర్మించే ఏర్పాటు చేస్తాం. గ్రామంలో 10మంది పిల్లలు మాత్రమే ఉండటం వల్ల అంగన్‌వాడీ సెంటర్ ఏర్పాటు చేయడం సాధ్యం కాదు. మినీ అంగన్‌వాడీ కేంద్రం ఏర్పాటు చేసే విధంగా చూస్తా. ఈ గ్రామానికి విద్యు త్ సౌకర్యం లేని సమయంలో ఐటీడీఏ ద్వారా సోలార్ లైట్లు పెట్టాం. ఇప్పుడు రోడ్డు, విద్యుత్ సౌకర్యాలు వచ్చారుు. ప్రస్తుతం గుర్తించిన సమస్యలు పరిష్కరిస్తే గిరిజనులు సంతోషంగా జీవిస్తారు. కొవ్వాడ రిజర్వాయర్ పక్కనే ఉన్నందున గిరిజనులకు ట్రైకార్ పథకంలో ఆయిల్ ఇంజిన్లు మంజూరు చేస్తాం. సాగునీటికి ఇబ్బంది లేకుండా చూస్తాం.
  - ఆర్‌వీ సూర్యనారాయణ, పీవో, ఐటీడీఏ
 
  


 సీతంపేట : సీతంపేట ఏజెన్సీలోని షెడ్యూల్డ్ గ్రామాల్లో వి-శాట్ వ్యవస్థ పెట్టడానికి ఏర్పా ట్లు చేయాలని ఐటీడీఏ ప్రాజెక్టుఅధికారి ఎన్.సత్యనారాయణ సిబ్బందిని ఆదేశించారు. బుధవారం ఐటీడీఏ కార్యాలయంలో ఐసీడీఎస్, జీసీసీ, విద్య తదితర శాఖల సిబ్బందితో సమావేశం ఏర్పాటు చేశారు. ఈ సందర్భంగా ఆయ న మాట్లాడుతూ 16 పంచాయతీల్లో వందకు పైగా జనాభా ఉన్న గ్రామాలను వి-శాట్ వ్యవస్థ కోసం ఎంపిక చేసినట్టు పేర్కొన్నారు.   గ్రామాల్లో ఉన్న మౌలిక వసతులు, వివిధ పథకాల అమలు తీరును ఎప్పటికపుడు ప్రభుత్వం తెలుసుకోవాలనే ఉద్దేశంతో ప్రభుత్వం దీన్ని ఏర్పాటు చేసినట్టు పేర్కొన్నారు. సోలార్ పద్ధతిలో ఈ వ్యవస్థ పనిచేస్తోందన్నారు. పాఠశాల, డీఆర్ డిపో, పీహెచ్‌సీల్లో వి-శాట్ ఏర్పాటు చేస్తామన్నారు. సమావేశంలో డిప్యూటీ ఈవో మల్లయ్య, సీఎంవో తిరుపతిరావు, టెలికాం సిబ్బంది పాల్గొన్నారు.
  


 - ఆసిఫాబాద్‌ను జిల్లాగా ప్రకటించాలి
 - కొమురం భీమ్ యువసేన డిమాండ్
 కెరమెరి : ఐటీడీఏ ప్రాజెక్టు అధికారి, జిల్లా కలెక్టర్ ఈ ఏడాది కొమురం భీమ్ వర్ధంతి సభ జరిగే జోడేఘాట్‌కు హాజరుకావాలని కొమురం భీమ్ యువసేన అధ్యక్ష, ప్రధాన కార్యదర్శులు అనక దేవ్‌రావు, కోవ దేవ్‌రావు డిమాండ్ చేశారు. సోమవారం మండలంలోని హట్టి బేస్‌క్యాంపులో సేన నూతన కార్యావర్గాన్ని ఎన్నుకున్నారు. ఈ సందర్భంగా ఏర్పా టు చేసిన సమావేశంలో వారు మాట్లాడుతూ, భద్రత కారణాలతో కొన్నేళ్లుగా కెరమెరి మండలంలోని జోడేఘాట్‌లో ఏటా నిర్వహించే భీమ్ వర్ధంతికి హాజరుకావడం లేదని పేర్కొన్నారు. కానీ ఏది ఏమైనా అక్టోబర్ 7న జరిగే భీమ్ వర్ధంతికి పీవో, క లెక్టర్ తప్పక హాజరుకావాలని అన్నారు.
 
 గిరిజన పోరాట యోధుడి వర్ధంతి సభ విషయంలో అధికారులు, నాయకులు సవతి ప్రేమ చూపిస్తున్నారని, దీనికి భద్రత సాకు చూపుతున్నారని ఆరోపించారు. అన్ని సౌకర్యాలున్న ఆసిఫాబాద్‌ను నూతన జిల్లాగా ఏర్పాటు చేయాలని, దానికి కొమురం భీమ్ జిల్లాగా నామకరణం చేయాలని కోరారు. నాయకులు చందన్‌శావ్, కుసంబ్‌రావు, సోంజి, నారాయణ, రాజు, భరత్, భీంరావు, న్యానేశ్వర్, మోడీ, సాంగ్వి సర్పంచులు జలపతిరావు, లింబారావు పాల్గొన్నారు.
  
 నూతన కార్యవర్గం
 అధ్యక్షుడు అనక దేవ్‌రావు, ప్రధాన కార్యదర్శి కోవ దేవ్‌రావు, ఉపాధ్యక్షులు ఆత్రం చందన్‌శావ్, పెందోర్ మోహన్‌రావు, సంయుక్త కార్యదర్శులు మడావి రాజు, ఆత్రం విశ్వనాథ్, ప్రచార కార్యదర్శి ఎ. వెంకటేశ్, కె.బండేరావు, కె.సాగర్, కె.హన్మంతు, కోశాధికారి పూసం భీంరావు, పెందోర్ ఆనంద్‌రావు, సలహాదారులు ఎ.తుకారాం, ఎ.కుసుంబ్‌రావు, కె.సోము, కె.తెలంగ్‌రావు.