హీరోయిన్ తమన్నా గత కొన్నిరోజులుగా ట్రెండింగ్ లో ఉంది. కారణం ఏంటో మీకు తెలుసు. రెండు వెబ్ సిరీసులు.. బోలెడన్ని అలాంటి సీన్స్ దీనికి మెయిన్ రీజన్. హమ్మయ్యా ఒకటి అయిందనుకునేలోపు మరొకటి అన్నట్లు షాక్ ఇచ్చి, ప్రతి ఒక్కరి మైండ్ బ్లాంక్ చేసి పడేస్తోంది. రెచ్చిపోవడం అనే రేసులో గుర్రంలా దూసుకెళ్తూ గీత ఎప్పుడో దాటేసిందా అనిపిస్తుంది. ఇంతకీ మిల్కీబ్యూటీ ఇంతలా మారిపోవడానికి కారణమేంటో తెలుసా?రెమ్యునరేషన్ డబుల్సాధారణంగా హీరోలతో పోలిస్తే ఎంత పెద్ద స్టార్ హీరోయిన్ అయినాసరే రెమ‍్యునరేషన్ తక్కువగానే ఇస్తుంటారు. కొన్నాళ్ల ముందువరకు తమన్నా.. సినిమాకు రూ.4 కోట్లు మాత్రమే అందుకునేదట. ఆమెతో వెబ్ సిరీసులు చేయాలనుకున్న దర్శకనిర్మాతలు కొత్త ప‍్లాన్ వేశారు. ఏకంగా రెమ్యునరేషన్ డబుల్ ఇస్తాం, అంటే రూ.7 కోట్లు వరకు అని చెప్పారట. దీంతో ఎప్పటి నుంచో ముద్దుకి కూడా నో చెబుతూ వచ్చిన తమన్నా.. ఏకంగా శృంగార సన్నివేశాలు చేసి హద్దులు చెరిపేసింది.(ఇదీ చదవండి: గే రిలేషన్‌షిప్‌లో కొడుకు? నా నిర్ణయం అదే: 'అదుర్స్' విలన్)కెరీర్ లాస్ట్ స్టేజ్తమన్నా వయసు ప్రస్తుతం 33 ఏళ్లు. 2005 నుంచి సినిమాల్లో ఉంది. అప్పటి నుంచి ఇప్పటివరకు అంటే దాదాపు 18 ఏళ్లుగా ఇండస్ట్రీలో కొనసాగడం అంటే మాములు విషయం కాదు. ప్రస్తుతం తమన్నా వయసు కాస్త ఎక్కువ కావడం, హిట్స్ లేకపోవడం వల్ల దర్శకనిర్మాతలు ఈమెపై పెద్దగా ఆసక్తి చూపించట్లేదేమో అనిపిస్తుంది. బహుశా తమన్నాకు ఇది అర్థమైనట్లు ఉంది. అందుకేనేమో ఇండస్ట్రీలో ఉన్నప్పుడే నాలుగు రాళ్లు వెనకేసుకుందామనే ఆలోచనతో ఉన్నట్లు ఉంది. అందుకే ముద్దు నుంచి సెక్స్ సీన్స్ వరకు అన్నింటికీ ఓకే చెప్పేస్తోందా అనే డౌట్ వస్తోంది. విజయ్‌తో రిలేషన్గతేడాది వరకు తమన్నా సింగిల్. ఈ ఏడాది న్యూయర్ పార్టీలో మాత్రం నటుడు విజయ్ వర్మని ముద్దాడుతూ కనిపించింది. అందుకు సంబంధించిన ఓ వీడియో సోషల్ మీడియాలోకి రావడంతో వీళ్లిద్దరి రిలేషన్ బయటపడింది. ఈ జంట పెళ్లి చేసేసుకుందామని ఫిక‍్సయినట్లు ఉన్నారు. సాధారణంగా ఇండస్ట్రీలో పెళ్లయితే.. సదరు హీరోయిన్లకు అవకాశాలు వచ్చేది తక్కువ. పెళ్లి తర్వాత ఎలా పడితే అలా చేసేద్దాం అంటే కుదరకపోవచ్చు. ఇదీ కూడా తమన్నా ఆలోచించిదేమో.. అందుకే ఇలా రెచ్చిపోతున్నట్లు అనిపిస్తుంది. మరి ఇందులో నిజానిజాలు ఆ శివయ్యకే ఎరుక! (ఇదీ చదవండి: 'సలార్' అప్డేట్.. స్టార్ కమెడియన్ అలా అనడంతో!)

తమిళసినిమా: తమన్నా భాటియా.. ఈ పేరు ఇప్పుడూ హాట్‌టాపిక్‌గా మారింది. ఈ గుజరాతీ బ్యూటీ తెలుగు, తమిళం, హిందీ భాషల్లో నటిస్తూ భారతీయ సినీ నటిగా గుర్తింపు పొందింది. తాజాగా ఈమె తమిళంలో రజనీకాంత్‌ సరసన నటించిన జైలర్‌ ఆగస్టు 10న విడుదలకు ముస్తాబవుతోంది. అరణ్మణై –4 చిత్రం చేతిలో ఉంది. ఇటీవలే తన బాయ్‌ఫ్రెండ్‌ గురించి బహిరంగంగా ప్రకటించడంతో ఆ టాపిక్‌ కొంత వాడివేడిగా సాగింది. ఇక హిందీలో నటిస్తున్న జీ కర్దా వెబ్‌ సీరీస్‌నే ఇప్పుడు వార్తల్లోకి నెట్టింది. జీ కర్దా వెబ్‌ సీరీస్‌ తమన్నా లిప్‌లాక్, హద్దులు మీరిన బెడ్‌రూమ్‌ సన్నివేశాలు విమర్శలకు దారి తీస్తున్నాయి. గత 2016లో ఎట్టి పరిస్థితుల్లోనూ లిప్‌లాక్‌ సన్నివేశాల్లో నటించను అని ప్రకటించిన తమన్నా ఇప్పుడు అలాంటి సన్నివేశాలు శ్రుతిమించి నటించడంతో ఈమెపై నెటిజన్లు దాడి పెరుగుతోంది. ఈమె నటించిన లస్ట్‌ స్టోరీస్‌–2 సీరీస్‌ గురువారం నెట్‌ప్లిక్స్‌ ఓటీటీలో స్ట్రీమింగ్‌ కానుంది. దీన్ని ప్రమోషన్‌ కార్యక్రమంలో పాల్గొంటున్న తమన్నా ఒక ఇంటర్వ్యూలో పేర్కొంటూ ఇప్పుడు తన లిప్‌లాక్, బెడ్‌రూమ్‌ సన్నివేశాల గురించి తెగ విమర్శలు గుప్పిస్తున్నారని పేర్కొంది. కథకు అవసరం అనిపించడంతో తాను ఆ సన్నివేశాలు అలా నటించానని చెప్పింది. 2023లో కూడా ఇంకా బెడ్‌రూమ్‌ సన్నివేశాల గురించి విమర్శించడం ఏమిటని ప్రశ్నించింది. మొన్నటి వరకు ఇంకా పెళ్లి కాలేదని విమర్శించిన వాళ్లు ఇటీవల తన బాయ్‌ఫ్రెండ్‌ గురించి ప్రకటించడంతో ఈ విషయంపై విమర్శిస్తున్నారని, అసలు ఈ సమాజం ఎందుకు ఇలా తయారవుతోంది అంటూ తన శ్రుతిమించిన శృంగార భరిత నటనను సమర్థించుకునే ప్రయత్నం చేసింది.