ఐటీ ఉద్యోగాలు.. బీఈ/బీటెక్‌ అభ్యర్థులకే పరిమితమని చాలామంది భావిస్తుంటారు. కానీ ఇటీవల కాలంలో ఐటీ సంస్థలు నాన్‌ టెక్నికల్‌ కోర్సుల విద్యార్థులకు కూడా అవకాశాలు కల్పిస్తున్నాయి. శిక్షణను అందించి మరీ ఉద్యోగాల్లో నియమించుకుంటున్నాయి. టీసీఎస్, ఇన్ఫోసిస్, విప్రో వంటి ఐటీ దిగ్గజ సంస్థలు.. ఫ్రెషర్స్‌ కోసం ఈ ఏడాది భారీగా నియామకాలు చేపడుతున్నాయి. నైపుణ్యాలుంటే.. ఏదైనా డిగ్రీతోనే.. ఐటీ కొలువు సొంతం చేసుకునే అవకాశం ఉంది. ప్రముఖ ఐటీ సంస్థలు చేపడుతున్న నియామక విధానాలు, అర్హతలపై ప్రత్యేక కథనం...  టీసీఎస్‌ స్మార్ట్‌ హైరింగ్‌ దేశ వ్యాప్తంగా లక్షల మంది విద్యార్థులు మరికొద్ది రోజుల్లోనే డిగ్రీ పట్టాలతో బయటకు రానున్నారు. వీరికోసం ప్రముఖ సాఫ్ట్‌వేర్‌ సంస్థ టాటా కన్సల్టెన్సీ సర్వీసెస్‌ (టీసీఎస్‌).. స్మార్ట్‌ హైరింగ్‌ ప్రోగ్రామ్‌ను ప్రారంభించింది. ఈ ప్రోగ్రామ్‌కు ఎంపికైన అభ్యర్థులకు శిక్షణ ఇచ్చి.. టీసీఎస్‌లోనే ఉద్యోగ అవకాశం కల్పిస్తారు.  అర్హతలు బీసీఏ, బీఎస్సీ, ఒకేషనల్‌ స్టడీస్‌(సీఎస్‌ అండ్‌ ఐటీ) కోర్సులను 2020, 2021ల్లో ఉత్తీర్ణులైన అభ్యర్థులతోపాటు 2022లో సంబంధిత డిగ్రీ కోర్సులను పూర్తిచేసుకునే వారు ఈ ప్రోగ్రామ్‌కు దరఖాస్తు చేసుకోవచ్చు. పదోతరగతి, ఇంటర్, బీఎస్సీ/బీసీఏ/ఓకేషనల్‌ కోర్సుల్లో కనీసం 50శాతం మార్కులు సాధించడం తప్పనిసరి. అలాగే అకడమిక్‌గా మొత్తమ్మీద రెండేళ్లకు మించి గ్యాప్‌ ఉండరాదు.  ఎంపిక విధానం దరఖాస్తు చేసుకున్న అభ్యర్థులకు రాత పరీక్ష, ఇంటర్వ్యూలు నిర్వహించి.. తుది ఎంపిక చేస్తారు. ఇలా ఎంపికైన వారికి ఆర్టిఫిషియల్‌ ఇంటెలిజెన్స్‌(ఏఐ), ఏఆర్, వీఆర్‌లపై నిపుణులతో టీసీఎస్‌ ప్రత్యేక శిక్షణను అందిస్తుంది. ఈ శిక్షణను విజయవంతంగా పూర్తిచేసుకున్న అభ్యర్థులను సంస్థలో పూర్తిస్థాయి ఉద్యోగులుగా నియామకం ఖరారు చేస్తారు. కొలువులో చేరిన వారు తమ విధులను నిర్వర్తిస్తూనే చదువుకునే అవకాశం కూడా ఉంది.  విధానం టీసీఎస్‌ స్మార్ట్‌ హైరింగ్‌ ప్రోగ్రామ్‌లో భాగంగా నిర్వహించే పరీక్షలో 80 ప్రశ్నలు ఉంటాయి. పరీక్ష సమయం 120 నిమిషాలు. మూడు విభాగాల నుంచి ప్రశ్నలు అడుగుతారు. న్యూమరికల్‌ ఎబిలిటీ–26 ప్రశ్నలు, వెర్బల్‌ ఎబిలిటీ–24 ప్రశ్నలు, రీజనింగ్‌ ఎబిలిటీ నుంచి 30 ప్రశ్నలు ఎదురవుతాయి.  న్యూమరికల్‌ ఎబిలిటీ ఈ విభాగం నుంచి అడిగే 26 ప్రశ్నలకు 40 నిమిషాల్లో సమాధానాలు గుర్తించాలి. పర్ముటేషన్‌ అండ్‌ కాంబినేషన్, నంబర్‌ సిస్టమ్‌/ఎల్‌సీఎం అండ్‌ హెచ్‌సీఎఫ్, పర్సంటేజెస్, అలిగేషన్‌ అండ్‌ మిక్సర్, ప్రాబబిలిటీ, రేషియో అండ్‌ ప్రపోర్షన్, టైమ్‌ అండ్‌ వర్క్, టైమ్‌ అండ్‌ స్పీడ్, టైమ్‌ అండ్‌ డిస్టెన్స్, జామెట్రీ, ఎలిమెంటరీ స్టాటిస్టిక్స్, ప్రాఫిట్‌ అండ్‌ లాస్, క్యాలెండర్‌ అండ్‌ క్లాక్, ప్రోగ్రెషన్స్, ఈక్వేషన్స్, షేప్స్‌ అండ్‌ పెరిమీటర్, డెసిమల్‌ ఫ్రాక్షన్, డివిజిబిలిటీ తదితర అంశాల నుంచి ప్రశ్నలుంటాయి. వెర్బల్‌ ఎబిలిటీ ఈ విభాగం నుంచి అడిగే 24 ప్రశ్నలను 30 నిమిషాల్లో పూర్తి చేయాల్సి ఉంటుంది. స్పాటింగ్‌ ద ఎర్రర్స్, యాంటోనిమ్స్, స్పెల్లింగ్స్, ఆర్డరింగ్‌ ఆఫ్‌ వర్డ్స్, చేంజ్‌ ఆఫ్‌ వాయిస్, వెర్బల్‌ అనాలజీస్, సినోనిమ్స్, సెంటెన్స్‌ ఇంప్రూవ్‌మెంట్, ఆర్డరింగ్‌ ఆఫ్‌ సెంటెన్సెస్, క్లోసెట్‌ టెస్ట్, వన్‌వర్డ్‌ సబ్సిట్యూట్స్, సెలక్టింగ్‌ వర్డ్స్, సెంటెన్స్‌ ఫార్మేషన్, సెంటెన్స్‌ కరెక్షన్, కంప్లీటింగ్‌ స్టేట్‌మెంట్స్, పేరాగ్రాఫ్‌ ఫార్మేషన్, కాంప్రహెన్షన్, ఇడియమ్స్, చేంజ్‌ ఆఫ్‌ స్పీచ్‌ నుంచి ప్రశ్నలు అడుగుతారు. రీజనింగ్‌ ఎబిలిటీ ఈ విభాగం నుంచి అడిగే 30 ప్రశ్నలకు 50 నిమిషాల్లో సమాధానాలు గుర్తించాలి. ఇందులో స్టేట్‌మెంట్‌ అండ్‌ ఆర్గ్యుమెంట్, డైరెక్షన్‌ సెన్స్, సిరీస్, విజువల్‌/స్పేషియల్‌ రీజనింగ్, ఫిగరల్‌ అండ్‌ ఫ్యాక్చువల్‌ అనాలసిస్, అనాలజీ, కోడింగ్‌–డీకోడింగ్, బ్లడ్‌ రిలేషన్స్, పజిల్స్, లాజికల్‌ వెన్‌ డయాగ్రమ్‌ బేస్డ్‌ డీఐ, స్టేట్‌మెంట్‌ బేస్డ్‌ లాజికల్‌ కొశ్చన్స్, డెసిషన్‌ మేకింగ్, కొశ్చన్‌ ఆన్‌ వర్డ్‌ ప్యాటర్న్, లెటర్‌ సిరీస్‌ సంబంధ అంశాలను నుంచి ప్రశ్నలుంటాయి. ► దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి. ►దరఖాస్తులకు చివరి తేదీ: 30.11.2021 ►  వెబ్‌సైట్‌: ww.tcs.com హెచ్‌సీఎల్‌ ఫస్ట్‌ కెరీర్స్‌ మరో ఐటీ దిగ్గజ సంస్థ హెచ్‌సీఎల్‌ టెక్నాలజీస్‌.. ఫస్ట్‌ కెరీర్స్‌ ప్రోగ్రామ్‌ను ప్రారంభించింది. డిగ్రీ అభ్యర్థులు ఐటీ రంగంలో కెరీర్‌ సొంతం చేసుకునేందుకు వీలుగా ఈ ప్రోగ్రామ్‌ను రూపొందించింది. ఐటీలో కెరీర్‌ కోసం ఎదురుచూస్తున్న గ్రాడ్యుయేట్స్‌ను పూర్తిస్థాయిలో ప్రొఫెషనల్‌ ఐటీ ఇంజనీర్స్‌గా తీర్చిద్దేందుకు ‘హెచ్‌సీఎల్‌ ఫస్ట్‌ కెరీర్స్‌’ పేరుతో ఈ ప్రోగ్రామ్‌ను అందుబాటులోకి తెచ్చింది. హెచ్‌సీఎల్‌ ఫస్ట్‌ కెరీర్స్‌ ప్రోగ్రామ్‌ను కంపెనీ అనుబంధ విభాగమైన హెచ్‌సీఎల్‌ ట్రైనింగ్‌ అండ్‌ స్టాఫింగ్‌ సర్వీసెస్‌(హెచ్‌సీఎల్‌ టీఎస్‌ఎస్‌) ద్వారా అందించనున్నారు.  అర్హతలు ►  బీఈ/బీటెక్‌/ఎంసీఏ/ఎంటెక్‌/ఎమ్మెస్సీ(ఐటీ)/బీఎస్సీ(ఐటీ, కంప్యూటర్‌ సైన్స్‌/బ్యాచిలర్‌ ఆఫ్‌ ఒకేషనల్‌(సీఎస్‌/ఐటీ/సాఫ్ట్‌వేర్‌ డెవలప్‌మెంట్‌)/బీసీఏ అభ్యర్థులు హెచ్‌సీఎల్‌ ఫస్ట్‌ కెరీర్స్‌ ప్రోగ్రామ్‌కు దరఖాస్తు చేసుకునేందుకు అర్హులు.  ►  ఇంటర్, గ్రాడ్యుయేషన్, పోస్ట్‌గ్రాడ్యుయేషన్‌లో 65 శాతానికిపైగా మార్కులు సాధించాలి.  ►  2018, 2019, 2020, 2021ల్లో గ్రాడ్యుయేషన్‌ పూర్తి చేసి ఉండాలి.  ఎంపిక విధానం దరఖాస్తు చేసుకున్న అభ్యర్థులకు ఆన్‌లైన్‌ కౌన్సెలింగ్, ఆన్‌లైన్‌ అప్టిట్యూడ్‌ టెస్ట్, ఆన్‌లైన్‌ ఇంటర్వ్యూల ద్వారా ఎంపిక చే స్తారు.  శిక్షణ ఎంపికైన అభ్యర్థులందరికీ ఆరు నెలలపాటు శిక్షణ అందిస్తారు. మూడు నెలలు  వర్చువల్‌ క్లాస్‌ రూమ్‌ ట్రైనింగ్‌(ఇంటి నుంచే యాక్సెస్‌ చేసుకోవచ్చు), మరో మూడు నెలలు హెచ్‌సీఎల్‌ టెక్నాలజీస్‌లో ప్రొఫెషనల్‌ ప్రాక్టీస్‌ టర్మ్‌ ట్రైనింగ్‌ ఉంటుంది. టెక్నికల్, ప్రాక్టికల్, పర్సనాలిటీ డెవలప్‌మెంట్‌ స్కిల్స్‌లో ట్రైనింగ్‌ ఇస్తారు. ఈ శిక్షణకు రూ1.5 లక్షల  ఫీజును చెల్లించాల్సి ఉంటుంది. బ్యాంక్‌లోన్‌ సాయం అందిస్తారు. విజయవంతంగా శిక్షణ పూర్తిచేసుకున్న అభ్యర్థులకు రూ.2.75 లక్షల వార్షిక వేతనంతో హెచ్‌సీఎల్‌లో కొలువు లభిస్తుంది.  ► వెబ్‌సైట్‌: https://hclfirstcareers.com విప్రో.. వర్క్‌ ఇంటిగ్రేటెడ్‌ లెర్నింగ్‌ ప్రోగ్రామ్‌ విప్రో సంస్థ కూడా తన వర్క్‌ ఇంటిగ్రేటెడ్‌ లెర్నింగ్‌ ప్రోగ్రామ్‌ 2022 ద్వారా.. బీసీఏ, బీఎస్సీ గ్రాడ్యుయేట్లను నియమించుకోనుంది. 2022లో డిగ్రీ కోర్సులు పూర్తి చేసుకునే అభ్యర్థులు ఈ ప్రోగ్రామ్‌కు దరఖాస్తు చేసుకోవచ్చు.  అర్హతలు పదో తరగతి, ఇంటర్‌ ఉత్తీర్ణతోపాటు బీసీఏ, బీఎస్సీలో కనీసం 60 శాతం మార్కులు సాధించాలి. బీఎస్సీలో కంప్యూటర్‌ సైన్స్, ఇన్ఫర్మేషన్‌ టెక్నాలజీ, మ్యాథమెటిక్స్, స్టాటిస్టిక్స్, ఎలక్ట్రానిక్స్, ఫిజిక్స్‌ విభాగాల అభ్యర్థులు అర్హులు. గ్రాడ్యుయేషన్‌ స్థాయిలో తప్పనిసరిగా కోర్‌ మ్యాథమెటిక్స్‌ చదివి ఉండాలి. విద్యాభ్యాసం అంతా రెగ్యులర్, ఫుల్‌టైమ్‌ విధానంలో చదివి ఉండాలి.  ఎంపిక విధానం ఆన్‌లైన్‌ అసెస్‌మెంట్‌ టెస్ట్, అప్టిట్యూడ్‌ టెస్ట్‌(వెర్బల్, అనలిటికల్, క్వాంటిటేటివ్‌), రిటెన్‌ కమ్యూనికేషన్‌ టెస్ట్‌ ద్వారా అభ్యర్థులను ఎంపిక చేస్తారు. ఆన్‌లైన్‌ అసెస్‌మెంట్‌లో ఎంపికైన అభ్యర్థులు బిజినెస్‌ డిస్కషన్‌ రౌండ్‌ను పూర్తి చేసుకోవాల్సి ఉంటుంది.  స్టయిపెండ్‌ ఎంపికైన అభ్యర్థులకు మొదటి నాలుగేళ్ల పాటు నెలకు రూ.15000 నుంచి రూ.23000 వరకు స్టయిపెండ్‌గా చెల్లిస్తారు. ఆ∙తర్వాత సీనియర్‌ ప్రాజెక్ట్‌ ఇంజనీర్‌గా నియమించి.. ప్రతిభ ఆధారంగా రూ.6లక్షల వార్షిక వేతనం అందిస్తారు.  ►  దరఖాస్తు విధానం: ఆన్‌లైన్‌లో దరఖాస్తు చేసుకోవాలి. ►  వెబ్‌సైట్‌: https://careers.wipro.com/wilp

సాక్షి, హైదరాబాద్‌: తెలంగాణలో నిరుద్యోగులకు టీఆర్‌ఎస్‌ ప్రభుత్వం శుభవార్త చెప్పింది. ఉద్యోగాల విషయంలో పారద్శకంగా ఉంటామని, ఇకపై ప్రతి ఏడాది ఉద్యోగ క్యాలెండర్‌ విడుదల చేస్తామని ముఖ్యమంత్రి కేసీఆర్‌ సోమవారం జరిగిన మీడియా సమావేశంలో ప్రకటించారు. త్వరలోనే 60-70 వేల ప్రభుత్వ ఉద్యోగాలు భర్తీ చేస్తామని కూడా పేర్కొన్నారు. పండించిన వరి ధాన్యం కొనేలా కేంద్రంపై ఒత్తిడి తెస్తామని, రైతులతో కలిసి ధర్నాకు దిగుతామని కేసీఆర్‌ అన్నారు. వచ్చే శుక్రవారం అన్ని మండలాలు, నియోజకవర్గాల్లో ధర్నాలు చేయనున్నట్లు ఆయన పేర్కొన్నారు. ధర్నాలకు వేలాదిగా తరలి రావాలని పిలుపునిచ్చారు.. చదవండి: నా ఫాంహౌజ్‌ దున్నడానికి బండి సంజయ్‌ ట్రాక్టర్‌ డ్రైవరా?: సీఎం కేసీఆర్‌  తెలంగాణలో పండించిన ధాన్యాన్ని కొనాల్సిందేనని, కేంద్రం ధాన్యాన్ని పూర్తిగా కొనే వరకు వదిలి పెట్టమని సీఎం స్పష్టం చేశారు. కేంద్రంతో ఘర్షణ ఎందుకని ఇన్నాళ్లూ సర్ధుకుపోయామన్నారు. కానీ రైతాంగానికి అన్యాయం జరుగుతుంటే సహించమని, రైతులతో కలిసి పోరాడతామన్నారు. బీజేపీని నమ్ముకుంటే కుక్కతోక పట్టుకొని గోదారి ఈదినట్లేనని ఆయన ఎద్దేవా చేశారు. శుక్రవారం తమతో కలిసి ధర్నాకు కూర్చుంటావా? అని బండి సంజయ్‌ను సీఎం కేసీఆర్‌ ప్రశ్నించారు. పోరాటాలకు తాము భయపడమని, ప్రజల పక్షాన నిలబడి బీజేపీని ఎక్కడికక్కడ ప్రశ్నిస్తామని అన్నారు. చదవండి: తెలంగాణ వడ్లను కేంద్రం కొనాల్సిందే: సీఎం కేసీఆర్‌ భారతదేశ చరిత్రలో తొలిసారి తెలంగాణలో దళితులకు అన్నింట్లో రిజర్వేషన్లు కల్పించామని సీఎం కేసీఆర్‌ తెలిపారు. దళిత బంధు పథకం 100 శాతం అమలవుతుందన్నారు. హుజురాబాద్‌లో ప్రతి ఇంటికీ దళిత బందు ఇస్తామని, కేంద్రానికి మనసుంటే దళిత బంధుకు నిధులివ్వాలని కేసీఆర్‌ అన్నారు.


 తిరుమల తిరుపతి దేవస్థానం (టీటీడీ) డిగ్రీ  కళాశాలల్లో.. బోటనీ, కామర్స్, ఎలక్ట్రానిక్స్, ఇంగ్లిష్, హిందీ, హిస్టరీ, హోమ్‌సైన్స్, మ్యాథ్స్, ఓరియంటల్ కల్చర్(సంస్కృతం), ఫిలాసఫీ, ఫిజిక్స్, పొలిటికల్ సైన్స్, సైకాలజీ, సంస్కృతం (వ్యవకరణ), స్టాటిస్టిక్స్, తెలుగు విభాగాల్లో  కాంట్రాక్టు పద్ధతిన లెక్చరర్ పోస్టుల భర్తీకి ప్రకటన వెలువడింది. మొత్తం ఖాళీలు 31. సంబంధిత విభాగంలో 55 శాతం మార్కులతో మాస్టర్‌‌స డిగ్రీ ఉండాలి. యూజీసీ/ సీఎస్‌ఐఆర్ నెట్/ స్లెట్/ సెట్‌లో అర్హత సాధించాలి. వయసు 40 ఏళ్లకు మించకూడదు. ఆన్‌లైన్‌లో పూర్తిచేసిన దరఖాస్తులను  ప్రింట్ తీసి పోస్టు ద్వారా పంపాలి. దరఖాస్తుకు చివరి తేది అక్టోబర్ 5. మరిన్ని వివరాలకు http://recruitment.tirumala.org/ చూడొచ్చు.
 
 రాజ్యసభలో వివిధ ఉద్యోగాలు
 రాజ్యసభ టెలివిజన్.. రెండేళ్ల కాలపరిమితికి కన్సల్టెంట్ యాంకర్ (ఇంగ్లిష్) - (ఖాళీలు- 3 ), సీనియర్ గెస్ట్ కోఆర్డినేటర్ (ఖాళీలు-1), సీనియర్ వీడియో లైబ్రేరియన్ (ఖాళీలు-1), యాంకర్ (ఇంగ్లిష్) (ఖాళీలు-2), గ్రాఫిక్ డిజైనర్ (ఖాళీలు-6), మేకప్ ఆర్టిస్ట్ (ఖాళీలు -6), ఫ్రంట్ ఆఫీస్ ఎగ్జిక్యూటివ్ (ఖాళీలు-5), కెమెరా అసిస్టెంట్ (ఖాళీలు-10), వీడియో లైబ్రేరియన్ (ఖాళీలు-4), స్టూడియో అసిస్టెంట్ (ఖాళీలు-7) పోస్టుల భర్తీకి  అక్టోబర్ 7 నుంచి నవంబర్ 6 వరకు  ఇంటర్వ్యూలు నిర్వహించనుంది. దరఖాస్తును వెబ్‌సైట్ నుంచి డౌన్‌లోడ్ చేసుకోవచ్చు. మరిన్ని వివరాలకు http://rajyasabha.nic.in చూడొచ్చు.
 
 ఐఐటీ- ఖరగ్‌పూర్‌లో జేఆర్‌ఎఫ్, ఎస్‌ఆర్‌ఎఫ్
 ఇండియన్ ఇన్‌స్టిట్యూట్ ఆఫ్ టెక్నాలజీ-ఖరగ్‌పూర్... జూనియర్ రీసెర్‌‌చ ఫెలో (ఖాళీలు-3), సీనియర్ రీసెర్‌‌చ ఫెలో (ఖాళీలు-4), ప్రోగ్రామర్ (ఖాళీలు-3) పోస్టుల భర్తీకి దరఖాస్తులు కోరుతోంది. నిర్దేశిత నమూనాలో పూర్తిచేసిన దరఖాస్తులను ‘అడ్మినిస్ట్రేటివ్ ఆఫీసర్ (ప్రాజెక్ట్స్), స్పాన్సర్‌‌డ రీసెర్‌‌చ అండ్ ఇండస్ట్రియల్ కన్సల్టెన్సీ, ఐఐటీ-ఖరగ్‌పూర్-721302కు పంపాలి. దరఖాస్తులకు చివరి తేది అక్టోబర్ 11. మరిన్ని వివరాలకు www.iitkgp.ac.in చూడొచ్చు.
 
 సీఎంఈఆర్‌ఐలో సైంటిస్ట్ / సీనియర్ సైంటిస్టులు
 సీఎస్‌ఐఆర్- సెంట్రల్ మెకానికల్ ఇంజనీరింగ్ రీసెర్‌‌చ ఇన్‌స్టిట్యూట్ (సీఎంఈఆర్‌ఐ) వివిధ విభాగాల్లో  సైంటిస్ట్/ సీనియర్ సైంటిస్ట్  పోస్టుల భర్తీకి దరఖాస్తులు ఆహ్వానిస్తోంది. మొత్తం ఖాళీలు 19.   సైంటిస్ట్ పోస్టులకు 32 ఏళ్లు, సీనియర్ సైంటిస్టులకు 37 ఏళ్లు మించరాదు. నిర్దేశిత విభాగాల్లో ఎంఈ/ఎంటెక్ ఉత్తీర్ణులు సైంటిస్ట్ పోస్టులకు; ఎంఈ/ఎంటెక్‌తోపాటు మూడేళ్ల పని అనుభవం ఉన్నవారు సీనియర్ సైంటిస్ట్ పోస్టులకు దరఖాస్తు చేసుకోవచ్చు. దరఖాస్తుకు చివరి తేది అక్టోబర్ 30. మరిన్ని వివరాలకు www.cmeri.res.in చూడొచ్చు.
 
 ఐఐటీ - రూర్కీలో అసిస్టెంట్ ప్రొఫెసర్లు
 ఇండియన్ ఇన్‌స్టిట్యూట్ ఆఫ్ టెక్నాలజీ - రూర్కీ.. వికలాంగుల కోటాలో వివిధ విభాగాల్లో అసిస్టెంట్ ప్రొఫెసర్ పోస్టుల భర్తీకి దరఖాస్తులు ఆహ్వానిస్తోంది. మొత్తం పోస్టులు 14. సంబంధిత విభాగంలో పీహెచ్‌డీ ఉత్తీర్ణులై ఉండి బోధనలో కనీసం మూడేళ్ల అనుభవం ఉన్నవారు దరఖాస్తు చేసుకోవచ్చు. రాత పరీక్ష, ఇంటర్వ్యూల ద్వారా అభ్యర్థులను ఎంపిక చేస్తారు. ఆన్‌లైన్ ద్వారా దరఖాస్తు చేసుకోవాలి. దరఖాస్తులకు చివరి తేది అక్టోబర్ 15. మరిన్ని వివరాలకు http://faculty.iitr.ernet.in/ చూడొచ్చు.
 
 ఐటీబీపీలో సబ్ ఇన్‌స్పెక్టర్స్
 ఇండో-టిబెటన్ బోర్డర్ పోలీస్ ఫోర్‌‌స (ఐటీబీపీ).. ఇన్‌స్పెక్టర్ (హిందీ ట్రాన్‌‌సలేటర్) పోస్టుల భర్తీకి దరఖాస్తులు ఆహ్వానిస్తోంది. మొత్తం ఖాళీలు 15. హిందీలో మాస్టర్‌‌స డిగ్రీ ఉండి ఇంగ్లిష్ ఒక అంశంగా ఉండాలి/హిందీ, ఇంగ్లిష్‌తో బ్యాచిలర్‌‌స డిగ్రీ ఉండాలి. హిందీ నుంచి ఇంగ్లిష్‌కు, ఇంగ్లిష్ నుంచి హిందీకి అనువాద విభాగంలో డిప్లొమా/సర్టిఫికేట్ కోర్సు ఉండాలి. వయసు 30 ఏళ్లకు మించకూడదు. వెబ్‌సైట్ నుంచి దరఖాస్తును డౌన్‌లోడ్ చేసుకోవచ్చు. దరఖాస్తుకు చివరి తేది అక్టోబర్ 23. మరిన్ని వివరాలకు http://itbpolice.nic.in చూడొచ్చు.
 
 సెంట్రల్ రోడ్ రీసెర్చ్ ఇన్‌స్టిట్యూట్‌లో అసిస్టెంట్స్
 సీఎస్‌ఐఆర్- సెంట్రల్ రోడ్ రీసెర్చ్ ఇన్‌స్టిట్యూట్..  అసిస్టెంట్ (జనరల్) గ్రేడ్-3 (ఖాళీలు-9),  అసిస్టెంట్ (స్టోర్స్, పర్చేజ్) గ్రేడ్-3 (ఖాళీలు-2), అసిస్టెంట్ (ఫైనాన్స్, అకౌంట్స్) గ్రేడ్-3 (ఖాళీలు-3) విభాగాల్లో పోస్టుల భర్తీకి దరఖాస్తులు కోరుతోంది. దరఖాస్తులను వెబ్‌సైట్ నుంచి డౌన్‌లోడ్ చేసుకోవాలి. దరఖాస్తుకు చివరి తేది అక్టోబర్ 26. మరిన్ని వివరాలకు www.crridom.gov.in చూడొచ్చు.