బాలీవుడ్‌ హిట్‌ మూవీ ఫ్రాంచైజీలో ‘జాలీ ఎల్‌ఎల్‌బీ’ ఒకటి. ఈ ఫ్రాంచైజీ నుంచి ఇప్పటికే విడుదలైన ‘జాలీ ఎల్‌ఎల్‌బీ’, ‘జాలీ ఎల్‌ఎల్‌బీ 2’ సినిమాలకు మంచి ప్రేక్షకాదరణ లభించింది. తాజాగా ఈ ఫ్రాంచైజీ నుంచి థర్డ్‌ పార్ట్‌ ‘జాలీ ఎల్‌ఎల్‌బీ 3’ సినిమా రానుంది. ‘జాలీ ఎల్‌ఎల్‌బీ’ ఫ్రాంచైజీలోని తొలి రెండు భాగాలకు దర్శకత్వం వహించిన సుభాష్‌ కపూరే మూడో భాగాన్నీ తెరకెక్కిస్తున్నారు.అక్షయ్‌ కుమార్, అర్షద్‌ వార్షి లీడ్‌ రోల్స్‌ చేస్తున్న ఈ సినిమాలో సౌరభ్‌ శుక్లా ఓ కీలక పాత్రలో నటిస్తున్నారు. ఆల్రెడీ ఈ సినిమా చిత్రీకరణ మొదలైంది. తాజాగా ఈ సినిమా సెట్స్‌లో జాయిన్‌ అయ్యారు అక్షయ్‌ కుమార్‌. ‘‘ఒరిజినల్‌ ఎవరో, డూప్లికేట్‌ ఎవరో తెలియడం లేదు. కానీ ఈ సినిమా మాత్రం ఓ జాలీ రైడ్‌గా ఉండబోతోంది’’ అంటూ ‘జాలీ ఎల్‌ఎల్‌బీ 3’ సినిమా షూటింగ్‌లో తాను పాల్గొంటున్నట్లుగా వీడియోను షేర్‌ చేశారు అక్షయ్‌ కుమార్‌. నకిలీ లాయర్ల నేపథ్యంలో ఈ సినిమా కథనం సాగుతుందనే టాక్‌ వినిపిస్తోంది.


 కమెడియన్గా మంచి గుర్తింపు తెచ్చుకున్న సప్తగిరి, హీరోగా మారేందుకు కష్టపడుతున్నాడు. ఇప్పటిరే సప్తగిరి ఎక్స్ప్రెస్ సినిమాతో హీరోగా మారిన ఈ కామెడీ స్టార్ ఇప్పుడు మరో సినిమాను మొదలు పెట్టాడు. తొలి సినిమా తరహాలోనే రెండో సినిమాకు కూడా తన పేరునే సినిమా టైటిల్గా ఫిక్స్ చేశాడు.
 
 బాలీవుడ్ కిలాడీ అక్షయ్ కుమార్ హీరోగా తెరకెక్కిన జాలీ ఎల్ ఎల్ బీ ఇన్సిపిరేషన్తో తెరకెక్కుతున్న ఈ సినిమాకు 'సప్తగిరి ఎల్ఎల్బి' అనే టైటిల్ను ఫిక్స్ చేశారు. చరణ్ లక్కాకుల దర్శకత్వంలో డా.రవికిరణ్ ఈ సినిమాను నిర్మిస్తున్నారు. ఈ రోజు లాంచనంగా ప్రారంభించిన ఈ సినిమాకు సంబందించిన మరిన్ని వివరాలు తెలియాల్సి ఉంది.


 ‘రేసుగుర్రం’లో అల్లు అర్జున్ ‘దే..వు..డా’ అంటూ అదో విచిత్రమైన స్టైల్‌లో చెప్పిన డైలాగ్‌ని ఎప్పటికీ మరచిపోలేం. విచిత్రమైన సంఘటనలు జరిగినప్పుడు ‘దేవుడా’ అని పిల్లలూ పెద్దలూ అనడం ఆ సినిమా తర్వాత కామన్ అయిపోయింది. బాలీవుడ్ హీరో, ‘రోబో 2’ విలన్ అక్షయ్‌కుమార్ పారితోషికం వింటే కచ్చితంగా ఎవరైనా ఆ మాట అంటారు. మామూలుగా అక్షయ్‌కుమార్ ఏ సినిమా చేసినా రోజుకి కోటి రూపాయలు తీసు కుంటారట. అందుకే తక్కువ రోజుల్లో పూర్తి చేయాలని నిర్మాతలు ప్లాన్ చేసు కుంటారు.
  
   అక్షయ్ నటించే సినిమాలన్నీ దాదాపు 40 రోజుల్లోపే పూర్తవుతాయట.  కానీ, ‘జాలీ ఎల్‌ఎల్‌బి 2’కి ఆ అవకాశం లేదని తెలుస్తోంది. అర్షద్ వార్శి హీరోగా సుభాష్ కపూర్ దర్శకత్వం వహించిన ‘జాలీ ఎల్‌ఎల్‌బి’కి ఇది సీక్వెల్. మలి భాగంలో అక్షయ్‌కుమార్‌ని తీసుకున్నారు. ఇందులో కోర్ట్ సీన్స్ ఎక్కువ ఉండడంతో ఉదయం 10 గంటలకు చిత్రీకరణ మొదలుపెట్టి రాత్రి 8 గంటల వరకూ జరుపుతున్నారట. షూటింగ్‌కి మినిమమ్ 100 రోజులు పడుతుందట. సో.. ఈ చిత్రానికి అక్షయ్ తీసుకోబోతున్న పారితోషికం 100 కోట్ల రూపాయలన్న మాట. దే..వు..డా...!