100 రోజులు...100 కోట్లు.. దే..వు..డా...

100 రోజులు...100 కోట్లు.. దే..వు..డా...

‘రేసుగుర్రం’లో అల్లు అర్జున్ ‘దే..వు..డా’ అంటూ అదో విచిత్రమైన స్టైల్‌లో చెప్పిన డైలాగ్‌ని ఎప్పటికీ మరచిపోలేం. విచిత్రమైన సంఘటనలు జరిగినప్పుడు ‘దేవుడా’ అని పిల్లలూ పెద్దలూ అనడం ఆ సినిమా తర్వాత కామన్ అయిపోయింది. బాలీవుడ్ హీరో, ‘రోబో 2’ విలన్ అక్షయ్‌కుమార్ పారితోషికం వింటే కచ్చితంగా ఎవరైనా ఆ మాట అంటారు. మామూలుగా అక్షయ్‌కుమార్ ఏ సినిమా చేసినా రోజుకి కోటి రూపాయలు తీసు కుంటారట. అందుకే తక్కువ రోజుల్లో పూర్తి చేయాలని నిర్మాతలు ప్లాన్ చేసు కుంటారు.
 
  అక్షయ్ నటించే సినిమాలన్నీ దాదాపు 40 రోజుల్లోపే పూర్తవుతాయట.  కానీ, ‘జాలీ ఎల్‌ఎల్‌బి 2’కి ఆ అవకాశం లేదని తెలుస్తోంది. అర్షద్ వార్శి హీరోగా సుభాష్ కపూర్ దర్శకత్వం వహించిన ‘జాలీ ఎల్‌ఎల్‌బి’కి ఇది సీక్వెల్. మలి భాగంలో అక్షయ్‌కుమార్‌ని తీసుకున్నారు. ఇందులో కోర్ట్ సీన్స్ ఎక్కువ ఉండడంతో ఉదయం 10 గంటలకు చిత్రీకరణ మొదలుపెట్టి రాత్రి 8 గంటల వరకూ జరుపుతున్నారట. షూటింగ్‌కి మినిమమ్ 100 రోజులు పడుతుందట. సో.. ఈ చిత్రానికి అక్షయ్ తీసుకోబోతున్న పారితోషికం 100 కోట్ల రూపాయలన్న మాట. దే..వు..డా...!