న్యూఢిల్లీ: వింబుల్డన్ జూనియర్ టెన్నిస్ టోర్నమెంట్‌కు భారత్ ఆతిథ్యమివ్వనుంది. వింబుల్డన్‌కు సంబంధించిన ఓ టోర్నీని ఇంగ్లండ్ వెలుపల నిర్వహించనుండటం ఇదే తొలిసారి. ఇలాంటి అవకాశం భారత్‌కు లభించడం పట్ల ఏఐటీఏ వర్గాలు ఉబ్బితబ్బిబ్బవుతున్నాయి. ఈ నెలలో ఇక్కడికి రానున్న ప్రపంచ మాజీ నాలుగో ర్యాంకు ఆటగాడు టిమ్ హెన్‌మన్  ఢిల్లీ, ముంబై నగరాల్లో ‘రోడ్ టు వింబుల్డన్’కు శ్రీకారం చుడతారు.
  
   అండర్-14 బాల,బాలికలకు కోచింగ్ క్లినిక్స్, ఈవెంట్లు నిర్వహించి ఇందులో రాణించిన వారిలో 16 మంది బాలబాలికలను ఎంపిక చేస్తారు. వీరికి ఒక టోర్నమెంట్‌ను ఏప్రిల్ నెలలో ఢిల్లీలో నిర్వహిస్తారు. ఇందులో విభాగానికి ఇద్దరేసి ఫైనలిస్టులకు వింబుల్డన్ జూనియర్ ప్రధాన టోర్నీలో అవకాశం ఇస్తారు.
  


 జింఖానా, న్యూస్‌లైన్: న్యూట్రిలైట్ ఆసియా అండర్-14 జూనియర్ టెన్నిస్ టోర్నీలో బాలికల సింగిల్స్, డబుల్స్ విభాగాల్లో టాప్ సీడ్ సామ సాత్విక టైటిల్ కైవసం చేసుకుంది. ఎల్బీ స్టేడియంలోని శాప్ టెన్నిస్ కాంప్లెక్స్‌లో జరిగిన బాలికల సింగిల్స్ ఫైనల్స్‌లో సాత్విక 6-4, 6-4తో రెండో సీడ్ శివానిపై నెగ్గింది.
  
  అలాగే డబుల్స్ విభాగంలో సాత్విక-శివాని జోడి 6-2, 6-0తో శ్రావ్య శ్రీవాణి-శివన్య జోడిపై నెగ్గి సత్తా చాటింది. బాలుర సింగిల్స్‌లో శ్రీవత్స రాతకొండ విజేతగా నిలిచాడు. శ్రీవత్స రాతకొండ 6-3, 3-6, 6-4తో టాప్ సీడ్ ఆదిల్ కళ్యాణ్‌పూర్‌పై విజయం సాధించాడు. విజేతలకు రిటైర్డ్ ఇన్‌కం టాక్స్ ఆఫీసర్ సుధాకర్ రెడ్డి ముఖ్య అతిథిగా విచ్చేసి బహుమతులు అందజేశారు. ఈ కార్యక్రమంలో ఆంధ్రప్రదేశ్ లాన్ టెన్నిస్ సంఘం కార్యదర్శి అశోక్ కుమార్ తదితరులు పాల్గొన్నారు.
  


 జింఖానా, న్యూస్‌లైన్:  ఆసియా అండర్-14 జూనియర్ టెన్నిస్ టోర్నీలో టాప్ సీడ్ సామ సాత్విక మూడో రౌండ్‌లోకి ప్రవేశించింది. ఎల్బీ స్టేడియంలోని శాప్ టెన్నిస్ కాంప్లెక్స్‌లో జరుగుతున్న ఈ టోర్నీలో బాలికల రెండో రౌండ్లో సాత్విక 6-1, 6-0తో భవ్య రామినేనిపై విజయం సాధించింది. తనతో పాటు రెండో సీడ్ శివాని 6-2, 6-3తో మిరికా జైస్వాల్‌పై నెగ్గి మూడో రౌండ్‌కు అర్హత సాధించింది.
 
  ఐదో సీడ్ మెహక్ జైన్ 6-3, 6-4తో జువేరియా ఫాతిమాపై, నాలుగో సీడ్ ఆర్జా చక్రవర్తి 6-3, 6-2తో అమినేని శివానిపై, శ్రీవల్లి 6-1, 6-4తో ఎనిమిదో సీడ్ ప్రింకిల్ సింగ్‌పై, ఏడో సీడ్ శివానుజ 6-1, 6-3తో సాన్యా సింగ్‌పై, షాజిహా బేగం 5-7, 6-2, 6-4తో షేక్ తహూరపై, హర్షసాయి 6-3, 6-0తో ప్రత్యూషపై గెలిచారు.
 
 బాలుర విభాగంలో రెండో సీడ్ యావిన్ సాల్మన్ మూడో రౌండ్లోకి దూసుకెళ్లాడు. రెండో రౌండ్లో యావిన్ 7-6, 6-1, 6-2తో తీర్థ శశాంక్‌పై గెలుపొందాడు. అదిల్ కళ్యాణ్‌పూర్ 6-1, 6-3తో రిత్విక్‌పై, గౌరవ్ 6-3, 6-3తో అతీఫ్ షేక్‌పై, మూడో సీడ్ ప్రకృత్ కార్తీక్ పటేల్ 6-4, 6-3తో సాయి కార్తీక్ రెడ్డిపై, తుషార్ శర్మ 2-6, 7-6, 7-6తో ఆదిత్యపై, శ్రీవత్స రాతకొండ 6-1, 6-7, 6-2తో రోహిత్‌పై, ప్రలోక్ ఇక్కుర్తి 5-7, 6-3, 6-2తో దుర్గా హిమకేశ్‌పై, నాలుగో సీడ్ ఎస్‌ఎం ఆదిత్య 6-1, 6-2తో అమన్ అయూబ్ ఖాన్‌పై నెగ్గారు.  
  


 జింఖానా, న్యూస్‌లైన్: ఐటీఎఫ్ జూనియర్ టెన్నిస్ టోర్నమెంట్‌లో ఆంధ్రప్రదేశ్ క్రీడాకారిణి ప్రాంజల క్వార్టర్ ఫైనల్లో గెలిచి సెమీస్‌కు చేరుకుంది. ఎల్.బి స్టేడియంలోని ‘శాప్’ కాంప్లెక్స్‌లో గురువారం జరిగిన అండర్-18 బాలికల సింగిల్స్ క్వార్టర్‌ఫైనల్లో రెండో సీడ్ ప్రాంజల 2-6, 6-3, 6-0తో 10వ సీడ్ ఓజస్వినీ సింగ్‌పై విజయం సాధించింది.
  
   మూడో సీడ్ యా తింగ్ చాంగ్ (చైనీస్ తైపీ) 6-2, 7-5తో ఆరో సీడ్ వాసంతీ షిండేపై, ఐదో సీడ్ రియా వైద్యా 6-1, 6-1తో 16వ సీడ్ దేవన్షి జి భయామనిపై గెలుపొందారు. టాప్ సీడ్ స్నేహదేవి రెడ్డి 6-3, 6-0తో 11వ సీడ్ ప్రియాంక సుందర్‌పై అలవోకగా గెలిచింది. అండర్-18 బాలుర సింగిల్స్ క్వార్టర్స్‌లో టాప్ సీడ్ గార్విత్ బట్రా 6-3, 6-2తో నిక్షేప్ బల్కరే రవికుమార్‌పై నెగ్గి సెమీస్‌కు చేరుకున్నాడు. మూడో సీడ్ యై వీ హాంగ్ (చైనీస్ తైపీ) 6-4, 6-2తో చింగ్ హాంగ్ త్సాయ్ (చైనీస్ తైపీ)పై,  10వ సీడ్ హర్దీప్ సింగ్ సందూ 4-6, 6-2, 6-2తో నాల్గో సీడ్ చంగ్ ఉలూ (చైనీస్ తైపీ)పై గెలవగా, ఏడో సీడ్ ఆర్యన్ గోవీస్ 4-6, 6-2, 7-6తో 14వ సీడ్ షావ్‌ఫాన్ లూయి (చైనీస్ తైపీ) ైపై విజయం సాధించారు.
  
  అండర్-18 బాలుర డబుల్స్ ఫలితాలు
   హన యు చెన్-చింగ్ హాంగ్ త్సాయ్ (చైనీస్ తైపీ) 7-6, 7-5తో ఆదిత్య దేశ్వాల్-హర్దీప్ సింగ్ సందూపై, గార్విట్ బాట్రా-షోకి కషారా 6-4, 6-0తో సింగ్ బాజ్వా-మయూఖ్ రావత్‌పై, షావ్ ఫాన్ లూయి- యుట్సెట్సౌ (చైనీస్ తైపీ) 6-2, 6-3తో సాహిల్ ఘవారె- ఆర్యన్ గోవీస్‌పై, బాసిల్ ఖుమా- దీపక్ విశ్వకర్మ 7-5, 6-1తో యై వీ హాంగ్- చాంగ్ ఉలూ (చైనీస్ తైపీ)పై నెగ్గారు.
  
  అండర్-18 బాలికల డబుల్స్ ఫలితాలు
  స్నేహదేవి రెడ్డి- ధృతి తతచార్ 6-0, 6-3తో జీల్ దేశాయ్-స్నేహల్ మానెపై, యా టింగ్ చాంగ్-జు హుయ్ చెన్ (చైనీస్ తైపీ) 4-6, 6-4తో ఇస్కా అక్షర-వాసంతి షిండేపై, ఓజస్వినీ సింగ్-కర్మాన్ కౌర్ 6-2, 6-3తో దేవన్షి భిమ్‌జియాని-నందిని శర్మపై గెలుపొందారు.