‘కబాలి’ సినిమా పోస్టర్‌పై తాను చేసిన ఆరోపణలపై తాజాగా బాలీవుడ్ నటుడు ఇర్ఫాన్ ఖాన్ వివరణ ఇచ్చాడు. ‘కబాలి’ పోస్టర్, తన కొత్త సినిమా ‘మదారి’ పోస్టర్‌ ఒకే తరహాలో ఉండటంతో తాను సరదా జోక్‌ మాత్రమే వేశానని, అంతేకానీ రజనీకాంత్ తానేమీ అనలేదని ఆయన అన్నారు. ఆన్‌లైన్‌లో రజనీకాంత్‌ అభిమానులు విడుదల చేసిన ‘కబాలి’ పోస్టర్.. అచ్చుగుద్దినట్టు ఇర్ఫాన్ ఖాన్ నటించిన ‘మదారి’ చిత్రం పోస్టర్‌లాగా ఉండటంపై ఇర్ఫాన్ ఖాన్ స్పందించిన సంగతి తెలిసిందే. తమది చిన్న సినిమా అయినా, తమ సినిమా పోస్టర్‌ను దొంగలించి కబాలి కోసం వాడుకున్నారని ఆయన మంగళవారం విమర్శించారు.
 
 ఈ వ్యాఖ్యలపై తాజాగా వివరణ ఇస్తూ ‘రజనీకాంత్‌ను ఒక నటుడిగా, వ్యక్తిగా గౌరవిస్తాను. పోస్టర్ గురించి నేను చేసిన వ్యాఖ్యలు జోక్ మాత్రమే. ఆ పోస్టర్ రజనీ అభిమానులు రూపొందించేదేనని నేను కూడా చెప్పాను’అని ఇర్ఫాన్ అన్నారు.
 
 రెండు పోస్టర్లలోనూ ప్రధాన నటుల ముఖాలతోపాటు అడ్డు వరుసలో ఉన్న భవనాలను చూపించారు. అయితే ఈ వివాదంపై రజనీకాంత్‌ అభిమానులు స్పందించారు. ఇది సినిమా అధికారిక పోస్టర్ కాదని, దీనిని అభిమానులు రూపొందించి ఆన్‌లైన్‌ లో విడుదల చేసి ఉంటారని క్లారిటీ ఇచ్చారు. మరోవైపు రజనీ అభిమానులు పెద్ద ఎత్తున ‘కబాలి’ పోస్టర్లు, ఫొటోలు ఆన్‌లైన్‌లో పోస్టు చేస్తూ తమ అభిమానాన్ని చాటుకుంటున్నారు.


 రజినీకాంత్‌ అభిమానులను ఇప్పుడు ‘కబాలి’  జ్వరం ఊపేస్తోంది. భారీ అంచనాలు ఏర్పడిన ‘కబాలి’ సినిమా ఎప్పుడెప్పుడొస్తుందా అని ప్రపంచవ్యాప్తంగా ఉన్న ఆయన అభిమానులు ఎదురుచూస్తున్నారు. ఈ నేపథ్యంలో తాజాగా ఆన్‌లైన్‌లో విడుదలైన ‘కబాలి’ పోస్టర్ ఒకటి వార్తల్లో నిలిచింది. అందుకు కారణం ఈ పోస్టర్ అచ్చుగుద్దినట్టు ఇర్ఫాన్ ఖాన్  నటించిన ‘మదారి’  చిత్రం పోస్టర్‌లాగా ఉండటమే. ఈ విషయమై బాలీవుడ్ నటుడు ఇర్ఫాన్ ఖాన్ స్పందిస్తూ తమది చిన్న సినిమా అయినా, తమ సినిమా పోస్టర్‌ను దొంగలించి కబాలి కోసం వాడుకున్నారని అన్నారు. అయితే దీని పెద్ద విషయంగా పరిగణించవద్దని, అభిమానులు రజనీ సినిమాతోపాటు తమ సినిమాను కూడా చూడాలని ఆయన సూచించారు.
 
 రెండు పోస్టర్లలోనూ ప్రధాన నటుల ముఖాలతోపాటు అడ్డు వరుసలో ఉన్న భవనాలను చూపించారు. అయితే ఈ వివాదంపై రజనీకాంత్‌ అభిమానులు స్పందించారు. ఇది సినిమా అధికారిక పోస్టర్ కాదని, దీనిని అభిమానులు రూపొందించి ఆన్‌లైన్‌ లో విడుదల చేసి ఉంటారని క్లారిటీ ఇచ్చారు. మరోవైపు రజనీ అభిమానులు పెద్ద ఎత్తున ‘కబాలి’ పోస్టర్లు, ఫొటోలు ఆన్‌లైన్‌లో పోస్టు చేస్తూ తమ అభిమానాన్ని చాటుకుంటున్నారు.


  బాషా చిత్రంలో ఒక పాటలో రజనీకాంత్‌ను నటి నగ్మా స్టయిల్, స్టయిల్ దా నీ సూపర్‌స్టయిల్ దా అంటూ పాడుతూ తెగ మోహించేస్తుంది. నిజంగానే మన సూపర్‌స్టార్ స్టయిల్ కింగ్. ఆరంభం నుంచి స్టయిలే ఆయన స్టెంత్. విలన్‌గా నటించినప్పుడే సిగరెట్‌ను తనకే సొంతమైన స్టైల్‌తో గాలిలోకి ఎగరేసి నోటితో పట్టి తాగే నటన యువతను విపరీతంగా ఆకర్షించింది. తల జుత్తును ఆలవోకగా పైకి లేపడం వంటి వివిధ రకాల స్టయిలిష్ నటన అలరిస్తూ హీరో అయిన తరువాత కూడా తన పంథాను మరింత విస్తరించుకుంటూ సూపర్ స్టార్ అంతస్తును పొందిన అరుదైన నటుడు రజనీకాంత్.ఇక పంచ్ డైలాగ్స్ పేల్చడంలోనూ తన స్టయిలే వేరు.
 
 ఆయన స్టయిల్‌ను కొందరు కాపీ కొట్టే ప్రయత్నం చేసినా సాధ్యం కాలేదు. తాజా చిత్రం కబాలిలోనూ రజనీకాంత్ తన స్టయిల్‌ను కొనసాగించారట. ఇందులో పంచ్ డైలాగ్స్ ఉండవని దర్శకుడు రంజిత్ ముందుగానే వెల్లడించినా రకరకాల స్టయిల్స్ మాత్రం ఆయన అభిమానుల్ని యమ ఖుషీ చేస్తాయట. కబాలి చిత్ర ఆరంభంలోనే పెద్ద దాదాగా నటిస్తున్న రజనీకాంత్ ఫుల్ సూట్‌లో కూలింగ్ అద్దాలతో స్టయిలిస్‌గా ఎంటరయ్యే సన్నివేశం అదుర్స్ అనేలా అభిమానుల ఈలలు,చప్పట్లతో దద్దరిల్లుతుందంటున్నారు యూనిట్ వర్గాలు.
 
  స్టార్.. స్టార్.. సూపర్‌స్టార్
 చిన్న విలన్‌గా నట కేరీర్‌ను ప్రారంభించి అంచెలంచెలుగా ఎదుగుతూ స్టార్ ఇమేజ్‌ను ఆ తరువాత సూపర్‌స్టార్ పట్టాన్ని సొంతం చేసుకున్న రజనీకాంత్ నాలుగు దశాబ్దాలుగా ఎవర్‌గ్రీన్‌గా వెలుగొందుతున్నారు.అయితే గత కొద్ది కాలంగా ఆయన సూపర్‌స్టార్ బిరుదును దక్కించుకోకవడానికి కొందరు యువ నటులు విశ్వప్రయత్నం చేస్తున్నారు. మరి కొందరైతే 40 ఏళ్ల పైబడిన వారే రజనీకాంత్ అభిమానులుగా ఉన్నారు. ఆయనకిప్పుడు యూత్ ఫాలోయింగ్ తగ్గింది. అందువల్ల సోషల్ మీడియాలో అధిక సంఖ్యలో అభిమానులు లేరు అనే ప్రచారం చేస్తున్నారు.అయితే అవన్నీ అపోహలేనని శనివారం విడుదలైన కబాలి పోస్టర్ రుజువు చేసింది.
 
 రజనీ ఫొటోతో కూడిన కబాలి పోస్టర్ ఇప్పుడు ట్విట్టర్లలోనూ, ఫేస్‌బుక్‌లలోనూ హల్‌చల్ చేస్తూ ఆయన అభిమానుల్లో ఆనందాన్ని నింపుతోంది. అంతే కాదు ఇప్పుడే కాదు ఎప్పటికీ సూపర్‌స్టార్ రజనీ నేననేలా ఆయన ఫాలోయింగ్ నిరూపణ అయ్యింది.విడుదలకు ముందే ప్రకంపనలు సృష్టిస్తున్న కబాలి మే చివరి వారంలోగానీ జూన్ తొలివారంలో గానీ తెరపై ప్రభంజనం సృష్టించడానికి సిద్ధమవుతోంది.