సర్థార్ గబ్బర్సింగ్ సినిమాతో నిరాశపరిచిన పవర్ స్టార్ పవన్ కళ్యాణ్, త్వరలో ఓ మాస్ యాక్షన్ సినిమాతో ఆడియన్స్ ముందుకు వచ్చేందుకు రెడీ అవుతున్నాడు. ముందుగా ఈ సినిమాను తమిళ దర్శకుడు ఎస్ జె సూర్య దర్శకత్వంలో తెరకెక్కించాలని భావించినా.. సూర్య నటుడిగా బిజీ కావటంతో డాలీని దర్శకుడిగా తీసుకున్నారు. ప్రస్తుతం ప్రీ ప్రొడక్షన్ పనుల్లో బిజీగా ఉన్న ఈ సినిమా త్వరలోనే సెట్స్ మీదకు వెళ్లనుంది.
 
 పవన్ సరసన శృతి హాసన్ హీరోయిన్గా నటిస్తున్న ఈ సినిమా తమిళ సూపర్ హిట్ వీరంకు రీమేక్గా రూపొందనుందన్న టాక్ వినిపిస్తుంది. అయితే కేవలం మూల కథను తీసుకొని పవన్ ఇమేజ్కు, తెలుగు నేటివిటికీ తగ్గట్టు మార్పులు చేశారట. ఇన్నాళ్లు ఈ సినిమాకు కడప కింగ్ అనే టైటిల్ను పరిశీలించిన చిత్రయూనిట్. తాజాగా కాటమరాయుడు అనే టైటిల్ను పరిశీలిస్తున్నారట.
 
 పవన్ కళ్యాణ్ సూపర్ హిట్ సినిమా అత్తారింటికి దారేదిలో పవన్ స్వయంగా పాటిన కాటమ రాయుడా పాట నుంచి తీసుకున్న ఈ టైటిల్ ఆడియన్స్ కు త్వరగా చేరువయ్యే ఛాన్స్ ఉందన్న నమ్మకంతో ఉన్నారు చిత్రయూనిట్. త్వరలోనే ఈసినిమాకు సంబందించిన అఫీషియల్ ఎనౌన్స్ మెంట్ రానుంది.


  ‘‘ ‘గాంధీ’ సినిమా ఇండియాలో వంద రోజులు ఆడదు. అదే ‘కడప కింగ్’ అని తీయండి.. టు హండ్రెడ్ సెంటర్స్... హండ్రెడ్ డేస్’’ అంటూ ‘పోకిరి’ చిత్రంలో షాయాజీ షిండే చెప్పిన డైలాగ్ చాలా పాపులర్ అయింది. ఇప్పుడా ప్రస్తావన ఎందుకు అనుకుంటున్నారా? మరేం లేదు. పవన్‌కల్యాణ్ హీరోగా ఎస్‌జే సూర్య దర్శకత్వంలో తెరకెక్కనున్న తాజా చిత్రానికి ‘కడప కింగ్’ అనే టైటిల్ ఫిక్స్ చేశారనే టాక్ ఫిల్మ్‌నగర్‌లో చక్కర్లు కొడుతోంది.
  
   నార్త్‌స్టార్ ఎంటర్‌టైన్‌మెంట్స్ పతాకంపై శరత్ మరార్ నిర్మిస్తున్న ఈ చిత్రం ఇటీవల లాంఛనంగా ప్రారంభమైన విషయం తెలిసిందే. రాయలసీమ ఫ్యాక్షన్ నేపథ్యంలో తెరకెక్కే ఈ చిత్రంలో పవన్ ఫ్యాక్షన్ లీడర్‌గా కనిపించ నున్నారనేది కృష్ణానగర్ వర్గాల భోగట్టా. తొలుత ఈ చిత్రానికి ‘సేనాపతి’ టైటిల్ పెట్టనున్నారనే పుకార్లు వినిపించాయి.
  
  ఆ తర్వాత  ‘హుషారు’ టైటిల్ షికారు చేసింది. ఇప్పుడేమో ‘కడప కింగ్’ టైటిల్‌ని రిజిస్టర్ చేయించారనే గుసగుసలు వినిపిస్తున్నాయి. రాయల సీమ ఫ్యాక్షన్ నేపథ్యం కావడంతో ఈ టైటిల్ పెట్టాలను కున్నారట. ఈ పుకార్ల మాటెలా ఉన్నా, అధికారికంగా అసలు టైటిల్ ఏదో తెలియాలంటే ఓపిక పట్టాల్సిందే.
  


 పవర్ స్టార్ పవన్ కళ్యాణ్ కొత్త సినిమా పై రోజుకో వార్త హల్ చల్ చేస్తోంది. ఇప్పటికే లాంఛనంగా ప్రారంభమైన ఈ సినిమా త్వరలోనే రెగ్యులర్ షూటింగ్ కు వెళ్లనుంది. ప్రస్తుతం ఈ సినిమాకు సంబందించిన ప్రీ ప్రొడక్షన్ పనులను పూర్తి చేసే పనిలో ఉన్నాడు దర్శకుడు ఎస్ జే సూర్య. నటీనటులు సాంకేతిక నిపుణుల ఎంపిక కూడా పూర్తి కావచ్చింది.
 
 అయితే ఈసినిమా ప్రారంభం అయిన సమయంలో హుషారు అనే వర్కింగ్ టైటిల్ తో సినిమాను చేస్తున్నట్టుగా తెలిపారు. అది ఫైనల్ టైటిల్ కాదని త్వరలోనే టైటిల్ వెల్లడిస్తామన్నారు. తాజాగా ఈ సినిమాకు టైటిల్ ఫిక్స్ చేశారన్న టాక్ వినిపిస్తోంది. చిత్ర నిర్మాత శరత్ మరార్ ఫిలిం ఛాంబర్ లో కడప కింగ్ అనే టైటిల్ ను రిజిస్టర్ చేశారు.
 
 అయితే ఇదే పవన్ సినిమా టైటిల్ అన్న టాక్ వినిపిస్తోంది. సినిమా ఓపెనింగ్ సమయంలో పవన్ ఫ్యాక్షనిస్ట్ లా తెల్ల బట్టల్లో కనిపించటం కూడా ఈ వార్తలకు బలం చేకూరుస్తోంది. నిజంగానే పవన్ సినిమా టైటిల్ కడప కింగా కాదా తెలియాలంటే మాత్రం అఫీషియల్ ఎనౌన్స్ మెంట్ వరకు వెయిట్ చేయాల్సిందే.