టాలీవుడ్‌ నిర్మాత, ఎన్టీఆర్‌ పీఆర్‌ఓ మహేశ్‌ కోనేరు మృతి చెందిన విషయం తెలిసిందే. ఈ రోజు ఉదయం విశాఖపట్నంలోని ఆయన నివాసంలో మహేశ్‌కు ఛాతిలో నొప్పి రావడంతో కుటుంబ సభ్యులు స్లానిక ఆసుపత్రికి తరలించారు. ఈ క్రమంలో చికిత్స పొందుతూ మహేశ్‌ తుదిశ్వాస విడిచారు. ఆయన హఠాన్మరణంతో టాలీవుడ్‌ పరిశ్రమ షాక్‌ గురయ్యింది. మరీ ముఖ్యంగా నందమూరి హీరోలు జూనీయర్‌ ఎన్టీఆర్‌, కల్యాణ రామ్‌లు ఆయన మరణవార్తకు తీవ్ర దిగ్భ్రాంతి వ్యక్తం చేస్తున్నారు. \ చదవండి: టాలీవుడ్‌లో విషాదం: జూ. ఎన్టీఆర్‌ మేనేజర్‌, నిర్మాత మృతి ఇప్పటికే మహేశ్‌ మృతిపై ఎన్టీఆర్‌ స్పందిస్తూ ట్వీట్‌ చేశారు. మహేశ్‌ మృతి జీర్ణించుకోలేకపోతున్నానని, మాటలు రావడం లేదు.. బరువెక్కిన గుండెతో ఈ విషయాన్ని మీతో పంచుకుంటున్నా అంటూ ఎన్టీఆర్‌ ఎమోషన్‌ ఆయ్యారు. తాజాగా ఆయన సోదరుడు, హీరో కల్యాణ్‌ రామ్‌ సైతం సోషల్‌ మీడియా వేదికగా భావోద్వేనికి గురయ్యారు. మహేశ్‌ మృతిపై ఆయన ట్వీట్‌.. అవును ఇది నమ్మలేకని వార్త. షాక్‌కు గురయ్యాను. మా స్నేహితులు, కుటుంబానికి అంత్యంత దగ్గరి వ్యక్తి, వెల్‌ విషర్‌ అయిన మహేశ్‌ కోనేరు ఇక లేరు. ప్రతి విషయంలో ఆయన మాకు వెన్ను దన్నుగా నిలిచారు. చదవండి: నా గుండె బరువెక్కింది, నమ్మలేకపోతున్నా: జూ. ఎన్టీఆర్‌ ఆయన మా కుటుంబానికి వెన్నుముకగా నిలిచారు. ఆయనను కొల్పోవడం వ్యక్తిగతంగా నాకు, సినీ పరిశ్రమకు పెద్ద నష్టం. ఈ క్లిష్ట సమయంలో ఆయన కుటుంబానికి, ఆయన సన్నిహితులు, స్నేహితులు శక్తిని ఇవ్వాలని ఆశిస్తున్నా’ అంటూ రాసుకొచ్చారు. కాగా గత కొంతకాలంగా మహేశ్‌ కోనేరు జూ. ఎన్టీఆర్‌, కల్యాణ్‌ రామ్‌లకు మేనేజర్‌గా వ్యవహరించడమే కాకుండా వారి వ్యక్తిగత విషయాల్లో కూడా చేదోడు వాదోడుగా ఉంటున్నారు. ఈ నేపథ్యంలో ఆయన నందమూరి ఫ్యామిలీకి అంత్యంత సన్నిహితులయ్యారు.  Absolutely shook and in disbelief. A man who is a friend, family and well wisher is no more. Mahesh Koneru garu has been our backbone no matter what. Huge loss to me personally and the whole industry. Strength to his near and dear ones. pic.twitter.com/I8RbQNNRpH — Kalyanram Nandamuri (@NANDAMURIKALYAN) October 12, 2021


 హైదరాబాద్... జూబ్లీహిల్స్ చెక్‌పోస్ట్ దాటి పైకి వెళితే... పూరీ జగన్నాథ్ ఆఫీస్... ‘కేవ్’... వాతావరణం చలి చలిగా ఉంది. ఏసీ గాలులు సన్నగా వీస్తూనే ఉన్నా, ఆ గదిలో వాతావరణం మటుకు వేడెక్కిపోతోంది. టేబుల్‌కు అటు వైపు దర్శక - రచయిత పూరి. ఇటువైపు హీరో కల్యాణ్‌రామ్, అతని తమ్ముడు - యంగ్ టైగర్ చిన్న ఎన్టీయార్. అందరూ ఏదో ట్రాన్స్‌లో ఉన్నట్లున్నారు. సిగరెట్ వెంట సిగరెట్ కాలుస్తూ, పూరి ఉద్విగ్నంగా కథ చెప్పుకుంటూ పోతున్నారు. కల్యాణ్‌రామ్, ఎన్టీయార్ అంతకన్నా ఉద్విగ్నంగా, మంత్రముగ్ధులై వింటున్నారు. నిమిషాలు క్షణాల్లా గడిచిపోయాయి. కథ నేరేషన్ పూర్తయింది. చటుక్కున ఎన్టీయార్ కుర్చీలో నుంచి లేచారు. పూరిని హత్తుకొని, ‘అదిరిపోయింది! ఈ సినిమా మనం చేస్తున్నాం భయ్యా!’ అన్నారు. పెదాల మధ్య సిగరెట్ వెలుగుతున్న పూరి ముఖంలో ఒక చిరునవ్వు వెలిగింది.
 
 కానీ, ఆయన అంతటితో ఆగలేదు... ఇప్పుడిక అన్నయ్య వంతు. వేడి వేడి కాఫీ సిప్ చేస్తూ, కల్యాణ్‌రామ్ కోసం మరో కథ మొదలుపెట్టారు. ఎలా గడుస్తోందో, తెలియకుండానే మరో గంట గడిచిపోయింది. ఊహించని స్క్రిప్ట్‌కు ఉక్కిరిబిక్కిరైన కల్యాణ్‌రామ్ దాదాపు అరిచినంత పని చేశాడు... ‘ఇదీ మనమే చేస్తున్నాం పూరీ సార్!’ ఇద్దరు హీరోలు... ఒక దర్శకుడు... సింగిల్ సిట్టింగ్... రెండు స్క్రిప్ట్‌ల నేరేషన్... రెండు ప్రాజెక్ట్‌లకూ గ్రీన్ సిగ్నల్.
 
 కట్ చేస్తే... కల్యాణ్‌రామ్ సొంత బ్యానర్‌లో కల్యాణ్‌రామ్ - పూరి కాంబినేషన్ సినిమా ఎనౌన్స్ అయింది. ఏప్రిల్ నుంచి పిక్చర్ పట్టాలెక్కనుంది. కొరటాల శివ కాంబినేషన్‌లో చిన్న ఎన్టీయార్ నటిస్తున్న ‘జనతా గ్యారేజ్’ పూర్తి కాగానే, పూరీతో ఎన్టీయార్ సినిమా షురూ అవుతుంది. సో... ఎన్టీయార్ సోదర ద్వయం ఈ ఏడాదంతా బిజీ అన్న మాట! మరి, ఒకేసారి ఇద్దరు హీరోలకు, రెండు స్క్రిప్ట్‌లు చెప్పి, సింగిల్ సిట్టింగ్‌లో ఓకే అనిపించుకున్న పూరీ సంగతి వేరే చెప్పాలా?