కాట్మండ్: నేపాల్ సుప్రీంకోర్టు నూతన ప్రధాన న్యాయమూర్తిగా జస్టిస్ కల్యాణ్ శ్రేష్ఠ బుధవారం ప్రమాణ స్వీకారం చేశారు. అధ్యక్ష భవనంలో కల్యాణ్ శ్రేష్ఠ చేత ఆ దేశాధ్యక్షుడు రామ్ బరన్ యాదవ్ ప్రమాణ స్వీకారం చేయించారు. అనంతరం కల్యాణ్ నూతన ప్రధాన న్యాయమూర్తిగా బాధ్యతలు స్వీకరించారు.
 దేశ అత్యున్నత న్యాయస్థానానికి ప్రధాన న్యాయమూర్తిగా కల్యాణ్ శ్రేష్ఠ పేరును దేశాధ్యక్షుడు రామ్ బరన్ యాదవ్కు కాస్టిట్యూషన్ కౌన్సిల్ నివేదించింది. ఈ నివేదిక ఆధారంగా సుప్రీం కోర్టు ప్రధాన న్యాయమూర్తిగా కల్యాణ్ నియామకానికి రామ్ బరన్ యాదవ్ ఆమోద ముద్ర వేశారు.