శ్రీనగర్‌: కశ్మీర్‌లోని ఆర్మీ స్థావరంపై ఆత్మాహుతి దాడికి కుట్ర పన్నిన ముగ్గురు ఉగ్రవాదులను భద్రతా బలగాలు హతమార్చాయి. కశ్మీర్‌లోని ఆర్మీ బ్రిగేడ్‌ ప్రధానకార్యాలయం ఉన్న ఉడీలోని కల్గాయ్‌లో ఆదివారం ఈ ఎన్‌కౌంటర్‌ జరిగింది. ఉగ్రవాదులు సంచరిస్తున్నారనే సమాచారంతో కల్గాయ్‌ ప్రాంతంలో ఆర్మీ, పోలీసులు తనిఖీలు చేపట్టారు. తనిఖీలు చేస్తున్న సమయంలో ఒక్కసారిగా ఉగ్రవాదులు కాల్పులు జరిపారు. వెంటనే అప్రమత్తమైన భద్రతాబలగాలు జరిపిన కాల్పుల్లో ముగ్గురు ఉగ్రవాదులు చనిపోయారు. ఒక జవాను, ముగ్గురు పౌరులకు గాయాలయ్యాయి. గత ఏడాది సెప్టెంబర్‌ 18న ఉడీ స్థావరంపై జరిపిన దాడి తరహాలోనే ఈసారీ ఆత్మాహుతి దాడికి ప్లాన్‌ చేశారని, ముందస్తు సమాచారం అందటంతో కుట్రను భగ్నంచేశామని డీజీపీ వాయిద్‌ తెలిపారు.


 శ్రీనగర్: కశ్మీర్లో ఆదివారం ఏడుగురు ఉగ్రవాదులు హతమయ్యారు. పూంచ్ పట్టణంలో జంట ఎన్‌కౌంటర్లలో ముగ్గురు ఉగ్రవాదులు, ఒక పోలీసు సహా నలుగురు మరణించారు. మరో ఆరుగురు గాయపడ్డారు. నలుగురు ఉగ్రవాదులు ఒక ఇంట్లోను, నిర్మాణంలో ఉన్న ఉప సచివాలయం దగ్గర్లోని మరో భవనంలోను దాక్కొని ఉండగా ఉదయం 7.30 గంటల సమయంలో ఉగ్రవాదులు, పోలీసుల మధ్య కాల్పులు మొద లయ్యాయి. ముగ్గురు ముష్కరులను భద్రతాదళాలు మట్టుబెట్టాయి. బందీలుగా ఉన్న పౌరులను సురక్షితంగా విడిపించాయి. మరో ఘటనలో నౌగాం సెక్టార్‌లోని నియంత్రణ రేఖ వద్ద చొరబాటుకు యత్నించిన మరో నలుగురు ఉగ్రవాదులను సైనికులు హతమార్చారు