ఇటీవల వరుస బ్లాక్ బస్టర్స్తో బాలీవుడ్లో సత్తా చాటుతున్న కంగనా రనౌత్కు గట్టి షాక్ తగిలింది. క్వీన్, తనువెడ్స్ మను రిటర్న్స్ లాంటి హిట్స్తో జోరు చూపించిన ఈ బ్యూటి, స్టార్ హీరోల మీద కూడా వరుస కామెంట్స్తో నిత్యం వార్తల్లో నిలిచింది. ముఖ్యంగా తను స్టార్ హీరోల సరసన నటించనంటూ తనకే ఓ సూపర్ స్టార్కు ఉన్న ఫాలోయింగ్ ఉందంటూ చేసిన కామెంట్లు సినీ వర్గాలతో పాటు అభిమానులకు కూడా కోపం తెప్పించాయి.
 
 తన సినిమాలు వంద కోట్ల వసూళ్లు సాధించడం రివాజుగా మారిందన్న కంగనా, తాజా సినిమా కట్టి బట్టితో షాక్ అయ్యింది. నిఖిల్ అద్వాని దర్శకత్వంలో ఇమ్రాన్ ఖాన్ హీరోగా తెరకెక్కిన ఈ రొమాంటిక్ కామెడీ ఎంటర్టైనర్ డిజాస్టర్ టాక్ తెచ్చుకోవటంతో మినిమమ్ కలెక్షన్లు కూడా వసూళు చేసే పరిస్థితి కనిపించటం లేదు. కంగన తప్ప ఆడియన్స్ను థియేటర్ల వరకు రప్పించే అంశాలేవి లేకపోవటంతో ఓపెనింగ్స్ విషయంలో కూడా కట్టిబట్టి తీవ్రంగా నిరాశపరిచింది.
 
 కట్టిబట్టి మినిమమ్ బడ్జెట్తోనే రూపొందినా ఆ వసూళ్లు కూడా కష్టంగానే కనిపిస్తున్నాయి. అదే స్టార్ హీరో సినిమా అయి ఉంటే టాక్ ఎలా ఉన్న తొలిరోజు కలెక్షన్లతో నిర్మాత సేఫ్ అయ్యేవాడన్న టాక్ వినిపిస్తుంది. దీంతో కంగనాకు స్టార్ హీరోలసినిమాకు ఉన్న అడ్వాంటేజ్ ఏంటో ఇప్పటికైన అర్థమవుతుందంటున్నారు బాలీవుడ్ జనాలు.


 ఆగస్ట్లో బ్రదర్స్, మాంఝీ - ద మౌంటెయిన్ మేన్, ఫాంటమ్ లాంటి బిగ్ రిలీజ్ లతో అలరించిన బాలీవుడ్ ఇండస్ట్రీ ఈ నెలలో మరిన్ని భారీ రిలీజ్లతో ఆకట్టుకోనుంది. స్టార్ హీరోలు నటించిన కామెడీ ఎంటర్టైనర్ లతో పాటు రీమేక్లు రియలిస్టిక్ సినిమాలు కూడా ఈ నెలలో అలరించనున్నాయి.
 
 సెప్టెంబర్ నెలలో బాలీవుడ్ ఖాతా తెరుస్తున్న తొలి సినిమా జాన్ అబ్రహం ప్రదాన పాత్రలో నటించిన 'వెల్ కం బ్యాక్'. అక్షయ్ కుమార్ సూపర్ హిట్ మూవీ 'వెల్ కం' కు సీక్వల్ గా తెరకెక్కిన ఈ సినిమాకు అనీజ్ బజ్మీ దర్శకుడు. అనీల్ కపూర్, నానాపటేకర్, పరేష్ రావల్ నటిస్తున్న ఈ సినిమాలో శృతి హాసన్ మరో ఇంపార్టెంట్ రోల్లో కనిపిస్తోంది. ఈ సినిమా సెప్టెంబర్ 4న ప్రపంచ వ్యాప్తంగా గ్రాండ్గా రిలీజ్ అవుతోంది.
 
 ఈ సినిమా తరువాత రిలీజ్కు రెడీ అవుతున్న మరో బాలీవుడ్ ఎంటర్టైనర్ 'హీరో'.. సల్మాన్ హోం ప్రొడక్షన్ నుంచి వస్తున్న ఈ సినిమాతో సూరజ్ పచౌలి, అథియా శెట్టి లు వెండితెరకు పరిచయం అవుతున్నారు. ఇప్పటికే ఈ సినిమా ట్రైలర్ తో పాటు ఆడియోకు కూడా మంచి రెస్పాన్స్ రావటంతో సినిమా కూడా మంచి సక్సెస్ అవుతుందని హీరో టీం నమ్మకంగా ఉన్నారు.
 
 'తను వెడ్స్ మను రిటర్న్స్'  సక్సెస్ తరువాత కంగన ప్రధాన పాత్రలో నటించిన 'కట్టిబట్టి', రియలిస్టిక్ సినిమాల స్పెషలిస్ట్ మధుర్ బండార్కర్ డైరెక్ట్ చేసిన 'క్యాలెండర్ గర్ల్స్' సినిమాలు కూడా ఈ నెలలోనే ప్రేక్షకుల ముందుకురానున్నాయి. వీటితో పాటు బుల్లితెర కింగ్ కపిల్ శర్మ హీరోగా నటించిన 'కిస్ కిస్ కో ప్యార్ కరూ', వివాదాస్పద చిత్రం 'మెసెంజర్ ఆఫ్ గాడ్' కు సీక్వల్ గా రూపొందిన 'మెసెంజర్ ఆఫ్ గాడ్ 2'  సినిమాలు కూడా ఈ నెలలోనే రిలీజ్ అవుతున్నాయి.


 వరుస బ్లాక్ బస్టర్స్తో బాలీవుడ్ స్టార్ హీరోలను కూడా భయపెడుతున్న కంగనా రనౌత్ తన తదుపరి సినిమా 'కట్టి బట్టి' ప్రమోషన్లో స్పీడు పెంచింది.  పబ్లిక్ ఈవెంట్స్లో పార్టిసిపేట్ చేస్తూ అభిమానులను అట్రాక్ట్ చేసే పనిలో పడింది. సహ నటుడు ఇమ్రాన్ ఖాన్తో కలిసి సినిమాను భారీగా ప్రమోట్ చేస్తుంది.
 
 ఈ సందర్భంగా తన పర్సనల్ లైఫ్ గురించి కూడా ఫ్యాన్స్ తో షేర్ చేసుకుంది ఈ బాక్సాఫీస్ క్వీన్. తన జీవితంలో ఇంత వరకు ట్రూ లవ్ అనేది పొందలేదన్న కంగనా, సినిమా విషయంలో మాత్రం ఆ ఫీలింగ్ పర్ఫెక్ట్ గా ఉందని తెలిపింది. రొమాంటిక్ థ్రిల్లర్గా తెరకెక్కిన ఈ సినిమాలో అన్ని రకాల కమర్షియల్ ఎలిమెంట్స్ పుష్కలంగా ఉంటాయంటుంది. ముఖ్యంగా లవ్, రొమాంటిక్ సీన్స్... సినిమాకు చాలా ప్లస్ అవుతాయని ధీమాగా ఉంది.
 
 ప్రస్తుతం వస్తున్న న్యూస్, ప్రొమోస్ కి మించి సినిమాలో చాలా సర్పైజింగ్ ఎలిమెంట్స్ కూడా ఉంటాయంటూ అభిమానుల అంచనాలను మరింతగా పెంచేస్తుంది. నిఖిల్ అద్వాని దర్శకత్వంలో తెరకెక్కుతున్న 'కట్టి బట్టి' సినిమాలో పాయల్ అనే ఓ మిడిల్ క్లాస్ అమ్మాయిగా కనిపిస్తుంది కంగనా. జీవితాన్ని పక్కాగా ప్లాన్ చేసుకున్న ఓ అమ్మాయి ఒక్కసారిగా పరిస్థితులు తారు మారు కావటంతో ఎలాంటి పరిస్థితులను ఫేస్ చేసింది అన్నదే సినిమా కథ.
 
 ఇప్పటికే రెండుసార్లు నేషనల్ అవార్డ్ అందుకున్న ఈ బోల్డ్ బ్యూటీ  'కట్టి బట్టి'తో మరోసారి అదే ఫీట్ రిపీట్ చేయాలని ప్లాన్ చేస్తుంది. అంతేకాదు ఈ సినిమాలో కంగనతో స్క్రీన్ పంచుకున్న ఇమ్రాన్ ఖాన్ కూడా  ఆమె పర్ఫెమెన్స్ను ఆకాశానికి ఎత్తేస్తున్నాడు. దీంతో మరోసారి కంగన వందకోట్ల క్లబ్లో చేరటం ఖాయం అంటున్నారు బాలీవుడ్ మూవీ లవర్స్.


 న్యూఢిల్లీ: ప్రముఖ బాలీవుడ్ నటులు ఇమ్రాన్ ఖాన్, కంగనా రనౌత్ ప్రారంభంలో పెద్దగా మాట్లాడుకోకపోయినా వారు వేసుకున్న టాటూలు మాత్రం మాట్లాడించేవట. వారిద్దరు నటీ నటులుగా 'కట్టి బట్టి' అనే చిత్రంలో నటిస్తున్న విషయం తెలిసిందే. అయితే, ఈ చిత్ర షూటింగ్కు ఎవరి బిజీలో వారొచ్చినప్పటికీ ఒకరికొకరు ఎదురుపడగానే ఒక్కసారిగా ఆగిపోయి ఒకరి కళ్లల్లోకి ఒకరు చూసుకుంటూ అవాక్కయ్యేవారట.
 
 ఆ వెంటనే తేరుకుని వారి ఒంటిపై ఉన్న టాటూల గురించి నాన్ స్టాప్గా మాట్లాడుకునే వారంట. కంగనా మాత్రం తన టాటూలను(బిజ్లీ టాటూతో సహా) ఎలాంటి మొహమాటం లేకుండా చూపిస్తుంటే ఇమ్రాన్ మాత్రం తన టాటూలను కొంచెం సిగ్గుతో దాచుకునేందుకు ప్రయత్నించేవాడట. ఇక వీరిద్దరికి టాటూలు వేసేందుకు మేకప్ బాయ్కు చెరొక గంట సమయం పట్టేదంట. ఇంతకీ ఈ టాటూలు ఎందుకనుకుంటున్నారు? కట్టి బట్టి సినిమా కోసమే.


 న్యూఢిల్లీ: ప్రముఖ హాలీవుడ్ నటి కంగనా రనౌత్ కెమెరా పట్టింది. తాను నటిస్తున్న చిత్రంలోని ఏడు నిమిషాల నిడివి భాగాన్ని స్వయంగా దర్శకత్వం వహించి చిత్రీకరించింది. ఇమ్రాన్ ఖాన్ సరసన నిఖిల్ అద్వానీ దర్శకత్వంలో 'కట్టి భట్టి' అనే చిత్రంలో నటిస్తున్నారు. ఇందులో ఓ సీన్ కోసం ఆమె సినిమాటోగ్రాఫర్ తుషార్ ఆశీర్వాదం తీసుకొని, ఆయనకు ఒక రూపాయి చెల్లించి కెమెరా అందుకున్నారు.
 
 ఏడు నిమిషాలపాటు తీసిన ఈ సన్నివేశం ఒకే టేక్లో ఆమె పూర్తి చేసి అబ్బుర పరిచింది. ఈ సందర్భంగా ఆమె మాట్లాడుతూ దర్శకులు నటుల సామర్థ్యం మీద నమ్మకంతో పని అప్పగించాలే కానీ వారి కోసం ఏమైనా చేయొచ్చని చెప్పింది. అలా తన సామర్థ్యంపై విశ్వాసం ఉన్న దర్శకుడు నిఖిల్ అని అందుకే తనకు ఈ అవకాశం ఇచ్చాడని వివరించింది.