న్యూఢిల్లీ: నక్సల్‌ ప్రభావిత ప్రాంతాల్లో పోలీసులు, ఇతరుల మరణాలకు కారణమవు తున్న మందుపాతరలు, ఆధునాతన పేలుడు పరికరాలను గుర్తించేందుకుగాను త్వరలోనే ‘రోబో పోలీసు’లను ప్రవేశపెట్టేందుకు సీఆర్‌పీఎఫ్‌ సిద్ధమవుతోంది.
 ఈ రోబో పోలీసు పరికరం మట్టిరోడ్లు, ఇతర ప్రాంతాల్లో దాచి ఉంచిన బాంబులను గుర్తించడంతోపాటు నిర్వీర్యం చేస్తుందని సీఆర్‌పీఎఫ్‌ డీజీ కె.దుర్గా ప్రసాద్‌ సోమవారం వెల్లడించారు. మందుపాతరలపై కాలుపెట్టినా రక్షణ కల్పించే కొత్త రకం బూట్లను హైదరాబాద్‌లోని ఓ సంస్థ సహాయంతో తయారు చేస్తున్నామన్నారు.