ఛత్తీస్గఢ్లోని సూరజ్పూర్ జిల్లాలో ఓ ఎలుగుబంటి ఫారెస్టు గార్డును చంపేసింది. దీనికి సంబంధించిన వీడియో కూడా రికార్డయింది. ఈ దారుణ ఘటన డిసెంబర్ 21వ తేదీన జరిగింది. దాన్ని ఎవరో ఒక వ్యక్తి తన మొబైల్ ఫోన్లో రికార్డు చేశారు. సూరజ్పూర్ జిల్లాలోని ఓ గ్రామంలోకి ప్రవేశించిన ఆడ ఎలుగుబంటి.. ముందుగా ఓ స్థానికుడిని చంపేసింది.
 
 అటవీ సిబ్బంది దాన్ని అడవిలోకి తరిమేయాలని ప్రయత్నించారు. అయితే, ఆ బృందంలో ఉన్న ఓ ఫారెస్టు గార్డు మీద ఆ ఎలుగుబంటి దాడి చేసింది. ఆ దాడిలో తీవ్రంగా గాయపడిన గార్డు మరణించాడు. ఆ తర్వాత ఎలుగుబంటిని అటవీశాఖ సిబ్బంది, స్థానిక పోలీసులు కలిసి మళ్లీ అడవిలోకి తరిమేశారు.