ఇండియన్‌ ప్రీమియర్‌ లీగ్‌ (IPL) ఆరంభానికి ముందు లక్నో సూపర్‌ జెయింట్స్‌ తీవ్ర స్థాయిలో విమర్శలు మూటగట్టుకుంటోంది. ఇంతకంటే చెత్త ఫ్రాంఛైజీ ఇంకొకటి ఉండదంటూ క్రికెట్‌ ప్రేమికులు సోషల్‌ మీడియా వేదికగా ఆగ్రహం వ్యక్తం చేస్తున్నారు. డబ్బులు పెట్టి కొనుకున్నాం కాబట్టి.. ఆటగాళ్ల భావోద్వేగాలతో ఆడుకోవచ్చనే సంస్కృతికి వీడ్కోలు పలకాలని హితవు పలుకుతున్నారు.భారీ ధరకు కొనుగోలుఅసలేం జరిగిందంటే.. ఐపీఎల్‌ మెగా వేలం-2025లో లక్నో యాజమాన్యం సౌతాఫ్రికా హార్డ్‌ హిట్టర్‌ డేవిడ్‌ మిల్లర్‌ (David Miller)ను సొంతం చేసుకున్న విషయం తెలిసిందే. గతేడాది గుజరాత్‌ టైటాన్స్‌కు ఆడిన ఈ విధ్వంసకర వీరుడు ఆక్షన్‌లోకి రాగా.. రూ. 7.5 కోట్లకు లక్నో కొనుగోలు చేసింది.ఇక మార్చి 22న ఐపీఎల్‌ తాజా ఎడిషన్‌ ఆరంభం కానుండగా.. మార్చి 24న లక్నో తమ తొలి మ్యాచ్‌ ఆడనుంది. విశాఖపట్నం వేదికగా ఢిల్లీ క్యాపిటల్స్‌తో తలపడనుంది. ఈ నేపథ్యంలో ఇప్పటికే ఇరుజట్లు విశాఖకు చేరుకున్నాయి. ఇదిలా ఉంటే.. లక్నో ఫ్రాంఛైజీ డేవిడ్‌ మిల్లర్‌తో ఓ ఇంటర్వ్యూయర్‌ జరిపిన సంభాషణకు సంబంధించిన వీడియోను విడుదల చేసింది. ఇందులో ఓ వ్యక్తి.. మీ కెరీర్‌లో బిగ్గర్‌ హార్ట్‌బ్రేక్‌ ఏది? అంటూ మిల్లర్‌ను ప్రశ్నించాడు. బిగ్గర్‌ హార్ట్‌బ్రేక్‌ ఏది? నవ్వుతూ ప్రశ్నలుఇందులో.. ‘‘గుజరాత్‌ టైటాన్స్‌ తరఫున 2023 ఫైనల్లో ఓటమి.. 2014లో పంజాబ్‌ కింగ్స్‌ ఫైనల్‌ ఓటమి.. లేదంటే.. వరల్డ్‌కప్‌-2019, 2021లలో సౌతాఫ్రికా గ్రూప్‌ దశలోనే నిష్క్రమించడం.. లేదా టీ20 వరల్డ్‌కప్‌-2024 ఫైనల్లో ఓటమి.. అదీ కాదంటే వన్డే వరల్డ్‌కప్‌-2023 సెమీస్‌లో ఓటమి.. లేదంటే.. చాంపియన్స్‌ ట్రోఫీ-2025లో న్యూజిలాండ్‌ చేతిలో ఓటమి.. వీటిల్లో మీ హృదయాన్ని ముక్కలు చేసిన సంఘటన ఏది?’’ అంటూ బోలెడన్ని ఆప్షన్లు కూడా ఇచ్చాడు.అంతేకాదు.. సదరు వ్యక్తి నవ్వుతూ ఈ ప్రశ్నలు అడగటం గమనార్హం. ఇందుకు మిల్లర్‌ బాధగా, దిగాలుగా ముఖం పెట్టుకుని సమాధానాలు ఇచ్చాడు. అయితే, ఇంటర్వ్యూయర్‌ మాత్రం నవ్వుతూనే ఉన్నాడు. ఇందుకు సంబంధించిన వీడియోను సోషల్‌ మీడియాలో పోస్ట్‌ చేసిన లక్నో.. ‘ఇకపై మిల్లర్‌కు ఇలాంటి బాధలు ఉండవు’ అంటూ తాము ఈసారి టైటిల్‌ గెలవబోతున్నట్లు క్యాప్షన్‌ ఇచ్చింది.ఇంతకంటే చెత్త ఫ్రాంఛైజీ మరొకటి లేదుమిలియన్‌కు పైగా వ్యూస్‌ సాధించిన ఈ వీడియోపై నెటిజన్లు మండిపడుతున్నారు. ‘‘ఇది వినోదం కాదు.. ఓ ఆటగాడిని మానసికంగా వేధించడం లాంటిది. ఓటములను గుర్తుచేస్తూ అతడి మనసును మరింత బాధపెట్టడం సరికాదు. వీడియోలు సృజనాత్మకంగా ఉండాలి గానీ.. ఇలా ఆటగాడి మనసును నొప్పించేలా ఉండకూడదు.డబ్బులు పెట్టి కొన్నారు కాబట్టి ఆటగాళ్లంతా తాము చెప్పినట్లు నడచుకోవాలనే లక్నో యాజమాన్యం అహంభావ వైఖరికి ఇది నిదర్శనం. గత సీజన్లో కేఎల్‌ రాహుల్‌ను అవమానించిన తీరును మేము ఇప్పటికీ మర్చిపోలేకపోతున్నాం. ఐపీఎల్‌లో ఇంతకంటే చెత్త ఫ్రాంఛైజీ మరొకటి లేదు’’ అంటూ తీవ్ర స్థాయిలో ట్రోల్‌ చేస్తున్నారు.రాహుల్‌ పట్ల అదే తీరుకాగా గతేడాది సన్‌రైజర్స్‌ హైదరాబాద్‌ చేతిలో ఓటమి తర్వాత లక్నో జట్టు యజమాని సంజీవ్‌ గోయెంకా.. అప్పటి తమ కెప్టెన్‌ కేఎల్‌ రాహుల్‌పై మైదానంలోనే అరిచేశాడు. అందుకు సంబంధించిన దృశ్యాలు విస్తృతంగా వైరల్‌ కాగా.. గోయెంకాపై తీవ్ర స్థాయిలో విమర్శలు వచ్చిన విషయం తెలిసిందే.ఇక ఈ పరిణామాల నేపథ్యంలో కేఎల్‌ రాహుల్‌ లక్నోను వీడి వేలంలోకి రాగా.. ఢిల్లీ క్యాపిటల్స్‌ కొనుగోలు చేసింది. మరోవైపు.. మరో టీమిండియా స్టార్‌ రిషభ్‌ పంత్‌ను రికార్డు స్థాయిలో రూ. 27 కోట్లకు కొన్న లక్నో.. కెప్టెన్‌గా అతడికి పగ్గాలు అప్పగించింది. చదవండి: నమ్మశక్యం కాని ఇన్నింగ్స్‌.. అతడి బ్యాటింగ్‌ అద్భుతం: కివీస్‌ కెప్టెన్‌Manifesting zero heartbreaks for Miller bhai this season 🤞 pic.twitter.com/4zd5FbtblW— Lucknow Super Giants (@LucknowIPL) March 20, 2025

విశాఖ స్పోర్ట్స్‌: ప్రస్తుత ఐపీఎల్‌ సీజన్‌లో తమ తొలి మ్యాచ్‌ ఆడేందుకు లక్నో సూపర్‌ జెయింట్స్‌(ఎల్‌ఎస్‌జీ) జట్టు విశాఖపట్నం చేరుకుంది. శుక్రవారం ప్రత్యేక విమానంలో లక్నో నుంచి జట్టు విశాఖకు వచ్చింది. వైఎస్సార్‌ ఏసీఏ–వీడీసీఏ స్టేడియంలో ఈ నెల 24వ తేదీ రాత్రి 7.30 గంటలకు ఎల్‌ఎస్‌జీ, ఢిల్లీ క్యాపిటల్స్‌తో తలపడనుంది. గత సీజన్‌లో ఢిల్లీ క్యాపిటల్స్‌కు కెప్టెన్‌గా వ్యవహరించిన రిషబ్‌ పంత్‌ విశాఖ స్టేడియంలో రెండు మ్యాచ్‌లు ఆడాడు. ఈసారి ఎల్‌ఎస్‌జీ జట్టు కు రిషబ్‌ పంత్‌ కెప్టెన్‌గా వ్యవహరిస్తున్నాడు. తమ తొలి మ్యాచ్‌లో విజయం సాధించాలని ఇరు జట్లు ఉవ్విళ్లూరుతున్నాయి. ఇప్పటికే ఢిల్లీ క్యాపిటల్స్‌ ప్రాక్టీస్‌ ప్రారంభించగా, ఎల్‌ఎస్‌జీ జట్టు శనివారం ప్రాక్టీస్‌ చేయనుంది. ఎల్‌ఎస్‌జీ జట్టుకు మెంటర్‌గా జహీర్‌ ఖాన్‌, హెడ్‌ కోచ్‌గా లాంగర్‌, సహాయ కోచ్‌లుగా జాంటీ రోడ్స్‌, ప్రవీణ్‌ తంబే, లాన్స్‌ క్లుసెనర్‌ వంటి వారు ఉన్నారు. జట్టులో వికెట్‌ కీపర్లుగా ఆర్యన్‌, నికోలస్‌ అందుబాటులో ఉన్నారు. ఆల్‌రౌండర్లుగా మార్క్రమ్‌, మార్ష్‌, షాబాజ్‌ ఉండగా, బ్యాటింగ్‌లో ఆయుష్‌, డేవిడ్‌ మిల్లర్‌, సమద్‌ తమ సత్తా చాటేందుకు సిద్ధంగా ఉన్నారు. బౌలింగ్‌లో రవి బిష్ణోయ్‌, ఆవేష్‌, ఆకాష్‌తో పాటు ఇంపాక్ట్‌ ప్లేయర్‌గా సిద్ధార్థ్‌ లేదా అర్షిన్‌ ఆడే అవకాశం ఉంది. అయితే మయాంక్‌, మోషిన్‌, ఆవేష్‌ గాయా ల కారణంగా జట్టుకు అందుబాటులో ఉండటంపై సందేహాలు ఉన్నాయి. ప్రాక్టీస్‌ సెషన్‌ తర్వాత బౌలింగ్‌ విభాగంపై స్పష్టత వచ్చే అవకాశం ఉంది. ప్రస్తుతం ఇరు జట్లు గ్రూప్‌–2లో ఉన్నాయి. గత సీజన్‌లో ఇరు జట్లు కూడా లీగ్‌ దశలోనే నిష్క్రమించాయి.రాహుల్‌ రానట్టేనా?కాగా.. ఢిల్లీ క్యాపిటల్స్‌ స్టార్‌ ఆటగాడు కె.ఎల్‌.రాహుల్‌ ఇంకా విశాఖ చేరుకోలేదు. దీంతో ఆయన విశాఖలో జరిగే రెండు మ్యాచ్‌లకు అందుబాటులో ఉండటం అనుమానమే.! దీంతో ఎల్‌ఎస్‌జీతో జరిగే తొలి మ్యాచ్‌లో ఢిల్లీ తరపున ఫెరీరా వికెట్‌ కీపర్‌గా బరిలోకి దిగే అవకాశం ఉంది. గత సీజన్‌లో రాహుల్‌ లక్నో జట్టుకు కెప్టెన్‌గా ఉన్నాడు.

ఇండియన్ ప్రీమియర్ లీగ్‌ (IPL)లో ఒక్కసారి కూడా టైటిల్ సాధించలేకపోయిన అతి కొద్ది జట్లలో ఢిల్లీ క్యాపిటల్స్ (Delhi Capitals) ఒకటి. గత సీజన్లో వరుసగా పరాజయ పరంపరతో ప్రారంభించి మొదటి అయిదు మ్యాచ్ లలో నాలుగింటిలో ఓటమి చవిచూసి.. చివరికి ఆరో స్థానంతో ముగించింది ఢిల్లీ. అయితే, ఈసారి జట్టు స్వరూపాన్నే మార్చేసింది. గత సీజన్ కెప్టెన్ భారత్ జట్టు వికెట్ కీపర్ బ్యాటర్‌ రిషబ్ పంత్ (Rishabh Pant)ను రికార్డు స్థాయిలో రూ 27 కోట్లకు లక్నో సూపర్ జెయింట్స్‌ కనుగోలు చేసిన తర్వాత కొత్త వ్యూహానికి తెరతీసింది.అనుభవజ్ఞుడైన భారత్ వికెట్ కీపర్ బ్యాటర్ కెఎల్ రాహుల్‌ (KL Rahul), దక్షిణాఫ్రికా వెటరన్ ఆటగాడు ఫాఫ్ డు ప్లెసిస్ వంటి సీనియర్లను కొనుగోలు చేసింది. కానీ గతంలో పంజాబ్ కింగ్స్, లక్నో సూపర్ జెయింట్స్‌కి కెప్టెన్ గా వ్యవహరించిన కెఎల్ రాహుల్‌ ఢిల్లీ పగ్గాలు చేపట్టేందుకు అంత ఆసక్తి చూపించకపోవడంతో ఇటీవల ఛాంపియన్స్ ట్రోఫీ లో రాణించిన మరో యువ ఆల్ రౌండర్ అక్షర్ పటేల్ కి నాయకత్వ బాధ్యతలు అప్పగించారు.ఢిల్లీ క్యాపిటల్స్‌ మేనేజ్‌మెంట్‌లోనూ మార్పులుఢిల్లీ బ్యాక్‌రూమ్ సిబ్బందిలో కూడా మార్పులు చేశారు. ఆస్ట్రేలియా మాజీ కెప్టెన్ రికీ పాంటింగ్ స్థానంలో భారత్ మాజీ ఆల్ రౌండర్ హేమాంగ్ బదానీని ప్రధాన కోచ్‌గా నియమించారు. భారత మాజీ బ్యాటర్ విశాఖపట్నంకి చెందిన వై వేణుగోపాలరావు కొత్త క్రికెట్ డైరెక్టర్‌గా బాధ్యతలు చేపట్టాడు. ఇంగ్లండ్‌ మాజీ ఆటగాడు కెవిన్ పీటర్సన్‌ను మెంటార్‌గా, మాథ్యూ మోట్‌ను అసిస్టెంట్ కోచ్‌గా, మునాఫ్ పటేల్‌ను బౌలింగ్ కోచ్‌గా నియమించారు.సీనియర్లకు మళ్ళీ జట్టులో చోటుఅయితే ఢిల్లీ జట్టులో చాలా మంది గత సీజన్ ఆటగాళ్లు మళ్లీ జట్టు లో కొనసాగుతున్నారు. గత సీజన్ లో ప్రాతినిధ్యం వహించిన అక్షర్ పటేల్ , కుల్దీప్ యాదవ్, ట్రిస్టన్ స్టబ్స్, అభిషేక్ పోరెల్‌లను రెటైన్ చేసారు. వేలంలో ఆస్ట్రేలియా బ్యాటర్‌ జేక్ ఫ్రేజర్-మెక్‌గుర్క్‌ను తిరిగి కొనుగోలు చేశారు. పేసర్ ముఖేష్ కుమార్ కూడా గత సీజన్ లో ఢిల్లీ తరపున ఆడాడు. దేశవాళీ క్రికెట్ లో అద్భుతంగా రాణించిన కరుణ్ నాయర్ కూడా గతంలో ఈ ఫ్రాంచైజీ తరపున ఆడారు.గత సీజన్‌లో తమ ఫాస్ట్ బౌలింగ్ యూనిట్‌తో ఢిల్లీ సమస్యలను ఎదుర్కొంది. ఈ కారణంగా బౌలింగ్ విభాగాన్ని బలోపేతం చేశారు. ఆస్ట్రేలియా కి చెందిన సీనియర్ పేస్ బౌలర్ మిచెల్ స్టార్క్ (రూ 11.75 కోట్లు), టి నటరాజన్ (రూ 10.75 కోట్లు), ముఖేష్ కుమార్ (రూ 8 కోట్లు) , మోహిత్ శర్మ (రూ 2.20 కోట్లు)లను తీసుకువచ్చారు. ఇక స్పిన్ విభాగం లో కుల్దీప్ మరియు అక్షర్ పటేల్ ఉన్నారు.ఇంగ్లండ్‌ ఆటగాడు హ్యారీ బ్రూక్ జట్టు నుంచి తప్పుకోవడం ఢిల్లీ క్యాపిటల్స్ ని కొంత దెబ్బతీసింది. అయితే ఢిల్లీ కొత్త జట్టు కొత్త కెప్టెన్, కొత్త వ్యూహం తో ఈసారి రంగ ప్రవేశం చేస్తోంది. అక్షర్ పటేల్ నేతృత్వంలోని ఢిల్లీ క్యాపిటల్స్ మార్చి 24 (సోమవారం)న విశాఖపట్నంలోని డాక్టర్ వైఎస్ రాజశేఖర రెడ్డి ఏసీఏ-విడిసిఏ క్రికెట్ స్టేడియంలో రిషబ్ పంత్ నాయకత్వంలోని లక్నో సూపర్ జెయింట్స్‌తో జరిగే మ్యాచ్ తో తమ ఐపీఎల్ 2025 సీజన్ని ప్రారంభిస్తుంది. విశాఖపట్నం ని తన రెండో హోమ్ గ్రౌండ్ గా ఎంచుకున్న ఢిల్లీ తన మొదటి రెండు హోమ్ మ్యాచ్‌లను ఇక్కడే ఆడుతుంది.ఢిల్లీ క్యాపిటల్స్ జట్టు లో ప్రధాన ఆటగాళ్ళుజేక్ ఫ్రేజర్-మెక్‌గుర్క్ఆస్ట్రేలియా కి చెందిన జేక్ ఫ్రేజర్-మెక్‌గుర్క్ 2023 నుండి టీ20లలో పవర్‌ప్లేలో అత్యధిక స్ట్రైక్ రేట్‌ (168.04) ఉన్న బ్యాటర్లలో ట్రావిస్ హెడ్ (184.8), అభిషేక్ శర్మ (181.47) ల తర్వాత మూడో స్థానం లో ఉన్నాడు. 21 ఏళ్ల ఈ యువ బ్యాటర్‌ 2024లో ఢిల్లీ క్యాపిటల్స్ తరపున 234.04 స్ట్రైక్ రేట్‌తో 330 పరుగులు సాధించాడు. ఈ కారణంగా ఢిల్లీ క్యాపిటల్స్ మరోసారి అతడిని కొనుగోలు చేసింది.కెఎల్ రాహుల్మాజీ లక్నౌ కెప్టెన్ కెఎల్ రాహుల్ ఇటీవల ఛాంపియన్ ట్రోఫీ లో తన అసాధారణ ప్రతిభతో భారత్ జట్టుకి విజయాలు చేకూర్చి ప్రశంసలు అందుకున్నాడు. ఈ సీజన్‌లో రాహుల్ ఢిల్లీ క్యాపిటల్స్ తరపున ఓపెనింగ్ చేయనున్నాడు. ఐపీఎల్ లో బాగా నిలకడ రాణిస్తున్న బ్యాటర్లలో ఒకడిగా పేరు పొందిన రాహుల్ 132 మ్యాచ్‌లు ఆడి 135 స్ట్రైక్ రేట్‌తో 37 అర్ధ సెంచరీలు, నాలుగు సెంచరీలతో 4,683 పరుగులు సాధించాడు.ఫాఫ్ డు ప్లెసిస్అపార అనుభవం ఉన్న ఈ దక్షిణాఫ్రికా వెటరన్ ఆటగాడు ఈ సీజన్ లో ఓపెనర్ గాను, ఢిల్లీ క్యాపిటల్స్‌కు వైస్ కెప్టెన్‌గా వ్యవహరిస్తాడు. ఫాఫ్ 145 ఐపీఎల్ మ్యాచ్‌లలో ఆడాడు. 140 స్ట్రైక్ రేట్‌తో 37 అర్ధ సెంచరీ లతో 4571 పరుగులు చేశాడు.కరుణ్ నాయర్దేశవాళీ క్రికెట్ లో సెంచరీలతో రికార్డుల మోత మోగించిన కరుణ్ నాయర్ మళ్ళీ ఐపీఎల్ లో ఢిల్లీ తరపున రంగ ప్రవేశం చేయడానికి సిద్ధంగా ఉన్నాడు. విదర్భ రంజీ ట్రోఫీ విజయంలో కరుణ్ నాయర్ కీలక పాత్ర పోషించాడు. ఫైనల్స్‌లో 120 , 80 పరుగులు చేశాడు. విజయ్ హజారే ట్రోఫీలో కరుణ్ నాయర్ ఎనిమిది మ్యాచ్‌ల్లో 700 కంటే ఎక్కువ పరుగులు సాధించాడు. 76 ఐపీఎల్ మ్యాచ్‌లతో, దాదాపు 130 స్ట్రైక్ రేట్‌తో 10 అర్ధ సెంచరీలతో 1,496 పరుగులు చేశాడు. మిడిల్ ఆర్డర్‌లో అతని స్థిరత్వం ఢిల్లీ కి కీలకం.అక్షర్ పటేల్కొత్త కెప్టెన్ గా బాధ్యతలు చేపట్టిన అక్షర్ పటేల్ తన జట్టును ఫైనల్స్‌కు తీసుకెళ్లాలని పట్టుదలతో ఉన్నాడు. ఇటీవల ఛాంపియన్స్ ట్రోఫీ లో భారత్ తరపున బ్యాటింగ్ లోనూ, బౌలింగ్ లోనూ రాణించిన అక్షర్ పటేల్ కి కెప్టెన్ గా పెద్ద అనుభవం లేదు. అయితే తన నైపుణ్యంతో రాణించగల సామర్థ్యముంది. అక్షర్ ఇంతవరకు 150 ఐపీఎల్ మ్యాచ్‌లలో, 130 స్ట్రైక్ రేట్‌తో మూడు అర్ధ సెంచరీలతో 1,653 పరుగులు చేశాడు. 8 కంటే తక్కువ ఎకానమీతో 123 వికెట్లతో సాధించిన అక్షర్ జట్టుకు సరైన సమతుల్యతను ఇస్తాడనడంలో సందేహం లేదు.ఢిల్లీ క్యాపిటల్స్ జట్టుకెఎల్ రాహుల్, జేక్ ఫ్రేజర్-మెక్‌గుర్క్, కరుణ్ నాయర్, అభిషేక్ పోరెల్, ట్రిస్టియన్ స్టబ్స్, అక్షర్ పటేల్, కుల్దీప్ యాదవ్, టి నటరాజన్, మిచెల్ స్టార్క్, సమీర్ రిజ్వీ, అశుతోష్ శర్మ, మోహిత్ శర్మ, ఫాఫ్ డుప్లెసిస్, ముఖేష్ కుమార్, దర్శన్ నల్కాండే, విప్ రాజ్ నిగమ్, దుష్మంత చమీరా, డోనోవన్ ఫెరీరా, అజయ్ మండల్, మన్వంత్ కుమార్, త్రిపురాన విజయ్, మాధవ్ తివారీ.

జట్టు ప్రయోజనాల కోసం​ కేఎల్‌ రాహుల్‌ మరోసారి తన బ్యాటింగ్‌ స్థానాన్ని మార్చుకోనున్నాడు. అంతర్జాతీయ క్రికెట్‌లో ఓపెనర్‌గా, మూడో నంబర్‌ ఆటగాడిగా, 4, 5, 6 స్థానాల్లో బ్యాటింగ్‌ చేసిన రాహుల్‌.. ఐపీఎల్‌-2025లో తన కొత్త జట్టు ఢిల్లీ క్యాపిటల్స్‌ కోసం​ నాలుగో స్థానంలో బ్యాటింగ్‌కు రానున్నాడు. ఐపీఎల్‌లో ఓపెనర్‌గా మంచి సక్సెస్‌ సాధించిన రాహుల్‌.. జట్టు అవసరాల దృష్ట్యా ఓపెనింగ్‌ స్థానాన్ని త్యాగం చేయనున్నాడు. రాహుల్‌ మిడిలార్డర్‌ బ్యాటింగ్‌కు వస్తాడన్న విషయాన్ని ఢిల్లీ క్యాపిటల్స్‌ మేనేజ్‌మెంట్‌ సూచనప్రాయంగా వెల్లడించింది. జట్టు ఏదైనా ప్రయోజనాలే ముఖ్యమనుకునే రాహుల్‌.. ఢిల్లీ క్యాపిటల్స్‌ కెప్టెన్సీని సైతం వద్దనుకున్నాడు. సాధారణ ఆటగాడిగా కొనగేందుకే ఇష్టపడ్డాడు. రాహుల్‌ కాదనుకుంటే అక్షర్‌ పటేల్‌ను ఢిల్లీ కెప్టెన్సీ వరిచింది. అక్షర్‌ జూనియర్‌ అయినా అతని అండర్‌లో ఆడేందుకు రాహుల్‌ సుముఖత వ్యక్తం చేశాడు.గత మూడు సీజన్లలో కెప్టెన్‌గా వ్యవహరించిన రాహుల్‌ను లక్నో సూపర్‌ జెయింట్స్‌ వద్దనుకుంటే ఈ సీజన్‌లో ఢిల్లీ క్యాపిటల్స్‌ అక్కును చేర్చుకుంది. రాహుల్‌ను డీసీ మేనేజ్‌మెంట్‌ రూ. 14 కోట్లకు సొంతం చేసుకుంది. ఈ సీజన్‌ మెగా వేలంలో తన సహచరులంతా (శ్రేయస్‌, పంత​్‌) భారీ మొత్తాలు దక్కించుకున్నా రాహుల్‌ ఏ మాత్రం బాధపడటం లేదు. జట్టు ప్రయోజనాలే ముఖ్యమంటున్నాడు.రాహుల్‌ మిడిలార్డర్‌లో వస్తే జేక్‌ ఫ్రేజర్‌ మెక్‌గుర్క్‌, ఫాఫ్‌ డుప్లెసిస్‌ ఢిల్లీ ఇన్నింగ్స్‌ను ఓపెన్‌ చేస్తారు. అభిషేక్‌ పోరెల్‌ లేదా కరుణ్‌ నాయర్‌ మూడో స్థానంలో బ్యాటింగ్‌కు దిగుతారు. రాహుల్‌ నాలుగో స్థానంలో బరిలోకి దిగితే అక్షర్‌ పటేల్‌, ట్రిస్టన్‌ స్టబ్స్‌ ఆతర్వాతి స్థానాల్లో వస్తారు. ఢిల్లీ ఈ సీజన్‌లో హాట్‌ ఫేవరెట్‌ జట్లలో ఒకటి. ఆ జట్టు బ్యాటింగ్‌, బౌలింగ్‌ విభాగాల్లో పటిష్టంగా కనిపిస్తుంది. బ్యాటింగ్‌లో అభిషేక్ పోరెల్, ఫాఫ్ డుప్లెసిస్, జేక్ ఫ్రేజర్-మెక్‌గుర్క్, కరుణ్ నాయర్, కేఎల్ రాహుల్, సమీర్ రిజ్వీ, ట్రిస్టన్ స్టబ్స్, అక్షర్ పటేల్.. బౌలింగ్‌లో దుష్మంత చమీర, కుల్దీప్‌ యాదవ్‌, ముకేశ్‌ కుమార్, టి. నటరాజన్‌, మిచెల్ స్టార్క్, అక్షర్‌ పటేల్‌లతో ఆ జట్టు అత్యంత బలీయంగా కనిపిస్తుంది. ఈ జట్టును చూసి ఇప్పటికే చాలా మంది విశ్లేషకులు ఈ సీజన్‌లో ఢిల్లీ టైటిల్‌ సాధించడం​ ఖాయమని జోస్యం చెప్పారు. మరి కొత్త సారథి అక్షర్‌ పటేల్‌ అండర్‌లో ఢిల్లీ తమ తొలి టైటిల్‌ గెలుస్తుందేమో చూడాలి. ఈ సీజన్‌లో ఢిల్లీ మే 24న లక్నో సూపర్‌ జెయింట్స్‌తో జరిగే మ్యాచ్‌తో తమ టైటిల్‌ వేటను ప్రారంభిస్తుంది. ఈ మ్యాచ్‌ వైజాగ్‌లో జరుగనుంది. ఈ సీజన్‌ మార్చి 22న కేకేఆర్‌, ఆర్సీబీ మ్యాచ్‌తో మొదలవుతుంది.ఐపీఎల్‌ 2025 సీజన్‌ కోసం ఢిల్లీ జట్టు..అభిషేక్ పోరెల్, ఫాఫ్ డుప్లెసిస్, జేక్ ఫ్రేజర్-మెక్‌గుర్క్, కరుణ్ నాయర్, కేఎల్ రాహుల్, సమీర్ రిజ్వీ, ట్రిస్టన్ స్టబ్స్, అక్షర్ పటేల్, డోనోవన్ ఫెరీరా, అజయ్ మండల్, మన్వంత్ కుమార్, అశుతోష్ శర్మ, మాధవ్ తివారీ, దుష్మంత చమీర, కుల్దీప్‌ యాదవ్‌, ముకేశ్‌ కుమార్, టి. నటరాజన్‌, విప్రాజ్‌ నిగమ్‌, మిచెల్ స్టార్క్, త్రిపురణ విజయ్

ఐపీఎల్‌-2025 సీజ‌న్‌లో ఢిల్లీ క్యాపిట‌ల్స్ కొత్త కెప్టెన్ ఎవ‌రన్న ఉత్కంఠ‌కు తెర‌ప‌డింది. టీమిండియా స్టార్ ఆల్‌రౌండ‌ర్ అక్ష‌ర్ ప‌టేల్‌ను ఢిల్లీ క్యాపిట‌ల్స్ ఫ్రాంచైజీ త‌మ కెప్టెన్‌గా నియమించింది. కాగా ఢిల్లీ క్యాపిట‌ల్స్ తొలుత కేఎల్ రాహ‌ల్‌ను కెప్టెన్‌గా ఎంపిక చేయాల‌ని భావించింది.కానీ అందుకు రాహుల్ సుముఖ‌త చూప‌క‌పోవ‌డంతో అక్ష‌ర్‌కు త‌మ జ‌ట్టు ప‌గ్గాల‌ను ఢిల్లీ యాజ‌మాన్యం అప్ప‌గించింది. ఐపీఎల్‌లలో అక్ష‌ర్ పటేల్ ఓ జట్టుకు కెప్టెన్‌గా వ్య‌వ‌హ‌రించ‌నుండ‌డం ఇదే తొలిసారి. కాగా అక్షర్ 2019 నుంచి డీసీ జట్టుతో కొనసాగుతున్నాడు.ఐపీఎల్‌-2025 మెగా వేలానికి ముందు రూ. 16.50 కోట్ల భారీ ధ‌ర వెచ్చించి అక్ష‌ర్‌ను ఢిల్లీ రిటైన్ చేసుకుంది. అదేవిధంగా అక్షర్ పటేల్ ప్రస్తుతం భారత జట్టులో కీలక సభ్యునిగా కొనసాగుతున్నాడు. టీ20ల్లో అతడికి బీసీసీఐ సెలక్టర్లు వైస్ కెప్టెన్సీ పగ్గాలు అప్పగించారు.ఇటీవల ముగిసిన ఛాంపియన్స్ ట్రోఫీలోనూ అక్షర్ ఆల్‌రౌండ్ షోతో అదరగొట్టాడు. భారత్ టైటిల్‌​ కైవసం చేసుకోవడంలో అక్షర్‌ది కీలక పాత్ర. . టీమిండియా తరఫున అక్షర్ పటేల్ 71 టీ20 మ్యాచ్‌లు ఆడిన అక్షర్ పటేల్ 535 పరుగులతో పాటు, 71 వికెట్లు కూడా తీసుకున్నాడు. 150 ఐపీఎల్ మ్యాచ్‌లలో 1653 పరుగులు చేసి 123 వికెట్లు తీసుకున్నాడు.రాహుల్ విషెస్‌..ఇక కెప్టెన్‌గా ఎంపికైన అక్ష‌ర్ పటేల్‌కు త‌న స‌హ‌చ‌ర ఆట‌గాడు కేఎల్ రాహుల్‌కు అభినంద‌న‌లు తెలిపాడు. "కంగ్రాట్స్ బాపు(అక్ష‌ర్ ప‌టేల్‌). ఈ స‌రికొత్త ప్ర‌యాణంలో మీకు అంతా మంచి జ‌రగాల‌ని కోరుకుంటున్నాను. నా వంతు స‌పోర్ట్ మీకు ఎల్ల‌ప్పుడూ ఉంటుంది" అని రాహుల్ త‌న ఇన్‌స్టా స్టోరీలో రాసుకొచ్చాడు.కాగా రాహుల్ గత మూడు సీజన్లలో లక్నో సూపర్ జెయింట్స్‌కు నాయకత్వం వహించాడు. అయితే ఐపీఎల్ 2025 మెగా వేలానికి ముందు రాహుల్‌ను లక్నో ఫ్రాంచైజీ విడుదల చేసింది. అతడి స్ధానంలో డైనమిక్ వికెట్ కీపర్-బ్యాటర్ రిషబ్ పంత్‌ను రూ. 27 కోట్లకు కొనుగోలు చేసి లక్నో సూపర్‌ జెయింట్స్ తమ జట్టు కెప్టెన్సీ అప్పగించింది.చదవండి: స్టార్ క్రికెట‌ర్ ఇంట్లో తీవ్ర విషాదం.. చిన్నారి మృతి

న్యూఢిల్లీ: టాపార్డర్‌లో బ్యాటింగ్‌ చేయడమే సౌకర్యవంతంగా ఉంటుందని భారత సీనియర్‌ క్రికెటర్‌ కేఎల్‌ రాహుల్‌ అన్నాడు. టీమిండియా తరఫున ఇటీవలి కాలంలో మిడిలార్డర్‌లో బరిలోకి దిగుతున్న రాహుల్‌... చాంపియన్స్‌ ట్రోఫీలో వికెట్‌ కీపింగ్‌తో పాటు ఆరో స్థానంలో బ్యాటింగ్‌కు దిగి ఆకట్టుకున్నాడు. వన్డేల్లో నయా ఫినిషర్‌గా సేవలందిస్తున్న రాహుల్‌... చాంపియన్స్‌ ట్రోఫీలో 174 పరుగులు చేసి టీమిండియా మూడోసారి టైటిల్‌ కైవసం చేసుకోవడంలో కీలక పాత్ర పోషించాడు. భారత జట్టు తరఫున ఐదో స్థానంలో బ్యాటింగ్‌కు దిగే రాహుల్‌... చాంపియన్స్‌ ట్రోఫీలో అక్షర్‌ పటేల్‌ తర్వాత ఆరో ప్లేస్‌లో క్రీజులోకి అడుగుపెట్టి తన క్లాసిక్‌ గేమ్‌తో ఆకట్టుకున్నాడు. కాగా, మరో వారం రోజుల్లో ఇండియన్‌ ప్రీమియర్‌ లీగ్‌ (ఐపీఎల్‌) ప్రారంభం కానున్న నేపథ్యంలో రాహుల్‌ కీలక వ్యాఖ్యలు చేశాడు. ‘క్రికెట్‌ ఆడటం ప్రారంభించినప్పటి నుంచి టాపార్డర్‌లోనే ఆడుతున్నా. 11 ఏళ్ల వయసులో మంగళూరులో తొలి మ్యాచ్‌ నుంచి టీమిండియాకు ఎంపికయ్యే వరకు దాదాపు ‘టాప్‌’లోనే బ్యాటింగ్‌ చేశా. అదే నాకు సౌకర్యవంతంగా ఉంటుంది. క్రికెట్‌ జట్టు క్రీడ. టీమ్‌ అవసరాలకు తగ్గట్లు ఆడాల్సి ఉంటుంది. జట్టు ఏం కోరుకుంటుందో అది అందివ్వడం ఆటగాడిగా నా బాధ్యత. కెరీర్‌ ఆరంభం నుంచే అదే కొనసాగిస్తున్నా’ అని రాహుల్‌ అన్నాడు. పలు అంశాలపై రాహుల్‌ మనోగతం అతడి మాటల్లోనే... » ఐపీఎల్‌లో భాగంగా గతంలో పంజాబ్‌ కింగ్స్, లక్నో సూపర్‌ జెయింట్స్‌ జట్లకు సారథిగా వ్యవహరించాను. ఈసారి వేలంలో ఢిల్లీ క్యాపిటల్స్‌ జట్టు కొనుగోలు చేసింది. అయితే గతంలో కెప్టెన్‌గా చేదు అనుభవాలు ఎదురయ్యాయి. ఈ నేపథ్యంలో ఈసారి కేవలం ఆటగాడిగానే కొనసాగాలని అనుకుంటున్నాను. » ఐపీఎల్‌ వేలం చాలా అంశాలతో ముడిపడి ఉంటుంది. గత మూడు సీజన్‌లలో సారథిగా జట్టును నడిపించా. అదే సమయంలో కోర్‌ టీమ్‌ను తయారు చేసుకోవడంపై కూడా దృష్టి పెట్టా. దీంతో ఎంతో ఒత్తిడి ఉండేది. వేలం అంటే ఆటగాడి కెరీర్‌కు సంబంధించింది. అదే సమయంలో ఫ్రాంచైజీలు వేరే విధంగా ఆలోచిస్తాయి. ఆటగాడి భవితవ్యం వేలంతో ముడిపడి ఉంటుంది కాబట్టి ఒత్తిడి తప్పదు. » ఐపీఎల్‌ వేలం సమయంలో నేను కూడా ఒత్తిడికి గురయ్యాను. అయితే ఈసారి కేవలం ఆటగాడిగానే ఆడాలనుకుంటున్నాను. కెరీర్‌లో ఇదే సరైన నిర్ణయం అనుకుంటున్నా. చాలా ఉత్సుకతతో ఎదురుచూస్తున్నా. » ఢిల్లీ క్యాపిటల్స్‌ జట్టులో భాగం కావడం ఆనందంగా ఉంది. ఫ్రాంచైజీ సహ యజమాని పార్థ్‌ జిందాల్‌తో మంచి స్నేహం ఉంది. ఆట గురించే కాకుండా అనేక విషయాలపై మేము సుదీర్ఘంగా చర్చించుకుంటాం. క్రికెట్‌పై అమితాసక్తితో పాటు చక్కటి అవగాహన ఉంది. మంచి జట్టు అందుబాటులో ఉంది. కొత్త ఫ్రాంచైజీతో కలిసి ప్రయాణించేందుకు ఆసక్తిగా చూస్తున్నా. » కొత్త జట్టులో అడుగుపెట్టినప్పుడు ఎన్నో ఆలోచనలు చుట్టుముట్టడం సహజం. ప్రస్తుతం నా పరిస్థితి కూడా అలాగే ఉంది. అయితే అక్షర్‌ పటేల్, కుల్దీప్‌ యాదవ్, స్టార్క్‌ వంటి ఆటగాళ్లతో చక్కటి అనుబంధం ఉంది. వారితో కలిసి టీమ్‌ను ముందుకు తీసుకెళ్లేందుకు ప్రయత్నిస్తా. జట్టులో అటు అనుభవజు్ఞలు, ఇటు యువ ఆటగాళ్లు మెండుగా ఉన్నారు. ఇలాంటి ప్రతిభావంతులతో కలిసి ఆడేందుకు ఉత్సుకతతో ఉన్నాను. » సవాళ్లను ఎదుర్కొనే సత్తా ఉంటేనే సుదీర్ఘకాలం అంతర్జాతీయ క్రికెట్‌లో కొనసాగవచ్చు. కెరీర్‌లో ఎన్నో ప్రతిబంధకాలు ఎదురయ్యాయి. వాటన్నింటిని అధిగమించి ఈ స్థాయికి చేరుకున్నా. వెనక్కి తిరిగి చూసుకుంటే వాటన్నింటికంటే ఈ ప్రయాణమే అద్భుతంగా అనిపిస్తోంది. ఇక భవిష్యత్తుపై దృష్టి పెట్టా. ఇప్పటి వరకు నేర్చుకున్న దానిని ప్రణాళికాబద్ధంగా అమలు పరచడంపై దృష్టి పెడతా. జట్టుకు వీలైనన్ని ఎక్కువ విజయాలు సాధించిపెట్టడమే నా లక్ష్యం.

ఇంగ్లండ్‌ మాజీ కెప్టెన్‌ మైఖేల్‌ ఆథర్టన్‌ తన.. ‘ఐసీసీ చాంపియన్స్‌ ట్రోఫీ-2025(ICC Champions Trophy) టీమ్‌ ఆఫ్‌ ది టోర్నమెంట్‌’ను ప్రకటించాడు. ఇందులో టీమిండియా నుంచి ముగ్గురికి మాత్రమే స్థానమిచ్చిన అతడు.. కేఎల్‌ రాహుల్‌ను విస్మరించాడు. అంతేకాదు శ్రేయస్‌ అయ్యర్‌ను కూడా పక్కనపెట్టాడు.ఇక ఓపెనింగ్‌ జోడీగా అఫ్గనిస్తాన్‌ యువ స్టార్‌ ఇ‍బ్రహీం జద్రాన్‌(Ibrahim Zadran), న్యూజిలాండ్‌ యంగ్‌స్టర్‌ రచిన్‌ రవీంద్ర(Rachin Ravindra)లను మైఖేల్‌ ఆథర్టన్‌ ఎంచుకున్నాడు. వికెట్‌ కీపర్‌ బ్యాటర్‌గా ఆస్ట్రేలియా ఆటగాడు జోష్‌ ఇంగ్లిస్‌ను ఎంపిక చేసుకున్న ఈ మాజీ సారథి.. కెప్టెన్‌గా కివీస్‌ నాయకుడు మిచెల్‌ సాంట్నర్‌కు స్థానమిచ్చాడు.అత్యుత్తమ ఇన్నింగ్స్‌ అతడిదేఇక గ్రూప్‌ దశలోనే తమ జట్టు నిష్క్రమించినప్పటికీ జో రూట్‌కు ఈ టీమ్‌ ఆఫ్‌ ది టోర్నమెంట్లో ఆథర్టన్‌ చోటు కట్టబెట్టాడు. ఇంగ్లండ్‌ నుంచి ఒకే ఒక్క ఆటగాడిగా రూట్‌కు ఈ మాజీ బ్యాటర్‌ స్థానం ఇచ్చాడు. తన జట్టు ఎంపిక గురించి మైఖేల్‌ ఆథర్టన్‌ స్కై స్పోర్ట్స్‌తో మాట్లాడుతూ.. ‘‘ఈ టోర్నీలో నేను చూసిన అత్యుత్తమ ఇన్నింగ్స్‌ జద్రాన్‌ బ్యాటింగ్‌ నుంచి వచ్చింది.అందుకే రచిన్‌ రవీంద్రతో పాటు ఓపెనింగ్‌ జోడీగా జద్రాన్‌ను ఎంచుకున్నా. ఇక వన్‌డౌన్‌లో విరాట్‌ కోహ్లి, రూట్‌ నాలుగో స్థానంలో ఉండాలి. వికెట్‌ కీపర్‌ బ్యాటర్‌గా నా ఓటు జోష్‌ ఇంగ్లిస్‌కే. ఇంగ్లండ్‌తో మ్యాచ్‌లో అతడు అద్భుత నైపుణ్యాలు కనబరిచాడు.సారథి అతడేఇక ఆరోస్థానంలో ఆల్‌రౌండర్‌ అజ్మతుల్లా ఒమర్జాయ్‌కు నేను స్థానం ఇస్తాను. అతడు బ్యాట్‌తో బాల్‌తో రాణించగలడు. అతడు జట్టులో ఉంటే సమతూకంగా ఉంటుంది. ఇక నా ఏడో ప్లేయర్‌ గ్లెన్‌ ఫిలిప్స్‌. మిచెల్‌ సాంట్నర్‌ను నా జట్టుకు కెప్టెన్‌గా ఎంచుకుంటాను. ఇద్దరు సీమర్లు మహ్మద్‌ షమీ, మ్యాట్‌ హెన్రీలకు చోటిస్తా. సాంట్నర్‌తో పాటు మరో స్పిన్నర్‌గా వరుణ్‌ చక్రవర్తిని ఎంచుకుంటా’’ అని మైఖేల్‌ ఆథర్టన్‌ వెల్లడించాడు.కాగా పాకిస్తాన్‌ వేదికగా ఫిబ్రవరి 19న మొదలైన చాంపియన్స్‌ ట్రోఫీ మార్చి 9న దుబాయ్‌లో ముగిసింది. ఫైనల్లో టీమిండియా న్యూజిలాండ్‌ను ఓడించి విజేతగా అవతరించింది. ఈ వన్డే టోర్నమెంట్లో మొత్తం ఎనిమిది జట్లు పాల్గొన్నాయి. ఆతిథ్య జట్టు హోదాలో పాకిస్తాన్‌ ఆడగా.. వన్డే ప్రపంచకప్‌-2023 ప్రదర్శన ఆధారంగా ఆస్ట్రేలియా, టీమిండియా, సౌతాఫ్రికా, న్యూజిలాండ్‌, ఇంగ్లండ్‌, బంగ్లాదేశ్‌, అఫ్గనిస్తాన్‌ ఆడాయి.రాహుల్‌,శ్రేయస్‌ అదరగొట్టారుఇక ఈ మెగా టోర్నీలో అఫ్గన్‌ ఓపెనర్‌ జద్రాన్‌ ఇంగ్లండ్‌పై వీరోచిత శతకం బాదాడు. 117 పరుగులు సాధించి టోర్నీ చరిత్రలోనే అత్యధిక వ్యక్తిగత స్కోరును నమోదు చేశాడు. మరోవైపు.. రచిన్‌ రెండు శతకాల సాయంతో 263 పరుగులతో ప్లేయర్‌ ఆఫ్‌ ది టోర్నీగా నిలిచాడు. కోహ్లి పాకిస్తాన్‌పై అజేయ శతకం చేయగా.. షమీ బంగ్లాదేశ్‌పై, వరుణ్‌ న్యూజిలాండ్‌పై ఐదు వికెట్ల ప్రదర్శన చేశారు. అయితే, టీమిండియా మిడిలార్డర్‌లో దిగి కీలక ఇన్నింగ్స్‌ ఆడిన శ్రేయస్‌ అయ్యర్‌(243 రన్స్‌), కేఎల్‌ రాహుల్‌(140 రన్స్‌)లకు మాత్రం ఆథర్టన్‌ చోటివ్వకపోవడం గమనార్హం. కాగా ఇంగ్లండ్‌ తరఫున ఆథర్టన్‌ 115 టెస్టులు, 54 వన్డేలు ఆడాడు. ప్రస్తుతం కామెంటేటర్‌గా కొనసాగుతున్నాడు.మైఖేల్‌ ఆథర్టన్‌ ఎంచుకున్న ఐసీసీ చాంపియన్స్‌ ట్రోఫీ -2025 టీమ్‌ ఆఫ్‌ ది టోర్నమెంట్‌:ఇబ్రహీం జద్రాన్‌, రచిన్‌ రవీంద్ర, విరాట్‌ కోహ్లి, జో రూట్‌, జోష్‌ ఇంగ్లిస్‌(వికెట్‌ కీపర్‌), అజ్మతుల్లా ఒమర్జాయ్‌, గ్లెన్‌ ఫిలిప్స్‌, మిచెల్‌ సాంట్నర్‌(కెప్టెన్‌), మ్యాట్‌ హెన్రీ, మహ్మద్‌ షమీ, వరుణ్‌ చక్రవర్తి.చదవండి: BGT: ‘నేను జట్టులో ఉంటే కచ్చితంగా గెలిచేవాళ్లం.. ఇంగ్లండ్‌తో సిరీస్‌కు రెడీ’

ఇండియన్‌ ప్రీమియర్‌ లీగ్‌(IPL) ద్వారా వెలుగులోకి వచ్చి టీమిండియా తరఫున అరంగేట్రం చేసిన ఆటగాళ్లు ఎంతో మంది ఉన్నారు. జస్‌ప్రీత్‌ బుమ్రా, హార్దిక్‌ పాండ్యా మొదలు.. తాజాగా అభిషేక్‌ శర్మ, తిలక్‌ వర్మ, హర్షిత్‌ రాణా, నితీశ్‌ కుమార్‌ రెడ్డి లాంటి వాళ్లు ఇందుకు నిదర్శనం. అయితే, ఒకప్పుడు టీమిండియా స్టార్‌గా వెలిగి.. ఇప్పుడు జట్టులో చోటే కరువైన ప్లేయర్‌ ఇషాన్‌ కిషన్‌(Ishan Kishan).సెలక్టర్లు అతడిని పట్టించుకోవడం లేదుజాతీయ జట్టు ఓపెనర్‌గా చిన్న వయసులోనే ఓ వెలుగు వెలిగిన 26 ఏళ్ల ఇషాన్‌.. క్రమశిక్షణా రాహిత్యం వల్ల బోర్డు ఆగ్రహానికి గురయ్యాడు. ఫలితంగా టీమిండియాలో చోటు కోల్పోయాడు. ప్రస్తుతం ఓపెనింగ్‌ స్థానంతో పాటు వికెట్‌ కీపర్‌గానూ సెలక్టర్లు అతడిని పరిగణనలోకి తీసుకునే పరిస్థితి లేదు.కేఎల్‌ రాహుల్‌, రిషభ్‌ పంత్‌, సంజూ శాంసన్‌ కీపర్ల కోటాలో పాతుకుపోగా.. కెప్టెన్‌ రోహిత్‌ శర్మ(Rohit Sharma)కు ఓపెనింగ్‌ జోడీగా శుబ్‌మన్‌ గిల్‌, యశస్వి జైస్వాల్‌ ఆయా ఫార్మాట్లలో కొనసాగుతున్నారు. అయితే, ఇషాన్‌ కిషన్‌కు ఐపీఎల్‌-2025 రూపంలో సువర్ణావకాశం వచ్చిందంటున్నాడు భారత మాజీ ఓపెనర్‌ ఆకాశ్‌ చోప్రా. రూ. 11.25 కోట్లకు కొనుగోలుక్యాష్‌ రిచ్‌ లీగ్‌ పద్దెమినిదవ ఎడిషన్‌లో సత్తా చాటితే మరోసారి సెలక్టర్ల దృష్టిని ఆకర్షించవచ్చని పేర్కొన్నాడు. కాగా గతేడాది వరకు ముంబై ఇండియన్స్‌ తరఫున ఆడిన ఇషాన్‌ను మెగా వేలానికి ముందు ఫ్రాంఛైజీ వదిలేసింది. ఈ క్రమంలో సన్‌రైజర్స్‌ హైదరాబాద్‌ జట్టు అతడిని ఏకంగా రూ. 11.25 కోట్లకు కొనుగోలు చేసింది.అయితే, రైజర్స్‌ జట్టులో ఇప్పటికే విధ్వంసకర ఓపెనింగ్‌ జోడీగా ట్రవిస్‌ హెడ్‌- అభిషేక్‌ శర్మ తమ స్థానాలు సుస్థిరం చేసుకున్నారు. గతేడాది జట్టు ఫైనల్‌ వరకు చేరడంలో ఈ ఇద్దరిది కీలక పాత్ర. కాబట్టి ఇషాన్‌ కిషన్‌కు ఓపెనర్‌గా ఛాన్స్‌ రాదు. టాపార్డర్‌లోనే ఉండాలంటే.. అతడు మూడో స్థానంలో ఆడాల్సిన పరిస్థితి.ఎవరూ కనీసం మాట్లాడటం లేదుఈ నేపథ్యంలో కామెంటేటర్‌ ఆకాశ్‌ చోప్రా మాట్లాడుతూ.. ‘‘ఇషాన్‌ కిషన్‌కు మరోసారి గొప్ప అవకాశం వచ్చింది. కారణమేదైనా టీమిండియా సెలక్టర్లు అతడిని అస్సలు పట్టించుకోవడం లేదు. రంజీల్లో ఆడి తనను తాను నిరూపించుకున్నాడు. పరుగులు చేశాడు.అయినా సరే అతడి ప్రాధాన్యాన్ని సెలక్టర్లు గుర్తించడం లేదు. అతడి గురించి ఎవరూ కనీసం మాట్లాడటం లేదు. జాతీయ జట్టులో స్థానం కోసం చేయాల్సిందంతా చేస్తున్నాడు. కానీ.. అసలు అతడి పేరు కూడా తెరమీదకు రావడం లేదు. వన్డేల్లో డబుల్‌ సెంచరీ చేయడం అందరికీ సాధ్యం కాదు.కానీ ఇషాన్‌ ఆ పని చేసి చూపించాడు. భారీ సిక్సర్లు బాదగల సమర్థత, మ్యాచ్‌ను ఒంటిచేత్తో మలుపు తిప్పగల సత్తా అతడికి ఉన్నాయి. ఇక సన్‌రైజర్స్‌ అతడిని మూడో స్థానంలో ఆడించేందుకు తీసుకుందని తెలిసి నేను ఆశ్చర్యపోయాను.సద్వినియోగం చేసుకుంటేఓపెనర్ల కోటా ఖాళీ లేదు కాబట్టి వాళ్లకూ వేరే ఆప్షన్‌ లేదు. ముఖ్యంగా టీ20 క్రికెట్‌లో వేరే స్థానంలో ఆడి పరుగులు రాబట్టడం అంత తేలికేమీ కాదు. అయితే, ఇషాన్‌ ఈ అవకాశాన్ని సద్వినియోగం చేసుకుంటే అతడికి తిరుగు ఉండదు.ప్రస్తుతం టీమిండియలో బ్యాటర్ల స్థానాలు ఫిక్స్‌డ్‌గా ఏమీ లేవు. ఏస్థానంలోనైనా బ్యాటింగ్‌ చేయగల ఆటగాళ్లకు ప్రాధాన్యం ఇవ్వాలని హెడ్‌కోచ్‌ గౌతం గంభీర్‌ భావిస్తున్నాడు. కాబట్టి ఇషాన్‌ ఐపీఎల్‌-2025లో సత్తా చాటితే కచ్చితంగా టీమిండియాలోకి రాగలడు’’ అని ఆకాశ్‌ చోప్రా అభిప్రాయపడ్డాడు.కాగా మార్చి 22 నుంచి ఐపీఎల్‌ ఆరంభం కానుండగా.. సన్‌రైజర్స్‌ మార్చి 23న తమ తొలి మ్యాచ్‌ ఆడనుంది. రాజస్తాన్‌ రాయల్స్‌తో హైదరాబాద్‌ వేదికగా తలపడనుంది.చదవండి: టీమిండియా ఆడకుంటే రూ. 45 కోట్ల నష్టం!

ఛాంపియన్స్‌ ట్రోఫీ-2025 విజయానంతరం టీమిండియాపై ఆసీస్‌ స్పీడ్‌గన్‌ మిచెల్‌ స్టార్క్‌ ప్రశంసల వర్షం​ కురిపించాడు. వ్యక్తిగత కారణాల చేత ఛాంపియన్స్‌ ట్రోఫీకి దూరంగా ఉన్న స్టార్క్‌.. తాజాగా ఓ ఇంటర్వ్యూలో మాట్లాడుతూ భారత క్రికెట్‌ను, టీమిండియా కీలక సభ్యుడు కేఎల్‌ రాహుల్‌ను ఆకాశానికెత్తాడు. ప్రపంచ క్రికెట్‌లో ప్రస్తుతం భారత్‌ ఒక్కటే ఒకే రోజు మూడు ఫార్మాట్లలో మూడు వేర్వేరు జట్లను బరిలోకి దించగలదని అన్నాడు. టెస్ట్‌ల్లో ఆస్ట్రేలియాపై.. వన్డేల్లో ఇంగ్లండ్‌పై.. టీ20ల్లో సౌతాఫ్రికాపై ఒకే రోజు మూడు వేర్వేరు జట్లను బరిలోకి దించినా భారత జట్లు గట్టి పోటీ ఇవ్వగలవని కితాబునిచ్చాడు. భారత్‌ మినహా ప్రపంచ క్రికెట్‌లో ఏ దేశానికి ఒకే రోజు మూడు వేర్వేరు జట్లను బరిలోకి దించే సత్తా లేదని కొనియాడాడు.కేఎల్‌ రాహుల్‌ను ఆకాశానికెత్తిన స్టార్క్‌మిచెల్‌ స్టార్క్‌ టీమిండియా స్టార్‌ ఆటగాడు కేఎల్‌ రాహుల్‌పై ప్రశంసల వర్షం కురింపించాడు. ఛాంపియన్స్‌ ట్రోఫీలో రాహుల్‌ ప్రదర్శనలు అద్భుతమని కొనియాడాడు. టీమిండియాకు రాహుల్‌ మిస్టర్‌ ఫి​క్సిట్‌ లాంటి వాడని అన్నాడు. టీమిండియా అవసరాల కోసం అతను ఏమైన చేయగలడని కొనియాడాడు. ఓపెనర్‌గా, మిడిలార్డర్‌లో, ఆరో స్థానంలో, వికెట్‌ కీపింగ్‌ బ్యాటర్‌గా, ఫీల్డర్‌గా.. ఇలా ఏ పాత్రలో అయినా రాహుల్‌ ఒదిగిపోగలడని కితాబిచ్చాడు. ఛాంపియన్స్‌ ట్రోఫీకి ముందు రాహుల్‌ తన ఐదో స్థానాన్ని అక్షర్‌ పటేల్‌కు త్యాగం చేసిన విషయాన్ని గుర్తు చేశాడు. ఆరో స్థానంలో బ్యాటింగ్‌కు వచ్చి అద్భుతాలు చేశాడని అన్నాడు. ఛాంపియన్స్‌ ట్రోఫీ-2025లో టీమిండియా గెలుపుకు రాహుల్‌ ప్రధాన కారకుడని పేర్కొన్నాడు. రాహుల్‌ లాంటి మల్టీ టాలెంటెడ్‌ ఆటగాడితో కలిసి ఆడేందుకు ఉత్సాహంగా ఉన్నానని తెలిపాడు. కాగా, మిచెల్‌ స్టార్క్‌ ఈ ఏడాది ఐపీఎల్‌లో కేఎల్‌ రాహుల్‌తో కలిసి ఢిల్లీ క్యాపిటల్స్‌కు ఆడనున్నాడు. స్టార్క్‌ను గతేడాది మెగా వేలంలో ఢిల్లీ రూ. 11.75 కోట్లు సొంతం చేసుకుంది. అంతకుముందు ఏడాది (2024) స్టార్క్‌ కేకేఆర్‌కు ఆడాడు. ఆ సీజన్‌ వేలంలో కేకేఆర్‌ స్టార్క్‌కు రికార్డు ధర (రూ. 24.75 కోట్లు) చెల్లించి సొంతం చేసుకుంది. ఐపీఎల్‌ చరిత్రలో ఇది మూడో అ‍త్యధిక ధర. ఐపీఎల్‌లో అత్యధిక ధర పొందిన ఆటగాడి రికార్డు రిషబ్‌ పంత్‌ పేరిట ఉంది. పంత్‌ను ఈ సీజన్‌ కోసం లక్నో సూపర్‌ జెయింట్స్‌ రూ. 27 కోట్లు చెల్లించి సొంతం​ చేసుకుంది. ఇదే సీజన్‌ వేలంలో ఐపీఎల్‌లో రెండో అత్యధిక ధర కూడా నమోదైంది. పంజాబ్‌ కింగ్స్‌ శ్రేయస్‌ అయ్యర్‌కు రూ. 26.75 కోట్లు చెల్లించింది.ఐపీఎల్‌లో టాప్‌-5 పెయిడ్‌ ప్లేయర్స్‌రిషబ్‌ పంత్‌- 27 కోట్లు (లక్నో, 2025)శ్రేయస్‌ అయ్యర్‌- 26.75 కోట్లు (పంజాబ్‌, 2025)మిచెల్‌ స్టార్క్‌- 24.75 కోట్లు (కేకేఆర్‌, 2024)వెంకటేశ్‌ అయ్యర్‌- 23.75 కోట్లు (కేకేఆర్‌, 2025)పాట్‌ కమిన్స్‌- 20.50 కోట్లు (సన్‌రైజర్స్‌, 2024)2025 ఐపీఎల్‌ సీజన్‌ కోసం ఢిల్లీ జట్టు..ఫాఫ్‌ డుప్లెసిస్‌, జేక్‌ ఫ్రేజర్‌ మెక్‌గుర్క్‌, కరుణ్‌ నాయర్‌, సమీర్‌ రిజ్వి, అషుతోష్‌ శర్మ, విప్రాజ్‌ నిగమ్‌, దర్శన్‌ నల్కండే, అజయ్‌ జాదవ్‌ మండల్‌, త్రిపురణ విజయ్‌, అక్షర్‌ పటేల్‌, మన్వంత్‌ కుమార్‌, మాధవ్‌ తివారి, ట్రిస్టన్‌ స్టబ్స్‌, అభిషేక్‌ పోరెల్‌, డొనొవన్‌ ఫెరియెరా, కేఎల్‌ రాహుల్‌, కుల్దీప్‌ యాదవ్‌, దుష్మంత చమీరా, మిచెల్‌ స్టార్క్‌, మోహిత్‌ శర్మ, టి నటరాజన్‌, ముకేశ్‌ కుమార్‌

టీమిండియా స్టార్‌ శ్రేయస్‌ అయ్యర్‌(Shreyas Iyer)పై భారత మాజీ క్రికెటర్‌ దిలీప్‌ వెంగ్‌సర్కార్‌ ప్రశంసలు కురిపించాడు. ఈ ముంబైకర్‌ ఇప్పటికైనా తనలోని నైపుణ్యాలను గుర్తించాడని.. ఐసీసీ చాంపియన్స్‌ ట్రోఫీ-2025 టోర్నమెంట్లో అతడు బ్యాటింగ్‌ చేసిన తీరు అద్భుతమని కొనియాడాడు.అయితే, న్యూజిలాండ్‌(India vs New Zealand)తో ఫైనల్లో శ్రేయస్‌ అయ్యర్‌ అవుటైన తీరు మాత్రం తనకు నచ్చలేదంటూ దిలీప్‌ అసంతృప్తి వ్యక్తం చేశాడు. అదే విధంగా.. కేఎల్‌ రాహుల్‌(KL Rahul) ఆట తీరును సైతం ఈ మాజీ బ్యాటర్‌ ప్రశంసించాడు. అంతేకాదు.. ఐదుగురు స్పిన్నర్లతో బరిలోకి దిగాలన్న సెలక్టర్ల నిర్ణయం సరైందని నిరూపితమైందంటూ మేనేజ్‌మెంట్‌ వ్యూహాలను మెచ్చుకున్నాడు.కాగా ఫిబ్రవరి 19న మొదలైన చాంపియన్స్‌ ట్రోఫీ మార్చి 9న ముగిసిన విషయం తెలిసిందే. ఈ మెగా వన్డే టోర్నమెంట్‌కు పాకిస్తాన్‌ ఆతిథ్యం ఇవ్వగా.. టీమిండియా మాత్రం భద్రతా కారణాల దృష్ట్యా తమ మ్యాచ్‌లన్నీ దుబాయ్‌లోనే ఆడింది. న్యూజిలాండ్‌పై గెలుపొంది ట్రోఫీని ముద్దాడిఈ నేపథ్యంలో గ్రూప్‌ దశలో బంగ్లాదేశ్‌, పాకిస్తాన్‌లను చిత్తు చేసిన రోహిత్‌ సేన.. ఆఖరిగా న్యూజిలాండ్‌పై జయకేతనం ఎగురువేసింది. ఈ క్రమంలో గ్రూప్‌-ఎ టాపర్‌గా సెమీస్‌ చేరి.. అక్కడ ఆస్ట్రేలియాను ఓడించింది.ఈ క్రమంలో ఫైనల్లోనూ అద్భుత ప్రదర్శనతో న్యూజిలాండ్‌పై గెలుపొంది ట్రోఫీని ముద్దాడింది. ఈ టోర్నీలో ఆడిన ఐదు మ్యాచ్‌లలోనూ అజేయంగా నిలిచి చాంపియన్‌గా అవతరించింది. ఈ విజయాల్లో మిడిలార్డర్‌లో కీలకమైన నాలుగో స్థానంలో బ్యాటింగ్‌ చేసిన శ్రేయస్‌ అయ్యర్‌ది కీలక పాత్ర. ఐదు ఇన్నింగ్స్‌లో కలిపి అతడు 243 పరుగులు చేసి.. భారత్‌ తరఫున టాప్‌ రన్‌ స్కోరర్‌గా నిలిచాడు.మరోవైపు.. వికెట్‌ కీపర్‌ బ్యాటర్‌ కేఎల్‌ రాహుల్‌.. తనకు అచ్చొచ్చిన ఐదో స్థానంలో కాకుండా ఆరో స్థానంలో ఆడాల్సి వచ్చింది. అక్షర్‌ పటేల్‌ కోసం తన నంబర్‌ను త్యాగం చేసిన ఈ కుడిచేతి వాటం బ్యాటర్‌ అద్భుతంగా రాణించాడు. మొత్తంగా 140 పరుగులు చేసిన ఈ కర్ణాటక ఆటగాడు.. ముఖ్యంగా ఆసీస్‌తో సెమీస్‌లో విలువైన ఇన్నింగ్స్‌ ఆడాడు.అయ్యర్‌ అద్భుతంఈ నేపథ్యంలో దిలీప్‌ వెంగ్‌సర్కార్‌ మాట్లాడుతూ.. ‘‘అయ్యర్‌ అద్భుతంగా ఆడాడు. కానీ ఫైనల్లో అతడు అవుటైన విధానం నాకు అసంతృప్తిని మిగిల్చింది. తను ఆఖరి వరకు అజేయంగా నిలిచి విజయంతో ముగించి ఉంటే బాగుండేది. ఏదేమైనా ఇప్పటికైనా అతడు తన నైపుణ్యాలను గుర్తించి.. అందుకు న్యాయం చేసినందుకు సంతోషంగా ఉంది’’ అని పేర్కొన్నాడు.ఇక కేఎల్‌ రాహుల్‌ గురించి కూడా ప్రస్తావిస్తూ.. ‘‘ఆరో నంబర్‌లో వచ్చి కూడా కొన్ని ముఖ్యమైన ఇన్నింగ్స్‌ ఆడాడు. అయినా.. లెఫ్ట్‌- రైట్‌ కాంబినేషన్ల కోసమని అక్షర్‌ పటేల్‌ను రాహుల్‌ స్థానమైన ఐదో నంబర్‌లో పంపడం నాకేమీ నచ్చలేదు’’ అని దిలీప్‌ వెంగ్‌సర్కార్‌ తెలిపాడు.సెలక్టర్లకు క్రెడిట్‌ ఇవ్వాలిఅదే విధంగా.. ‘‘టీమిండియా విజయంలో సెలక్టర్లకు తప్పకుండా క్రెడిట్‌ ఇవ్వాలి. ఆస్ట్రేలియా సిరీస్‌లో రోహిత్‌ శర్మ వైఫల్యం తర్వాత కూడా అతడిని కెప్టెన్‌గా కొనసాగించారు. అంతేకాదు.. చాంపియన్స్‌ ట్రోఫీలో ఐదుగురు స్పిన్నర్లను ఆడించాలన్న వారి నిర్ణయం కూడా సరైందని నిరూపితమైంది’’ అని దిలీప్‌ వెంగ్‌సర్కార్‌ బీసీసీఐ సెలక్షన్‌ కమిటీని ప్రశంసించాడు.కాగా చాంపియన్స్‌ ట్రోఫీ గెలిచిన భారత స్పిన్‌ దళంలో కుల్దీప్‌ యాదవ్‌, వరుణ్‌ చక్రవర్తిలతో పాటు ఆల్‌రౌండర్లు రవీంద్ర జడేజా, అక్షర్‌ పటేల్‌, వాషింగ్టన్‌ సుందర్‌ ఉన్నారు. వీరిలో సుందర్‌ ఒక్కడే పూర్తిస్థాయిలో బెంచ్‌కే పరిమితమయ్యాడు. ఇదిలా ఉంటే.. కివీస్‌తో ఫైనల్లో మిచెల్‌ సాంట్నర్‌ బౌలింగ్‌లో లాంగాన్‌ మీదుగా షాట్‌కు యత్నించి రచిన్‌ రవీంద్రకు క్యాచ్‌ ఇచ్చి పెవిలియన్‌ చేరాడు.చదవండి: అదే జరిగితే బుమ్రా కెరీర్‌ ముగిసినట్లే: కివీస్‌ మాజీ పేసర్‌ స్ట్రాంగ్‌ వార్నింగ్‌

ఛాంపియ‌న్స్ ట్రోఫీ ముగిసిన వెంట‌నే మ‌రో క్రికెట్ పండ‌గ అభిమానుల‌ను అల‌రించేందుకు సిద్ద‌మైంది. ఐపీఎల్‌-2025 మార్చి 22 నుంచి ప్రారంభం కానుంది. తొలి మ్యాచ్‌లో ఈడెన్ గార్డెన్స్ వేదిక‌గా డిఫెండింగ్ ఛాంపియ‌న్ కోల‌క‌తా నైట్‌రైడ‌ర్స్‌, రాయ‌ల్ ఛాలెంజ‌ర్స్ బెంగ‌ళూరు జ‌ట్లు త‌ల‌ప‌డ‌నున్నాయి. ఈ ఏడాది క్యాష్‌రిచ్ లీగ్ సీజ‌న్‌లో పాల్గోనే మొత్తం ప‌ది జ‌ట్లు త‌మ ప్రాక్టీస్‌ను మొద‌లు పెట్టేశాయి.ఛాంపియ‌న్స్ ట్రోఫీ-2025లో భాగ‌మైన భార‌త ఆట‌గాళ్లు సైతం ఒక్కొక్క‌రుగా తాము ప్రాతినిథ్యం వ‌హిస్తున్న జ‌ట్ల‌తో చేరుతున్నారు. అయితే ఈ టోర్నీలో భాగ‌మయ్యే ప‌ది జ‌ట్ల‌లో ఢిల్లీ క్యాపిటల్స్ ఫ్రాంచైజీ ఇంకా తమ కెప్టెన్ వివరాలను వెల్లడించలేదు. గ‌తసీజ‌న్ వ‌ర‌కు త‌మ జట్టు కెప్టెన్‌గా వ్య‌వ‌హ‌రించిన రిష‌బ్ పంత్‌ను ఐపీఎల్ మెగా వేలంలోకి ఢిల్లీ విడిచిపెట్టింది. దీంతో ఢిల్లీ కెప్టెన్ ఎంపిక ఇప్పుడు అనివార్య‌మైంది.నో చెప్పిన రాహుల్‌..ఈ క్ర‌మంలో ఐపీఎల్‌-2025 మెగా వేలంలో రూ.14 కోట్ల‌కు కొనుగోలు చేసిన కేఎల్ రాహుల్‌కు ఢిల్లీ త‌మ జ‌ట్టు ప‌గ్గాల‌ను అప్ప‌గిస్తుంద‌ని అంతాభావించారు. అంతా అనుకున్న‌ట్లే అత‌డిని కెప్టెన్‌గా ఎంపిక‌చేసేందుకు ఢిల్లీ యాజ‌మాన్యం ముందుకు వ‌చ్చింది. కానీ రాహుల్ మాత్రం కెప్టెన్సీపై త‌న‌కు ఆస‌క్తి లేద‌ని, కేవ‌లం బ్యాట‌ర్‌గా మాత్ర‌మే కొన‌సాగుతాన‌ని సున్నితంగా తిరష్క‌రించిన‌ట్లు తెలుస్తోంది. దీంతో భార‌త స్టార్ ఆల్‌రౌండ‌ర్ అక్ష‌ర్ ప‌టేల్ ఢిల్లీ క్యాపిట‌ల్స్ కెప్టెన్సీ బాధ్య‌త‌లు చెప‌డాత‌డ‌ని ప‌లు రిపోర్ట్‌లు పేర్కొంటున్నాయి.రేసులో డుప్లెసిస్‌..అయితే ఢిల్లీ కెప్టెన్సీ రేసులో ద‌క్షిణాఫ్రికా మాజీ కెప్టెన్ ఫాప్ డుప్లెసిస్ కూడా ఉన్న‌ట్లు తెలుస్తోంది. ఢిల్లీ క్యాపిట్స‌ల్ మెనెజ్‌మెంట్ డుప్లెసిస్‌ను పేరును ప‌రిశీలిస్తున్న‌ట్లు క్రికెట్ వ‌ర్గాలు వెల్ల‌డించాయి. కాగా డుప్లెసిస్‌కు కెప్టెన్‌గా చాలా అనుభ‌వం ఉంది. గ‌త మూడు సీజ‌న్ల‌లో రాయ‌ల్ ఛాలెంజ‌ర్స్ బెంగ‌ళూరు కెప్టెన్‌గా డుప్లెసిస్ వ్య‌వ‌హ‌రించాడు. అత‌డు కెప్టెన్సీలో ఐపీఎల్‌-2022,24 సీజ‌న్ల‌లో ఆర్సీబీ ప్లే ఆఫ్స్ ఆర్హ‌త సాధించింది. డుప్లెసిస్ కెప్టెన్‌గా కాకుండా వ్య‌క్తిగ‌త ప్ర‌ద‌ర్శ‌న ప‌రంగా కూడా ఆక‌ట్టుకున్నాడు. డుప్లెసిస్ ప‌లు ఫ్రాంచైజీ క్రికెట్ లీగ్స్‌లో కూడా వ్య‌వ‌హ‌రిస్తున్నాడు. దీంతో అత‌డిని అనుభ‌వాన్ని దృష్టిలో పెట్టుకుని తమ జట్టు పగ్గాలను అప్పగించాలని ఢిల్లీ భావిస్తోంది. ఒకట్రెండు రోజుల్లో ఢిల్లీ కొత్త కెప్టెన్ ఎవరన్నదానిపై ఓ క్లారిటీ వచ్చే ఛాన్స్ ఉంది.2025 ఐపీఎల్‌ సీజన్‌ కోసం ఢిల్లీ జట్టు..ఫాఫ్‌ డుప్లెసిస్‌, జేక్‌ ఫ్రేజర్‌ మెక్‌గుర్క్‌, కరుణ్‌ నాయర్‌, సమీర్‌ రిజ్వి, అషుతోష్‌ శర్మ, విప్రాజ్‌ నిగమ్‌, దర్శన్‌ నల్కండే, అజయ్‌ జాదవ్‌ మండల్‌, త్రిపురణ విజయ్‌, అక్షర్‌ పటేల్‌, మన్వంత్‌ కుమార్‌, మాధవ్‌ తివారి, ట్రిస్టన్‌ స్టబ్స్‌, అభిషేక్‌ పోరెల్‌, డొనొవన్‌ ఫెరియెరా, కేఎల్‌ రాహుల్‌, కుల్దీప్‌ యాదవ్‌, దుష్మంత చమీరా, మిచెల్‌ స్టార్క్‌, మోహిత్‌ శర్మ, టి నటరాజన్‌, ముకేశ్‌ కుమార్‌చదవండి: Hardik Pandya: ఈ విజయం ఆయనకే అంకితం.. హార్దిక్ పాండ్యా భావోద్వేగం

ఐపీఎల్‌ 2025 సీజన్‌ ప్రారంభానికి ముందు కేఎల్‌ రాహుల్‌ సంచలన నిర్ణయం తీసుకున్నాడని తెలుస్తుంది. రాహుల్‌.. ఢిల్లీ క్యాపిటల్స్‌ కెప్టెన్సీ బాధ్యతలు చేపట్టేందుకు నిరాకరించాడని సమాచారం. కెప్టెన్సీ చేపట్టే విషయంలో డీసీ యాజమాన్యం రాహుల్‌ను సంప్రదించగా.. సున్నితంగా తిరస్కరించినట్లు తెలుస్తుంది. కేవలం ఆటగాడిగా మాత్రమే కొనసాగుతానని రాహుల్‌ మేనేజ్‌మెంట్‌కు స్పష్టం చేశాడట. దీంతో డీసీ యాజమాన్యం అక్షర్‌ పటేల్‌ పేరును కెప్టెన్‌గా ఖరారు చేసినట్లు సమాచారం. ఇవాళో రేపో ఢిల్లీ క్యాపిటల్స్‌ కెప్టెన్‌గా అక్షర్‌ పేరును అధికారికంగా ప్రకటించే అవకాశం ఉంది. ఛాంపియన్స్‌ ట్రోఫీ సక్సెస్‌ అనంతరం డీసీ మేనేజ్‌మెంట్‌ అక్షర్‌ విషయంలో చాలా హ్యాపీగా ఉందని తెలుస్తుంది. అక్షర్‌ను డీసీ మేనేజ్‌మెంట్‌ మెగా వేలానికి ముందు రూ. 16.5 కోట్లకు రీటైన్‌ చేసుకుంది. కేఎల్‌ రాహుల్‌ను మెగా వేలంలో రూ. 14 కోట్లకు సొంతం చేసుకుంది. రాహుల్‌కు టీమిండియాతో పాటు ఐపీఎల్‌లో పంజాబ్‌, లక్నో సూపర్‌ జెయింట్స్‌కు కెప్టెన్‌గా పని చేసిన అనుభవం ఉండగా.. అక్షర్‌ కెప్టెన్‌గా ఎంపికైతే ఇదే అతనికి ఫుల్‌టైమ్‌ కెప్టెన్‌గా తొలి అసైన్‌మెంట్‌ అవుతుంది. అక్షర్‌కు దేశవాలీ టోర్నీ సయ్యద్‌ ముస్తాక్‌ అలీ టోర్నీలో గుజరాత్‌ కెప్టెన్‌గా పని చేసిన అనుభవం ఉంది.అక్షర్‌ గత సీజన్‌లో రిషబ్‌ పంత్‌ అందుబాటులో లేనప్పుడు ఢిల్లీ క్యాపిటల్స్‌ కెప్టెన్‌గా వ్యవహరించారు. అక్షర్‌ 2019 నుంచి ఢిల్లీ క్యాపిటల్స్‌తోనే కొనసాగుతున్నాడు. అక్షర్‌ తన ఐపీఎల్‌ కెరీర్‌లో 150 మ్యాచ్‌లు ఆడి 1653 పరుగులు, 123 వికెట్లు తీశాడు. అక్షర్‌ బ్యాటింగ్‌ స్ట్రయిక్‌రేట్‌ 130.88గా ఉండగా.. బౌలింగ్‌ ఎకానమీ 7.28గా ఉంది. అక్షర్‌ ఇటీవల ఇంగ్లండ్‌తో జరిగిన టీ20 సిరీస్‌లో టీమిండియా వైస్‌ కెప్టెన్‌గా కూడా పని చేశాడు. కాగా, గత సీజన్‌ వరకు కెప్టెన్‌గా ఉన్న రిషబ్‌ పంత్‌ను ఢిల్లీ వదిలేసుకున్న విషయం తెలిసిందే. మెగా వేలంలో పాల్గొన్న పంత్‌ను లక్నో రికార్డు ధరకు కొనుగోలు చేసి కెప్టెన్సీ బాధ్యతలు కట్టబెట్టింది.పలు మ్యాచ్‌లకు దూరం కానున్న రాహుల్‌..?ఐపీఎల్‌ 2025 సీజన్‌ మార్చి 22 నుంచి ప్రారంభంకానుండగా.. ఢిల్లీ తమ తొలి మ్యాచ్‌ను మార్చి 24న ఆడనుంది. వైజాగ్‌లో జరిగే పోరులో ఢిల్లీ..లక్నోతో తలపడనుంది. కాగా, ఈ సీజన్‌లో తొలి రెండు, మూడు మ్యాచ్‌లకు కేఎల్‌ రాహుల్‌ దూరం కానున్నాడని తెలుస్తుంది. రాహుల్‌ భార్య అతియా శెట్టి త్వరలో బిడ్డకు జన్మనివ్వనుందని సమాచారం. ఈ కారణంగానే రాహుల్‌ ఫ్రాంచైజీ మేనేజ్‌మెంట్‌ వద్ద పర్మిషన్‌ తీసుకున్నాడని ప్రచారం జరుగుతుంది. రాహుల్‌-అతియాల వివాహాం 2023 జనవరిలో జరిగింది. ఈ జంట గతేడాది నవంబర్‌లో ప్రెగ్నెన్సీ విషయాన్ని బహిర్గతం చేసింది.2025 ఐపీఎల్‌ సీజన్‌ కోసం ఢిల్లీ జట్టు..ఫాఫ్‌ డుప్లెసిస్‌, జేక్‌ ఫ్రేజర్‌ మెక్‌గుర్క్‌, కరుణ్‌ నాయర్‌, సమీర్‌ రిజ్వి, అషుతోష్‌ శర్మ, విప్రాజ్‌ నిగమ్‌, దర్శన్‌ నల్కండే, అజయ్‌ జాదవ్‌ మండల్‌, త్రిపురణ విజయ్‌, అక్షర్‌ పటేల్‌, మన్వంత్‌ కుమార్‌, మాధవ్‌ తివారి, ట్రిస్టన్‌ స్టబ్స్‌, అభిషేక్‌ పోరెల్‌, డొనొవన్‌ ఫెరియెరా, కేఎల్‌ రాహుల్‌, కుల్దీప్‌ యాదవ్‌, దుష్మంత చమీరా, మిచెల్‌ స్టార్క్‌, మోహిత్‌ శర్మ, టి నటరాజన్‌, ముకేశ్‌ కుమార్‌

టీమిండియా స్టార్‌ కేఎల్‌ రాహుల్‌(KL Rahul)పై భారత మాజీ క్రికెటర్‌ సంజయ్‌ మంజ్రేకర్‌(Sanjay Manjrekar) ప్రశంసలు కురిపించాడు. ఒత్తిడిలోనూ అద్భుతంగా ఆడాడని.. భారత్‌ ఐసీసీ చాంపియన్స్‌ ట్రోఫీ-2025(ICC Champions Trophy) గెలవడంలో అతడి పాత్ర మరువలేనిదని కొనియాడాడు. తన ‘శత్రువు’ని జయించి రాహుల్‌ తన విలువేమిటో మరోసారి చాటుకున్నాడని ప్రశంసించాడు.వికెట్‌ కీపర్‌ బ్యాటర్‌గా సేవలు అందిస్తున్న కేఎల్‌ రాహుల్‌ ఓపెనర్‌గా, మిడిలార్డర్‌లో నాలుగు, ఐదు, ఆరో స్థానాల్లో బ్యాటింగ్‌ చేశాడు. జట్టు ప్రయోజనాలకు అనుగుణంగా యాజమాన్యం చెప్పినట్లుగా నడుచుకునే క్రమంలో ఎప్పుడు ఏ స్థానంలో బ్యాటింగ్‌ చేయాల్సి వస్తుందో అతడికే తెలియని పరిస్థితి.కూల్‌గా, పక్కా ప్రణాళికతోముఖ్యంగా చాంపియన్స్‌ ట్రోఫీ-2025లో టీమిండియా అతడి సేవలను వాడుకున్న తీరు దారుణమని నవజ్యోత్‌ సింగ్‌ సిద్ధు లాంటి వాళ్లు బీసీసీఐని విమర్శించడం గమనార్హం. అయితే, కేఎల్‌ రాహుల్‌ మాత్రం తాను ఏ స్థానంలో ఆడినా కూల్‌గా, పక్కా ప్రణాళికతో ముందుకు సాగాడు. ముఖ్యంగా ఆస్ట్రేలియాతో సెమీ ఫైనల్లో భారత్‌ విజయం సాధించడానికి.. విరాట్‌ కోహ్లితో పాటు ఈ కర్ణాటక బ్యాటర్‌ ధనాధన్‌ ఇన్నింగ్స్‌ కూడా ప్రధాన కారణం. సెమీస్‌ మ్యాచ్‌లో కేఎల్‌ రాహుల్‌ ఆరో స్థానంలో వచ్చి 34 బంతుల్లో 42 పరుగులతో అజేయంగా నిలిచి.. జట్టును విజయతీరాలకు చేర్చాడు. ఇక న్యూజిలాండ్‌తో ఫైనల్లోనూ అతడు అదరగొట్టాడు. 33 బంతుల్లో 34 పరుగులు సాధించి.. మరో ఓవర్‌ మిగిలి ఉండగానే భారత్‌ గెలుపొందడంలో కీలక పాత్ర పోషించాడు. నిజానికి వన్డే వరల్డ్‌కప్‌-2023 టోర్నీలో రాహుల్‌ రాణించాడు.అయితే, సొంతగడ్డపై ఆస్ట్రేలియాతో నాటి ఫైనల్లోనూ అర్ధ శతకం సాధించాడు. అయితే, 107 బంతుల్లో కేవలం 66 పరుగులే చేయడంతో.. భారత్‌ ఓటమికి అతడి స్లో ఇన్నింగ్స్‌ కూడా ఓ కారణమని కొంతమంది విమర్శించారు. అయితే, చాంపియన్స్‌ ట్రోఫీలో అతడు తన శైలిని మార్చుకున్నాడు. ప్రత్యర్థి బౌలర్‌లపై దూకుడు ప్రదర్శిస్తూ సరైన షాట్ల ఎంపికతో పరుగులు రాబట్టి.. టీమిండియా గెలుపుల్లో భాగమయ్యాడు.ఏకైక ‘శత్రువు’ను అతడు జయించేశాడుఈ నేపథ్యంలో సంజయ్‌ మంజ్రేకర్‌ కేఎల్‌ రాహుల్‌ గురించి మాట్లాడాడు.‘‘వన్డే ప్రపంచకప్‌-2023 ఫైనల్‌ నుంచి రాహుల్‌ ‘స్లో ఇన్నింగ్స్‌’ భారం మోస్తున్నాడు. గతంలో ఓ ఇంటర్వ్యూలో ఈ విషయం గురించి అతడు మాట్లాడుతూ.. ఆ ఇన్నింగ్స్‌ తాలూకు చేదు అనుభవం తనను వేటాడుతూ.. పదే పదే పాత గాయాన్ని గుర్తు చేస్తుందని చెప్పాడు.ఇక ఇప్పుడు సెమీస్‌, ఫైనల్లో అతడి ప్రదర్శన వల్ల కచ్చితంగా సంతృప్తి పడి ఉంటాడు. నిజానికి కేఎల్‌ రాహుల్‌కు బౌలర్లు ‘శత్రువులు’ కారు. అతడికి ఉన్న ఏకైక ‘శత్రువు’ అతడి మెదడే. తన ఆలోచనా విధానం వల్లే అతడు ఒత్తిడిలో కూరుకుపోయి ఉంటాడు.అయితే, ఇప్పుడు ఆ భారాన్ని జయించి.. సంయమనం పాటిస్తూ చక్కటి షాట్లతో అలరించాడు. అతడి ప్రయాణం గొప్పగా సాగుతోంది’’ అని సంజయ్‌ మంజ్రేకర్‌ ఈఎస్‌పీఎన్‌క్రిక్‌ఇన్ఫోతో వ్యాఖ్యానించాడు. కాగా చాంపియన్స్‌ ట్రోఫీ-2025లో కేఎల్‌ రాహుల్‌ ఐదు మ్యాచ్‌లలో నాలుగు ఇన్నింగ్స్‌ ఆడి 140 పరుగులు సాధించాడు. స్ట్రైక్‌ రేటు 97.90. ఐసీసీ ప్రకటించిన టీమ్‌ ఆఫ్‌ ది టోర్నమెంట్‌ ప్లేయింగ్‌ ఎలెవన్‌లోనూ ఈ వికెట్‌ కీపర్‌ బ్యాటర్‌ స్థానం సంపాదించాడు.చదవండి: Team of the Tourney 2025: జట్టును ప్రకటించిన ఐసీసీ.. రోహిత్‌కు దక్కని చోటు View this post on Instagram A post shared by ICC (@icc)

పాకిస్తాన్‌ వేదికగా ఫిబ్రవరి 19న మొదలైన చాంపియన్స్‌ ట్రోఫీ-2025(Champions Trophy) ఎడిషన్‌ మార్చి 9న దుబాయ్‌లో ముగిసింది. టైటిల్‌ పోరులో న్యూజిలాండ్‌తో తలపడ్డ టీమిండియా జయకేతనం ఎగురవేసి ట్రోఫీని ముద్దాడింది. గ్రూప్‌ దశలో మూడు.. సెమీస్‌, ఫైన​‍ల్‌ గెలిచి అజేయంగా ఈ వన్డే టోర్నమెంట్‌ను ముగించింది.ఇదిలా ఉంటే.. అంతర్జాతీయ క్రికెట్‌ మండలి(ICC) తాజాగా చాంపియన్స్‌ ట్రోఫీ-2025 టీమ్‌ ఆఫ్‌ ది టోర్నమెంట్‌ను ప్రకటించింది. ఈ పదకొండు మంది సభ్యుల జట్టులో భారత్‌ హవా కొనసాగింది. టీమిండియా నుంచి ఈ జట్టులో ఏకంగా ఐదుగురు క్రికెటర్లు స్థానం సంపాదించారు.పాకిస్తాన్‌కు మొండిచేయిమరోవైపు.. డిఫెండింగ్‌ చాంపియన్‌గా బరిలోకి దిగి గెలుపన్నదే లేకుండా నిష్క్రమించిన పాకిస్తాన్‌కు మొండిచేయి ఎదురైంది. అంతేకాదు.. సౌతాఫ్రికా, ఆస్ట్రేలియా, ఇంగ్లండ్‌, బంగ్లాదేశ్‌ జట్ల నుంచి కూడా ఒక్క ఆటగాడూ ఐసీసీ జట్టులో స్థానం సంపాదించలేకపోయాడు. ఇక టీమిండియా తర్వాత న్యూజిలాండ్‌ నుంచి అత్యధికంగా నలుగురు ఐసీసీ ప్లేయింగ్‌ ఎలెవన్‌లో చోటు దక్కించుకున్నారు. అదే విధంగా అఫ్గనిస్తాన్‌ నుంచి ఇద్దరు ఇందులో ఉన్నారు. అయితే, ఇందులో టీమిండియా కెప్టెన్‌ రోహిత్‌ శర్మకు మాత్రం చోటు దక్కకపోవడం గమనార్హం. ఈ జట్టుకు సారథిగా కివీస్‌ నాయకుడు మిచెల్ సాంట్నర్‌ ఎంపికయ్యాడు.‌నాలుగు వికెట్ల తేడాతో ఓడించికాగా చాంపియన్స్‌ ట్రోఫీ-2025లో గ్రూప్‌-ఎ నుంచి భారత్‌, పాకిస్తాన్, బంగ్లాదేశ్‌, న్యూజిలాండ్‌ పోటీపడగా.. టీమిండియా, కివీస్‌ సెమీస్‌ చేరాయి. గ్రూప్‌-బి నుంచి ఆస్ట్రేలియా, సౌతాఫ్రికా, ఇంగ్లండ్‌, అఫ్గనిస్తాన్‌ బరిలో దిగగా.. ఆసీస్‌, ప్రొటిస్‌ జట్లు సెమీ ఫైనల్‌లో అడుగుపెట్టాయి.ఈ క్రమంలో తొలి సెమీస్‌ మ్యాచ్‌లో భారత్‌- ఆసీస్‌ను... రెండో సెమీస్‌లో కివీస్‌ ప్రొటిస్‌ను ఓడించి ఫైనల్‌కు చేరుకున్నాయి. ఈ క్రమంలో దుబాయ్‌ వేదికగా ఆదివారం జరిగిన ఫైనల్లో రోహిత్‌ సేన సాంట్నర్‌ బృందాన్ని నాలుగు వికెట్ల తేడాతో ఓడించి చాంపియన్‌గా అవతరించింది. ఈ మ్యాచ్‌లో 76 పరుగులతో రాణించిన భారత సారథి రోహిత్‌ శర్మ ప్లేయర్‌ ఆఫ్‌ ది మ్యాచ్‌గా నిలవగా.. మొత్తంగా రెండు శతకాల సాయంతో 263 పరుగులు సాధించిన కివీస్‌ యువ ఆటగాడు రచిన్‌ రవీంద్రకు ప్లేయర్‌ ఆఫ్‌ ది టోర్నమెంట్‌ అవార్డు దక్కింది.ఐసీసీ చాంపియన్స్‌ ట్రోఫీ-2025 ‘టీమ్‌ ఆఫ్‌ ది టోర్నమెంట్‌’రచిన్‌ రవీంద్ర(న్యూజిలాండ్‌), ఇబ్రహీం జద్రాన్‌(అఫ్గనిస్తాన్‌), విరాట్‌ కోహ్లి(ఇండియా), శ్రేయస్‌ అయ్యర్‌(ఇండియా), కేఎల్‌ రాహుల్‌(ఇండియా), గ్లెన్‌ ఫిలిప్స్‌(న్యూజిలాండ్‌), అజ్మతుల్లా ఒమర్జాయ్‌(అఫ్గనిస్తాన్‌), మిచెల్‌ సాంట్నర్‌(కెప్టెన్‌, న్యూజిలాండ్‌), మ్యాట్‌ హెన్రీ(న్యూజిలాండ్‌), వరుణ్‌ చక్రవర్తి(ఇండియా)12వ ఆటగాడు: అక్షర్‌ పటేల్‌(ఇండియా)చాంపియన్స్‌ ట్రోఫీ-2025లో వీరి ప్రదర్శన👉రచిన్‌ రవీంద్ర- రెండు శతకాల సాయంతో 263 రన్స్‌. స్పిన్‌ బౌలర్‌గానూ రాణించిన రచిన్‌. ప్లేయర్‌ ఆఫ్‌ ది టోర్నమెంట్‌గా ఎంపిక👉ఇబ్రహీం జద్రాన్‌- ఒక సెంచరీ సాయంతో 216 పరుగులు. ఇంగ్లండ్‌పై అఫ్గన్‌ గెలుపొందడంలో కీలక పాత్ర👉విరాట్‌ కోహ్లి- ఒక శతకం సాయంతో 218 పరుగులు. పాకిస్తాన్‌పై అజేయ సెంచరీ. వన్డేల్లో అత్యంత వేగంగా పద్నాలుగు వేల మార్కు అందుకున్న క్రికెటర్‌గా ప్రపంచ రికార్డు.👉శ్రేయస్‌ అయ్యర్‌- రెండు అర్ధ శతకాల సాయంతో 243 రన్స్‌. టీమిండియా చాంపియన్‌గా నిలవడంతో కీలక మిడిలార్డర్‌ బ్యాటర్‌గా రాణింపు.👉కేఎల్‌ రాహుల్‌- 140 పరుగులు. వికెట్‌ కీపర్‌గానూ సేవలు.👉గ్లెన్‌ ఫిలిప్స్‌- 177 పరుగులు. రెండు వికెట్లు, ఐదు క్యాచ్‌లు.👉అజ్మతుల్లా ఒమర్జాయ్‌- 126 రన్స్‌, ఏడు వికెట్లు.👉మిచెల్‌ సాంట్నర్‌- 4.80 ఎకానమీతో తొమ్మిది వికెట్లు👉మహ్మద్‌ షమీ- 5.68 ఎకానమీతో తొమ్మిది వికెట్లు. ఇందులో ఓ ఫైవ్‌ వికెట్‌ హాల్‌.👉మ్యాట్‌ హెన్రీ- 5.32 ఎకానమీతో పది వికెట్లు👉వరుణ్‌ చక్రవర్తి- 4.53 ఎకానమీతో తొమ్మిది వికెట్లు👉అక్షర్‌ పటేల్‌- 4.35 ఎకానమీతో ఐదు వికెట్లు.చదవండి: అతడు మా నుంచి మ్యాచ్‌ లాగేసుకున్నాడు.. ఓడినా గర్వంగానే ఉంది: కివీస్‌ కెప్టెన్‌ View this post on Instagram A post shared by Team India (@indiancricketteam)

టీమిండియా ఛాంపియన్స్ ట్రోఫీని మరోసారి ముద్దాడింది. దాదాపు 12 ఏళ్ల తర్వాత ఛాంపియన్స్‌గా నిలిచింది. దుబాయ్ వేదికగా జరిగిన ఈ మ్యాచ్‌లో న్యూజిలాండ్‌పై గ్రాండ్ విక్టరీ కొట్టింది. ఫైనల్ ‍మ్యాచ్‌లో నువ్వా నేనా అన్నట్లు సాగిన ‍మ్యాచ్‌లో భారత స్టార్‌ క్రికెటర్, వికెట్‌ కీపర్ కేఎల్ రాహుల్ మరోసారి క్లాస్ ఇన్నింగ్స్ ఆడారు. చివరి వరకు క్రీజ్‌లో ఉండి టీమిండియాను ఛాంపియన్‌గా నిలిపాడు. ఒక వైపు వికెట్స్ పడుతున్నా 34 పరుగుతులతో నాటౌట్‌గా నిలిచి విజయ తీరాలకు చేర్చాడు. దీంతో పాకిస్తాన్ హోస్ట్‌ చేసిన ఛాంపియన్స్ ట్రోఫీ విజేతగా టీమిండియా నిలిచింది.అయితే ఈ ఫైనల్ మ్యాచ్‌లో టీమిండియా గెలవడంపై బాలీవుడ్ నటుడు సునీల్ శెట్టి సంతోషం వ్యక్తం చేశారు. ముఖ్యంగా తన అల్లుడు కేఎల్ రాహుల్‌పై ప్రశంసలు కురిపించారు. ఈ మేరకు రాహుల్ ఫోటోను షేర్ చేస్తూ ట్వీట్ చేశారు. ఇండియాకి విష్.. రాహుల్ కమాండ్ అంటూ క్యాప్షన్ కూడా రాసుకొచ్చారు. ఇది చూసిన నెటిజన్స్‌ సునీల్ శెట్టిని ప్రశంసిస్తున్నారు. అల్లుడికి మామ సపోర్ట్ చేయడాన్ని చూసి నెటిజన్స్‌ ఆనందం ‍వ్యక్తం చేస్తున్నారు. రాహుల్ అన్నా రాక్‌స్టార్.. టీమిండియాకు కాబోయే కెప్టెన్ అంటూ ఓ నెటిజన్‌ రిప్లై ఇ‍చ్చాడు. 2027లో కేఎల్ కెప్టెన్సీలో వన్డే వరల్డ్ కప్‌ గెలుస్తామంటూ మరో నెటిజన్ రాసుకొచ్చాడు. అల్లుడికి మామ సపోర్ట్‌ చేయడం గొప్ప విషయం.. మా నాన్న కూడా నాకు సపోర్ట్‌ చేయడు అంటూ ఓ నెటిజన్ ఫన్నీగా సునీల్ శెట్టి ట్వీట్‌కు స్పందించాడు. అతియాను పెళ్లాడిన కేఎల్ రాహుల్..బాలీవుడ్ నటుడు సునీల్ శెట్టి కూతురు అతియా శెట్టిని కేఎల్ రాహుల్ పెళ్లాడిన సంగతి తెలిసిందే. కొన్నేళ్ల పాటు ప్రేమలో ఉన్న వీరిద్దరు ఆ తర్వాత వివాహాబంధంలోకి అడుగుపెట్టారు. ప్రస్తుతం అతియా శెట్టి గర్భంతో ఉన్నారు. త్వరలోనే వీరిద్దరు తల్లిదండ్రులు కాబోతున్నారు. సునీల్ శెట్టి తాతగా ప్రమోట్ కానున్నారు. ఏప్రిల్‌లో అతియా శెట్టి, కేఎల్ రాహుల్ తమ బిడ్డకు స్వాగతం పలకనున్నారు. 🇮🇳 INDIA’S WISH !!!! Rahul’s COMMAND …… pic.twitter.com/SbllRkbUgP— Suniel Shetty (@SunielVShetty) March 9, 2025

పుష్కరకాలం తర్వాత టీమిండియా మరోసారి చాంపియన్స్‌ ట్రోఫీ(ICC Champions Trophy 2025)ని ముద్దాడింది. పాతికేళ్ల క్రితం న్యూజిలాండ్‌ చేతిలో ఎదురైన పరాభవానికి ప్రతీకారం తీర్చుకుని 2025 విజేతగా ఆవిర్భవించింది. దుబాయ్‌ వేదికగా ఆదివారం నాటి ఫైనల్లో కివీస్‌ను నాలుగు వికెట్ల తేడాతో ఓడించి టైటిల్‌ కైవసం చేసుకుంది. ఆఖరి వరకు ఉత్కంఠగా సాగిన మ్యాచ్‌లో సాంట్నర్‌ బృందంపై పైచేయి సాధించి అభిమానులకు కనులవిందు చేసింది.మా స్పిన్నర్లు అద్భుతంఈ నేపథ్యంలో విజయానంతరం భారత జట్టు కెప్టెన్‌ రోహిత్‌ శర్మ(Rohit Sharma) మాట్లాడుతూ సమిష్టి కృషి వల్లే గెలుపు సాధ్య​మైందని సహచరులపై ప్రశంసలు కురిపించాడు. ముఖ్యంగా స్పిన్నర్లు చాంపియన్స్‌ ట్రోఫీ-2025 ఆసాంతం అదరగొట్టారని కితాబులిచ్చాడు. అదే విధంగా తమకు మద్దతుగా నిలిచిన ప్రేక్షకులకు ధన్యవాదాలు తెలిపాడు.‘‘ఇది మా సొంత మైదానం కాదు. అయినప్పటికీ మాకు మద్దతుగా అభిమానులు ఇక్కడికి తరలివచ్చారు. మా హోం గ్రౌండ్‌ ఇదే అన్నంతలా మాలో జోష్‌ నింపారు. గెలుపుతో మేము వారి మనసులను సంతృప్తిపరిచాం.ఫైనల్లో మాత్రమే కాదు.. టోర్నీ ఆరంభం నుంచీ మా స్పిన్నర్లు గొప్పగా రాణించారు. దుబాయ్‌ పిచ్‌ స్వభావరీత్యా వారిపై భారీ అంచనాలు నెలకొన్నప్పటికీ ఒత్తిడికి లోనుకాకుండా పనిపూర్తి చేశారు. వారి నైపుణ్యాలపై నమ్మకంతో మేము తీసుకున్న నిర్ణయాలు సరైనవే అని నిరూపించారు. వారి బలాలను మాకు అనుకూలంగా మలచుకోవడంలో మేము సఫలమయ్యాం.అతడు ఒత్తిడిని చిత్తు చేశాడుఇక.. కేఎల్‌ రాహుల్‌(KL Rahul) గురించి చెప్పాలంటే.. ఎలాంటి పరిస్థితుల్లోనూ ఒత్తిడిని దరిచేరనీయడు. అందు​కే మేము అతడి సేవలను మిడిల్‌లో ఎక్కువగా ఉపయోగించుకున్నాం. ఈరోజు తను బ్యాటింగ్‌ చేస్తున్నపుడు పరిస్థితులు మాకు అంత అనుకూలంగా లేవు. అయినప్పటికీ అతడు ఏమాత్రం తడబడకుండా షాట్ల ఎంపికలో సంయమనం పాటించాడు.తనతో పాటు బ్యాటింగ్‌ చేస్తున్న ఆటగాడు స్వేచ్ఛగా బ్యాట్‌ ఝులిపించేలా చక్కటి సహకారం అందిస్తాడు. తను సరికొత్తగా కనిపిస్తున్నాడు. నాణ్యమైన బౌలర్‌ఇక వరుణ్‌ టోర్నీ ఆరంభంలో ఆడలేదు. అయితే, న్యూజిలాండ్‌తో లీగ్‌ మ్యాచ్‌లో ఐదు వికెట్లతో మెరిసిన తర్వాత అతడి సేవలను పూర్తిగా వినియోగించుకోవాలని మేము నిర్ణయించుకున్నాం. అతడొక నాణ్యమైన బౌలర్‌. ట్రోఫీ గెలవడంలో ప్రతి ఒక్క సభ్యుడు తమ వంతు పాత్ర పోషించారు’’ అని జట్టు ప్రదర్శన పట్ల రోహిత్‌ శర్మ సంతృప్తి వ్యక్తం చేశాడు. కాగా చాంపియన్స్‌ ట్రోఫీ-2025 ఫైనల్లో టాస్‌ గెలిచిన న్యూజిలాండ్‌ తొలుత బ్యాటింగ్‌ చేసింది. డారిల్‌ మిచెల్‌(63), మైకేల్‌ బ్రాస్‌వెల్‌(53 నాటౌట్‌) అర్ధ శతకాలతో రాణించారు. ఈ క్రమంలో నిర్ణీత 50 ఓవర్లలో ఏడు వికెట్ల నష్టానికి 251 పరుగులు చేసింది.భారత బౌలర్లలో వరుణ్‌ చక్రవర్తి, కుల్దీప్‌ యాదవ్‌ రెండేసి వికెట్లు పడగొట్టగా.. షమీ, రవీంద్ర జడేజా ఒక్కో వికెట్‌ తీశారు.ఇక లక్ష్య ఛేదనలో భారత్‌కు ఓపెనర్లు కెప్టెన్‌ రోహిత్‌ శర్మ, శుబ్‌మన్‌ గిల్‌(31) శుభారంభం అందించారు. విరాట్‌ కోహ్లి(1) విఫలం కాగా.. శ్రేయస్‌ అయ్యర్‌(48)తో కలిసి రోహిత్‌ ఇన్నింగ్స్‌ చక్కదిద్దాడు. 76 పరుగుల వద్ద రోహిత్‌ స్టంపౌట్‌ కాగా.. అక్షర్‌ పటేల్‌(29), కేఎల్‌ రాహుల్‌(33 బంతుల్లో 34 నాటౌట్‌), హార్దిక్‌ పాండ్యా(18 బంతుల్లో 18), రవీంద్ర జడేజా(6 బంతుల్లో 9) వేగంగా ఆడి మరో ఓవర్‌ మిగిలి ఉండగానే జట్టును విజయతీరాలకు చేర్చారు. రోహిత్‌కు ప్లేయర్‌ ఆఫ్‌ ది మ్యాచ్‌ అవార్డు దక్కింది.

భారత స్టార్‌ క్రికెటర్‌ కేఎల్‌ రాహుల్‌(KL Rahul) విషయంలో యాజమాన్యం వ్యవహరిస్తున్న తీరుపై విమర్శలు వస్తున్నాయి. ఈ కర్ణాటక ఆటగాడి బ్యాటింగ్‌ స్థానాన్ని పదే పదే మార్చడం.. అతడి ఆత్మవిశ్వాసాన్ని దెబ్బతీస్తుందనే అభిప్రాయాలు వ్యక్తమవుతున్నాయి. ఈ విషయం గురించి భారత మాజీ ఓపెనర్‌ నవజ్యోత్‌ సింగ్‌ సిద్ధు మాట్లాడుతూ.. స్పేర్‌ టైర్‌ కంటే కూడా దారుణంగా మేనేజ్‌మెంట్‌ అతడి సేవలను వాడుకుంటోందని ఘాటు వ్యాఖ్యలు చేశాడు.ఏ స్థానంలో ఆడేందుకైనా సిద్ధంఈ నేపథ్యంలో టీమిండియా బ్యాటింగ్‌ కోచ్‌ సితాన్షు కొటక్‌(Sitanshu Kotak) స్పందించాడు. జట్టులో తన పాత్ర పట్ల కేఎల్‌ రాహుల్‌ సంతృప్తిగా ఉన్నాడని తెలిపాడు. జట్టు ప్రయోజనాల కోసం ఏ స్థానంలో ఆడేందుకైనా సిద్ధంగా ఉన్నాడని పేర్కొన్నాడు. కాగా 2014లో టీమిండియా తరఫున అరంగేట్రం చేసిన కేఎల్‌ రాహుల్‌.. ఆరంభంలో ఓపెనర్‌గా బరిలోకి దిగాడు.అనంతరం ఈ వికెట్‌ కీపర్‌ బ్యాటర్‌ను మిడిలార్డర్‌కు డిమోట్‌ చేశారు. అయితే, ఇటీవల ఆస్ట్రేలియా(India vs Australia)తో బోర్డర్‌- గావస్కర్‌ ట్రోఫీ టెస్టు సిరీస్‌ సందర్భంగా మళ్లీ ఓపెనర్‌గా పంపారు. ఇక ఇంగ్లండ్‌తో స్వదేశంలో ఇటీవలి వన్డే సిరీస్‌లో ఒక్కోసారి ఆరో స్థానంలో ఆడించారు. ఐసీసీ చాంపియన్స్‌ ట్రోఫీ-2025లోనూ ఇదే కొనసాగిస్తున్నారు. వీలునుబట్టి ఐదో స్థానంలో కూడా ఆడిస్తున్నారు.అయితే, ఇలా పదే పదే తన బ్యాటింగ్‌ ఆర్డర్‌ మారుతున్నా కేఎల్‌ రాహుల్‌ సంతోషంగానే ఉన్నాడని కోచ్‌ సితాన్షు కొటక్‌ చెప్పడం విశేషం. ‘‘అతడు ఓపెనింగ్‌ చేయగలడు. నాలుగు లేదంటే ఐదో స్థానంలో బ్యాటింగ్‌ చేస్తాడు. డిమాండ్‌ను బట్టి ఆరో స్థానంలోనూ ఆడతాడు.జట్టుకు ఏది అవసరమో అది చేస్తాడుపరిస్థితులకు తగ్గట్లుగా తనను తాను మార్చుకోవడం అతడికి ఇష్టం. జట్టులో తన పాత్ర పట్ల అతడు సంతృప్తిగా, సంతోషంగా ఉన్నాడు. రాహుల్‌ వంటి నాణ్యమైన బ్యాటర్‌ ఆరో స్థానంలో అందుబాటులో ఉండటం జట్టుకు అదనపు ప్రయోజనం.బ్యాటింగ్‌ ఆర్డర్‌ మార్పుల గురించి నేను తనతో మాట్లాడినపుడు తనకేమీ ఇబ్బంది లేదని చెప్పాడు. జట్టుకు ఏది అవసరమో అది చేసేందుకు తాను సిద్ధంగా ఉన్నానని నాతో అన్నాడు’’ అని సితాన్షు కొటక్‌ వెల్లడించాడు. టీమిండియా- న్యూజిలాండ్‌ మధ్య ఆదివారం చాంపియన్స్‌ ట్రోఫీ ఫైనల్‌ నేపథ్యంలో శుక్రవారం మీడియాతో మాట్లాడుతూ ఈ మేరకు వ్యాఖ్యలు చేశాడు.కాగా వన్డేల్లో ఐదో స్థానంలో వచ్చి ఇప్పటి వరకు 31 ఇన్నింగ్స్‌ ఆడిన కేఎల్‌ రాహుల్‌.. 1299 పరుగులు సాధించాడు. సగటు 56.47. ఇందులో రెండు శతకాలతో పాటు నాలుగు హాఫ్‌ సెంచరీలు కూడా ఉన్నాయి. ఇక ఆరో స్థానంలో రాహుల్‌ ఏడుసార్లు బ్యాటింగ్‌ చేసి 160 పరుగులు మాత్రమే చేయగలిగాడు.ఇదిలా ఉంటే.. కివీస్‌తో టైటిల్‌ పోరు గురించి సితాన్షు కొటక్‌ మాట్లాడుతూ.. ‘‘సీనియర్లు, యువ ఆటగాళ్లతో జట్టు సమతూకంగా ఉంది. వాళ్లంతా కలిసికట్టుగా ఉంటూ.. ఆట గురించి చర్చిస్తూ ఉంటారు. ఏ జట్టుకైనా ఇంతకంటే విలువైన, గొప్ప విషయం మరొకటి ఉండదు.రోహిత్‌, విరాట్‌, హార్దిక్‌, షమీ, జడేజా.. జట్టులో ఉండటం సానుకూలాంశం. వాళ్లలో చాలా మందికి 15- 20 ఏళ్ల అనుభవం ఉంది. యువ ఆటగాళ్లు సీనియర్ల నుంచి ఎంతో నేర్చుకుంటున్నారు. ఫైనల్‌ విషయంలో మా జట్టుపై ఎలాంటి ఒత్తిడి లేదు’’ అని పేర్కొన్నాడు.చదవండి: CT 2025: వరుణ్‌తోనే పెను ముప్పు: కివీస్‌ కోచ్‌

టీమిండియా యాజమాన్యం తీరుపై భారత మాజీ క్రికెటర్‌ నవజ్యోత్‌ సింగ్‌ సిద్ధు(Navjot Singh Sidhu) మండిపడ్డాడు. అందరు ఆటగాళ్లను సమానంగా చూడాలని.. అభ్రతా భావంతో కుంగిపోయేలా చేయకూడదని హితవు పలికాడు. భారత తుదిజట్టులో కేఎల్‌ రాహుల్‌(KL Rahul)ను స్పేర్‌ టైర్‌ కంటే దారుణంగా వాడుతున్నారంటూ సిద్ధు ఘాటు విమర్శలు చేశాడు.ఆరంభంలో ఓపెనర్‌గా కర్ణాటక బ్యాటర్‌ కేఎల్‌ రాహుల్‌ 2014లో టీమిండియా తరఫున అరంగేట్రం చేశాడు. ఆరంభంలో ఓపెనర్‌గా బరిలోకి దిగిన ఈ వికెట్‌ కీపర్‌ బ్యాటర్‌ను తర్వాత మిడిలార్డర్‌కు డిమోట్‌ చేశారు. అయితే, ఇటీవల ఆస్ట్రేలియా(India vs Australia)తో బోర్డర్‌- గావస్కర్‌ ట్రోఫీ టెస్టు సిరీస్‌ సందర్భంగా మళ్లీ ఓపెనర్‌గా పంపారు.టీ20లకు దూరంఇక వన్డే జట్టులో వికెట్‌ కీపర్‌గా.. మిడిలార్డర్‌ బ్యాటర్‌గా రాహుల్‌ సేవలు వినియోగించుకుంటున్న భారత క్రికెట్‌ నియంత్రణ మండలి(బీసీసీఐ).. టీ20ల నుంచి పూర్తిగా అతడిని పక్కనపెట్టింది. ఇటీవల ఇంగ్లండ్‌తో వన్డే సిరీస్‌లో రాహుల్‌కు కలిసివచ్చిన ఐదో స్థానంలో అక్షర్‌ పటేల్‌ను ప్రమోట్‌ చేసి.. ఆరో స్థానంలో అతడిని ఆడించింది. ఐసీసీ చాంపియన్స్‌ ట్రోఫీ-2025లోనూ ఇదే కొనసాగించింది.మారుస్తూనే ఉన్నారుఅయితే, తాను ఏ స్థానంలో వచ్చినా చాంపియన్స్‌ ట్రోఫీలో రాహుల్‌ మాత్రం అదరగొడుతున్నాడు. గ్రూప్‌ దశలో తొలి మ్యాచ్‌లో బంగ్లాదేశ్‌పై 47 బంతుల్లో 41 పరుగులతో అజేయంగా నిలిచి.. జట్టు విజయంలో తన వంతు పాత్ర పోషించాడు. అయితే, పాకిస్తాన్‌తో మ్యాచ్‌లో హార్దిక్‌ పాండ్యాను ఐదు, అక్షర్‌ను ఆరో స్థానంలో పంపగా.. రాహుల్‌కు ఆడే అవకాశం రాలేదు.ఇక న్యూజిలాండ్‌తో మ్యాచ్‌లో మళ్లీ రాహుల్‌ను ఆరో స్థానంలో పంపగా.. ఈ వికెట్‌ కీపర్‌ బ్యాటర్‌ 29 బంతుల్లో 23 రన్స్‌ చేశాడు. అయితే, ఆస్ట్రేలియాతో కీలకమైన సెమీ ఫైనల్లో మాత్రం ఈ కర్ణాటక స్టార్‌ అదరగొట్టాడు. ఉత్కంఠగా సాగిన మ్యాచ్‌లో ఆరో స్థానంలో వచ్చిన రాహుల్‌ 34 బంతుల్లోనే 42 పరుగులతో అజేయంగా నిలిచి.. సిక్సర్‌తో జట్టు విజయాన్ని ఖరారు చేశాడు.అతడిని స్పేర్‌ టైర్‌ కంటే దారుణంగా వాడుతున్నారుఈ నేపథ్యంలో కేఎల్‌ రాహుల్‌పై ప్రశంసలు కురుస్తున్నా... జట్టులో తనకంటూ సుస్థిర స్థానం లేకపోవడం పట్ల నవజ్యోత్‌ సింగ్‌ సిద్ధు సానుభూతి వ్యక్తం చేశాడు. ‘‘కేఎల్‌ రాహుల్‌... మీకు తెలుసా?.. అదనంగా మన దగ్గర పెట్టుకునే టైర్‌ కంటే కూడా అధ్వాన్నంగా, దారుణంగా అతడిని మేనేజ్‌మెంట్‌ వాడుకుంటోంది.ఓసారి వికెట్‌ కీపర్‌గా మాత్రమే ఆడిస్తారు, ఓసారి ఓపెనర్‌గా రమ్మంటారు.. మరోసారి ఐదు.. ఆరు స్థానాలు.. బోర్డర్‌- గావస్కర్‌ ట్రోఫీ వస్తే.. మూడో నంబర్‌లో ఆడమంటారు. మీ రెగ్యులర్‌ ఓపెనర్లు అందుబాటులో లేకుంటే మళ్లీ ఇన్నింగ్స్‌ ఆరంభించమంటారు.వన్డేల్లో ఓపెనర్‌గా రావడం సులువే. కానీ టెస్టుల్లో మాత్రం కష్టం. ఏదేమైనా జట్టు కోసం అతడు నిస్వార్థంగా తన స్థానాన్ని త్యాగం చేస్తూనే ఉన్నాడు’’ అని భారత జట్టు మాజీ ఓపెనర్‌ నవజ్యోత్‌ సింగ్‌ సిద్ధు స్టార్‌ స్పోర్ట్స్ షోలో వ్యాఖ్యానించాడు.కాగా కేఎల్‌ రాహుల్‌ ఇప్పటి వరకు అంతర్జాతీయ కెరీర్‌లో 58 టెస్టులు, 84 వన్డేలు, 72 టీ20 మ్యాచ్‌లు ఆడాడు. టెస్టుల్లో ఎనిమిది శతకాల సాయంతో 3257 పరుగులు సాధించిన ఈ కుడిచేతి వాటం బ్యాటర్‌.. వన్డేల్లో ఏడు సెంచరీలు కొట్టి 3009 రన్స్‌ పూర్తి చేసుకున్నాడు. ఇక టీ20లలోనూ రెండు శతకాలు నమోదు చేసిన రాహుల్‌ ఖాతాలో 2265 పరుగులు ఉన్నాయి.చదవండి: ‘లాహోర్‌లో ఫైనల్‌ జరిగితే బాగుండేది’.. బీసీసీఐ స్ట్రాంగ్‌ రియాక్షన్‌

ఐసీసీ చాంపియన్స్‌ ట్రోఫీ-2025(ICC Champions Trophy)లో జైత్రయాత్ర కొనసాగించిన భారత క్రికెట్‌ జట్టు.. ఫైనల్లోనూ గెలిచి విజయాన్ని పరిపూర్ణం చేసుకోవాలని పట్టుదలగా ఉంది. సమిష్టి ప్రదర్శనతో గ్రూప్‌ దశలో టాపర్‌గా నిలిచిన రోహిత్‌ సేన సెమీస్‌లోనూ అదరగొట్టిన విషయం తెలిసిందే. ఐసీసీ నాకౌట్‌ మ్యాచ్‌లలో గత కొంతకాలంగా భారత్‌కు చేదు అనుభవాలను మిగిల్చిన ఆస్ట్రేలియా(India vs Australia)ను ఓడించింది.కంగారూ జట్టును ఏ దశలోనూ కోలుకోనివ్వకుండా చేసి చిరస్మరణీయ విజయంతో టీమిండియా ఫైనల్‌కు దూసుకువెళ్లింది. ఇక ఈ మ్యాచ్‌ సందర్భంగా చోటు చేసుకున్న ఓ సరదా సంఘటన తాజాగా వెలుగులోకి వచ్చింది. భారత కెప్టెన్‌ రోహిత్‌ శర్మ(Rohit Sharma), వికెట్‌ కీపర్‌ కేఎల్‌ రాహుల్‌, స్పిన్‌ బౌలింగ్‌ ఆల్‌రౌండర్‌ రవీంద్ర జడేజా మాట్లాడుకున్న మాటలు స్టంప్‌ మైకులో రికార్డు కాగా.. ప్రస్తుతం వైరల్‌ అవుతున్నాయి.264 పరుగులకు ఆసీస్‌ ఆలౌట్‌కాగా ఫిబ్రవరి 19న పాకిస్తాన్‌లో చాంపియన్స్‌ ట్రోఫీ మొదలుకాగా.. టీమిండియా మాత్రం తమ మ్యాచ్‌లన్నీ తటస్థ వేదికైన దుబాయ్‌లో ఆడుతున్న విషయం తెలిసిందే. ఈ క్రమంలో తొలి సెమీస్‌లో భాగంగా భారత్‌ మంగళవారం ఆసీస్‌ జట్టును ఢీకొట్టింది. టాస్‌ గెలిచిన ఆస్ట్రేలియా కెప్టెన్‌ స్టీవ్‌ స్మిత్‌ తొలుత బ్యాటింగ్‌ ఎంచుకున్నాడు.ఈ క్రమంలో ఓపెనర్‌ కూపర్‌ కన్నోలి(0)ని డకౌట్‌ చేసి మహ్మద్‌ షమీ టీమిండియాకు శుభారంభం అందించగా.. విధ్వంసకర ఓపెనర్‌ ట్రవిస్‌ హెడ్‌(39)ను వరుణ్‌ చక్రవర్తి స్వల్ప స్కోరుకే పెవిలియన్‌కు చేర్చాడు. ఈ దశలో స్మిత్‌ కెప్టెన్‌ ఇన్నింగ్స్‌(73)తో ఆకట్టుకోగా.. అలెక్స్‌ క్యారీ(61)అతడికి సహకరించాడు. అయితే, మిగతా వాళ్లు స్థాయికి తగ్గట్లు రాణించకపోవడంతో ఆసీస్‌ 49.3 ఓవర్లలోనే ఆలౌట్‌ అయింది. 264 పరుగులు స్కోరు చేసింది.టీమిండియా బౌలర్లలో మహ్మద్‌ షమీ మూడు వికెట్లు పడగొట్టగా.. రవీంద్ర జడేజా, వరుణ్‌ చక్రవర్తి రెండు, హార్దిక్‌ పాండ్యా, అక్షర్‌ పటేల్‌ ఒక్కో వికెట్‌ తీశారు. అయితే, జడ్డూ బౌలింగ్‌ చేసే సమయంలో ఓ ఆసక్తికర ఘటన జరిగింది. మాములుగా తనకు ఇచ్చిన సమయంలోపే ఓవర్లు ముగిస్తాడని జడేజాకు పేరుంది.జడేజా అసహనంఅయితే, కెప్టెన్‌ రోహిత్‌ , వికెట్‌ కీపర్‌ రాహుల్‌ వల్ల ఆలస్యం అవుతుందేమోనని జడ్డూ ఒకింత అసహనం వ్యక్తం చేశాడు. స్టంప్‌ మైకులో రికార్డైన సంభాషణ ప్రకారం.. జడేజా..‘‘బంతి అంతగా టర్న్‌ అవటం లేదు’’ అనగా.. రోహిత్‌ ఇందుకు బదులిస్తూ.. ‘‘ఇంకో మూడు బాల్స్‌ వేయాల్సి ఉంది కదా. స్లిప్‌ తీసుకో. బంతి స్పిన్‌ అవ్వచ్చు’’ అని పేర్కొన్నాడు.మీరు చర్చలు జరుపుతూనే ఉండండిఇంతలో కేఎల్‌ రాహుల్‌ జోక్యం చేసుకుంటూ.. ‘‘ఇప్పటి వరకు ఒక్క బంతి మాత్రమే టర్న్‌ అయింది’’ అని పేర్కొన్నాడు. వీళ్ల చర్చలతో చిర్రెత్తిపోయిన జడేజా.. ‘‘మీరిద్దరు ఇలా మట్లాడుతూనే ఉండండి. ఈ వ్యవధిలోనే నేను మిగిలిన నా మూడు బంతులు వేసేస్తా’’ అని కౌంటర్‌ వేశాడు.ఇదిలా ఉంటే.. ఆసీస్‌ విధించిన 265 పరుగుల లక్ష్య ఛేదనను భారత్‌ మరో పదకొండు బంతులు మిగిలి ఉండగానే పూర్తి చేసింది. విరాట్‌ కోహ్లి అర్ధ శతకం(84)తో అదరగొట్టగా.. శ్రేయస్‌ అయ్యర్‌(45), కేఎల్‌ రాహుల్‌(42 నాటౌట్‌) రాణించారు. ఆఖర్లో హార్దిక్‌ పాండ్యా(24 బంతుల్లో 28) కూడా తన వంతు పాత్ర పోషించాడు. ఈ క్రమంలో 48.1 ఓవర్లలో ఆరు వికెట్ల నష్టానికి 267 పరుగులు చేసిన టీమిండియా.. ఆసీస్‌ను నాలుగు వికెట్ల తేడాతో ఓడించి ఫైనల్‌కు చేరుకుంది. దుబాయ్‌ వేదికగా ఆదివారం న్యూజిలాండ్‌తో టైటిల్‌ పోరులో తలపడుతుంది.చదవండి: Steve Smith: కోహ్లికి ముందే తెలుసు!Jab tak baat hogi, ek aur over hojayegi! 🤣That’s the speed of #Jadeja – blink, and the over’s done! Some on field stump mic gold!#ChampionsTrophyOnJioStar 👉 🇮🇳🆚🇦🇺 LIVE NOW on Star Sports 1, Star Sports 1 Hindi, Star Sports 2 & Sports18-1!📺📱 Start Watching FREE on… pic.twitter.com/nsIpsZyAbb— Star Sports (@StarSportsIndia) March 4, 2025

భార‌త క్రికెట్ జ‌ట్టు రెండో సారి ఐసీసీ ఛాంపియ‌న్స్ ట్రోఫీ టైటిల్‌ను ముద్దాడేందుకు అడుగు దూరంలో నిలిచింది.ఐసీసీ ఛాంపియ‌న్స్ ట్రోఫీ-2025 ఫైన‌ల్లో భార‌త్ అడుగుపెట్టింది. మంగ‌ళవారం దుబాయ్ వేదిక‌గా జ‌రిగిన తొలి సెమీఫైన‌ల్లో ఆసీస్‌ను 4 వికెట్ల తేడాతో ఓడించిన టీమిండియా.. త‌మ ఫైన‌ల్ బెర్త్‌ను ఖారారు చేసుకుంది. ఆసీస్ నిర్ధేశించిన 265 పరుగుల లక్ష్యాన్ని టీమిండియా 4 వికెట్లు కోల్పోయి 48.1 ఓవర్లలో చేధించింది. కాగా భార‌త్ విజ‌యంలో విరాట్ కోహ్లి కీలక పాత్ర పోషించాడు. అద్భుత‌మైన ఇన్నింగ్స్ ఆడిన కోహ్లి.. తృటిలో తన 52వ వన్డే సెంచరీ చేసే అవకాశాన్ని కోల్పోయాడు. 98 బంతుల్లో ఐదు ఫోర్ల సాయంతో 84 పరుగులు చేసిన కోహ్లి.. జంపా బౌలింగ్‌లో భారీ షాట్‌కు ప్రయత్నించాడు.అప్పటివరకు ఆచితూచి ఆడుతున్న కోహ్లి అనూహ్యంగా ఔట్ అవ్వడంతో స్టేడియం మొత్తం ఒక్కసారిగా సైలెంట్ అయిపోయింది. నాన్‌స్ట్రైక్‌లో ఉన్న కేఎల్ రాహుల్ సైతం నిరాశచెందాడు. నేను కొడుతున్నా కదా భయ్యా అన్నట్లు రాహుల్ రియాక్షన్ ఇచ్చాడు. అయితే దీనిపై మ్యాచ్ అనంతరం రాహుల్ స్పందించాడు."నేను క్రీజులోకి వచ్చాక పది పన్నేండు బంతులు ఆడాక కోహ్లి వద్దకు వెళ్లి కాసేపు మాట్లాడాను. ఆఖరి వరకు క్రీజులోనే ఉండాలని తనకు చెప్పాను. నేను రిస్క్ తీసుకుని షాట్లు ఆడుతాను, ఏదో ఒక ఓవర్‌ను టార్గెట్ చేస్తాను అని చెప్పా. ఎందుకుంటే ఆ సమయంలో మాకు ఓవర్‌కు 6 పరుగులు మాత్రమే అవసరం. కానీ ఈ వికెట్‌పై ఓవర్‌కు ఎనిమిది పరుగులు సులువగా సాధించవచ్చు అన్పించింది. ఓవర్‌కు ఒక్క బౌండరీ వచ్చినా చాలు. కాబట్టి ఆ రిస్క్ నేను తీసుకుంటూ, నీవు కేవలం స్ట్రైక్ రోటేట్ చేస్తే చాలు అని చెప్పాను. కానీ కోహ్లి నా మాట వినలేదు. భారీ షాట్‌కు ప్రయత్నించి ఔటయ్యాడు. బహుశా బంతి స్లాట్‌లో ఉందని భావించి ఆ షాట్ ఆడిండవచ్చు. కానీ షాట్ సరిగ్గా కనక్ట్ కాకపోవడంతో మైదానం వీడాల్సి వచ్చింది" అని రాహుల్ ఓ ఇంటర్వ్యూలో పేర్కొన్నాడు.చదవండి: అదే మా కొంపముంచింది... లేదంటే విజయం మాదే: స్టీవ్‌ స్మిత్‌

ఐసీసీ ఛాంపియ‌న్స్ ట్రోఫీ-2025లో భార‌త క్రికెట్ జ‌ట్టు త‌మ చివ‌రి లీగ్ మ్యాచ్‌లో న్యూజిలాండ్‌తో త‌ల‌ప‌డేందుకు సిద్ద‌మైంది. తొలి రెండు మ్యాచ్‌ల్లో విజ‌యం సాధించిన టీమిండియా ఇప్ప‌టికే సెమీస్ బెర్త్‌ను ఖారారు చేసుకున్న సంగ‌తి తెలిసిందే. అయితే త‌మ ఆఖ‌రి లీగ్ మ్యాచ్‌లో కూడా గెలిచి పూర్తి ఆత్మ‌విశ్వాసంతో సెమీస్‌లో అడుగుపెట్టాలని భార‌త జ‌ట్టు భావిస్తోంది.ఈ మ్యాచ్‌లో భారత్‌ గెలిస్తే గ్రూప్‌ టాపర్‌గా సెమీఫైనల్లో ఆ్రస్టేలియాతో తలపడుతుంది. ఓడితే సెమీస్‌లో దక్షిణాఫ్రికాను ఎదుర్కొంటుంది. ఈ నేప‌థ్యంలో భార‌త జ‌ట్టు మెనెజ్‌మెంట్‌కు మాజీ క్రికెట‌ర్ సంజ‌య్ మంజ్రేక‌ర్ కీల‌క సూచ‌న‌లు చేశాడు. తొలి రెండు మ్యాచ్‌ల‌కు బెంచ్‌కే ప‌రిమిత‌మైన ఆట‌గాళ్ల‌ను కివీస్‌తో జ‌రిగే మ్యాచ్‌లో ఆడించాల‌ని మంజ్రేక‌ర్ అభిప్రాయ‌ప‌డ్డాడు."కివీస్‌తో మ్యాచ్‌లో భార‌త్ త‌మ త‌మ బెంచ్ బలాన్ని ప‌రీక్షించుకోవాలి. వికెట్ కీప‌ర్ బ్యాట‌ర్ రిష‌బ్ పంత్‌, పేస‌ర్ అర్ష్‌దీప్ సింగ్‌ల‌కు ఆడే అవ‌కాశం ఇవ్వండి. మొద‌టి రెండు మ్యాచ్‌ల‌కు వీరిద్ద‌రూ బెంచ్‌కే ప‌రిమిత‌మ‌య్యారు. ఈ మ్యాచ్‌లో గెలిచేందుకు అన్ని విధాల ప్ర‌య‌త్నించిండి. గెలిస్తే ఆస్ట్రేలియాతో ఆడుతారు. లేదంటే ద‌క్షిణాఫ్రికాతో త‌ల‌ప‌డతారు. అంతేత‌ప్ప ఓడినంతమాత్రాన భార‌త జ‌ట్టుకు పెద్ద‌గా న‌ష్టం లేదు. కాబ‌ట్టి నావ‌ర‌కు అయితే తుది జ‌ట్టులో మార్పులు చేస్తే బెట‌ర్‌" అని మంజ్రేక‌ర్ జియో హాట్‌స్టార్‌కు ఇచ్చిన ఇంట‌ర్వ్యూలో పేర్కొన్నాడు.కాగా కివీస్‌తో మ్యాచ్‌కు టీమిండియా ప్లేయింగ్ ఎలెవ‌న్‌లో మార్పులు చోటు చేసుకునే సూచ‌న‌లు క‌న్పిస్తున్నాయి. టీమిండియా స్టార్ పేస‌ర్ మ‌హ్మ‌ద్ ష‌మీకి మెనెజ్‌మెంట్ విశ్రాంతి ఇవ్వ‌నున్న‌ట్లు తెలుస్తోంది. అత‌డి స్ధానంలో యువ పేసర్ అర్ష్‌దీప్ సింగ్ జ‌ట్టులో వ‌చ్చే అవ‌కాశ‌ముంది. అదేవిధంగా కేఎల్ రాహుల్ స్ధానంలో రిష‌బ్ పంత్ జ‌ట్టులోకి రానున్న‌ట్లు స‌మ‌చారం.తుది జట్ల వివరాలు (అంచనా) భారత్‌: రోహిత్‌ శర్మ (కెప్టెన్ ), శుబ్‌మన్‌ గిల్, కోహ్లి, శ్రేయస్‌ అయ్యర్, రిషబ్‌ పంత్, హార్దిక్‌ పాండ్యా, రవీంద్ర జడేజా, వాషింగ్టన్‌ సుందర్, హర్షిత్‌ రాణా, వరుణ్ చక్రవర్తి, అర్ష్ దీప్‌ సింగ్‌. న్యూజిలాండ్‌: మిచెల్‌ సాంట్నర్‌ (కెప్టెన్ ), డెవాన్‌ కాన్వే, రచిన్ రవీంద్ర, కేన్‌ విలియమ్సన్, డార్లీ మిచెల్, టామ్‌ లాథమ్, గ్లెన్‌ ఫిలిప్స్, బ్రేస్‌వెల్, జేమీసన్,హెన్రీ, రూర్కే.చదవండి: Champions Trophy: చరిత్రకు అడుగు దూరంలో విరాట్ కోహ్లి..

ఛాంపియన్స్ ట్రోఫీ ప్రారంభానికి కొద్ది రోజుల ముందు వరుకూ భారత్ స్టార్ బ్యాట‌ర్‌ విరాట్ కోహ్లి క్రికెట్ కెరీర్ పై ఎన్నో విమర్శలు చెలరేగాయి. ముఖ్యంగా ఇటీవల జరిగిన ఆస్ట్రేలియా పర్యటనలో కోహ్లీ ఘోర వైఫల్యం ఇందుకు ప్రధాన కారణం. అయితే రోజులు ఎప్పుడూ ఒకేలాగా ఉండవు. ఒక్క మ్యాచ్ తో పరిస్థితి అంతా మారిపోయింది. గత ఆదివారం పాకిస్థాన్‌తో జరిగిన మ్యాచ్‌లో సెంచరీతో అజేయంగా నిలిచిన విరాట్ కోహ్లీ, భారత్ బ్యాటింగ్ లో తన మునుపటి వైభవాన్ని పునరుద్ధరించుకున్నాడు.పాకిస్తాన్ మ్యాచ్ అంటే విజృంభించి ఆడే కోహ్లీ ఇవేమీ కొత్తేమీ కాదు. అయితే న్యూజిలాండ్‌తో ఆదివారం దుబాయ్ ఇంటర్నేషనల్ క్రికెట్ స్టేడియం లో జరిగే ఛాంపియన్స్ ట్రోఫీ భారత్ ఆఖరి లీగ్ మ్యాచ్‌ కోహ్లీ కి చాల ప్రత్యేకం. ఇది కోహ్లీకి 300వ వన్డే మ్యాచ్. ఈ మైలురాయిని చేరుకున్న భారత్ ఆటగాళ్లలో కోహ్లీ ఏడవ వాడు. గతంలో లిటిల్ మాస్టర్ సచిన్ టెండూల్కర్, మాజీ కెప్టెన్లు సౌరవ్ గంగూలీ, రాహుల్ ద్రవిడ్, ఎంఎస్ ధోని వంటి హేమాహేమీలు ఈ రికార్డ్ సాధించిన వారిలో ఉన్నారు.రికార్డుల వేటలో కోహ్లి..కోహ్లీ తన 300వ వన్డేకు చేరుకుంటున్న తరుణంలో, భారత బ్యాట‌ర్ కేఎల్ రాహుల్ ప్రశంసలతో ముంచెత్తాడు. భారత క్రికెట్‌పై కోహ్లీ ప్రభావం ఎంత ఉందో మాటల్లో చెప్పడానికి చాలా కష్టం అని రాహుల్ ప్రశంసలతో ముంచెత్తాడు. రాహుల్ కోహ్లీని తానూ క్రికెట్లో ఎల్లప్పుడూ ఆరాధించే "ముఖ్యమైన సీనియర్ ఆటగాడు" అని ప్రశంసించాడు. "300 వన్డే మ్యాచ్‌లు... కోహ్లీ భారత క్రికెట్‌కు ఎంత గొప్ప సేవకుడో వ్యక్తీకరించడానికి మాటలు సరిపోవు" అని రాహుల్ మ్యాచ్‌కు ముందు విలేకరుల సమావేశంలో వ్యాఖ్యానించాడు.కోహ్లీ ఈ మ్యాచ్ తో మరో రికార్డ్ సాధించాలన్న ఆశయంతో ఉన్నాడు. 36 ఏళ్ల కోహ్లీ న్యూజిలాండ్‌పై 3000 కంటే ఎక్కువ అంతర్జాతీయ పరుగులు చేసిన ఆటగాళ్ల జాబితాలో చేరడానికి ఇంకా 85 పరుగులు మాత్రమే కావాల్సి ఉంది. గతంలో సచిన్ టెండూల్కర్ (3345), రికీ పాంటింగ్ (3145), జాక్వెస్ కల్లిస్ (3071) మరియు జో రూట్ (3068) తర్వాత ఈ మైలురాయిని చేరుకున్న ఐదవ బ్యాట్స్‌మన్‌గా కోహ్లీ చరిత్ర సృష్టిస్తాడు. న్యూజిలాండ్‌పై కోహ్లీ ఇంతవరకూ 55 వన్డే మ్యాచ్‌ల్లో 47.01 సగటుతో 2915 పరుగులు సాధించాడు. ఇందులో 9 సెంచరీలు మరియు 15 అర్ధ సెంచరీలు ఉన్నాయి.కోహ్లీ పై బ్రేస్‌వెల్ ప్రశంసలు "ఇది చాలా పెద్ద విజయం" అని ప్రత్యర్థి న్యూజిలాండ్ జట్టు ఆల్ రౌండర్ మైఖేల్ బ్రేస్‌వెల్ సైతం కోహ్లీ మైలురాయి గురించి ప్రశంసలు గుప్పించాడు. "ఒక క్రికెటర్ కెరీర్‌లో 300 వన్డే మ్యాచ్ లు ఆడటం చాల గొప్ప విషయం. అదీ ఒకే ఫార్మాట్‌లో. కోహ్లీ తన తన కెరీర్‌ను ఎలా ముందుకు తీసుకెళ్లాడనే దానికి ఇది నిదర్శనం అని నేను భావిస్తున్నాను." అని బ్రేస్‌వెల్ వ్యాఖ్యానించాడు.2023 ఐపీఎల్ సీజన్‌లో రాయల్ ఛాలెంజర్స్ బెంగళూరులో కోహ్లీతో కలిసి బ్రేస్‌వెల్ ఆడాడు. అతనికి కోహ్లీ గురించి ప్రత్యక్ష అవగాహన ఉంది. "ఆర్‌సిబిలో అతను ప్రతి మ్యాచ్‌కు ఎలా సిద్ధమయ్యాడో నేను ప్రత్యక్షంగా చూశాను. భారత్ జట్టు లో చాల మంది అగ్రశ్రేణి ఆటగాళ్లు ఉన్నారు. అందులో కోహ్లీ ఒకడు. భారత్ తో ఎదురయ్యే సవాలు ఎదుర్కోవటానికి మేము ఏంతో ఉత్సాహంగా ఎదురు చూస్తున్నాం," అని బ్రెసెవెల్ అన్నాడు.న్యూజిలాండ్ రికార్డ్ ఐసిసి టోర్నమెంట్లలో న్యూజిలాండ్ భారత్ పై ఆధిపత్యం చెలాయించింది. హెడ్-టు-హెడ్ రికార్డ్ లో న్యూజీలాండ్ 10-5 ( డబ్ల్యూ టి సి ఫైనల్‌తో సహా) తో ఆధిపత్యం లో ఉంది. అయితే ఈ రెండు జట్ల మధ్య జరిగిన వన్డేల్లో అయితే భారత్ 60-58 తో ఆధిక్యంలో ఉంది. న్యూజిలాండ్ తో జరిగే మ్యాచ్ లో భారత్ సీనియర్ పేస్ బౌలర్ మహమ్మద్ షమీ ఆడటం అనుమానంగానే ఉంది. పాకిస్తాన్‌తో జరిగిన మ్యాచ్‌లో మహమ్మద్ షమీ కాలి మ‌డ‌మ నొప్పితో ఇబ్బంది ప‌డిన‌ విషయం తెలిసిందే.ఈ కారణంగా షమీ స్థానంలో ఎడమచేతి వాటం పేసర్ అర్ష్‌దీప్ సింగ్‌ను భారత్ ఈ మ్యాచ్ లో ఆడించే అవకాశముంది. న్యూజిలాండ్ లైనప్‌లో ఐదుగురు ఎడమచేతి వాటం బ్యాట‌ర్‌ ఉండటం కూడా ఇందుకు ఒక కారణం. శుక్రవారం జరిగిన ప్రాక్టీస్ సెషన్ లో బౌలింగ్ కోచ్ మోర్న్ మోర్కెల్ పర్యవేక్షణలో అర్ష్‌దీప్ 13 ఓవర్లు ఫుల్ రన్-అప్‌తో బౌలింగ్ చేయగా, షమీ 6-7 ఓవర్లు మాత్రమే కుదించబడిన రన్-అప్‌తో బౌలింగ్ చేశాడు. ఫిబ్రవరి 23న పాకిస్థాన్‌తో జరిగిన మ్యాచ్‌లో తన మూడవ ఓవర్ వేసిన వెంటనే షమీ ఫిజియోల నుండి తన కుడి కాలుకు చికిత్స చేయించుకున్న విషయం తెలిసిందే. ముఖ్యమైన సెమీ-ఫైనల్స్‌కు ముందు భారత్ షమీకి విరామం ఇచ్చే అవకాశం లేకపోలేదు.చదవండి: యువీ స్పిన్‌ మ్యాజిక్‌.. రాయుడు మెరుపులు! సౌతాఫ్రికాను చిత్తు చేసిన భారత్‌​

చాంపియన్స్‌ ట్రోఫీ-2025(ICC Champions Trophy)లో టీమిండియా ఆఖరి లీగ్‌ మ్యాచ్‌కు సన్నద్ధమవుతోంది. ఈ ఐసీసీ వన్డే టోర్నమెంట్లో ఇప్పటికే సెమీ ఫైనల్‌ చేరుకున్న రోహిత్‌ సేన.. న్యూజిలాండ్‌తో ఆదివారం నామమాత్రపు మ్యాచ్‌ ఆడనుంది. అయితే, ఈ మ్యాచ్‌కు కెప్టెన్‌ రోహిత్‌ శర్మ(Rohit Sharma) దూరం కానున్నట్లు వార్తలు వినిపిస్తున్నాయి.రోహిత్‌కు రెస్ట్‌ ఇవ్వడమే మంచిదిపాకిస్తాన్‌తో మ్యాచ్‌ సందర్భంగా హిట్‌మ్యాన్‌ పిక్కల నొప్పితో బాధపడిన విషయం తెలిసిందే. ఈ క్రమంలో మైదానం వీడి కాసేపు విశ్రాంతి తీసుకున్న తర్వాత మళ్లీ ఫీల్డింగ్‌కు వచ్చాడు. అయితే, నొప్పి ఇంకా పూర్తిగా తగ్గలేదని తెలుస్తోంది. దుబాయ్‌లో జరిగిన ప్రాక్టీస్‌ సెషన్‌లోనూ అతడు బ్యాటింగ్‌ చేయలేకపోయాడు. దీంతో కివీస్‌తో మ్యాచ్‌కు దూరంగా ఉండాలని రోహిత్‌ శర్మ నిర్ణయించుకున్నట్లు తెలుస్తోంది.సెమీస్‌ మ్యాచ్‌ మార్చి 4, 5 తేదీల్లోనే జరుగనున్న తరుణంలో రోహిత్‌కు విశ్రాంతిన్విడమే మంచిదని యాజమాన్యం కూడా భావిస్తున్నట్లు ఇండియన్‌ ఎక్స్‌ప్రెస్‌ కథనం పేర్కొంది. ఈ నేపథ్యంలో వైస్‌ కెప్టెన్‌ శుబ్‌మన్‌ గిల్‌(Shubman Gill) తాత్కాలిక సారథిగా బాధ్యతలు చేపట్టే అవకాశం ఉంది. గిల్‌తో పాటు ఓపెనర్‌గా రాహుల్‌అయితే, గిల్‌ జ్వరంతో బాధపడుతున్నాడని వార్తలు రాగా.. ఆప్షనల్‌ నెట్‌ సెషన్‌లో అతడు గంటలపాటు బ్యాటింగ్‌ ప్రాక్టీస్‌ చేయడంతో వాటికి చెక్‌ పడింది.ఇదిలా ఉంటే.. రోహిత్‌ శర్మ గనుక దూరమైతే గిల్‌కు ఓపెనింగ్‌ జోడీగా కేఎల్‌ రాహుల్‌ వచ్చే అవకాశం ఉంది. అదే జరిగితే మరో వికెట్‌ కీపర్‌ బ్యాటర్‌ రిషభ్‌ పంత్‌కు తుదిజట్టులో చోటు దక్కే అవకాశం ఉంది. ఇక గ్రూప్‌-‘ఎ’ నుంచి కివీస్‌ కూడా భారత్‌తో పాటు సెమీస్‌ చేరిన విషయం తెలిసిందే. ఈ నేపథ్యంలో మార్చి 2 నాటి మ్యాచ్‌లో గెలిచి రెట్టించిన ఆత్మవిశ్వాసంతో సెమీ ఫైనల్‌ బరిలో దిగాలని ఇరుజట్లు భావిస్తున్నాయి. అంతేకాదు.. ఈ మ్యాచ్‌లో గెలుపు ఆధారంగానే గ్రూప్‌-‘ఎ’ విజేతతో పాటు సెమీస్‌ ప్రత్యర్థి ఎవరన్నది తేలనుంది.కాగా ఫిబ్రవరి 19న పాకిస్తాన్‌ వేదికగా చాంపియన్స్‌ ట్రోఫీ-2025 మొదలైంది. గ్రూప్‌-‘ఎ’ నుంచి భారత్‌, న్యూజిలాండ్‌, బంగ్లాదేశ్‌, పాకిస్తాన్‌.. గ్రూప్‌-‘బి’ నుంచి ఆస్ట్రేలియా, సౌతాఫ్రికా, అఫ్గనిస్తాన్‌, ఇంగ్లండ్‌ బరిలో నిలిచాయి. అయితే, గ్రూప్‌-‘ఎ’లో వరుసగా రెండు మ్యాచ్‌లో ఓడటంతో పాటు.. తమ మధ్య ఆఖరి మ్యాచ్‌ వర్షం వల్ల రద్దు కావడంతో పాక్‌- బంగ్లా కనీసం ఒక్క విజయం లేకుండానే నిష్క్రమించాయి. ఇక గ్రూప్‌-బి నుంచి ఇంగ్లండ్‌ ఇంటిబాటపట్టింది. ఇక ఈ టోర్నీలో టీమిండియా తమ మ్యాచ్‌లు అన్నీ దుబాయ్‌లో ఆడుతోంది.చదవండి: అఫ్గన్‌ చేతిలో ఓటమి.. బట్లర్‌ సంచలన నిర్ణయం?!

ఛాంపియన్స్‌ ట్రోఫీలో భాగంగా బంగ్లాదేశ్‌తో నిన్న జరిగిన మ్యాచ్‌లో టీమిండియా 6 వికెట్ల తేడాతో గెలుపొందింది. ఈ మ్యాచ్‌లో తొలుత బ్యాటింగ్‌ చేసిన బంగ్లాదేశ్‌.. తౌహిద్‌ హృదయ్‌ వీరోచిత శతకంతో (100) పోరాడటంతో 49.4 ఓవర్లలో 228 పరుగులు చేసింది. హృదయ్‌కు జాకిర్‌ అలీ (68) సహకరించాడు. 35 పరుగులకే సగం వికెట్లు కోల్పోయి పీకల్లోతు కష్టాల్లో ఉండిన బంగ్లాదేశ్‌కు ఈ ఇద్దరు గౌరవప్రదమైన స్కోర్‌ను అందించారు. భారత బౌలర్లలో షమీ ఐదు వికెట్లు తీసి బంగ్లా పతనాన్ని శాశించాడు.అనంతరం శుభ్‌మన్‌ గిల్‌ (101) అజేయ శతకంతో చెలరేగడంతో భారత్‌ మరో 3.3 ఓవర్లు మిగిలుండగానే లక్ష్యాన్ని చేరుకుంది. రోహిత్‌ శర్మ (41) తన సహజ శైలిలో బ్యాట్‌ను ఝులింపించగా.. కేఎల్‌ రాహుల్‌ (41 నాటౌట్‌) సిక్సర్‌ కొట్టి భారత్‌ను గెలిపించాడు.కాగా, నిన్నటి మ్యాచ్‌లో గిల్‌ సెంచరీ అనంతరం సోషల్‌మీడియాలో ఓ టాపిక్‌ హైలైట్‌గా మారింది. ఈ మ్యాచ్‌లో గిల్‌ సెంచరీ పూర్తి చేసుకునేందుకు కేఎల్‌ రాహుల్‌ తన హాఫ్‌ సెంచరీని త్యాగం చేశాడు. గిల్‌ సెంచరీ కోసం రాహుల్‌ చేసిన త్యాగాన్ని నెటిజన్లు ప్రశంశిస్తున్నారు. రాహుల్‌ స్వలాభం కోసం ఆడే ఆటగాడు కాదని కితాబునిస్తున్నారు. రాహుల్‌ గతంలో కూడా ఓ సందర్భంలో విరాట్‌ కోహ్లి సెంచరీ కోసం తన హాఫ్‌ సెంచరీని త్యాగం చేశాడని గుర్తు చేసుకున్నారు. ఈ క్రమంలో కొందరు నెటిజన్లు హార్దిక్‌ పాండ్యాను విమర్శిస్తున్నారు. రాహుల్‌ స్థానంలో హార్దిక్‌ ఉంటే గిల్‌ సెంచరీ పూర్తయ్యేది కాదని అంటున్నారు. హార్దిక్‌ చాలా సెల్ఫిష్‌ ఆటగాడని.. మ్యాచ్‌ పూర్తి చేసేందుకు అతను తోటి వారి మైలురాళ్ల గురించి పట్టించుకోడని కామెంట్స్‌ చేస్తున్నారు. రెండేళ్ల క్రితం వెస్టిండీస్‌లో తిలక్‌ వర్మ (49) హాఫ్‌ సెంచరీని పట్టించుకోకుండా హార్దిక్‌ సిక్సర్స్‌తో మ్యాచ్‌ను మిగించిన వైనాన్ని ఈ సందర్భంగా గుర్తు చేసుకుంటున్నారు. ఈ మ్యాచ్‌లో గిల్‌ సెంచరీకి ముందు రాహుల్‌ ఎక్కడ ఔటవుతాడో, హార్దిక్‌ ఎ‍క్కడ క్రీజ్‌లో వస్తాడో అని అని టెన్షన్‌ పడినట్లు చెబుతున్నారు. మొత్తానికి గిల్‌ అభిమానులు హార్దిక్‌ను ఏకి పారేసి, రాహుల్‌ను ప్రశంసలతో ముంచెత్తారు.కాగా, నిన్నటి మ్యాచ్‌లో గిల్‌ సెంచరీకి సహకరించే క్రమంలో రాహుల్‌ చాలా కీలకమైన ఇన్నింగ్స్‌ ఆడాడు. రాహుల్‌.. గిల్‌తో కలిసి ఐదో వికెట్‌కు అజేయమైన 87 పరుగులు జోడించి భారత్‌ను విజయతీరాలకు చేర్చాడు. ఈ మ్యాచ్‌లో రాహుల్‌ ఏమాత్రం తేడాగా ఆడిన ఫలితం వేరేలా ఉండేది. అప్పటికే భారత్‌.. రోహిత్‌, కోహ్లి, శ్రేయస్‌, అక్షర్‌ వికెట్లు కోల్పోయి కష్టాల్లో ఉండింది. పిచ్‌ నుంచి కూడా బ్యాటర్లకు ఎలాంటి సహకారం లేదు. ఇలాంటి తరుణంలో రాహుల్‌ చాలా జాగ్రత్తగా ఆడి జట్టును విజయతీరాలకు చేర్చాడు. వ్యక్తిగత ప్రయోజనాన్ని పక్కన పెట్టి గిల్‌ సెంచరీకి కూడా సహకరించాడు. రాహుల్‌ సహకారంతో గిల్‌ వన్డేల్లో తన ఎనిమిదో సెంచరీని పూర్తి చేసుకున్నాడు. ఈ మ్యాచ్‌లో గిల్‌ కూడా చాలా బాధ్యతాయుతంగా ఆడాడు. గిల్‌ చివరి వరకు క్రీజ్‌లో నిలదొక్కుకోకపోయినా ఫలితం వేరేలా ఉండేది. బంగ్లాదేశ్‌ బౌలర్లు పిచ్‌ స్వభావానికి తగట్టుగా బౌలింగ్‌ చేసి భారత బ్యాటర్లను ఇబ్బంది పెట్టారు. ఏదిఏమైనా గిల్‌, రాహుల్‌ భాగస్వామ్యం భారత్‌ను గెలిపించింది. అంతకుముందు రాహుల్‌ కీపింగ్‌లోనూ అదరగొట్టాడు. మూడు అద్భుతమైన క్యాచ్‌లు పట్టుకుని బెస్ట్‌ ఫీల్డర్‌ అవార్డు కూడా గెలుచుకున్నాడు. ఈ టోర్నీలో భారత్‌ తమ తదుపరి మ్యాచ్‌లో పాకిస్తాన్‌ను ఎదుర్కొంటుంది. ఈ మ్యాచ్‌ దుబాయ్‌ వేదికగా ఫిబ్రవరి 23న జరుగనుంది.

ఐసీసీ చాంపియన్స్‌ ట్రోఫీ-2025‌కి ఎంపిక చేసిన జట్టు విషయంలో టీమిండియా చీఫ్‌ సెలక్టర్‌ అజిత్‌ అగార్కర్‌(Ajit Agarkar)- హెడ్‌​కోచ్‌ గౌతం గంభీర్‌(Gautam Gambhir) మధ్య విభేదాలు తలెత్తాయా? ఇద్దరు ఆటగాళ్లకు ప్రాధాన్యం ఇచ్చే అంశమై ఇద్దరి మధ్య ఏకాభిప్రాయం కుదరలేదా? అదే వాగ్యుద్దానికి దారి తీసిందా? అంటే జాతీయ మీడియా వర్గాల నుంచి అవుననే సమాధానమే ఎక్కువగా వినిపిస్తోంది.కాగా దాదాపు ఎనిమిదేళ్ల విరామం తర్వాత మరోసారి చాంపియన్స్ ట్రోఫీ నిర్వహణకు రంగం సిద్ధమైంది. పాకిస్తాన్‌(Pakistan) వేదికగా ఫిబ్రవరి 19 నుంచి ఈ మెగా టోర్నమెంట్‌ మొదలుకానుంది. అయితే, భద్రతా కారణాల వల్ల భారత క్రికెట్‌ నియంత్రణ మండలి(బీసీసీఐ) టీమిండియాను అక్కడికి పంపడం లేదు. యశస్వి జైస్వాల్‌పై వేటుఈ నేపథ్యంలో అనేక పరిణామాల అనంతరం తటస్థ వేదికైన దుబాయ్‌లో భారత్‌ తమ మ్యాచ్‌లు ఆడేందుకు ఐసీసీ అనుమతినిచ్చింది. ఇక ఈ ప్రతిష్టాత్మక ఈవెంట్‌కు జనవరి 18న తమ ప్రాథమిక జట్టును ప్రకటించిన బీసీసీఐ.. ఫిబ్రవరి 11న ఫైనల్‌ టీమ్‌ను ఖరారు చేసింది. తొలుత ఈ జట్టులో స్థానం దక్కించుకున్న యువ ఓపెనర్‌ యశస్వి జైస్వాల్‌పై వేటు వేసిన యాజమాన్యం.. మిస్టరీ స్పిన్నర్‌ వరుణ్‌ చక్రవర్తికి అవకాశం ఇచ్చింది. మొదటి ప్రాధాన్యం దక్కాలని గంభీర్‌ వాదనఅదే విధంగా వెన్నునొప్పి కారణంగా ప్రధాన బౌలర్‌ జస్‌ప్రీత్‌ బుమ్రా టోర్నీకి దూరం కాగా.. హర్షిత్‌ రాణాను జట్టులో చేర్చింది. అయితే, వికెట్‌ కీపర్‌ విషయంలో మాత్రం గంభీర్‌- అగార్కర్‌ మధ్య తీవ్రమైన చర్చ జరిగినట్లు సమాచారం. టైమ్స్‌ ఆఫ్‌ ఇండియా కథనం ప్రకారం... సీనియర్‌ అయిన కేఎల్‌ రాహుల్‌కు మొదటి ప్రాధాన్యం దక్కాలని గంభీర్‌ వాదించగా.. అగార్కర్‌ మాత్రం రిషభ్‌ పంత్‌కు పెద్దపీట వేయాలనే యోచనలో ఉన్నట్లు తెలిసింది. ఇక ఆఖరికి గంభీర్‌ తన మాటను నెగ్గించుకున్నట్లు ఇంగ్లండ్‌తో ఇటీవల ముగిసిన వన్డే సిరీస్‌ ద్వారా నిరూపితమైనట్లు తెలుస్తోంది. స్వదేశంలో ఇంగ్లండ్‌తో మూడు వన్డేల్లోనూ కేఎల్‌ రాహుల్‌ వికెట్‌ కీపర్‌ బ్యాటర్‌గా బరిలోకి దిగగా.. పంత్‌ బెంచ్‌కే పరిమితమయ్యాడు. కాగా ఈ సిరీస్‌ను 3-0తో టీమిండియా క్లీన్‌స్వీప్‌ చేసిన తర్వాత గౌతం గంభీర్‌ మాట్లాడుతూ.. ‘‘ప్రస్తుతం మా నంబర్‌ వన్‌ వికెట్‌ కీపర్‌ కేఎల్‌ రాహుల్‌ మాత్రమే అని చెప్పగలను.రిషభ​ పంత్‌కు కూడా అవకాశాలు వస్తాయి. అయితే, కేఎల్‌ రాహుల్‌ రికార్డు బాగుంది. అందుకే అతడి వైపు మొగ్గుచూపాం. ఇద్దరు వికెట్‌ కీపర్‌ బ్యాటర్లను ఒకేసారి ఆడించలేము కదా!’’ అని పేర్కొన్నాడు. శ్రేయస్‌ అయ్యర్‌ విషయంలోనూఇక కేఎల్‌ రాహుల్‌తో పాటు శ్రేయస్‌ అయ్యర్‌ విషయంలోనూ గంభీర్‌.. అగార్కర్‌తో వాదనకు దిగినట్లు తెలుస్తోంది. దేశవాళీ క్రికెట్‌లో దుమ్ములేపిన ఈ ముంబై బ్యాటర్‌ను తప్పక ఎంపిక చేయాలని గౌతీ పట్టుబట్టగా.. అగార్కర్‌ మాత్రం అతడి పట్ల సుముఖంగా లేనట్లు సమాచారం. ఇంగ్లండ్‌తో తొలి వన్డే తర్వాత శ్రేయస్‌ అయ్యర్‌ చేసిన వ్యాఖ్యలు ఇందుకు బలాన్నిస్తున్నాయి కూడా! తాను తొలుత తుదిజట్టులో లేనని.. విరాట్‌ కోహ్లి మోకాలి నొప్పి కారణంగానే తనకు ప్లేయింగ్‌ ఎలెవన్‌లో చోటు దక్కిందని శ్రేయస్‌ అయ్యర్‌ వెల్లడించాడు.ఏది ఏమైనా ఇంగ్లండ్‌తో వన్డేలో సిరీస్‌లో మిడిలార్డర్లో కీలకమైన నాలుగో స్థానంలో బరిలోకి దిగిన శ్రేయస్‌ అయ్యర్‌ అద్భుత ప్రదర్శనతో ఆకట్టుకున్నాడు. మూడు వన్డేల్లో వరుసగా 59, 44, 78 పరుగులు సాధించాడు. ఇక జట్టుకూర్పులో తన నిర్ణయానికే కట్టుబడి ఉన్న గంభీర్‌.. అగార్కర్‌తో విభేదించినప్పటికీ ఘన విజయం సాధించడం జట్టుకు సానుకూలాంశంగా మారింది.అయితే, లెఫ్ట్‌- రైట్‌ కాంబినేషన్ల కోసం అక్షర్‌ పటేల్‌ను బ్యాటింగ్‌ ఆర్డర్‌లో ఐదో స్థానానికి ప్రమోట్‌ చేసి.. కేఎల్‌ రాహుల్‌ను ఆరో నంబర్‌ ఆటగాడిగా పంపడం బెడిసికొట్టింది. దీంతో మూడో వన్డేలో కేఎల్‌ రాహుల్‌ను తన రెగ్యులర్‌ స్థానమైన ఐదో నంబర్‌లో పంపగా.. 29 బంతుల్లోనే 40 పరుగులతో దంచికొట్టాడు.చదవండి: చాంపియన్స్‌ ట్రోఫీకి టీమిండియా స్టార్‌ దూరం!?

టీమిండియా స్టార్‌ క్రికెటర్‌ రిషభ్‌ పంత్‌(Rishabh Pant) గాయపడ్డాడు. ప్రాక్టీస్‌ సెషన్‌లో భాగంగా హార్దిక్‌ పాండ్యా(Hardik Pandya) షాట్‌ కారణంగా అతడి మెకాలి(Knee Injury)కి గాయమైంది. దీంతో పంత్‌ నొప్పితో విలవిల్లాడగా ఫిజియో వచ్చి అతడిని పరీక్షించాడు. ఈ నేపథ్యంలో చాంపియన్స్‌ ట్రోఫీ-2025 టోర్నమెంట్‌కు ఈ వికెట్‌ కీపర్‌ బ్యాటర్‌ దూరం కానున్నాడనే వార్తలు ఊపందుకున్నాయి.అయితే, పంత్‌ పరిస్థితి ప్రస్తుతం బాగానే ఉన్నట్లు సమాచారం. కాగా ఐసీసీ చాంపియన్స్‌ ట్రోఫీకి ఎంపిక చేసిన భారత జట్టులో పంత్‌కు చోటు దక్కిన విషయం తెలిసిందే. వికెట్‌ కీపర్ల కోటాలో కేఎల్‌ రాహుల్‌తో పాటు ఈ లెఫ్టాండర్‌ బ్యాటర్‌ కూడా ఉన్నాడు. ఇదిలా ఉంటే.. ఈ మెగా టోర్నీకి పాకిస్తాన్‌ ఆతిథ్యం ఇస్తుండగా.. టీమిండియా మాత్రం తటస్థ వేదికైన దుబాయ్‌లో తమ మ్యాచ్‌లు ఆడనుంది.ఎడమ మోకాలికి బలంగా తాకిన బంతిఈ నేపథ్యంలో ఇప్పటికే అక్కడికి చేరుకున్న రోహిత్‌ సేన ప్రాక్టీస్‌ మొదలుపెట్టింది. ఇందులో భాగంగా.. ఆదివారం తొలి సెషన్‌ జరుగగా.. హార్దిక్‌ పాండ్యా బ్యాటింగ్‌ ప్రాక్టీస్‌ చేశాడు. ఈ క్రమంలో అతడు బలంగా బాదిన బంతి పంత్‌ ఎడమ మోకాలికి తగిలింది. దీంతో ఒక్కసారిగా కిందపడిపోయిన ఈ యువ ఆటగాడు నొప్పితో విలవిల్లాడాడు.ఇంతలో అక్కడికి చేరుకున్న ఫిజియో కమలేశ్‌ జైన్‌ పంత్‌ను పరీక్షించాడు. హార్దిక్‌ పాండ్యా సైతం పంత్‌ దగ్గరకు వచ్చి అతడి పరిస్థితి ఎలా ఉందో అడిగితెలుసుకున్నాడు. అయితే, కాసేపటి తర్వాత ఈ వికెట్‌ కీపర్‌ సాధారణ స్థితికి చేరుకున్నాడు. తొలి దఫాలో బ్యాటింగ్‌ చేసిన ఆటగాళ్లు నిష్క్రమించిన తర్వాత తాను కూడా బ్యాటింగ్‌ చేసేందుకు సిద్ధమయ్యాడు. దీనిని బట్టి పంత్‌ గాయం అంత తీవ్రమైనదని కాదని తేలిపోయింది.కాగా 27 ఏళ్ల రిషభ్‌ పంత్‌ తొలిసారిగా చాంపియన్స్‌ ట్రోఫీ జట్టుకు ఎంపికయ్యాడు. అంతకంటే ముందు ఇంగ్లండ్‌తో స్వదేశంలో జరిగిన వన్డే సిరీస్‌ జట్టులోనూ అతడికి స్థానం ఉన్నా.. ప్లేయింగ్‌ ఎలెవన్‌లో మాత్రం చోటు దక్కలేదు. సీనియర్‌ కేఎల్‌ రాహుల్‌కు ప్రాధాన్యం ఇచ్చిన నాయకత్వ బృందం.. మూడు వన్డేల్లోనూ అతడినే ఆడించింది.పంత్‌ బెంచ్‌కే పరిమితం!ఫలితంగా చాంపియన్స్‌ ట్రోఫీ-2025 తుదిజట్టులోనూ పంత్‌కు అవకాశం రాదనే సంకేతాలు ఇచ్చినట్లయింది. అంతేకాదు.. కేఎల్‌ రాహుల్‌కు వన్డేల్లో ఉన్న రికార్డు దృష్ట్యా అతడినే ఈ ఐసీసీ టోర్నీ ఆసాంతం ఆడించే సూచనలు కనిపిస్తున్నాయి. దీంతో పంత్‌ బెంచ్‌కే పరిమితం కావాల్సిన పరిస్థితి. కాగా కేఎల్‌ రాహుల్‌ చివరగా ఐసీసీస వన్డే వరల్డ్‌కప్‌-2023లో 500 పరుగులు సాధించాడు. అందుకే ఈ మెగా టోర్నీలోనూ అతడికే వికెట్‌ కీపర్‌గా మొదటి ప్రాధాన్యం దక్కనుంది.ఇదిలా ఉంటే.. చాంపియన్స్‌ ట్రోఫీలో గ్రూప్‌-‘ఎ’ నుంచి భారత్‌, పాకిస్తాన్‌, బంగ్లాదేశ్‌, న్యూజిలాండ్‌.. గ్రూప్‌-‘బి’ నుంచి ఆస్ట్రేలియా, అఫ్గనిస్తాన్‌, సౌతాఫ్రికా, ఇంగ్లండ్‌ పోటీ పడనున్నాయి. కాగా ఫిబ్రవరి 19 నుంచి పాకిస్తాన్‌ వేదికగా ఈ ఐసీసీ ఈవెంట్‌ ఆరంభం కానుంది. ఇక టీమిండియా ఫిబ్రవరి 20న దుబాయ్‌లో తమ తొలిమ్యాచ్‌లో బంగ్లాదేశ్‌తో తలపడనుంది.చదవండి: CT 2025: కోహ్లి, హెడ్‌ కాదు!.. టాప్‌ రన్‌ స్కోరర్‌గా అతడే.. వికెట్ల వీరుడిగా ఆర్చర్‌!

ఆస్ట్రేలియా పర్యటన లో ఘోర వైఫల్యం తర్వాత భారత జ‌ట్టు హెడ్‌ కోచ్ గౌతమ్ గంభీర్ జట్టు బ్యాటింగ్ ఆర్డర్ లో కొన్ని కీలకమైన మార్పులు చేసాడు. ఛాంపియన్స్ ట్రోఫీ కి ముందు ఇంగ్లండ్ తో జరిగిన సిరీస్ లో ఇందుకోసం తన ఫార్ములా ని పరీక్షించేందుకు ఉపయోగించుకున్నాడు.భారత్ జట్టులోని కీలక బ్యాట‌ర్‌ కూడా సొంత గడ్డపై మళ్ళీ తమ మునుపటి ఫామ్ ని అందుకున్నారు. ప్రతిష్టాత్మకమైన ఛాంపియన్స్ ట్రోఫీ కి జట్టులోని ప్రధానబ్యాట‌ర్లు అందరూ మానసికంగా సిద్ధంగా ఉన్నట్టు కనిపిస్తున్నారు. ముఖ్యంగా కెప్టెన్ రోహిత్ శర్మ, స్టార్ బ్యాట‌ర్ విరాట్్ కోహ్లీ, ఓపెనర్ శుభమన్ గిల్, మిడిల్ ఆర్డర్ బ్యాట‌ర్ శ్రేయ‌స్ అయ్యర్ వంటి ఆట‌గాళ్లు పరుగులు సాధించి ఆత్మవిశ్వాసంతో ఉన్నారు.రాహుల్‌ వైపే గంభీర్ మొగ్గు..అయితే గంభీర్ తీసుకొచ్చిన మరో పెద్ద మార్పు. రిషబ్ పంత్ స్థానంలో భారత్ నెంబర్ 1 వికెట్ కీపర్ గా కె ఎల్ రాహుల్ ని ఎంచుకోవడం. రాహుల్ కి పంత్ కి చాలా వ్యత్యాసం ఉంది. ఇద్దరి బ్యాటింగ్ విధానంలో చాలా తేడా ఉంది. పంత్ భారీ షాట్లతో కొద్దిసేపటి లోనే మ్యాచ్ స్వరూపాన్ని మార్చే సత్తా ఉన్నవాడు. రాహుల్ అందుకు భిన్నంగా ఆచి తూచి ఆడతాడు. క్రీజులో నిలదొక్కుకోవడానికి సమయం తీసుకుంటాడు. టెక్నికల్ గా రాహుల్ సమర్ధుడైన బ్యాట‌ర్ అయినప్పటికీ, అతను స్వతహాగా ఆచి తూచి ఆడే స్వభావం గల బ్యాట‌ర్‌.ఇక్కడ మ్యాచ్ లో పరిస్థితులని బట్టి వీరిద్దరినీ ఉపయోగించుకోవాలి. టాప్ ఆర్డర్ బ్యాట‌ర్‌ బాగా రాణించి స్కోర్ బాగా చేసినట్టయితే,అలాంటి పరిస్థితుల్లో శరవేగంగా మరిన్ని పరుగులు సాధించడానికి పంత్ సరిగ్గా సరిపోతాడు. అయితే పంత్ బ్యాటింగ్ శైలి వల్ల అతను నిలకడ రాణించగలడన్న గ్యారెంటీ లేదు.కానీ రాహుల్ అందుకు భిన్నంగా, క్రీజులో నిలదొక్కుకుంటే తనదైన శైలిలో నేర్పుగా పరుగులు రాబట్టగలడు. ఇంత వైరుధ్యం గల ఇద్దరు వికెట్ కీపర్లలలో ఒకరిని ఎంచుకోవడం సామాన్య విషయం కాదు. ఎందుకంటే ఇద్దరూ వ్యక్తిగతంగా ఎంతో సామర్ధ్యం గల బ్యాట్స్మన్. ఇలాంటి క్లిష్టమైన విషయంలో కోచ్ గంభీర్ తన ప్రధాన వికెట్ కీపర్ గా రాహుల్ నే ఎంచుకోవడం. ఎందుకంటె రాహుల్ చాల నిలకడైన బ్యాట‌ర్‌ కావడమే.రాహుల్ బ్యాటింగ్ ఆర్డర్అయితే ఈ నిర్ణయం చాల మందికి రుచించలేదు. ఇక్కడ మరో విషయం ఉంది. అది రాహుల్ బ్యాటింగ్ ఆర్డర్. రాహుల్ సాధారణంగా టాప్ ఆర్డర్ లో బ్యాటింగ్ కి వస్తాడు. కానీ ఇంగ్లాండ్ తో జరిగిన సిరీస్ లోని తొలి రెండు వన్డేల్లో రాహుల్ ఆరో నెంబర్ బ్యాట్స్మన్ గా రంగంలోకి వచ్చాడు. “ప్రస్తుతానికి, కెఎల్ మాకు నంబర్ 1 వికెట్ కీపర్. ప్రస్తుతానికి అతను జట్టు తరపున అద్భుతంగా రాణిస్తున్నాడు" అని గంభీర్ అహ్మదాబాద్‌ మ్యాచ్ అనంతరం వ్యాఖ్యానించాడు. "జట్టులో ఇద్దరు వికెట్ కీపర్లు ఉన్నప్పుడు, ఇద్దరు వికెట్ కీపర్లను ఆడించడం సాధ్యం కాదు. భారత్ జట్టులోని ఇతర బ్యాట్స్మన్ నైపుణ్యం, వారి అపార అనుభవం దృష్ట్యా చూస్తే, ఇది సాధ్యమయ్యే విషయం కాదు. ఇక పంత్ విషయానికి వస్తే అతను అవకాశం వచ్చిన్నప్పుడు ఆడటానికి ఎప్పుడూ సిద్ధంగా ఉండాలి. ప్రస్తుతానికి నేను ఈ విషయం గురించి అంతే చెప్పగలను,," అని గంభీర్ తన నిర్ణయాన్ని తేటతెల్లం చేసాడు.ఎడమచేతి వాటం బౌలర్ అక్షర్ పటేల్‌ను ఐదో స్థానంలో బ్యాటింగ్ కి బ్యాటింగ్ కి పంపించాలన్న గంభీర్ తీసుకున్న నిర్ణయం కూడా చాలా మందిని ఆశ్చర్యపరిచింది. ఫలితంగా, మొదటి రెండు మ్యాచ్‌లలో రాహుల్ ప్రదర్శన నిరాశపరిచింది - మొదటి రెండు మ్యాచ్‌లలో రాహుల్లో కేవలం రెండు, పది పరుగులు మాత్రమే చేసాడు. చేసాడు. అయితే మూడో మ్యాచ్ లో రాహుల్ తనకి అనుకూలంగా ఉండే ఐదో స్థానంలో బ్యాటింగ్ కి వచ్చి 29 బంతుల్లో 40 పరుగులు చేశాడు.“రాహుల్‌ను ఆరో స్థానంలో బ్యాటింగ్ కి పంపించి అతనిని వృధా చేస్తున్నారు,” అని భారత మాజీ స్టంపర్ పార్థివ్ పటేల్ వ్యాఖ్యానించాడు. రికార్డులను చూడనని చెబుతూ గంభీర్ అలాంటి సూచనలను తోసిపుచ్చాడు. దుబాయ్‌లో రాహుల్ ఆరవ స్థానంలో కొనసాగాల్సి రావచ్చని కూడా గంభీర్ స్పష్టం చేశాడు. .రాహుల్ ప్రపంచ కప్‌ రికార్డ్ 2023 ప్రపంచ కప్‌ కి ముందు పంత్ గాయపడ్డాడు. ఆ దశలో రాహుల్ భారత్ జట్టు కి అండగా నిలిచి రాణించాడు. రాహుల్ ఐదో స్థానంలో బ్యాటింగ్ కి వచ్చి 75.33 సగటుతో 452 పరుగులు చేశాడు భారత్ ఫైనల్ కి చేర్చడంలో కీలక భూమిక పోషించాడు.పైగా రాహుల్ భారత్ మిడిల్ ఆర్డర్‌ను పటిష్టంగా ఉంచాడు. ప్రస్తుతం కోచ్ గంభీర్ కూడా రాహుల్ నుంచి అదే ఆశిస్తున్నాడు. వికెట్ కీపింగ్ బాధ్యతలతో పాటు మిడిల్ ఆర్డర్ బ్యాటింగ్ ని కూడా పటిష్టంగా ఉంచి జట్టు ఛాంపియన్స్ ట్రోఫీ సాధించడంలో తోడ్పడుతాడని భావిస్తున్నాడు. మరి గంభీర్ వ్యూహం ఫలిస్తుందేమో చూడాలి.

చాంపియన్స్‌ ట్రోఫీ-2025(ICC Champions Trophy) ఆరంభానికి సమయం ఆసన్నమైంది. పాకిస్తాన్‌ వేదికగా ఫిబ్రవరి 19న ఈ వన్డే మెగా టోర్నీకి తెరలేవనుంది. ఈ క్రమంలో ఇప్పటికే ఇందులో పాల్గొనే ఎనిమిది జట్ల వివరాలు వెల్లడయ్యాయి. ఇక భారత క్రికెట్‌ నియంత్రణ మండలి(బీసీసీఐ) సైతం ఈ ఐసీసీ టోర్నీకి తొలుత ప్రకటించిన జట్టులో రెండు మార్పులతో టీమ్‌ను ఖరారు చేసింది.యువ బ్యాటర్‌ యశస్వి జైస్వాల్‌ను ఈ జట్టు నుంచి తప్పించిన బీసీసీఐ(BCCI).. అతడి స్థానంలో ఐదో స్పిన్నర్‌గా వరుణ్‌ చక్రవర్తి(Varun Chakravarthy)ని జట్టులో చేర్చింది. అదే విధంగా.. స్టార్‌ బౌలర్‌, పేస్‌ దళ నాయకుడు జస్‌ప్రీత్‌ బుమ్రా ఇంకా వెన్నునొప్పి నుంచి కోలుకోకపోవడంతో అతడి స్థానంలో యువ పేసర్‌ హర్షిత్‌ రాణాను ఎంపిక చేసింది.ఈ నేపథ్యంలో భారత మాజీ క్రికెటర్‌ సురేశ్‌ రైనా చాంపియన్స్‌ ట్రోఫీ-2025లో భారత తుదిజట్టుపై తన అభిప్రాయాలు పంచుకున్నాడు. తన ప్లేయింగ్‌ ఎలెవన్‌ ఇదేనని ప్రకటించిన ఈ మాజీ బ్యాటర్‌.. అనూహ్యంగా వన్డే వరల్డ్‌కప్‌-2023 హీరోలను మాత్రం పక్కనపెట్టాడు.అద్బుత ప్రదర్శనస్వదేశంలో 2023లో జరిగిన వన్డే ప్రపంచకప్‌ టోర్నమెంట్లో ఆలస్యంగా అడుగుపెట్టినా అద్బుత ప్రదర్శనతో ఆకట్టుకున్నాడు మహ్మద్‌ షమీ. మెగా ఈవెంట్లో ఏకంగా 24 వికెట్లు తీసి.. అత్యధిక వికెట్ల వీరుడిగా నిలిచాడు. అనంతరం చీలమండ గాయానికి శస్త్ర చికిత్స చేయించుకున్న షమీ.. దాదాపు పద్నాలుగు నెలల తర్వాత పునరాగమనం చేశాడు.సొంతగడ్డపై ఇంగ్లండ్‌తో ఇటీవల ముగిసిన టీ20, వన్డే సిరీస్‌లలో షమీ ఆడాడు. అయితే, ఇంగ్లండ్‌తో మ్యాచ్‌లలో ఈ బెంగాల్‌ పేసర్‌ స్థాయికి తగ్గట్లు రాణించలేదు. మూడు వన్డేల సిరీస్‌లో భాగంగా రెండు మ్యాచ్‌లు ఆడి కేవలం రెండే వికెట్లు తీశాడు.మరోవైపు.. వికెట్‌ కీపర్‌ బ్యాటర్‌ కేఎల్‌ రాహుల్‌ కూడా ఇంగ్లండ్‌తో వన్డేల్లో ఆకట్టుకోలేకపోయాడు. అయితే, అతడిని బ్యాటింగ్‌ ఆర్డర్‌లో డిమోట్‌ చేయడమే ఇందుకు కారణంగా చెప్పవచ్చు. సాధారణంగా ఐదో స్థానంలో వచ్చే ఈ కర్ణాటక బ్యాటర్‌ను మేనేజ్‌మెంట్‌ ఆరో స్థానంలో పంపింది. ఈ క్రమంలో ఇంగ్లండ్‌తో తొలి రెండు వన్డేల్లో రాహుల్‌(2, 10) విఫలమయ్యాడు.రాహుల్‌ ధనాధన్‌ ఇన్నింగ్స్‌అయితే, మూడో వన్డే సందర్భంగా తన రెగ్యులర్‌ ప్లేస్‌లో బ్యాటింగ్‌ చేసిన కేఎల్‌ రాహుల్‌ ధనాధన్‌ ఇన్నింగ్స్‌(29 బంతుల్లో 40) ఆడాడు. ఇక అంతకుముందు వన్డే వరల్డ్‌కప్‌లోనూ రాహుల్‌ రాణించాడు. అయినప్పటికీ షమీతో పాటు కేఎల్‌ రాహుల్‌కు కూడా సురేశ్‌ రైనా తన చాంపియన్స్‌ ట్రోఫీ జట్టులో చోటివ్వకపోవడం గమనార్హం.ఇక షమీని కాదని యువ పేసర్‌ హర్షిత్‌ రాణా వైపు మొగ్గు చూపిన సురేశ్‌ రైనా.. వికెట్‌ కీపర్‌గా కేఎల్‌ రాహుల్‌ స్థానంలో రిషభ్‌ పంత్‌ను ఎంచుకున్నాడు. కాగా ఇంగ్లండ్‌తో వన్డే సిరీస్‌లో యాజమాన్యం రిషభ్‌ పంత్‌ను పూర్తిగా పక్కనపెట్టడం గమనార్హం.చాంపియన్స్‌ ట్రోఫీ-2025కి బీసీసీఐ ఎంపిక చేసిన జట్టురోహిత్‌ శర్మ(కెప్టెన్‌), శుబ్‌మన్‌ గిల్‌(వైస్‌ కెప్టెన్‌), విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌(వికెట్‌ కీపర్‌), రిషభ్‌ పంత్‌(వికెట్‌ కీపర్‌), హార్దిక్‌ పాండ్యా, అక్షర్‌ పటేల్‌, వాషింగ్టన్‌ సుందర్‌, కుల్దీప్‌ యాదవ్‌, హర్షిత్‌ రాణా, మహ్మద్‌ షమీ, అర్ష్‌దీప్‌ సింగ్‌, రవీంద్ర జడేజా, వరుణ్‌ చక్రవర్తి.చాంపియన్స్‌ ట్రోఫీ-2025కి సురేశ్‌ రైనా ఎంచుకున్న తుదిజట్టురోహిత్ శర్మ (కెప్టెన్‌), శుబ్‌మన్ గిల్, విరాట్ కోహ్లి, శ్రేయస్‌ అయ్యర్, రిషబ్ పంత్ (వికెట్‌ కీపర్‌), అక్షర్ పటేల్, హార్దిక్ పాండ్యా, రవీంద్ర జడేజా, అర్ష్‌దీప్ సింగ్, హర్షిత్ రాణా, కుల్దీప్ యాదవ్.చదవండి: ఆఖరికి అతడికి జట్టులో స్థానమే లేకుండా చేశారు: భారత మాజీ క్రికెటర్‌ ఫైర్‌

ఇంగ్లండ్‌తో మూడో వన్డే(India vs England)లో భారత బ్యాటర్లు అదరగొట్టారు. ఫలితంగా అహ్మదాబాద్‌లో టీమిండియా భారీ స్కోరు సాధించింది. తద్వారా నరేంద్ర మోదీ స్టేడియంలో భారత్‌ ఖాతాలో అతిపెద్ద స్కోరు(Highest ODI total) నమోదైంది. కాగా రోహిత్‌ సేన ప్రస్తుతం స్వదేశంలో ఇంగ్లండ్‌తో మూడు మ్యాచ్‌ల వన్డే సిరీస్‌ ఆడుతున్న విషయం తెలిసిందే.ఇందులో భాగంగా నాగ్‌పూర్‌, కటక్‌ వన్డేల్లో ఇంగ్లండ్‌ను నాలుగేసి వికెట్ల తేడాతో ఓడించిన టీమిండియా.. మరో మ్యాచ్‌ మిగిలి ఉండగానే సిరీస్‌ను 2-0తో కైవసం చేసుకుంది. ఈ క్రమంలో ఇరుజట్ల మధ్య బుధవారం మూడో వన్డేలోనూ గెలిచి వైట్‌వాష్‌ చేయాలనే లక్ష్యంతో బరిలోకి దిగింది.అయితే, ఈ మ్యాచ్‌లో టాస్‌ ఓడిన భారత్‌ తొలుత బ్యాటింగ్‌ చేయాల్సి వచ్చింది. ఈ క్రమంలో ఆరంభంలోనే కెప్టెన్‌, ఓపెనర్‌ రోహిత్‌ శర్మ(Rohit Sharma) వికెట్‌ రూపంలో టీమిండియాకు గట్టి షాక్‌ తగిలింది. గత వన్డేలో సెంచరీ(119)తో చెలరేగిన హిట్‌మ్యాన్‌ మూడో వన్డేలో మాత్రం ఒక్క పరుగే చేసి మార్క్‌వుడ్‌ బౌలింగ్‌లో వెనుదిరిగాడు.ఎట్టకేలకు ఫామ్‌లోకిఈ నేపథ్యంలో మరో ఓపెనర్‌ శుబ్‌మన్‌ గిల్‌కు జతైన వన్‌డౌన్‌ బ్యాటర్‌ విరాట్‌ కోహ్లి ఎట్టకేలకు ఫామ్‌లోకి వచ్చాడు. మూడుసార్లు అవుటయ్యే ప్రమాదం నుంచి తప్పించుకున్న ఈ కుడిచేతి వాటం బ్యాటర్‌ 55 బంతుల్లో ఏడు ఫోర్లు, ఒక సిక్స్‌ సాయంతో 52 పరుగులు చేశాడు. అప్పటికే, హాఫ్‌ సెంచరీ పూర్తి చేసుకున్న గిల్‌.. దానిని శతకంగా మార్చుకున్నాడు.గిల్‌ శతకంమొత్తంగా 102 బంతులు ఎదుర్కొన్న శుబ్‌మన్‌ గిల్‌ 14 ఫోర్లు, 3 సిక్స్‌లు బాది.. 112 పరుగులు సాధించాడు. అతడికి తోడుగా నాలుగో నంబర్‌ బ్యాటర్‌ శ్రేయస్‌ అయ్యర్(64 బంతుల్లో 78 రన్స్‌) అద్భుత అర్ధ శతకంతో మెరిశాడు. మరోవైపు.. తన రెగ్యులర్‌ స్థానమైన ఐదో నంబర్‌లో వచ్చిన కేఎల్‌ రాహుల్‌ మెరుపు ఇన్నింగ్స్‌ ఆడాడు.కేవలం 29 బంతుల్లోనే మూడు ఫోర్లు, ఒక సిక్సర్‌ కొట్టి 40 పరుగులు సాధించాడు ఈ వికెట్‌ కీపర్‌ బ్యాటర్‌. మిగతా వాళ్లలో ఎవరూ పెద్దగా రాణించలేదు. ఆల్‌రౌండర్లు హార్దిక్‌ పాండ్యా(17), అక్షర్‌ పటేల్‌(13), వాషింగ్టన్‌ సుందర్‌(14).. పేసర్లు హర్షిత్‌ రాణా(13), అర్ష్‌దీప్‌ సింగ్‌(2), కుల్దీప్‌ యాదవ్‌(1*) నామమాత్రపు స్కోర్లకే పరిమితమయ్యారు.అవయవ దానం గురించిఈ క్రమంలో నిర్ణీత 50 ఓవర్లలో టీమిండియా 356 పరుగులు చేసి ఆలౌట్‌ అయింది. ఇంగ్లండ్‌ బౌలర్లలో రైటార్మ్‌ లెగ్‌బ్రేక్‌ స్పిన్నర్‌ ఆదిల్‌ రషీద్‌ అత్యధికంగా నాలుగు వికెట్లు తీయగా.. పేసర్లు మార్క్‌ వుడ్‌ రెండు, గస్‌ అట్కిన్సన్‌ ఒకటి, పార్ట్‌ టైమ్‌ స్పిన్నర్‌ జో రూట్‌ ఒక వికెట్‌ తీశారు. ఇక ఈ మ్యాచ్‌ సందర్భంగా టీమిండియా- ఇంగ్లండ్‌ క్రికెటర్లు అవయవ దానం గురించి అవగాహన కల్పించే చేసే క్రమంలో గ్రీన్‌ ఆర్మ్‌ బ్యాండ్‌తో బరిలోకి దిగడం విశేషం.అహ్మదాబాద్‌లో వన్డేల్లో అత్యధిక స్కోర్లుసౌతాఫ్రికా వర్సెస్‌ ఇండియా- 2010లో 365/2ఇండియా వర్సెస్‌ ఇంగ్లండ్‌- 2025లో 356ఇండియా వర్సెస్‌ వెస్టిండీస్‌- 2002లో 325/5వెస్టిండీస్‌ వర్సెస్‌ ఇండియా- 2002లో 324/4 పాకిస్తాన్‌ వర్సెస్‌ ఇండియా- 2007లో 319/7.చదవండి: చరిత్ర సృష్టించిన కోహ్లి.. భారత తొలి బ్యాటర్‌గా అరుదైన రికార్డువారెవ్వా!.. శుబ్‌మన్‌ గిల్‌ ప్రపంచ రికార్డు

టీమిండియా హెడ్‌కోచ్‌ గౌతం గంభీర్‌(Gautam Gambhir) తీరుపై భారత క్రికెట్‌ జట్టు మాజీ కెప్టెన్‌ క్రిష్ణమాచారి శ్రీకాంత్‌ ఆగ్రహం వ్యక్తం చేశాడు. మిడిలార్డర్‌ విషయంలో గౌతీ అనుసరిస్తున్న వ్యూహాలు సరికావని విమర్శించాడు. ఆల్‌రౌండర్‌ అక్షర్‌ పటేల్‌(Axar Patel)ను ప్రమోట్‌ చేయడం బాగానే ఉన్నా.. అందుకోసం కేఎల్‌ రాహుల్‌(KL Rahul)ను బలి చేయడం సరికాదని హితవు పలికాడు.వరుసగా రెండింట గెలిచి.. సిరీస్‌ సొంతంకాగా టీమిండియా ప్రస్తుతం స్వదేశంలో ఇంగ్లండ్‌తో వన్డేలతో బిజీగా ఉన్న విషయం తెలిసిందే. మూడు మ్యాచ్‌లలో ఇప్పటికే రెండు గెలిచి సిరీస్‌ సొంతం చేసుకుంది రోహిత్‌ సేన. అయితే, ఈ సిరీస్‌లో వికెట్‌ కీపర్‌గా రిషభ్‌ పంత్‌ను కాదని సీనియర్‌ కేఎల్‌ రాహుల్‌కు పెద్దపీట వేసిన యాజమాన్యం.. బ్యాటింగ్‌ ఆర్డర్‌లో మాత్రం అతడిని డిమోట్‌ చేసింది.అతడికి ప్రమోషన్‌.. రాహుల్‌కు అన్యాయం?స్పిన్‌ బౌలింగ్‌ ఆల్‌రౌండర్‌ అక్షర్‌ పటేల్‌ను ఐదో స్థానంలో ఆడిస్తూ.. కేఎల్‌ రాహుల్‌ను ఆరో నంబర్‌ బ్యాటర్‌గా పంపింది. ఈ క్రమంలో నాగ్‌పూర్‌, కటక్‌ వన్డేల్లో అక్షర్‌ వరుసగా 52, 41 నాటౌట్‌ పరుగులు చేయగా... రాహుల్‌ మాత్రం విఫలమయ్యాడు. తొలి వన్డేలో రెండు, రెండో వన్డేలో పది పరుగులకే పరిమితమయ్యాడు.ఇది చాలా దురదృష్టకరంఈ పరిణామాలపై టీమిండియా మాజీ చీఫ్‌ సెలక్టర్‌ క్రిష్ణమాచారి శ్రీకాంత్‌ స్పందించాడు. తన యూట్యూబ్‌ చానెల్‌ వేదికగా మాట్లాడుతూ.. ‘‘నాలుగో నంబర్‌ బ్యాటర్‌ శ్రేయస్‌ అయ్యర్‌ ఫామ్‌లో ఉండటం టీమిండియాకు సానుకూలాంశం. అయితే, కేఎల్‌ రాహుల్‌ పరిస్థితి చూసి నాకు బాధ కలుగుతోంది.ఇది చాలా దురదృష్టకరం. అక్షర్‌ పటేల్‌ 30, 40 పరుగులు చేస్తున్నాడు. మంచిదే.. కానీ కేఎల్‌ రాహుల్‌ పట్ల మేనేజ్‌మెంట్‌ వ్యవహరిస్తున్న తీరు అన్యాయం. ఐదో స్థానంలో అతడు అద్భుతంగా బ్యాటింగ్‌ చేయగలడు. అందుకు అతడి గణాంకాలే నిదర్శనం.ఎల్లప్పుడూ ఇదే వ్యూహం పనికిరాదుకాబట్టి.. హేయ్‌.. గంభీర్‌ నువ్వు చేస్తున్నది తప్పు. పరిస్థితులకు అనుగుణంగా అక్షర్‌ను ఐదో స్థానంలో బ్యాటింగ్‌కు పంపవచ్చు. కానీ ఎల్లప్పుడూ ఇదే వ్యూహం పనికిరాదు. ఇలాంటి వాటి వల్ల దీర్ఘకాలం ఎలాంటి పరిస్థితులు ఎదురవుతాయో నీకూ తెలుసు. కీలకమైన మ్యాచ్‌లో ఇలాంటి వ్యూహాలు బెడిసికొట్టిన సందర్భాలు చాలానే ఉన్నాయి.రిషభ్‌ పంత్‌ విషయంలోనూ ఇలాగే చేస్తారా?అక్షర్‌ పటేల్‌తో నాకు ఎలాంటి సమస్యా లేదు. అతడికి ఇబ్బడిముబ్బడిగా అవకాశాలు ఇస్తున్నారు. కానీ అందుకోసం రాహుల్‌ను ఆరో నంబర్‌లో ఆడిస్తారా? అలాగే చేయాలని అనుకుంటే రిషభ్‌ పంత్‌ను కూడా ఆరోస్థానంలోనే పంపండి. రాహుల్‌ ఆత్మవిశ్వాసాన్ని ఎందుకు దెబ్బతీస్తున్నారు? వరల్డ్‌క్లాస్‌ ప్లేయర్‌గా పేరొందిన అద్భుతమైన ఆటగాడి పట్ల ఇలా వ్యవహరించడం సరికాదు’’ అని క్రిష్ణమాచారి శ్రీకాంత్‌ గంభీర్‌ విధానాన్ని ఎండగట్టాడు. చదవండి: క్రికెట్‌ చరిత్రలో అరుదైన ఘటన

టీమిండియా క్రికెటర్‌ కేఎల్‌ రాహుల్‌(KL Rahul) తీరుపై భారత దిగ్గజం సునిల్‌ గావస్కర్‌(Sunil Gavaskar) ఆగ్రహం వ్యక్తం చేశాడు. ఏ ఆటగాడైనా జట్టు ప్రయోజనాల గురించి మాత్రమే ఆలోచించాలని హితవు పలికాడు. అలా కాకుండా ప్రతి ఒక్కరు స్వప్రయోజనాలకే పెద్దపీట వేస్తే ఒక్కోసారి భారీ మూల్యం చెల్లించాల్సి వస్తుందంటూ చురకలు అంటించాడు.కాగా టీమిండియా ప్రస్తుతం స్వదేశంలో ఇంగ్లండ్‌తో వన్డే సిరీస్‌(India vs England ODIs)తో బిజీగా ఉన్న విషయం తెలిసిందే. ఇరుజట్ల మధ్య గురువారం నాగ్‌పూర్‌ వేదికగా తొలి వన్డే జరిగింది. 248 పరుగులుఇందులో టాస్‌ గెలిచిన ఇంగ్లండ్‌ తొలుత బ్యాటింగ్‌ చేసింది. ఓపెనర్లు ఫిల్‌ సాల్ట్‌(26 బంతుల్లో 43), బెన్‌ డకెట్‌(29 బంతుల్లో 32)లు శుభారంభం అందించగా.. కెప్టెన్‌ జోస్‌ బట్లర్‌(67 బంతుల్లో 52), జాకొబ్‌ బెతెల్‌(64 బంతుల్లో 51) అర్ధ శతకాలతో మెరిశారు.అయితే, భారత బౌలర్ల విజృంభణ కారణంగా మరెవరూ రాణించలేకపోయారు. ఫలితంగా 47.4 ఓవర్లలో 248 పరుగులు చేసి ఇంగ్లండ్‌ ఆలౌట్‌ అయింది. టీమిండియా బౌలర్లలో అరంగేట్ర పేసర్‌ హర్షిత్‌ రాణాతో పాటు రవీంద్ర జడేజా మూడు వికెట్లు పడగొట్టగా.. మహ్మద్‌ షమీ, అక్షర్‌ పటేల్‌, కుల్దీప్‌ యాదవ్‌ తలా ఒక వికెట్‌ తీశారు.అయ్యర్‌ మెరుపు అర్ధ శతకంఈ క్రమంలో లక్ష్య ఛేదనకు దిగిన టీమిండియా ఆదిలోనే ఓపెనర్లు యశస్వి జైస్వాల్‌(15), కెప్టెన్‌ రోహిత్‌ శర్మ(2) వికెట్లు కోల్పోగా.. శుబ్‌మన్‌ గిల్‌, శ్రేయస్‌ అయ్యర్‌ భారత ఇన్నింగ్స్‌ చక్కదిద్దారు. గిల్‌ పట్టుదలగా క్రీజులో నిలబడి కాస్త నెమ్మదిగానే ఆడగా.. అయ్యర్‌ మెరుపు అర్ధ శతకం(36 బంతుల్లో 59), అక్షర్‌ పటేల్‌(52) విలువైన హాఫ్‌ సెంచరీ చేసి నిష్క్రమించారు.ఈ దశలో వికెట్‌ కీపర్‌ బ్యాటర్‌ కేఎల్‌ రాహుల్‌ శుబ్‌మన్‌ గిల్‌కు తోడయ్యాడు. అప్పటికి గిల్‌ సెంచరీకి 19 పరుగులు, టీమిండియా విజయానికి 28 పరుగులు కావాల్సి ఉంది. ఇలాంటి తరుణంలో స్ట్రైక్‌లో ఉన్న రాహుల్‌ ఆదిల్‌ రషీద్‌ బౌలింగ్‌లో అతడికే క్యాచ్‌ ఇచ్చి 2 పరుగుల వ్యక్తిగత స్కోరు వద్ద అవుటయ్యాడు.సెంచరీకి చేరువలో ఉన్నాడని.. ఇలా చేస్తావా?ఈ నేపథ్యంలో సునిల్‌ గావస్కర్‌ కేఎల్‌ రాహుల్‌ వ్యవహారశైలిని ఉద్దేశించి ఘాటు విమర్శలు చేశాడు. గిల్‌ సెంచరీ పూర్తి చేసుకునేందుకు సహకరించే క్రమంలో రాహుల్‌ తన ఆటపై శ్రద్ధ పెట్టలేక నిర్లక్ష్యంగా వికెట్‌ పారేసుకున్నాడని మండిపడ్డాడు. హిందుస్తాన్‌ టైమ్స్‌తో మాట్లాడుతూ.. ‘‘అతడు తన సహజశైలిలో ఆడాల్సింది.కానీ తన బ్యాటింగ్‌ పార్ట్‌నర్‌ సెంచరీ పూర్తి చేసుకునేందుకు వీలు కల్పించే క్రమంలో అజాగ్రత్తగా వ్యవహరించాడు. అందుకు ఫలితంగా ఏం జరిగిందో చూడండి. ఇది టీమ్‌ గేమ్‌. కాబట్టి ఏ ఆటగాడు కూడా ఇలా చేయకూడదు. స్ట్రైక్‌ రొటేట్‌ చేసేందుకు ఏదో కొత్తగా ప్రయత్నించి వికెట్‌ పారేసుకున్నాడు. ఇది పూర్తిగా అతడు అనాసక్తితో ఆడిన షాట్‌’’ అని గావస్కర్‌ కేఎల్‌ రాహుల్‌ తీరును విమర్శించాడు. కాగా ఈ మ్యాచ్‌లో గిల్‌ 96 బంతుల్లో 87 పరుగులతో రాణించి జట్టు విజయంలో కీలక పాత్ర పోషించాడు. తద్వారా ‘ప్లేయర్‌ ఆఫ్‌ ది మ్యాచ్‌’ అవార్డు అందుకున్నాడు.చదవండి: తుదిజట్టులో నాకసలు స్థానమే లేదు.. రోహిత్‌ కాల్‌ తర్వాత..: శ్రేయస్‌ అయ్యర్‌

టీమిండియా స్టార్‌ క్రికెటర్‌ కేఎల్‌ రాహుల్‌(Kl Rahul) త్వరలోనే తండ్రి కాబోతున్న సంగతి తెలిసిందే. 2023లో బాలీవుడ్ హీరోయిన్ అతియా శెట్టిని(Athiya Shetty) కేఎల్ పెళ్లాడారు. గతేడాది నవంబర్‌లో ఈ జంట అభిమానులకు గుడ్‌ న్యూస్ చెప్పారు. ఈ విషయాన్ని సోషల్ మీడియా వేదికగా పంచుకున్నారు. ఈ విషయం తెలుసుకున్న అభిమానులు, సన్నిహితులు అభినందనలు తెలిపారు. కాగా.. రాహుల్‌, అతియాల వివాహం 2023, జనవరి 23న జరిగింది. బాలీవుడ్ భామ అతియా శెట్టి ప్రముఖ నటుడు సునీల్‌ శెట్టి (Sunil Shetty) గారాలపట్టి అన్న విషయం తెలిసిందే. అతియా కూడా పలు బాలీవుడ్‌ సినిమాల్లో నటించింది. వీరిద్దరు కొంతకాలం పాటు డేటింగ్‌ చేసి ప్రేమ వివాహం చేసుకున్నారు.అయితే తాజాగా అతియా శెట్టి తన బేబీ బంప్(Baby Bump) ఫోటోలను సోషల్ మీడియా వేదికగా పంచుకుంది. సన్‌ఫ్లవర్‌ సింబల్‌ను పోస్ట్ చేస్తూ ఫోటోలు షేర్ చేసింది. ఇది చూసిన అభిమానులు క్రేజీ కామెంట్స్ చేస్తున్నారు. పలువురు సినీతారలు సైతం బ్యూటీ అంటూ పోస్టులు పెడుతున్నారు. ఈ ఫోటోలకు అక్కినేని కోడలు శోభిత ధూళిపాల, ఆదిరావు హైదరీ, సోనాక్షి సిన్హా, అమీ జాక్సన్ లాంటి అగ్ర సినీతారలు రియాక్ట్ అయ్యారు. ప్రస్తుతం అతియా శెట్టి బేబీ బంప్ ఫోటోలు సోషల్ మీడియాలో తెగ వైరలవుతున్నాయి. (ఇది చదవండి: గుడ్‌ న్యూస్‌ చెప్పిన కేఎల్‌ రాహుల్‌)కాగా.. ఈ ఏడాది జనవరి 23 తమ రెండో వివాహా వార్షికోత్సవాన్ని గ్రాండ్‌ సెలబ్రేట్ చేసుకున్నారు కేఎల్ రాహుల్- ‍అతియా జంట. 2023లో పెళ్లి పీటలెక్కిన వీరిద్దరు దాదాపు నాలుగేళ్ల పాటు డేటింగ్‌లో ఉన్నారు. చివరికీ పెద్దల అంగీకారంలో వివాహాబంధంలోకి ‍అడుగుపెట్టారు. ఆమె తండ్రి, ప్రముఖ బాలీవుడ్ నటుడు సునీల్ శెట్టి తన ముంబయిలోని తన ఫామ్‌హౌస్‌లోనే వీరి పెళ్లి వేడుకను ఘనంగా నిర్వహించారు. ఈ పెళ్లి వేడుకలో బాలీవుడ్ తారలు, క్రీడా ప్రముఖులు కూడా పాల్గొన్నారు. View this post on Instagram A post shared by Athiya Shetty (@athiyashetty)

చాలాకాలం తర్వాత రంజీ (Ranji Trophy) బరిలోకి దిగిన కేఎల్‌ రాహుల్‌ (KL Rahul) తొలి ఇన్నింగ్స్‌లోనే నిరాశపరిచాడు. హర్యానాతో ఇవాళ (జనవరి 30) మొదలైన మ్యాచ్‌లో రాహుల్‌ 26 పరుగులకే ఔటయ్యాడు. ఈ ఇన్నింగ్స్‌లో రాహుల్‌కు మంచి ఆరంభం లభించినా సద్వినియోగం చేసుకోలేకపోయాడు. రాహుల్‌ 37 బంతుల్లో 4 సొగసైన బౌండరీలు బాది మాంచి టచ్‌లో ఉన్నట్లు కనిపించాడు. అయితే అన్షుల్‌ కంబోజ్‌ ఓ సాధారణ బంతితో రాహుల్‌ను బోల్తా కొట్టించాడు. వికెట్‌కీపర్‌ రోహిత్‌ శర్మకు క్యాచ్‌ ఇచ్చి రాహుల్‌ నిరాశగా పెవిలియన్‌ బాట పట్టాడు.కాగా, ఈ మ్యాచ్‌లో రాహుల్‌ బరిలోకి దిగే సమయంలో అభిమానుల కేరింతలతో స్టేడియం దద్దరిల్లింది. ఈ మ్యాచ్‌ రాహుల్‌ సొంత మైదానమైన చిన్నస్వామి స్టేడియంలో (బెంగళూరు) జరుగుతుంది. సొంత మైదానంలో రాహుల్‌ను చూసేందుకు పెద్ద ఎత్తున జనం హాజరయ్యారు. రాహుల్‌ నుంచి భారీ ఇన్నింగ్స్‌ ఆశించి వచ్చిన అభిమానులకు నిరాశే ఎదురైంది. ఈ ఇన్నింగ్స్‌లో తొలుత రాహుల్‌ను చూసి అభిమానులు హ్యాపీగా ఫీలయ్యారు. వరుస పెట్టి బౌండరీలు బాదడంతో భారీ స్కోర్‌ చేయడం ఖాయమని అనుకున్నారు. అయితే వారి ఆశలు అడియాశలయ్యాయి. సూపర్‌ టచ్‌లో కనిపించిన రాహుల్‌ కనీసం హాఫ్‌ సెంచరీ కూడా చేయకుండానే నిష్క్రమించాడు.ఈ మ్యాచ్‌లో హర్యానా టాస్‌ గెలిచి కర్ణాటకను బ్యాటింగ్‌కు ఆహ్వానించింది. 17 పరుగుల వ్యక్తిగత స్కోర్‌ వద్ద కేవీ అవనీశ్‌ ఔట్‌ కావడంతో కర్ణాటక 45 పరుగుల వద్ద తొలి వికెట్‌ కోల్పోయింది. అనంతరం బరిలోకి దిగిన రాహుల్‌.. మయాంక్‌ అగర్వాల్‌తో కలిసి రెండో వికెట్‌కు 54 పరుగులు జోడించాడు. రాహుల్‌ ఔటయ్యాక దేవ్‌దత్‌ పడిక్కల్‌ క్రీజ్‌లోకి వచ్చాడు. ఈ లోగా మయాంక్‌ హాఫ్‌ సెంచరీ పూర్తి చేసుకున్నాడు. 40 ఓవర్ల అనంతరం కర్ణాటక స్కోర్‌ 121/2గా ఉంది. మయాంక్‌ 63, పడిక్కల్‌ 9 పరుగులతో క్రీజ్‌లో ఉన్నారు. రాహుల్‌ను ఔట్‌ చేసిన కంబోజ్‌ అనీశ్‌ను కూడా పెవిలియన్‌కు పంపాడు.బీజీటీలోనూ నిరాశపరిచిన రాహుల్‌రాహుల్‌ ఇటీవలికాలంలో వరుసగా విఫలమవుతున్నాడు. తాజాగా ముగిసిన బోర్డర్‌ గవాస్కర్‌ ట్రోఫీలో రాహుల్‌ 5 టెస్ట్‌ల్లో కేవలం 2 హాఫ్‌ సెంచరీలు మాత్రమే చేశాడు. గాయాలు, ఫామ్‌ లేమి కారణంగా రాహుల్‌ ఇటీవలికాలంలో తరుచూ జట్టులోకి వస్తూ పోతున్నాడు. రాహుల్‌ టీ20 జట్టులో చోటు కోల్పోయి చాలాకాలమైంది. వన్డేల్లోనూ రాహుల్‌ అడపాదడపా ప్రదర్శనలే చేస్తున్నాడు. రాహుల్‌కు బీజీటీ 2024-25లో ఐదు టెస్ట్‌లు ఆడే అవకాశం దక్కినా పెద్దగా ఆకట్టుకోలేకపోయాడు. తొలి టెస్ట్‌ సెకెండ్‌ ఇన్నింగ్స్‌లో (77).. మూడో టెస్ట్‌ తొలి ఇన్నింగ్స్‌లో (84) మాత్రమే రాహుల్‌ రాణించాడు.

ఆహా... ఎన్నాళ్లకెన్నాళ్లకు... మనస్టార్లు దేశవాళీ బాటపట్టారు. కింగ్‌ కోహ్లి ఢిల్లీ తరఫున ఆడితే... హైదరాబాద్‌కు సిరాజ్‌ పేస్‌ తోడైతే... కేఎల్‌ రాహుల్‌ కర్ణాటకకు జై కొడితే... జడేజా ఆల్‌రౌండ్‌ ఆటతో సౌరాష్టకు ఆడితే అవి రంజీ మ్యాచ్‌లేనా? రసవత్తర మ్యాచ్‌లు కావా? కచ్చితంగా అవుతాయి. తదుపరి రంజీ దశ పోటీలు తారలతో కొత్త శోభ సంతరించుకుంటున్నాయి. అభిమానులకు నాలుగు రోజులూ ఇక క్రికెట్‌ పండగే! చూస్తుంటే గంభీర్‌ సిఫార్సులతో రూపొందించిన భారత క్రికెట్‌ నియంత్రణ మండలి (బీసీసీఐ) కొత్త మార్గదర్శకాలు ఎంతటి స్టార్లయినా దేశవాళీ కోసం తగ్గాల్సిందేనని నిరూపించబోతున్నాయి. న్యూఢిల్లీ: దేశవాళీ రంజీ ట్రోఫీలోని చివరి రౌండ్‌ మ్యాచ్‌లూ పసందుగా సాగనున్నాయి. అభిమాన క్రికెటర్లు నాలుగు రోజుల ఆటకు అందుబాటులోకి రావడమే దేశవాళీ క్రికెట్‌కు సరికొత్త పండగ తెస్తోంది. ఇదివరకు చెప్పినట్టుగానే విరాట్‌ కోహ్లి ఢిల్లీ ఆడే తదుపరి మ్యాచ్‌కు అందుబాటులోకి వచ్చాడు. ఢిల్లీ డి్రస్టిక్ట్స్‌ క్రికెట్‌ సంఘం (డీడీసీఏ) సోమవారం ఈ విషయాన్ని వెల్లడించడమే కాదు... రైల్వేస్‌ జట్టుతో ఈ నెల 30 నుంచి జరిగే పోరుకోసం ఢిల్లీ జట్టును ప్రకటించింది. అందులో కింగ్‌ కోహ్లి ఉండటమే విశేషం. అరుణ్‌ జైట్లీ స్టేడియంలో ఫిబ్రవరి 2వ తేదీ వరకు అతను తన అభిమానులను దేశవాళీ మ్యాచ్‌ ద్వారా అలరించేందుకు సిద్ధమయ్యాడు. కేవలం మ్యాచ్‌ రోజుల్లోనే కాదు... ఢిల్లీ సహచరులతో పాటు కలిసి కసరత్తు చేసేందుకు అతను మంగళవారం జట్టుతో చేరతాడని ఢిల్లీ కోచ్‌ శరణ్‌దీప్‌ సింగ్‌ ధ్రువీకరించారు. కొన్నిరోజులుగా టీమిండియా మాజీ బ్యాటింగ్‌ కోచ్‌ సంజయ్‌ బంగర్‌ (ప్రస్తుత రాయల్‌ చాలెంజర్స్‌ బెంగళూరు కోచ్‌)తో కలిసి బ్యాటింగ్‌లో శ్రమిస్తున్నాడు. ఈ ఫొటోలు, వీడియోలు నెట్టింట తెగ వైరలవుతున్నాయి. ఇప్పుడు రంజీతో అతను రియల్‌గా బ్యాటింగ్‌ చేయనున్నాడు. ఇదే జరిగితే 2012 తర్వాత కోహ్లి రంజీ మ్యాచ్‌ ఆడనున్నాడు. ఈ నేపథ్యంలో డీడీసీఏ తగిన భద్రతా ఏర్పాట్లు చేస్తోంది. సెక్యూరిటీ సిబ్బందిని పెంచింది. ఢిల్లీ పోలీసులకు సమాచారమిచ్చింది. సౌరాష్ట్రతో ఢిల్లీ ఆడిన గత మ్యాచ్‌లో బరిలోకి దిగిన రిషభ్‌ పంత్‌ ఈ మ్యాచ్‌కు అందుబాటులో లేకపోవడం కాస్త వెలతే! కానీ ‘రన్‌ మెషిన్‌’ కోహ్లి శతక్కొట్టే ఇన్నింగ్స్‌ ఆడితే మాత్రం ఆ వెలతి తీరుతుంది. హైదరాబాద్‌ పేస్‌కా బాస్‌... సిరాజ్‌ జస్‌ప్రీత్‌ బుమ్రా, షమీలాంటి అనుభవజ్ఞులతో పాటు భారత జట్టు పేస్‌ దళానికి వెన్నుదన్నుగా నిలుస్తున్న సిరాజ్‌ ఇప్పుడు హైదరాబాద్‌ బలం అయ్యాడు. గురువారం నుంచి నాగ్‌పూర్‌లో విదర్భ జట్టుతో జరిగే ఎలైట్‌ గ్రూప్‌ ‘బి’ మ్యాచ్‌ బరిలోకి దిగుతున్నాడు. నాగ్‌పూర్‌ ట్రాక్‌ పేస్‌కు అవకాశమిచ్చే వికెట్‌. ఈ నేపథ్యంలో హైదరాబాదీ పేసర్‌ మొహమ్మద్‌ సిరాజ్‌ చెలరేగే అవకాశముంది. అతను నిప్పులు చెరిగితే సొంతగడ్డపై విదర్భకు కష్టాలు తప్పవు! సరిగ్గా ఐదేళ్ల క్రితం 2020లో చివరి రంజీ మ్యాచ్‌ కూడా విదర్భతోనే ఆడిన సిరాజ్‌... మళ్లీ ఆ ప్రత్యర్థితోనే దేశవాళీ ఆట ఆడబోతున్నాడు. జడేజా వరుసగా రెండో మ్యాచ్‌ ఎలైట్‌ గ్రూప్‌ ‘డి’లో ఉన్న సౌరాష్ట్ర తరఫున ఈ నెల 23 నుంచి ఢిల్లీతో జరిగిన మ్యాచ్‌ ఆడిన స్టార్, సీనియర్‌ ఆల్‌రౌండర్‌ రవీంద్ర జడేజా ఈ సీజన్‌లో వరుసగా రెండో మ్యాచ్‌ ఆడేందుకు సై అంటున్నాడు. గత మ్యాచ్‌లో అతని ఆల్‌రౌండ్‌ ‘షో’ వల్లే నాలుగు రోజుల మ్యాచ్‌ కాస్త రెండే రోజుల్లో ముగిసింది. రెండు ఇన్నింగ్స్‌ (5/66, 7/38)ల్లో కలిపి 12 వికెట్లు తీసిన జడేజా తొలి ఇన్నింగ్స్‌లో బ్యాటింగ్‌లో 38 పరుగులు కూడా చేశాడు. సౌరాష్ట్ర 10 వికెట్ల తేడాతో ఢిల్లీని ఓడించింది. గురువారం నుంచి అస్సామ్‌తో జరిగే పోరులో మళ్లీ జోరు కనబరచాలనే లక్ష్యంతో రంజీ బరిలోకి దిగుతున్నాడు. అస్సామ్‌ను హిట్టర్‌ రియాన్‌ పరాగ్‌ నడిపిస్తున్నాడు. భుజం గాయం నుంచి కోలుకున్న పరాగ్‌ ఐపీఎల్‌ ద్వారానే అందరికంటా పడ్డాడు. ఫిట్‌నెస్‌తో రాహుల్‌ రెడీ కర్ణాటక తరఫున ఎలైట్‌ గ్రూప్‌ ‘సి’లో పంజాబ్‌తో జరిగిన గత మ్యాచ్‌లోనే కేఎల్‌ రాహుల్‌ ఆడాలనుకున్నాడు. కానీ మోచేతి గాయం కారణంగా ఆ రంజీ పోరు ఆడలేకపోయిన స్టార్‌ ఓపెనర్‌ ఇప్పుడు పూర్తి ఫిట్‌నెస్‌తో హరియాణా జట్టుతో ఢీకొనేందుకు రెడీ అయ్యాడు. రాహుల్‌ చివరి సారిగా 2020లో బెంగాల్‌తో జరిగిన రంజీ సెమీఫైనల్స్‌ మ్యాచ్‌ ఆడాడు. మళ్లీ ఐదేళ్ల తర్వాత సొంతరాష్ట్రం తరఫున దేశవాళీ మ్యాచ్‌ ఆడనున్నాడు. అతని చేరికతో కర్ణాటక బ్యాటింగ్‌ విభాగం మరింత పటిష్టం అయ్యింది. అంతేకాదు. దేవదత్‌ పడిక్కల్, సీమర్‌ ప్రసిధ్‌ కృష్ణలు కూడా ఆడుతుండటం జట్టుకు కలిసొచ్చే అంశం. ఈ ముగ్గురు ఇటీవల ఆ్రస్టేలియాలో పర్యటించిన భారత జట్టుకు ప్రాతినిధ్యం వహించారు. రోహిత్, జైస్వాల్, అయ్యర్‌ గైర్హాజరు ఈ రంజీ ట్రోఫీలో ముంబై ఆడాల్సిన చివరి లీగ్‌ మ్యాచ్‌లోనూ భారత కెపె్టన్‌ రోహిత్‌ శర్మ సహా యువ సంచలనం యశస్వి జైస్వాల్, శ్రేయస్‌ అయ్యర్‌లు ఆసక్తి కనబరిచారు. ఈ త్రయం జమ్మూకశ్మీర్‌తో జరిగిన గత మ్యాచ్‌లో బరిలోకి దిగింది. అయితే ఇంగ్లండ్‌తో వచ్చే నెల 6, 9, 12 తేదీల్లో జరిగే మూడు వన్డేల సిరీస్‌ కోసం వీరంతా భారత జట్టులో చేరాల్సివుండటంతో ఈ నెల 30 నుంచి ఫిబ్రవరి 2వ తేదీ వరకు జరిగే పోరుకు అందుబాటులో ఉండటం లేదని ముంబై వర్గాలు వెల్లడించాయి.

ఐసీసీ చాంపియన్స్‌ ట్రోఫీ-2025(ICC Champions Trophy) జట్టులో రిషభ్‌ పంత్‌కు చోటు దక్కడంపై భారత మాజీ వికెట్‌ కీపర్‌ బ్యాటర్‌ దినేశ్‌ కార్తిక్‌ స్పందించాడు. సంజూ శాంసన్‌(Sanju Samson)ను కాదని.. సెలక్టర్లు ఈ ఉత్తరాఖండ్‌ ఆటగాడి వైపు మొగ్గుచూపడానికి గల కారణాన్ని విశ్లేషించాడు. ఇద్దరూ సూపర్‌ బ్యాటర్లే అయినా.. పంత్‌(Rishabh Pant)లోని ఓ ప్రత్యేకతే అతడిని రేసులో ముందు నిలిపిందని పేర్కొన్నాడు.పాకిస్తాన్‌ వేదికగావన్డే ఫార్మాట్లో నిర్వహించే చాంపియన్స్‌ ట్రోఫీ తాజా ఎడిషన్‌ ఫిబ్రవరి 19న పాకిస్తాన్‌ వేదికగా మొదలుకానుంది. భద్రతా కారణాల దృష్ట్యా తటస్థ వేదికైన దుబాయ్‌లో మ్యాచ్‌లు ఆడనున్న టీమిండియా.. తమ తొలి మ్యాచ్‌లో ఫిబ్రవరి 20న బంగ్లాదేశ్‌తో తలపడనుంది. ఇక ఈ మెగా టోర్నీకి ఆతిథ్య జట్టు హోదాలో పాకిస్తాన్‌ నేరుగా క్వాలిఫై అయింది.మరోవైపు.. ఆస్ట్రేలియా, భారత్‌, సౌతాఫ్రికా, న్యూజిలాండ్‌, అఫ్గనిస్తాన్‌, బంగ్లాదేశ్‌, ఇంగ్లండ్‌ వన్డే వరల్డ్‌కప్‌-2023 పాయింట్ల పట్టికలో స్థానాల ఆధారంగా అర్హత సాధించాయి. ఇందుకు సంబంధించి ఈ ఏడు దేశాలు తమ జట్లను ప్రకటించగా.. పాకిస్తాన్‌ మాత్రం ఇంకా టీమ్‌ వివరాలు వెల్లడించలేదు.సంజూకు దక్కని చోటుఇదిలా ఉంటే.. జనవరి 18న భారత క్రికెట్‌ నియంత్రణ మండలి(బీసీసీఐ) ప్రకటించిన జట్టులో కేరళ ఆటగాడు సంజూ శాంసన్‌కు చోటు దక్కలేదు. వికెట్‌ కీపర్ల కోటాలో వన్డే వరల్డ్‌కప్‌- 2023లో రాణించిన కేఎల్‌ రాహుల్‌తో పాటు.. రిషభ్‌ పంత్‌ను సెలక్టర్లు ఎంపిక చేశారు. నిజానికి వన్డేల్లో పంత్‌ కంటే సంజూ గణాంకాలు మెరుగ్గా ఉన్నాయి.అప్పుడు కూడా ఇదే తరహాలోఇప్పటి వరకు టీమిండియా తరఫున 31 వన్డేల్లో పంత్‌ 33.5 సగటుతో 871 పరుగులు చేశాడు. ఇందులో ఒక సెంచరీ ఉంది. మరోవైపు.. సంజూ 16 వన్డేల్లో 56.66 సగటుతో ఓ శతకం, మూడు హాఫ్‌ సెంచరీల సాయంతో 510 పరుగులు సాధించాడు. నిజానికి సంజూకు వన్డే వరల్డ్‌కప్‌-2023 జట్టులో కూడా చోటు దక్కాల్సింది. కానీ నాడు అతడిని కాదని.. టీ20 స్పెషలిస్టు సూర్యకుమార్‌ యాదవ్‌ను బీసీసీఐ ఎంపిక చేసింది.అయితే, ఈ ఐసీసీ టోర్నీలో సూర్య పూర్తిగా తేలిపోయాడు. దీంతో సంజూకు అవకాశం ఇచ్చి ఉంటే.. ఫలితాలు ఇంకాస్త మెరుగ్గా ఉండేవనే అభిప్రాయాలు వ్యక్తమయ్యాయి. సూర్య కోసం అతడిని బలిచేసి.. మరోసారి అన్యాయం చేశారంటూ బీసీసీఐపై విమర్శలు వచ్చాయి. తాజాగా మరోసారి కూడా పంత్‌ కోసం సంజూను కావాలనే పక్కనపెట్టారనే వార్తలు వినిపిస్తున్నాయి.పంత్‌ను చేర్చడం ద్వారానే అది సాధ్యంఈ నేపథ్యంలో టీమిండియా మాజీ వికెట్‌ కీపర్‌ బ్యాటర్‌ దినేశ్‌ కార్తిక్‌.. ఈ ఇద్దరినీ పోలుస్తూ ఆసక్తికర వ్యాఖ్యలు చేశాడు. ‘‘రిషభ్‌ పంత్‌.. లేదా సంజూ శాంసన్‌.. ఇద్దరి మధ్య పోటాపోటీ నెలకొంది. ఇద్దరూ అచ్చమైన బ్యాటర్లే. అయితే, రిషభ్‌ పంత్‌ వైపు సెలక్టర్లు మొగ్గు చూపడానికి కారణం.. అతడు ఎడమచేతి వాటం బ్యాటర్‌ కావడమే.బ్యాటింగ్‌ ఆర్డర్‌లో మేనేజ్‌మెంట్‌ కోరుకుంటున్న వైవిధ్యం పంత్‌ను చేర్చడం ద్వారా సాధ్యమవుతుంది. ఏదేమైనా సంజూ శాంసన్‌ కూడా చివరి వరకు పోటీలో నిలిచాడని చెప్పవచ్చు.విజయ్‌ హజారే ట్రోఫీలో ఆడి ఉంటే..అయితే, ఈసారి విజయ్‌ హజారే ట్రోఫీ ఆడకపోవడం కూడా అతడి ఎంపికపై ప్రభావం చూపింది. ఈ దేశీ టోర్నీలో ఆడి ఉంటే పరిస్థితి వేరుగా ఉండేది’’ అని దినేశ్‌ కార్తిక్‌ క్రిక్‌బజ్‌ షోలో తన అభిప్రాయాలు పంచుకున్నాడు.కాగా దేశవాళీ వన్డే టోర్నమెంట్‌ విజయ్‌ హజారే ట్రోఫీకి సంజూ శాంసన్‌ దూరంగా ఉన్నాడు. కేరళ క్రికెట్‌ అసోసియేషన్‌(కేసీఏ)తో అతడికి విభేదాలు తలెత్తిన కారణంగానే ఈ టోర్నీలో పాల్గొనలేకపోయాడు. మూడు రోజుల పాటు నిర్వహించిన శిక్షణా శిబిరానికి సంజూ రాలేదని కేసీఏ పెద్దలు వేటు వేయగా.. సంజూ తండ్రి శాంసన్‌ విశ్వనాథ్‌ మాత్రం తన కుమారుడిపై కావాలనే కక్ష సాధిస్తున్నారని ఆరోపించాడు. సంజూ మాదిరి ప్రాక్టీస్‌ సెషన్‌కు హాజరుకాని ఎంతో మంది ఆటగాళ్లకు కేరళ జట్టులో చోటు ఇచ్చారని పేర్కొన్నాడు.చదవండి: అతడొక సూపర్‌స్టార్‌.. మా ఓటమికి కారణం అదే: బట్లర్‌

టీమిండియా స్టార్‌ ప్లేయర్లంతా ఒక్కొక్కరుగా రంజీ బాట పడుతున్నారు. ఇప్పటికే కెప్టెన్‌ రోహిత్‌ శర్మ (ముంబై), యశస్వి జైస్వాల్‌ (ముంబై), శుభ్‌మన్‌ గిల్‌ (పంజాబ్‌), రిషబ్‌ పంత్‌ (ఢిల్లీ), రవీంద్ర జడేజా (సౌరాష్ట్ర), శ్రేయస్‌ అయ్యర్‌ (ముంబై) తమతమ జట్ల తరఫున బరిలోకి దిగారు. జనవరి 30న ప్రారంభమయ్యే మ్యాచ్‌లో టీమిండియా పరుగుల యంత్రం విరాట్‌ కోహ్లి (ఢిల్లీ) కూడా బరిలోకి దిగుతానని ప్రకటించాడు. తాజాగా మరో స్టార్‌ ఆటగాడు కేఎల్‌ రాహుల్‌ కూడా జనవరి 30న ప్రారంభమయ్యే మ్యాచ్‌కు అందుబాటులో ఉంటానని వెల్లడించాడు. రాహుల్‌ కర్ణాటక తరఫున బరిలోకి దిగుతాడు. కర్ణాటక జట్టుకు మయాంక్‌ అగర్వాల్‌ సారథ్యం వహిస్తాడు. ఈనెల 30న ప్రారంభమయ్యే మ్యాచ్‌లో కర్ణాటక.. హర్యానాను ఢీకొంటుంది. ఈ మ్యాచ్‌ కర్ణాటక హోం గ్రౌండ్‌ అయిన చిన్న స్వామి స్టేడియంలో జరుగుతుంది.కాగా, రాహుల్‌ బోర్డర్‌ గవాస్కర్‌ ట్రోఫీ ఆడిన తన సహచరులు రోహిత్‌, యశస్వి, గిల్‌, పంత్‌, జడేజాలతో పాటు రంజీ బరిలో దిగాల్సి ఉండింది. అయితే మోచేతి గాయం కారణంగా అతను ఇవాళ (జనవరి 23) ప్రారంభమైన మ్యాచ్‌కు దూరమయ్యాడు. విరాట్‌ కోహ్లి సైతం గాయం కారణంగానే ఇవాళ మొదలైన మ్యాచ్‌కు అందుబాటులో లేడు.ఇదిలా ఉంటే, ఖాళీగా ఉన్న టీమిండియా ఆటగాళ్లంతా రంజీల్లో తప్పకుండా ఆడాలని బీసీసీఐ కండీషన్‌ పెట్టిన విషయం తెలిసిందే. రంజీల్లో ఆడటం​ తప్పనిసరి చేసిన నేపథ్యంలో గత్యంతరం లేక భారత ఆటగాళ్లంతా ఒక్కొక్కరుగా రంజీ బాట పడుతున్నారు. టీమిండియా స్టార్లంతా విఫలం.. ఒక్క జడేజా తప్ప..!రంజీ బరిలోకి దిగిన టీమిండియా స్టార్లంతా దారుణంగా విఫలమయ్యారు. వేర్వేరు జట్లతో జరిగిన మ్యాచ్‌ల్లో రోహిత్‌ శర్మ, యశస్వి జైస్వాల్‌, శుభ్‌మన్‌ గిల్‌, రిషబ్‌ పంత్‌ సింగిల్‌ డిజిట్‌ స్కోర్లకే పరిమితమయ్యారు. రంజీ బరిలోకి దిగిన టీమిండియా స్టార్‌ ఆటగాళ్లలో ఒక్క రవీంద్ర జడేజా మాత్రమే సత్తా చాటాడు. ఢిల్లీతో జరిగిన మ్యాచ్‌లో జడ్డూ ఐదు వికెట్ల ప్రదర్శన నమోదు చేశాడు.రంజీల మాట అటుంచితే, ప్రస్తుతం భారత టీ20 జట్టు ఇంగ్లండ్‌తో ఐదు మ్యాచ్‌ల సిరీస్‌ ఆడుతుంది. ఈ సిరీస్‌లో భాగంగా నిన్న (జనవరి 22) జరిగిన తొలి మ్యాచ్‌లో భారత్‌ 7 వికెట్ల తేడాతో ఘన విజయం సాధించింది. ఈ మ్యాచ్‌లో తొలుత బ్యాటింగ్‌ చేసిన ఇంగ్లండ్‌ 20 ఓవర్లు బ్యాటింగ్‌ చేసి 132 పరుగులకు ఆలౌటైంది. ఇంగ్లండ్‌ ఇన్నింగ్స్‌లో కెప్టెన్‌ జోస్‌ బట్లర్‌ (68) ఒక్కడే రాణించాడు. భారత బౌలర్లు వరుణ్‌ చక్రవర్తి (4-0-23-3), అర్షదీప్‌ సింగ్‌ (4-0-17-2), అక్షర్‌ పటేల్‌ (4-1-22-2), హార్దిక్‌ పాండ్యా (4-0-42-2) అద్భుతంగా బౌలింగ్‌ చేసి ఇంగ్లండ్‌ బ్యాటర్ల భరతం పట్టారు.స్వల్ప లక్ష్య ఛేదనకు దిగిన భారత్‌కు ఓపెనర్లు సంజూ శాంసన్‌ (26), అభిషేక్‌ శర్మ (34 బంతుల్లో 79; 5 ఫోర్లు, 8 సిక్సర్లు) మెరుపు ఆరంభాన్ని అందించారు. అభిషేక్‌ ఆకాశమే హద్దుగా చెలరేగి 20 బంతుల్లోనే హాఫ్‌ సెంచరీ పూర్తి చేశాడు. భారత ఇన్నింగ్స్‌లో కెప్టెన్‌ సూర్యకుమార్‌ యాదవ్‌ (0) నిరాశపరిచినా తిలక్‌ వర్మ (19), హార్దిక్‌ పాండ్యా (3) టీమిండియాను విజయతీరాలకు చేర్చారు. కేవలం 12.5 ఓవర్లలోనే (3 వికెట్లు) భారత్‌ గెలుపు తీరాలు తాకింది. ఇంగ్లండ్‌ బౌలర్లలో జోఫ్రా ఆర్చర్‌ 2, ఆదిల్‌ రషీద్‌ ఓ వికెట్‌ పడగొట్టారు. ఈ సిరీస్‌లో తదుపరి టీ20 జనవరి 25న చెన్నై వేదికగా జరుగనుంది.

టీమిండియా స్టార్‌ క్రికెటర్‌ సంజూ శాంసన్‌(Sanju Samson) తండ్రి శాంసన్‌ విశ్వనాథ్‌ మరోసారి తీవ్ర ఆరోపణలతో తెరమీదకు వచ్చారు. తన కుమారుడి ఎదుగులను ఓర్వలేక.. కావాలనే తొక్కేస్తున్నారంటూ కేరళ క్రికెట్‌ అసోసియేషన్‌(కేసీఏ)పై మండిపడ్డారు. అసోసియేషన్‌లోని ‘పెద్ద తలకాయల’పై తనకేమీ కోపం లేదని.. సమస్యంతా అబద్దాలను కూడా నిజంలా ప్రచారం చేసే ‘చిన్నవాళ్ల’ గురించేనని పేర్కొన్నారు.కాగా ఇటీవల అంతర్జాతీయ టీ20లలో మూడు శతకాలతో చెలరేగాడు కేరళ స్టార్‌ సంజూ శాంసన్‌. ఈ క్రమంలో ఈ వికెట్‌ కీపర్‌ బ్యాటర్‌కు ఐసీసీ చాంపియన్స్‌ ట్రోఫీ-2025(ICC Champions Trophy 2025) జట్టులో చోటు దక్కడం ఖాయమని సునిల్‌ గావస్కర్‌ వంటి దిగ్గజాలు సైతం అభిప్రాయపడ్డారు. ఈ వన్డే ఫార్మాట్‌ టోర్నీలో సంజూ సత్తా చాటగలడని మద్దతు పలికారు.సంజూ శాంసన్‌కు మొండిచేయిఅయితే, ఈ మెగా టోర్నీలో సంజూ శాంసన్‌కు టీమిండియా సెలక్టర్లు మొండిచేయి చూపారు. వికెట్‌ కీపర్ల కోటాలో కేఎల్‌ రాహుల్‌(KL Rahul)తో పాటు రిషభ్‌ పంత్‌(Rishabh Pant)ను ఎంపిక చేశారు. ఈ నేపథ్యంలో దేశవాళీ వన్డే టోర్నమెంట్‌ విజయ్‌ హజారే ట్రోఫీలో సంజూ ఆడకపోవడం కూడా ఇందుకు ఓ కారణం అనే అభిప్రాయాలు వ్యక్తమయ్యాయి.కాగా దేశీ క్రికెట్‌ టోర్నీల్లో కేరళ జట్టుకు సంజూ కెప్టెన్‌గా పనిచేసిన సందర్భాలు కూడా ఉన్నాయి. అయితే, ఈసారి మాత్రం కేసీఏ అతడి పట్ల కాస్త కఠినంగా వ్యవహరించింది. తాము నిర్వహించిన మూడు రోజుల శిక్షణా శిబిరానికి హాజరుకానుందున సంజూకు విజయ్‌ హజారే ట్రోఫీ ఆడే జట్టులో చోటివ్వలేదని తెలిపింది.అదే విధంగా.. సెలక్షన్‌కు అందుబాటులో ఉంటాడో.. లేదో కూడా తమకు సమాచారం ఇవ్వలేదని సంజూపై ఆరోపణలు చేసింది. తనకు నచ్చినపుడు వచ్చి ఆడతామంటే కుదరదని.. అందరి ఆటగాళ్లలాగే అతడు కూడా అని స్పష్టం చేసింది.నా కుమారుడిపై పగబట్టారునిజానికి విజయ్‌ హజారే ట్రోఫీలో గనుక తనను తాను నిరూపించుకుంటే సంజూ కచ్చితంగా చాంపియన్స్‌ ట్రోఫీ రేసులో ఉండేవాడే! ఈ పరిణామాల నేపథ్యంలో సంజూ శాంసన్‌ తండ్రి విశ్వనాథ్‌ స్పందించారు. ‘‘కేసీఏలో ఉన్న కొద్ది మంది వ్యక్తులు నా కుమారుడికి వ్యతిరేకంగా పనిచేయడమే లక్ష్యంగా పెట్టుకున్నారు. పగ సాధిస్తున్నారు.ఇంతవరకు మేము అసోసియేషన్‌కు వ్యతిరేకంగా ఒక్క మాట కూడా మాట్లాడలేదు. కానీ ఈసారి వారి చేష్టలు శ్రుతిమించాయి. సంజూ ఒక్కడే క్యాంపునకు హాజరు కాలేదన్నట్లు మాట్లాడుతున్నారు. చాలా మంది శిక్షణా శిబిరంలో పాల్గొనకపోయినా వాళ్లను ఎంపిక చేశారు.వారి ప్రమేయం లేదుకేసీఏ అధ్యక్షుడు జయేశ్‌ జార్జ్‌, కార్యదర్శి వినోద్‌కు ఈ విషయంలో ప్రమేయం లేదని అనుకుంటున్నా. అయితే, కొంతమంది కిందిస్థాయి వ్యక్తులు సంజూ గురించి తప్పుడు ప్రచారాలు చేస్తూ వారి మనసులలో విషాన్ని నింపుతున్నారు’’ అని విశ్వనాథ్‌ మాతృభూమికి ఇచ్చిన ఇంటర్వ్యూలో ఈమేరకు ఆరోపణలు చేశారు.కాగా గతంలోనూ విశ్వనాథ్‌ సంచలన వ్యాఖ్యలు చేసిన విషయం తెలిసిందే. కెప్టెన్లు మహేంద్ర సింగ్‌ ధోని, విరాట్‌ కోహ్లి, రోహిత్‌ శర్మతో పాటు హెడ్‌కోచ్‌ రాహుల్‌ ద్రవిడ్‌ వల్ల తన కుమారుడి కెరీర్‌ నాశనం అయిందని.. పదేళ్ల పాటు అతడి సమయం వృథా అయిందని పేర్కొన్నారు. ప్రస్తుత హెడ్‌కోచ్‌ గౌతం గంభీర్‌, సూర్యకుమార్‌ యాదవ్‌ మాత్రం తన కొడుకుకు మద్దతు ఇస్తున్నారని తెలిపారు. కాగా సంజూ ప్రస్తుతం ఇంగ్లండ్‌తో టీ20 సిరీస్‌ సన్నాహకాల్లో బిజీగా ఉన్నాడు.చదవండి: Ind vs Eng: టీ20, వన్డే సిరీస్‌లకు భారత్‌, ఇంగ్లండ్‌ జట్లు ఇవే

ఐసీసీ చాంపియన్స్‌ ట్రోఫీ-2025(ICC Champions Trophy)లో పాల్గొనబోయే భారత జట్టులో సంజూ శాంసన్‌కు చోటివ్వాల్సిందని టీమిండియా దిగ్గజం సునిల్‌ గావస్కర్‌ అభిప్రాయపడ్డాడు. అంతర్జాతీయ క్రికెట్‌లో వరుస శతకాలతో చెలరేగినా అతడికి మొండిచేయి ఎదురుకావడం పట్ల విచారం వ్యక్తం చేశాడు. అయినప్పటికీ సంజూ తిరస్కారానికి గురైనట్లుగా భావించరాదని.. క్రికెట్‌ ప్రేమికులంతా అతడికి మద్దతుగా ఉన్నారని పేర్కొన్నాడు.జట్టు కూర్పు దృష్ట్యానే సంజూను కాదని.. సెలక్టర్లు రిషభ్‌ పంత్‌(RIishabh Pant) వైపు మొగ్గుచూపారని గాసవ్కర్‌ అభిప్రాయపం వ్యక్తం చేశాడు. కాగా హైబ్రిడ్‌ విధానంలో పాకిస్తాన్‌- యూఏఈ వేదికలుగా ఫిబ్రవరి 19 నుంచి చాంపియన్స్‌ ట్రోఫీ మొదలుకానుంది. ఈ ఐసీసీ ఈవెంట్‌కు భారత క్రికెట్‌ నియంత్రణ మండలి శనివారం(జనవరి 18) జట్టును ప్రకటించింది.వారిద్దరికే చోటురోహిత్‌ శర్మ సారథ్యంలోని పదిహేను మంది సభ్యుల జట్టులో వికెట్‌ కీపర్ల కోటాలో కేఎల్‌ రాహుల్‌(KL Rahul)తో పాటు.. రిషభ్‌ పంత్‌ చోటు దక్కించుకున్నాడు. నిజానికి వన్డేల్లో పంత్‌తో పోలిస్తే సంజూ గణాంకాలు మెరుగ్గా ఉన్నాయి. అంతేకాదు.. ఇటీవల అంతర్జాతీయ టీ20లలో అతడు మూడు శతకాలు బాది సూపర్‌ ఫామ్‌లో ఉన్నాడు.ఈ నేపథ్యంలో భారత మాజీ క్రికెటర్లు సునిల్‌ గావస్కర్‌, మహ్మద్‌ కైఫ్‌ వంటి వారు సంజూను చాంపియన్స్‌ ట్రోఫీ జట్టుకు ఎంపిక చేయాలన్న డిమాండ్‌ను బలంగా వినిపించారు. అయితే, బీసీసీఐ మాత్రం పంత్‌ వైపే మొగ్గుచూపింది. దీంతో సంజూకు గతంలో మాదిరే మరోసారి భంగపాటు తప్పలేదు.అందుకే సంజూ శాంసన్‌ను ఎంపిక చేయలేదు!ఈ విషయంపై గావస్కర్‌ తాజాగా స్పందిస్తూ సంజూ శాంసన్‌ను ఎంపిక చేయకపోవడానికి గల కారణాలను విశ్లేషించాడు. ‘‘అంతర్జాతీయ క్రికెట్‌లో సెంచరీల మీద సెంచరీలు కొడుతున్న ఆటగాడిని పక్కన పెట్టడాన్ని జీర్ణించుకోవడం కష్టమే. అసలు అతడిని ఎంపిక చేయకపోవడానికి సరైన కారణం లేదనే చెప్పవచ్చు.సంజూను కాదని.. రిషభ్‌ పంత్‌ను ఎంపిక చేశారు. గేమ్‌ ఛేంజర్‌గా అతడికి పేరుండం ఒక కారణం కావచ్చు. ఇక అతడు ఎడమచేతి వాటం బ్యాటర్‌ కావడం మరొక ప్లస్‌ పాయింట్‌. అంతేగాక.. సంజూ కంటే బెటర్‌ వికెట్‌ కీపర్‌ కావడం కూడా అతడికి కలిసి వచ్చిందని చెప్పవచ్చు.ఒంటిచేత్తో మ్యాచ్‌ను మలుపుతిప్పగల సత్తా పంత్‌ సొంతం. అయితే, సంజూకు అలాంటి ఫేమ్‌ లేదు. అందుకే అతడిని ఎంపిక చేయలేదు. అయినప్పటికీ.. సంజూ ఎందులోనూ తక్కువ కాదు. అతడు తిరస్కార భావంతో ముడుచుకుపోవాల్సిన పనిలేదు. ఎంతో మంది క్రికెట్‌ ప్రేమికులు అతడి పట్ల సానుభూతి వ్యక్తం చేస్తున్నారు. అతడికి మద్దతు ప్రకటిస్తున్నారు’’ అని సునిల్‌ గావస్కర్‌ చెప్పుకొచ్చాడు. ఐసీసీ చాంపియన్స్‌ ట్రోఫీ-2025కి బీసీసీఐ ప్రకటించిన జట్టురోహిత్‌ శర్మ(కెప్టెన్‌), శుబ్‌మన్‌ గిల్‌(వైస్‌ కెప్టెన్‌), యశస్వి జైస్వాల్‌, విరాట్‌ కోహ్లి, శ్రేయస్‌ అయ్యర్‌, కేఎల్‌ రాహుల్‌(వికెట్‌ కీపర్‌), రిషభ్‌ పంత్‌(వికెట్‌ కీపర్‌), హార్దిక్‌ పాండ్యా, రవీంద్ర జడేజా, అక్షర్‌ పటేల్‌, కుల్దీప్‌ యాదవ్‌, వాషింగ్టన్‌ సుందర్‌, జస్‌ప్రీత్‌ బుమ్రా(ఫిట్‌నెస్‌ ఆధారంగా) మహ్మద్‌ షమీ, అర్ష్‌దీప్‌ సింగ్‌.ట్రావెలింగ్‌ రిజర్వ్స్‌: వరుణ్‌ చక్రవర్తి, ఆవేశ్‌ ఖాన్‌, నితీశ్‌ కుమార్‌ రెడ్డి.చదవండి: ‘అతడి కథ ముగిసిపోయింది.. ఇకపై టీమిండియాలో చోటు ఉండదు’

టీమిండియా ఆటగాళ్లంతా దేశవాలీ క్రికెట్‌ ఆడాలని బీసీసీఐ కండీషన్‌ పెట్టిన నేపథ్యంలో స్టార్‌ ఆటగాళ్లు రంజీ ట్రోఫీ బాట పట్టారు. భారత టెస్ట్‌, వన్డే జట్టు కెప్టెన్‌ రోహిత్‌ శర్మ, భారత వన్డే జట్టు వైస్‌ కెప్టెన్‌ శుభ్‌మన్‌ గిల్‌ (పంజాబ్‌), స్టార్‌ ఆటగాళ్లు యశస్వి జైస్వాల్‌ (ముంబై), రిషబ్‌ పంత్‌ (ఢిల్లీ), రవీంద్ర జడేజా (సౌరాష్ట్ర) రంజీ ట్రోఫీ మ్యాచ్‌లు ఆడేందుకు సిద్దమయ్యారు. ముంబై రంజీ జట్టు తరఫున తాను తర్వాతి మ్యాచ్‌ బరిలోకి దిగుతానని రోహిత్‌ శర్మ స్వయంగా వెల్లడించాడు. ఈ నెల 23నుంచి ముంబైలోనే జమ్ము కశ్మీర్‌తో జరిగే పోరులో అతను ఆడతాడు. గత 6–7 ఏళ్లలో తాము అంతర్జాతీయ క్రికెట్‌లో బిజీగా ఉండటం వల్ల దేశవాళీ మ్యాచ్‌లు ఆడలేకపోయామని, రంజీ ట్రోఫీ స్థాయిని తక్కువ చేయలేమని రోహిత్‌ అభిప్రాయపడ్డాడు. రోహిత్‌ పదేళ్ల క్రితం తన చివరి రంజీ మ్యాచ్‌ ఆడాడు. 2015 సీజన్‌లో ఉత్తర్‌ప్రదేశ్‌తో జరిగిన మ్యాచ్‌లో రోహిత్‌ 113 పరుగులు (తొలి ఇన్నింగ్స్‌) చేశాడు. గడిచిన 17 ఏళ్లలో రంజీ మ్యాచ్‌ ఆడనున్న తొలి భారత కెప్టెన్‌గా రోహిత్‌ రికార్డు సృష్టిస్తాడు.కోహ్లి, రాహుల్‌ దూరంమరో వైపు మెడ నొప్పితో బాధపడుతున్న స్టార్‌ బ్యాటర్‌ విరాట్‌ కోహ్లి... తాను ఢిల్లీ తరఫున రంజీ మ్యాచ్‌ ఆడలేనని స్పష్టం చేయగా... మోచేతి గాయంతో కేఎల్‌ రాహుల్‌ (కర్ణాటక) కూడా రంజీ పోరుకు దూరమయ్యాడు.ఢిల్లీ జట్టులో పంత్‌రంజీ ట్రోఫీ తదుపరి లీగ్‌ మ్యాచ్‌లు జనవరి 23 నుంచి ప్రారంభమవుతాయి. నెక్స్ట్‌ లెగ్‌ మ్యాచ్‌ల కోసం ఢిల్లీ క్రికెట్‌ అసోసియేషన్‌ 21 మంది సభ్యుల జట్టును ప్రకటించింది. ఈ జట్టులో రిషబ్‌ పంత్‌ పేరుంది. ఢిల్లీ తమ తదుపరి మ్యాచ్‌లో సౌరాష్ట్రను ఢీకొంటుంది. ఢిల్లీ జట్టుకు ఆయుశ్‌ బదోని కెప్టెన్‌గా వ్యవహరిస్తాడు.ఢిల్లీ రంజీ జట్టు: ఆయుశ్‌ బదోని (కెప్టెన్‌), సనత్ సాంగ్వాన్, అర్పిత్ రాణా, యశ్ ధుల్, రిషబ్ పంత్ (వికెట్‌కీపర్‌), జాంటీ సిద్ధూ, హిమ్మత్ సింగ్, నవదీప్ సైనీ, మనీ గ్రేవాల్, హర్ష్ త్యాగి, సిద్ధాంత్ శర్మ, శివం శర్మ, ప్రణవ్ రాజ్‌వంశీ (వికెట్‌కీపర్‌), వైభవ్ కంద్‌పాల్, మయాంక్ గుస్సేన్ , గగన్ వాట్స్, ఆయుష్ దోసెజా, రౌనక్ వాఘేలా, సుమిత్ మాథుర్, రాహుల్ గహ్లోత్, జితేష్ సింగ్.

భారత మాజీ వికెట్‌కీపర్‌ కమ్‌ బ్యాటర్‌ దినేశ్‌ కార్తీక్‌ ఆసక్తికర వ్యాఖ్యలు చేశాడు. 2025 ఐపీఎల్‌ సీజన్‌లో ఢిల్లీ క్యాపిటల్స్‌ కెప్టెన్‌గా అక్షర్‌ పటేల్‌ వ్యవహరిస్తాడని జోస్యం చెప్పాడు. మెగా వేలంలో డీసీ యాజమాన్యం కేఎల్‌ రాహుల్‌ను రూ. 14 కోట్లకు సొంతం చేసుకున్నా, అక్షర్‌ పటేల్‌కే ఢిల్లీ కెప్టెన్‌గా ఎంపికయ్యే అవకాశాలు అధికంగా ఉన్నాయని అన్నాడు. క్రిక్‌బజ్‌లో జరిగిన ఓ కార్యక్రమం సందర్భంగా డీకే ఈ విషయాలను పంచుకున్నాడు.ఇంగ్లండ్‌తో ఐదు మ్యాచ్‌ల టీ20 సిరీస్‌లో టీమిండియా వైస్‌ కెప్టెన్‌గా అక్షర్‌ పటేల్‌ ఎంపికయ్యాడు. హార్దిక్‌ పాండ్యాను కాదని అక్షర్‌ను టీమిండియా వైస్‌ కెప్టెన్‌గా నియమించడంపై డీకే స్పందిస్తూ.. హార్దిక్‌ను వైస్ కెప్టెన్సీ నుండి ఎందుకు తొలగించారో నాకు తెలియదు. హార్దిక్‌ను వైస్‌ కెప్టెన్సీ నుంచి తప్పించడానికి కారణం కూడా కనిపించడం లేదు. హార్దిక్‌ వైస్‌ కెప్టెన్‌గా ఉండగా టీమిండియా బాగా రాణించింది. హార్దిక్‌, సూర్యకుమార్‌ ఆథ్వర్యంలో టీమిండియా ద్వైపాక్షిక సిరీస్‌లో (సౌతాఫ్రికా) గెలిచింది. అక్షర్ పటేల్‌ విషయానికొస్తే.. అతనికి ఇదో మంచి అవకాశం. మరి ముఖ్యంగా అతను ఢిల్లీ క్యాపిటల్స్ కెప్టెన్‌గా కూడా ఉండబోతున్నాడు. ఇంగ్లండ్‌తో సిరీస్‌ అక్షర్‌కు బాగా ఉపయోగపడుతుంది. గుజరాత్‌ కెప్టెన్‌గా కూడా అక్షర్‌కు అనుభవం ఉంది. అక్షర్‌కు నా శుభాకాంక్షలు అంటూ కార్తీక్ చెప్పుకొచ్చాడు.డీకే ఏ ఆధారంగా అక్షర్‌ను ఢిల్లీ క్యాపిటల్స్‌ కెప్టెన్‌ అన్నాడో తెలీదు కానీ, అక్షర్‌కు ఇంగ్లండ్‌తో టీ20 సిరీస్‌ బాగా ఉపయోగపడుతుంది. అక్షర్‌ గత సీజన్‌లో ఢిల్లీ క్యాపిటల్స్‌ కెప్టెన్‌గా వ్యవహరించాడు. రిషబ్‌ పంత్‌ గైర్హాజరీలో అక్షర్‌ ఓ మ్యాచ్‌లో డీసీ కెప్టెన్‌గా సేవలందించాడు. మెగా వేలానికి ముందు డీసీ యాజమాన్యం అక్షర్‌ను రూ.18 కోట్లకు రీటైన్‌ చేసుకుంది. 30 ఏళ్ల స్పిన్‌ బౌలింగ్‌ ఆల్‌రౌండర్‌ అయిన అక్షర్‌.. 2019 నుంచి ఢిల్లీ క్యాపిటల్స్‌లో భాగమై ఉన్నాడు. కాగా, అక్షర్‌ ఢిల్లీ క్యాపిటల్స్‌ కెప్టెన్‌ అవుతాడని తేల్చి చెప్పిన దినేశ్‌ కార్తీక్‌ గతంలో ఆ ఫ్రాంచైజీకి కెప్టెన్‌గా వ్యవహరించాడు.సాధారణ ఆటగాడిగా రాహుల్‌..?అక్షర్‌ పటేల్‌ ఢిల్లీ కెప్టెన్‌గా ఎంపికైతే పంజాబ్‌ కింగ్స్‌, లక్నో సూపర్‌ జెయింట్స్‌ మాజీ కెప్టెన్‌ కేఎల్‌ రాహుల్‌ 2020 సీజన్‌ తర్వాత తొలిసారి సాధారణ ఆటగాడిగా బరిలోకి దిగుతాడు. 2020, 2021 సీజన్లలో పంజాబ్‌ కెప్టెన్‌గా.. 2022-24 వరకు లక్నో కెప్టెన్‌గా వ్యవహరించిన రాహుల్‌ను ఇటీవల ముగిసిన మెగా వేలంలో ఢిల్లీ క్యాపిటల్స్‌ దక్కించుకుంది. రాహుల్‌ డీసీ తరఫున ఓపెనర్‌గా బరిలోకి దిగుతాడో లేక మిడిలార్డర్‌లో బ్యాటింగ్‌ చేస్తాడో అన్న అంశం ఆసక్తికరంగా మారింది.ఇదిలా ఉంటే, గత సీజన్‌లో ఢిల్లీ కెప్టెన్‌గా వ్యవహరించిన రిషబ్‌ పంత్‌ను మెగా వేలంలో లక్నో సూపర్‌ జెయింట్స్‌ సొంతం చేసుకున్న విషయం తెలిసిందే.

చాంపియన్స్‌ ట్రోఫీ-2025 నేపథ్యంలో టీమిండియా స్టార్‌ క్రికెటర్‌ శ్రేయస్‌ అయ్యర్‌(Shreyas Iyer) కీలక వ్యాఖ్యలు చేశాడు. ఈ ఐసీసీ టోర్నీలో పాల్గొనే జట్టులో తాను తప్పక చోటు దక్కించుకుంటాననే ధీమా వ్యక్తం చేశాడు. బ్యాటింగ్‌ ఆర్డర్‌లో తాను ఏ స్థానంలోనైనా వచ్చేందుకు సిద్ధంగా ఉన్నానని తెలిపాడు.కాగా గతేడాది శ్రీలంకతో వన్డే సిరీస్‌ సందర్భంగా శ్రేయస్‌ అయ్యర్‌ చివరిసారిగా టీమిండియాకు ప్రాతినిథ్యం వహించాడు. ఆ తర్వాత ఐపీఎల్‌తో పాటు దేశీ క్రికెట్‌కే పరిమితమైన ఈ ముంబై బ్యాటర్‌.. 2024లో కోల్‌కతా నైట్‌ రైడర్స్‌ కెప్టెన్‌గా జట్టుకు టైటిల్‌ అందించాడు. అంతేకాదు.. రంజీ ట్రోఫీ, ఇరానీ కప్‌ గెలిచిన జట్లలో సభ్యుడు.అదే విధంగా తన కెప్టెన్సీలో ముంబైకి దేశవాళీ టీ20 క్రికెట్‌ టోర్నమెంట్‌ సయ్యద్‌ ముస్తాక్‌ అలీ ట్రోఫీ అందించాడు. దేశీ వన్డే టోర్నీ విజయ్‌ హజారే ట్రోఫీలోనూ దుమ్ములేపాడు. రెండు భారీ శతకాలతో ఆకట్టుకున్నాడు. ఈ నేపథ్యంలో చాంపియన్స్‌ ట్రోఫీకి అయ్యర్‌ ఎంపిక కావడం లాంఛనప్రాయమే అనే అభిప్రాయాలు వ్యక్తమయ్యాయి.వరల్డ్‌కప్‌లో మా ఇద్దరిది కీలక పాత్ర.. ఈసారీ!ఈ క్రమంలో శ్రేయస్‌ అయ్యర్‌ స్వయంగా ఈ విషయంపై స్పందించాడు. వన్డే వరల్డ్‌ప్‌-2023 ప్రదర్శన ఆధారంగా తనకు చాంపియన్స్‌ ట్రోఫీలోనూ ఆడే అవకాశం వస్తుందని ఆశాభావం వ్యక్తం చేశాడు. ‘‘నేను ఏ స్థానంలో బ్యాటింగ్‌ చేసేందుకైనా సిద్ధంగా ఉన్నాను.గత వరల్డ్‌కప్‌ టోర్నీలో నేను, కేఎల్‌ రాహుల్‌(KL Rahul) మిడిలార్డర్‌లో కీలక పాత్ర పోషించాం. మా ఇద్దరికీ ఆ ఈవెంట్‌ అద్భుతంగా సాగింది. అయితే, దురదృష్టవశాత్తూ ఫైనల్లో మా ప్రణాళికలను పక్కాగా అమలు చేయలేకపోయాం. ఏదేమైనా చాంపియన్స్‌ ట్రోఫీ ఆడే టీమిండియాకు ఎంపికైతే నాకు అంతకంటే గర్వకారణం మరొకటి ఉండదు. దేశానికి ప్రాతినిథ్యం వహించడం ఎప్పుడూ గొప్పగానే ఉంటుంది’’ అని శ్రేయస్‌ అయ్యర్‌ ఈఎస్‌పీఎన్‌క్రిక్‌ఇన్ఫోతో పేర్కొన్నాడు.రెండు శతకాలు బాదికాగా భారత్‌ వేదికగా జరిగిన వన్డే ప్రపంచకప్‌ ఈవెంట్లో శ్రేయస్‌ అయ్యర్‌ నాలుగో స్థానంలో.. వికెట్‌ కీపర్‌ బ్యాటర్‌ కేఎల్‌ రాహుల్‌ ఐదో స్థానంలో బ్యాటింగ్‌ చేశారు. ఈ టోర్నమెంట్లో మిడిలార్డర్‌లో బరిలోకి దిగిన అయ్యర్‌ అద్భుత ప్రదర్శనతో ఆకట్టుకున్నాడు. పదకొండు ఇన్నింగ్స్‌లో కలిపి ఈ కుడిచేతి వాటం బ్యాటర్‌ సగటు 66.25తో 530 పరుగులు సాధించాడు. ఇందులో రెండు శతకాలు, మూడు హాఫ్‌ సెంచరీలు ఉండటం విశేషం.ఫైనల్లో మాత్రం విఫలంఅయితే, అహ్మదాబాద్‌ వేదికగా ఆస్ట్రేలియాతో జరిగిన ఫైనల్లో(India vs Australia) మాత్రం అయ్యర్‌ తేలిపోయాడు. ఆసీస్‌ కెప్టెన్‌, పేస్‌ బౌలర్‌ ప్యాట్‌ కమిన్స్‌ బౌలింగ్‌లో జోష్‌ ఇంగ్లిస్‌కు క్యాచ్‌ ఇచ్చి నాలుగు పరుగుల వ్యక్తిగత స్కోరు వద్ద నిష్క్రమించాడు. మరోవైపు.. ఈ మెగా టోర్నీలో కేఎల్‌ రాహుల్‌ 452 పరుగులు సాధించాడు. ఫైనల్లో 66 పరుగులు చేసి.. టీమిండియా ఇన్నింగ్స్‌లో టాప్‌ రన్‌ స్కోరర్‌గా నిలిచాడు.పంజాబ్‌ కెప్టెన్‌గాఇదిలా ఉంటే.. ఐపీఎల్‌-2025 మెగా వేలంలో శ్రేయస్‌ అయ్యర్‌పై కాసుల వర్షం కురిసిన విషయం తెలిసిందే. గతేడాది కోల్‌కతా నైట్‌ రైడర్స్‌కు కెప్టెన్‌గా వ్యవహరించి ట్రోఫీ అందించిన ఈ ఆటగాడి కోసం పంజాబ్‌ కింగ్స్‌ భారీ మొత్తం ఖర్చు పెట్టింది. ఏకంగా రూ. 26.75 కోట్లకు అయ్యర్‌ను సొంతం చేసుకుంది. ఫలితంగా క్యాష్‌ రిచ్‌ లీగ్‌లో అత్యధిక ధరకు అమ్ముడుపోయిన రెండో ఆటగాడిగా శ్రేయస్‌ అయ్యర్‌ నిలిచాడు. ఇక అతడిని తమ కెప్టెన్‌గా ప్రకటిస్తూ పంజాబ్‌ కింగ్స్‌ ఆదివారం ప్రకటన విడుదల చేసింది. కాగా ఐపీఎల్‌-2025లో లక్నో సూపర్‌ జెయింట్స్‌ టీమిండియా సూపర్‌స్టార్‌ రిషభ్‌ పంత్‌ను రూ. 27 కోట్లకు కొనుగోలు చేసింది. దీంతో ఈ మెగా లీగ్‌లో అత్యంత ఖరీదైన ఆటగాడిగా ఈ వికెట్‌ కీపర్‌ బ్యాటర్‌ చరిత్రకెక్కాడు.చదవండి: చాంపియన్స్‌ ట్రోఫీకి భారత జట్టు ప్రకటన ఆరోజే: బీసీసీఐ ఉపాధ్యక్షుడు

భారత క్రికెట్‌ జట్టు స్వదేశంలో ఇంగ్లండ్‌తో వైట్‌బాల్‌ సిరీస్‌లకు సిద్దమవుతోంది. ఈ వైట్‌బాల్‌ సిరీస్‌లలో భాగంగా భారత్‌-ఇంగ్లండ్‌ మధ్య తొలుత ఐదు టీ20 మ్యాచ్‌లు జరగనున్నాయి. జనవరి 22న ఈడెన్‌గార్డెన్స్‌ వేదికగా జరగనున్న తొలి టీ20తో ఈ సిరీస్‌ ప్రారంభం కానుంది.అనంతరం ఫిబ్రవరి 6 నుంచి ఇరు జట్ల మధ్య మూడు వన్డేల సిరీస్‌ మొదలవుతోంది. ఈ సిరీస్‌ల కోసం రెండు వెర్వేరు జట్లను బీసీసీఐ సెలక్షన్‌ కమిటీ సోమవారం(జనవరి 13) ప్రకటించే అవకాశముంది. అయితే ఇంగ్లండ్‌తో వన్డే సిరీస్‌కు టీమిండియా స్టార్‌ వికెట్‌ కీపర్‌ బ్యాటర్‌ కేఎల్‌ రాహుల్‌ విశ్రాం‍తి ఇవ్వాలని సెలక్టర్లు భావించారు.కానీ ఇప్పుడు అజిత్ అగార్కర్ నేతృత్వంలోని సెలక్షన్‌ కమిటీ తమ నిర్ణయం మార్చుకున్నట్లు తెలుస్తోంది. ఛాంపియన్స్‌ ట్రోఫీ-2025 దృష్ట్యా ఇంగ్లండ్‌తో వన్డే సిరీస్‌లో రాహుల్‌ను ఆడించాలని సెలక్టర్లు భావిస్తున్నట్లు తెలుస్తోంది. బోర్డర్‌ గవాస్కర్‌ ట్రోఫీ 2024-2 అనంతరం స్వదేశానికి చేరుకున్న రాహుల్‌ విశ్రాంతి తీసుకుంటున్నాడు.విజయ్ హజారే ట్రోఫీ నాకౌట్ మ్యాచ్‌లకు దూరంగా ఉన్న ఈ కర్ణాటక ఆటగాడు.. తిరిగి ఇంగ్లండ్‌తో వన్డే సిరీస్‌తో మళ్లీ మైదానంలో అడుగుపెట్టనున్నాడు. కాగా రాహుల్‌కు వన్డేల్లో మంచి రికార్డు ఉంది. వన్డే ఫార్మాట్‌లో భారత్‌ తరపున అత్యధిక పరుగులు చేసిన జాబితాలో రాహుల్‌ ఎనిమిదో స్ధానంలో కొనసాగుతున్నాడు.ఇప్పటివరకు 77 వన్డేలు ఆడిన రాహుల్‌.. 49.15 సగటుతో 2851 పరుగులు చేశాడు. అతడి ఇన్నింగ్స్‌లలో 18 అర్ధ సెంచరీలు, ఏడు సెంచరీలు ఉన్నాయి. ముఖ్యంగా మిడిలార్డర్‌లో భారత్‌కు వెన్నెముకగా రాహుల్‌ ఉంటాడు.తన వన్డే కెరీర్‌లో రాహుల్‌ 5 స్ధానంలో బ్యాటింగ్‌ వచ్చి ఏకంగా 1269 పరుగులు చేశాడు. కాగా ఇంగ్లండ్‌తో వన్డే సిరీస్‌లో టీమిండియా కెప్టెన్‌ రోహిత్‌ శర్మ, స్టార్‌ ప్లేయర్‌ విరాట్‌ కోహ్లి సైతం ఆడనున్నారు. అయితే ఈ సిరీస్‌కు భారత పేస్‌ గుర్రం జస్ప్రీత్‌ బుమ్రా గాయం కారణంగా దూరం కానున్నాడు.భారత్‌, ఇంగ్లండ్‌ మధ్య టీ20 సిరీస్‌ షెడ్యూల్‌..జనవరి 22- తొలి టీ20(కోల్‌కతా​)జనవరి 25- రెండో టీ20(చెన్నై)జనవరి 28- మూడో టీ20(రాజ్‌కోట్)జనవరి 31- నాలుగో టీ20(పుణే)ఫిబ్రవరి 2- ఐదో టీ20(ముంబై, వాంఖడే)ఈ సిరీస్‌లోని మ్యాచ్‌లన్నీ రాత్రి 7 గంటలకు ప్రారంభమవుతాయి.భారత్‌, ఇంగ్లండ్‌ మధ్య వన్డే సిరీస్‌ షెడ్యూల్‌..ఫిబ్రవరి 6- తొలి వన్డే(నాగ్‌పూర్‌)ఫిబ్రవరి 9- రెండో వన్డే(కటక్‌)ఫిబ్రవరి 12- మూడో వన్డే(అహ్మదాబాద్‌ఛాంపియన్స్‌ ట్రోఫీలో భారత షెడ్యూల్‌..ఫిబ్రవరి 20- బంగ్లాదేశ్‌ (దుబాయ్‌)ఫిబ్రవరి 23- పాకిస్తాన్‌ (దుబాయ్‌)మార్చి 2- న్యూజిలాండ్‌ (దుబాయ్‌)చదవండి: 'కోహ్లి వల్లే యువీ ముందుగా రిటైరయ్యాడు'.. ఉతప్ప సంచలన వ్యాఖ్యలు

న్యూఢిల్లీ: స్వదేశంలో ఇంగ్లండ్‌తో జరిగే వన్డే సిరీస్‌కు భారత బ్యాటర్‌ కేఎల్‌ రాహుల్‌ దూరమయ్యే అవకాశాలు కనిపిస్తున్నాయి. తనకు ఈ సిరీస్‌ నుంచి విశ్రాంతి ఇవ్వాల్సిందిగా అతను కోరినట్లు సమాచారం. ‘ఆ్రస్టేలియాతో సిరీస్‌ ముగిసిన తర్వాత రాహుల్‌ విరామం కోరుకుంటున్నాడు. అందుకే ఈ సిరీస్‌కు తన పేరును పరిగణనలోకి తీసుకోవద్దని అతను చెప్పాడు. అయితే చాంపియన్స్‌ ట్రోఫీ కోసం మాత్రం తాను అందుబాటులో ఉంటానని రాహుల్‌ స్పష్టం చేశాడు’ అని బీసీసీఐ అధికారి ఒకరు వెల్లడించారు. ఆసీస్‌తో ఐదు టెస్టులూ ఆడిన రాహుల్‌ 10 ఇన్నింగ్స్‌లలో 2 అర్ధసెంచరీలతో 276 పరుగులు చేసి ఫర్వాలేదనిపించాడు. చాంపియన్స్‌ ట్రోఫీకి తాను సిద్ధమని చెప్పినా... వన్డే జట్టులో వికెట్‌ కీపర్‌ బ్యాటర్‌ స్థానం కోసం పంత్, సంజు సామ్సన్‌ల నుంచి అతను పోటీని ఎదుర్కొంటున్నాడు. మరోవైపు కర్ణాటక జట్టు ఆడే విజయ్‌ హజారే ట్రోఫీ క్వార్టర్‌ ఫైనల్‌ మ్యాచ్‌కూ తాను అందుబాటులో ఉండనని రాహుల్‌ ఇప్పటికే సమాచారం అందించాడు.

టెస్టుల్లో టీమిండియా తదుపరి కెప్టెన్‌ ఎవరు?... ఆస్ట్రేలియా పర్యటనలో భారత జట్టు పేలవ ప్రదర్శన, రోహిత్‌ శర్మ(Rohit Sharma) వైఫల్యం నేపథ్యంలో ఈ ప్రశ్న తెర మీదకు వచ్చింది. బోర్డర్‌- గావస్కర్‌ ట్రోఫీ(Border Gavaskar Trophy)లో భాగంగా ఐదు టెస్టులు ఆడేందుకు కంగారూ గడ్డపై అడుగుపెట్టిన టీమిండియా ఓటమిభారంతో ఇంటిబాట పట్టింది.దాదాపు పదేళ్ల తర్వాత ఈ ప్రతిష్టాత్మక సిరీస్‌ను భారత జట్టు ఆస్ట్రేలియాకు సమర్పించుకుంది. ఇక ఆసీస్‌తో తొలి టెస్టుకు వ్యక్తిగత కారణాల దృష్ట్యా తొలి టెస్టుకు దూరంగా ఉన్న కెప్టెన్‌ రోహిత్‌ శర్మ.. ఆఖరిదైన సిడ్నీ టెస్టు నుంచి తనంతట తానుగా తప్పుకొన్నాడు. బ్యాటింగ్‌ వైఫల్యం కారణంగా జట్టుకు భారంగా మారడం ఇష్టం లేక తుదిజట్టు నుంచి స్వయంగా వైదొలిగాడు. నాయకుడిగా బుమ్రా సఫలం!ఈ రెండు సందర్భాల్లోనూ పేస్‌ దళ నాయకుడు జస్‌ప్రీత్‌ బుమ్రా(Jasprit Bumrah) టీమిండియా కెప్టెన్‌గా వ్యవహరించాడు. పెర్త్‌లో 295 పరుగుల తేడాతో భారత్‌ గెలవడంలో కీలక పాత్ర పోషించిన అతడు.. ఐదో టెస్టులో మాత్రం జట్టును గట్టెక్కించలేకపోయాడు. అయితే, సిరీస్‌ ఆసాంతం జట్టు భారాన్ని తన భుజాలపై మోసిన బుమ్రా.. ప్రస్తుతం వెన్నునొప్పితో బాధపడుతున్నాడు.గాయం వల్ల జట్టుకు దూరమయ్యే పరిస్థితిఫలితంగా సొంతగడ్డపై ఇంగ్లండ్‌తో టీ20, వన్డేలతో పాటు ఐసీసీ చాంపియన్స్‌ ట్రోఫీ-2025 టోర్నీకి కూడా బుమ్రా దూరమయ్యే పరిస్థితి నెలకొంది. ఇదిలా ఉంటే.. ఆసీస్‌ పర్యటన తర్వాత రోహిత్‌ శర్మ టెస్టు రిటైర్మెంట్‌ గురించి ప్రచారం ఊపందుకుంది. అతడి వారసుడిగా బుమ్రా పగ్గాలు చేపడతాడని మాజీ క్రికెటర్లు, విశ్లేషకులు అభిప్రాయపడుతున్నారు.బుమ్రాకు కెప్టెన్సీ ఇవ్వవద్దుఈ పరిణామాల నేపథ్యంలో టీమిండియా మాజీ బ్యాటర్‌ మహ్మద్‌ కైఫ్‌ మాత్రం భిన్నంగా స్పందించాడు. బుమ్రాను టెస్టు కెప్టెన్‌ చేయవద్దని భారత క్రికెట్‌ నియంత్రణ మండలి(బీసీసీఐ)కి అతడు విజ్ఞప్తి చేశాడు. ‘‘జస్‌ప్రీత్‌ బుమ్రా సమీప భవిష్యత్తులో కెప్టెన్సీ చేపట్టబోతున్నాడా? రోహిత్‌ శర్మ వారసుడిగా అతడిని ఎంపిక చేయడం సరైన నిర్ణయం కాదు.ఎందుకంటే.. జట్టు భారం మొత్తాన్ని మోస్తూ.. టీమ్‌ కోసం ప్రాణం పెట్టి మరీ పోరాడగల ఏకైక బౌలర్‌ అతడే. మిగతా పేసర్ల నుంచి అతడికి పెద్దగా సహాయం అందడం లేదు. కాబట్టి బుమ్రాపైనే అధిక భారం పడుతోంది. అందుకే అతడు గాయపడుతున్నాడు.పంత్‌ లేదంటే రాహుల్‌ బెటర్‌అందుకు తోడు కెప్టెన్సీ భారం పడితే ఇంకా కష్టం. కాబట్టి బుమ్రాను అస్సలు కెప్టెన్‌గా నియమించవద్దు. అతడికి బదులు బ్యాటర్‌ను సారథిగా ఎంపిక చేస్తే బాగుంటుంది. రిషభ్‌ పంత్‌ లేదంటే.. కేఎల్‌ రాహుల్‌ను టెస్టులకు కెప్టెన్‌ చేయాలి. వాళ్లిద్దరికీ ఐపీఎల్‌లో సారథులుగా పనిచేసిన అనుభవం ఉంది. వాళ్లిద్దరిలో ఒకరిని ఎంపిక చేయడం సరైన నిర్ణయం అనిపించుకుంటుంది’’ అని మహ్మద్‌ కైఫ్‌ చెప్పుకొచ్చాడు.అలా చేస్తే తిప్పలు తప్పవు‘‘బుమ్రాను పూర్తి స్థాయి కెప్టెన్‌గా నియమించే ముందు బీసీసీఐ ఒకటికి రెండుసార్లు ఆలోచించుకోవాలి. అతడు ఫిట్‌గా ఉండి.. వికెట్లు తీయడంపై దృష్టి సారిస్తే బాగుంటుంది. అంతేకానీ.. నాయకత్వ భారం కూడా మోపితే గాయాల బెడద వేధించడం ఖాయం. తన అద్భుతమైన కెరీర్‌కు అంతరాయం ఏర్పడుతుంది. కాబట్టి.. బంగారు గుడ్లు పెట్టే బాతును చంపకండి’’ అని కైఫ్‌ సోషల్‌ మీడియా వేదికగా తన అభిప్రాయం పంచుకున్నాడు.చదవండి: BCCI: గంభీర్‌పై వేటు?.. రోహిత్‌, కోహ్లిలు మాత్రం అప్పటిదాకా..!

ఆస్ట్రేలియాతో జ‌రిగిన టెస్టు సిరీస్‌ను టీమిండియా 3-1 తేడాతో కోల్పోయిన సంగ‌తి తెలిసిందే. పెర్త్ వేదిక‌గా జ‌రిగిన తొలి టెస్టులో ఘ‌న విజ‌యం అందుకున్న భార‌త జ‌ట్టు.. తర్వాతి నాలుగు మ్యాచ్‌ల్లో దారుణ ప్ర‌ద‌ర్శ‌న క‌న‌బ‌రిచింది. ముఖ్యంగా బ్యాటింగ్ ప‌రంగా భార‌త్ ఘోరంగా విఫ‌లమైంది. గెల‌వాల్సిన మ్యాచ్‌ల్లో కూడా బ్యాట‌ర్ల త‌ప్పిదాల వ‌ల్ల ఓట‌మి చ‌విచూడాల్సి వ‌చ్చింది.దీంతో ప్ర‌తిష్టాత్మ‌క‌మైన బోర్డ‌ర్-గ‌వాస్క‌ర్ ట్రోఫీతో పాటు వ‌ర‌ల్డ్ టెస్టు ఛాంపియ‌న్‌షిప్ ఫైన‌ల్‌కు చేరే అవ‌కాశాల‌ను కూడా భార‌త్ చేజార్చుకుంది. ఇక ఇది ఇలా ఉండ‌గా.. ఈ బోర్డ‌ర్-గ‌వాస్క‌ర్ ట్రోఫీకి ఎంపికైన భార‌త మిడిలార్డ‌ర్ బ్యాట‌ర్ స‌ర్ఫ‌రాజ్ ఖాన్‌కు ఈ సిరీస్‌లో క‌నీసం ఒక్క మ్యాచ్‌లో కూడా ఆడే అవ‌కాశం రాలేదు. కేఎల్ రాహుల్ జ‌ట్టులోకి రావ‌డంతో మొత్తం ఐదు మ్యాచ్‌ల‌కు స‌ర్ఫారాజ్ బెంచ్‌కే ప‌రిమిత‌మ‌య్యాడు.తాజాగా ఇదే విష‌యంపై భార‌త మాజీ క్రికెట‌ర్ సంజయ్ మంజ్రేకర్ కీల‌క వ్యాఖ్య‌లు చేశాడు. స‌ర్ఫారాజ్‌కు క‌నీసం ఒక్క మ్యాచ్‌లో కూడా ఆడే అవ‌కాశం ఇవ్వక‌పోవ‌డాన్ని మంజ్రేక‌ర్ త‌ప్పుబ‌ట్టాడు. "కేఎల్ రాహుల్ రాహుల్‌ కోసం స‌ర్ఫ‌రాజ్ ఖాన్‌ను పూర్తిగా ప‌క్క‌న పెట్ట‌డం స‌రైన నిర్ణ‌యం కాదు. ఈ విష‌యం గురించి మొద‌టి టెస్టు స‌మయంలోనే మేము కామెంటేట‌రీ బాక్స్‌లో చ‌ర్చించాము. సర్ఫ‌రాజ్‌కు టీమ్ మేనేజ్‌మెంట్ మ‌రి కొన్ని అవ‌కాశాలు ఇవ్వాల్సింది.ఫ‌స్ట్ క్లాస్ క్రికెట్‌లో అత‌డికి అద్భుత‌మైన రికార్డు ఉంది. ఆ కార‌ణంగానే భార‌త జ‌ట్టులోకి ఎంట్రీ ఇచ్చాడు. అంత‌ర్జాతీయ స్ధాయిలో కూడా స‌త్తాచాటాడు. అత‌డు కేవ‌లం 6 మ్యాచ్‌లు మాత్ర‌మే ఆడి మూడు హాఫ్ సెంచ‌రీలు, ఒక సెంచ‌రీ సాధించాడు.ఆ త‌ర్వాత న్యూజిలాండ్ సిరీస్‌లో విఫ‌ల‌మ‌య్యాడు. దీంతో అత‌డిని ఆసీస్ సిరీస్‌కు ఎంపిక చేసిన‌ప్ప‌టికి తుది జ‌ట్టులోకి మాత్రం తీసుకోలేదు. సర్ఫరాజ్‌కు కనీసం ఒక్క మ్యాచ్‌లో ఆడే అవకాశమివ్వాల్సింది. అప్పటికీ అతడు రాణించకపోయింతే పక్కన పెట్టాల్సింది. ఇది నావరకు అయితే సరైన నిర్ణయం కాదని అన్పిస్తోంది. మరోవైపు అభిమన్యు ఈశ్వరన్‌ వార్మాప్‌ మ్యాచ్‌ల్లో విఫలమయ్యాడని అతడిని తుది జట్టు ఎంపికకు పరిగణలోకి తీసుకోలేదు. కేవలం వార్మాప్‌ మ్యాచ్‌లతోనే వారి ఆటతీరును అంచనా వేయకూడదు. అతడికి కూడా ఫస్ట్‌ ‍క్లాస్‌ క్రికెట్‌లో కూడా మంచి రికార్డు ఉంది.ఓ మ్యాచ్‌లో ఛాన్స్‌ ఇచ్చి ఉంటే బాగుండేది అని మంజ్రేకర్ పేర్కొన్నాడు. కాగా ఈ సిరీస్‌లో రాహుల్‌ మిడిలార్డర్‌లో బ్యాటింగ్‌ చేస్తాడని భావించయారు. కానీ పెర్త్‌ టెస్టుకు రోహిత్‌ శర్మ గైర్హజారీలో భారత ఓపెనర్‌గా బరిలోకి దిగిన రాహుల్‌.. ఆ తర్వాతి మ్యాచ్‌లలోనూ టాపార్డర్‌లోనే కొనసాగాడు.చదవండి: సౌతాఫ్రికా చేతిలో ఘోర పరాజయం.. పాకిస్తాన్‌కు మరో షాక్‌

ఆఫ్‌స్టంప్‌ అవతల పడ్డ బంతులను ఆడే విషయంలో తీరు మార్చుకోని విరాట్‌ కోహ్లి... బ్యాటింగ్‌ ఆర్డర్‌లో ఏ స్థానంలో బరిలోకి దిగినా వైఫల్యాల బాట వీడని రోహిత్‌ శర్మ... అడపా దడపా మెరుపులు తప్ప నిలకడగా ఆకట్టుకోలేక ఇబ్బంది పడ్డ కేఎల్‌ రాహుల్‌... ఆల్‌రౌండరే అయినా అటు బ్యాట్‌తో, ఇటు బంతితోతనదైన ముద్ర వేయలేకపోయిన రవీంద్ర జడేజా... పేరుకు ప్రధాన పేసరే అయినా ఏమాత్రం ప్రభావం చూపలేకపోయిన మొహమ్మద్‌ సిరాజ్‌... ఇలా ఒకరిని మించి మరొకరు పేలవ ప్రదర్శన కనబరిస్తే ఫలితం ఇలా కాక మరెలా ఉంటుంది! స్వదేశంలో న్యూజిలాండ్‌ చేతిలో అనూహ్య ‘వైట్‌వాష్’ నుంచి గుణపాఠాలు నేర్చుకోకుండానే... ఆ్రస్టేలియాలో అడుగు పెట్టిన భారత జట్టు ‘బోర్డర్‌–గావస్కర్‌ ట్రోఫీ’లో కనీస ప్రదర్శన కనబర్చలేకపోయింది. గత రెండు పర్యాయాలు అద్వి తీయ ఆటతీరుతో కంగారూలను మట్టికరిపించి ప్రతిష్టాత్మక సిరీస్‌ చేజిక్కించుకున్న టీమిండియా... ముచ్చటగా మూడోసారి అదే మ్యాజిక్‌ చేయాలని ప్రయత్నించినా సాధ్యంకాలేదు. ‘కర్ణుడి చావుకు కారణాలు అనేకం’ అన్నట్లు... భారత జట్టు సిరీస్‌ కోల్పోవడానికి కూడా చాలా కారణాలు ఉన్నాయి. వాటిని ఓసారి పరిశీలిస్తే... –సాక్షి క్రీడావిభాగం ప్రతిష్టాత్మక ‘బోర్డర్‌–గావస్కర్‌ ట్రోఫీ’లో భారత జట్టు పరాజయానికి ప్రధాన కారణం బ్యాటింగే అనడంలో సందేహం లేదు. గత రెండు పర్యటనల్లో ఆ్రస్టేలియాపై భారత జట్టు పైచేయి సాధించడంలో అటు బౌలర్లతో పాటు బ్యాట్‌తో చతేశ్వర్‌ పుజారా, అజింక్యా రహానే కీలక పాత్ర పోషించారు. ముఖ్యంగా గంటల తరబడి క్రీజులో పాతుకుపోయి కంగారూ బౌలర్ల సహనానికి పరీక్ష పెట్టిన పుజారా వంటి ఆటగాడు తాజా జట్టులో లేకపోవడం జట్టు విజయావకాశాలను దెబ్బ కొట్టింది. అంతర్జాతీయ స్థాయిలో సుదీర్ఘ అనుభవం ఉన్న సీనియర్‌ ప్లేయర్లు.. స్థాయికి తగ్గ ప్రదర్శన కనబర్చలేకపోవడంతో సిరీస్‌లో ఏ దశలోనూ భారత జట్టు పూర్తి ఆధిపత్యం కనబర్చలేకపోయింది. వ్యక్తిగత కారణాలతో తొలి టెస్టుకు అందుబాటులో లేకపోయిన రెగ్యులర్‌ కెపె్టన్‌ రోహిత్‌ శర్మ ఆ తర్వాత వరుసగా ఐదు ఇన్నింగ్స్‌ల్లో 3, 6, 10, 3, 9 పరుగులు చేశాడు. మిడిలార్డర్‌ నుంచి ఓపెనర్‌గా ప్రమోషన్‌ పొందిన తర్వాత నిలకడ పెరగడంతో పాటు విధ్వంసకర బ్యాటర్‌గా గుర్తింపు సాధించిన ‘హిట్‌ మ్యాన్‌’... వరుస వైఫల్యాలతో చివరి మ్యాచ్‌ నుంచి తనంతట తానే తప్పుకున్నాడంటే అతడి ఫామ్‌ ఎంత పేలవంగా ఉందో అర్థం చేసుకోవచ్చు. జట్టులో అందరికంటే సీనియర్‌ అయిన విరాట్‌ కోహ్లి తొలి టెస్టు రెండో ఇన్నింగ్స్‌లో సెంచరీ చేసిన తర్వాత వరుసగా 7, 11, 3, 36, 5, 17, 13 స్కోర్లు చేశాడు. విరాట్‌ అంకెల కన్నా అతడు అవుటైన తీరే సగటు అభిమానులను తీవ్రంగా కలచివేసింది. ఆస్ట్రేలియా బౌలర్లు ఆఫ్‌స్టంప్‌ అవతల బంతి వేయడం... విరాట్‌ దాన్ని ఆడాలా వద్దా అనే సంశయంలో బ్యాట్‌ తాకించడం... వికెట్ల వెనక క్యాచ్‌ ఇచ్చి వెనుదిరగడం... ఈ సిరీస్‌ మొత్తం ఇదే తంతు సాగింది. టన్నుల కొద్దీ పరుగులు చేసి ‘రన్‌ మెషిన్‌’ అనిపించుకున్న విరాట్‌ ఈ సిరీస్‌లో పూర్తిగా విఫలమవడం... జట్టు అవకాశాలపై తీవ్ర ప్రభావం చూపింది. నిలకడలేమే ప్రధాన సమస్య రోహిత్‌ గైర్హాజరీలో ఓపెనర్‌గా బరిలోకి దిగి ఆకట్టుకున్న కేఎల్‌ రాహుల్‌ ఆ తర్వాత అదే జోరు కొనసాగించడంలో విఫలమయ్యాడు. 26, 77, 37, 7, 84, 4, 24, 0, 4, 13 ఈ సిరీస్‌లో రాహుల్‌ గణాంకాలివి. తొలి మూడు మ్యాచ్‌ల్లో ఫర్వాలేదనిపించిన అతడు చివరి రెండు టెస్టుల్లో విఫలం కావడంతో జట్టుకు మెరుగైన ఆరంభాలు లభించలేదు. స్పిన్‌ ఆల్‌రౌండర్‌ రవీంద్ర జడేజా కూడా స్థాయికి తగ్గ ప్రదర్శన కనబర్చడంలో విఫలమయ్యాడు.సీనియర్‌ ఆఫ్‌స్పిన్నర్‌ రవిచంద్రన్‌ అశ్విన్‌ సిరీస్‌ మధ్యలోనే కెరీర్‌కు రిటైర్మెంట్‌ ప్రకటించగా... జడ్డూ తన వంతు బాధ్యత సక్రమంగా నిర్వర్తించలేకపోయాడు. ఆసీస్‌ పిచ్‌లపై మెరుగైన రికార్డు, మంచి అనుభవం ఉన్న హైదరాబాద్‌ పేసర్‌ మొహమ్మద్‌ సిరాజ్‌ ఆ స్థాయి ప్రభావం చూపలేకపోయాడు. మరో ఎండ్‌ నుంచి బుమ్రా కంగారూల వెన్నులో వణుకు పుట్టిస్తుంటే... దాన్ని సొమ్ము చేసుకుంటూ వికెట్లు పడగొట్టాల్సింది పోయి... ప్రత్యరి్థకి సులువుగా పరుగులు చేసే అవకాశం ఇచ్చాడు. మొత్తంగా ఐదు మ్యాచ్‌ల్లో కలిపి 20 వికెట్లు తీసినా... ఈ ప్రదర్శన అతడి స్థాయికి తగ్గదని చెప్పలేం. జట్టు పరిస్థితులతో సంబంధం లేకుండా పదే పదే తప్పుడు షాట్‌ సెలెక్షన్‌ కారణంగా వికెట్‌ సమర్పించుకున్న రిషబ్‌ పంత్‌ విమర్శల పాలైతే... వచ్చిన కొన్ని అవకాశాలను శుబ్‌మన్‌ గిల్‌ ఒడిసి పట్టలేకపోయాడు. టెస్టు ఫార్మాట్‌లో ఇంటా బయట నిలకడైన ఆటతీరు కనబరుస్తూ గత రెండు పర్యాయాలు ‘ప్రపంచ టెస్టు చాంపియన్‌షిప్‌’ (డబ్ల్యూటీసీ) ఫైనల్‌కు దూసుకెళ్లిన భారత జట్టు... ఈసారి మాత్రం నిరాశ పరిచింది. చివరగా ఆడిన ఎనిమిది టెస్టుల్లో టీమిండియా కేవలం ఒకే ఒక్క మ్యాచ్‌ గెలవడంతో డబ్ల్యూటీసీ ఫైనల్‌ రేసుకు దూరం కాక తప్పలేదు. ముఖ్యంగా స్వదేశంలో న్యూజిలాండ్‌ చేతిలో 0–3తో సిరీస్‌ కోల్పోవడం టీమిండియా డబ్ల్యూటీసీ ఫైనల్‌ అవకాశాలను తీవ్రంగా ప్రభావితం చేసింది. నితీశ్, యశస్వి అదుర్స్‌ పదేళ్లుగా కాపాడుకుంటూ వస్తున్న ‘బోర్డర్‌–గావస్కర్‌ ట్రోఫీ’ చేజారడంతో పాటు డబ్ల్యూటీసీ ఫైనల్‌కు అర్హత సాధించలేకపోయినప్పటికీ ఈ సిరీస్‌ ద్వారా భారత జట్టుకు కొంత మేలు కూడా జరిగింది. స్టార్‌ ఆటగాళ్లు అంచనాలకు అందుకోలేకపోతున్న సమయంలో మేమున్నామంటూ యువ ఆటగాళ్లు బాధ్యతలు తీసుకున్నారు. తొలిసారి ఆ్రస్టేలియాలో పర్యటించిన యువ ఓపెనర్‌ యశస్వి జైస్వాల్‌ ఆటకట్టుకోగా... ఈ సిరీస్‌ ద్వారానే అంతర్జాతీయ టెస్టు అరంగేట్రం చేసిన ఆంధ్ర ఆల్‌రౌండర్‌ నితీశ్‌ కుమార్‌ రెడ్డి అదరగొట్టాడు. ఐదు మ్యాచ్‌ల్లో 43.44 సగటుతో 391 పరుగులు చేసిన జైస్వాల్‌ భారత జట్టు తరఫున అత్యధిక పరుగులు చేసిన ఆటగాడిగా నిలిచాడు. స్టార్క్, కమిన్స్, హాజల్‌వుడ్, బోలండ్‌ వంటి పేసర్లను జైస్వాల్‌ అలవోకగా ఎదుర్కొన్న తీరు భవిష్యత్తుపై భరోసా పెంచుతోంది. ఇక పేస్‌ ఆల్‌రౌండర్‌ కోసం చాన్నాళ్లుగా ఎదురుచూస్తున్న టీమిండియాకు నితీశ్‌ రెడ్డి రూపంలో జవాబు దొరికింది. మీడియం పేస్‌కు తోడు చక్కటి బ్యాటింగ్‌తో అతడు ఈ సిరీస్‌పై తనదైన ముద్రవేశాడు. 9 ఇన్నింగ్స్‌లు కలిపి నితీశ్‌ మొత్తం 298 పరుగులు సాధించి సిరీస్‌లో భారత్‌ తరఫున అత్యధిక పరుగులు చేసిన రెండో ప్లేయర్‌గా నిలిచాడు. టి20 ఫార్మాట్‌లో ధనాధన్‌ షాట్లు ఆడే నితీశ్‌... సుదీర్ఘ ఫార్మాట్‌కు పనికిరాడని విమర్శించిన వారికి మెల్‌బోర్న్‌ సెంచరీతో బదులిచ్చాడు. తనలో దూకుడుగా ఆడే శక్తితో పాటు క్రీజులో సుదీర్ఘ సమయం గడపగల సంయమనం కూడా ఉందని నిరూపించాడు. ఈ ప్రదర్శనతో నితీశ్‌ రెడ్డి టెస్టు జట్టులో చోటు నిలబెట్టుకోవడం ఖాయం కాగా... బౌలింగ్‌లో అతడు మరింత రాటుదేలితే భారత జట్టుకు అదనపు బలం చేకూరుతుంది. ఇక ఈ సిరీస్‌లో అత్యుత్తమ ప్రదర్శన అంటే అది బుమ్రాదే. తొలి టెస్టులో సారథిగా జట్టును గెలిపించిన బుమ్రా... సిరీస్‌ ఆసాంతం టీమ్‌ భారాన్ని భుజాల మీద మోశాడు. 9 ఇన్నింగ్స్‌ల్లో కలిపి 32 వికెట్లు తీసిన బుమ్రా... చివరి ఇన్నింగ్స్‌లో బౌలింగ్‌కు చేయలేకపోవడంతోనే టీమిండియా పరాజయం పాలైందనడంలో అతిశయోక్తిలేదు. ‘బుమ్రా ఎడం చేత్తో బౌలింగ్‌ చేసేలా చట్టం తీసుకొస్తాం’ అని ఆ్రస్టేలియా ప్రధాని ఆల్బనీస్‌ అన్నాడంటే ఈ సిరీస్‌లో జస్‌ప్రీత్‌ జోరు ఎలా సాగిందో ఊహించుకోవచ్చు.

టీమిండియా స్టార్‌ క్రికెటర్‌ కేఎల్‌ రాహుల్‌, అతియాశెట్టి త్వరలోనే తల్లిదండ్రులు కాబోతున్న సంగతి తెలిసిందే. ఈ విషయాన్ని రాహుల్‌, అతని భార్య అతియా శెట్టి సోషల్‌మీడియా వేదికగా వెల్లడించారు. వచ్చే ఏడాదిలో ఈ జంట మొదటి బిడ్డకు ఆహ్వానం పలకనున్నారు. అతియా ప్రెగ్నెన్సీతో ఉన్నట్లు ప్రకటించి ఫ్యాన్స్‌కు గుడ్‌ న్యూస్ చెప్పారు. తాజాగా అతియా శెట్టి సైతం ఆస్ట్రేలియాలోనే ఉంది.‍ప్రస్తుతం ఆస్ట్రేలియాలో జరుగుతున్న బోర్డర్-గవాస్కర్‌ ట్రోఫీ టెస్ట్‌ సిరీస్‌లో కేఎల్ రాహుల్ బిజీగా ఉన్నారు. మెల్‌బోర్న్‌ వేదికగా నాలుగో టెస్ట్ జరుగుతోంది. తాజాగా మెల్‌బోర్న్ స్టేడియంలో అతియాశెట్టి కనిపించింది. ఆమెతో పాటు అనుష్క శెట్టి, నితీశ్ కుమార్ రెడ్డి ఫాదర్ కూడా కనిపించారు. అయితే అతియాశెట్టి బేబీబంప్‌తో కనిపించడంతో ఫ్యాన్స్ క్రేజీ కామెంట్స్ చేస్తున్నారు. దీనికి సంబంధించిన వీడియో నెట్టింట వైరల్‌గా మారింది.కాగా.. రాహుల్‌, అతియాల వివాహం 2023, జనవరి 23న ముంబయిలో జరిగింది. రాహుల్‌ శ్రీమతి అతియా ప్రముఖ బాలీవుడ్‌ నటుడు సునీల్‌ శెట్టి గారాలపట్టి అన్న విషయం తెలిసిందే. అతియా కూడా పలు బాలీవుడ్‌ సినిమాల్లో నటించింది. వీరిద్దరు కొంతకాలం పాటు డేటింగ్‌ చేసి ప్రేమ వివాహం చేసుకున్నారు. Athiya Shetty with the baby 🥹❤️🧿🤞🏻🥹🧿❤️🪬😭💗😭🥹🪬🥺💗❣️🤍Also anushka and nitish family 🥹 pic.twitter.com/okzKM5umY4— Tia'world (@singh36896) December 29, 2024

ఆస్ట్రేలియా పర్యటనలో టీమిండియా స్థాయికి తగ్గట్లుగా రాణించడం లేదు. పెర్త్‌ టెస్టులో 295 పరుగుల తేడాతో భారీ విజయం సాధించినా.. ఆ తర్వాత అదే జోరును కొనసాగించలేకపోయింది. అడిలైడ్‌ పింక్‌ బాల్‌ మ్యాచ్‌లో పది వికెట్ల తేడాతో చిత్తైన రోహిత్‌ సేన.. బ్రిస్బేన్‌ టెస్టులో వర్షం వల్ల ఓటమి నుంచి తప్పించుకుందనే విమర్శలు మూటగట్టుకుంది.ఈ క్రమంలో బాక్సింగ్‌ డే టెస్టు(Boxing Day Test)లో గెలుపొంది సత్తా చాటాలని పట్టుదలగా ఉంది. అయితే, తొలి రోజు ఆటలో మాత్రం టీమిండియాకు కలిసిరాలేదు. టాస్‌ ఓడి తొలుత బౌలింగ్‌కు దిగిన భారత్‌.. ఆసీస్‌ బ్యాటర్లను కట్టడి చేసేందుకు ఆపసోపాలు పడాల్సి వచ్చింది.ఆఖరి సెషన్లో భారత బౌలర్లు ప్రభావం చూపినా.. అప్పటికే కంగారూలు పైచేయి సాధించారు. మెల్‌బోర్న్‌లో జరుగుతున్న ఈ మ్యాచ్‌లో.. గురువారం నాటి మొదటిరోజు ఆట ముగిసే సరికి ఆసీస్‌ ఆరు వికెట్ల నష్టానికి 311 పరుగులు చేసింది. ఈ నేపథ్యంలో.. మెల్‌బోర్న్‌ టెస్టులో టీమిండియా తమ వ్యూహం మార్చినట్లు తెలుస్తోంది.అందుకే గిల్‌పై వేటు..ఇప్పటికే శుబ్‌మన్‌ గిల్‌(Shubman Gill)పై వేటు వేసిన యాజమాన్యం.. రెగ్యులర్‌ ఓపెనింగ్‌ జోడీతోనే బరిలోకి దిగనుంది. టీమిండియా అసిస్టెంట్‌ కోచ్‌ అభిషేక్‌ నాయర్‌ వ్యాఖ్యలే ఇందుకు నిదర్శనం. ‘‘పిచ్‌ పరిస్థితులకు అనుగుణంగానే శుబ్‌మన్‌ గిల్‌ను తప్పించి.. వాషింగ్టన్‌ సుందర్‌ను తుదిజట్టులోకి తీసుకున్నాం.ఓపెనర్‌గా మళ్లీ అతడేవాషీ కోసం గిల్‌ త్యాగం చేయాల్సి వచ్చింది. జట్టు ప్రయోజనాల కోసం మేము తీసుకున్న నిర్ణయాన్ని అతడు గౌరవించాడు. ఇక రోహిత్‌ బ్యాటింగ్‌ ఆర్డర్‌లోనూ మార్పు ఉంటుంది. అతడు భారత్‌ తరఫున ఇన్నింగ్స్‌ ఆరంభిస్తాడు’’ అని అభిషేక్‌ నాయర్‌ మీడియాతో పేర్కొన్నాడు.కాగా పితృత్వ సెలవుల కారణంగా రోహిత్‌ శర్మ(Rohit Sharma) తొలి టెస్టుకు దూరం కాగా.. బుమ్రా సారథ్యంలో టీమిండియా గెలిచింది. ఈ మ్యాచ్‌లో యశస్వి జైస్వాల్‌తో కలిసి కేఎల్‌ రాహుల్‌ ఓపెనింగ్‌ చేశాడు. అయితే, రెండో టెస్టు నుంచి అందుబాటులోకి వచ్చినా అదే జోడీని కొనసాగించగా.. రోహిత్‌ మిడిలార్డర్లో బ్యాటింగ్‌ చేశాడు.వ్యూహం మార్చిన టీమిండియాకానీ రెండు టెస్టుల్లోనూ రోహిత్‌(3, 6, 10) విఫలమయ్యాడు. కెప్టెన్‌గానూ అనుకున్న ఫలితాన్ని రాబట్టలేకపోయాడు. ఈ నేపథ్యంలో రోహిత్‌ మెల్‌బోర్న్‌లో తన రెగ్యులర్‌ స్థానంలో ఓపెనర్‌గా బరిలోకి దిగనుండగా.. గిల్‌ ఆడే మూడో స్థానంలో కేఎల్‌ రాహుల్‌ రానున్నట్లు తెలుస్తోంది. ఇక బోర్డర్‌- గావస్కర్‌ ట్రోఫీ ఆడేందుకు టీమిండియా ఆస్ట్రేలియా పర్యటనకు వెళ్లిన విషయం తెలిసిందే. ఇందులో భాగంగా ఐదు టెస్టుల సిరీస్‌లో ప్రస్తుతం.. ఆతిథ్య జట్టుతో కలిసి 1-1తో సమంగా ఉంది.చదవండి: గల్లీ క్రికెట్‌ ఆడుతున్నావా?.. చెప్పింది చెయ్‌: రోహిత్‌ శర్మ ఫైర్‌

బాక్సింగ్ డే టెస్ట్ దగ్గర పడే కొద్దీ భారత్, ఆస్ట్రేలియా జట్లలో వేడెక్కువవుతోంది. ఈ సిరీస్ లో రెండు జట్లు 1-1తో సమఉజ్జీలుగా ఉండటం, అదీ క్రిస్టమస్ పర్వ దినం తర్వాత బాక్సింగ్ డే నుంచి ఈ మ్యాచ్ జరుగనున్న తరుణంలో ప్రతిష్టాత్మకమైన ఈ టెస్ట్ లో గెలిచేందుకు రెండు జట్లు పై ఒత్తిడీ ఎక్కువగా ఉంటుందనడంలో సందేహం లేదు. క్రిస్టమస్ సెలవల్లో 90,000 ప్రేక్షకుల మధ్య మెల్బోర్న్ వేదిక పై ఈ మ్యాచ్ జరగడం, ఆస్ట్రేలియా క్రికెట్ సీజన్లో ఈ టెస్ట్ మ్యాచ్ చాలా ప్రతిష్టాత్మకంగా భావిస్తారు.ఆశాజనకంగా భారత్..అయితే మెల్బోర్న్ వేదిక పై భారత్ కి మంచి రికార్డు ఉండటం రోహిత్ సేనకు అనుకూలమైన అంశం కాగా, ఈ మ్యాచ్ కి రోహిత్ తన సన్నద్ధత తెలపడం మరో ప్రధానాంశం. ఆదివారం జరిగిన ప్రాక్టీస్ కు రోహిత్ ఎడమ మోకాలికి గాయం కారణంగా దూరంగా ఉన్న విషయం తెలిసిందే. కాగా భారత్ జట్టుకి ప్రధాన అడ్డంకిగా ఉన్న ఆస్ట్రేలియా ఎడమచేతివాటం బ్యాట్సమెన్ ట్రావిస్ హెడ్ గాయం కారణంగా వైదొలిగే అవకాశం ఉండటం మరో కీలకమైన పరిణామం. ఈ సిరీస్ లో ట్రావిస్ హెడ్ విజృంభించి రెండు, మూడు టెస్టుల్లో వరుసగా సెంచరీలు సాధించి, ఇప్పటికే 81 .80 సగటుతో మొత్తం 409 పరుగులు సాధించిన విషయం తెలిసిందే. అరుదైన రికార్డు చేరువలో రాహుల్ బాక్సింగ్ డే న ప్రారంభమైన గత రెండు టెస్టుల్లో భారత్ ఓపెనర్ కె ఎల్ రాహుల్ వరుసగా రెండు సెంచరీలు సాధించడం విశేషం. 2021 లో దక్షిణాఫ్రికాతో సెంచురియన్ లో జరిగిన టెస్ట్ మ్యాచ్ లో రాహుల్ 124 పరుగులు సాధించాడు. మళ్ళీ అదే వేదికపై రెండేళ్ల అనంతరం జరిగిన టెస్ట్ లో రాహుల్ 101 పరుగులతో మరో సెంచరీ సాధించాడు.2014 లో మెల్బోర్న్ లో జరిగిన బాక్సింగ్ డే టెస్ట్ మ్యాచ్ లో రాహుల్ పేలవంగా ఆడి కేవలం 3, 1 పరుగులు మాత్రమే సాధించాడు. అయితే ప్రస్తుత సిరీస్ లో మూడు టెస్ట్ మ్యాచ్ ల్లో 235 పరుగులు సాధించి, భారత్ తరఫున అత్యధిక పరుగులు సాధించిన ఆటగాడుగా మంచి ఫామ్ లో ఉన్నందున, రాహుల్ ఈ టెస్ట్ మ్యాచ్ లో రాణిస్తాడని భారత్ అభిమానులు ఆశగా ఎదురుచూస్తున్నారు.గతంలో స్టార్ బ్యాటర్‌ విరాట్ కోహ్లి 2014 లో మెల్బోర్న్ వేదిక పై జరిగిన బాక్సింగ్ డే టెస్ట్ మ్యాచ్ లో 169 పరుగులతో సెంచరీ సాధించాడు. అయితే ఈ మ్యాచ్ లో భారత్ పరాజయం చవిచూసింది. అయితే కోహ్లీకి ఆస్ట్రేలియా గడ్డపై 16 టెస్ట్ మ్యాచ్ ల్లో 1,478 పరుగులు సాధించి, అక్కడ అత్యధిక పరుగులు సాధించిన భారత్ బ్యాట్సమెన్ గా రికార్డు ఉంది. అత్యంత ప్రాధాన్యత గల మ్యాచ్ ల్లో రాణించే బ్యాట్సమెన్ గా ఖ్యాతి గడించిన కోహ్లీ మరోసారి విజృంభింస్తాడని భారత్ జట్టు ఆశిస్తోంది.

మెల్‌బోర్న్ వేదిక‌గా ఆస్ట్రేలియాతో నాలుగో టెస్టులో త‌ల‌ప‌డేందుకు టీమిండియా సిద్ద‌మ‌వుతోంది. డిసెంబర్ 26 నుంచి ప్రారంభం కానున్న ఈ మ్యాచ్ కోసం.. భార‌త జ‌ట్టు ఇప్ప‌టికే మెల్‌బోర్న్‌కు త‌మ ప్రాక్టీస్‌ను మొద‌లు పెట్టింది. ఈ మ్యాచ్‌లో ఎలాగైనా గెలిచి సిరీస్‌లో ఆధిక్యంలోకి వెళ్లాల‌ని భార‌త జ‌ట్టు భావిస్తోంది. అయితే ఈ మ్యాచ్‌కు ముందు భార‌త్ భారీ షాక్ త‌గిలింది.ప్రాక్టీస్ సెష‌న్‌లో స్టార్ ప్లేయ‌ర్ కేఎల్ రాహుల్ గాయ‌ప‌డ్డాడు. నెట్స్‌లో బ్యాటింగ్ ప్రాక్టీస్ చేస్తుండ‌గా రాహుల్ చేతి మ‌ణిక‌ట్టుకు గామైంది. వెంట‌నే ఫిజియో వ‌చ్చి రాహుల్ మ‌ణి క‌ట్టుకు టేప్ వేశాడు. ఇందుకు సంబంధించిన వీడియో సోష‌ల్ మీడియాలో వైర‌ల‌వుతోంది. అయితే రాహుల్ గాయంపై మాత్రం బీసీసీఐ నుంచి ఎటువంటి ఆధికారిక ప్ర‌క‌ట‌న రాలేదు.పెర్త్ వేదిక‌గా ఆసీస్‌తో జ‌రిగిన తొలి టెస్టుకు ముందు కూడా రాహుల్ కుడి చేతి మ‌ణిక‌ట్టుకు గాయమైంది. దీంతో అత‌డు తొలి టెస్టుకు దూరం కానున్నాడ‌ని వార్త‌లు వినిపించాయి. కానీ అత‌డు పూర్తి ఫిట్‌నెస్ సాధించ‌డంతో పెర్త్ టెస్టులో భార‌త జ‌ట్టులో భాగ‌మ‌య్యాడు. మ‌ళ్లీ ఇప్పుడు అదే చేతి మ‌ణిక‌ట్టుకు గాయం కావ‌డంతో భార‌త అభిమానులు తెగ ఆందోళ‌న చెందుతున్నారు.సూప‌ర్ ఫామ్‌లో రాహుల్‌.. కాగా రాహుల్ ప్ర‌స్తుతం అద్బుత‌మైన ఫామ్‌లో ఉన్నాడు. బోర్డ‌ర్ గ‌వాస్క‌ర్ ట్రోఫీ 2024-25లో భార‌త త‌రపున లీడింగ్ స్కోర‌ర్‌గా కొన‌సాగుతున్నాడు. ప్ర‌స్తుత సిరీస్‌లో మూడు టెస్టులు ఆడిన రాహుల్ 235 ప‌రుగులు చేశాడు. బ్రిస్బేన్ టెస్టు డ్రా కావ‌డంలో రాహుల్ ది కీల‌క పాత్ర‌ పోషించాడు.చదవండి: శ్రేయస్‌ అయ్యర్‌ విధ్వంసకర శతకం.. శివం దూబే మెరుపు ఇన్నింగ్స్‌ KL Rahul suffered a hand injury at the MCG nets today during practice session. #INDvAUS pic.twitter.com/XH8sPiG8Gi— 𝐑𝐮𝐬𝐡𝐢𝐢𝐢⁴⁵ (@rushiii_12) December 21, 2024

బ్రిస్బేన్‌ వేదికగా టీమిండియాతో జరుగుతున్న మూడో టెస్టులో ఆస్ట్రేలియా స్టార్‌ స్టీవ్‌ స్మిత్‌ సంచలన క్యాచ్‌తో మెరిశాడు. అద్బుతమైన క్యాచ్‌తో భారత ఆటగాడు కేఎల్‌ రాహుల్‌ను స్మిత్‌ పెవిలియన్‌కు పంపాడు. తొలుత స్లిప్స్‌లో రాహుల్‌ ఇచ్చిన సులువైన‌ క్యాచ్‌ను విడిచిపెట్టిన స్మిత్‌.. రెండోసారి మాత్రం ఎటువంటి తప్పిదం చేయలేదు.భారత తొలి ఇన్నింగ్స్‌ 43 ఓవర్‌ వేసిన ఆసీస్‌ స్పిన్నర్‌ నాథన్‌ లియోన్‌.. రెండో బంతిని లెంగ్త్‌ డెలివరీగా సంధించాడు. ఆ డెలివరీని రాహుల్‌ కట్‌ షాట్‌ ఆడటానికి ప్రయత్నించాడు. అయితే బంతి బ్యాట్‌ థిక్‌ ఎడ్జ్‌ తీసుకుని స్లిప్‌ కార్నర్‌ దిశగా వెళ్లింది.ఈ క్రమంలో ఫస్ట్‌స్లిప్‌లో ఉన్న స్మిత్‌ తన కుడివైపనకు డైవ్‌ చేస్తూ సింగిల్‌ హ్యాండ్‌తో స్టన్నింగ్‌ క్యాచ్‌ను అందుకున్నాడు. అతడి క్యాచ్‌ చూసిన రాహుల్‌ బిత్తరపోయాడు. దీంతో 84 పరుగులు చేసిన రాహుల్‌ నిరాశతో మైదానాన్ని వీడాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది.చదవండి: కెప్టెన్‌గా రింకూ సింగ్‌ WHAT A CATCH FROM STEVE SMITH!Sweet redemption after dropping KL Rahul on the first ball of the day.#AUSvIND | #PlayOfTheDay | @nrmainsurance pic.twitter.com/d7hHxvAsMd— cricket.com.au (@cricketcomau) December 17, 2024

IND vs AUS 3rd Test Day 4 live updates and highlights: బ్రిస్బేన్‌ వేదికగా భారత్‌-ఆస్ట్రేలియా మధ్య మూడో టెస్టు నాలుగో రోజు ఆట ప్రారంభమైంది.ఫాలో ఆన్ గండం గట్టెక్కిన భారత్‌బ్రిస్బేన్ టెస్టులో టీమిండియా ఫాలో ఆన్ గం‍డం నుంచి తప్పించుకుంది. టెయిలాండర్లు ఆకాష్ దీప్‌(27 బ్యాటింగ్‌), జస్ప్రీత్ బుమ్రా(10 బ్యాటింగ్‌) అద్బుతమైన పోరాటంతో భారత్‌ను మ్యాచ్‌లో నిలిపారు. పదో వికెట్‌కు వీరిద్దరూ 39 పరుగుల ఆజేయ భాగస్వామ్యం నెలకొల్పారు. వెలుతురు లేమి కారణంగా నాలుగో రోజు ఆటను 14 ఓవర్ల ముందే అంపైర్‌లు నిలిపేశారు. నాలుగో రోజు ఆట ముగిసే సమయానికి భారత్‌ 9 వికెట్ల నష్టానికి 252 పరుగులుచేసింది. టీమిండియా ఇంకా తొలి ఇన్నింగ్స్‌లో 193 పరుగులు వెనకంజలో ఉంది. భారత ఫాలో ఆన్‌ తప్పించుకోవడంలో వీరిద్దరితో పాటు కేఎల్‌ రాహుల్‌(84), జడేజా(10) కీలక పాత్ర పోషించారు.జడ్డూ అవుట్‌కేఎల్‌ రాహుల్‌(84) మినహా స్పెషలిస్టు బ్యాటర్లంతా విఫలమైన వేళ టీమిండియాను ఆదుకున్న స్పిన్‌ బౌలింగ్‌ ఆల్‌రౌండర్‌ రవీంద్ర జడేజా ఇన్నింగ్స్‌కు తెరపడింది. 77 పరుగుల వ్యక్తిగత స్కోరు వద్ద కమిన్స్‌ బౌలింగ్‌లో మార్ష్‌కు క్యాచ్‌ ఇచ్చి జడ్డూ వెనుదిరిగాడు. దీంతో భారత్‌ ఎనిమిదో వికెట్‌ కోల్పోయింది. టీమిండియా స్కోరు: 215/9 (66.2). ఫాలో ఆన్‌ గండం నుంచి తప్పించుకోవాలంటే భారత్‌ ఇంకా 30 రన్స్‌ చేయాలి.ఎనిమిదో వికెట్‌ కోల్పోయిన భారత్‌సిరాజ్‌ (1) రూపంలో టీమిండియా ఎనిమిదో వికెట్‌ కోల్పోయింది. స్టార్క్‌ బౌలింగ్‌లో కీపర్‌ క్యారీకి క్యాచ్‌ ఇచ్చి సిరాజ్‌ పెవిలియన్‌ చేరాడు. బుమ్రాక్రీజులోకి వచ్చాడు.భారత్‌ ఏడో వికెట్‌ డౌన్‌నితీశ్‌ రెడ్డి రూపంలో భారత్‌ ఏడో వికెట్‌ కోల్పోయింది. 16 పరుగులు చేసిన నితీశ్‌.. ప్యాట్‌ కమ్మిన్స్‌ బౌలింగ్‌లో ఔటయ్యాడు. భారత్‌ ఫాలో ఆన్‌ తప్పించుకోవాలంటే ఇంకా 52 పరుగులు కావాలి. ప్రస్తుతం భారత్‌ స్కోర్‌: 194/710:45 AM: మొదలైన ఆటవర్షం తెరిపినివ్వడంతో ఆట మళ్లీ మొదలైంది.09:53 AM: వర్షం వల్ల మరోసారి ఆగిన ఆటటీమిండియా స్కోరు: 180/6 (51.5)జడేజా 52, నితీశ్‌ రెడ్డి 9 పరుగులతో ఉన్నారు జడేజా హాఫ్‌ సెంచరీ..బ్రిస్బేన్‌ టెస్టులో రవీంద్ర జడేజా కీలక హాఫ్‌ సెంచరీ సాధించాడు. 50 ఓవర్లు ముగిసే సరికి భారత్‌ తమ తొలి ఇన్నింగ్స్‌లో 6 వికెట్ల నష్టానికి 176 పరుగులు చేసింది. క్రీజులో జడేజా(50)తో పాటు నితీశ్‌(8) పరుగులతో ఉన్నారు.వరుణుడు ఎంట్రీ.. నిలిచిన పోయిన ఆటబ్రిస్బేన్‌ వేదికగా భారత్‌-ఆస్ట్రేలియా మధ్య మూడో టెస్టు వరుణుడు మరోసారి అంతరాయం కలిగించాడు. వర్షం కారణంగా నాలుగో రోజు ఆట నిలిచిపోయింది. లంచ్‌ విరామం తర్వాత వరుణుడు ఎంట్రీ ఇవ్వడంతో ఆట ఇంకా ప్రారంభం కాలేదు. లంచ్‌ బ్రేక్‌ సమయానికి భారత్‌ 6 వికెట్ల నష్టానికి 147 పరుగులు చేసింది. లంచ్‌ బ్రేక్‌కు భారత్‌ స్కోర్‌: 167/6లంచ్‌ బ్రేక్‌ సమయానికి భారత్‌ 6 వికెట్ల నష్టానికి 147 పరుగులు చేసింది. ఫాల్‌ ఆన్‌ గండం దాటాలంటే భారత్‌ ఇంకా 79 పరుగులు వెనకబడి ఉంది. క్రీజులో రవీంద్ర జడేజా(41), నితీశ్‌ కుమార్‌(7) పరుగులతో ఉన్నారు.కేఎల్‌ రాహుల్‌ ఔట్‌..కేఎల్‌ రూపంలో టీమిండియా ఆరో వికెట్‌ కోల్పోయింది. 84 పరుగులు చేసిన కేఎల్‌ రాహుల్‌.. నాథన్‌ లియోన్‌ బౌలింగ్‌లో పెవిలియన్‌కు చేరాడు. క్రీజులోకి నితీశ్‌ కుమార్‌ రెడ్డి వచ్చాడు.సెంచరీ దిశగా కేఎల్‌ రాహుల్‌..42 ఓవర్లు ముగిసే సరికి భారత్‌ 5 వికెట్ల నష్టానికి 141 పరుగులు చేసింది. కేఎల్‌ రాహుల్‌(84), రవీంద్ర జడేజా(26) నిలకడగా ఆడుతున్నారు. నిలకడగా ఆడుతున్న రాహుల్‌, జడేజా..34 ఓవర్లు ముగిసే సరికి భారత్‌ తమ తొలి ఇన్నింగ్స్‌లో 5 వికెట్ల నష్టానికి 117 పరుగులు చేసింది. కేఎల్‌ రాహుల్‌(76), రవీంద్ర జడేజా(10) నిలకడగా ఆడుతున్నారు. భారత్‌ ఇంకా 328 పరుగులు వెనకబడి ఉంది.రోహిత్‌ శర్మ ఔట్‌...నాలుగో రోజు ఆట ఆరంభంలోనే టీమిండియాకు భారీ షాక్‌ తగిలింది. ప్యాట్‌ కమ్మిన్స్‌ బౌలింగ్‌లో కెప్టెన్‌ రోహిత్‌ శర్మ(10) వికెట్‌ కీపర్‌కు క్యాచ్‌ ఇచ్చి ఔటయ్యాడు. క్రీజులోకి రవీంద్ర జడేజా వచ్చాడు.మూడో రోజు ఆట ఆరంభం..బ్రిస్బేన్‌ వేదికగా భారత్‌-ఆస్ట్రేలియా మధ్య మూడో టెస్టు నాలుగో రోజు ఆట ప్రారంభమైంది. ఆస్ట్రేలియా బౌలింగ్‌ ఎటాక్‌ను ప్యాట్‌ కమ్మిన్స్‌ ప్రారంభించాడు. మూడో రోజు ఆట ముగిసే సమయానికి భారత్‌ 4 వికెట్ల నష్టానికి 51 పరుగులు చేసింది. క్రీజులో కేఎల్‌ రాహుల్‌(34), రోహిత్‌ శర్మ(0) ఉన్నారు.

వెస్టిండీస్‌ క్రికెటర్‌ అమిర్‌ జాంగూ సరికొత్త చరిత్ర సృష్టించాడు. వన్డే అరంగేట్రంలోనే అత్యంత వేగంగా శతకం బాదిన క్రికెటర్‌గా ప్రపంచ రికార్డు నెలకొల్పాడు. బంగ్లాదేశ్‌తో మూడో వన్డే సందర్భంగా ఈ ఫీట్‌ నమోదు చేశాడు.సొంతగడ్డపై సెయింట్‌ కిట్స్‌ వేదికగా బంగ్లాదేశ్‌తో మూడు మ్యాచ్‌ల వన్డే సిరీస్‌ ఆడింది వెస్టిండీస్‌. ఇందులో భాగంగా తొలి వన్డేలో ఐదు వికెట్ల తేడాతో గెలిచిన ఆతిథ్య జట్టు.. రెండో వన్డేలో ఏడు వికెట్ల తేడాతో జయభేరి మోగించింది. ఇక వార్నర్‌ పార్క్‌ స్టేడియంలో గురువారం రాత్రి జరిగిన మూడో వన్డేలో టాస్‌ గెలిచిన వెస్టిండీస్‌ తొలుత బౌలింగ్‌ చేసింది. ఈ క్రమంలో బ్యాటింగ్‌కు దిగిన బంగ్లాదేశ్‌ నిర్ణీత 50 ఓవర్లలో ఐదు వికెట్లు నష్టపోయి 321 పరుగులు చేసింది. అదరగొట్టిన మహ్మదుల్లాసౌమ్య సర్కార్‌(73) హాఫ్‌ సెంచరీతో రాణించగా.. మెహదీ హసన్‌ మిరాజ్‌(77) కెప్టెన్‌ ఇన్నింగ్స్‌ ఆడాడు. ఇక మహ్మదుల్లా 84 పరుగులతో టాప్‌ స్కోరర్‌గా నిలవగా.. అతడితో కలిసి జాకర్‌ అలీ(62*) ఆఖరి వరకు అజేయంగా నిలిచాడు. విండీస్‌ బౌలర్లలో అల్జారీ జోసెఫ్‌ రెండు, గుడకేశ్‌ మోటీ, షెర్ఫానే రూథర్‌ఫర్డ్‌ ఒక్కో వికెట్‌ తీశారు.అమిర్‌ జాంగూ ఆకాశమే హద్దుగాఇక లక్ష్య ఛేదనకు దిగిన వెస్టిండీస్‌ ఆదిలోనే ఓపెనర్లు బ్రాండన్‌ కింగ్‌(15), అలిక్‌ అథనాజ్‌(7) వికెట్లు కోల్పోయింది. కెప్టెన్‌ షాయీ హోప్‌(3) పూర్తిగా విఫలం కాగా.. షెర్ఫానే రూథర్‌ఫర్డ్‌(30) కూడా నిరాశపరిచాడు. ఇలాంటి క్లిష్ట పరిస్థితుల్లో వన్‌డౌన్‌ బ్యాటర్‌ కేసీ కార్టీ జట్టును ఆదుకున్నాడు.ఫాస్టెస్ట్‌ సెంచరీ.. మొత్తంగా 88 బంతులు ఎదుర్కొన్న కార్టీ 95 పరుగులతో రాణించగా.. అతడికి జతైన అరంగేట్ర బ్యాటర్‌ అమిర్‌ జాంగూ ఆకాశమే హద్దుగా చెలరేగాడు. 80 బంతుల్లోనే శతకం పూర్తి చేసుకున్న ఈ వికెట్‌ కీపర్‌ బ్యాటర్‌.. కార్టీతో కలిసి ఐదో వికెట్‌కు 132 పరుగుల భాగస్వామ్యం నెలకొల్పాడు.ఆరోస్థానంలో బ్యాటింగ్‌ చేసిన 27 ఏళ్ల ఈ లెఫ్టాండర్‌ ఆరు ఫోర్లు, నాలుగు సిక్సర్ల సాయంతో 104 పరుగుల సాధించాడు. గుడకేశ్‌ మోటీ(31 బంతుల్లో 44 నాటౌట్‌)తో కలిసి ఆఖరి వరకు అజేయంగా నిలిచి జట్టు విజయంలో కీలక పాత్ర పోషించాడు. కార్టీ, జాంగూ, గుడకేశ్‌ విజృంభణ కారణంగా వెస్టిండీస్‌ 45.5 ఓవర్లలోనే లక్ష్యాన్ని ఛేదించింది. ఆరు వికెట్లు నష్టపోయి 325 పరుగులు సాధించి.. నాలుగు వికెట్ల తేడాతో గెలిచింది. సిరీస్‌ను 3-0తో వైట్‌వాష్‌ చేసింది. అమిర్‌ జాంగూ ‘ప్లేయర్‌ ఆఫ్‌ దిమ్యాచ్‌’, రూథర్‌ఫర్డ్‌ ‘ప్లేయర్‌ ఆఫ్‌ ది సిరీస్‌’ అవార్డు అందుకున్నారు. రీజా హెండ్రిక్స్‌ ప్రపంచ రికార్డు బద్దలుకాగా ట్రినిడాడ్‌కు చెందిన అమిర్‌ జాంగూకు అంతర్జాతీయ క్రికెట్‌లో ఇదే తొలి మ్యాచ్‌. బంగ్లాదేశ్‌తో మూడో వన్డే సందర్భంగా అతడు అరంగేట్రం చేశాడు. వచ్చీ రాగానే ఫాస్టెస్ట్‌ సెంచరీ సాధించి.. సౌతాఫ్రికా స్టార్‌ రీజా హెండ్రిక్స్‌ పేరిట ఉన్న ప్రపంచ రికార్డును జాంగూ బద్దలు కొట్టాడు. ఓవరాల్‌గా ఈ ఘనత సాధించిన 18వ క్రికెటర్‌గా నిలిచాడు. ఇక వన్డే అరంగేట్రంలో సెంచరీ చేసిన తొలి క్రికెటర్‌గా ఇంగ్లండ్‌ బ్యాటర్‌ డెనిస్‌ అమీ రికార్డు సాధించాడు. ఆస్ట్రేలియా మీద 134 బంతుల్లో అతడు 103 పరుగుల సాధించాడు.వన్డే అరంగేట్రంలో ఫాస్టెస్ట్‌ సెంచరీ నమోదు చేసిన టాప్‌-5 క్రికెటర్లు1. అమిర్‌ జాంగూ(వెస్టిండీస్‌)- బంగ్లాదేశ్‌ మీద- 83 బంతుల్లో 104* రన్స్‌2. రీజా హెండ్రిక్స్‌(సౌతాఫ్రికా)- శ్రీలంక మీద- 89 బంతుల్లో 102 రన్స్‌3. కేఎల్‌ రాహుల్‌(ఇండియా)- జింబాబ్వే మీద- 115 బంతుల్లో 100* రన్స్‌4. మార్క్‌ చాప్‌మన్‌(హాంగ్‌కాంగ్‌)- యూఏఈ మీద- 116 బంతుల్లో 124* రన్స్‌5. మైకేల్‌ లాంబ్‌(ఇంగ్లండ్‌)- వెస్టిండీస్‌ మీద- 117 బంతుల్లో 106 రన్స్‌.చదవండి: నా పరిస్థితి బాలేదు.. తాగడం మానేశాను.. వారి సాయం తీసుకుంటా: వినోద్‌ కాంబ్లీAn unforgettable moment on debut!🔥Amir Jangoo takes today's CG United Moment of the Match!👏🏾#WIvBAN #MatchMoment #WIHomeForChristmas pic.twitter.com/TzNnmWvHwG— Windies Cricket (@windiescricket) December 12, 2024Amazing Amir! 🙌A century on debut, only the second West Indian to do so.#WIvBAN | #WIHomeForChristmas pic.twitter.com/UGWGBiNNmm— Windies Cricket (@windiescricket) December 12, 2024

ఆడిలైడ్ వేదిక‌గా ఆస్ట్రేలియాతో జ‌రుగుతున్న తొలి టెస్టులో టీమిండియా స్టార్ ప్లేయ‌ర్ కేఎల్ రాహుల్‌కు ఆదృష్టం కలిసొచ్చింది. తొలి ఇన్నింగ్స్ ఆరంభంలోనే ఔటయ్యే ప్రమాదం నుంచి రాహుల్ తప్పించుకున్నాడు. ఇన్నింగ్స్ మొదటి బంతికే యశస్వీ జైశ్వాల్‌ను మిచిల్ స్టార్క్ పెవిలియన్‌కు పంపాడు.దీంతో మరో ఓపెనర్‌గా ఉన్న రాహుల్ కాస్త ఆచితూచి ఆడాడు. మొదటి 6 ఓవర్లలో 18 బంతులు ఆడి తన ఖాతా తెరవడానికి కష్టపడ్డాడు. ఈ క్రమం‍లో ఆసీస్ కెప్టెన్ ప్యాట్ కమ్మిన్స్‌.. తమ స్టార్ పేసర్ స్కాట్ బోలాండ్‌ను ఎటాక్‌లో తీసుకొచ్చాడు. ఒకే ఓవర్‌లో రెండు ఛాన్స్‌లు..భారత ఇన్నింగ్స్ 7వ ఓవర్ వేసిన బోలాండ్ తొలి బంతిని రాహుల్‌కు వైడ్ ఆఫ్ స్టంప్ దిశగా గుడ్ లెంగ్త్ డెలివరీగా సంధించాడు. ఆ డెలివరీని రాహుల్ బ్యాక్ ఫుట్‌లో డిఫెండ్ ఆడాడు. అయితే రాహుల్ మూమెంట్ కాస్త స్లోగా ఉండడంతో బంతి బ్యాట్‌కు దగ్గరగా వెళ్తూ వికెట్ కీపర్ చేతికి వెళ్లింది. దీంతో బౌలర్‌తో పాటు ఆసీస్ ఫీల్డర్లు క్యాచ్‌కు అప్పీల్ చేయగా అంపైర్ ఔట్ అని వేలు పైకెత్తాడు. అంపైర్ ఔట్ ఇవ్వకముందే రాహుల్ మైదానాన్ని వీడేందుకు సిద్దమయ్యాడు. కానీ ఇక్కడే అస్సులు ట్విస్ట్ చోటు చేసుకుంది. బౌలర్ బోలాండ్ ఓవర్ స్టప్ చేయడంతో అంపైర్ నో బాల్‌గా ప్రకటించాడు. దీంతో కేఎల్ ఔటయ్యే ప్రమాదం నుంచి బయటపడ్డాడు. అయితే రిప్లేలో బంతి బ్యాట్‌కు తాకనట్లు తేలడం గమనార్హం.అనంతరం అదే ఓవర్‌లో రాహుల్‌కు మరో లైఫ్ వచ్చింది. స్లిప్‌లో రాహుల్ ఇచ్చిన క్యాచ్‌ను ఖవాజా జారవిడిచాడు. అయితే తనకు వచ్చిన అవకాశాలను రాహుల్ అందిపుచ్చుకోలేకపోయాడు. ఆఖరికి 37 పరుగులు చేసి మిచెల్ స్టార్క్ బౌలింగ్‌లో ఔటయ్యాడు.చదవండి: ఆ రోజు జైశ్వాల్ ఏమన్నాడో వినలేదు.. కానీ అతడికి అస్సలు భయం లేదు: స్టార్క్‌pic.twitter.com/yAVVCSKmFI— Sunil Gavaskar (@gavaskar_theman) December 6, 2024

ఆస్ట్రేలియాతో రెండో టెస్టు నేపథ్యంలో టీమిండియా కెప్టెన్‌ రోహిత్‌ శర్మ గురువారం మీడియాతో మాట్లాడాడు. ఈ సందర్భంగా ‘పింక్‌ బాల్‌’ టెస్టులో భారత ఓపెనింగ్‌ జోడీపై స్పష్టతనిచ్చాడు. యశస్వి జైస్వాల్‌- కేఎల్‌ రాహుల్‌ ఇన్నింగ్స్‌ ఆరంభిస్తారని హిట్‌మ్యాన్‌ పేర్కొన్నాడు.ఇక.. తాను మిడిలార్డర్‌లో బరిలోకి దిగుతానని చెప్పిన రోహిత్‌ శర్మ.. జట్టు ప్రయోజనాల కోసమే ఈ నిర్ణయం తీసుకున్నట్లు వెల్లడించాడు. తనకు మిడిలార్డర్‌లో బ్యాటింగ్‌ చేయడం కాస్త కష్టమేనని.. అయినా జట్టు కోసం ఓపెనింగ్‌ స్థానం త్యాగం చేయక తప్పలేదని పేర్కొన్నాడు.పితృత్వ సెలవులుకాగా బోర్డర్‌- గావస్కర్‌ ట్రోఫీలో భాగంగా టీమిండియా ఆస్ట్రేలియాతో ఐదు టెస్టులు ఆడుతోంది. అయితే, పెర్త్‌ వేదికగా జరిగిన తొలి టెస్టుకు రోహిత్‌ శర్మ దూరంగా ఉన్నాడు. తన భార్య రితికా సజ్దే కుమారుడు అహాన్‌కు జన్మనివ్వడంతో పితృత్వ సెలవులు తీసుకున్నాడు. అయితే, మొదటి టెస్టు మధ్యలోనే ముంబై నుంచి ఆస్ట్రేలియాకు చేరుకున్నాడు హిట్‌మ్యాన్‌.జైస్వాల్‌తో కలిసి రాణించిన రాహుల్‌ఇదిలా ఉంటే.. పెర్త్‌ టెస్టులో రోహిత్‌ గైర్హాజరీ నేపథ్యంలో ప్రధాన పేసర్‌ జస్‌ప్రీత్‌ బుమ్రా కెప్టెన్‌గా వ్యవహరించగా.. యశస్వి జైస్వాల్‌తో కలిసి కేఎల్‌ రాహుల్‌ ఓపెనింగ్‌ చేశాడు. ఇక తొలి ఇన్నింగ్స్‌లో డకౌట్‌ అయిన జైస్వాల్‌.. రెండో ఇన్నింగ్స్‌లో భారీ శతకం(161) బాదాడు. మరోవైపు.. కేఎల్‌ రాహుల్‌(26, 77) సైతం మెరుగ్గా రాణించాడు.అయితే, రెండో టెస్టుకు రోహిత్‌ శర్మ అందుబాటులోకి రావడంతో ఓపెనింగ్‌ జోడీని మారుస్తారా అనే సందేహాలు నెలకొన్నాయి. రాహుల్‌ను మిడిలార్డర్‌లోకి పంపి రోహిత్‌ ఓపెనర్‌గా వస్తాడేమోనని అంతా భావించారు. అయితే, తానే మిడిలార్డర్‌లో వస్తానని రోహిత్‌ శర్మ తాజాగా క్లారిటీ ఇచ్చాడు. పింక్‌ బాల్‌తోకాగా అడిలైడ్‌ వేదికగా జరిగే రెండో టెస్టు డే అండ్‌ నైట్‌ మ్యాచ్‌. దీనిని పింక్‌ బాల్‌తో నిర్వహిస్తారు. ఇక ఇందుకోసం రోహిత్‌ సేన ఆస్ట్రేలియా ప్రైమ్‌ మినిస్టర్‌ ఎలెవన్‌తో గులాబీ బంతితో ప్రాక్టీస్‌ మ్యాచ్‌ ఆడింది. ఇందులో మిడిలార్డర్‌లో వచ్చిన రోహిత్‌ శర్మ(3) విఫలం కాగా.. ఓపెనర్లు జైస్వాల్‌ 45, రాహుల్‌ 27(రిటైర్డ్‌ హర్ట్‌) పరుగులు చేశారు. ఈ మ్యాచ్‌లో భారత్‌ ఆరు వికెట్ల తేడాతో గెలిచింది. చదవండి: Ind vs Aus 2nd Test: పింక్‌ బాల్‌ టెస్టు.. అడిలైడ్‌ పిచ్‌ వారికే అనుకూలం! క్యూరేటర్‌ కీలక వ్యాఖ్యలు

‘పింక్‌ బాల్‌’తో మ్యాచ్‌ అంత ఈజీ కాదంటున్నాడు టీమిండియా బ్యాటర్‌ కేఎల్‌ రాహుల్‌. క్రీజులోకి వెళ్లిన తర్వాతే దాని సంగతేమిటో పూర్తిగా అర్థమవుతుందని పేర్కొన్నాడు. కాగా బోర్డర్‌- గావస్కర్‌ ట్రోఫీలో భాగంగా ఆస్ట్రేలియాతో తొలి టెస్టులో గెలిచిన టీమిండియా.. రెండో టెస్టులో డే అండ్‌ నైట్‌ మ్యాచ్‌ ఆడనుంది. అయితే, ప్రస్తుతం భారత జట్టులో ఎనిమిది మందికి మాత్రమే డే అండ్‌ నైట్‌(పింక్‌ బాల్‌) టెస్టు ఆడిన అనుభవం ఉంది. అందులోనూ విరాట్‌ కోహ్లి, జస్‌ప్రీత్‌ బుమ్రా, రవిచంద్రన్‌ అశ్విన్‌ మాత్రమే ఆస్ట్రేలియా గడ్డపై పింక్‌ బాల్‌తో ఆడారు.ఇక కేఎల్‌ రాహుల్‌కు ఇదే తొలి ‘పింక్‌ బాల్‌ టెస్టు’ మ్యాచ్‌ కావడం విశేషం. ఈ నేపథ్యంలో ఎర్ర బంతికి, గులాబీ మధ్య తేడా తనకు స్పష్టంగా కనిపిస్తోందని... డే అండ్‌ నైట్‌ టెస్టులో ‘పింక్‌ బాల్‌’ను ఎదుర్కోవడం అంత సులువు కాదని రాహుల్‌ వ్యాఖ్యానించాడు. నాకు ఇది కొత్త అనుభవం‘బౌలర్‌ చేతినుంచి బంతి విడుదలయ్యే సమయంలో దానిని గుర్తించడం కష్టంగా ఉంది. ఎర్ర బంతితో పోలిస్తే చాలా గట్టిగా ఉండటంతో పాటు వేగంగా కూడా దూసుకొస్తోంది. ఫీల్డింగ్‌లో క్యాచ్‌ పట్టే సమయంలో కూడా తేడా స్పష్టంగా కనిపిస్తోంది. స్వింగ్‌ కూడా భిన్నంగా అవుతోంది కాబట్టి అదే మాకు పెద్ద సవాల్‌ కానుంది. నాకు ఇది కొత్త అనుభవం. క్రీజ్‌లోకి వెళ్లాకే దాని సంగతేమిటో చూస్తాను. ఎలాంటి స్థితి ఎదురైనా ఎదుర్కొనేందుకు సిద్ధంగా ఉన్నా’ అని రాహుల్‌ చెప్పాడు.అయితే ప్రాక్టీస్‌ ద్వారా అలవాటు పడేందుకు ప్రయత్నిస్తున్నామని కేఎల్‌ రాహుల్‌ అన్నాడు. ‘గులాబీ బంతి ఎలా స్పందిస్తోందో, ఆడటం ఎంత కష్టమో తెలుసుకునేందుకే మాకు కొంత సమయం పట్టింది. బౌలర్‌ చేతి నుంచి వచ్చే బంతిని గుర్తించడమే తొలి అడుగు. అప్పుడే సరైన షాట్‌ ఆడేందుకు తగిన అవకాశం ఉంటుంది. అందుకే మేమంతా ఎక్కువ బంతులను ఎదుర్కొనేందుకు ప్రయత్నించాం’ అని రాహుల్‌ వెల్లడించాడు. కాగా రెండో టెస్టు కోసం సన్నద్ధమయ్యే క్రమంలో భారత జట్టు ప్రైమ్‌ మినిస్టర్‌ ఎలెవన్‌తో వన్డే ప్రాక్టీస్‌ మ్యాచ్‌ ఆడింది. ఆ తర్వాత పింక్‌ బాల్‌ టెస్టుకు వేదికైన అడిలైడ్‌ చేరుకున్న టీమ్‌ రెండు ప్రాక్టీస్‌ సెషన్లలో పాల్గొంది.ఓపెనర్‌గా ఆడిస్తారా?ఇదిలా ఉంటే.. ఆస్ట్రేలియాతో జరిగిన తొలి టెస్టులో ఓపెనర్‌గా బరిలోకి దిగిన కేఎల్‌ రాహుల్‌ రెండో ఇన్నింగ్స్‌లో అర్ధ శతకంతో ఆకట్టుకున్నాడు. అయితే రెండో టెస్టు కోసం రోహిత్‌ శర్మ అందుబాటులోకి రావడంతో అతని ఓపెనింగ్‌ స్థానంపై సందిగ్ధత నెలకొంది. అతను ఓపెనర్‌గా కొనసాగాలా లేక మిడిలార్డర్‌లో ఆడాలా అనేదానిపై చర్చ మొదలైంది. దీనిపై రాహుల్‌ స్పందించాడు. బుధవారం జరిగిన మీడియా సమావేశంలో ఈ అంశంపై అతడు మాట్లాడాడు. ‘అడిలైడ్‌ టెస్టులో నా బ్యాటింగ్‌ స్థానం ఏమిటనేది నాకు ఇప్పటికే చెప్పేశారు. అయితే మ్యాచ్‌ జరిగే వరకు దాని గురించి మాట్లాడవద్దని కూడా చెప్పారు. నేను దేనికైనా సిద్ధమే. ఏ స్థానమైనా తుది జట్టులో ఉండటమే నాకు అన్నింటికంటే ముఖ్యం. అవకాశం రాగానే బరిలోకి దిగి జట్టు కోసం ఆడటమే ప్రధానం. నేను వేర్వేరు స్థానాల్లో బ్యాటింగ్‌ చేశాను.ఆరంభంలో తొలి 20–25 బంతులు కొంత ఇబ్బందిగా అనేపించేవి. డిఫెన్స్‌ ఆడాలా లేక అటాక్‌ చేయాలనే అని సందేహ పడేవాడిని. అయితే ఇన్నేళ్ల అనుభవం తర్వాత నా ఇన్నింగ్స్‌ను ఎలా నడిపించాలో స్పష్టత వచి్చంది. తొలి 30–40 బంతులు సమర్థంగా ఎదుర్కోగలిగితే అది ఓపెనింగ్‌ అయినా మిడిలార్డర్‌ అయినా అంతా ఒకేలా అనిపిస్తుంది. దానిపైనే నేను దృష్టి పెడతా’ అని రాహుల్‌ వెల్లడించాడు. ముందే చెప్పారుఇక టెస్టు సిరీస్‌లో ఓపెనింగ్‌ చేయాల్సి రావచ్చని తనకు ఆస్ట్రేలియా బయల్దేరడానికి ముందే టీమ్‌ మేనేజ్‌మెంట్‌ చెప్పిందని... అందుకే అన్ని రకాలుగా సన్నద్ధమయ్యానని రాహుల్‌ చెప్పాడు. సరిగ్గా పదేళ్ల క్రితం రాహుల్‌ ఇదే ఆ‍స్ట్రేలియా గడ్డపై టెస్టు క్రికెట్‌లో అరంగేట్రం చేశాడు. ఈ పదేళ్ల కెరీర్‌లో అతను 54 టెస్టులు ఆడాడు. ఈ క్రమంలో పలు గాయాలను అధిగమించిన అతడు... మానసికంగా కూడా ఎన్నో సవాళ్లను ఎదుర్కొన్నట్లు చెప్పాడు. ‘పదేళ్లు కాదు...25 ఏళ్లు గడిచినట్లుగా అనిపిస్తోంది. ఇన్నేళ్లలో నాకు ఎదురైన గాయాలు, ఆటకు దూరమైన రోజులు అలా అనిపించేలా చేస్తున్నాయి. అయితే ఈ దశాబ్దపు కెరీర్‌ను ఆస్వాదించాననేది వాస్తవం. వచ్చే పదేళ్ల కెరీర్‌ కోసం ఎదురు చూస్తున్నాచిన్నప్పుడు నాన్నతో కలిసి ఉదయమే టీవీలో టెస్టులు చూసిన రోజులను దాటి అదే ఆసీస్‌ గడ్డపై తొలి టెస్టు ఆడే సమయంలో ఎంతో భావోద్వేగానికి లోనయ్యా. ఆ సమయంలో నా బ్యాటింగ్, చేయాల్సిన పరుగుల గురించి ఆలోచనే రాలేదు. కెరీర్‌లో ఎన్నో ఎత్తుపల్లాలు చూశాను. గుర్తుంచుకునే క్షణాలతో పాటు కఠిన పరిస్థితులను ఎదుర్కొన్నా. ఇన్నేళ్లలో ఏ స్థానంలో అయిన ఆడగలిగేలా మానసికంగా దృఢంగా తయారయ్యా. వచ్చే పదేళ్ల కెరీర్‌ కోసం ఎదురు చూస్తున్నా’ అని రాహుల్‌ వివరించాడు.చదవండి: టీ20 క్రికెట్‌లో పెను సంచలనం.. బరోడా జట్టు ప్రపంచ రికార్డు.. హార్దిక్‌ పాండ్యా లేకుండానే!

ఆస్ట్రేలియాతో రెండో టెస్టు కోసం టీమిండియా సన్నద్ధమవుతోంది. అడిలైడ్‌ వేదికగా శుక్రవారం నుంచి మొదలుకానున్న పింక్‌ బాల్‌ మ్యాచ్‌ కోసం ప్రాక్టీస్‌లో తలమునకలైంది. ఇక ఈ టెస్టు కోసం రెగ్యులర్‌ కెప్టెన్‌, ఓపెనర్‌ రోహిత్‌ శర్మ జట్టుతో చేరడంతో.. భారత తుదిజట్టు కూర్పుపై చర్చలు నడుస్తున్నాయి.రాణించిన రాహుల్‌కాగా పితృత్వ సెలవుల కారణంగా రోహిత్‌ గైర్హాజరైన నేపథ్యంలో.. పెర్త్‌లో ఆసీస్‌తో జరిగిన తొలి టెస్టులో టీమిండియాకు జస్‌ప్రీత్‌ బుమ్రా సారథ్యం వహించాడు. ఈ పేస్‌ బౌలర్‌ కెప్టెన్సీల్లో భారత్‌ కంగారూలను 295 పరుగుల తేడాతో మట్టికరిపించింది. ఇక ఈ విజయంలో.. బ్యాటింగ్‌ విభాగంలో ఓపెనింగ్‌ జోడీ యశస్వి జైస్వాల్‌(161), కేఎల్‌ రాహుల్‌(77)లతో పాటు విరాట్‌ కోహ్లి(100 నాటౌట్‌) కీలక పాత్ర పోషించారు. ఓపెనర్‌గా వస్తాడా? లేదంటే ఇదిలా ఉంటే.. రోహిత్‌ శర్మ రాకతో కేఎల్‌ రాహుల్‌ స్థానం ప్రశ్నార్థకంగా మారింది. అడిలైడ్‌ టెస్టులో ఈ కర్ణాటక బ్యాటర్‌ ఓపెనర్‌గా వస్తాడా? లేదంటే మిడిలార్డర్‌లో బరిలోకి దిగుతాడా అన్న సందేహాలు నెలకొన్నాయి. ఈ నేపథ్యంలో బుధవారం మీడియాతో మాట్లాడిన కేఎల్‌ రాహుల్‌ ఆసక్తికర వ్యాఖ్యలు చేశాడు.తుదిజట్టులో చోటు ఉండాలి కదా!‘‘ముందుగా నాకు తుదిజట్టులో చోటు దక్కడమే ముఖ్యం. ఇక బ్యాటింగ్‌ ఆర్డర్‌లో ఎక్కడైనా రావడానికి సిద్ధంగా ఉన్నాను. జట్టు ప్రయోజనాల కోసం ఏ స్థానంలోనైనా ఆడతా. ఓపెనర్‌గా అయినా.. మిడిలార్డర్‌ బ్యాటర్‌గా అయినా జట్టును గెలిపించేందుకు నా వంతు కృషి చేస్తా.మొదట్లో కాస్త కష్టంగా ఉండేది..ఇప్పటి వరకు నా కెరీర్‌లో వేర్వేరు స్థానాల్లో బ్యాటింగ్‌ చేశాను. మొదట్లో కాస్త కష్టంగా ఉండేది. అయితే, అది కూడా టెక్నిక్‌ పరంగా కాకుండా.. మానసికంగా కాస్త ఇబ్బందిగా ఉండేది. తొలి 20 -25 బంతుల పాటు కఠినంగా తోచేది.ఇక ఇప్పటికి చాలాసార్లు నేను టెస్టుల్లో, వన్డేల్లో వేర్వేరు స్థానాల్లో ఆడాను కాబట్టి పరిస్థితిలో కాస్త మార్పు వచ్చింది. ఇప్పుడు ఏ స్థానంలో ఎలా ఆడాలో నాకు స్పష్టత ఉంది. తొలి 30- 40 బంతుల పాటు నిలదొక్కుకోగలిగితే.. ఆ తర్వాత నా రెగ్యులర్‌ స్టైల్‌లో ముందుకు సాగడం తేలికవుతుంది’’ అని స్టైలిష్‌ బ్యాటర్‌ కేఎల్‌ రాహుల్‌ చెప్పుకొచ్చాడు.విదేశీ గడ్డపై ఐదుకాగా కేఎల్‌ రాహుల్‌ ఇప్పటి వరకు తన కెరీర్లో 54 టెస్టులు ఆడి 3084 పరుగులు చేశాడు. ఇందులో ఎనిమిది శతకాలు ఉండగా.. వీటిలో రెండు సౌతాఫ్రికా, రెండు ఇంగ్లండ్‌, ఒకటి ఆస్ట్రేలియాలో సాధించినవి. ఇక పెర్త్‌ టెస్టులోనూ రాహుల్‌ తొలి ఇన్నింగ్స్‌లో 26 పరుగులే చేసినా.. రెండో ఇన్నింగ్స్‌లో కీలకమైన అర్ధ శతకం(77)తో రాణించాడు.శుబ్‌మన్‌ గిల్‌ కూడా వచ్చేశాడుఇదిలా ఉంటే.. రోహిత్‌ శర్మతో పాటు శుబ్‌మన్‌ గిల్‌ కూడా రెండో టెస్టుకు అందుబాటులోకి వచ్చాడు. దీంతో రాహుల్ బ్యాటింగ్‌ ఆర్డర్‌ మారటంతో పాటు.. ధ్రువ్‌ జురెల్‌పై వేటు పడే అవకాశం ఉంది. ఇక బోర్డర్‌- గావస్కర్‌ ట్రోఫీలో భాగంగా ఐదు టెస్టులు ఆడేందుకు టీమిండియా ఆస్ట్రేలియా పర్యటనకు వెళ్లిన విషయం తెలిసిందే.చదవండి: వినోద్‌ కాంబ్లీని కలిసిన సచిన్‌.. చేయి వదలకుండా బిగించడంతో.. ఆఖరికి

అడిలైడ్‌ వేదికగా ఆస్ట్రేలియాతో జరిగే రెండో టెస్ట్‌లో టీమిండియా కెప్టెన్‌ రోహిత్‌ శర్మ మిడిలార్డర్‌ బ్యాటింగ్‌కు వస్తాడా అంటే అవుననే సమాధానమే వినిపిస్తుంది. చాలామంది విశ్లేషకులు రోహిత్‌ మిడిలార్డర్‌లో రావడమే మంచిదని అభిప్రాయపడుతున్నారు. జట్టు అవసరాల దృష్ట్యా ఇదే కరెక్ట్‌ అని హిట్‌మ్యాన్‌ కూడా భావిస్తున్నట్లు సమాచారం.ఒకవేళ రోహిత్‌ మిడిలార్డర్‌లో రావాలనుకుంటే ఏ స్థానంలో బరిలోకి దిగాలన్న ప్రశ్న ఉత్పన్నమవుతుంది. జట్టు సమీకరణల దృష్ట్యా రోహిత్‌ ఐదు లేదా ఆరో స్థానాల్లో బరిలోకి దిగవచ్చు. యశస్వి జైస్వాల్‌, కేఎల్‌ రాహుల్‌ ఓపెనర్లుగా బరిలోకి దిగితే.. వన్‌డౌన్‌లో శుభ్‌మన్‌ గిల్‌, నాలుగో స్థానంలో విరాట్‌ కోహ్లి, ఐదో స్థానంలో రిషబ్‌ పంత్‌ బరిలో ఉంటారు.రోహిత్‌ గతంలో కూడా చాలా సందర్భాల్లో ఆరో స్థానంలో బ్యాటింగ్‌కు దిగాడు. టెస్ట్‌ కెరీర్‌ ఆరంభంలో హిట్‌మ్యాన్‌ ఇదే స్థానంలో బ్యాటింగ్‌ చేసేవాడు. రోహిత్‌కు ఓపెనర్‌గా కంటే ఆరో స్థానంలో మంచి రికార్డు ఉంది. ఓపెనర్‌గా రోహిత్‌ 64 ఇన్నింగ్స్‌ల్లో 44.02 సగటున పరుగులు చేస్తే.. ఆరో స్థానంలో అతని సగటు 54.58గా ఉంది.కేఎల్‌ రాహుల్‌ను కదపకపోవడమే మంచిది..!తొలి టెస్ట్‌లో ఓపెనర్‌గా అద్భుతమైన బ్యాటింగ్‌ పెర్ఫార్మెన్స్‌ కనబర్చిన కేఎల్‌ రాహుల్‌ను రెండో టెస్ట్‌లోనూ ఓపెనర్‌గా కొనసాగించడం మంచిది. రాహుల్‌ కోసం రోహిత్ తన ఓపెనింగ్‌ స్థానాన్ని త్యాగం చేయడం ఉత్తమమని చాలామంది అభిప్రాయపడుతున్నారు. పైగా రోహిత్‌ టెస్ట్‌ల్లో గత కొంతకాలంగా పెద్దగా ఫామ్‌లో లేడు.రెండో టెస్ట్‌లో భారత తుది జట్టు (అంచనా)..యశస్వి జైస్వాల్‌, కేఎల్‌ రాహుల్‌, శుభ్‌మన్‌ గిల్‌, విరాట్‌ కోహ్లి, రిషబ్‌ పంత్‌, రోహిత్‌ శర్మ (కెప్టెన్‌), నితీశ్‌ కుమార్‌ రెడ్డి, వాషింగ్టన్‌ సుందర్‌, జస్ప్రీత్‌ బుమ్రా, మొహమ్మద్‌ సిరాజ్‌, హర్షిత్‌ రాణా

ఐపీఎల్‌ మెగా వేలం-2025లో కోల్‌కతా నైట్‌ రైడర్స్‌(కేకేఆర్‌) ఫ్రాంఛైజీ అనుసరించిన వ్యూహం తనకు ఆశ్చర్యం కలిగించిందని టీమిండియా మాజీ ఓపెనర్‌ ఆకాశ్‌ చోప్రా అన్నాడు. వెంకటేశ్‌ అయ్యర్‌ కోసం ఏకంగా రూ. 23.75 కోట్లు ఖర్చు చేయడం ఏమిటని ప్రశ్నించాడు. అతడి కంటే ఇషాన్‌ కిషన్‌ తక్కువ ధరకు వచ్చేవాడని.. అయినప్పటికీ ఆ దిశగా ఎందుకు ప్రయత్నాలు చేయలేదని కేకేఆర్‌ నిర్ణయాలను విమర్శించాడు.మూడో ఆటగాడిగాసౌదీ అరేబియాలోని జెద్దా నగరంలో నవంబరు 24, 25 తేదీల్లో మెగా వేలం జరిగిన విషయం తెలిసిందే. ఈ నేపథ్యంలో మొదటిరోజే వెంకటేశ్‌ అయ్యర్‌ కోసం కేకేఆర్‌ కళ్లు చెదిరే మొత్తం ఖర్చు చేసింది. ఫలితంగా క్యాష్‌ రిచ్‌ లీగ్‌ చరిత్రలో అత్యంత ఎక్కువ ధరకు అమ్ముడుపోయిన మూడో ఆటగాడిగా వెంకటేశ్‌ నిలిచాడు.ఈ నేపథ్యంలో కామెంటేటర్‌ ఆకాశ్‌ చోప్రా మాట్లాడుతూ.. ‘‘వేలానికి ముందు ఇద్దరు అయ్యర్ల(శ్రేయస్‌, వెంకటేశ్‌)ను కేకేఆర్‌ రిటైన్‌ చేసుకోలేకపోయింది. వారి డిమాండ్‌ను బట్టి వేలంలో ఒక్కరినే దక్కించుకోలగలదని తెలుసు. అయితే, వాళ్లకు ఇప్పుడు కెప్టెన్‌ అవసరం ఉంది. అయినప్పటికీ వెంకీ కోసం వాళ్లు భారీగా ఖర్చు పెట్టారు.ఇందులో వెంకీ రెండింటికీ సరిపోడుఒక్క ఆటగాడి కోసమే రూ. 23.75 కోట్లు వెచ్చించారు. కెప్టెన్‌ ఆప్షన్‌ లేదంటే.. ప్రత్యేక నైపుణ్యాలున్న ఆటగాడి కోసం ఎవరైనా ఇంత భారీగా ఖర్చు చేయొచ్చు. కానీ.. ఇందులో వెంకీ రెండింటికీ సరిపోడు. విశ్వాసపాత్రులుగా ఉండటం చాలా ఖరీదుతో కూడుకున్న వ్యవహారం అంటారు.అతడు 12 కోట్లకే వచ్చేవాడు.. ఇషాన్‌ కూడా చీప్‌ ఇక్కడ అది నిజమే అనిపిస్తోంది. ఒక్కడి కోసం ఇంత మొత్తం పెట్టినపుడు.. ఏదో ఒక విషయంలో మీరు కాంప్రమైజ్‌ కావాల్సి వస్తుంది. ఇక్కడ అదే జరిగింది. మీకు ఓపెనర్‌ కావాలని అనుకుంటే... ఫిల్‌ సాల్ట్‌(ఆర్సీబీ) కోసం పోటీపడి రూ. 12 కోట్లకు సొంతం చేసుకోవాల్సింది. లేదంటే కేఎల్‌ రాహుల్‌(ఢిల్లీ) కోసం రూ. 14 కోట్లకు పైగా వెచ్చించాల్సింది. అదీ కాకపోతే ఇషాన్‌ కిషన్‌(సన్‌రైజర్స్‌) కూడా తక్కువ ధరకు అందుబాటులో ఉన్నాడు.అతడు కూడా మంచి ఓపెనర్‌. అయినప్పటికీ మీరెందుకు వెంకటేశ్‌ కోసం రూ. 20 కోట్లకు పైగా ఎందుకు ఖర్చు చేశారో అర్థం కావడం లేదు’’ అని చోప్రా కేకేఆర్‌ వ్యూహాలను విమర్శించాడు. కాగా వెంకటేశ్‌ అయ్యర్‌ బ్యాటింగ్‌ ఆల్‌రౌండర్‌. అతడు పేస్‌ బౌలింగ్‌ కూడా చేయగలడు. కానీ అతడి బౌలింగ్‌ గణాంకాలు మాత్రం అంతంతమాత్రమే. ఇప్పటి వరకు ఐపీఎల్‌లో మొత్తంగా 50 మ్యాచ్‌లు ఆడిన వెంకటేశ్‌ అయ్యర్‌ 1326 పరుగులు చేయడంతో పాటు.. మూడు వికెట్లు తీయగలిగాడు.కేకేఆర్‌ను చాంపియన్‌గా నిలపడంలోఐపీఎల్‌-2024లో కేకేఆర్‌ను చాంపియన్‌గా నిలపడంలో వెంకటేశ్‌ అయ్యర్‌ది కీలక పాత్ర. సన్‌రైజర్స్‌ హైదరాబాద్‌తో జరిగిన ఫైనల్లో 26 బంతుల్లోనే 52 పరుగులతో కెప్టెన్‌ శ్రేయస్‌ అయ్యర్‌(6*)తో కలిసి ఆఖరి వరకు అజేయంగా నిలిచి జట్టును విజయతీరాలకు చేర్చాడు. అయితే, వేలానికి ముందు కేకేఆర్‌ వీరిద్దరిని విడిచిపెట్టాల్సి వచ్చింది. దీంతో వెంకీని తిరిగి దక్కించుకునే అవకాశం రాగా.. శ్రేయస్‌ అయ్యర్‌ను రూ. 26.75 కోట్లకు పంజాబ్‌ కింగ్స్‌ సొంతం చేసుకుంది. ఇదిలా ఉంటే.. ఐపీఎల్‌-2024లో వెంకటేశ్‌ అయ్యర్‌ 13 ఇన్నింగ్స్‌లో కేవలం 370 రన్స్‌ చేశాడు.చదవండి: వేలం ముగిసింది.. ఇక మిగిలింది అదే!.. ఏ జట్టులో ఎవరు? ఎవరి పర్సులో ఎంత? ఎన్ని ఖాళీలు

ఇండియన్‌ ప్రీమియర్‌ లీగ్‌-2025 మెగా వేలంలో టీమిండియా స్టార్‌ క్రికెటర్‌ కేఎల్‌ రాహుల్‌కు అనుకున్నంత ధర దక్కలేదు. భారీ అంచనాల నడుమ ఆక్షన్‌లోకి వచ్చిన ఈ వికెట్‌ కీపర్‌ కోసం ఏ ఫ్రాంఛైజీ కూడా మరీ అంతగా ఎగబడిపోలేదు. రూ. 2 కోట్ల కనీస ధరతో రాహుల్‌ తన పేరును నమోదు చేసుకున్నాడు.అయితే, లోకల్‌ బాయ్‌ కోసం రాయల్‌ చాలెంజర్స్‌ బెంగళూరు తొలుత బిడ్‌ వేయగా.. కోల్‌కతా నైట్‌ రైడర్స్‌ కూడా పోటీకి వచ్చింది. కానీ ధర కాస్త పెరగగానే ఈ రెండూ తప్పుకోగా.. ఢిల్లీ క్యాపిటల్స్‌, చెన్నై సూపర్‌ కింగ్స్‌ రాహుల్‌ కోసం పోటీపడ్డాయి. అలా ఆఖరికి రాహుల్‌ను ఢిల్లీ రూ. 14 కోట్లకు దక్కించుకుంది.కాగా కేఎల్‌ రాహుల్‌ ఐపీఎల్‌-2022- 2024 వరకు లక్నో సూపర్‌ జెయింట్స్‌కు సారథ్యం వహించాడు. లక్నో ఫ్రాంఛైజీని అరంగేట్రంలో(2022)నే ప్లే ఆఫ్స్‌ చేర్చి సత్తా చాటాడు. మరుసటి ఏడాది కూడా టాప్‌-4లో నిలిపాడు. కానీ.. ఐపీఎల్‌-2024లో మాత్రం లక్నోకు వరుస పరాభవాలు ఎదురయ్యాయి.రాహుల్‌పై గోయెంకా ఆగ్రహంసీజన్‌ మొత్తంలో ఆడిన పద్నాలుగు మ్యాచ్‌లలో కేవలం ఏడు మాత్రమే గెలిచిన లక్నో.. 14 పాయింట్లతో పట్టికలో ఏడో స్థానానికి పరిమితమైంది. ఇదిలా ఉంటే.. సన్‌రైజర్స్‌ హైదరాబాద్‌ చేతిలో లక్నో చిత్తుగా ఓడిన నేపథ్యంలో.. ఆ ఫ్రాంఛైజీ యజమాని, ప్రముఖ వ్యాపారవేత్త సంజీవ్‌ గోయెంకా.. తమ కెప్టెన్‌ కేఎల్‌ రాహుల్‌పై బహిరంగంగానే ఆగ్రహం వ్యక్తం చేశాడు.స్వేచ్ఛ ఉన్న చోటే ఆడాలనిఅందరి ముందే రాహుల్‌ను గోయెంకా తిట్టినట్లుగా ఉన్న దృశ్యాలు నెట్టింట విస్తృతంగా వైరల్‌ అయ్యాయి. ఈ నేపథ్యంలో రిటెన్షన్‌కు ముందు రాహుల్‌- లక్నోల బంధం తెగిపోయింది. ఈ విషయంపై రాహుల్‌ స్పందిస్తూ.. స్వేచ్ఛ ఉన్న చోట ఆడాలని అనుకుంటున్నట్లు పరోక్షంగా గోయెంకా వైపు మాటల బాణాలు విసిరాడు.ఈ నేపథ్యంలో మెగా వేలం సందర్భంగా సంజీవ్‌ గోయోంకా సైతం కేఎల్‌ రాహుల్‌కు కౌంటర్‌ గట్టిగానే ఇచ్చాడు. కాగా సౌదీ అరేబియాలో జరిగిన ఆక్షన్‌లో లక్నో.. టీమిండియా స్టార్‌ రిషభ్‌ పంత్‌ కోసం రూ. 27 కోట్లు వెచ్చించింది. ఈ విషయం గురించి గోయెంకా మాట్లాడుతూ.. ‘‘మాకు కావాల్సిన ఆటగాడికి ఉండాల్సిన లక్షణాలన్నీ పంత్‌లో ఉన్నాయి. అందుకే అతడి కోసం మేము ముందే రూ. 25- 27 కోట్లు పక్కన పెట్టుకున్నాం’’ అని పేర్కొన్నాడు.ఏదేమైనా వేలం ముగిసే సరికి పంత్‌, రాహుల్‌ల జట్లు తారమారయ్యాయి. రాహుల్‌ స్థానంలో లక్నో కెప్టెన్‌గా పంత్‌, పంత్‌ ప్లేస్‌లో ఢిల్లీ సారథిగా రాహుల్‌ వ్యవహరించే అవకాశం ఉంది. ఈ నేపథ్యంలో ఓ నెటిజన్‌ వీళ్లిద్దరి ఫొటోతో ఓ ఆసక్తికర ట్వీట్‌ చేశాడు. అన్నీ బాగానే ఉంటాయి.. కానీరాహుల్‌ పంత్‌ చెవిలో ముచ్చటిస్తున్నట్లుగా ఉన్న ఫొటోకు.. ‘‘చూడు భాయ్‌.. కంపెనీ మంచిది.. డబ్బు కూడా బాగానే ఇస్తారు.. కానీ బాస్‌ మాత్రం విషపూరితమైన మనసున్న వ్యక్తి’’ అంటూ క్యాప్షన్‌ జతచేశాడు. ఇందుకు ప్రముఖ వ్యాపారవేత్త, సంజీవ్‌ గోయెంకా అన్న హర్ష్‌ గోయెంకా స్పందించారు. ఇదేమిటబ్బా అన్నట్లుగా ఉన్న ఎమోజీని ఆయన జతచేశారు.చదవండి: IPL 2025 Mega Auction: మెగా వేలంలో అమ్ముడుపోయిన ఆటగాళ్ల పూర్తి జాబితా ఇదే..!

బోర్డర్‌- గావస్కర్‌ ట్రోఫీ 2024-25లో టీమిండియా శుభారంభం చేసింది. పెర్త్‌ టెస్టులో ఆస్ట్రేలియాను చిత్తుగా ఓడించింది. ఏకంగా 295 పరుగుల తేడాతో భారీ విజయం సాధించింది. ఈ గెలుపుతో ఐదు మ్యాచ్‌ల టెస్టు సిరీస్‌లో 1-0తో భారత్‌ ఆధిక్యంలోకి వెళ్లింది.నాలుగు టెస్టుల్లో గెలవాల్సిందేప్రపంచ టెస్టు చాంపియన్‌షిప్‌ 2023-25లో భాగంగా టీమిండియా ఆసీస్‌తో తమ ఆఖరి సిరీస్‌ ఆడుతోంది. ఈ మెగా ఈవెంట్‌లో ఫైనల్‌కు చేరాలంటే ఆసీస్‌పై కచ్చితంగా నాలుగు టెస్టుల్లో గెలవాల్సిందే. ఇలాంటి విపత్కర పరిస్థితుల్లో రెగ్యులర్‌ కెప్టెన్‌ రోహిత్‌ శర్మ వ్యక్తిగత కారణాల వల్ల మొదటి టెస్టుకు దూరమయ్యాడు.బాధ్యతలు తీసుకున్న బుమ్రాఅయితే, సారథిగా ఉంటానంటూ బాధ్యతలు తీసుకున్న వైస్‌ కెప్టెన్‌ జస్‌ప్రీత్‌ బుమ్రా.. తన పనిని సమర్థవంతంగా నెరవేర్చాడు. కెప్టెన్సీతో పాటు, ఆటగాడిగానూ అదరగొట్టిన ఈ పేస్‌ దళ నాయకుడు ఆసీస్‌ గడ్డపై కెప్టెన్‌గా తొలి ప్రయత్నంలోనే ఘన విజయం అందుకున్నాడు.అప్పుడు ఆదుకున్న పంత్‌, నితీశ్‌ రెడ్డిపెర్త్‌ స్టేడియంలో శుక్రవారం మొదలైన ఈ టెస్టు మ్యాచ్‌లో టాస్‌ గెలిచిన బుమ్రా తొలుత బ్యాటింగ్‌ ఎంచుకున్నాడు. అయితే, పూర్తిగా సీమర్లకే అనుకూలించిన పిచ్‌పై భారత బ్యాటర్లు ఆరంభంలో తడబడ్డారు. టాపార్డర్‌లో ఓపెనర్లు యశస్వి జైస్వాల్‌(0), వన్‌డౌన్‌ బ్యాటర్‌ దేవ్‌దత్‌ పడిక్కల్‌(0) పరుగుల ఖాతా తెరవకుండానే నిష్క్రమించారు.అయితే, మరో ఓపెనర్‌ కేఎల్‌ రాహుల్‌(26) పట్టుదలగా నిలబడినా.. వివాదాస్పద రీతిలో థర్డ్‌ అంపైర్‌ అతడిని అవుట్‌గా ప్రకటించాడు. మరోవైపు.. విరాట్‌ కోహ్లి(5) సైతం నిరాశపరచగా.. రిషభ్‌ పంత్‌(37), అరంగేట్ర ఆల్‌రౌండర్‌ నితీశ్‌ రెడ్డి(41) రాణించడం కలిసి వచ్చింది. దీంతో తొలి ఇన్నింగ్స్‌లో టీమిండియా 150 పరుగుల గౌరవప్రదమైన స్కోరుకు ఆలౌట్‌ అయింది. ఆసీస్‌ బౌలర్లలో పేసర్లలో జోష్‌ హాజిల్‌వుడ్‌ నాలుగు వికెట్లు దక్కించుకోగా.. స్టార్క్‌, కెప్టెన్‌ కమిన్స్‌. మిచెల్‌ మార్ష్‌ రెండేసి వికెట్లు పడగొట్టారు.చెలరేగిన బుమ్రా.. కుప్పకూలిన ఆసీస్‌అనంతరం తొలిరోజే బ్యాటింగ్‌ మొదలుపెట్టిన ఆస్ట్రేలియాకు బుమ్రా తన పేస్‌ పదునుతో చుక్కలు చూపించాడు. అతడికి తోడుగా మహ్మద్‌ సిరాజ్‌, హర్షిత్‌ రాణా రాణించడంతో మొదటిరోజు కేవలం 67 పరుగులే చేసి ఏకంగా ఏడు వికెట్లు కోల్పోయింది. శనివారం నాటి రెండో రోజు ఆటలో భాగంగా 104 పరుగుల వద్ద ఆసీస్‌ ఆలౌట్‌ అయింది. బుమ్రాకు ఐదు, రాణాకు మూడు, సిరాజ్‌కు రెండు వికెట్లు దక్కాయి.జైస్వాల్‌ భారీ సెంచరీ.. శతక్కొట్టిన కోహ్లిఫలితంగా 46 పరుగుల స్వల్ప ఆధిక్యంతో రెండో ఇన్నింగ్స్‌కు మొదలుపెట్టిన టీమిండియాకు ఓపెనర్లు యశస్వి జైస్వాల్‌, కేఎల్‌ రాహుల్‌ శుభారంభం అందించారు. ఆదివారం నాటి మూడో రోజు ఆటలో యశస్వి భారీ శతకం(161) పూర్తి చేసుకోగా.. రాహుల్‌ 77 పరుగులతో ఆకట్టుకున్నాడు. వీరిద్దరి భారీ భాగస్వామ్యంతో పెర్త్‌లో పట్టు బిగించిన టీమిండియా.. కోహ్లి అజేయ సెంచరీ(100)కి తోడు నితీశ్‌ రెడ్డి మెరుపు ఇన్నింగ్స్‌ (27 బంతుల్లో 38 నాటౌట్‌)కారణంగా మరింత పటిష్ట స్థితిలో నిలిచింది.534 పరుగుల భారీ లక్ష్యం.. చేతులెత్తేసిన ఆసీస్‌ఆరు వికెట్ల నష్టానికి 487 పరుగుల వద్ద ఉండగా.. రెండో ఇన్నింగ్స్‌ను డిక్లేర్‌ చేసింది. తద్వారా ఆసీస్‌ ముందు 534 పరుగుల భారీ లక్ష్యం ఉంచింది. అయితే, ఆది నుంచే మరోసారి అటాక్‌ ఆరంభించిన భారత బౌలర్లు ఆసీస్‌ను 238 పరుగులకే ఆలౌట్‌ చేశారు. దీంతో టీమిండియా జయభేరి మోగించి ఆసీస్‌కు సొంతగడ్డపై భారీ షాకిచ్చింది. ఇక భారత బౌలర్లలో బుమ్రా, సిరాజ్‌ మూడేసి వికెట్లు కూల్చగా.. వాషింగ్టన్‌ సుందర్‌ రెండు, హర్షిత్‌ రాణా, నితీశ్‌ రెడ్డి ఒక్కో వికెట్‌ తమ ఖాతాలో వేసుకున్నారు. కాగా ఆస్ట్రేలియాలో టీమిండియాకు ఇదే అతిపెద్ద విజయం నమోదు చేసింది.టీమిండియా వర్సెస్‌ ఆస్ట్రేలియా తొలి టెస్టు👉వేదిక: పెర్త్‌ స్టేడియం, పెర్త్‌👉టాస్‌: టీమిండియా.. బ్యాటింగ్‌👉టీమిండియా మొదటి ఇన్నింగ్స్‌ స్కోరు: 150 ఆలౌట్‌👉ఆస్ట్రేలియా మొదటి ఇన్నింగ్స్‌ స్కోరు: 104 ఆలౌట్‌👉టీమిండియా రెండో ఇన్నింగ్స్‌ స్కోరు:487/6 డిక్లేర్డ్‌👉ఆసీస్‌ లక్ష్యం: 534 పరుగులు👉ఆస్ట్రేలియా రెండో ఇన్నింగ్స్‌ స్కోరు: 238 ఆలౌట్‌👉ఫలితం: ఆసీస్‌పై 295 పరుగుల తేడాతో టీమిండియా భారీ గెలుపు👉ప్లేయర్‌ ఆఫ్‌ ది మ్యాచ్‌: జస్‌ప్రీత్‌ బుమ్రా(8 వికెట్లు)👉నాలుగురోజుల్లోనే ముగిసిన మ్యాచ్‌.చదవండి: IPL Auction 2025: అతడికి ఏకంగా రూ. 18 కోట్లు.. కారణం మాత్రం కావ్యానే!.. పాపం ప్రీతి!Big wicket for India! Siraj with a beauty! #AUSvIND pic.twitter.com/NEJykx9Avj— cricket.com.au (@cricketcomau) November 25, 2024History Made Down Under! 🇮🇳✨Team India seals a memorable victory, becoming the FIRST team to defeat Australia at the Optus Stadium, Perth! 🏟💥A moment of pride, determination, and unmatched brilliance as #TeamIndia conquers new heights in the 1st Test & secures No.1 Spot in… pic.twitter.com/B61Ic9qLuO— Star Sports (@StarSportsIndia) November 25, 2024

ఐపీఎల్‌-2025 మెగా వేలంలో టీమిండియా స్టార్ ప్లేయర్ కేఎల్ రాహుల్‌కు షాక్ తగిలింది. భారీ ధరకు అమ్ముడుపోతాడనుకున్న రాహుల్‌ను నామమాత్రపు ధరకే ఢిల్లీ క్యాపిటల్స్ కొనుగోలు చేసింది. రూ. 14 కోట్లకు రాహుల్‌ను ఢిల్లీ సొంతం చేసుకుంది.రూ. 2 కోట్ల కనీస ధరతో ఈ వేలంలో వచ్చిన రాహుల్ కోసం తొలుత రాయల్ ఛాలెంజర్స్‌, కోల్‌కతా నైట్‌రైడర్స్ పోటీ పడ్డాయి. ఈ రెండు ఫ్రాంచైజీలు అతడిని దక్కించుకోవడానికి ప్రయత్నించాయి. అయితే మధ్యలో ఢిల్లీ క్యాపిటల్స్‌, చెన్నై సూపర్ కింగ్స్ ఎంట్రీ ఇచ్చాయి. దీంతో ఆర్సీబీ, కేకేఆర్ వెనక్కి తగ్గాయి. అయితే ఆఖరికి సీఎస్‌కే కూడా పోటీ నుంచి తప్పుకోవడంతో రాహుల్ ఢిల్లీ సొంతమయ్యాడు. అతడికి ఢిల్లీ క్యాపిటల్స్ తమ జట్టు పగ్గాలను అప్పగించే అవకాశముంది. కాగా ఈ వేలంలో ఆర్సీబీ రాహుల్‌ను కొనుగోలు చేస్తుందని జోరుగా ప్రచారం సాగింది. కానీ వేలంలో మాత్రం అతడికి కోసం ఆర్సీబీ ప్రయత్నించలేదు.కాగా ఐపీఎల్‌-2022 నుంచి 2024 వరకు రాహుల్‌ లక్నో కెప్టెన్‌గా వ్యవహరించాడు. రెండుసార్లు ఆ జట్టును ప్లే ఆఫ్స్‌చేర్చాడు. కానీ అతడిని ఐపీఎల్‌-2025 మెగా వేలానికి ముందు లక్నో రిటైన్‌ చేసుకోలేదు. అందుకు జట్టు యాజమాని సంజీవ్‌ గోయెంకాతో విభేదాలే కారణమని వార్తలు వినిపించాయి.కాగా ఐపీఎల్‌లో రాహుల్‌కు మంచి రికార్డు ఉంది. ఇప్ప‌టివ‌ర‌కు 132 మ్యాచ్‌లు ఆడిన రాహుల్‌.. 45.47 స‌గ‌టుతో 4683 పరుగులు చేశాడు. అత‌డి ఇన్నింగ్స్‌ల‌లో 37 హాఫ్ సెంచరీలు, 4 సెంచరీలు ఉన్నాయి.చదవండి: Yuzvendra Chahal: వేలంలో చహల్‌కు కళ్లు చెదిరే ధర.. జాక్‌పాట్‌ కొట్టేశాడు

ఫ్రాంచైజీల చేతిలో ఉన్నవి రూ. 641.50 కోట్లు... కొనుగోలు చేయాల్సిన ఆటగాళ్లు 204... అందుబాటులో ఉన్న ప్లేయర్లు 577 మంది... అత్యధిక మొత్తం ఉన్న ఫ్రాంచైజీ పంజాబ్‌ కింగ్స్‌ రూ 110.50 కోట్లు. ఈ అంకెలు చాలు ఐపీఎల్‌ ఆటనే కాదు... వేలం పాట కూడా సూపర్‌హిట్‌ అవుతుందని! రెండు రోజుల పాటు జరిగే ఈ వేలం వేడుకకు సర్వం సిద్ధమైంది. వేలం పాట పాడే ఆక్షనీర్‌ మల్లికా సాగర్, పది ఫ్రాంచైజీ యాజమాన్యాలు, హెడ్‌ కోచ్‌లు, విశ్లేషకులు వెరసి అందరి కళ్లు హార్డ్‌ హిట్టర్, వికెట్‌ కీపర్‌–బ్యాటర్‌ రిషభ్‌ పంత్‌పైనే నెలకొన్నాయి. అంచనాలు మించితే రూ. పాతిక కోట్లు పలికే భారత ప్లేయర్‌గా రికార్డులకెక్కేందుకు పంత్‌ సై అంటున్నాడు.వచ్చే సీజన్‌ ఐపీఎల్‌ ఆటకు ముందు వేలం పాటకు వేళయింది. ఆది, సోమవారాల్లో జరిగే ఆటగాళ్ల మెగా వేలంలో భారత స్టార్లతో పాటు పలువురు విదేశీ స్టార్లు ఫ్రాంచైజీలను ఆకర్శిస్తున్నారు. ఢిల్లీ క్యాపిటల్స్‌ విడుదల చేసిన రిషభ్‌ పంత్‌పై పది ఫ్రాంచైజీలు కన్నేశాయి.మెగా వేలంలోనే మెగా ధర పలికే ఆటగాడిగా విశ్లేషకులు అంచనా వేస్తున్నారు. సారథ్యం, వికెట్‌ కీపింగ్, మెరుపు బ్యాటింగ్‌ ఇవన్నీ కూడా పంత్‌ ధరను అమాంతం పెంచే లక్షణాలు. దీంతో ఎంతైన వెచ్చించేందుకు ఫ్రాంచైజీలు ఎగబడనున్నాయి.అతడితో పాటు భారత స్టార్‌ ఓపెనర్‌ కేఎల్‌ రాహుల్, ఈ సీజన్‌ చాంపియన్‌ కోల్‌కతా నైట్‌రైడర్స్‌ (కేకేఆర్‌) విజయసారథి శ్రేయస్‌ అయ్యర్, సీమర్లు అర్ష్‌దీప్‌ సింగ్, సిరాజ్‌లపై రూ. కోట్లు కురవనున్నాయి.విదేశీ ఆటగాళ్లలో జోస్‌ బట్లర్, లివింగ్‌స్టోన్‌ (ఇంగ్లండ్‌), స్టార్క్, వార్నర్‌ (ఆస్ట్రేలియా), రబడా (దక్షిణాఫ్రికా)లపై ఫ్రాంచైజీలు దృష్టిపెడతాయి. గతేడాది వేలంపాట పాడిన ప్రముఖ ఆక్షనీర్‌ మల్లికా సాగర్‌ ఈ సారి కూడా వేలం ప్రక్రియను నిర్వహించనుంది. 116 మందిపైనే వేలం వెర్రి వేలానికి 577 మంది ఆటగాళ్లతో భారత క్రికెట్‌ నియంత్రణ మండలి (బీసీసీఐ) తుది జాబితాను సిద్ధం చేసినప్పటికీ మొదటి సెట్‌లో వచ్చే 116 మందిపైనే ఫ్రాంచైజీల దృష్టి ఎక్కువగా ఉంటుంది. దీంతో పాట రూ. కోట్ల మాట దాటడం ఖాయం. ఎందుకంటే ఇందులో పేరు మోసిన స్టార్లు, మ్యాచ్‌ను ఏకపక్షంగా మలుపుతిప్పే ఆల్‌రౌండర్లు, నిప్పులు చెరిగే సీమర్లు ఇలా అగ్రశ్రేణి ఆటగాళ్లంతా ముందు వరుసలో వస్తారు. దీంతో వేలం పాట రేసు రసవత్తరంగా సాగడం ఖాయమైంది.ఇక 117 నుంచి ఆఖరి దాకా వచ్చే ఆటగాళ్లపై వేళ్లమీద లెక్కించే స్థాయిలోనే పోటీ ఉంటుంది. అంటే ఇందులో పది, పదిహేను మందిపై మాత్రమే ఫ్రాంచైజీలు పోటీ పడే అవకాశముంది. మిగతా వారంతా ఇలా చదివితే అలా కుదిరిపోవడం లేదంటే వచ్చి వెళ్లిపోయే పేర్లే ఉంటాయి. పది ఫ్రాంచైజీలు కలిపి గరిష్టంగా 204 మందినే ఎంపిక చేసుకుంటాయి.అర్ష్‌దీప్‌ అ‘ధర’హో ఖాయం అంతర్జాతీయ క్రికెట్‌లో గత మూడు సీజన్లుగా భారత సీమర్‌ అర్ష్‌దీప్‌ సింగ్‌ నిలకడగా రాణిస్తున్నాడు. 96 అంతర్జాతీయ టి20లాడిన అర్ష్‌దీప్‌ 96 వికెట్లు తీశాడు. ముఖ్యంగా ఈ ఏడాది సఫారీగడ్డపై జరిగిన టీ20 ప్రపంచకప్‌ డెత్‌ ఓవర్లలో సీనియర్‌ స్టార్‌ బుమ్రాకు దీటుగా బౌలింగ్‌ వేసి దక్షిణాఫ్రికాను కట్టడి చేసిన అతనిపై ఫ్రాంచైజీలు ఎగబడటం ఖాయం.తరచూ పూర్తి జట్టును మారుస్తున్న పంజాబ్‌ కింగ్స్‌ వద్దే పెద్ద మొత్తంలో డబ్బులు (రూ.110 కోట్లు) ఉన్నాయి. ఈ నేపథ్యంలో స్టార్‌డమ్‌ను తీసుకొచ్చేందుకు పంత్‌ను, బౌలింగ్‌ పదును పెంచేందుకు అర్ష్‌దీప్‌ను కొనుగోలు చేసేందుకు ఎక్కువ సానుకూలతలు పంజాబ్‌కే ఉన్నాయి.బట్లర్‌ వైపు ఆర్సీబీ చూపు పంజాబ్‌ తర్వాత రెండో అధిక పర్సు రూ. 83 కోట్లు కలిగివున్న రాయల్‌ చాలెంజర్స్‌ బెంగళూరు (ఆర్సీబీ) డాషింగ్‌ ఓపెనర్‌ జోస్‌ బట్లర్‌పై రూ. కోట్లు వెచ్చించే అవకాశముంది. రాహుల్, అయ్యర్‌ సహా ఆల్‌రౌండర్‌ దీపక్‌ చహర్‌ కోసం పోటీపడనుంది.ఢిల్లీ క్యాపిటల్స్‌ (రూ. 73 కోట్లు), గుజరాత్‌ టైటాన్స్‌ (రూ.69 కోట్లు), లక్నో సూపర్‌జెయింట్స్‌ (రూ.69 కోట్లు), చెన్నై సూపర్‌కింగ్స్‌ (రూ. 55 కోట్లు), కోల్‌కతా నైట్‌రైడర్స్‌ (రూ. 51 కోట్లు), ముంబై ఇండియన్స్‌ (రూ.45 కోట్లు), సన్‌రైజర్స్‌ హైదరాబాద్‌ (రూ. 45 కోట్లు), రాజస్తాన్‌ రాయల్స్‌ (రూ.41 కోట్లు)లు కూడా అందుబాటులో ఉన్న వనరులతో మేటి ఆటగాళ్లను కొనుగోలు చేసేందుకు ఆసక్తి కనబరుస్తున్నాయి.చదవండి: IND vs AUS: చరిత్ర సృష్టించిన జైశ్వాల్‌.. ప్రపంచంలోనే తొలి క్రికెటర్‌గా

పెర్త్‌ టెస్ట్‌లో భారత ఓపెనింగ్‌ జోడీ (యశస్వి జైస్వాల్‌-కేఎల్‌ రాహుల్‌) సరికొత్త చరిత్ర సృష్టించింది. ఆసీస్‌ గడ్డపై 200 పరుగులకు పైగా ఓపెనింగ్‌ భాగస్వామ్యం నమోదు చేసిన తొలి భారత జోడీగా రికార్డు నెలకొల్పింది. ఈ మ్యాచ్‌లో యశస్వి జైస్వాల్‌-కేఎల్‌ రాహుల్‌ తొలి వికెట్‌కు 201 పరుగులు జోడించారు. ఆసీస్‌ గడ్డపై అత్యధిక ఓపెనింగ్‌ భాగస్వామ్యం నమోదు చేసిన రికార్డు గతంలో సునీల్‌ గవాస్కర్‌-క్రిస్‌ శ్రీకాంత్‌ జోడీ పేరిట ఉండేది. వీరిద్దరు 1986 సిడ్నీ టెస్ట్‌లో తొలి వికెట్‌కు 191 పరుగుల భాగస్వామ్యాన్ని నమోదు చేశారు.ఆసీస్‌ గడ్డపై అత్యధిక ఓపెనింగ్‌ భాగస్వామ్యం నమోదు చేసిన భారత ఓపెనింగ్‌ జోడీలు..కేఎల్‌ రాహుల్‌-యశస్వి జైస్వాల్‌ (201 పరుగులు)సునీల్‌ గవాస్కర్‌-కృష్ణమాచారి శ్రీకాంత్‌ (191)సునీల్‌ గవాస్కర్‌-చేతర్‌ చౌహాన్‌ (165)కాగా, ఆస్ట్రేలియాతో జరుగుతున్న తొలి టెస్ట్‌లో టీమిండియా భారీ ఆధిక్యం దిశగా కొనసాగుతుంది. మూడో రోజు తొలి సెషన్‌లో భారత స్కోర్‌ 267/1గా ఉంది. కేఎల్‌ రాహుల్‌ (77) ఔట్‌ కాగా.. యశస్వి జైస్వాల్‌ (141), దేవ్‌దత్‌ పడిక్కల్‌ (17) క్రీజ్‌లో ఉన్నారు. రాహుల్‌ వికెట్‌ మిచెల్‌ స్టార్క్‌కు దక్కింది. ప్రస్తుతం టీమిండియా 313 పరుగల ఆధిక్యంలో కొనసాగుతుంది.భారత్‌ తొలి ఇన్నింగ్స్‌-150 ఆలౌట్‌ఆస్ట్రేలియా తొలి ఇన్నింగ్స్‌-104 ఆలౌట్‌సిక్సర్‌తో సెంచరీ పూర్తి చేసిన యశస్విఈ మ్యాచ్‌లో యశస్వి జైస్వాల్‌ సిక్సర్‌తో సెంచరీ పూర్తి చేశాడు. యశస్వికి ఆసీస్‌ గడ్డపై ఇది తొలి టెస్ట్‌ సెంచరీ. ఈ సెంచరీతో యశస్వి దిగ్గజాల సరసన చేరాడు. తొలి ఆస్ట్రేలియా పర్యటనలోనే సెంచరీ చేసిన ఆరో ఆటగాడిగా రికార్డు నెలకొల్పాడు. గతంలో సునీల్‌ గవాస్కర్‌, సచిన్‌ టెండూల్కర్‌, వీరేంద్ర సెహ్వాగ్‌, వీవీఎస్‌ లక్ష్మణ్‌, విరాట్‌ కోహ్లి తమ తొలి ఆసీస్‌ పర్యటనలోనే సెంచరీలు సాధించారు.

బౌలర్ల అసమాన ప్రదర్శనకు... ఓపెనర్ల సహకారం తోడవడంతో పెర్త్‌ టెస్టుపై టీమిండియాకు పట్టు చిక్కింది. తొలి రోజు పేస్‌కు స్వర్గధామంలా కనిపించిన పిచ్‌పై రెండో రోజు భారత ఓపెనర్లు చక్కని సంయమనంతో బ్యాటింగ్‌ చేశారు. ఫలితంగా ఆ్రస్టేలియా బౌలర్లు ఒత్తిడిలో కూరుకుపోగా... జైస్వాల్, రాహుల్‌ అర్ధశతకాలతో అజేయంగా నిలిచారు. అంతకుముందు మన పేసర్ల ధాటికి ఆ్రస్టేలియా 104 పరుగులకే ఆలౌట్‌ కావడంతో టీమిండియాకు తొలి ఇన్నింగ్స్‌ ఆధిక్యం లభించింది. ఓవరాల్‌గా 218 పరుగుల ఆధిక్యంలో ఉన్న భారత్‌... మూడోరోజు ఇదే జోరు కొనసాగిస్తే ‘బోర్డర్‌–గావస్కర్‌ ట్రోఫీ’లో బోణీ కొట్టడం ఖాయం!పెర్త్‌: ‘ఎక్కడ పోగొట్టుకున్నామో అక్కడే వెతుక్కోవాలి’ అన్న చందంగా... తొలి ఇన్నింగ్స్‌లో పేలవ షాట్‌ సెలెక్షన్‌తో విమర్శలు ఎదుర్కొన్న భారత ఆటగాళ్లు... రెండో ఇన్నింగ్స్‌లో సాధికారికంగా ఆడటంతో ఆ్రస్టేలియాతో తొలి టెస్టులో టీమిండియా మెరుగైన స్థితిలో నిలిచింది. కంగారూ పేసర్ల కఠిన పరీక్షకు భారత ఓపెనర్లు సమర్థవంతంగా ఎదురు నిలవడంతో పెర్త్‌ టెస్టులో బుమ్రా సేన పైచేయి దిశగా సాగుతోంది. ఓవర్‌నైట్‌ స్కోరు 67/7తో శనివారం రెండో రోజు తొలి ఇన్నింగ్స్‌ కొనసాగించిన ఆ్రస్టేలియా... చివరకు 51.2 ఓవర్లలో 104 పరుగులకు ఆలౌటైంది. దీంతో భారత్‌కు 46 పరుగుల కీలక తొలి ఇన్నింగ్స్‌ ఆధిక్యం లభించింది. మిషెల్‌ స్టార్క్‌ (112 బంతుల్లో 26; 2 ఫోర్లు) టాప్‌ స్కోరర్‌గా నిలిచాడు. వికెట్‌ కీపర్‌ అలెక్స్‌ కేరీ (21) క్రితం రోజు స్కోరుకు రెండు పరుగులు మాత్రమే జోడించి వెనుదిరిగినా... స్టార్క్‌ మొండిగా పోరాడాడు. భారత బౌలర్లలో జస్‌ప్రీత్‌ బుమ్రా 5 వికెట్లు పడగొట్టగా... హర్షిత్‌ రాణా 3, మొహమ్మద్‌ సిరాజ్‌ 2 వికెట్లు తీశారు. అనంతరం రెండో ఇన్నింగ్స్‌ ప్రారంభించిన టీమిండియా ఆట ముగిసే సమయానికి 57 ఓవర్లలో వికెట్‌ నష్టపోకుండా 172 పరుగులు చేసింది. యశస్వి జైస్వాల్‌ (193 బంతుల్లో 90 బ్యాటింగ్‌; 7 ఫోర్లు, 2 సిక్సర్లు) సెంచరీకి చేరువవగా... తొలి ఇన్నింగ్స్‌లో సందేహాస్పద నిర్ణయానికి పెవిలియన్‌ చేరిన రాహుల్‌ (153 బంతుల్లో 62 బ్యాటింగ్‌; 4 ఫోర్లు) అర్ధశతకంతో ఆకట్టుకున్నాడు. ఏడుగురు బౌలర్లను మార్చిమార్చి ప్రయతి్నంచినా ఆసీస్‌ ఈ జోడీని విడగొట్టలేకపోయింది. చేతిలో 10 వికెట్లు ఉన్న టీమిండియా ఓవరాల్‌గా 218 పరుగుల ఆధిక్యంలో ఉంది. తొలి రోజు 17 వికెట్లు కూలగా... రెండో రోజు మూడు వికెట్లు మాత్రమే పడ్డాయి. పిచ్‌ బ్యాటింగ్‌కు అనుకూలంగా మారకపోయినా... భారత బ్యాటర్లు మూడో రోజు కూడా ఇదే జోరు కొనసాగిస్తే ఈ మ్యాచ్‌లో భారత్‌కు భారీ ఆధిక్యం లభించనుంది. స్టార్క్‌ అడ్డుగోడలా.. తొలి రోజు మెరుగైన బౌలింగ్‌ ప్రదర్శనతో పూర్తి ఆత్మవిశ్వాసంతో మైదానంలో అడుగుపెట్టిన భారత బౌలర్ల సహనానికి రెండోరోజు స్టార్క్‌ పరీక్ష పెట్టాడు. స్పెషలిస్ట్‌ బ్యాటర్‌ను తలపిస్తూ తన డిఫెన్స్‌తో కట్టిపడేశాడు.ఓవర్‌నైట్‌ బ్యాటర్‌ అలెక్స్‌ కేరీని కీపర్‌ క్యాచ్‌ ద్వారా వెనక్కి పంపిన బుమ్రా... టెస్టుల్లో 11వ సారి ఐదు వికెట్ల ప్రదర్శన నమోదు చేసుకున్నాడు. నాథన్‌ లయన్‌ (5) కూడా త్వరగానే ఔట్‌ కాగా... చివరి వికెట్‌కు హాజల్‌వుడ్‌ (31 బంతుల్లో 7 నాటౌట్‌; ఒక ఫోర్‌)తో కలిసి స్టార్క్‌ చక్కటి పోరాటం కనబర్చాడు. ఈ జోడీని విడదీయడానికి బుమ్రా ఎన్ని ప్రయోగాలు చేసినా సాధ్యపడలేదు. ఈ ఇద్దరు పదో వికెట్‌కు 110 బంతుల్లో 25 పరుగులు జోడించి జట్టు స్కోరును వంద పరుగుల మార్క్‌ దాటించారు. చివరకు హర్షిత్‌ బౌలింగ్‌లో స్టార్క్‌ కీపర్‌కు క్యాచ్‌ ఇవ్వడంతో ఆ్రస్టేలియా ఇన్నింగ్స్‌కు తెరపడింది. ఫలితంగా భారత జట్టుకు 46 పరుగుల తొలి ఇన్నింగ్స్‌ ఆధిక్యం లభించింది. ఓపెనింగ్‌ అజేయం తొలి ఇన్నింగ్స్‌ పేలవ ప్రదర్శనను మరిపిస్తూ... రెండో ఇన్నింగ్స్‌లో భారత ఓపెనర్లు సత్తాచాటారు. పిచ్‌ కాస్త బ్యాటింగ్‌కు అనుకూలంగా మారిన మాట వాస్తవమే అయినా... భీకర పేస్‌తో విజృంభిస్తున్న కంగారూ బౌలర్లను కాచుకుంటూ జైస్వాల్, రాహుల్‌ సాధికారికంగా బ్యాటింగ్‌ చేశారు. క్లిష్టమైన బంతుల్ని డిఫెన్స్‌ ఆడిన ఈ జోడీ... చెత్త బంతులకు పరుగులు రాబట్టింది. జైస్వాల్‌ కచ్చితమైన షాట్‌ సెలెక్షన్‌తో బౌండరీలు బాదాడు. రాహుల్‌ డిఫెన్స్‌తో కంగారూలను కలవరపెట్టాడు. సమన్వయంతో ముందుకు సాగిన ఓపెనర్లిద్దరూ బుల్లెట్లలాంటి బంతుల్ని తట్టుకొని నిలబడి... గతితప్పిన బంతులపై విరుచుకుపడ్డారు. ఫలితంగా రెండో ఇన్నింగ్స్‌లో భారత్‌ 3.01 రన్‌రేట్‌తో పరుగులు చేసింది. ఈ క్రమంలో మొదట జైస్వాల్‌ 123 బంతుల్లో అర్ధశతకం పూర్తి చేసుకోగా... కాసేపటికి రాహుల్‌ 124 బంతుల్లో హాఫ్‌ సెంచరీ మార్క్‌ దాటాడు. టెస్టు క్రికెట్‌లో జైస్వాల్‌కు ఇదే అత్యంత నెమ్మదైన హాఫ్‌సెంచరీ కాగా... ఆ తర్వాత గేర్‌ మార్చిన యశస్వి ధాటిగా ఆడుతూ స్కోరు బోర్డును పరుగు పెట్టించాడు. రెండు సెషన్‌ల పాటు బౌలింగ్‌ చేసినా ఒక్క వికెట్‌ పడగొట్టలేకపోయిన ఆసీస్‌ బౌలర్లు... మూడో రోజు తొలి సెషన్‌లో ఎలాంటి ప్రదర్శన చేస్తారనేదానిపై భారత ఆధిక్యం ఆధారపడి ఉంది. మైదానంలో బాగా ఎండ కాస్తుండటంతో... నాలుగో ఇన్నింగ్స్‌లో పగుళ్లు తేలిన పిచ్‌పై లక్ష్యఛేదన అంత సులభం కాకపోవచ్చు. రికార్డు స్థాయిలో ప్రేక్షకులు పెర్త్‌ టెస్టుకు అభిమానులు ఎగబడుతున్నారు. రెండో రోజు శనివారం ఆటను ప్రత్యక్షంగా వీక్షించేందుకు 32,368 మంది అభిమానులు వచ్చారు. ఈ స్టేడియం చరిత్రలో టెస్టు మ్యాచ్‌కు ఇంతమంది ప్రేక్షకుల హాజరు కావడం ఇదే తొలిసారి. ‘భారత్, ఆ్రస్టేలియా తొలి టెస్టుకు అభిమానులు పెద్ద సంఖ్యలో తరలివచ్చారు. తొలి రెండు రోజుల్లో 63,670 మంది మ్యాచ్‌ను వీక్షించారు’ అని క్రికెట్‌ ఆ్రస్టేలియా (సీఏ) ఒక ప్రకటనలో తెలిపింది. ఇక్కడ ఇప్పటి వరకు ఒక టెస్టు మ్యాచ్‌ (2006–07 యాషెస్‌ సిరీస్‌లో ఇంగ్లండ్, ఆ్రస్టేలియా మ్యచ్‌)కు అత్యధికంగా 1,03,440 మంది హాజరయ్యారు. ఇప్పుడు తాజా టెస్టులో మరో మూడు రోజుల ఆట మిగిలి ఉండగా... ఇంకో 39,771 మంది తరలివస్తే ఆ రికార్డు బద్దలవనుంది. స్కోరు వివరాలు భారత్‌ తొలి ఇన్నింగ్స్‌: 150; ఆ్రస్టేలియా తొలి ఇన్నింగ్స్‌: ఖ్వాజా (సి) కోహ్లి (బి) బుమ్రా 8; మెక్‌స్వీనీ (ఎల్బీ) (బి) బుమ్రా 10; లబుషేన్‌ (ఎల్బీ) (బి) సిరాజ్‌ 2; స్మిత్‌ (ఎల్బీ) బుమ్రా 0; హెడ్‌ (బి) హర్షిత్‌ రాణా 11; మార్ష్ (సి) రాహుల్‌ (బి) సిరాజ్‌ 6; కేరీ (సి) పంత్‌ (బి) బుమ్రా 21; కమిన్స్‌ (సి) పంత్‌ (బి) బుమ్రా 3; స్టార్క్‌ (సి) పంత్‌ (బి) హర్షిత్‌ రాణా 26; లయన్‌ (సి) రాహుల్‌ (బి) హర్షిత్‌ రాణా 5; హాజల్‌వుడ్‌ (నాటౌట్‌) 7; ఎక్స్‌ట్రాలు 5; మొత్తం (51.2 ఓవర్లలో ఆలౌట్‌) 104. వికెట్ల పతనం: 1–14, 2–19, 3–19, 4–31, 5–38, 6–47, 7–59, 8–70, 9–79, 10–104. బౌలింగ్‌: బుమ్రా 18–6–30–5, సిరాజ్‌ 13–7–20–2, హర్షిత్‌ రాణా 15.2–3–48–3, నితీశ్‌ రెడ్డి 3–0–4–0, సుందర్‌ 2–1–1–0. భారత్‌ రెండో ఇన్నింగ్స్‌: జైస్వాల్‌ (బ్యాటింగ్‌) 90; రాహుల్‌ (బ్యాటింగ్‌) 62; ఎక్స్‌ట్రాలు 20; మొత్తం (57 ఓవర్లలో వికెట్‌ నష్టపోకుండా) 172. బౌలింగ్‌: స్టార్క్‌ 12–2–43–0, హాజల్‌వుడ్‌ 10–5–9–0, కమిన్స్‌ 13–2–44–0, మార్ష్ 6–0–27–0, లయన్‌ 13–3–28–0, లబుషేన్‌ 2–0–2–0, హెడ్‌ 1–0–8–0.

పెర్త్ వేదిక‌గా ఆస్ట్రేలియాతో జ‌రుగుతున్న తొలి టెస్టులో టీమిండియా ప‌ట్టు బిగించింది. రెండో రోజు ఆట‌లో కూడా ఆతిథ్య జ‌ట్టుపై భార‌త్ పై చేయి సాధించింది. 46 పరుగుల ఆధిక్యంతో రెండో ఇన్నింగ్స్ ప్రారంభించిన టీమిండియాకు ఓపెన‌ర్లు య‌శ‌స్వీ జైశ్వాల్ (193 బంతుల్లో 7 ఫోర్లు, 2 సిక్స్‌లతో 90 బ్యాటింగ్), కేఎల్ రాహుల్(153 బంతుల్లో 4 ఫోర్లతో 62 బ్యాటింగ్) అద్బుత‌మైన ఆరంభం ఇచ్చారు.వీరిద్ద‌రూ తొలి వికెట్‌కు 172 పరుగుల అజేయ‌ భాగస్వామ్యాన్ని నెలకొల్పారు. దీంతో రెండో రోజు ఆట ముగిసే స‌మ‌యానికి వికెట్ న‌ష్ట‌పోకుండా 172 ప‌రుగులు చేసింది. ప్ర‌స్తుతం భార‌త్ 218 ప‌రుగుల ఆధిక్యంలో ఉంది. ఇక మొద‌టి ఇన్నింగ్స్‌లో డ‌కౌటై నిరాశ‌ప‌రిచిన జైశ్వాల్‌.. సెకెండ్ ఇన్నింగ్స్‌లో మాత్రం దుమ్ములేపుతున్నాడు. తొలిసారి ఆసీస్ గ‌డ్డ‌పై ఆడుతున్న‌ప్ప‌ట‌కి త‌న అద్భుత ప్ర‌దర్శ‌నతో అంద‌ర‌ని ఆక‌ట్టుకున్నాడు.ఆస్ట్రేలియాతో త‌న తొలి టెస్టు సెంచ‌రీకి ఈ ముంబైక‌ర్ చేరువ‌య్యాడు. మ‌రోవైపు రాహుల్ సైతం త‌న క్లాస్‌ను చూపిస్తున్నాడు. రోహిత్ శ‌ర్మ స్ధానంలో ఓపెన‌ర్‌గా వ‌చ్చిన కేఎల్‌.. త‌న‌ను త‌ను మ‌రోసారి నిరూపించుకున్నాడు. మూడో రోజు ఆట‌లో వీరిద్ద‌రూ లంచ్ సెష‌న్ వ‌ర‌కు క్రీజులో ఉంటే భార‌త్ భారీ స్కోర్ సాధించ‌డం ఖాయం.సెల్యూట్ చేసిన కోహ్లి.. ఇక ఈ ఓపెనింగ్ జోడీ ప్ర‌ద‌ర్శ‌న‌కు టీమిండియా స్టార్ విరాట్ కోహ్లి ఫిదా అయిపోయాడు. రెండో రోజు ఆట అనంత‌రం ప్రాక్టీస్ కోసం మైదానంలో వ‌చ్చిన కోహ్లి.. రాహుల్‌, య‌శ‌స్వీల‌కు సెల్యూట్ చేశాడు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది. కాగా ఆసీస్ గ‌డ్డ‌పై భారత ఓపెనర్లు 100 ప్లస్ రన్స్ భాగస్వామ్యం నెల‌కొల్ప‌డం 20 ఏళ్ల త‌ర్వాత ఇదే తొలిసారి కావ‌డం విశేషం.చదవండి: IPL 2025: రిష‌బ్ పంత్‌కు రూ.33 కోట్లు.. సొంతం చేసుకున్న పంజాబ్‌ కింగ్స్‌!? Virat Kohli immediately came out for practice after the day's play and appreciated Jaiswal and KL Rahul #INDvAUS pic.twitter.com/kvG1caIUXp— Robin 𝕏 (@SledgeVK18) November 23, 2024

ఆస్ట్రేలియాతో పెర్త్‌ టెస్టులో టీమిండియా ఓపెనర్‌ కేఎల్‌ రాహుల్‌(26) అవుటైన తీరుపై మిచెల్‌ స్టార్క్‌ స్పందించాడు. థర్డ్‌ అంపైర్‌ నిర్ణయంలో తనకు తప్పేమీ కనిపించడం లేదని పరోక్షంగా వ్యాఖ్యానించాడు. కాగా తొలి టెస్టు తొలి ఇన్నింగ్స్‌లో ఆసీస్‌ పేసర్‌ మిచెల్‌ స్టార్క్‌ వేసిన 22వ ఓవర్‌ రెండో బంతికి.. రాహుల్‌ సందేహాస్పద రీతిలో పెవిలియన్‌ చేరాడు.రివ్యూల్లో స్పష్టత రాకపోయినా...ఫీల్డ్‌ అంపైర్‌ మొదట నాటౌట్‌గా ప్రకటించగా... క్యాచ్‌ అవుట్‌ కోసం ఆసీస్‌ డీఆర్‌ఎస్‌కు వెళ్లింది. పలుమార్లు రీప్లేలు పరిశీలించిన థర్డ్‌ అంపైర్‌ రాహుల్‌ను అవుట్‌గా ప్రకటించాడు. అయితే రివ్యూల్లో స్పష్టత రాకపోయినా... థర్డ్‌ అంపైర్‌ రిచర్డ్‌ ఇల్లింగ్‌వర్త్‌ ఫీల్డ్‌ అంపైర్‌ నిర్ణయాన్ని మార్చడం వివాదాస్పదమైంది.తగిన రుజువు లేకుండా ఇలా చేయడం సరికాదుఈ నేపథ్యంలో టీమిండియా మాజీ హెడ్‌కోచ్‌, కామెంటేటర్‌ రవిశాస్త్రి స్పందిస్తూ.. ‘బంతి బ్యాట్‌ను సమీపించిన సమయంలో అవుట్‌ సైడ్‌ ఎడ్జ్‌పై స్పైక్‌ కనిపించింది’ అని థర్డ్‌ అంపైర్‌ పేర్కొనడం... సరైన నిర్ణయం కాకపోవచ్చు’’ అని అభిప్రాయపడ్డాడు. అంతేకాదు.. నిర్దిష్టమైన రుజువు లేకుండా ఫీల్డ్‌ అంపైర్‌ నిర్ణయాన్ని తప్పుబట్టడం సరైంది కాదని వ్యాఖ్యానించాడు. ‘ఫీల్డ్‌ అంపైర్‌ నిర్ణయాన్ని మార్చే ఆధారాలేవీ రీప్లేలో కనిపించలేదు. నా వరకైతే తగిన రుజువు లేకుండా నిర్ణయాన్ని సమీక్షించడం సరైంది కాదు’ అని అన్నాడు.మరోవైపు.. ఆస్ట్రేలియా మాజీ ఆటగాడు మైక్‌ హస్సీ కూడా ఇలాంటి అభిప్రాయమే వ్యక్తం చేశాడు. ‘ఇది వివాదాస్పద నిర్ణయం. స్నికోపై స్పైక్‌ రావడం వాస్తవమే కానీ అది బంతి బ్యాట్‌ను తాకినప్పుడు వచ్చిందా లేక ప్యాడ్‌ తాకినప్పుడా అనేది తేలాలి. దీనిపై నాకు కూడా సందేహాలు ఉన్నాయి’ అని హస్సీ అన్నాడు.ఇది చాలా ధైర్యంతో కూడిన నిర్ణయంఅయితే, ఆసీస్‌ మాజీ సారథి‌ మార్క్‌వా మాట్లాడుతూ... ‘ఇది చాలా ధైర్యంతో కూడిన నిర్ణయం. దీంతో రాహుల్‌ సంతృప్తిగా ఉండకపోవచ్చు’ అని పేర్కొనడం గమనార్హం. ఇక.. భారత మాజీ ఓపెనర్‌ వసీం జాఫర్‌ ఎక్స్‌ వేదికగా స్పందిస్తూ.. ‘మరో కోణం నుంచి చూడా లని థర్డ్‌ అంపైర్‌ కోరినా... అది అందుబాటులో లేకపోయింది. మరి ఇలాంటి సందేహాస్పద పరిస్థితిలో అంపైర్‌ నిర్ణయాన్ని మార్చడం ఎందుకు’ అని ట్వీట్‌ చేశాడు. అదే విధంగా.. ‘స్పష్టత లేనప్పుడు అవుట్‌ ఇవ్వకూడదు’ అని ఇర్ఫాన్‌ పఠాన్‌ ‘ఎక్స్‌’లో పోస్ట్‌ చేశాడు.స్టార్క్‌ స్పందన ఇదేఈ నేపథ్యంలో... శుక్రవారం నాటి తొలి రోజు ఆట ముగిసిన అనంతరం మీడియాతో మాట్లాడుతూ.. ‘‘ఫీల్డ్‌ అంపైర్‌ నిర్ణయం తారుమారైంది. అయితే, అది సరైందే అనుకుంటున్నా. శబ్దం వచ్చిన మాట నిజం. ఆ వికెట్‌ సరైందేనని భావిస్తున్నా’’ అని స్టార్క్‌ పేర్కొన్నాడు.ఇదిలా ఉంటే.. శుక్రవారం మొదలైన తొలి టెస్టులో టాస్‌ గెలిచిన టీమిండియా తొలుత బ్యాటింగ్‌ చేసి.. 150 పరుగులకు ఆలౌట్‌ అయింది. ఈ క్రమంలో శనివారం ఆటలో ఆసీస్‌ను తొలి ఇన్నింగ్స్‌లో 104 పరుగులకే కుప్పకూల్చింది. ఫలితంగా 46 పరుగుల స్పల్ప ఆధిక్యంతో రెండో ఇన్నింగ్స్‌ మొదలుపెట్టింది.చదవండి: హర్షిత్‌.. నీ కంటే నేను ఫాస్ట్‌గా బౌల్‌ చేయగలను: స్టార్క్‌ వార్నింగ్‌.. రాణా రియాక్షన్‌ వైరల్‌Matthew Hayden explaining the KL Rahul bat-pad scenario. - Unlucky, KL. 💔 pic.twitter.com/lf0UOWwmy8— Mufaddal Vohra (@mufaddal_vohra) November 22, 2024

పెర్త్‌ టెస్టులో టీమిండియా క్రికెటర్‌ కేఎల్‌ రాహుల్‌ అవుటైన తీరు వివాదానికి దారి తీసింది. థర్డ్‌ అంపైర్‌ తప్పుడు నిర్ణయం వల్ల భారత జట్టు భారీ మూల్యం చెల్లించాల్సి వచ్చిందని మాజీ క్రికెటర్లు మండిపడుతున్నారు. అంతేకాదు.. తాను అవుటైన తీరుకు రాహుల్‌ సైతం ఆశ్చర్యంతో పాటు తీవ్ర అసంతృప్తి వ్యక్తం చేశాడు. ఇంతకీ ఏం జరిగిందంటే..?!ఆ ముగ్గురు విఫలంబోర్డర్‌- గావస్కర్‌ ట్రోఫీలో భాగంగా.. ఆస్ట్రేలియాతో శుక్రవారం మొదలైన తొలి టెస్టులో.. టాస్‌ గెలిచిన భారత్‌ తొలుత బ్యాటింగ్‌ ఎంచుకుంది. ఓపెనర్‌ యశస్వి జైస్వాల్‌(0), వన్‌డౌన్‌ బ్యాటర్‌ దేవ్‌దత్‌ పడిక్కల్‌(0), నాలుగో స్థానంలో వచ్చిన విరాట్‌ కోహ్లి(5) పూర్తిగా విఫలమయ్యారు. ఇలాంటి తరుణంలో మరో ఓపెనింగ్‌ బ్యాటర్‌ కేఎల్‌ రాహుల్‌ ఇన్నింగ్స్‌ చక్కదిద్దే ప్రయత్నం చేశాడు.ఆన్‌ ఫీల్డ్‌ అంపైర్‌ నాటౌట్‌ ఇచ్చాడు!అయితే, టీమిండియా ఇన్నింగ్స్‌ 23వ ఓవర్‌లో ఆసీస్‌ పేసర్‌ మిచెల్‌ స్టార్క్‌ బంతితో బరిలోకి దిగాడు. అతడి బౌలింగ్‌లో రాహుల్‌ షాట్‌ ఆడేందుకు ప్రయత్నించగా.. బంతి వికెట్‌ కీపర్‌ అలెక్స్‌ క్యారీ చేతుల్లో పడింది. దీంతో ఆసీస్‌ అప్పీలు చేయగా.. ఆన్‌ ఫీల్డ్‌ అంపైర్‌ నాటౌట్‌ ఇచ్చాడు. అయినా సరే.. వెనక్కి తగ్గని ఆతిథ్య జట్టు రివ్యూకు వెళ్లింది.థర్డ్‌ అంపైర్‌ మాత్రంఈ క్రమంలో థర్డ్‌ అంపైర్‌ రాహుల్‌ను అవుట్‌గా ప్రకటించాడు. నిజానికి.. బంతి కీపర్‌ చేతుల్లో పడే సమయంలో వచ్చిన శబ్దం.. బ్యాట్‌ రాహుల్‌ ప్యాడ్‌కు తాకడం వల్ల వచ్చిందా? లేదంటే బంతిని తాకడం వల్ల వచ్చిందా అన్న అంశంపై స్పష్టత రాలేదు. కానీ రీప్లేలో వివిధ కోణాల్లో పరిశీలించకుండానే.. కేవలం స్నీకో స్పైక్‌ రాగానే థర్డ్‌ అంపైర్‌ రాహుల్‌ను అవుట్‌గా ప్రకటించడం గమనార్హం. థర్డ్‌ అంపైర్‌ నిర్ణయంపై ఆగ్రహంథర్డ్‌ అంపైర్‌ తీసుకున్న ఈ నిర్ణయం విమర్శలకు కారణమైంది. రాహుల్‌ సైతం తీవ్ర అసంతృప్తితో మైదానం వీడాడు. ఈ నేపథ్యంలో భారత మాజీ క్రికెటర్లు థర్డ్‌ అంపైర్‌ నిర్ణయంపై ఆగ్రహం వ్యక్తం చేస్తున్నారు. ‘‘ఇదొక చెత్త నిర్ణయం. పెద్ద జోక్‌ కూడా’’ అంటూ మాజీ వికెట్‌ కీపర్‌ రాబిన్‌ ఊతప్ప ఫైర్‌ అయ్యాడు.మరోవైపు.. మాజీ ఓపెనర్‌ ఆకాశ్‌ చోప్రా సైతం.. ‘‘ఆన్‌ ఫీల్డ్‌ అంపైర్‌ నిర్ణయం నాటౌట్‌. అయినా స్పష్టత లేకుండానే అతడి కాల్‌ను ఎలా తిరస్కరిస్తారు. బ్యాట్‌ ప్యాడ్‌ను తాకినట్లు కనిపిస్తున్నా.. ఇదేం విచిత్రం. ఇది ఒక మతిలేని నిర్ణయం. చెత్త అంపైరింగ్‌’’ అంటూ ఘాటుగా విమర్శించాడు. ఇక ఆస్ట్రేలియా మాజీ బ్యాటర్ మాథ్యూ హెడెన్‌ కూడా రాహుల్‌ విషయంలో థర్డ్‌ అంపైర్‌ నిర్ణయాన్ని తప్పుబట్టడం విశేషం. కాగా రాహుల్‌ తొలి రోజు ఆటలో భాగంగా 74 బంతులు ఎదుర్కొని 26 పరుగులు చేసి నిష్క్రమించాడు. చదవండి: 77 ఏళ్లలో ఇదే తొలిసారి.. అరుదైన రికార్డుతో చరిత్ర పుటల్లోకి కమిన్స్‌, బుమ్రా! Matthew Hayden explaining the KL Rahul bat-pad scenario. - Unlucky, KL. 💔 pic.twitter.com/lf0UOWwmy8— Mufaddal Vohra (@mufaddal_vohra) November 22, 2024

టీమిండియా ఓపెనర్‌ కేఎల్‌ రాహుల్‌ అరుదైన క్లబ్‌లో చేరాడు. టెస్ట్‌ల్లో 3000 పరుగుల మార్కును దాటాడు. బోర్డర్‌ గవాస్కర్‌ ట్రోఫీలో భాగంగా ఆస్ట్రేలియాతో జరుగుతున్న తొలి టెస్ట్‌లో రాహుల్ ఈ ఘనతను సాధించాడు. టెస్ట్‌ల్లో భారత్‌ తరఫున 3000 పరుగుల మార్కును తాకిన 26వ ఆటగాడిగా రాహుల్‌ రికార్డుల్లోకెక్కాడు. టెస్ట్‌ల్లో భారత్‌ తరఫున అత్యధిక పరుగులు చేసిన ఘనత సచిన్‌ టెండూల్కర్‌కు (15921) దక్కుతుంది. ఓవరాల్‌గా చూసినా టెస్ట్‌ల్లో అత్యధిక పరుగులు చేసింది సచినే. రాహుల్‌ తన 54వ టెస్ట్‌లో 3000 పరుగుల మార్కును దాటాడు. రాహుల్‌ 92 ఇన్నింగ్స్‌ల్లో 8 సెంచరీలు, 15 హాఫ్‌ సెంచరీల సాయంతో 3007 పరుగులు చేశాడు.మ్యాచ్‌ విషయానికొస్తే.. పెర్త్‌ టెస్ట్‌లో ఆది నుంచి నిలకడగా ఆడిన కేఎల్‌ రాహుల్‌.. ఓ వివాదాస్పద నిర్ణయానికి ఔటయ్యాడు. రాహుల్‌ 74 బంతులు ఎదుర్కొని 3 ఫోర్ల సాయంతో 26 పరుగులు చేశాడు. ఈ మ్యాచ్‌లో లంచ్‌ విరామం సమయానికి భారత్‌ స్కోర్‌ 51/4గా ఉంది. భారత ఇన్నింగ్స్‌లో యశస్వి జైస్వాల్‌, దేవ్‌దత్‌ పడిక్కల్‌ ఖాతా తెరవకుండానే ఔట్‌ కాగా.. విరాట్‌ కోహ్లి 5, రాహుల్‌ 26 పరుగులు చేసి ఔటయ్యారు. రిషబ్‌ పంత్‌ (10), ధృవ్‌ జురెల్‌ (4) క్రీజ్‌లో ఉన్నారు. ఆసీస్‌ బౌలర్లలో హాజిల్‌వుడ్‌, స్టార్క్‌ తలో రెండు వికెట్లు పడగొట్టారు. తొలి సెషన్‌లో ఆసీస్‌ బౌలర్ల పూర్తి డామినేషన్‌ నడిచింది. ఈ మ్యాచ్‌లో టీమిండియా టాస్‌ గెలిచి బ్యాటింగ్‌ ఎంచుకుని తప్పుచేసిందేమో అనిపించింది. పిచ్‌పై బౌన్స్‌తో పాటు అనూహ్యమైన స్వింగ్‌ లభిస్తుంది.

టెస్టుల్లో టీమిండియా స్టార్‌ క్రికెటర్‌ విరాట్‌ కోహ్లి వైఫల్యాల పరంపర కొనసాగుతోంది. స్వదేశంలో సొంతగడ్డపై న్యూజిలాండ్‌తో స్థాయికి తగ్గట్లు రాణించలేక చతికిలపడ్డ ఈ కుడిచేతి వాటం బ్యాటర్‌.. ఆస్ట్రేలియాలోనూ శుభారంభం అందుకోలేకపోయాడు. తొలి టెస్టు తొలి ఇన్నింగ్స్‌లో కేవలం ఐదు పరుగులకే కోహ్లి అవుటయ్యాడు.ఫలితంగా మరోసారి కోహ్లి ఆట తీరుపై విమర్శలు వెల్లువెత్తుతున్నాయి. కాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 సీజన్‌లో భాగంగా టీమిండియా తమ ఆఖరి సిరీస్‌ ఆడేందుకు టీమిండియా ఆస్ట్రేలియాకు వెళ్లింది. బోర్డర్‌- గావస్కర్‌ ట్రోఫీలో భాగంగా ఆసీస్‌తో ఐదు టెస్టులు ఆడుతోంది.టాస్‌ గెలిచి తొలుత బ్యాటింగ్‌ఈ క్రమంలో శుక్రవారం పెర్త్‌ వేదికగా ఇరుజట్ల మధ్య మొదటి టెస్టు ఆరంభమైంది. టాస్‌ గెలిచిన టీమిండియా తాత్కాలిక కెప్టెన్‌ జస్‌ప్రీత్‌ బుమ్రా తొలుత బ్యాటింగ్‌ ఎంచుకున్నాడు. అయితే, సీమర్లకు స్వర్గధామమైన పెర్త్‌ పిచ్‌పై భారత యువ ఓపెనర్‌ యశస్వి జైస్వాల్‌ తేలిపోయాడు. ఎనిమిది బంతులు ఎదుర్కొని పరుగుల ఖాతా తెరవకుండానే వెనుదిరిగాడు.మరోవైపు.. వన్‌డౌన్‌ బ్యాటర్‌ దేవ్‌దత్‌ పడిక్కల్‌ సైతం డకౌట్‌ అయ్యాడు. ఈ క్రమంలో విరాట్‌ కోహ్లి క్రీజులోకి రాగానే ఇన్నింగ్స్‌ చక్కదిద్దుతాడని అభిమానులు ఆశగా ఎదురుచూశారు. కానీ.. భారత ఇన్నింగ్స్‌ పదిహేడో ఓవర్‌ రెండో బంతికి కోహ్లి క్యాచ్‌ అవుట్‌గా వెనుదిరిగాడు.ఐదు పరుగులకే అవుట్‌ఆసీస్‌ పేసర్‌ జోష్‌ హాజిల్‌వుడ్‌ వేసిన బంతిని తప్పుగా అంచనా వేసిన కోహ్లి.. ఫ్రంట్‌ఫుట్‌ షాట్‌ ఆడేందుకు ముందుకు వచ్చాడు. ఈ క్రమంలో బ్యాట్‌ ఎడ్జ్‌ను తాకిన బంతి ఫస్ట్‌ స్లిప్‌లో ఫీల్డింగ్‌ చేస్తున్న ఉస్మాన్‌ ఖవాజా చేతిలో పడింది. అలా షార్ట్‌ లెంగ్త్‌తో వచ్చిన బంతిని తప్పుగా అంచనా వేసి కోహ్లి వికెట్‌ పారేసుకున్నాడు. మండిపడుతున్న ఫ్యాన్స్‌మొత్తంగా పన్నెండు బంతులు ఎదుర్కొని కేవలం ఐదు పరుగులు మాత్రమే చేసి పెవిలియన్‌ చేరాడు. ఈ నేపథ్యంలో కోహ్లిపై టీమిండియా అభిమానులు సైతం ఆగ్రహం వ్యక్తం చేస్తున్నారు. ఆస్ట్రేలియా గడ్డపై మెరుగైన రికార్డు ఉన్న కారణంగా తనకు వరుస అవకాశాలు ఇస్తున్నా బాధ్యతాయుతంగా ఆడకపోతే ఎలా అని సోషల్‌ మీడియా వేదికగా ప్రశ్నిస్తున్నారుకష్టాల్లో టీమిండియాఇదిలా ఉంటే.. టాస్‌ గెలిచి తొలుత బ్యాటింగ్‌కు దిగిన టీమిండియా కేవలం 47 పరుగులకే నాలుగు వికెట్లు కోల్పోయి కష్టాల్లో పడింది. ఓపెనర్లలో యశస్వి జైస్వాల్‌(0) విఫలం కాగా.. కేఎల్‌ రాహుల్‌(26) ఫర్వాలేదనిపించాడు. పడిక్కల్‌(0), కోహ్లి(5) మాత్రం పూర్తిగా నిరాశపరిచారు. తొలిరోజు లంచ్‌ బ్రేక్‌ సమయానికి టీమిండియా స్కోరు: 51/4 (25).చదవండి: IND VS AUS 1st Test: అశ్విన్‌, జడేజా లేకుండానే..! తుదిజట్లు ఇవేవిధ్వంసం.. డబుల్ సెంచ‌రీతో చెల‌రేగిన సెహ్వాగ్ కొడుకుExtra bounce from Josh Hazlewood to dismiss Virat Kohli. pic.twitter.com/dQEG1rJSKA— Mufaddal Vohra (@mufaddal_vohra) November 22, 2024We need to start a serious discussion now on kohli pic.twitter.com/WMmAlfdZ8h— Div🦁 (@div_yumm) November 22, 2024

ఇండియన్‌ ప్రీమియర్‌ లీగ్‌-2025 మెగా వేలానికి సమయం ఆసన్నమైంది. సౌదీ అరేబియాలోని జెద్దా నగరంలో ఈ మెగా ఈవెంట్‌ను నిర్వహించాలని భారత క్రికెట్‌ నియంత్రణ మండలి(బీసీసీఐ) ఇప్పటికే నిర్ణయించింది. రెండురోజుల పాటు ఈ వేలం పాట జరుగనుండగా.. ఇందుకు సంబంధించిన షెడ్యూల్‌ను బీసీసీఐ నవంబరు 24, 25 తేదీల్లో ఖరారు చేసింది.ఇక ఈసారి వేలంలో టీమిండియా స్టార్లు రిషభ్‌ పంత్‌, కేఎల్‌ రాహుల్‌, శ్రేయస్‌ అయ్యర్‌, ఇషాన్‌ కిషన్‌, మహ్మద్‌ షమీ, మహ్మద్‌ సిరాజ్‌ తదితరులు హైలెట్‌గా నిలవనున్నారు. ఈ నేపథ్యంలో భారత మాజీ క్రికెటర్లు ఎవరు ఎంత ధర పలుకుతారనే అంశం మీద తమ అభిప్రాయాలు పంచుకుంటున్నారు.ఈ క్రమంలో టీమిండియా మాజీ వికెట్‌ కీపర్‌ బ్యాటర్‌ రాబిన్‌ ఊతప్ప ఆసక్తికర వ్యాఖ్యలు చేశాడు. ఈసారి వేలంలో అత్యధిక ధరకు అమ్ముడుపోయే వికెట్‌ కీపర్లు వీరేనంటూ ఐదుగురి పేర్లు చెప్పాడు. అయితే, ఇందులో మాత్రం ఇషాన్‌ కిషన్‌కు చోటు దక్కలేదు.కాగా వేలానికి ముందే వికెట్‌ కీపర్లు భారీ ధర పలికిన విషయం తెలిసిందే. అదేనండీ రిటెన్షన్స్‌లో భాగంగా వికెట్‌ కీపర్‌ బ్యాటర్లకు ఆయా ఫ్రాంఛైజీలు భారీ మొత్తం ముట్టజెప్పాయి. అతడికి ఏకంగా రూ. 23 కోట్లుసన్‌రైజర్స్‌ హైదరాబాద్‌ హెన్రిచ్‌ క్లాసెన్‌ కోసం రూ. 23 కోట్లు, లక్నో సూపర్‌ జెయింట్స్‌ నికోలస్‌ పూరన్‌ కోసం రూ. 21 కోట్లు, రాజస్తాన్‌ రాయల్స్‌ సంజూ శాంసన్‌ కోసం రూ. 18 కోట్లు, ధ్రువ్‌ జురెల్‌ కోసం రూ. 14 కోట్లు ఖర్చు చేశాయి.ఆ ఐదుగురికే అధిక ధరఈ నేపథ్యంలో రాబిన్‌ ఊతప్ప స్టార్‌ స్పోర్ట్స్‌ షోలో మాట్లాడుతూ.. ఈసారి వికెట్‌ కీపర్ల కోటాలో రిషభ్‌ పంత్‌, కేఎల్‌ రాహుల్‌, జోస్‌ బట్లర్‌, క్వింటన్‌ డికాక్‌, ఫిల్‌ సాల్ట్‌ అత్యధిక మొత్తానికి అమ్ముడుపోతారని అంచనా వేశాడు. ముఖ్యంగా కేఎల్‌ రాహుల్‌ను సొంతం చేసుకునేందుకు రాయల్‌ చాలెంజర్స్‌ బెంగళూరు కచ్చితంగా ఇతర ఫ్రాంఛైజీలతో పోటీకి వస్తుందని అభిప్రాయపడ్డాడు. ఢిల్లీ క్యాపిటల్స్‌, గుజరాత్‌ టైటాన్స్‌ కూడా కేఎల్‌ వైపు చూసే అవకాశం లేకపోలేదని ఊతప్ప చెప్పుకొచ్చాడు.చదవండి: టాలెంటెడ్‌ కిడ్‌.. ఇక్కడ కూడా.. : నితీశ్‌ రెడ్డిపై కమిన్స్‌ కామెంట్స్‌

క్రికెట్‌ ప్రేమికులు ఎప్పుడెప్పుడా అని ఎదురుచూస్తున్న ఆసక్తికర పోరుకు సమయం ఆసన్నమైంది. టీమిండియా- ఆస్ట్రేలియా మధ్య ప్రతిష్టాత్మక బోర్డర్‌- గావస్కర్‌ ట్రోఫీ శుక్రవారం మొదలుకానుంది. ఇందుకోసం ఇప్పటికే కంగారూ దేశానికి చేరుకున్న భారత జట్టు ప్రాక్టీస్‌లో తలమునకలైంది.అయితే, ఈ ఐదు మ్యాచ్‌ల కీలక టెస్టు సిరీస్‌కు ముందు టీమిండియా ప్రధాన ఆటగాళ్ల గాయపడటం మేనేజ్‌మెంట్‌ను కలవరపెడుతోంది. గాయాల వల్ల శుబ్‌మన్‌ గిల్‌, యశస్వి జైస్వాల్‌ తొలి టెస్టుకు దూరమయ్యే పరిస్థితి కనిపిస్తోంది. ఇప్పటికే కెప్టెన్‌ రోహిత్‌ శర్మ ఈ మ్యాచ్‌కు దూరంగా ఉండగా.. గిల్‌ కూడా అందుబాటులో ఉండకపోవచ్చని బీసీసీఐ వర్గాలు స్పష్టం చేశాయి.శుబ్‌మన్‌ గిల్‌ స్థానంలో..ఈ నేపథ్యంలో భారత మాజీ క్రికెటర్‌ వసీం జాఫర్‌ ఆసక్తికర వ్యాఖ్యలు చేశాడు. శుబ్‌మన్‌ గిల్‌ స్థానంలో దేవ్‌దత్‌ పడిక్కల్‌ను జట్టులోకి తీసుకోవాలని సూచించాడు. అంతేకాదు తుదిజట్టులోనూ అతడిని ఆడించాలని బీసీసీఐకి విజ్ఞప్తి చేశాడు. అదే విధంగా.. యశస్వి జైస్వాల్‌కు జోడీగా కేఎల్‌ రాహుల్‌ను పంపితే బాగుంటుందని అభిప్రాయపడ్డాడు.కేరళకు చెందిన దేవ్‌దత్‌ పడిక్కల్‌ ఈ ఏడాది మార్చిలో ఇంగ్లండ్‌తో మ్యాచ్‌ సందర్భంగా టెస్టుల్లో అరంగేట్రం చేశాడు. ధర్మశాల వేదికగా జరిగిన ఐదో టెస్టులో.. నాలుగో స్థానంలో బ్యాటింగ్‌ చేసిన పడిక్కల్‌.. 103 బంతులు ఎదుర్కొని 65 పరుగులు సాధించాడు. అయితే, ఆ తర్వాత ఈ లెఫ్టాండర్‌ బ్యాటర్‌కు మళ్లీ జట్టులో స్థానం దక్కలేదు.ఫస్ట్‌క్లాస్‌ కెరీర్‌లోనూఅయితే, ఇటీవల ఆస్ట్రేలియా-‘ఎ’ జట్టుతో జరిగిన రెండు మ్యాచ్‌ల అనధికారిక టెస్టు సిరీస్‌లో దేవ్‌దత్‌ పడిక్కల్‌ భారత్‌-‘ఎ’ జట్టు తరఫున బరిలోకి దిగాడు. నాలుగు ఇన్నింగ్స్‌లో వరుసగా 36, 88, 26, 1 పరుగులు చేశాడు. ఇక ఫస్ట్‌క్లాస్‌ కెరీర్‌లోనూ 24 ఏళ్ల పడిక్కల్‌కు మంచి రికార్డే ఉంది.ఎడమచేతి వాటం బ్యాటర్‌ కూడా!ఇప్పటి వరకు 40 మ్యాచ్‌లలో కలిపి 2677 పరుగులు సాధించాడు. ఇందులో ఆరు సెంచరీలు, 17 అర్ధ శతకాలు ఉన్నాయి. ఈ నేపథ్యంలో పడిక్కల్‌ గురించి వసీం జాఫర్‌ ప్రస్తావిస్తూ... ‘‘టీమిండియా తరఫున అతడు ఇంతకుముందు టెస్టు క్రికెట్‌ ఆడాడు. పరుగులు కూడా రాబట్టాడు.అంతేకాదు.. అతడు ఎడమచేతి వాటం బ్యాటర్‌ కూడా! కాబట్టి ఆస్ట్రేలియాతో తొలి టెస్టులో మూడో స్థానంలో పడిక్కల్‌ను ఆడిస్తే ప్రయోజనకరంగా ఉంటుంది’’ అని పేర్కొన్నాడు. అదే విధంగా.. ధ్రువ్‌ జురెల్‌ను కూడా మిడిలార్డర్‌లో ఆడించాలని వసీం జాఫర్‌ అభిప్రాయపడ్డాడు. పెర్త్‌ టెస్టులో జైస్వాల్‌కు తోడుగా కేఎల్‌ రాహుల్‌ను ఓపెనర్‌గా పంపాలని ఈ సందర్భంగా ఈఎస్‌పీఎన్‌క్రిక్‌ఇన్ఫోతో పేర్కొన్నాడు.ఓపెనర్‌గా రాహుల్‌ బెస్ట్‌కాగా టీమిండియా తరఫున ఓపెనర్‌గా ఇప్పటి వరకు 49 టెస్టులు ఆడిన కేఎల్‌ రాహుల్‌ ఖాతాలో 2551 పరుగులు ఉన్నాయి. ఇందులో ఏడు శతకాలు, 12 హాఫ్‌ సెంచరీలు. ఇక ఓవరాల్‌గా కేఎల్‌ రాహుల్‌ 53 టెస్టుల్లో 2981 రన్స్‌ సాధించాడు. మరోవైపు.. ధ్రువ్‌ జురెల్‌ ఇటీవల ఆసీస్‌-‘ఎ’తో అనధికారిక టెస్టుల్లో 93, 80, 68 రన్స్‌ చేశాడు. ఇక టీమిండియా తరఫున నాలుగు ఇన్నింగ్స్‌లో కలిపి జురెల్‌ 190 పరుగులు సాధించాడు.చదవండి: Hardik Pandya: అన్న సారథ్యంలో తమ్ముడు

ప్రతిష్టాత్మక ‘బోర్డర్‌–గావస్కర్‌’(బీజీటీ) సిరీస్‌కు ముందు టీమిండియాకు శుభవార్త. ప్రాక్టీస్‌ మ్యాచ్‌లో గాయపడ్డ మిడిలార్డర్‌ బ్యాటర్‌ కేఎల్‌ రాహుల్‌ కోలుకున్నాడు. తిరిగి మైదానంలో అడుగుపెట్టి భారత బౌలర్లను సమర్థవంతంగా ఎదుర్కొన్నాడు. పేసర్లు జస్‌ప్రీత్‌ బుమ్రా, మహ్మద్‌ సిరాజ్‌లతో పాటు మిగతా ఆటగాళ్ల బౌలింగ్‌లో దాదాపు గంటసేపు క్రీజులో నిలబడినట్లు సమాచారం.నెట్స్‌లోనూఅనంతరం.. కేఎల్‌ రాహుల్‌ నెట్స్‌లోనూ తీవ్రంగా చెమటోడ్చాడు. కొత్త, పాత బంతులతో సైడ్‌ ఆర్మ్‌ త్రోయర్స్‌ బౌలింగ్‌ చేస్తుండగా.. రాహుల్‌ బ్యాటింగ్‌ ప్రాక్టీస్‌ చేశాడు. కాగా బీజీటీలో భాగంగా టీమిండియా ఆస్ట్రేలియాతో ఐదు మ్యాచ్‌ల టెస్టు సిరీస్‌ ఆడనున్న విషయం తెలిసిందే. ఈ క్రమంలో ఇరుజట్ల మధ్య పెర్త్‌ వేదికగా నవంబరు 22న తొలి టెస్టు ఆరంభం కానుంది.ఇందుకోసం.. భారత జట్టు పూర్తి స్థాయిలో సన్నద్ధమవుతోంది. ఆసీస్‌తో సిరీస్‌ సన్నాహకాల్లో భాగంగా ఇండియా-‘ఎ’ జట్టుతో కలిసి మూడు రోజుల ప్రాక్టీస్‌ మ్యాచ్‌ ఆడుతోంది. శుక్రవారం మొదలైన ఈ మ్యాచ్‌లో కేఎల్‌ రాహుల్‌ మోచేతికి గాయమైంది. దీంతో ఒకరోజు మొత్తం ప్రాక్టీస్‌కు దూరంగా ఉన్న ఈ సీనియర్‌ బ్యాటర్‌.. ఆదివారం తిరిగి మైదానంలో అడుగుపెట్టాడు.శుబ్‌మన్‌ గిల్‌కు గాయంఇదిలా ఉంటే.. టీమిండియా మరో స్టార్‌ క్రికెటర్‌ శుబ్‌మన్‌ గిల్‌ గాయపడిన విషయం తెలిసిందే. టెస్టు మ్యాచ్‌ను పోలిన పరిస్థితుల మధ్య (సిమ్యులేషన్‌) ‘వాకా’ మైదానంలో ప్రాక్టీస్‌ మ్యాచ్‌లో ఫీల్డింగ్‌ చేస్తుండగా... బంతిని ఆపే క్రమంలో గిల్‌ ఎడమ బొటన వేలికి తీవ్రగాయమైంది. బాధతో విలవిల్లాడి గిల్‌ వెంటనే గ్రౌండ్‌ను వీడాడు.పరీక్షల అనంతరం గిల్‌ వేలు ఫ్యాక్చర్‌ అయినట్లు బీసీసీఐ వర్గాలు తెలిపాయి. తొలి టెస్టుకు గిల్‌ అందుబాటులో ఉండటం అనుమానంగా మారింది. సాధారణంగా ఇలాంటి గాయాల నుంచి కోలుకునేందుకు కనీసం రెండు వారాల సమయం అవసరం కావడంతో... గిల్‌ తొలి మ్యాచ్‌ ఆడటం దాదాపు అసాధ్యమే. అయితే తొలి టెస్టుకు రెండో టెస్టుకు మధ్య వ్యవధి ఎక్కువ ఉండటంతో అడిలైడ్‌ వేదికగా డిసెంబర్‌ 6 నుంచి ప్రారంభం కానున్న రెండో మ్యాచ్‌ వరకు అతడు కోలుకోవచ్చని టీమ్‌ మేనేజ్‌మెంట్‌ అంచనా వేస్తోంది. గత ఆసీస్‌ పర్యటనలో మెరుగైన ప్రదర్శన కనబర్చిన గిల్‌... ‘బోర్డర్‌–గావస్కర్‌’ ట్రోఫీని నిలబెట్టుకోవడంలో కీలకపాత్ర పోషించాడు. టాపార్డర్‌ బలహీనం! టీమిండియా కెప్టెన్‌ రోహిత్‌ శర్మ ఆస్ట్రేలియాతో తొలి టెస్టుకు దూరమవుతాడనే వార్తలు వస్తున్న నేపథ్యంలో... గిల్‌ కూడా అందుబాటులో లేకపోతే భారత టాపార్డర్‌ బలహీనపడే అవకాశాలున్నాయి. రోహిత్‌ శర్మ భార్య శుక్రవారం పండంటి బాబుకు జన్మనివ్వగా... టెస్టు సిరీస్‌ ప్రారంభానికి ఇంకా గడువు ఉండటంతో అతడు జట్టుతో చేరితే ఓపెనింగ్‌ విషయంలో ఎలాంటి సమస్య ఉండదు.లేదంటే ఇప్పటి వరకు అంతర్జాతీయ అరంగేట్రం చేయని అభిమన్యు ఈశ్వరన్‌ ఇన్నింగ్స్‌ ఆరంభిస్తాడు. ఇలాంటి తరుణంలో కేఎల్‌ రాహుల్‌ కోలుకోవడం నిజంగా టీమిండియాకు సానుకూలాంశం. ఇక ఆదివారంతో ప్రాక్టీస్‌ మ్యాచ్‌ ముగియనుండగా... మంగళవారం నుంచి మూడు రోజుల పాటు భారత జట్టు ప్రాక్టీస్‌ సెషన్స్‌లో పాల్గొననుంది.మరోవైపు గాయం నుంచి కోలుకొని రంజీ ట్రోఫీలో సత్తా చాటిన మహ్మద్‌ షమీ... ఆసీస్‌తో రెండో టెస్టుకు ముందు జట్టులో చేరే చాన్స్‌ ఉంది. రంజీ ట్రోఫీలో మధ్యప్రదేశ్‌తో మ్యాచ్‌లో బెంగాల్‌ తరఫున బరిలోకి దిగిన షమీ 43.2 ఓవర్ల పాటు బౌలింగ్‌ చేసి 7 వికెట్లు పడగొట్టడంతో పాటు 37 పరుగులు చేసి ఆకట్టుకున్నాడు. చదవండి: నాకు కాదు.. వాళ్లకు థాంక్యూ చెప్పు: తిలక్‌ వర్మతో సూర్య

బోర్డర్ గవాస్కర్ ట్రోఫీ ఆరంభానికి ముందు టీమిండియాకు మ‌రో భారీ షాక్ త‌గిలింది. ఇప్ప‌టికే మిడిలార్డ‌ర్ బ్యాట‌ర్ స‌ర్ఫ‌రాజ్ ఖాన్ గాయ‌ప‌డ‌గా.. తాజాగా ఈ జాబితాలో స్టార్ ప్లేయ‌ర్ కేఎల్ రాహుల్ చేరాడు. భార‌త క్రికెట్ జ‌ట్టు ప్ర‌స్తుతం పెర్త్‌లోని డ‌బ్ల్యూఎసీఎ గ్రౌండ్‌లో మూడు రోజుల ఇంట్రా-స్క్వాడ్ ఫ్రెండ్లీ మ్యాచ్ ఆడుతోంది. ఈ క్ర‌మంలో రాహుల్ బ్యాటింగ్ చేస్తుండ‌గా త‌న మోచేయికి బంతి బ‌లంగా తాకింది. దీంతో అత‌డు తీవ్ర‌మైన నొప్పితో విల్ల‌విల్లాడు. వెంట‌నే ఫిజియోలు వ‌చ్చి అత‌డికి చికిత్స అందించారు. ఆ త‌ర్వాత కొద్దిసేపటికే రాహుల్ త‌న బ్యాటింగ్‌ను తిరిగి ప్రారంభించాడు.కానీ నొప్పి త‌గ్గ‌క‌పోవ‌డంతో రాహుల్ మైదానాన్ని వీడాల్సి వ‌చ్చింది. ఇందుకు సంబంధించిన ఫోటోలు ప్ర‌స్తుతం సోష‌ల్ మీడియాలో వైర‌ల‌వుతున్నాయి. అయితే రాహుల్ గాయంపై బీసీసీఐ నుంచి ఇంకా ఎటువంటి అప్‌డేట్ రాలేదు.భారత ఓపెనర్‌ ఎవరు?కాగా నవంబర్‌ 22 నుంచి పెర్త్‌ వేదికగా జరగనున్న తొలి టెస్టుకు టీమిండియా కెప్టెన్‌ రోహిత్‌ శర్మ వ్యక్తిగత కారణాలతో దూరం కానున్నాడు. దీంతో జైశ్వాల్‌ జోడీగా కేఎల్‌ రాహుల్‌ను పంపించాలని టీమ్‌ మేనెజ్‌మెంట్‌ నిర్ణయించుకుంది. ఇప్పుడు రాహుల్‌ కూడా గాయం బారిన పడడంతో మేనెజ్‌మెంట్‌ ఆందోళన చెందుతుంది. ఒక వేళ రాహుల్‌ దూరమైతే అభిమన్యు ఈశ్వరన్‌ భారత ఇన్నింగ్స్‌ను ప్రారంభించే అవకాశముంది.చదవండి: IND vs AUS: 'కింగ్ త‌న రాజ్యానికి తిరిగొచ్చాడు'.. ఆసీస్‌ను హెచ్చరించిన ర‌విశాస్త్రి

ఇండియన్‌ ప్రీమియర్‌ లీగ్‌ 2025 సీజన్‌తో తాను కొత్త ప్రయాణం మొదలుపెట్టాలనుకుంటున్నానని టీమిండియా స్టార్‌ క్రికెటర్‌ కేఎల్‌ రాహుల్‌ తెలిపాడు. స్వేచ్ఛాయుత వాతావరణంలో తనను తాను కొత్తగా ఆవిష్కరించుకునే ప్రయత్నం చేస్తానన్నాడు. కాగా ఈ ఏడాది ఐపీఎల్‌ మెగా వేలం జరుగనున్న విషయం తెలిసిందే.లక్నో సూపర్‌ జెయింట్స్‌ను వీడిన కేఎల్‌ రాహుల్‌సౌదీ అరేబియాలోని జిద్దా నగరం వేదికగా నవంబరు 24, 25 తేదీల్లో వేలంపాట నిర్వహించేందుకు భారత క్రికెట్‌ నియంత్రణ మండలి(బీసీసీఐ) ఏర్పాట్లు చేసింది. ఈ నేపథ్యంలో ఇప్పటికే పది ఫ్రాంఛైజీలు తాము అట్టిపెట్టుకునే ఆటగాళ్ల జాబితాను విడుదల చేశాయి.ఈ సందర్భంగా లక్నో సూపర్‌ జెయింట్స్‌తో కేఎల్‌ రాహుల్‌ బంధం తెంచుకున్నట్లు వెల్లడైంది. అయితే, ఇందుకు గల కారణాన్ని ఈ టీమిండియా స్టార్‌ తాజాగా బయటపెట్టాడు. ‘‘నా ప్రయాణాన్ని సరికొత్తగా మొదలుపెట్టాలనుకుంటున్నాను. నాకు ఉన్న ఆప్షన్లను పరిశీలించాలని భావిస్తున్నా. ముఖ్యంగా ఎక్కడైతే నాకు స్వేచ్ఛగా ఆడే వీలు ఉంటుందో అక్కడికి వెళ్లాలనుకుంటున్నాను.కొన్నిసార్లు కఠిన నిర్ణయాలు తీసుకోకతప్పదుఅక్కడి వాతావరణం కాస్త తేలికగా, ప్రశాంతంగా ఉండగలగాలి. అందుకే మన మంచి కోసం మనమే కొన్నిసార్లు కఠిన నిర్ణయాలు తీసుకోకతప్పదు’’ అని కేఎల్‌ రాహుల్‌ ఇండియా టుడేతో పేర్కొన్నాడు. కాగా 2022లో లక్నో ఫ్రాంఛైజీ ఐపీఎల్‌లో అడుగుపెట్టింది. తమ కెప్టెన్‌గా కేఎల్‌ రాహుల్‌ను నియమించుకుంది.కెప్టెన్‌గా రాణించినాఅయితే, యాజమాన్యం అంచనాలకు తగ్గట్లుగానే రాహుల్‌.. లక్నోను అరంగేట్ర సీజన్‌లోనే ప్లే ఆఫ్స్‌నకు చేర్చాడు. ఆ తర్వాతి ఎడిషన్‌లోనూ టాప్‌-4లో నిలిపాడు. అయితే, ఐపీఎల్‌-2024లో మాత్రం లక్నో ప్లే ఆఫ్స్‌నకు అర్హత సాధించలేకపోయింది. పద్నాలుగు మ్యాచ్‌లకు గానూ.. ఏడే గెలిచి పాయింట్ల పట్టికలో ఏడో స్థానంలో నిలిచింది.ఇదిలా ఉంటే.. లక్నో జట్టు యజమాని, ప్రముఖ వ్యాపారవేత్త సంజీవ్‌ గోయెంకా ఐపీఎల్‌ 2024లో ఓ మ్యాచ్‌ సందర్భంగా.. రాహుల్‌ను అందరి ముందే తిట్టాడు. సన్‌రైజర్స్‌ హైదరాబాద్‌ చేతిలో ఘోర ఓటమిని జీర్ణించుకోలేక కెప్టెన్‌పై బహిరంగంగానే ఆగ్రహం వ్యక్తం చేశాడు.రాహుల్‌కు ఘోర అవమానంఇందుకు సంబంధించిన దృశ్యాలు వైరల్‌ కాగా.. సంజీవ్‌ గోయెంకాపై తీవ్ర స్థాయిలో విమర్శలు వచ్చాయి. అయితే, ఆ తర్వాత అతడు నష్టనివారణ చర్యలే చేపట్టి.. రాహుల్‌ను తన ఇంటికి ఆహ్వానించి ఫొటోలు విడుదల చేశాడు. కానీ.. అందరి ముందు జరిగిన అవమానాన్ని మర్చిపోలేకపోయిన రాహుల్‌ ఆ జట్టును వీడినట్లు అతడి తాజా వ్యాఖ్యల ద్వారా స్పష్టమైంది. ఇక టీమిండియా టీ20 జట్టులో పునరాగమనమే లక్ష్యంగా తాను ఇకపై అడుగులు వేస్తానని కేఎల్‌ రాహుల్‌ ఈ సందర్భంగా తన మనసులోని మాటను వెల్లడించాడు. కాగా లక్నో తరఫున కేఎల్‌ రాహుల్‌ 2022లో 616 పరుగులు చేశాడు. గత రెండు సీజన్లలో కలిపి 23 మ్యాచ్‌లు ఆడి 800 రన్స్‌ స్కోరు చేశాడు. ఇక మొత్తంగా అంతర్జాతీయ టీ20లలో రాహుల్‌ ఇప్పటి వరకు 72 మ్యాచ్‌లు ఆడి 2265 పరుగులు సాధించాడు.చదవండి: CT 2025: పాకిస్తాన్‌ కాదు... సౌతాఫ్రికా వేదికగా ఛాంపియన్స్‌ ట్రోఫీ!?

ఐపీఎల్‌-2025 సీజ‌న్ మెగా వేలానికి ముందు టీమిండియా స్టార్ బ్యాట‌ర్ కేఎల్ రాహుల్‌ను ల‌క్నో సూప‌ర్ జెయింట్స్ ఫ్రాంచైజీ విడిచిపెట్టిన సంగ‌తి తెలిసిందే. గ‌త మూడు సీజ‌న్ల‌లో త‌మ సార‌థిగా వ్య‌వ‌హ‌రించిన రాహుల్‌ను ల‌క్నో ఈసారి రిటైన్ చేసుకోలేదు.దీంతో ఈ కర్ణాటక బ్యాటర్-కీపర్ నవంబర్ 24-25 తేదీలలో జెడ్డాలో వేదిక‌గా జ‌ర‌గ‌నున్న మెగా వేలంలో త‌న అదృష్టాన్ని పరీక్షించుకోనున్నాడు. అయితే చాలా మంది రాయల్ ఛాలెంజర్స్ బెంగళూరు(ఆర్సీబీ) అభిమానులు రాహుల్ తన సొంత గూటికి చేరాలని కోరుకుంటున్నారు. ఐపీఎల్‌-2025లో సీజన్‌లో కేఎల్‌ ఆర్సీబీ తరపున ఆడితే చూడాలని ఆశపడుతున్నారు. కాగా గతంలో రాహుల్‌ ఆర్సీబీకి ప్రాతినిథ్యం వహించాడు. రాహుల్‌కు రూ.20 కోట్లు!ఈ క్ర‌మంలో ఆర్సీబీ ఫ్రాంచైజీ అభిమానుల కోసం తాజాగా బెంగ‌ళూరులో మాక్ వేలం నిర్వ‌హించింది. ఈ వేలంలో చాలా మంది అభిమానులు పాల్గోన్నారు. కేఎల్ రాహుల్‌ను సొంతం చేసుకోవ‌డానికి రూ. 20 కోట్లు వెచ్చిందేందుకు ఫ్యాన్స్ సిద్ద‌మ‌య్యారు. మ‌రికొంతమంది ఫ్యాన్స్ రిష‌బ్ పంత్ కోసం పోటీ ప‌డ్డారు. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌లవుతోంది.ఆర్సీబీ కెప్టెన్‌గా రాహుల్?అయితే ఆ‍ర్సీబీ యాజమాన్యం కూడా రాహుల్‌పై ఆసక్తిగా ఉన్నట్లు తెలుస్తోంది. అతడిని సొంతం చేసుకుని తమ జట్టు పగ్గాలు అప్పగించాలని ఆర్సీబీ భావిస్తున్నట్లు సమాచారం. తమ కెప్టెన్ ఫాప్ డుప్లెసిస్‌ను వేలంలోకి ఆర్సీబీ విడిచిపెట్టింది. విరాట్ కోహ్లి,యశ్ దయాల్‌, పాటిదార్‌ను మాత్రం బెంగళూరు రిటైన్ చేసుకుంది. ఆర్సీబీ పర్స్‌లో ప్రస్తుతం రూ. 83 కోట్లు ఉన్నాయి.చదవండి: అమ్మాయిగా మారిన టీమిండియా మాజీ కోచ్‌ కొడుకు.. ఎమోషనల్‌ వీడియో! స్త్రీగా మారినందు వల్ల

బోర్డర్‌- గావస్కర్‌ ట్రోఫీ(బీజీటీ)కి ముందు ఆస్ట్రేలియా పర్యటనకు వెళ్లిన భారత్‌-‘ఎ’ జట్టు పూర్తిగా నిరాశపరిచింది. బౌలర్లు మెరుగ్గానే రాణించినా.. బ్యాటర్ల వైఫల్యం కారణంగా ఆసీస్‌-‘ఎ’ చేతిలో చిత్తుగా ఓడింది. రెండు మ్యాచ్‌ల అనధికారిక టెస్టు సిరీస్‌లో వైట్‌వాష్‌కు గురైంది.వారు ముందుగానే ఆస్ట్రేలియాకుకాగా ఆస్ట్రేలియాతో ప్రతిష్టాత్మక బీజీటీలో భాగంగా టీమిండియా ఐదు టెస్టులు ఆడనుంది. ఇందులో కనీసం నాలుగు గెలిస్తేనే రోహిత్‌ సేనకు ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఫైనల్‌ చేరే అవకాశం ఉంటుంది. ఇలాంటి తరుణంలో బీజీటీకి ఎంపికైన అభిమన్యు ఈశ్వరన్‌, ప్రసిద్‌ కృష్ణ, నితీశ్‌ కుమార్‌ రెడ్డి తదితరులను బీసీసీఐ ముందుగానే ఆస్ట్రేలియాకు పంపింది.రాహుల్‌తో పాటు జురెల్‌ కూడారుతురాజ్‌ గైక్వాడ్‌ సారథ్యంలోని భారత్‌-‘ఎ’ జట్టుకు కూడా వీరిని ఎంపిక చేసింది. కంగారూ గడ్డపై పిచ్‌ పరిస్థితులకు అలవాటు పడేందుకు ఈ నిర్ణయం తీసుకుంది. అదే విధంగా.. సీనియర్‌ బ్యాటర్‌ కేఎల్‌ రాహుల్‌, యువ వికెట్‌ కీపర్‌ ధ్రువ్‌ జురెల్‌ను సైతం భారత్‌-‘ఎ’ రెండో టెస్టుకు అందుబాటులో ఉండేలా అక్కడకు పంపింది.సానుకూలాంశాలు ఆ రెండేఅయితే, ఆసీస్‌-‘ఎ’తో రెండు అనధికారిక టెస్టుల్లో భారత్‌ ఘోర ఓటమిని చవిచూసింది. తొలి టెస్టులో ఏడు, రెండో మ్యాచ్‌లో ఆరు వికెట్ల తేడాతో ఓడిపోయి సిరీస్‌ను కోల్పోయింది. ఇక ఈ రెండు మ్యాచ్‌లలో సానుకూలాంశాలు ఏమైనా ఉన్నాయా అంటే.. మొదటి టెస్టులో సాయి సుదర్శన్‌ శతకం(103).. రెండో టెస్టులో ధ్రువ్‌ జురెల్‌ అద్భుత హాఫ్‌ సెంచరీలు(80, 68).వరుసగా నాలుగు సెంచరీలతో సత్తా చాటిఇక ఈ సిరీస్‌లో అత్యంత నిరాశపరిచింది ఎవరంటే మాత్రం అభిమన్యు ఈశ్వరన్‌, కేఎల్‌ రాహుల్‌(4, 10). రాహుల్‌ సంగతి పక్కన పెడితే.. అభిమన్యుపైనే ఈ సిరీస్‌ ప్రభావం గట్టిగా పడనుంది. ఫస్ట్‌క్లాస్‌ క్రికెట్‌లో ఇటీవల వరుసగా నాలుగు సెంచరీలు బాదిన ఈ బెంగాల్‌ బ్యాటర్‌ను సెలక్టర్లు ఆస్ట్రేలియాతో బీజీటీ ఆడబోయే జట్టుకు ఎంపిక చేశారు.రోహిత్‌ స్థానంలో ఆడించాలనే యోచన.. కానీతొలి టెస్టుకు కెప్టెన్‌ రోహిత్‌ శర్మ అందుబాటులో లేడన్న వార్తల నడుమ.. అభిమన్యునే యశస్వి జైస్వాల్‌తో ఓపెనర్‌గా దించుతారనే అభిప్రాయాలు వ్యక్తమయ్యాయి. కానీ.. ఆసీస్‌-‘ఎ’ జట్టుతో మ్యాచ్‌లలోనే అభిమన్యు తీవ్రంగా నిరాశపరిచాడు.దీంతో బీసీసీఐ తమ ప్రణాళికలను మార్చుకుంటుందనే విశ్లేషణలు వినిపిస్తున్నాయి. అయితే, భారత మాజీ ఓపెనర్‌ ఆకాశ్‌ చోప్రా మాత్రం ఇందుకు భిన్నంగా స్పందించాడు.అతడు ఫెయిల్‌ అయినా ఓపెనర్‌గానేఆసీస్‌-‘ఎ’తో మ్యాచ్‌లో విఫలమైనప్పటికీ అభిమన్యు ఈశ్వరన్‌ బీజీటీ మొదటి టెస్టులో టీమిండియా ఓపెనర్‌గా దిగే అవకాశం ఉందని పేర్కొన్నాడు. ఆసీస్‌- ‘ఎ’ జట్టుతో రెండో టెస్టులో భారత బ్యాటర్ల వైఫల్యాన్ని విమర్శిస్తూ.. ‘‘మరోసారి మనవాళ్లు ఫెయిల్‌ అయ్యారు. అభిమన్యు ఈశ్వరన్‌, సాయి సుదర్శన్‌, కేఎల్‌ రాహుల్‌, రుతురాజ్‌ గైక్వాడ్‌.. అంతా చేతులెత్తేశారునిజానికి ఆస్ట్రేలియాతో సిరీస్‌కు ముందు ఆటగాళ్లను సన్నద్ధం చేయడానికి బీసీసీఐ వాళ్లను అక్కడికి పంపింది. కానీ.. వాళ్లు పరుగులు చేయలేక ఇబ్బంది పడ్డారు. అయితే, ఈ సిరీస్‌లో అభిమన్యు ఈశ్వరన్‌ విఫలమైనా.. అతడు బోర్డర్‌ గావస్కర్‌ ట్రోఫీ ఆరంభ మ్యాచ్‌లలో మాత్రం ఓపెనింగ్‌ చేసే అవకాశాలు పుష్కలంగా ఉన్నాయి’’ అని ఆకాశ్‌ చోప్రా పేర్కొన్నాడు. దారుణంగా విఫలంఈ మేరకు తన యూట్యూబ్‌ చానెల్‌ వేదికగా అభిప్రాయాలు పంచుకున్నాడు. కాగా ఆసీస్‌-‘ఎ’తో సిరీస్‌లో నాలుగు ఇన్నింగ్స్‌లో అభిమన్యు చేసిన పరుగులు వరుసగా.. 7, 12, 0, 17. ఇదిలా ఉంటే.. నవంబరు 22 నుంచి ఆసీస్‌- టీమిండియా మధ్య టెస్టు సిరీస్‌ ఆరంభం కానుంది.చదవండి: IND vs SA: సంజూతో గొడ‌వ ప‌డ్డ సౌతాఫ్రికా ప్లేయ‌ర్‌.. ఇచ్చిప‌డేసిన‌ సూర్య‌! వీడియో

టీమిండియా స్టార్‌ క్రికెటర్‌ కేఎల్‌ రాహుల్‌ త్వరలో తండ్రి కాబోతున్నాడు. ఈ విషయాన్ని రాహుల్‌, అతని భార్య అతియా శెట్టి సోషల్‌మీడియా వేదికగా వెల్లడించారు. మా అందమైన ఆశీర్వాదం 2025లో రాబోతుందని రాహుల్‌, అతియా జంట తమ పోస్ట్‌లో రాసుకొచ్చారు. రాహుల్‌, అతియాల వివాహం 2023, జనవరి 23న జరిగింది. వీరికి బాలీవుడ్‌ మరియు క్రికెట్‌ సర్కిల్స్‌లో అందమైన, అన్యూన్యమైన జంటగా పేరుంది. రాహుల్‌ శ్రీమతి అతియా ప్రముఖ బాలీవుడ్‌ నటుడు సునీల్‌ శెట్టి గారాలపట్టి అన్న విషయం తెలిసిందే. అతియా కూడా పలు బాలీవుడ్‌ సినిమాల్లో నటించింది. వీరిద్దరు కొంతకాలం పాటు డేటింగ్‌ చేసి ప్రేమ వివాహం చేసుకున్నారు. View this post on Instagram A post shared by Athiya Shetty (@athiyashetty)కాగా, ప్రస్తుతం కేఎల్‌ రాహుల్‌ ఆస్ట్రేలియా పర్యటనలో ఉన్నాడు. రాహుల్‌.. ఆస్ట్రేలియా-ఏతో జరుగుతున్న మ్యాచ్‌లో భారత్‌-ఏ జట్టు తరఫున ఆడుతున్నాడు. రాహుల్‌ ఇటీవలికాలంలో పేలవ ప్రదర్శనలు చేస్తూ ముప్పేట దాడిని ఎదుర్కొంటున్నాడు. వరుస వైఫల్యాల నేపథ్యంలో రాహుల్‌ భారత టెస్ట్‌ జట్టులో చోటు కోల్పోయాడు. రాహుల్‌ ప్రస్తుతం ఆస్ట్రేలియా-ఏతో జరుగుతున్న రెండో అనధికారిక టెస్ట్‌ మ్యాచ్‌లోనూ ఘోరంగా విఫలమయ్యాడు. ఈ మ్యాచ్‌లో రాహుల్‌ రెండు ఇన్నింగ్స్‌ల్లో నాలుగు, పది పరుగులు చేశాడు. ఇటీవలికాలంలో రాహుల్‌కు ఆట పరంగా ఏదీ కలిసి రావడం లేదు. రాహుల్‌ను తన ఐపీఎల్‌ ఫ్రాంచైజీ లక్నో సూపర్‌ జెయింట్స్‌ కూడా వేలానికి వదిలేసింది. ఇదిలా ఉంటే, భారత టెస్ట్‌, వన్డే జట్టు కెప్టెన్‌ రోహిత్‌ శర్మ కూడా త్వరలో రెండో బిడ్డకు తండ్రి కాబోతున్నాడని తెలుస్తుంది. రోహిత్‌ భార్య రితక డెలివరీకి సిద్దంగా ఉండటంతోనే రోహిత్‌ ఆస్ట్రేలియాతో జరిగే తొలి టెస్ట్‌కు దూరం కానున్నాడని ప్రచారం జరుగుతుంది.

టీమిండియా స్టార్ బ్యాట‌ర్ కేఎల్ రాహుల్ త‌న పేల‌వ ఫామ్‌ను కొన‌సాగిస్తున్నాడు. మెల్‌బోర్న్ వేదిక‌గా ఆస్ట్రేలియా-ఎతో జరుగుతున్న మ్యాచ్‌లో ఇండియా-ఎ జ‌ట్టుకు ప్రాతినిథ్యం వ‌హిస్తున్న రాహుల్ మ‌రోసారి నిరాశ‌ప‌రిచాడు. తొలి ఇన్నింగ్స్‌లో కేవ‌లం 4 ప‌రుగులు మాత్ర‌మే చేసిన రాహుల్‌.. ఇప్పుడు కీల‌క‌మైన సెకెండ్ ఇన్నింగ్స్‌లో అదే తీరును క‌న‌బ‌రిచాడు. 44 బంతులు ఎదుర్కొని కేవ‌లం 10 ప‌రుగులు మాత్ర‌మే చేసి ఔట‌య్యాడు. అయితే రెండో ఇన్నింగ్స్‌లో రాహుల్‌ వినూత్న రీతిలో త‌న వికెట్‌ను కోల్పోయాడు.అసలేం జ‌రిగిందంటే?భార‌త్ ఇన్నింగ్స్ 18 ఓవ‌ర్ వేసిన స్పిన్నర్ కోరి రోకిసియోలి తొలి బంతిని రాహుల్‌ ఓవ‌ర్ ది వికెట్ డెలివ‌రీగా సంధించాడు. ఆ బంతిని డిఫెన్స్ ఆడాల‌ని రాహుల్ నిర్ణ‌యించుకున్నాడు. కానీ బంతి లెగ్ సైడ్ నుండి టర్న్‌ అవుతుండడంతో రాహుల్ త‌న ప్యాడ్ల‌తో డిఫెండ్‌కు ప్ర‌య‌త్నించాడు. కానీ బంతి రాహుల్ కాళ్ల మధ్య నుంచి వెళ్లి బెయిల్స్‌ను గిరాటేసింది. దీంతో రాహుల్‌ ఒక్కసారిగా బిత్తరపోయాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. ఇది చూసిన నెటిజన్లు ఏంటి రాహుల్‌ ఇంత చెత్తగా అవుటవుతావా అంటూ కామెంట్లు చేస్తున్నారు. కాగా రెండో రోజు ఆట ముగిసే సమయానికి భారత్‌-ఎ జట్టు 5 వికెట్ల నష్టానికి 73 పరుగులు చేసింది. క్రీజులో ధ్రువ్‌ జురెల్‌(19), నితీష్‌ కుమార్‌ రెడ్డి(9) పరుగులతో ఉన్నారు. "Don't know what he was thinking!"Oops... that's an astonishing leave by KL Rahul 😱 #AUSAvINDA pic.twitter.com/e4uDPH1dzz— cricket.com.au (@cricketcomau) November 8, 2024

ఆస్ట్రేలియా-‘ఎ’ జట్టుతో రెండో అనధికారిక టెస్టులోనూ భారత బ్యాటర్ల వైఫల్యం కొనసాగుతోంది. ఈ మ్యాచ్‌లో పీకల్లోతు కష్టాల్లో కూరుకుపోయిన రుతురాజ్‌ సేన ఓటమి దిశగా పయనిస్తోంది. కాగా ఆస్ట్రేలియాతో టీమిండియా బోర్డర్‌- గావస్కర్‌ ట్రోఫీ(బీజీటీ)కి ముందు భారత్‌-‘ఎ’- ఆసీస్‌- ‘ఎ’ జట్ల మధ్య రెండు మ్యాచ్‌ల అనధికారిక టెస్టు సిరీస్‌ జరుగుతోంది.రుతురాజ్‌ గైక్వాడ్‌ సారథ్యంలోని ఈ జట్టులో.. బీజీటీకి ఎంపికైన ఆటగాళ్లు కూడా ఉన్నారు. అభిమన్యు ఈశ్వరన్‌, నితీశ్‌ కుమార్‌ రెడ్డి, ప్రసిద్‌ కృష్ణ తదితరులు ముందుగానే భారత్‌-‘ఎ’ జట్టుతో చేరగా.. రెండో టెస్టు కోసం కేఎల్‌ రాహుల్‌, ధ్రువ్‌ జురెల్‌ కూడా టీమిండియా కంటే ముందే ఆసీస్‌కు వచ్చారు.తొలిరోజు ఇలాఈ క్రమంలో మెల్‌బోర్న్‌ వేదికగా గురువారం రెండో టెస్టు మొదలుకాగా.. భారత్‌-ఎ తొలి ఇన్నింగ్స్‌లో 161 పరుగులకే కుప్పకూలింది. కేఎల్‌ రాహుల్‌ (4), అభిమన్యు ఈశ్వరన్‌ (0) ఘోరంగా విఫలమయ్యారు. ఆంధ్ర ఆల్‌రౌండర్‌ నితీశ్‌ కుమార్‌ రెడ్డి (16) అందివచ్చిన చక్కని అవకాశాన్ని అందుకోలేక మరోసారి చేతులెత్తేశాడు. ఒకే ఒక్కడు ధ్రువ్‌ జురేల్‌ (186 బంతుల్లో 80; 6 ఫోర్లు, 2 సిక్స్‌లు) భారత్‌ ‘ఎ’ జట్టును ఆదుకున్నాడు.ఇన్నింగ్స్‌ ఓపెన్‌ చేసిన అభిమన్యుతో పాటు వన్‌డౌన్‌ బ్యాటర్‌ సాయి సుదర్శన్‌ (0)లను జట్టు ఖాతా తెరవకముందే నెసర్‌ తొలి ఓవర్‌ వరుస బంతుల్లోనే అవుట్‌ చేశాడు. రెండో ఓవర్లో రాహుల్, మూడో ఓవర్లో కెప్టెన్‌ రుతురాజ్‌ (4) నిష్క్రమించడంతో 11 పరుగులకే టాప్‌–4 బ్యాటర్లను కోల్పోయింది. ఈ దశలో దేవ్‌దత్‌ పడిక్కల్‌ (26; 3 ఫోర్లు)కు జతయిన జురేల్‌ ఇన్నింగ్స్‌ పేకమేడలా కూలకుండా ఆదుకున్నారు. ఐదో వికెట్‌కు 53 పరుగులు జోడించాక పడిక్కల్‌ను నెసర్‌ అవుట్‌ చేశాడు. జురెల్‌ ఈసారి నితీశ్‌తో కలిసి జట్టు స్కోరును 100 దాటించాడు. భాగస్వామ్యం బలపడుతున్న సమయంలో వెబ్‌స్టర్‌ ఒకే ఓవర్లో నితీశ్, తనుశ్‌ (0), ఖలీల్‌ అహ్మద్‌ (1)లను అవుట్‌ చేసి భారత్‌ను ఆలౌట్‌కు సిద్ధం చేశాడు. ప్రసిద్‌ కృష్ణ (14) సహకారంతో జురేల్‌ ఇన్నింగ్స్‌ను నడిపించడంతో భారత్‌ 150 పైచిలుకు స్కోరు చేయగలిగింది. ఆసీస్‌ బౌలర్లలో నెసర్‌ (4/27), వెబ్‌స్టర్‌ (3/19) భారత్‌ను దెబ్బ కొట్టారు. అనంతరం తొలి ఇన్నింగ్స్‌ మొదలుపెట్టిన ఆస్ట్రేలియా ‘ఎ’ ఆట ముగిసే సమయానికి 17.1 ఓవర్లలో 2 వికెట్లకు 53 పరుగులు చేసింది.ఆసీస్‌ 223 ఆలౌట్‌ఈ క్రమంలో 53/2 ఓవర్‌నైట్‌ స్కోరుతో శుక్రవారం ఆట మొదలుపెట్టిన ఆసీస్‌ను భారత బౌలర్లు 223 పరుగులకు ఆలౌట్‌ చేశారు. పేసర్లు ప్రసిద్‌ కృష్ణ నాలుగు వికెట్లతో చెలరేగగా.. ముకేశ్‌ కుమార్‌ మూడు వికెట్లు కూల్చాడు. మరో ఫాస్ట్‌ బౌలర్‌ ఖలీల్‌ అహ్మద్‌ రెండు వికెట్లతో రాణించాడు.మరోసారి విఫలమైన భారత బ్యాటర్లుఈ నేపథ్యంలో శుక్రవారమే రెండో ఇన్నింగ్స్‌ మొదలుపెట్టిన భారత్‌కు మరోసారి నిరాశే ఎదురైంది. ఆసీస్‌ బౌలర్ల ధాటికి టాపార్డర్‌ చేతులెత్తేసింది. ఓపెనర్లు అభిమన్యు ఈశ్వరన్‌(17), కేఎల్‌ రాహుల్‌(10) ఇలా వచ్చి అలా వెళ్లగా.. వన్‌డౌన్‌ బ్యాటర్‌ సాయి సుదర్శన్‌ 3 పరుగులకే నిష్క్రమించాడు.ఇక కెప్టెన్‌ రుతురాజ్‌(11) మరోసారి దారుణంగా విఫలం కాగా.. దేవ్‌దత్‌ పడిక్కల్‌ ఒక్క పరుగే చేయగలిగాడు. ధ్రువ్‌ జురెల్‌ మరోసారి పోరాటం చేస్తుండగా.. నితీశ్‌ రెడ్డి అతడికి తోడుగా నిలిచాడు. రెండో రోజు ఆట ముగిసే సరికి భారత్‌-‘ఎ’ 31 ఓవర్లు ఆడి ఐదు వికెట్ల నష్టానికి కేవలం 73 పరుగులు చేసింది. ఆట పూర్తయ్యేసరికి జురెల్‌ 19, నితీశ్‌ రెడ్డి 9 పరుగులతో క్రీజులో ఉన్నారు. ఆసీస్‌ బౌలర్లలో నాథన్‌ మెక్‌ ఆండ్రూ, బ్యూ వెబ్‌స్టర​ రెండేసి వికెట్లు తీయగా.. కోరే రొచిసియోలి ఒక వికెట్‌ పడగొట్టాడు.చదవండి: అతడికి ఎందుకు ఛాన్స్‌ ఇవ్వడం లేదు?.. కుండబద్దలు కొట్టిన సూర్య

టీమిండియా యువ క్రికెటర్‌ ధ్రువ్‌ జురెల్‌ ఆస్ట్రేలియా గడ్డపై అద్భుత ఇన్నింగ్స్‌తో మెరిశాడు. సహచర ఆటగాళ్లంతా విఫలమైన వేళ అర్ధ శతకంతో ఆకట్టుకున్నాడు. సెంచరీ చేజారినా తన విలువైన ఇన్నింగ్స్‌తో జట్టును ఆదుకున్నాడు. ఈ నేపథ్యంలో ఈ వికెట్‌ కీపర్‌ బ్యాటర్‌పై ప్రశంసల వర్షం కురుస్తోంది.కివీస్‌తో టెస్టులలో నో ఛాన్స్‌కాగా ఆస్ట్రేలియాతో ప్రతిష్టాత్మక బోర్డర్‌- గావస్కర్‌ ట్రోఫీ(బీజీటీ)కి ఎంపిక చేసిన జట్టులో ధ్రువ్‌ జురెల్‌కు చోటు దక్కిన విషయం తెలిసిందే. అయితే, స్వదేశంలో ఇటీవల న్యూజిలాండ్‌తో జరిగిన మూడు టెస్టుల్లోనూ అతడికి ఆడే అవకాశం రాలేదు. వికెట్‌ కీపర్‌ కోటాలో రిషభ్‌ పంత్‌ బరిలోకి దిగగా.. జురెల్‌ను పక్కనపెట్టారు.అనధికారిక టెస్టు సిరీస్‌ ఆడుతున్న భారత జట్టులోఇక కివీస్‌తో స్వదేశంలో మూడు టెస్టుల్లో టీమిండియా ఓడిపోయి 3-0తో వైట్‌వాష్‌కు గురైన విషయం తెలిసిందే. ఈ నేపథ్యంలో దిద్దుబాటు చర్యలు చేపట్టిన బీసీసీఐ.. కేఎల్‌ రాహుల్‌తో పాటు ధ్రువ్‌ జురెల్‌ను ముందుగానే ఆస్ట్రేలియాకు పంపింది. బీజీటీ కంటే ముందు ఆస్ట్రేలియా-‘ఎ’తో అనధికారిక టెస్టు సిరీస్‌ ఆడుతున్న భారత జట్టులో వీరిద్దరిని చేర్చి.. వారి ఆట తీరును పరిశీలిస్తోంది.161 పరుగులకే ఆలౌట్‌ఇక ఇప్పటికే ఆసీస్‌-ఎ, భారత్‌-ఎ జట్ల మధ్య తొలి మ్యాచ్‌లో రుతు సేన ఓడిపోగా.. గురువారం మెల్‌బోర్న్‌ వేదికగా రెండో టెస్టు మొదలైంది. ఈ మ్యాచ్‌లో టాస్‌ ఓడి తొలుత బ్యాటింగ్‌ చేసిన భారత్‌ కేవలం 161 పరుగులు మాత్రమే చేసి ఆలౌట్‌ అయింది. నిజానికి భారత్‌ ఈ మాత్రం స్కోరు చేయడానికి కారణం జురెల్‌.టాపార్డర్‌ కుప్పకూలి 11 పరుగులకే భారత్‌ నాలుగు వికెట్లు కోల్పోయిన వేళ.. జురెల్‌ ఆపద్భాందవుడిలా ఆదుకున్నాడు. ఆరో స్థానంలో బ్యాటింగ్‌ చేసిన ఈ వికెట్‌ కీపర్‌ 80 పరుగులు(186 బంతుల్లో 6 ఫోర్లు, 2 సిక్సర్లు) సాధించాడు. సహచరులంతా ఆసీస్‌ బౌలర్ల ధాటికి.. పెవిలియన్‌కు క్యూ కడితే.. తాను మాత్రం పట్టుదలగా నిలబడి.. జట్టు గౌరవప్రదమైన స్కోరు చేయడంలో కీలక పాత్ర పోషించాడు.సర్ఫరాజ్‌ ఖాన్‌పై వేటు వేసిఈ నేపథ్యంలో టీమిండియా అభిమానులు ధ్రువ్‌ జురెల్‌ను కొనియాడుతున్నారు. బీజీటీలో మిడిలార్డర్‌లో అతడిని తప్పక ఆడించాలని విజ్ఞప్తి చేస్తున్నారు. కాగా ఆస్ట్రేలియాతో సిరీస్‌లో టీమిండియా ప్లేయింగ్‌ ఎలెవన్‌లో జురెల్‌కు చోటు దక్కడం అంత సులభమేమీ కాదు.వికెట్‌ కీపర్‌గా పంత్‌ అందుబాటులో ఉంటాడు కాబట్టి.. మిడిలార్డర్‌లో ఎవరో ఒకరిపై వేటు పడితేనే జురెల్‌కు లైన్‌ క్లియర్‌ అవుతుంది. కివీస్‌ సిరీస్‌లో ప్రదర్శనను బట్టి చూస్తే సర్ఫరాజ్‌ ఖాన్‌ను తప్పించే సూచనలే ఎక్కువగా కనిపిస్తున్నాయి.కివీస్‌తో తొలి టెస్టులో భారీ శతకం(150) సాధించినప్పటికీ.. ఆ తర్వాత ఈ ముంబై బ్యాటర్‌ వరుసగా విఫలమయ్యాడు. ఈ నేపథ్యంలో ఆరో స్థానంలో సర్ఫరాజ్‌కు బదులు జురెల్‌ ఆసీస్‌ గడ్డపై బీజీటీలో ఆడించాలనే డిమాండ్లు వస్తున్నాయిబోర్డర్‌- గావస్కర్‌ ట్రోఫీకి భారత జట్టురోహిత్ శర్మ (కెప్టెన్), జస్‌ప్రీత్‌ బుమ్రా (వైస్ కెప్టెన్), యశస్వి జైస్వాల్, అభిమన్యు ఈశ్వరన్, శుబ్‌మన్‌ గిల్, విరాట్ కోహ్లీ, కేఎల్ రాహుల్, రిషభ్‌ పంత్ (వికెట్ కీపర్), సర్ఫరాజ్ ఖాన్, ధృవ్ జురెల్ (వికెట్ కీపర్), రవిచంద్రన్ అశ్విన్, ఆర్ జడేజా, మహ్మద్‌ సిరాజ్, ఆకాశ్ దీప్, ప్రసిద్‌ కృష్ణ, హర్షిత్ రాణా, నితీశ్‌ కుమార్ రెడ్డి, వాషింగ్టన్ సుందర్.చదవండి: #Shreyas Iyer: శ్రేయస్ అయ్యర్ ఊచకోత.. కెరీర్‌లో తొలి డబుల్ సెంచరీ

ఆస్ట్రేలియా పర్యటనలో భారత్‌-‘ఎ’ బ్యాటర్ల వైఫల్యం కొనసాగుతోంది. ఇప్పటికే తొలి టెస్టులో ఓడిన రుతురాజ్‌ సేన.. రెండో మ్యాచ్‌లోనూ శుభారంభం అందుకోలేకపోయింది. ఆట మొదటి రోజే స్వల్ప స్కోరుకు ఆలౌట్‌ అయింది. ఆసీస్‌ బౌలర్ల ధాటికి తాళలేక తొలి ఇన్నింగ్స్‌లో 161 పరుగులకే కుప్పకూలింది.తొలి టెస్టులో ఓటమికాగా ఆసీస్‌-‘ఎ’- భారత్‌-‘ఎ’- జట్ల మధ్య రెండు మ్యాచ్‌ల అనధికారిక టెస్టు సిరీస్‌ జరుగుతోంది. ఇందులో భాగంగా మెకే వేదికగా జరిగిన తొలి మ్యాచ్‌లో ఆస్ట్రేలియా ఏడు వికెట్ల తేడాతో గెలుపొందింది. భారత కెప్టెన్‌ రుతురాజ్‌ గైక్వాడ్‌ సహా ప్రధాన ఆటగాళ్లంతా విఫలం కావడంతో ఈ మేర పరాభవం తప్పలేదు.అదొక్కటే సానుకూలాంశంఇక ఈ మ్యాచ్‌ రెండో ఇన్నింగ్స్‌లో సాయి సుదర్శన్‌ సెంచరీ చేయడం ఒక్కటే సానుకూలాంశం. ఈ క్రమంలో ఓటమిభారంతో గురువారం రెండో టెస్టు మొదలుపెట్టిన భారత జట్టు.. మరోసారి విఫలమైంది. రుతు, అభిమన్యు, కేఎల్‌ రాహుల్‌ ఫెయిల్‌మెల్‌బోర్న్‌ వేదికగా టాస్‌ ఓడి తొలుత బ్యాటింగ్‌కు దిగింది భారత్‌. అయితే, ఆసీస్‌ పేసర్ల ధాటికి టాపార్డర్‌ కకావికలమైంది. ఓపెనర్లలో అభిమన్యు ఈశ్వరన్‌ డకౌట్‌ కాగా.. కేఎల్‌ రాహుల్‌ కేవలం నాలుగు పరుగులకే వెనుదిరిగాడు. పెవిలియన్‌కు గత మ్యాచ్‌లో శతకం బాదిన వన్‌డౌన్‌ బ్యాటర్‌ సాయి సుదర్శన్‌ ఈసారి సున్నాకే అవుట్‌కాగా.. కెప్టెన్‌ రుతురాజ్‌(4) మరోసారి తీవ్రంగా నిరాశపరిచాడు.ధ్రువ్‌ జురెల్‌ అద్భుత ఇన్నింగ్స్‌ఈ క్రమంలో మిడిలార్డర్‌లో దేవ్‌దత్‌ పడిక్కల్‌(26) కాసేపు పోరాడగా.. వికెట్‌ కీపర్‌ బ్యాటర్‌ ధ్రువ్‌ జురెల్‌ అద్భుత ఇన్నింగ్స్‌ ఆడాడు. క్రీజులో పట్టుదలగా నిలబడిన ఈ కుడిచేతి వాటం బ్యాటర్‌ 186 బంతులు ఎదుర్కొని 6 ఫోర్లు, 2 సిక్స్‌ల సాయంతో 80 పరుగులు సాధించాడు.నితీశ్‌ రెడ్డి మరోసారిమిగతా వాళ్లలో ఆల్‌రౌండర్‌ నితీశ్‌ రెడ్డి(16) మరోసారి నిరాశపరచగా.. మరో ఆల్‌రౌండర్‌ తనుష్‌ కొటియాన్‌(0), టెయిలెండర్లు ఖలీల్‌ అహ్మద్‌(1) సింగిల్‌ డిజిట్‌ స్కోర్లకే పరిమితమయ్యారు. ప్రసిద్‌ కృష్ణ 14 పరుగులు చేయగా.. ముకేశ్‌ కుమార్‌ 5 పరుగులతో నాటౌట్‌గా నిలిచాడు.చెలరేగిన నాసెర్‌ఆసీస్‌ బౌలర్లలో పేసర్‌ మైకేల్‌ నాసెర్‌ నాలుగు వికెట్లతో చెలరేగగా.. స్పిన్నర్‌ బ్యూ వెబ్‌స్టర్‌ 3 వికెట్లు పడగొట్టాడు. స్కాట్‌ బోలాండ్‌ కేఎల్‌ రాహుల్‌ రూపంలో కీలక వికెట్‌ దక్కించుకోగా.. స్పిన్నర్‌ కోరే రోచిసియెలి, కెప్టెన్‌ నాథన్‌ మెక్స్వినే(జురెల్‌ వికెట్‌) తలా ఒక వికెట్‌ తమ ఖాతాలో వేసుకున్నారు. ఇదిలా ఉంటే.. ఆస్ట్రేలియాతో ప్రతిష్టాత్మక బోర్డర్‌- గావస్కర్‌ ట్రోఫీ(బీజీటీ)కి ముందు కేఎల్‌ రాహుల్‌, ధ్రువ్‌ జురెల్‌లను ముందుగానే బీసీసీఐ అక్కడికి పంపించింది. వీరిలో జురెల్‌ హిట్‌ కాగా.. రాహుల్‌ మరోసారి విఫలమయ్యాడు. ఇక బీజీటీ ఆడే టీమిండియాలో చోటు దక్కించుకున్న నితీశ్‌ రెడ్డి, అభిమన్యు ఈశ్వరన్‌ తీవ్రంగా నిరాశపరుస్తున్నారు. చదవండి: WI Vs ENG: కెప్టెన్‌తో గొడవ.. మ్యాచ్‌ మధ్యలోనే వెళ్లిపోయిన విండీస్‌ స్టార్‌ ప్లేయర్‌! వీడియో

బోర్డ‌ర్ గ‌వాస్క‌ర్ ట్రోఫీ స‌న్నాహ‌కాల్లో భాగంగా ముందుగానే ఆస్ట్రేలియా గ‌డ్డ‌పై అడుగుపెట్టిన టీమిండియా స్టార్ ప్లేయ‌ర్ కేఎల్ రాహుల్‌కు శుభారంభం ల‌భించ‌లేదు. మెల్‌బోర్న్‌ వేదికగా ఆస్ట్రేలియా-ఎతో జరుగుతున్న రెండో అనాధికారిక టెస్టులో భారత్‌-ఎ జట్టుకు ప్రాతినిధ్యం వహిస్తున్న రాహుల్‌ తీవ్ర నిరాశపరిచాడు. ఈ మ్యాచ్‌లో ఓపెనర్‌గా వచ్చిన రాహుల్‌ కేవలం 4 పరుగులు మాత్రమే చేసి పెవిలియన్‌కు చేరాడు. స్కాట్‌ బోలాండ్‌ బౌలింగ్‌లో వికెట్‌ కీపర్‌కు క్యాచ్‌ ఇచ్చి రాహుల్‌ ఔటయ్యాడు.ఏమైంది రాహుల్‌?రాహుల్‌ తాజాగా న్యూజిలాండ్‌తో సిరీస్‌లోనూ విఫలమయ్యాడు. బెంగళూరు వేదికగా జరిగిన తొలి టెస్టులో నిరాశపరచడంతో మిగిలిన రెండు టెస్టులకు రాహుల్‌ బెంచ్‌కే పరిమితమయ్యాడు. అయితే బోర్డ‌ర్ గ‌వాస్క‌ర్ ట్రోఫీకి ఎంపిక చేసిన భారత జట్టులో రాహుల్‌ కూడా చోటు దక్కింది. ఈ క్రమంలో అక్కడి పరిస్థితులను అలవాటు పడేందుకు రాహుల్‌తో పాటు ధ్రువ్‌ జురెల్‌ ప్రధాన జట్టుకంటే ముందే ఆస్ట్రేలియాకు భారత జట్టు మేనెజ్‌మెంట్‌ పంపింది. కానీ అక్కడ కూడా రాహుల్‌ తనకు దక్కిన అవకాశాన్ని అంది పుచ్చుకోలేకపోయాడు. నవంబర్‌ 22 నుంచి ఆసీస్‌తో జరిగే తొలి టెస్టుకు భారత కెప్టెన్‌ రోహిత్‌ శర్మ దూరమయ్యే అవకాశాలు కన్పిస్తున్నాయి. ఈ క్రమంలో రాహుల్‌ను ఓపెనర్‌గా పంపాలని జట్టు మేనెజ్‌మెంట్‌​ భావిస్తోంది.ఈ క్రమంలోనే ప్రస్తుతం ఆస్ట్రేలియా-ఎతో జరుగుతున్న మ్యాచ్‌లో రాహుల్‌ ఓపెనర్‌గా దిగాడు. కానీ రాహుల్‌ మాత్రం తన మార్క్‌ను చూపించలేకపోయాడు. దీంతో అతడిపై సోషల్‌ మీడియాలో నెటిజన్లు విమర్శల వర్షం కురిపిస్తున్నారు. "మరి నీవు మారావా రాహుల్‌, ఎక్కడికి వెళ్లినా అంతేనా? అంటూ ఓ యూజర్‌ ఎక్స్‌లో పోస్ట్‌ చేశాడు.కష్టాల్లో భారత్‌​..ఇక ఈ మ్యాచ్‌లో టాస్‌ ఓడి బ్యాటింగ్‌కు దిగిన భారత్‌-ఎ జట్టు కేవలం 110 పరుగులకే 7 వికెట్లు కోల్పోయి కష్టాల్లో పడింది. ఆసీస్‌ మైఖల్‌ నీసర్‌ 4 వికెట్లతో టీమిండియాను దెబ్బతీశాడు. అతడితో పాటు వెబ్‌స్టార్‌ రెండు, స్కాట్‌ బోలాండ్‌ ఒక్క పడగొట్టాడు. భారత బ్యాటర్లలో ధ్రువ్‌ జురెల్‌(52 నాటౌట్‌) ఒంటరి పోరాటం చేస్తున్నాడు.చదవండి: BAN vs AFG: ఘజన్‌ఫర్‌ మాయాజాలం.. బంగ్లాదేశ్‌ను చిత్తు చేసిన అఫ్గాన్‌

ముంబై: ఇండియన్‌ ప్రీమియర్‌ లీగ్‌ (ఐపీఎల్‌) మెగా వేలానికి సమయం దగ్గర పడుతున్న కొద్దీ ఆసక్తికర విషయాలు వెల్లడవుతున్నాయి. ఈ నెల 24, 25న సౌదీ అరేబియాలోని జిద్దా నగరం వేదికగా ఐపీఎల్‌–2025 వేలం జరగనుండగా... ఇందులో భారత్‌ నుంచి 23 మంది ప్లేయర్లు రూ. 2 కోట్ల కనీస ధరతో పాల్గొననున్నారు. రిషబ్‌ పంత్, కేఎల్‌ రాహుల్, శ్రేయస్‌ అయ్యర్‌ వంటి స్టార్‌ ఆటగాళ్లతో పాటు... చాలా రోజుల నుంచి జాతీయ జట్టుకు దూరమైన ఉమేశ్‌ యాదవ్, భువనేశ్వర్‌ కుమార్, నటరాజన్‌ వంటి వాళ్లూ ఈ జాబితాలో ఉన్నారు. ముంబై ఇండియన్స్‌ బ్యాటర్‌ ఇషాన్‌ కిషన్‌తో పాటు స్పిన్‌ ఆల్‌రౌండర్‌ కృనాల్‌ పాండ్యా, వెంకటేశ్‌ అయ్యర్, దేవదత్‌ పడిక్కల్‌ కూడా తమ కనీస ధరను రెండు కోట్లుగా నమోదు చేసుకోవడం విశేషం. శస్త్రచికిత్స అనంతరం తిరిగి కోలుకుంటున్న సీనియర్‌ పేసర్‌ మొహమ్మద్‌ షమీ, హైదరాబాద్‌ బౌలర్‌ మొహమ్మద్‌ సిరాజ్, హర్షదీప్ సింగ్, ముకేశ్‌ కుమార్, అవేశ్‌ ఖాన్, ఖలీల్‌ అహ్మద్, హర్షల్‌ పటేల్, దీపక్‌ చహర్, శార్దూల్‌ ఠాకూర్, హర్షల్‌ పటేల్, ప్రసిధ్‌ కృష్ణ, వాషింగ్టన్‌ సుందర్, అశ్విన్‌, యుజువేంద్ర చహల్‌ కూడా ఉన్నారు. మూడేళ్ల కోసం చేపడుతున్న ఈ మెగా వేలంలో మొత్తం 1574 మంది ప్లేయర్లు తమ పేర్లు నమోదు చేసుకున్నారు. కనీస ధర నిర్ణయించుకునే అవకాశం ఆటగాళ్లదే కాగా... ఒక్కో జట్టు గరిష్టంగా 25 మంది ప్లేయర్లను ఎంపిక చేసుకునే అవకాశం ఉంది. అండర్సన్‌ తొలిసారి... టెస్టు క్రికెట్‌కు ఎక్కువ ప్రాధాన్యత ఇవ్వాలనే ఉద్దేశంతో ఇంగ్లండ్‌ టెస్టు జట్టు సారథి బెన్‌ స్టోక్స్‌ ఈసారి ఐపీఎల్‌ వేలానికి దూరమయ్యాడు. కాగా అంతర్జాతీయ క్రికెట్‌కు వీడ్కోలు పలికిన వెటరన్‌ పేసర్‌ జేమ్స్‌ అండర్సన్‌ తొలిసారి ఐపీఎల్‌ వేలం కోసం తన పేరు నమోదు చేసుకోవడం గమనార్హం. 42 ఏళ్ల అండర్సన్‌ ఈ ఏడాదే టెస్టు క్రికెట్‌కు రిటైర్మెంట్‌ ప్రకటించాడు. సుదీర్ఘ ఫార్మాట్‌లో అత్యధిక వికెట్లు పడగొట్టిన పేసర్‌గా రికార్డుల్లోకి ఎక్కిన అండర్సన్‌... టి20 మ్యాచ్‌ ఆడి ఇప్పటికే పదేళ్లు దాటిపోయింది. అండర్సన్‌ చివరిసారిగా 2014లో ఈ ఫార్మాట్‌లో మ్యాచ్‌ ఆడాడు. అండర్సన్‌ తన కనీస ధరను రూ. 1 కోటీ 25 లక్షలుగా నిర్ణయించుకున్నాడు. గత వేలంలో అత్యధిక ధర (రూ. 24 కోట్ల 50 లక్షలు) పలికిన ప్లేయర్‌గా ఘనత సాధించిన ఆ్రస్టేలియా పేసర్‌ మిచెల్‌ స్టార్క్‌తో పాటు, మినీ వేలంలో అమ్ముడుపోని ఆస్ట్రేలియా ఆఫ్‌ స్పిన్నర్‌ నాథన్‌ లియాన్‌ రూ. 2 కోట్ల ప్రాథమిక ధరలో తమ పేర్లు నమోదు చేసుకున్నారు. 2023లో చివరిసారి ఐపీఎల్లో పాల్గొన్న ఇంగ్లండ్‌ పేసర్‌ జోఫ్రా ఆర్చర్‌ కూడా ఇదే ధరతో వేలంలో పాల్గొననున్నాడు. రూ. 75 లక్షలతో సర్ఫరాజ్‌ గత వేలంలో అమ్ముడిపోని ఆటగాళ్ల జాబితాలో మిగిలిపోయిన ముంబై బ్యాటర్‌ సర్ఫరాజ్‌ ఖాన్‌తో పాటు... పేలవ ఫామ్‌తో ముంబై రంజీ జట్టులో చోటు కోల్పోయిన పృథ్వీ షా ఈసారి వేలంలో రూ. 75 లక్షల ప్రాథమిక ధరతో తమ పేర్లు నమోదు చేసుకున్నారు. వేలంలో పేర్లు నమోదు చేసుకున్న వారిలో 1165 మంది భారతీయ ప్లేయర్లు, 409 మంది విదేశీయులు ఉన్నారు. దక్షిణాఫ్రికా నుంచి అత్యధికంగా 91 మంది ప్లేయర్లు పోటీలో ఉండగా... ఆ్రస్టేలియా నుంచి 76 మంది, ఇంగ్లండ్‌ నుంచి 52 మంది, న్యూజిలాండ్‌ నుంచి 39 మంది, వెస్టిండీస్‌ నుంచి 33 మంది ప్లేయర్లు వేలంలో పాల్గొంటున్నారు. ఇటలీ, యూఏఈ నుంచి ఒక్కో ప్లేయర్‌ తమ పేరు నమోదు చేసుకున్నారు. ఇటలీ నుంచి తొలి ఎంట్రీ... ఇటలీ పేసర్‌ థామస్‌ డ్రాకా ఐపీఎల్‌ వేలంలో తన అదృష్టాన్ని పరీక్షించుకోనుండగా... ఈ ఏడాది టి20 ప్రపంచకప్‌ సందర్భంగా ఆకట్టుకున్న భారత సంతతికి చెందిన అమెరికా బౌలర్‌ సౌరభ్‌ నేత్రావల్కర్‌పై అందరి దృష్టి నిలవనుంది. ఐపీఎల్‌ వేలంలో పేరు నమోదు చేసుకున్న తొలి ఇటలీ ప్లేయర్‌గా డ్రాకా నిలిచాడు. ఇటలీ తరఫున ఇప్పటి వరకు నాలుగు అంతర్జాతీయ టి20 మ్యాచ్‌లు ఆడిన 24 ఏళ్ల డ్రాకా... గ్లోబల్‌ టి20 కెనడా టోర్నీ ద్వారా వెలుగులోకి వచ్చాడు. ఆ టోరీ్నలో 11 వికెట్లు పడగొట్టిన డ్రాకా... ఆల్‌రౌండర్ల జాబితాలో ప్రాథమిక ధర రూ. 30 లక్షలతో ఐపీఎల్‌ వేలంలో తన పేరు నమోదు చేసుకున్నాడు. ఇటీవల ఐఎల్‌ టి20 లీగ్‌లో ముంబై ఇండియన్స్‌ ఫ్రాంచైజీకి చెందిన ముంబై ఎమిరేట్స్‌ జట్టుకు డ్రాకా ఎంపికయ్యాడు. ఇక అండర్‌–19 స్థాయిలో భారత్‌కు ప్రాతినిధ్యం వహించి ఆ తర్వాత మెరుగైన ఉపాధి కోసం అమెరికా వెళ్లి స్థిరపడి అక్కడ అటు ఉద్యోగంతో పాటు ఇటు క్రికెట్‌లో రాణిస్తున్న నేత్రావల్కర్‌ కూడా రూ. 30 లక్షల ప్రాథమిక ధరతో వేలానికి రానున్నాడు.

ఇండియన్‌ ప్రీమియర్‌ లీగ్‌ (ఐపీఎల్‌) మెగా వేలం-2025 వేదిక ఖరారైంది. ఈ నెల 24, 25న సౌదీ అరేబియాలోని జిద్దా నగరంలో ఐపీఎల్‌–2025 వేలంపాట జరగనుందని మంగళవారం బీసీసీఐ అధికారికంగా ప్రకటించింది. గత ఏడాది దుబాయ్‌లో ఐపీఎల్‌ వేలం నిర్వహించగా... వరుసగా రెండో ఏడాది విదేశాల్లో ఐపీఎల్‌ వేలం జరగనుంది. ముందుగా సౌదీ అరేబియా రాజధాని రియాద్‌లో వేలం నిర్వహిస్తారని వార్తలు వచ్చినా బీసీసీఐ మాత్రం జిద్దా నగరాన్ని ఎంచుకుంది. 👉ఇక ఇటీవల ఫ్రాంచైజీల రిటెన్షన్‌ జాబితా విడుదల కాగా... 1574 మంది ప్లేయర్లు వేలానికి రానున్నారు. ఇందులో 1165 మంది భారత ఆటగాళ్లు, 409 మంది విదేశీయులు ఉన్నారు. మొత్తంగా 320 మంది క్యాప్డ్‌ ప్లేయర్లు, 1224 మంది అన్‌ క్యాప్డ్‌ ప్లేయర్లు ఉన్నారు. 👉ఇందులో జాతీయ జట్టుకు ఆడిన భారత ఆటగాళ్లు 48 మంది ఉండగా... 965 మంది అన్‌క్యాప్డ్‌ ప్లేయర్లు ఉన్నారు. అసోసియేట్‌ దేశాల నుంచి 30 మంది ప్లేయర్లు వేలంలో తమ అదృష్టాన్ని పరీక్షించుకోనున్నారు. అప్పటి నుంచి ఒక్క టీ20 ఆడలేదు.. కానీ👉ఇంగ్లండ్‌ స్టార్‌ బెన్‌ స్టోక్స్‌ వచ్చే ఐపీఎల్‌ టోర్నీకి దూరంగా ఉండాలని నిర్ణయం తీసుకున్నాడు. 2014 నుంచి ఒక్క టీ20 మ్యాచ్‌ కూడా ఆడని ఇంగ్లండ్‌ పేసర్‌ జేమ్స్‌ అండర్సన్‌ ఏకంగా రూ. 1 కోటీ 25 లక్షల కనీస ధరకు తన పేరును నమోదు చేసుకోవడం విశేషం. 👉ఆస్ట్రేలియా పర్యటనలో భాగంగా టీమిండియా తొలి టెస్టు ఆడుతున్న సమయంలోనే ఈ వేలం జరగనుంది. ఒక్కో జట్టు రీటైన్‌ ఆటగాళ్లను కలుపుకొని అత్యధికంగా 25 మంది ప్లేయర్లను కొనుగోలు చేసుకునే అవకాశం ఉంది. అంటే ప్రస్తుతం ఫ్రాంచైజీలు రీటైన్‌ చేసుకున్న ఆటగాళ్లు కాకుండా... ఇంకా 204 మంది ప్లేయర్లను ఎంపిక చేసుకోవాల్సి ఉంది. వేలంలో 641.5 కోట్లు ఖర్చురిటెన్షన్‌ విధానంలో పలువురు ప్రధాన ఆటగాళ్లను ఫ్రాంచైజీలు వదిలేసుకోవడంతో... రిషబ్‌ పంత్, కేఎల్‌ రాహుల్, శ్రేయస్‌ అయ్యర్, సిరాజ్‌లాంటి పలువురు భారత స్టార్‌ ఆటగాళ్లు వేలానికి రానున్నారు. మొత్తంగా 10 ఫ్రాంచైజీలు కలిపి 204 మంది ప్లేయర్ల కోసం రూ. 641.5 కోట్లు వేలంలో ఖర్చు చేయనున్నాయి. ఇందులో 70 మంది విదేశీ ఆటగాళ్లకు అవకాశం దక్కనుంది. రిటెన్షన్‌ గడువు ముగిసేసరికి 10 జట్లు రూ. 558.5 కోట్లు ఖర్చు పెట్టి 46 మంది ప్లేయర్లను అట్టిపెట్టుకున్నాయి. రిటెన్షన్‌ ప్రక్రియ ముగిసిన తర్వాత అత్యధికంగా పంజాబ్‌ కింగ్స్‌ ఫ్రాంచైజీ వద్ద రూ.110.5 కోట్లు మిగిలి ఉన్నాయి. వారి కనీస ధర రూ. 2 కోట్లుఇక ఈసారి వేలంలోకి రానున్న టీమిండియా స్టార్‌ బ్యాటర్లు రిషభ్‌ పంత్‌, కేఎల్‌ రాహుల్‌, శ్రేయస్‌ అయ్యర్‌లతో పాటు వెటరన్‌ స్పిన్నర్లు రవిచంద్రన్‌ అశ్విన్, యజువేంద్ర చహల్ తదితరులు తమ కనీస ధరను రూ. 2 కోట్లుగా నిర్ణయించినట్లు సమాచారం.వీరితో పాటు ఖలీల్‌ అహ్మద్‌, దీపక్‌ చహర్‌, వెంకటేశ్‌ అయ్యర్‌, ఆవేశ్‌ ఖాన్‌, ఇషాన్‌ కిషన్‌, ముకేశ్‌ కుమార్‌, భువనేశ్వర్‌ కుమార్‌, ప్రసిద్‌ కృష్ణ, టి.నటరాజన్‌, దేవదత్‌ పడిక్కల్‌, కృనాల్‌ పాండ్యా, హర్షల్‌ పటేల్‌, అర్ష్‌దీప్‌ సింగ్‌, వాషింగ్టన్‌ సుందర్‌, శార్దూల్‌ ఠాకూర్‌, మహ్మద్‌ సిరాజ్‌, ఉమేశ్‌ యాదవ్‌ తదితర ద్వితీయ శ్రేణి భారత క్రికెటర్లు సైతం రూ. 2 కోట్ల కనీస ధరతో వేలంలోకి రానున్నట్లు తెలుస్తోంది.వీరి బేస్‌ ప్రైస్‌ రూ. 75 లక్షలుఅయితే, ముంబై బ్యాటర్లు పృథ్వీ షా, సర్ఫరాజ్‌ ఖాన్‌ల బేస్‌ ప్రైస్‌ మాత్రం రూ. 75 లక్షలుగా ఉండనున్నట్లు సమాచారం. కాగా టీమిండియా ఓపెనర్‌గా వచ్చిన అవశాలను సద్వినియోగం చేసుకోలేకపోయిన పృథ్వీ షా.. ఐపీఎల్‌లోనూ అంతంతమాత్రంగానే ఆడుతున్నాడు. మరోవైపు.. ఈ ఏడాది అంతర్జాతీయ క్రికెట్‌లో అడుగుపెట్టిన సర్ఫరాజ్‌ ఖాన్‌ టెస్టుల్లో సత్తా చాటుతున్నాడు. అయితే, గతేడాది వేలంలో అమ్ముడుపోకుండా మిగిలి పోయిన అతడిని ఈసారి ఏదో ఒక ఫ్రాంఛైజీ కనీసం బేస్‌ ధరకు సొంతం చేసుకునే అవకాశం ఉంది.చదవండి: Ind vs Aus BGT: కేఎల్‌ రాహుల్‌పై దృష్టి

మెల్‌బోర్న్‌: టీమిండియా ఆటగాడు కేఎల్‌ రాహుల్‌ను ఒత్తిడిలోనే ఉంచే ప్రయత్నం చేస్తామని... ఆస్ట్రేలియా పేసర్‌ స్కాట్‌ బోలాండ్‌ అన్నాడు. భారత్, ఆస్ట్రేలియా మధ్య ఈ నెల 22 నుంచి ఐదు మ్యాచ్‌ల ‘బోర్డర్‌–గావస్కర్‌’ టెస్టు సిరీస్‌ ప్రారంభం కానుండగా... ప్రస్తుతం భారత ‘ఎ’ జట్టు ఆస్ట్రేలియాలో పర్యటిస్తోంది. ఇందులో భాగంగా ఇప్పటికే ఆ్రస్టేలియా ‘ఎ’తో భారత ‘ఎ’ జట్టు ఒక అనధికారిక టెస్టు ఆడి ఓడిపోగా... రెండో మ్యాచ్‌ గురువారం నుంచి ప్రారంభం కానుంది. ఈ మ్యాచ్‌లో ఆడేందుకు రాహుల్‌తో పాటు వికెట్‌ కీపర్‌ ధ్రువ్‌ జురెల్‌ ముందుగానే ఆ్రస్టేలియాలో అడుగు పెట్టారు. ఇటీవలి కాలంలో స్థాయికి తగ్గ ప్రదర్శన చేయలేకపోతున్న రాహుల్‌... ‘బోర్డర్‌–గావస్కర్‌’ ట్రోఫీ సిరీస్‌కు ముందు ఈ మ్యాచ్‌లో సత్తా చాటాలని పట్టుదలతో ఉన్నాడు. తాజాగా న్యూజిలాండ్‌తో తొలి టెస్టులో మాత్రమే ఆడి తర్వాత తుది జట్టులో చోటు కోల్పోయిన రాహుల్‌... బోర్డర్‌–గావస్కర్‌ సిరీస్‌లోని మొదటి టెస్టు కోసం తుది జట్టులో ఉండే అవకాశాలు ఎక్కువగా ఉన్నాయి. కెప్టెన్ రోహిత్‌ శర్మ వ్యక్తిగత కారణాలరీత్యా తొలి టెస్టుకు అందుబాటులో లేకపోతే టీమ్‌ మేనేజ్‌మెంట్‌ రాహుల్‌కే తొలి ప్రాధాన్యత ఇస్తుంది. ఈ నేపథ్యంలో బోలాండ్‌ మాట్లాడుతూ.. ‘గతంలో రాహుల్‌కు బౌలింగ్‌ చేసిన అనుభవం ఉంది. మళ్లీ ఇన్ని రోజుల తర్వాత స్వదేశంలో అతడికి బౌలింగ్‌ చేయనున్నా. అతడు ప్రపంచ స్థాయి ప్లేయర్‌. అతడిని ఒత్తిడిలో ఉంచేందుకు ప్రయత్నిస్తాం’ అని అన్నాడు. స్వదేశంలో న్యూజిలాండ్‌ చేతిలో ఓడినంత మాత్రాన టీమిండియాను తక్కువ అంచనా వేయడం లేదని బోలాండ్‌ పేర్కొన్నాడు. ‘ఇక్కడి పిచ్‌లపై బౌన్స్‌ ఎక్కువ ఉంటుంది. ఆ్రస్టేలియా పర్యటన కోసం టీమిండియా జట్టును ఎంపిక చేసుకునే విధానం భారత్‌తో పోలిస్తే పూర్తి భిన్నంగా ఉంటుంది’ అని అన్నాడు. 2015లో తొలిసారి ఆ్రస్టేలియాలో పర్యటించిన రాహుల్‌... సిడ్నీ టెస్టులో సెంచరీతో ఆకట్టుకున్నాడు. గత ఏడాది డిసెంబర్‌లో సెంచూరియన్‌ వేదికగా దక్షిణాఫ్రికాపై చివరిసారి సెంచరీ చేసిన రాహుల్‌... ఆ తర్వాత 9 ఇన్నింగ్స్‌ల్లో కేవలం రెండు అర్ధశతకాలు మాత్రమే నమోదు చేశాడు.

న్యూజిలాండ్‌తో టెస్టు సిరీస్‌లో ఘోర వైఫల్యం నేప‌థ్యంలో టీమిండియా మేనేజ్‌మెంట్ దిద్దుబాటు చ‌ర్య‌లు చేపట్టింది. కివీస్‌పై చేసిన త‌ప్పిదాల‌ను బోర్డర్ గవాస్కర్ ట్రోఫీలో పున‌రావృతం చేయకూడదని గంభీర్ అండ్ ​కో భావిస్తున్నారు. ఈ క్రమంలో ఆసీస్‌తో టెస్టు సిరీస్‌కు ముందు భారత జట్టు మేనేజ్‌మెంట్ కీలక నిర్ణయం తీసుకుంది. భారత బ్యాటర్లు కేఎల్ రాహుల్, ధ్రువ్ జురెల్‌లను వారం రోజుల ముందుగానే ఆస్ట్రేలియా పంపాలని డిసైడ్ అయింది. ప్రస్తుతం ఆసీస్ పర్యటనలో ఉన్న భారత-ఎ జట్టుతో వీరిద్దరూ బుధ‌వారం(న‌వంబ‌ర్ 6) కలవనున్నారు. నవంబర్ 7 నుంచి మెల్‌బోర్న్ వేదికగా ఆస్ట్రేలియా-ఎతో జరగనున్న రెండో టెస్టులో రాహుల్‌, జురెల్ భారత్‌-ఎ తరపున ఆడే ఛాన్స్ ఉంది.కాగా స్వ‌దేశంలో న్యూజిలాండ్‌తో సిరీస్‌కు ఎంపికైన రాహుల్ కేవ‌లం ఒకే మ్యాచ్ ఆడాడు. బెంగ‌ళూరు వేదిక‌గా జ‌రిగిన తొలి టెస్టులో విఫ‌ల‌మం కావ‌డంతో మిగితా రెండు మ్యాచ్‌ల‌కు బెంచ్‌కే పరిమితం చేశాడు. ఈ క్ర‌మంలోనే అత‌డు ప్రాక్టీస్ కోసం ముందుగానే ఆస్ట్రేలియా గ‌డ్డ‌పై అడ‌గుపెట్ట‌నున్నాడు. రాహుల్‌కు ఆసీస్ గ‌డ్డ‌పై ఆడిన అనుభ‌వం ఉంది. ఆస్ట్రేలియాలో 5 టెస్టులు ఆడిన రాహుల్ 20.77 స‌గ‌టుతో కేవ‌లం 187 ప‌రుగులు మాత్ర‌మే చేశాడు.జురెల్ ఇదే తొలిసారి.. మ‌రోవైపు వికెట్ కీప‌ర్ బ్యాట‌ర్ తొలిసారి ఆస్ట్రేలియా ప‌ర్య‌ట‌నకు వెళ్లనున్నాడు. విదేశీ గ‌డ్డ‌పై ఆడిన అనుభ‌వం జురెల్‌కు లేదు. ఈ నేప‌థ్యంలోనే అక్క‌డి పరిస్థితులకు అలవాటు పడేందుకు ముందుగానే జురెల్‌ను కూడా జ‌ట్టు మేనేజ్‌మెంట్ ఆస్ట్రేలియాకు పంపింది. ఇక నవంబ‌ర్ 22 నుంచి పెర్త్ వేదిక‌గా జ‌ర‌గ‌నున్న తొలి టెస్టుతో భారత్-ఆస్ట్రేలియా జట్ల మధ్య బోర్డర్ గవాస్కర్ ట్రోఫీ ప్రారంభం కానుంది. ఇప్ప‌టికే ఈ ప్ర‌తిష్టాత్మ‌క ట్రోఫీ కోసం భార‌త జ‌ట్టును బీసీసీఐ ఎంపిక చేసింది.ఆస్ట్రేలియా పర్యటనకు భారత జట్టురోహిత్‌ శర్మ, జస్‌ప్రీత్‌ బుమ్రా, యశస్వి జైశ్వాల్‌, అభిమన్యు ఈశ్వరన్‌, శుభ్‌మన్‌ గిల్‌, విరాట్‌ కోహ్లీ, కేఎల్‌ రాహుల్‌, సర్ఫరాజ్‌ ఖాన్‌, రిషభ్‌ పంత్‌ (వికెట్‌ కీపర్‌), ధ్రువ్‌ జురెల్‌ (వికెట్‌ కీపర్‌), రవిచంద్రన్‌ అశ్విన్‌, రవీంద్ర జడేజా, ఆకాశ్‌ దీప్‌, మహమ్మద్‌ సిరాజ్‌, ప్రసిద్ధ్‌ కృష్ణ, హర్షిత్‌ రాణా, నితీశ్‌కుమార్‌ రెడ్డి, వాషింగ్టన్‌ సుందర్‌.చదవండి: Ind vs Aus: కివీస్‌ చేతిలో టీమిండియా వైట్‌వాష్‌.. ఆసీస్‌ స్టార్‌ కామెంట్స్‌ వైరల్‌

ఐపీఎల్‌ 2025 సీజన్‌కు సంబంధించి ఆటగాళ్ల రిటెన్షన్‌ జాబితాను కొద్ది సేపటి క్రితం విడుదల చేశారు. అన్ని ఫ్రాంచైజీలు ఊహించినట్టుగానే తాము అట్టిపెట్టుకునే ఆటగాళ్ల జాబితాను సమర్పించాయి. అయితే కొన్ని ఫ్రాంచైజీలు ఆసక్తికరంగా తమ కెప్టెన్లను వదిలేశాయి.ముందు నుంచి ప్రచారం జరిగినట్టుగా ఢిల్లీ (రిషబ్‌ పంత్), లక్నో (కేఎల్‌ రాహుల్‌), కేకేఆర్‌ (శ్రేయస్‌ అయ్యర్‌), పంజాబ్‌ కింగ్స్‌ (శిఖర్‌ ధవన్‌), ఆర్సీబీ (ఫాఫ్‌ డుప్లెసిస్‌) తమ కెప్టెన్లను వేలానికి వదిలేశాయి. నవంబర్‌ చివరి వారంలో జరుగబోయే మెగా వేలంలో ఈ ఐదుగురు కెప్టెన్లు తమ అదృష్టాన్ని పరీక్షించుకుంటారు. కారణాలు ఏవైనా ఆయా ఫ్రాంచైజీలు కెప్టెన్లను వేలానికి వదిలేయడం ఆసక్తికరంగా మారింది.కెప్టెన్లను వదిలేసిన ఫ్రాంచైజీలు రిటైన్‌ చేసుకున్న ఆటగాళ్ల జాబితా..కోల్‌కతా నైట్‌రైడర్స్‌రింకూ సింగ్‌- రూ. 13 కోట్లువరుణ్‌ చక్రవర్తి- రూ. 12 కోట్లుసునీల్‌ నరైన్‌- రూ. 12 కోట్లుఆండ్రీ రసెల్‌- రూ. 12 కోట్లుహర్షిత్‌ రాణా- రూ. 4 కోట్లురమన్‌దీప్‌ సింగ్‌- రూ. 4 కోట్లుఢిల్లీ క్యాపిటల్స్‌అక్షర్‌ పటేల్‌- రూ. 16.5 కోట్లుకుల్దీప్‌ యాదవ్‌- రూ. 13.25 కోట్లుట్రిస్టన్‌ స్టబ్స్‌- రూ. 10 కోట్లుఅభిషేక్‌ పోరెల్‌- రూ. 4 కోట్లులక్నో సూపర్‌ జెయింట్స్‌నికోలస్‌ పూరన్‌- రూ. 21 కోట్లురవి బిష్ణోయ్‌- రూ. 11 కోట్లుమయాంక్‌ యాదవ్‌- రూ. 11 కోట్లుమొహిసన్‌ ఖాన్‌- రూ. 4 కోట్లుఆయుశ్‌ బదోని- రూ. 4 కోట్లురాయల్‌ ఛాలెంజర్స్‌ బెంగళూరువిరాట్‌ కోహ్లి- రూ. 21 కోట్లురజత్‌ పాటిదార్‌- రూ. 11 కోట్లుయశ్‌ దయాల్‌- రూ. 5 కోట్లుపంజాబ్‌ కింగ్స్‌శశాంక్‌ సింగ్‌- రూ. 5.5 కోట్లుప్రభ్‌మన్‌సిమ్రన్‌ సింగ్‌- రూ. 4 కోట్లు

టీమిండియా క్రికెటర్‌ కేఎల్‌ రాహుల్‌కు హెడ్‌కోచ్‌ గౌతం గంభీర్‌ అండగా నిలిచాడు. ఈ కర్ణాటక బ్యాటర్‌ ఆటతీరు పట్ల తాము సంతృప్తిగానే ఉన్నామని తెలిపాడు. బయటవాళ్లు ఏమనుకుంటున్నారో అన్న అంశాలతో తమకు సంబంధం లేదని.. జట్టులోని ఆటగాళ్లకు అన్ని వేళలా మద్దతుగా ఉంటామని స్పష్టం చేశాడు. అద్భుత శతకంకాగా భారత టెస్టు జట్టు మిడిలార్డర్‌లో చోటు కోసం తీవ్రమైన పోటీ నెలకొన్న విషయం తెలిసిందే. ఓపెనర్‌గా ఉన్న శుబ్‌మన్‌ గిల్‌ వన్‌డౌన్‌లో ఆడుతుండగా.. నాలుగో స్థానంలో విరాట్‌ కోహ్లి బ్యాటింగ్‌ చేస్తున్నాడు. ఈ క్రమంలో ఐదోస్థానం కోసం కేఎల్‌ రాహుల్‌, శ్రేయస్‌ అయ్యర్‌ వంటి సీనియర్లతో సర్ఫరాజ్‌ ఖాన్‌ సైతం రేసులో ఉన్నాడు. అయితే, ఇప్పటికే అయ్యర్‌ జట్టుకు దూరం కాగా.. రాహుల్‌, సర్ఫరాజ్‌ పేర్లు తరచుగా వార్తల్లో నిలుస్తున్నాయి. ఇటీవల బెంగళూరులో న్యూజిలాండ్‌తో జరిగిన తొలి టెస్టుకు గిల్‌ దూరం కావడంతో.. కేఎల్‌ రాహుల్‌, సర్ఫరాజ్‌ ఇద్దరికీ తుదిజట్టులో చోటు దక్కింది. ఈ మ్యాచ్‌ తొలి ఇన్నింగ్స్‌లో వీరిద్దరు డకౌట్‌ అయ్యారు. అయితే, రెండో ఇన్నింగ్స్‌లో సర్ఫరాజ్‌ అద్భుత శతకం(150)తో కదం తొక్కగా.. రాహుల్‌ కేవలం 12 పరుగులకే పరిమితయ్యాడు.ఈ నేపథ్యంలో పుణె వేదికగా గురువారం కివీస్‌తో మొదలుకానున్న రెండో టెస్టుకు జట్టు ఎంపిక గురించి సోషల్‌ మీడియా వేదికగా భిన్నాభిప్రాయాలు వ్యక్తమవుతున్నాయి. కేఎల్‌ రాహుల్‌ను విమర్శిస్తూ.. సర్ఫరాజ్‌ ఖాన్‌ వైపు మొగ్గుచూపుతున్నారు చాలా మంది విశ్లేషకులు. ఈ విషయంపై టీమిండియా హెడ్‌కోచ్‌ గౌతం గంభీర్‌ తాజాగా స్పందించాడు.ప్లేయింగ్‌ ఎలెవన్‌ విషయంలో..‘‘ప్లేయింగ్‌ ఎలెవన్‌ను సోషల్‌ మీడియా నిర్ణయించలేదు. విశ్లేషకులు, నిపుణులు ఏమనుకుంటున్నారోనన్న విషయాలతోనూ మాకు సంబంధం లేదు. టీమ్‌ మేనేజ్‌మెంట్‌ ఏం ఆలోచిస్తున్నదే ముఖ్యం. ఇటీవల బంగ్లాదేశ్‌తో మ్యాచ్‌లో కాన్పూర్‌ పిచ్‌పై పరుగులు రాబట్టడం కష్టమైనా కేఎల్‌ రాహుల్‌ మెరుగ్గా రాణించాడు.యాజమాన్యం అతడికి అండగానే ఉందితన ఇన్నింగ్స్‌ను భారీ స్కోర్లుగా మార్చుకోవాల్సి ఉన్న మాట వాస్తవమే. అయినప్పటికీ జట్టు యాజమాన్యం అతడికి అండగానే ఉంది’’ ప్రి మ్యాచ్ కాన్ఫరెన్స్‌లో గౌతీ స్పష్టం చేశాడు. ఈ నేపథ్యంలో రెండో టెస్టుకు గిల్‌ తిరిగి వస్తున్నాడు కాబట్టి.. రాహుల్‌కు ఛాన్స్‌ ఇచ్చి, సర్ఫరాజ్‌ను తప్పిస్తారనే వాదనలు బలపడుతున్నాయి.ఇంతకు ముందు భారత జట్టు అసిస్టెంట్‌ కోచ్‌ ర్యాన్‌ టెన్‌ డష్కాటే సైతం మాట్లాడుతూ.. కేఎల్‌ రాహుల్‌కు గంభీర్‌ మరిన్ని అవకాశాలు ఇవ్వాలనే యోచనలో ఉన్నట్లు తెలిపాడు. ఇదిలా ఉంటే.. కివీస్‌తో తొలి టెస్టు తర్వాత సర్ఫరాజ్‌ ఖాన్‌ తన వ్యక్తిగత జీవితానికి సంబంధించి శుభవార్త పంచుకున్న విషయం తెలిసిందే.తండ్రిగా ప్రమోషన్‌తాను తండ్రినయ్యానని.. తన భార్య మగబిడ్డను ప్రసవించిందని ఈ ముంబైకర్‌ తెలిపాడు. ఈ నేపథ్యంలో కుటుంబానికి సమయం కేటాయించాలనుకుంటే సర్ఫరాజ్‌ ఖాన్‌ కేఎల్‌ రాహుల్‌కు లైన్‌క్లియర్‌ చేసినట్లేననే అభిప్రాయాలు వ్యక్తమవుతున్నాయి. ఇదిలా ఉంటే.. మూడు మ్యాచ్‌ల సిరీస్‌లో భాగంగా పర్యాటక న్యూజిలాండ్‌ జట్టు ఆతిథ్య టీమిండియాపై మొదటి మ్యాచ్‌ గెలిచిన విషయం తెలిసిందే.చదవండి: న్యూజిలాండ్‌ టీమ్‌కు కొత్త కెప్టెన్‌

ఐపీఎల్‌ 2025 సీజన్‌ మెగా వేలానికి ముందు లక్నో సూపర్‌ జెయింట్స్‌ యాజమాన్యం కేఎల్‌ రాహుల్‌ను రిలీజ్‌ చేయాలని డిసైడైనట్లు తెలుస్తుంది. ఫ్రాంచైజీ మేనేజ్‌మెంట్‌ రాహుల్‌ స్ట్రయిక్‌రేట్‌ పట్ల అసంతృప్తిగా ఉన్నట్లు సమాచారం. గత మూడు సీజన్లలో జట్టు పేలవ ప్రదర్శనకు రాహుల్‌ స్ట్రయిక్‌ రేట్‌ ప్రధాన కారణమని మేనేజ్‌మెంట్‌ భావిస్తుందట.రాహుల్‌ స్థానంలో లక్నో కెప్టెన్సీ పగ్గాలు నికోలస్‌ పూరన్‌కు అప్పజెప్పాలని భావిస్తున్నట్లు తెలుస్తుంది. ఎల్‌ఎస్‌జీ యాజమాన్యం పూరన్‌తో పాటు మరో ఇద్దరిని రిటైన్‌ చేసుకోనుందని సమాచారం. రవి బిష్ణోయ్‌, మయాంక్‌ యాదవ్‌ల కోసం భారీ మొత్తం ఖర్చు చేయనున్నట్లు తెలుస్తుంది. మయాంక్‌కు పారితోషికం కింద దాదాపు రూ. 14 కోట్లు దక్కవచ్చని అంచనా. అన్‌క్యాప్డ్‌ ప్లేయర్ల కోటాలో ఆయుశ్‌ బదోని, మొహిసిన్‌ ఖాన్‌లను కూడా రిటైన్‌ చేసుకోనున్నట్లు సమాచారం.కాగా, లక్నో సూపర్‌ జెయింట్స్‌ 2022 సీజన్‌తో ఐపీఎల్‌ అరంగేట్రం చేసిన విషయం తెలిసిందే. అప్పటి నుంచి మూడు సీజన్ల పాటు కేఎల్‌ రాహుల్‌ ఆ జట్టుకు నాయకత్వం వహించాడు. 2022, 2023 సీజన్లలో ప్లే ఆఫ్స్‌కు చేరిన లక్నో.. ఈ ఏడాది లీగ్‌ స్టేజ్‌లోనే ఇంటిముఖం పట్టింది. చదవండి: ఫాస్టెస్ట్‌ డబుల్‌ సెంచరీ.. 103 బంతుల్లో 27 ఫోర్లు, 7 సిక్సర్లు

న్యూజిలాండ్‌తో సిరీస్‌ను పరాజయంతో ప్రారంభించిన టీమిండియా.. రెండో టెస్టులో విజయానికి గురిపెట్టింది. పుణెలో గెలుపొంది సిరీస్‌ను 1-1తో సమం చేయాలని పట్టుదలగా ఉంది. ఇందుకోసం రోహిత్‌ సేన ఇప్పటికే ప్రణాళికలు సిద్ధం చేసుకుంది. భారత్‌- కివీస్‌ జట్ల మధ్య గురువారం నుంచి మొదలుకానున్న ఈ మ్యాచ్‌కు ముందు టీమిండియా అసిస్టెంట్‌ కోచ్‌ ర్యాన్‌ టెన్‌ డష్కాటే మీడియాతో మాట్లాడాడు.ఈ సందర్భంగా శుబ్‌మన్‌ గిల్‌ తిరిగి జట్టులోకి వస్తే పరిస్థితి ఏమిటన్న ప్రశ్న ఎదురైంది. గిల్‌ కోసం కేఎల్‌ రాహుల్‌, సర్ఫరాజ్‌ ఖాన్‌లలో ఎవరిని తప్పిస్తారని విలేకరులు అడుగగా.. ‘‘శుబ్‌మన్‌ గిల్‌ ప్రస్తుతం బాగానే ఉన్నాడు. బెంగళూరులో నెట్స్‌లో ప్రాక్టీస్‌ చేశాడు. ఇక తుదిజట్టులో ఎవరు ఉండాలన్న అంశంపై పరిస్థితులకు తగ్గట్లు నిర్ణయం తీసుకుంటాం.జట్టులో ఒకరికి చోటు నిరాకరించడం అనేది ఉండదు. సర్ఫరాజ్‌ ఖాన్‌ తొలి టెస్టులో అద్భుతంగా ఆడాడు. కేఎల్‌ రాహుల్‌ కాస్త నిరాపరిచిన మాట వాస్తవమే. అయితే, తను ఎన్ని బంతులు మిస్‌ చేశాడని అడిగినపుడు అందుకు బదులుగా ఒక్కటి కూడా మిస్‌ చేయలేదనే సమాధానమే వచ్చింది.ఒక్కోసారి ఇలాగే జరుగుతుంది. బాగా ఆడినా పరుగులు రాబట్టలేకపోవచ్చు. కాబట్టి కేఎల్‌ రాహుల్‌ గురించి ఆందోళన అక్కర్లేదు. తను మానసికంగానూ ఏమాత్రం అలసటకు గురికాలేదు. అయితే, అందుబాటులో ఉన్న ఆరు స్థానాల్లో ఏడుగురిని ఇరికించడం కుదరదు. కాబట్టి అత్యుత్తమ ప్లేయింగ్‌ ఎలెవన్‌నే ఎంచుకుంటాం.ఇప్పటికైతే కేఎల్‌ రాహుల్‌ ఫామ​ గురించి మాకెలాంటి బెంగా లేదు. అతడి ఆట తీరుపై పూర్తి నమ్మకం ఉంది. దీర్ఘకాల ప్రయోజనాల దృష్ట్యా గౌతీ(హెడ్‌కోచ్‌ గౌతం గంభీర్‌) తనకు మరిన్ని అవకాశాలు ఇవ్వాలనే యోచనలో ఉన్నాడు. మరోవైపు సర్ఫరాజ్‌ ఖాన్‌.. అతడు బెంగళూరులో 150 పరుగులు చేశాడు. ఇరానీ కప్‌ ఫైనల్లో డబుల్‌ సెంచరీ చేశాడు. కాబట్టి మిడిలార్డర్‌లో చోటు కోసం ఇద్దరి మధ్య పోటీ గట్టిగానే ఉంది’’ అని టెన్‌ డష్కాటే తెలిపాడు.ఇక రిషభ్‌ పంత్‌ పూర్తి ఆరోగ్యంగా ఉన్నాడని పుణెలో జరుగనున్న రెండో టెస్టులో అతడే వికెట్‌ కీపింగ్‌ చేస్తాడని ఈ సందర్భంగా డష్కాటే సంకేతాలు ఇచ్చాడు. కాగా మెడనొప్పి కారణంగా శుబ్‌మన్‌ గిల్‌ బెంగళూరలో జరిగిన తొలి టెస్టుకు దూరం కాగా.. వన్‌డౌన్‌లో అతడి స్థానంలో విరాట్‌ కోహ్లి వచ్చాడు. కోహ్లి ఆడే నాలుగో స్థానంలో సర్ఫరాజ్‌ బ్యాటింగ్‌ చేశాడు. ఇక ఈ మ్యాచ్‌లో సర్ఫరాజ్ సెంచరీతో చెలరేగగా.. కేఎల్‌ రాహుల్‌ 0, 12 పరుగులు చేశాడు.

న్యూజిలాండ్‌తో జ‌రిగిన‌ తొలి టెస్టులో అనుహ్యంగా ఓట‌మి చ‌విచూసిన టీమిండియా.. ఇప్పుడు రెండో టెస్టుకు సిద్ద‌మ‌వుతోంది. ఆక్టోబ‌ర్ 24 నుంచి పుణే వేదిక‌గా భార‌త్‌-కివీస్ మ‌ధ్య సెకెండ్ టెస్టు ప్రారంభం కానుంది. ఈ మ్యాచ్‌లో కివీస్‌ను ఓడించి సిరీస్‌ను 1-1తో స‌మం చేయాల‌ని భార‌త జ‌ట్టు భావిస్తోంది.అయితే ఈ పుణే టెస్టుకు భార‌త స్టార్ ప్లేయ‌ర్ కేఎల్ రాహుల్‌పై వేటు ప‌డ‌నున్న‌ట్లు జోరుగా ప్ర‌చారం సాగుతోంది. బెంగ‌ళూరు వేదిక‌గా జ‌రిగిన మొద‌టి టెస్టులో రాహుల్ దారుణ ప్ర‌ద‌ర్శ‌న క‌న‌బ‌రిచాడు. రెండు ఇన్నింగ్స్‌ల‌లో క‌లిపి 12 ప‌రుగులు మాత్ర‌మే చేశాడు. ఈ క్ర‌మంలోనే అత‌డిని సెకెండ్ టెస్టుకు ప‌క్క‌న పెట్టాల‌ని ప‌లువురు మాజీలు కూడా డిమాండ్ చేస్తున్నారు.రాహుల్‌కు మ‌రో ఛాన్స్‌..?అయితే భార‌త జ‌ట్టు మెనెజ్‌మెంట్ మాత్రం రాహుల్‌కు మ‌రో ఛాన్స్ ఇవ్వాల‌ని భావిస్తుందంట‌. మొద‌టి టెస్టులో గాయప‌డిన స్టార్ వికెట్ కీప‌ర్ బ్యాట‌ర్ రిష‌బ్ పంత్.. పుణే టెస్టుకు దూరమయ్యే సూచ‌న‌లు క‌న్పిస్తున్నాయి.ఈ క్ర‌మంలో రాహుల్‌కు వికెట్ కీపింగ్ బాధ్య‌త‌లు అప్ప‌గించి, పంత్ స్ధానంలో ఆల్‌రౌండ‌ర్ వాషింగ్ట‌న్ సుంద‌ర్ లేదా అక్ష‌ర్ ప‌టేల్‌ను ఆడించాల‌ని హెడ్‌కోచ్ గంభీర్, కెప్టెన్ రోహిత్ యోచిస్తున్న‌ట్లు స‌మాచారం. ఒక వేళ రెండో టెస్టులో కూడా రాహుల్ విఫ‌ల‌మైతే క‌చ్చితంగా మూడో టెస్టుకు వేటు ప‌డే ఛాన్స్ ఉంది.తుది జట్టు(అంచనా)రోహిత్ శర్మ(కెప్టెన్), యశస్వీ జైస్వాల్, శుభ్‌మన్ గిల్, విరాట్ కోహ్లి, సర్ఫరాజ్ ఖాన్, కేఎల్ రాహుల్‌, రవిచంద్రన్ అశ్విన్, రవీంద్ర జడేజా, అక్షర్ పటేల్/ వాషింగ్టన్‌ సుందర్‌, మహమ్మద్ సిరాజ్, జ‌స్ప్రీత్ బుమ్రా.చదవండి: BAN vs SA: చరిత్ర సృష్టించిన రబాడ.. ప్రపంచ రికార్డు బ్రేక్‌

టీమిండియా మిడిలార్డర్‌లో మార్పులు చేయాల్సిన ఆవశ్యకత ఉందని భారత మాజీ క్రికెటర్‌ మనోజ్‌ తివారీ అభిప్రాయపడ్డాడు. టెస్టుల్లో కేఎల్‌ రాహుల్‌కు ఉద్వాసన పలకాల్సిన సమయం ఆసన్నమైందని పేర్కొన్నాడు. అయితే, సర్ఫరాజ్‌ ఖాన్‌ను జట్టులో కొనసాగిస్తూనే.. . రాహుల్‌ స్థానంలో ఇతడిని ఆడించాలంటూ ఓ ‘దేశవాళీ క్రికెట్‌ హీరో’పేరు మనోజ్‌ తివారీ సూచించాడు.కాగా కర్ణాటక బ్యాటర్‌ కేఎల్‌ రాహుల్‌ ఇప్పటి వరకు టీమిండియా తరఫున 53 టెస్టులు ఆడి 2981 పరుగులు చేశాడు. సగటు 33.88. ఇటీవల బంగ్లాదేశ్‌తో స్వదేశంలో టెస్టుల్లో స్థాయికి తగ్గట్లు రాణించలేకపోయిన ఈ కుడిచేతి వాటం బ్యాటర్‌.. న్యూజిలాండ్‌తో తొలి టెస్టులో పూర్తిగా తేలిపోయాడు.తొలి ఇన్నింగ్స్‌లో డకౌట్‌ సొంతగడ్డ బెంగళూరులో కివీస్‌తో మ్యాచ్‌లో తొలి ఇన్నింగ్స్‌లో డకౌట్‌ అయిన కేఎల్‌ రాహుల్‌.. రెండో ఇన్నింగ్స్‌లో కేవలం 12 పరుగులే చేయగలిగాడు. ఈ నేపథ్యంలో మనోజ్‌ తివారీ మాట్లాడుతూ.. రాహుల్‌ ఆట తీరును విమర్శించాడు. ‘‘91 ఇన్నింగ్స్‌ ఆడి కేవలం 33.88 సగటుతో బ్యాటింగ్‌ చేసే వాళ్లు మనకు అవసరమా?స్పెషలిస్టు ఓపెనరే అయినప్పటికీభారత్‌లో ఫస్ట్‌క్లాస్‌ క్రికెట్‌లో నిలకడగా రాణిస్తున్న బ్యాటర్లు చాలా మందే ఉన్నారు. అలాంటపుడు కేఎల్‌ రాహుల్‌ స్థానం గురించి మనం ఎందుకు పునరాలోచించకూడదు? టెస్టు మ్యాచ్‌లో సర్ఫరాజ్‌ను నాలుగో స్థానంలో పంపించాలి. నా అభిప్రాయం ప్రకారం.. అభిమన్యు ఈశ్వరన్‌ను కూడా మిడిలార్డర్‌లో ట్రై చేస్తే బాగుంటుంది.అతడిపై ఓపెనర్ అనే ట్యాగ్‌ వేసి పక్కనపెడుతున్నారు. అతడు స్పెషలిస్టు ఓపెనరే అయినప్పటికీ మిడిలార్డర్లో ప్రయత్నించి చూస్తే తప్పేంటి? గత కొంతకాలంగా అతడు సూపర్‌ ఫామ్‌ను కొనసాగిస్తున్నాడు’’ అని మనోజ్‌ తివారీ క్రిక్‌బజ్‌ షోలో వ్యాఖ్యానించాడు. కాగా మనోజ్‌ మాదిరే దేశవాళీ క్రికెట్‌లో బెంగాల్‌కు ఆడుతున్న అభిమన్యు ఈశ్వరన్‌ ఇటీవల ఫస్ట్‌క్లాస్‌ క్రికెట్‌లో వరుసగా నాలుగు శతకాలు బాది జోరుమీదున్నాడు. ఇదిలా ఉంటే.. కివీస్‌తో బెంగళూరు టెస్టులో టీమిండియా ఎనిమిది వికెట్ల తేడాతో ఓడిపోయింది. తదుపరి ఇరుజట్ల మధ్య అక్టోబరు 24న రెండో టెస్టు మొదలుకానుంది. ఇదిలా ఉంటే.. ఆస్ట్రేలియాలో పర్యటించనున్న భారత-‘ఎ’ జట్టును ఇటీవల ప్రకటించారు. రుతురాజ్‌ గైక్వాడ్‌ సారథ్యంలోని ఈ జట్టులో అభిమన్యుకు చోటు దక్కింది.చదవండి: WTC 2023-25 Points Table: న్యూజిలాండ్ చేతిలో ఓటమి.. టీమిండియా డబ్ల్యూటీసీ ఫైనల్ చేరాలంటే..?

క్రికెటర్‌ కేఎల్‌ రాహుల్‌పై టీమిండియా అభిమానులు ఆగ్రహం వ్యక్తం చేస్తున్నారు. ఎన్ని అవకాశాలు వచ్చినా అతడి ఆట తీరులో మార్పు రావడం లేదంటూ విమర్శలు గుప్పిస్తున్నారు. న్యూజిలాండ్‌తో తొలి టెస్టులో కేఎల్‌ రాహుల్‌ దారుణ వైఫల్యం నేపథ్యంలో సోషల్‌ మీడియా వేదికగా అతడిని ట్రోల్‌ చేస్తున్నారు.ప్రతిభ ఉన్న ఆటగాడి’ని తొక్కేస్తున్నారు!ఇక రాహుల్‌ కోసం ఇప్పటికే ‘ప్రతిభ ఉన్న ఆటగాడి’ని తొక్కేసారని.. ఇకపై ఆ పొరపాట్లు పునరావృతం చేయవద్దంటూ సెలక్టర్లకు హితవు పలుకుతున్నారు. టీమిండియా మిడిలార్డర్‌ బ్యాటర్‌ కేఎల్‌ రాహుల్‌ టెస్టుల్లో తాను ఆడిన గత రెండు మ్యాచ్‌లలో చేసిన స్కోర్లు 16, 22*, 68. ఇటీవల బంగ్లాదేశ్‌తో స్వదేశంలో ఈ మేర పరుగులు రాబట్టాడు.దారుణంగా విఫలంఈ క్రమంలో తాజాగా న్యూజిలాండ్‌తో మూడు మ్యాచ్‌ల టెస్టు సిరీస్‌కు ఎంపికయ్యాడు. అయితే, బెంగళూరులో జరుగుతున్న తొలి టెస్టులో రాహుల్‌ పూర్తిగా నిరాశపరిచాడు. మొదటి ఇన్నింగ్స్‌లో డకౌట్‌ అయిన ఈ కర్ణాటక బ్యాటర్‌.. రెండో ఇన్నింగ్స్‌లో పన్నెండు పరుగులకే పెవిలియన్‌ చేరాడు.ఇక ఈ మ్యాచ్‌లో టీమిండియా క్లిష్ట పరిస్థితిలో ఉన్న విషయం తెలిసిందే. కివీస్‌కు కేవలం 107 పరుగుల లక్ష్యం విధించిన భారత్‌.. ఆఖరి రోజైన ఆదివారం నాటి ఆటలో ప్రత్యర్థిని 105 పరుగులకే ఆలౌట్‌ చేయాలి. లేదంటే.. న్యూజిలాండ్‌ చేతిలో ఓటమి తప్పదు.సెంచరీతో చెలరేగిన సర్ఫరాజ్‌ఇదిలా ఉంటే.. ఈ మ్యాచ్‌లో నాలుగో స్థానంలో బ్యాటింగ్‌ చేసిన సర్ఫరాజ్‌ ఖాన్‌ 150 పరుగులతో దుమ్ములేపాడు. తనకు వచ్చిన అవకాశాన్ని సద్వినియోగం చేసుకుని అంతర్జాతీయ కెరీర్‌లో తొలి శతకం నమోదు చేశాడు. ఈ మ్యాచ్‌లో రోహిత్‌ సేన ఇంకా పోటీలో నిలవగలగడానికి కారణం సర్ఫరాజ్‌ ఇన్నింగ్స్‌ అనడంలో సందేహం లేదు.ఇకనైనా అతడికి అవకాశాలు ఇవ్వండిఇక తుదిజట్టు మిడిలార్డర్‌లో చోటు కోసం సర్ఫరాజ్‌ కేఎల్‌ రాహుల్‌తో పోటీపడుతున్న విషయం తెలిసిందే. ఈ మ్యాచ్‌లో శుబ్‌మన్‌ గిల్‌ గైర్హాజరీ వల్ల విరాట్‌ కోహ్లి మూడో స్థానంలో ఆడగా.. సర్ఫరాజ్‌కు అనుకోకుండా ఛాన్స్‌వచ్చింది. లేదంటే.. రాహుల్‌ కోసం అతడిని డ్రాప్‌ చేసేవారే! ఈ విషయాన్ని ప్రస్తావిస్తూ ఫ్యాన్స్‌ రాహుల్‌ను ట్రోల్‌ చేస్తున్నారు. రాహుల్‌ కోసం సర్ఫరాజ్‌ ఖాన్‌కు ఇన్నాళ్లూ అన్యాయం చేశారంటూ మండిపడుతున్నారు.చదవండి: ‘హీరో’లు అవుట్‌.. కుప్పకూలిన టీమిండియా! అద్భుతం జరిగితేనే..Rohit- Kohli: అంపైర్లతో గొడవ.. రోహిత్‌ ఆగ్రహం.. కోహ్లి ఆన్‌ ఫైర్‌!Harsha : Do you remember last time Kl Rahul saved India from a collapse?Ravi : No, because KL Rahul himself is part of the collapse. pic.twitter.com/6LC5UNmI98— mufaddla parody (@mufaddl_parody) October 19, 2024 View this post on Instagram A post shared by JioCinema (@officialjiocinema)

క్రికెటర్‌ కేఎల్‌ రాహుల్‌పై టీమిండియా అభిమానులు ఆగ్రహం వ్యక్తం చేస్తున్నారు. జట్టుకు ఉపయోగపడే పనులేవీ చేతకావా అంటూ మండిపడుతున్నారు. బ్యాటింగ్‌తో పాటు.. ఫీల్డింగ్‌లోనూ విఫలం కావడాన్ని విమర్శిస్తూ ట్రోల్‌ చేస్తున్నారు. కాగా రోహిత్‌ సేన న్యూజిలాండ్‌తో స్వదేశంలో మూడు మ్యాచ్‌ల టెస్టు సిరీస్‌ ఆడుతోంది.వర్షం కారణంగాఇందులో భాగంగా బెంగళూరు వేదికగా బుధవారం మొదలు కావాల్సిన మ్యాచ్‌ వర్షం కారణంగా గురువారం మొదలైంది. ఈ క్రమంలో రెండో రోజు ఆటలో టాస్‌ గెలిచిన భారత్‌ తొలుత బ్యాటింగ్‌ ఎంచుకుంది. న్యూజిలాండ్‌ బౌలర్ల విజృంభణ కారణంగా 46 పరుగులకే ఆలౌట్‌ అయింది.పరుగుల ఖాతా తెరవకుండానేభారత బ్యాటర్లలో విరాట్‌ కోహ్లి, సర్ఫరాజ్‌ ఖాన్‌, కేఎల్‌ రాహుల్‌, రవీంద్ర జడేజా, రవిచంద్రన్‌ అశ్విన్‌ డకౌట్‌ కావడం తీవ్ర ప్రభావం చూపింది. ఇక ఈ మ్యాచ్‌లో కివీస్‌ యువ పేసర్‌ విలియం రూర్కీ వేసిన బంతిని తప్పుగా అంచనా వేసిన కేఎల్‌ రాహుల్‌.. అజాజ్‌ పటేల్‌కు క్యాచ్‌ ఇచ్చి పెవిలియన్‌ చేరాడు.ఈజీ క్యాచ్‌ మిస్‌ చేసిన రాహుల్‌ఇక ఇలా బ్యాటింగ్‌లో విఫలమై పరుగుల ఖాతా తెరవకుండానే అవుటైన రాహుల్‌.. న్యూజిలాండ్‌ తొలి ఇన్నింగ్స్‌ ఆరంభంలోనే ఈజీ క్యాచ్‌ను వదిలేశాడు. పదమూడవ ఓవర్లో భారత పేసర్‌ మహ్మద్‌ సిరాజ్‌ వేసిన రెండో బంతి.. కివీస్‌ ఓపెనర్‌ టామ్‌ లాథమ్‌ బ్యాట్‌ను తాకి అవుట్‌సైడ్‌ ఎడ్జ్‌ తీసుకుంది. ఈ క్రమంలో స్లిప్స్‌లో ఫీల్డింగ్‌ చేస్తున్న కోహ్లి, రాహుల్‌ మధ్య సమన్వయ లోపం ఏర్పడింది.అయితే, బంతి తన వైపునకే వస్తున్నా రాహుల్‌ క్యాప్‌ పట్టడంలో నిర్లక్ష్యం వహించాడు. దీంతో రాహుల్‌ చేతిని తాకి మిస్‌ అయిన బాల్‌.. బౌండరీ వైపు వెళ్లింది. దీంతో కివీస్‌ ఖాతాలో నాలుగు పరుగులు చేరాయి. రోహిత్‌ శర్మ ఆగ్రహంఈ క్రమంలో బౌలర్‌ సిరాజ్‌ తీవ్ర అసంతృప్తికి లోనుకాగా.. కెప్టెన్‌ రోహిత్‌ శర్మ సైతం.. ‘‘అసలేం ఏం చేశావు నువ్వు?’’ అన్నట్లుగా రాహుల్‌వైపు చూస్తూ ఆగ్రహం వ్యక్తం చేశాడు. ఇందుకు సంబంధించిన వీడియో నెట్టింట వైరల్‌ అవుతోంది. ఈ క్రమంలో రాహుల్‌ కావాలనే క్యాచ్‌ విడిచిపెట్టినట్లుగా ఉందంటూ టీమిండియా ఫ్యాన్స్‌ ఫైర్‌ అవుతున్నారు.చదవండి: NZ vs IND 1st Test: రోహిత్ శర్మ తప్పు చేశాడా?You can't convince me that kl Rahul didn't drop this catch intentionally.Rohit Sharma is surrounded by snakes. 💔pic.twitter.com/ASh7qzHbBO— Vishu (@Ro_45stan) October 17, 2024

బంగ్లాదేశ్‌తో రెండో టెస్టులో టీమిండియా వీరబాదుడును క్రికెట్‌ ప్రేమికులు అంత తేలికగా మర్చిపోలేరు. కాన్పూర్‌లో పొట్టి ఫార్మాట్‌ తరహాలో ఒక్కో భారత బ్యాటర్‌ చెలరేగుతూ ఉంటే అభిమానులు పండుగ చేసుకున్నారు. అంతకు ముందు వర్షం వల్ల రెండు రోజుల ఆట రద్దైన కారణంగా ఉసూరుమన్న ఫ్యాన్స్‌కు.. రోహిత్‌ సేన పైసా వసూల్‌ ప్రదర్శన ఇచ్చి లెక్క సరిచేసింది.50, 100, 200, 250 పరుగుల రికార్డుటెస్టు ఫార్మాట్‌లో అత్యంత వేగంగా 50, 100, 200, 250 పరుగుల రికార్డును సాధించి.. ప్రపంచంలో ఈ ఘనతలు నమోదు చేసిన తొలి క్రికెట్‌ జట్టుగా చరిత్ర సృష్టించింది. కెప్టెన్‌, ఓపెనర్‌ రోహిత్‌ శర్మ 11 బంతుల్లోనే 23 పరుగులు చేస్తే.. అతడి జోడీ యశస్వి జైస్వాల్‌(72) కేవలం 32 బంతుల్లోనే అర్ధ శతకం పూర్తి చేసుకున్నాడు.1877 నుంచి ఇదే తొలిసారివిరాట్‌ కోహ్లి 35 బంతుల్లో 47 పరుగులు చేస్తే.. కేఎల్‌ రాహుల్‌ 43 బంతుల్లోనే 68 పరుగులు సాధించాడు. ఈ నలుగురు ధనాధన్‌ ఇన్నింగ్స్‌ ఆడిన కారణంగా టీమిండియా తొలి ఇన్నింగ్స్‌లో కేవలం 34.4 ఓవర్లలోనే 285 పరుగులు చేయగలిగింది. ఇదిలా ఉంటే.. ఈ తుఫాన్‌ ఇన్నింగ్స్‌ నేపథ్యంలో భారత జట్టు ఖాతాలో అత్యంత అరుదైన రికార్డు ఒకటి నమోదైంది.ఒకే క్యాలెండర్‌ ఇయర్‌లో టెస్టుల్లో అత్యధిక సిక్సర్లు బాదిన తొలి జట్టుగా రోహిత్‌ సేన నిలిచింది. తద్వారా ఇంగ్లండ్‌ పేరిట ఉన్న రికార్డును బ్రేక్‌ చేసింది. 1877 నుంచి ఇప్పటి వరకు ఏ జట్టుకు సాధ్యం కాని రీతిలో టెస్టుల్లో 90 సిక్సర్లు నమోదు చేసిన టీమ్‌గా చరిత్రకెక్కింది.కాగా బంగ్లాదేశ్‌తో రెండో టెస్టు తొలి ఇన్నింగ్స్‌లో రోహిత్‌ శర్మ మూడు, యశస్వి జైస్వాల్‌ రెండు, శుబ్‌మన్‌ గిల్‌ ఒకటి, విరాట్‌ కోహ్లి ఒకటి,. కేఎల్‌ రాహుల్‌ రెండు, ఆకాశ్‌ దీప్‌ రెండు సిక్సర్లు బాదారు. ఇక నవంబరులో టీమిండియా సొంతగడ్డపై న్యూజిలాండ్‌తో మూడు, ఆస్ట్రేలియా పర్యటనలో ఐదు టెస్టులు ఆడనుంది. కాబట్టి తన సిక్సర్ల రికార్డును రోహిత్‌ సేన తానే బద్దలు కొట్టే అవకాశం ఉంది.టెస్టుల్లో ఒకే ఏడాదిలో అత్యధిక సిక్సర్లు బాదిన జట్లుటీమిండియా- 90 సిక్స్‌లు(2024లో ఇప్పటి వరకు)ఇంగ్లండ్‌- 89 సిక్స్‌లు(2022లో)టీమిండియా- 87 సిక్స్‌లు(2021లో)న్యూజిలాండ్‌- 81 సిక్స్‌లు(2014లో)న్యూజిలాండ్‌- 71 సిక్స్‌లు(2013లో).చదవండి: CT 2025: టీమిండియా పాకిస్తాన్‌కు వెళ్లనుందా? బీసీసీఐ ఏమంటోంది? View this post on Instagram A post shared by Team India (@indiancricketteam)

ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25 ఫైనల్‌ చేరే క్రమంలో టీమిండియా మరో ముందడుగు వేసింది. సొంతగడ్డపై బంగ్లాదేశ్‌తో రెండు మ్యాచ్‌ల సిరీస్‌లో శుభారంభం చేసింది. తొలి టెస్టులో గెలుపొంది.. డబ్ల్యూటీసీ పాయింట్ల పట్టికలో అగ్రస్థానాన్ని మరింత పదిలం చేసుకుంది. చెన్నైలోని చెపాక్‌లో జరిగిన ఈ మ్యాచ్‌లో ఏకంగా 280 పరుగులతో విజయం సాధించి 1-0తో ఆధిక్యంలో నిలిచింది.పునరాగమనంలో పంత్‌ అదుర్స్‌.. కానీ రాహుల్‌ మాత్రంఅయితే, బంగ్లాదేశ్‌ కూడా అంత తేలికగా రోహిత్‌ సేన ముందు తలొగ్గలేదు. ఆరంభంలో గట్టిపోటీనిచ్చింది. తమ స్థాయికి మించిన ప్రదర్శనతో ఆకట్టుకుంది. అయితే, టీమిండియా సమిష్ఠిగా రాణించడంతో భారీ ఓటమి నుంచి తప్పించుకోలేకపోయింది. ఇదిలా ఉంటే.. బంగ్లాదేశ్‌తో చెపాక్‌ మ్యాచ్‌ ద్వారా ద్వారా టీమిండియా స్టార్‌ వికెట్‌ కీపర్‌ బ్యాటర్‌ రిషభ్‌ పంత్‌, సీనియర్‌ కేఎల్‌ రాహుల్‌ టెస్టుల్లో పునరాగమనం చేశారు.పంత్‌ తొలి ఇన్నింగ్స్‌లో 39 పరుగులకే పరిమితమైనా.. రెండో ఇన్నింగ్స్‌లో మాత్రం సెంచరీ(109)తో దుమ్ములేపాడు. కానీ కేఎల్‌ రాహుల్‌ మాత్రం తనను తాను నిరూపించుకోవడంలో విఫలమయ్యాడు. తొలి ఇన్నింగ్స్‌లో 16 పరుగులే చేసిన ఈ మిడిలార్డర్‌ బ్యాటర్‌.. రెండో ఇన్నింగ్స్‌లో 22 పరుగులతో ఆడుతున్న సమయంలో కెప్టెన్‌ రోహిత్‌ శర్మ ఇన్నింగ్స్‌ డిక్లేర్‌ చేశాడు. ఫలితంగా రాహుల్‌ మైదానాన్ని వీడకతప్పలేదు.రోహిత్‌పై విమర్శలుఅయితే, రాహుల్‌కు మరికొంత సేపు బ్యాటింగ్‌ చేసే అవకాశం ఇవ్వాల్సిందని.. అలా అయితే, అతడు ఫామ్‌లోకి వచ్చేవాడంటూ అభిమానులు రోహిత్‌ శర్మ నిర్ణయాన్ని విమర్శించారు. ఈ విషయంపై రిషభ్‌ పంత్‌ పరోక్షంగా క్లారిటీ ఇచ్చాడు. ‘‘మేము భోజన విరామానికి వెళ్లినపుడే ఇన్నింగ్స్‌ డిక్లరేషన్‌ గురించి చర్చ జరిగింది.ఎవరు ఎన్ని పరుగులు చేస్తారో చేయండిఅప్పుడు రోహిత్‌ భాయ్‌.. ‘ఇంకో గంటసేపు మనం బ్యాటింగ్‌ చేస్తాం. ఈలోపు ఎవరు ఎన్ని పరుగులు చేస్తారో చేయండి’ అని చెప్పాడు. దీంతో.. తిరిగి బ్యాటింగ్‌కు వెళ్లగానే వీలైనన్ని రన్స్‌ చేయాలని నిర్ణయించుకున్నా. ఏమో నేను ఇంకాసేపు క్రీజులో ఉంటే 150 పరుగులు కూడా చేసేవాడిని’’ అని పంత్‌ చెప్పుకొచ్చాడు. తద్వారా రాహుల్‌ విషయంలో రోహిత్‌ను విమర్శిస్తున్న వాళ్ల నోళ్లకు తాళం వేశాడు.కాగా ఈ మ్యాచ్‌లో పంత్‌తో పాటు శుబ్‌మన్‌ గిల్‌ శతకంతో​ అలరించాడు. అయితే, గిల్‌ 119, కేఎల్‌ రాహుల్‌ 22 కెప్టెన్‌ రోహిత్‌ శర్మ భారత్‌ రెండో ఇన్నింగ్స్‌ డిక్లేర్‌ చేశాడు. అప్పటికి టీమిండియా 514 పరుగుల భారీ ఆధిక్యంలో ఉండటంతో ఈ నిర్ణయం తీసుకున్నాడు. బంగ్లాదేశ్‌కు 515 పరుగుల రూపంలో ముందుంచాడు. అయితే, భారత బౌలర్ల ధాటికి బంగ్లాదేశ్‌ 234 పరుగులకే ఆలౌట్‌ కావడంతో భారీ తేడాతో విజయం టీమిండియా సొంతమైంది. చదవండి: రోహిత్‌, కోహ్లిలే కాదు.. టీమిండియాకు అతడూ ముఖ్యమే: బంగ్లాదేశ్‌ క్రికెటర్‌Rishabh pant bodied all haters who trolled Rohit sharma for not giving enough time to kl Rahul at the creasepic.twitter.com/MVPiWkhr4w— Gillfied⁷⁷ (@Gill_era7) September 22, 2024

బంగ్లాదేశ్‌తో తొలి టెస్టు నేపథ్యంలో టీమిండియా హెడ్‌కోచ్‌ గౌతం గంభీర్‌ కీలక వ్యాఖ్యలు చేశాడు. తుదిజట్టులో చోటు కోసం.. యువకులు మరికొన్నాళ్లు ఎదురుచూడక తప్పదని పేర్కొన్నాడు. చెన్నై టెస్టులో ఆడబోయే ప్లేయింగ్‌ ఎలెవన్‌లో ధ్రువ్‌ జురెల్‌, సర్ఫరాజ్‌ ఖాన్‌లకు చోటు దక్కదని సంకేతాలు ఇచ్చాడు.బంగ్లాదేశ్‌కు వార్నింగ్‌ఇక చెపాక్‌లో ఈసారి మ్యాచ్‌ జరుగబోయేది ఎర్రమట్టి పిచ్‌ మీదే అయినప్పటికీ.. తమ స్పిన్నర్లు కూడా ప్రభావం చూపుతారని గంభీర్‌ ధీమా వ్యక్తం చేశాడు. దిగ్గజ స్పిన్‌ బౌలర్‌ రవిచంద్రన్‌ అశ్విన్‌, రవీంద్ర జడేజా, కుల్దీప్‌ యాదవ్‌ త్రయంతో బంగ్లాదేశ్‌ జట్టు జాగ్రత్తగా ఉండాలని హెచ్చరికలు జారీ చేశాడు. కాగా ప్రపంచ టెస్టు చాంపియన్‌షిప్‌(డబ్ల్యూటీసీ) 2023-25లో భాగంగా టీమిండియా- బంగ్లాదేశ్‌ మధ్య రెండు మ్యాచ్‌ల సిరీస్‌ జరుగనుంది.పంత్‌ జట్టులోకి వచ్చాడు.. కాబట్టిఈ క్రమంలో గురువారం చెన్నై వేదికగా తొలి టెస్టు మొదలుకానుంది. ఈ నేపథ్యంలో భారత తుదిజట్టు కూర్పుపై హెడ్‌కోచ్‌ గౌతం గంభీర్‌ బుధవారం మాట్లాడుతూ.. ‘‘మేము ఎవరినీ జట్టు నుంచి తప్పించం. అయితే, ప్లేయింగ్‌ ఎలెవన్‌లో ఫిట్‌ అయ్యే ఆటగాళ్లను మాత్రమే ఎంచుకుంటాం. జురెల్‌ అద్భుతమైన ఆటగాడు. అయితే, పంత్‌ జట్టులోకి వచ్చాడు.కాబట్టి.. కొన్నిసార్లు కొంతమంది ఎదురుచూడకతప్పదు. సర్ఫరాజ్‌కూ ఇదే వర్తిస్తుంది. అందరికీ అవకాశాలు వస్తాయి. కానీ ఓపికగా ఎదురుచూడటం అవసరం’’ అని పేర్కొన్నాడు. తద్వారా వికెట్‌ కీపర్‌గా రిషభ్‌ పంత్‌, మిడిలార్డర్‌లో కేఎల్‌ రాహుల్‌ ఆడటం ఖాయమని చెప్పకనే చెప్పాడు.మాకు అశూ, జడ్డూ ఉన్నారుఇక స్పిన్‌దళం అశ్విన్‌, జడేజా, కుల్దీప్‌ల గురించి ప్రస్తావన రాగా.. ‘‘మా స్పిన్నర్లు మొదటి రోజు నుంచి ఐదో రోజు వరకు ప్రభావం చూపగలరు. కేవలం ఒక్కరోజు మాత్రమే ఆటగాళ్లను తుదిజట్టులోకి తీసుకోలేము కదా. అదృష్టవశాత్తూ మాకు అశ్విన్‌, జడేజా ఉన్నారు. వాళ్లు డిఫెన్సివ్‌గా ఆడగలరు. అదే సమయంలో దూకుడూ ప్రదర్శించగలరు’’ అని గంభీర్‌ ప్రశంసించాడు. కాగా చెపాక్‌లోని ఎర్రమట్టి పిచ్‌ పేసర్లకు అనుకూలంగా ఉండనుందన్న వార్తల నేపథ్యంలో.. తమ స్పిన్‌ దళం నుంచే ప్రత్యర్థికి ఎక్కువ ప్రమాదమని గౌతీ చెప్పడం విశేషం.బంగ్లాదేశ్‌తో తొలి టెస్టు భారత తుదిజట్టు అంచనారోహిత్ శర్మ (కెప్టెన్), యశస్వి జైస్వాల్, శుబ్‌మన్‌ గిల్, విరాట్ కోహ్లీ, రిషభ్‌ పంత్ (వికెట్ కీపర్), కేఎల్ రాహుల్, రవీంద్ర జడేజా, రవిచంద్రన్ అశ్విన్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్.చదవండి: IND vs BAN: విరాట్‌ కోహ్లినే భయపెట్టాడు..! ఎవరీ గుర్నూర్ బ్రార్?

శ్రీలంకతో వన్డే సిరీస్‌ తర్వాత దులిప్‌ ట్రోఫీ-2024 బరిలో దిగిన కేఎల్‌ రాహుల్‌ ఆకట్టుకునే ఇన్నింగ్స్‌ ఆడాడు. ఇండియా-‘ఎ’ జట్టుకు ప్రాతినిథ్యం వహించిన ఈ కర్ణాటక బ్యాటర్‌.. ఇండియా-‘బి’తో మ్యాచ్‌లో వరుసగా 37, 57 పరుగులు చేశాడు. అయితే, కేఎల్‌ రాహుల్‌ మినహా మిగతా బ్యాటర్లెవరూ రాణించకపోవడంతో ఈ మ్యాచ్‌లో ఇండియా-‘ఎ’ జట్టుకు ఓటమి తప్పలేదు.తదుపరి టెస్టు సిరీస్‌తో బిజీబెంగళూరు వేదికగా జరిగిన ఈ మ్యాచ్‌లో ఇండియా-‘బి’ చేతిలో ఇండియా- ‘ఎ’ 76 పరుగుల తేడాతో చిత్తుగా ఓడింది. ఇదిలా ఉంటే.. ఈ మ్యాచ్‌లో అర్ధ శతకంతో సత్తా చాటిన కేఎల్‌ రాహుల్‌ బంగ్లాదేశ్‌తో తొలి టెస్టుకు ఎంపికయ్యాడు. సొంతగడ్డ మీద సెప్టెంబరు 19 నుంచి మొదలుకానున్న మ్యాచ్‌లో అతడు భాగం కానున్నాడు. తాజా ఫామ్‌ దృష్ట్యా తుదిజట్టులోనూ ఈ వికెట్‌ కీపర్‌కు చోటు ఖాయమనే అభిప్రాయాలు వ్యక్తమవుతున్నాయి.నంబర్‌ వన్‌ అతడేఈ నేపథ్యంలో ఇప్పటికే ఇండియా-‘ఎ’ జట్టును వీడిన కేఎల్ రాహుల్‌ బంగ్లాదేశ్‌తో తొలి టెస్టుకు సన్నద్ధమయ్యే పనిలో ఉన్నాడు. ఈ క్రమంలో తాజాగా ఓ యూట్యూబర్‌కు ఇచ్చిన ఇంటర్వ్యూలో రాహుల్‌ చేసిన వ్యాఖ్యలు నెట్టింట వైరల్‌ అవుతున్నాయి. ప్రపంచంలోని టాప్‌-5 బ్యాటర్లను ఎంచుకోమని యూట్యూబర్‌ కోరగా.. విరాట్‌ కోహ్లికి అగ్రస్థానమిచ్చిన రాహుల్‌.. ఆ తర్వాతి స్థానాలకు వరుసగా రోహిత్‌ శర్మ, సూర్యకుమార్‌ యాదవ్‌, బాబర్‌ ఆజం, ట్రవిస్‌ హెడ్‌ను ఎంపిక చేసుకున్నాడు.అత్యుత్తమ బౌలర్‌ ఎవరంటే?ఇక ప్రపంచంలోని అత్యుత్తమ బౌలర్‌ ఎవరంటూ సదరు యూట్యూబర్‌ ఆప్షన్లు ఇవ్వగా రాహుల్‌.. సౌతాఫ్రికా దిగ్గజ పేసర్‌ డేల్‌ స్టెయిన్‌ పేరు చెప్పాడు. ఇంగ్లండ్‌ దిగ్గజ ఫాస్ట్‌బౌలర్‌ జేమ్స్‌ ఆండర్సన్‌కు రెండో ర్యాంకు ఇచ్చిన రాహుల్‌.. టీమిండియా పేస్‌ దళ నాయకుడు జస్‌ప్రీత్‌ బుమ్రాకు మూడు, అఫ్గనిస్తాన్‌ స్టార్‌ స్పిన్నర్‌ రషీద్‌ ఖాన్‌కు నాలుగు, పాకిస్తాన్‌ యువ పేసర్‌ నసీం షా కు ఐదో ర్యాంకు ఇచ్చాడు.కాగా ప్రపంచంలోని నవతరం ఫాస్ట్‌బౌలర్లలో ప్రత్యేకమైన శైలితో తనకంటూ గుర్తింపు తెచ్చుకున్న బుమ్రాను కాదని కేఎల్‌ రాహుల్‌ స్టెయిన్‌ పేరు చెప్పడం అతడి అభిమానులను సైతం ఆశ్చర్యపరిచింది. అయితే, ఇక్కడ ఓ ట్విస్ట్‌ ఉంది. సదరు యూట్యూబర్‌ తానే ఆప్షన్లు ఇచ్చి రాహుల్‌ను పేర్లు ఎంచుకోమని చెప్పాడు. కాబట్టి.. ‘‘అతడి లిస్టులో బుమ్రా పేరు ఉందో లేదో రాహుల్‌కు తెలియదు. అందుకే అతడు స్టెయిన్‌ను ఎంచుకుని ఉండవచ్చు’’ అని నెటిజన్లు అభిప్రాయపడుతున్నారు. ఏదేమైనా క్లాసీ రాహుల్‌ ఎంతో క్లాస్‌గా సమాధానాలు ఇచ్చాడంటూ కామెంట్లు చేస్తున్నారు.చదవండి: Ind vs Ban T20Is: టీమిండియాకు శుభవార్త

స్వ‌దేశంలో బంగ్లాదేశ్‌తో రెండు మ్యాచ్‌ల సిరీస్‌లో త‌ల‌ప‌డేందుకు టీమిండియా సిద్ద‌మైంది. ఈ సిరీస్‌లో భాగంగా తొలి టెస్టు చెన్నై వేదిక‌గా సెప్టెంబ‌ర్ 19 నుంచి ప్రారంభం కానుంది. ఈ మ్యాచ్ కోసం భార‌త జ‌ట్టు సెప్టెంబ‌ర్ 12న చెన్నైలో స‌మావేశం కానుంది.ఈ నెల 13 నుంచి ఆరు రోజుల పాటు చెపాక్‌లో ఏర్పాటు చేసిన ప్రీ ట్రైనింగ్ క్యాంపులో భార‌త జ‌ట్టు పాల్గోనుంది. ఇక ఈ సిరీస్ కోసం ఇప్ప‌టికే 16 మంది స‌భ్యుల‌తో కూడిన భార‌త జ‌ట్టును బీసీసీఐ ప్ర‌క‌టించింది. ఈ సిరీస్‌తో స్టార్ వికెట్ కీప‌ర్ బ్యాట‌ర్‌ రిష‌బ్ పంత్ పున‌రాగ‌మ‌నం చేయ‌నున్నాడు. అదే విధంగా మ‌రో వికెట్ కీప‌ర్ కేఎల్ రాహుల్ కూడా దాదాపు 7 నెల‌ల త‌ర్వాత భార‌త్ త‌ర‌పున టెస్టుల్లో ఆడ‌నున్నాడు.బంగ్లాతో సిరీస్‌కు రాహుల్‌కు కూడా చోటు ద‌క్కింది. ఈ ఏడాది ఆరంభంలో ఇంగ్లండ్‌తో ఐదు టెస్టుల సిరీస్‌లో రాహుల్ భాగ‌మ‌య్యాడు.అయితే హైద‌రాబాద్ వేదిక‌గా జ‌రిగిన తొలి టెస్టులో గాయప‌డిన రాహుల్‌.. సిరీస్ మ‌ధ్య‌లోనే వైదొలిగాడు. ఆ త‌ర్వాత అత‌డి స్ధానాన్ని యువ బ్యాట‌ర్ స‌ర్ఫ‌రాజ్ ఖాన్‌తో బీసీసీఐ భ‌ర్తీ చేసింది. స‌ర్ఫ‌రాజ్ త‌న‌కు వ‌చ్చిన అవ‌కాశాన్ని అందిపుచ్చుకున్నాడు. రెండు అర్ధ సెంచరీలతో స‌త్తాచాటి శెభాష్ అన్పించుకున్నాడు. అయితే బంగ్లాతో సిరీస్‌కు స‌ర్ఫ‌రాజ్‌, రాహుల్‌కు ఇద్ద‌రికి జ‌ట్టులో చోటు ద‌క్కింది. దీంతో ప్లేయింగ్ ఎలెవ‌న్‌లో ఎవ‌రికి చోటు ద‌క్కుతుందా అన్న‌ది అంద‌రి మొద‌డ‌ల‌ను తొలుస్తున్న ప్ర‌శ్న‌.రాహుల్‌కు ఛాన్స్‌.. స‌ర్ఫ‌రాజ్‌కు నో ఛాన్స్‌అయితే స‌ర్ఫ‌రాజ్ కంటే రాహుల్ వైపే టీమిండియా మెనెజ్‌మెంట్ మొగ్గు చూపుతున్న‌ట్లు తెలుస్తోంది. రాహుల్‌కు ఉన్న అనుభవం దృష్ట్యా సర్ఫరాజ్‌ను బెంచ్‌కే పరిమితం చేయనున్నట్లు వార్తలు వినిపిస్తున్నాయి.ఈ విషయాన్ని బీసీసీఐ సీనియర్ అధికారి ఒకరు ధ్రువీకరించారు. జట్టు వ్యూహాలు, ఆలోచనలు బయటి వ్యక్తులకు ఆర్ధం కాకపోవచ్చు. ఇంగ్లండ్ సిరీస్‌లో మధ్యలో మేము అతడిని తప్పించలేదు. అతడు గాయ పడ్డాడు. అందుకే అతడు ఆ సిరీస్‌కు దూరమయ్యాడు. తను గాయపడటానికి ముందు హైదరాబాద్‌లో 86 పరుగులతో అద్బుతమైన ఇన్నింగ్స్ ఆడాడు. అతడి ఫామ్‌లోకి తిరిగి రావడం జట్టుకు కలిసొచ్చే ఆంశం. ఆస్ట్రేలియాలో రాబోయే సవాళ్లకు మేనేజ్‌మెంట్ అతడిని సిద్దం చేస్తోంది.సర్ఫరాజ్ సైతం తనకు వచ్చిన అవకాశాన్ని సద్వినియోగం చేసుకున్నాడు. కానీ తుది జట్టులో చోటు కోసం కాస్త ఎదురు చూడక తప్పదు. ఏదైనా అవకాశముంటే అతడికే తొలి ప్రాధన్యత ఇస్తామని పీటీఐతో బీసీసీఐ అధికారి పేర్కొన్నారు.చదవండి: #Joe Root: చ‌రిత్ర సృష్టించిన జో రూట్‌.. సచిన్ రికార్డు బ్రేక్‌

దులీప్‌ ట్రోఫీలో భాగంగా బెంగళూరు వేదికగా ఇండియా-బితో జరుగుతున్న మ్యాచ్‌లో ఇండియా-ఏ టీమ్‌ ఎదురీదుతుంది. 275 పరుగుల లక్ష్యాన్ని ఛేదించేందుకు బరిలోకి దిగిన ఆ జట్టు 99 పరుగులకే 6 వికెట్లు కోల్పోయి పీకల్లోతు కష్టాల్లో పడింది. ఈ దశలో కేఎల్‌ రాహుల్‌ (57).. కుల్దీప్‌ యాదవ్‌తో (8) కలిసి ఇండియా-ఏను ఆదుకునే ప్రయత్నం చేస్తున్నాడు. నాలుగో రోజు మూడో సెషన్‌ సమయానికి ఇండియా-ఏ టీమ్‌ 6 వికెట్ల నష్టానికి 141 పరుగులు చేసింది. రాహుల్‌, కుల్దీప్‌ క్రీజ్‌లో ఉన్నారు. ఈ మ్యాచ్‌లో ఇండియా-ఏ గెలవాలంటే మరో 134 పరుగులు చేయాల్సి ఉంది. ఇండియా-ఏ ఇన్నింగ్స్‌లో రాహుల్‌ మినహా ఎవ్వరూ చెప్పుకోదగ్గ స్కోర్‌ చేయలేదు. మయాంక్‌ అగర్వాల్‌ 3, శుభ్‌మన్‌ గిల్‌ 21, రియాన్‌ పరాగ్‌ 31, ధృవ్‌ జురెల్‌ 0, తనుశ్‌ కోటియన్‌ 0, శివమ్‌ దూబే 14 పరుగులు చేశారు. ఇండియా-బి బౌలర్లలో యశ్‌ దయాల్‌ 3 వికెట్లు పడగొట్టగా.. ముకేశ్‌ కుమార్‌, నవ్‌దీప్‌ సైనీ, నితీశ్‌ రెడ్డి తలో వికెట్‌ దక్కించుకున్నారు.అంతకుముందు ఇండియా-బి రెండో ఇన్నింగ్స్‌లో 184 పరుగులకు ఆలౌటైంది. ఆకాశ్‌దీప్‌ ఐదు వికెట్లు తీసి ఇండియా-బిని దెబ్బకొట్టాడు. ఖలీల్‌ అహ్మద్‌ 3, ఆవేశ్‌ ఖాన్‌, తనుశ్‌ కోటియన్‌ తలో వికెట్‌ పడగొట్టారు. ఇండియా-బి ఇన్నింగ్స్‌లో రిషబ్‌ పంత్‌ (61), సర్ఫరాజ్‌ ఖాన్‌ (46) మాత్రమే రాణించారు.ఇండియా-బి తొలి ఇన్నింగ్స్‌: 321 ఆలౌట్‌, ముషీర్‌ ఖాన్‌ 181, నవ్‌దీప్‌ సైనీ 56, ఆకాశ్‌దీప్‌ 4/60ఇండియా-ఏ తొలి ఇన్నింగ్స్‌: 231 ఆలౌట్‌, రాహుల్‌ 37, మయాంక్‌ అగర్వాల్‌ 36, నవ్‌దీప్‌ సైనీ 3/60

ఇండియన్‌ ప్రీమియర్‌ లీగ్‌(ఐపీఎల్‌) ఫ్రాంఛైజీ లక్నో సూపర్‌ జెయింట్స్‌ తమ కొత్త మెంటార్‌ పేరును ప్రకటించింది. టీమిండియా రివర్స్‌ స్వింగ్‌ కింగ్‌ జహీర్‌ ఖాన్‌ తమ జట్టుకు మార్గ నిర్దేశనం చేయనున్నట్లు తెలిపింది. ఈ దిగ్గజ పేసర్‌తో జతకట్టడం సంతోషంగా ఉందంటూ హర్షం వ్యక్తం చేసింది. కాగా ఐపీఎల్‌-2023లో లక్నో మెంటార్‌గా ఉన్న భారత మాజీ క్రికెటర్‌ గౌతం గంభీర్‌.. ఈ ఏడాది ఆ జట్టును వీడిన విషయం తెలిసిందే.ఈ క్రమంలో గౌతీ తిరిగి కోల్‌కతా నైట్‌ రైడర్స్‌ గూటికి చేరుకోగా.. లక్నో అతడి స్థానాన్ని అలాగే ఖాళీగా ఉంచింది. ఈ నేపథ్యంలో తాజాగా జహీర్‌ ఖాన్‌ను తమ మెంటార్‌గా అధికారికంగా ప్రకటించింది. ఈ సందర్భంగా లక్నో ఫ్రాంఛైజీ యజమాని, ప్రముఖ వ్యాపారవేత్త సంజీవ్‌ గోయెంకా జహీర్‌కు లక్నో జెర్సీ(నంబర్‌ 34)ని ప్రదానం చేశాడు.రివర్స్‌ స్వింగ్‌ కింగ్‌కు 102 వికెట్లుకాగా మహారాష్ట్రకు చెందిన 45 ఏళ్ల జహీర్‌ ఖాన్‌ దాదాపు రెండేళ్ల విరామం తర్వాత ఐపీఎల్‌లో రీఎంట్రీ ఇస్తున్నాడు. గతంలో ముంబై ఇండియన్స్‌, రాయల్‌ చాలెంజర్స్‌ బెంగళూరు, ఢిల్లీ డేర్‌డెవిల్స్‌కు ఆడిన ఈ లెఫ్టార్మ్‌ పేసర్‌... పది సీజన్లలో 100 మ్యాచ్‌లు ఆడి 7.58 ఎకానమీతో 102 వికెట్లు పడగొట్టాడు.అనంతరం కోచ్‌ అవతారమెత్తిన జహీర్‌ ఖాన్‌.. తొలుత ముంబై ఇండియన్స్‌ డైరెక్టర్‌ ఆఫ్‌ క్రికెట్‌గా పనిచేశాడు. 2018- 2022 మధ్య కాలంలో ఆ ఫ్రాంఛైజీతో ప్రయాణం చేసిన ఈ దిగ్గజ బౌలర్‌.. రెండేళ్ల విరామం అనంతరం మళ్లీ ఐపీఎల్‌లో అడుగుపెట్టాడు. కాగా లక్నో బౌలింగ్‌ కోచ్‌గా ఉన్న సౌతాఫ్రికా స్పీడ్‌స్టర్‌ మోర్నీ మోర్కెల్‌ ఇటీవలే టీమిండియా బౌలింగ్‌ శిక్షకుడిగా నియమితుడైన విషయం తెలిసిందే.కేఎల్‌ రాహుల్‌పై గోయెంకా కామెంట్‌ఈ నేపథ్యంలో లక్నో మెంటార్‌గా వ్యవహరించడంతో పాటు ఫాస్ట్‌ బౌలింగ్‌ విభాగాన్ని కూడా జహీర్‌ పర్యవేక్షించనున్నట్లు తెలుస్తోంది. ఇక జస్టిన్‌ లాంగర్‌ ఈ జట్టుకు హెడ్‌కోచ్‌గా ఉండగా.. లాన్స్‌ క్లూస్నర్‌, ఆడం వోగ్స్‌ అతడికి డిప్యూటీలుగా పనిచేస్తున్నారు. ఇదిలా ఉంటే.. లక్నో కెప్టెన్సీకి కేఎల్‌ రాహుల్‌ గుడ్‌బై చెప్తున్నాడనే వార్తల నడుమ.. సంజీవ్‌ గోయెంకా మాట్లాడుతూ.. అతడు తమ కుటుంబంలోని వ్యక్తి లాంటివాడని తెలిపాడు. అయితే, తమ కెప్టెన్‌ మార్పు గురించి వస్తున్న వార్తలపై స్పందించేందుకు నిరాకరించాడు. మరోవైపు.. కోల్‌కతా నైట్‌ రైడర్స్‌ను ఈ ఏడాది చాంపియన్‌గా నిలపడంలో కీలక పాత్ర పోషించిన గంభీర్‌ టీమిండియా ప్రధాన కోచ్‌గా బాధ్యతలు చేపట్టిన విషయం విదితమే.చదవండి: భారత స్టార్‌ క్రికెటర్‌ గుండెలో రంధ్రం.. సర్జరీ తర్వాత ఇలా..Zaheer, Lucknow ke dil mein aap bohot pehle se ho 🇮🇳💙 pic.twitter.com/S5S3YHUSX0— Lucknow Super Giants (@LucknowIPL) August 28, 2024

ఇండియన్‌ ప్రీమియర్‌ లీగ్‌-2025లో లక్నో సూపర్‌ జెయింట్స్‌కు కొత్త కెప్టెన్‌ వచ్చే అవకాశం ఉంది. టీమిండియా స్టార్‌ క్రికెటర్‌ కేఎల్‌ రాహుల్‌ స్థానంలో మరో సీనియర్‌ ప్లేయర్‌కు సారథ్య బాధ్యతలు అప్పగించేందుకు ఫ్రాంఛైజీ సిద్ధమైనట్లు తెలుస్తోంది. వేలం నేపథ్యంలో రిటెన్షన్‌ విధివిధానాలపై బీసీసీఐ స్పష్టతనిచ్చిన తర్వాత ఇందుకు సంబంధించి లక్నో తుది నిర్ణయం తీసుకోనున్నట్లు సమాచారం.కెప్టెన్‌గా విఫలంకాగా 2022లో క్యాష్‌ రిచ్‌ లీగ్‌లో అరంగేట్రం చేసిన లక్నో జట్టుకు ఆది నుంచి కేఎల్‌ రాహుల్‌ కెప్టెన్‌గా ఉన్నాడు. గత రెండు సీజన్లలో టీమ్‌ను ప్లే ఆఫ్స్‌నకు చేర్చిన ఈ కర్ణాటక వికెట్‌ కీపర్‌ బ్యాటర్‌.. ఈ ఏడాది మాత్రం ఆకట్టుకోలేకపోయాడు. ఆటగాడిగా 520 పరుగులతో పర్వాలేదనపించినా కెప్టెన్‌గా మాత్రం విఫలమయ్యాడు. లక్నోతోనే రాహుల్‌.. కానీఈ క్రమంలో లక్నో ఈసారి పద్నాలుగింట కేవలం ఏడు మాత్రమే గెలిచి ఏడోస్థానానికి పరిమితమైంది. ముఖ్యంగా సన్‌రైజర్స్‌ హైదరాబాద్‌ చేతిలో ఘోర ఓటమి నేపథ్యంలో ఫ్రాంఛైజీ ఓనర్‌ సంజీవ్‌ గోయెంక బహిరంగంగానే రాహుల్‌పై ఆగ్రహం వ్యక్తం చేశాడు. ఈ నేపథ్యంలో రాహుల్‌ లక్నో ఫ్రాంఛైజీని వీడనున్నాడనే వార్తలు రాగా.. సోమవారం సంజీవ్‌ గోయెంకాతో భేటీ అయిన రాహుల్‌ తాను జట్టుతోనే ఉంటాననే సంకేతాలు ఇచ్చాడు. రేసులో ఆ ఇద్దరుఈ క్రమంలో లక్నో జట్టు సంబంధిత వర్గాలు వార్తా సంస్థ IANSతో ఆసక్తికర విషయాలు వెల్లడించాయి. ‘‘సీఈఓ సంజీవ్‌ గోయెంకాతో రాహుల్‌ అధికారికంగానే భేటీ అయ్యాడు. రిటెన్షన్‌ గురించి చర్చలు జరిగాయి. వచ్చే ఏడాది కెప్టెన్‌గా ఉండటానికి రాహుల్‌ విముఖత చూపాడు. బ్యాటర్‌గా తాను మరింతగా రాణించేందుకు సారథ్య బాధ్యతలు వదులుకోవాలని భావిస్తున్నాడు. నిజానికి రాహుల్‌ కెప్టెన్సీ పట్ల గోయెంకాకు పూర్తి విశ్వాసం ఉంది. అయితే, తను మాత్రం అందుకు సిద్ధంగా లేడు.లక్నో రాహుల్‌ను రిటైన్‌ చేసుకోవడం ఖాయం. అయితే, కెప్టెన్‌గా ఉండడు. బీసీసీఐ విధివిధానాలు ఖరారు చేసిన తర్వాత ఈ అంశంపై మేము నిర్ణయం తీసుకుంటాం. అయితే, ఇప్పటికి కెప్టెన్సీ రేసులో కృనాల్‌ పాండ్యా, నికోలస్‌ పూరన్‌ ఉన్నారు’’ అని సదరు వర్గాలు పేర్కొన్నాయి. కాగా సెప్టెంబరు 5 నుంచి మొదలుకానున్న దులిప్‌ ట్రోఫీతో కేఎల్‌ రాహుల్‌ బిజీ కానున్నాడు.చదవండి: Duleep Trophy: ఆ ముగ్గురు స్టార్లు దూరం.. బీసీసీఐ ప్రకటన

ఐదేళ్ల క్రితం ‘కాఫీ విత్‌ కరణ్‌’ కార్యక్రమంలో హార్దిక్‌ పాండ్యాతో కలిసి వివాదంలో భాగమైన భారత క్రికెటర్‌ కేఎల్‌ రాహుల్‌ నాటి ఘటన ఇప్పటికీ తనను వెంటాడుతుందని అన్నాడు. ఆ ఇంటర్వ్యూ తర్వాత జరిగిన పరిణామాలు తనను చాలా భయపెట్టాయని, ఆ తర్వాత ఒక వ్యక్తిగా కూడా తనను తాను ఎంతో మార్చుకోవాల్సి వచ్చిందని అతను చెప్పాడు.నాటి కార్యక్రమంలో మహిళలపై తప్పుడు వ్యాఖ్యలు చేశారంటూ ఆ తర్వాత హార్దిక్, రాహుల్‌లపై బీసీసీఐ కొంత కాలం నిషేధం విధించింది. ‘మామూలుగా నేను చాలా సిగ్గరిని. చిన్నప్పటినుంచి తక్కువగా మాట్లాడే తత్వం. భారత్‌కు ఆడిన తర్వాత నాలో ఆత్మవిశ్వాసం పెరిగింది’ అని రాహుల్‌ తన గురించి చెప్పుకున్నాడు. అయితే కరణ్‌ జోహర్‌తో ఇంటర్వ్యూ తనను బాగా ఇబ్బంది పెట్టిందని అతను గుర్తు చేసుకున్నాడు. ‘ఆ ఇంటర్వ్యూ అసలు మరో ప్రపంచంలో సాగింది. అది నన్ను చాలా చాలా మార్చేసింది. జట్టునుంచి సస్పెన్షన్‌కు గురి కావడంతో ఆ తర్వాత అందరితో కలిసి మాట్లాడలేకపోయాను. నేను స్కూల్‌లో కూడా ఎప్పుడూ సస్పెండ్‌ కాలేదు’ అని రాహుల్‌ వ్యాఖ్యానించాడు.

టీమిండియా స్టార్‌ క్రికెటర్‌ కేఎల్‌ రాహుల్‌ తన ‘ముఖ్యమైన ప్రకటన’కు సంబంధించిన వివరాలను వెల్లడించాడు. దివ్యాంగులైన పిల్లల జీవితాల్లో వెలుగులు నింపేలా.. తాము తలపెట్టిన సత్కార్యం విజయవంతమైందని తెలిపాడు. తమకు సహకరించిన తోటి క్రికెటర్లకు ఈ సందర్భంగా ధన్యవాదాలు తెలిపాడు. అసలు విషయమేమిటంటే..‘నేనొక ప్రకటన చేయబోతున్నా.. ’ అంటూ కేఎల్‌ రాహుల్‌ ఇన్‌స్టా పోస్ట్‌ పెట్టగానే.. అతడు క్రికెట్‌కు వీడ్కోలు పలకబోతున్నాడంటూ వదంతులు వ్యాపించాయి. జాతీయ జట్టులో తగినన్ని అవకాశాలు రాకపోవడం వల్లే ఈ నిర్ణయం తీసుకున్నాడంటూ సోషల్‌ మీడియాలో ప్రచారం జరిగింది. ఈ నేపథ్యంలో తాజాగా తన ఇన్‌స్టా స్టోరీ ద్వారా ఇవన్నీ వట్టి పుకార్లేనని స్పష్టం చేశాడు కేఎల్‌ రాహుల్‌.తన భార్య అతియా శెట్టితో కలిసి ఒక మంచి పని చేసినట్లు వెల్లడించాడు. దివ్యాంగులైన పిల్లల బాగు కోసం.. క్రికెటర్ల వస్తువులు వేలం వేయడం ద్వారా నిధులు సమకూర్చినట్లు తెలిపాడు. ఈ సత్కార్యంలో తమకు సహకరించిన తన సహచర, మాజీ క్రికెటర్ల జట్ల కృతజ్ఞతాభావం చాటుకున్నాడు. వేలాన్ని విజయవంతం చేసిన ప్రతి ఒక్కరికి, విరాళాలు ఇచ్చిన వారికి ధన్యవాదాలు తెలిపాడు.కోహ్లి జెర్సీకి అత్యధిక ధరకేఎల్‌ రాహుల్‌- అతియా శెట్టి దంపతులు నిర్వహించిన ఈ వేలంలో టీమిండియా రన్‌ మెషీన్‌ విరాట్‌ కోహ్లి జెర్సీ అత్యధిక ధర పలికినట్లు సమాచారం. రూ. 40 లక్షలకు కింగ్‌ జెర్సీ అమ్ముడుపోయినట్లు తెలుస్తోంది. అదే విధంగా... ఈ జాబితాలో రెండో స్థానంలో కూడా కోహ్లినే ఉండటం విశేషం. అతడి గ్లోవ్స్‌ రూ. 28 లక్షల ధర పలికింది.ఇక టీమిండియా కెప్టెన్‌ రోహిత్‌ శర్మ బ్యాట్‌ రూ. 24 లక్షలు, దిగ్గజ కెప్టెన్‌ మహేంద్ర సింగ్‌ ధోని బ్యాట్‌ రూ. 13 లక్షలు, మాజీ హెడ్‌కోచ్‌ రాహుల్‌ ద్రవిడ్‌ బ్యాట్‌ రూ. 11 లక్షలకు అమ్ముడుపోయినట్లు తెలుస్తోంది. ఇక ఈ వేలం ద్వారా రాహుల్‌- అతియా మొత్తంగా రూ. 1.93 కోట్లు సేకరించినట్లు సమాచారం.కాగా ఐపీఎల్‌-2024లో స్థాయికి తగ్గట్లుగా రాణించలేకపోయిన లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్‌కు.. టీ20 ప్రపంచకప్‌-2024 జట్టులో చోటు దక్కలేదు. టీమిండియా తరఫున 2022లో చివరి టీ20 ఆడిన రాహుల్‌.. ఇటీవల శ్రీలంకతో ముగిసిన వన్డే సిరీస్‌లో పాల్గొన్నాడు. ఇదే ఏడాది జనవరిలో ఆఖరిగా టెస్టు మ్యాచ్‌ ఆడాడు. ఇక ఈ కర్ణాటక బ్యాటర్‌ తదుపరి దులిప్‌ ట్రోఫీలో పాల్గొననున్నాడు.చదవండి: BAN vs PAK: తండ్రైన స్టార్ క్రికెటర్.. టెస్టు సిరీస్‌ నుంచి ఔట్‌?

ఇండియన్‌ ప్రీమియర్‌ లీగ్‌ మెగా వేలం-2025 నేపథ్యంలో ఆటగాళ్ల రిటెన్షన్‌ అంశంపైనే ప్రధానంగా చర్చ జరిగినట్లు సమాచారం. పది జట్ల ఫ్రాంఛైజీలు- భారత క్రికెట్‌ నియంత్రణ మండలి అధికారుల మధ్య జూలై 31 నాటి సమావేశంలో ఈ విషయమై కీలక నిర్ణయం తీసుకున్నట్లు తెలుస్తోంది.ఫ్రాంఛైజీ యజమానుల్లో అధికులు ఆరుగురు క్రికెటర్లను రిటైన్‌ చేసుకునే అవకాశం ఇవ్వాలని కోరగా.. బీసీసీఐ ఇందుకు సానుకూలంగా స్పందించిందనే వార్తలు వస్తున్నాయి. ఈ నేపథ్యంలో మూడు ఫ్రాంఛైజీలు మాత్రం తమ కెప్టెన్లను విడిచిపెట్టి.. వారి స్థానంలో కొత్త వారిని నియమించుకోవాలనే యోచనలో ఉన్నట్లు క్రికెట్‌ వర్గాల్లో చర్చ మొదలైంది.ఆర్సీబీఐపీఎల్‌-2025 నేపథ్యంలో రాయల్‌ చాలెంజర్స్‌ బెంగళూరు(ఆర్సీబీ) తమ సారథిని మార్చాలని భావిస్తున్నట్లు సమాచారం. వేలానికి ముందు ఫాఫ్‌ డుప్లెసిస్‌ను విడిచిపెట్టేందుకు సిద్ధమైనట్లు తెలుస్తోంది. 36 ఏళ్ల డుప్లెసిస్‌ ఐపీఎల్‌-2024లో 438 పరుగులు చేయడంతో పాటు.. జట్టును ప్లే ఆఫ్స్‌ వరకు చేర్చగలిగాడు.అయితే, డుప్లెసిస్‌ వయసు రీత్యా కెప్టెన్‌గా అతడిని కొనసాగించేందుకు విముఖంగా ఉన్నట్లు సమాచారం. దీర్ఘకాలిక ప్రయోజనాలు దృష్టిలో పెట్టుకుని.. యువ టీమిండియా ఆటగాడిని సారథిగా నియమించుకోవాలనుకుంటున్నట్లు సమాచారం.పంజాబ్‌ కింగ్స్‌ఐపీఎల్‌ టాప్‌ రన్‌ స్కోర్లలో టీమిండియా వెటరన్‌ ఓపెనర్‌ శిఖర్‌ ధావన్‌ కూడా ఒకడు. అయితే, పంజాబ్‌ కింగ్స్‌ కెప్టెన్‌గా ఉన్న అతడు గత కొంతకాలంగా ఫామ్‌లేమితో సతమతమవుతున్నాడు. అంతేకాదు.. ఐపీఎల్‌-2024లో ఆరంభ మ్యాచ్‌ల తర్వాత గాయం బారిన పడి జట్టుకు దూరమయ్యాడు.ధావన్‌ స్థానంలో ఇంగ్లండ్‌ ఆల్‌రౌండర్‌ సామ్‌ కర్రన్‌ పంజాబ్‌ కింగ్స్‌ను ముందుకు నడిపించాడు. అయితే, ప్లే ఆఫ్స్‌మాత్రం చేర్చలేకపోయాడు. ఇక ఇప్పటి వరకు ఐపీఎల్‌ టైటిల్‌ సాధించని జట్లలో పంజాబ్‌ కూడా ఉందన్న విషయం తెలిసిందే.ఇందుకు ప్రధాన కారణం సరైన నాయకుడు లేకపోవడమే. ఇక ధావన్‌ ఇప్పటికే జాతీయ జట్టులో చోటు కోల్పోయాడు. అంతేకాదు దేశవాళీ క్రికెట్‌లోనూ ఆడటం లేదు. అలాంటి ఆటగాడిని సారథిగా కొనసాగించడంలో అర్థం లేదని యాజమాన్యం భావిస్తున్నట్లు తెలుస్తోంది. ఈ క్రమంలో 38 ఏళ్ల ధావన్‌ను కెప్టెన్‌గా తప్పించి.. అతడి స్థానంలో యువ నాయకుడిని ఎంపిక చేసుకోవాలనుకుంటున్నట్లు సమాచారం.లక్నో సూపర్‌ జెయింట్స్‌ఐపీఎల్‌లో 2022లో అరంగేట్రం చేసిన లక్నో సూపర్‌ జెయింట్స్‌కు మూడేళ్లుగా టీమిండియా స్టార్‌ కేఎల్‌ రాహుల్‌ కెప్టెన్‌గా కొనసాగుతున్నాడు. 2022, 2023 సీజన్లలో లక్నోను టాప్‌-4లో నిలబెట్టిన రాహుల్‌.. 2024లో మాత్రం ఆకట్టుకోలేకపోయాడు.ఈ వికెట్‌ కీపర్‌ బ్యాటర్‌ ఆటగాడినూ తన స్థాయికి తగ్గ ప్రదర్శన చేయలేకపోయాడు. పద్నాలుగు మ్యాచ్‌లలో కలిపి 520 పరుగులు చేసినప్పటికీ.. స్ట్రైక్‌రేటు(136.12) పరంగా విమర్శలు ఎదుర్కొన్నాడు. ఇక సన్‌రైజర్స్‌ హైదరాబాద్‌తో మ్యాచ్‌ సందర్భంగా ఓనర్‌ సంజీవ్‌ గోయెంకా రాహుల్‌పై బహిరంగంగానే తీవ్ర ఆగ్రహం వ్యక్తం చేసిన విషయం తెలిసిందే. ఆ తర్వాత అంతా బాగానే ఉందని సంజీవ్‌ గోయెంకా సంకేతాలు ఇచ్చినా.. రాహుల్‌ మాత్రం బాగా హర్టయినట్లు సమాచారం. జట్టును వీడాలని భావిస్తున్నట్లు వార్తలు వచ్చాయి. ఈ క్రమంలో ఫ్రాంఛైజీ సైతం రాహుల్‌ను రిలీజ్‌ చేసేందుకు సిద్ధంగానే ఉన్నట్లు తెలుస్తోంది.చదవండి: IPL 2025: గుజ‌రాత్ టైటాన్స్ కీల‌క నిర్ణ‌యం.. ఆశిష్ నెహ్రాపై వేటు!

శ్రీలంక‌తో టీ20 సిరీస్‌ను క్లీన్ స్వీప్ చేసిన టీమిండియా.. వ‌న్డేల్లో మాత్రం త‌మ మార్క్‌ను చూపించ‌లేక‌పోతుంది. తొలి వ‌న్డేలో ఈజీగా గెలవాల్సిన మ్యాచ్‌ను చేజేతులా టై చేసుకున్న భార‌త్‌.. రెండో వ‌న్డేలో 32 ప‌రుగుల తేడాతో అనుహ్యంగా ఓట‌మి చవిచూసింది. ఈ క్ర‌మంలో కీల‌కమైన మూడో వ‌న్డేలో శ్రీలంక‌తో త‌ల‌ప‌డేందుకు టీమిండియా సిద్ద‌మైంది. బుధ‌వారం కొలంబో వేదిక‌గా మూడో వ‌న్డేలో ఇరు జ‌ట్లు అమీతుమీ తెల్చుకోనున్నాయి. ఈ మ్యాచ్‌లో ఎలాగైనా గెలిచి సిరీస్‌ను 1-1తో స‌మం చేయాల‌ని రోహిత్ సేన ప‌ట్టుద‌ల‌తో ఉంది. మ‌రోవైపు శ్రీలంక మాత్రం ఆఖ‌రి మ్యాచ్‌లోనూ త‌మ జోరుని కొన‌సాగించి సిరీస్‌ను సొంతం చేసుకోవాల‌ని భావిస్తోంది. కాగా భార‌త్‌పై శ్రీలంక వ‌న్డే సిరీస్ గెలిచి దాదాపు 27 ఏళ్లు కావ‌స్తోంది. ఇక ఇది ఇలా ఉండ‌గా.. మూడో వ‌న్డేలో టీమిండియా రెండు మార్పుల‌తో బ‌రిలోకి దిగ‌నున్న‌ట్లు తెలుస్తోంది. తొలి రెండు వ‌న్డేల్లో త‌మ స్ధాయికి త‌గ్గ ప్ర‌ద‌ర్శ‌న చేయ‌క‌పోయిన కేఎల్ రాహుల్‌, శివ‌మ్ దూబేపై జ‌ట్టు మెనెజ్‌మెంట్ వేటు వేయ‌నున్న‌ట్లు స‌మాచారం. వారిద్ద‌రి స్ధానంలో రిష‌బ్ పంత్‌, రియాన్ ప‌రాగ్‌ల‌కు చోటు ఇవ్వ‌నున్న‌ట్లు ప‌లు రిపోర్ట్‌లు పేర్కొంటున్నాయి. కేఎల్ రాహుల్ వికెట్ల వెన‌క కూడా పెద్ద‌గా ఆక‌ట్టుకోలేక‌పోయాడు. రెండో వ‌న్డేలో ఈజీగా క్యాచ్‌లు విడిచి విమ‌ర్శ‌లు ఎదుర్కొన్నాడు. ఈ క్ర‌మంలోనే రిష‌బ్ పంత్‌ను బ‌రిలోకి దించాల‌ని గంభీర్‌, రోహిత్ శర్మ నిర్ణ‌యించుకున్న‌ట్లు వార్త‌లు వినిపిస్తున్నాయి.భారత తుది జట్టు(అంచనా)రోహిత్ శర్మ(కెప్టెన్), శుభ్‌మన్ గిల్, విరాట్ కోహ్లి, శ్రేయస్ అయ్యర్, రిషభ్ పంత్, రియాన్ పరాగ్, అక్షర్ పటేల్, వాషింగ్టన్ సుందర్, కుల్దీప్ యాదవ్, మహమ్మద్ సిరాజ్, అర్ష్‌దీప్ సింగ్.

బాలీవుడ్ భామ, హీరోయిన్ అతియా శెట్టి బీటౌన్‌లో పరిచయం అక్కర్లేని పేరు. బాలీవుడ్‌లో కొద్ది సినిమాలే చేసినా.. గతేడాది క్రికెటర్‌ కేఎల్ రాహుల్‌తో పెళ్లి తర్వాత మరింత ఫేమస్ అయింది. అయితే తాజాగా తన భర్తతో కలిసి ఓ ఛారిటీని స్థాపించింది ముద్దుగుమ్మ. విప్లా ఫౌండేషన్ కోసం నిధులను సేకరించేందుకు 'క్రికెట్ ఫర్ ఎ కాజ్' పేరుతో ఛారిటీని ప్రకటించారు. కాగా... ముంబయిలో సేవ్ ది చిల్డ్రన్ ఇండియాగా పిలువబడే సంస్థను ఆ తర్వాత విప్లా ఫౌండేషన్‌గా మార్చారు. మరికొందరు క్రికెటర్లతో కలిసి ఛారిటీ తరఫున నిధులు సమీకరించనున్నారు. ఇందుకోసం ప్రత్యేకంగా వేలం పాట నిర్వహించనున్నట్లు తెలిపారు. ఈ సందర్భంగా అతియా మాట్లాడుతూ.. 'విప్లా ఫౌండేషన్ నా చిన్నతనంలోనే ఓ ముఖ్యమైన భాగం. నేను స్కూల్ అయిపోయిన తర్వాత చాలా రోజుల పాటు ఇక్కడ పిల్లలకు పాఠాలు బోధిస్తూ వారితో గడిపేదాన్ని. మేము నిర్వహించే వేలం ద్వారా వినికిడి లోపం, వైకల్యం ఉన్న పిల్లల అవసరాలను తీర్చాలనే ఉద్దేశ్యంతో ఈ కార్యక్రమం చేపట్టాం. విప్లా ఫౌండేషన్‌ను ప్రారంభించిన నాని వారసత్వాన్ని కొనసాగించాలనేదే నా ఆశయం'అని తెలిపారు.కేఎల్ రాహుల్ మాట్లాడుతూ..' ఇలాంటి పాఠశాలకు మొదటిసారి రావడం చాలా ఉద్వేగభరితంగా అనిపించింది. అతియా కుటుంబం భాగమైన ఈ గొప్ప పనికి సహకరించడానికి ఈ పిల్లలే నన్ను ప్రేరేపించారు. వీరికి అన్ని రకాలుగా తోడ్పాటు అందించడంలో విప్లా ఫౌండేషన్ చేస్తున్న అద్భుతమైన పనికి మద్దతు ఇవ్వడానికి వేలం నిర్వహిస్తున్నాం. నేను నాతోటి క్రికెట్ సోదరులను సంప్రదించినప్పుడు.. వారు తమ విలువైన క్రికెట్ వస్తువులను వేలం ద్వారా వచ్చే డబ్బును విరాళం ఇచ్చేందుకు సహకరించారు. వేలంలో పాల్గొని ప్రత్యేకమైన ఈ పిల్లల జీవితాల్లో మార్పు తీసుకురావడం కోసం మాతో చేరుతున్నందుకు చాలా సంతోషంగా ఉంది.' అని అన్నారు.కాగా.. అతియా శెట్టి, కేఎల్ రాహుల్ జనవరి 23, 2023న వివాహం చేసుకున్నారు. ఇక సినిమాల విషయానికొస్తే అతియా చివరిసారిగా 2019 చిత్రం 'మోతీచూర్ చక్నాచూర్'లో కనిపించింది. ఈ చిత్రంలో నవాజుద్దీన్ సిద్ధిఖీ సరసన నటించింది. ఆమె 2015లో వచ్చిన 'హీరో'లో మూవీతో బాలీవుడ్‌లోకి అడుగుపెట్టింది. అంతేకాకుండా అర్జున్ కపూర్ నటించిన 'ముబారకన్' చిత్రంలోనూ నటించింది.

కేఎల్‌ రాహుల్‌.. ఈ కర్ణాటక బ్యాటర్‌ టీమిండియా తరఫున ఇప్పటి వరకు 35 వన్డేల్లో వికెట్‌ కీపర్‌గా వ్యవహరించాడు. సగటు 58.91తో మొత్తంగా 1355 పరుగులు సాధించాడు ఈ కుడిచేతివాటం బ్యాటర్‌. ఇందులో రెండు శతకాలు, పది హాఫ్‌ సెంచరీలు ఉన్నాయి. అంతేకాదు.. 48 స్టంపింగ్స్‌లోనూ భాగమయ్యాడు 32 ఏళ్ల కేఎల్‌ రాహుల్‌. ఓవరాల్‌గా ఇప్పటి వరకు 75 వన్డేలు ఆడిన రాహుల్‌ ఖాతాలో 2820 పరుగులు ఉన్నాయి. వన్డే ప్రపంచకప్‌-2023 జట్టులోనూ అతడే వికెట్‌ కీపర్‌గా వ్యవహరించాడు.సుదీర్ఘకాలం పాటు జట్టుకు దూరంమరోవైపు.. రిషభ్‌ పంత్‌.. 26 ఏళ్ల ఈ వికెట్‌ కీపర్‌ బ్యాటర్‌ 30 వన్డేలు ఆడి 865 పరుగులు సాధించాడు. టెస్టులు(సగటు 43.67- 2271 రన్స్‌), టీ20(1209 రన్స్‌)లతో పోలిస్తే వన్డేల్లో ఈ ఉత్తరాఖండ్‌ ప్లేయర్‌ రికార్డు గొప్పగా ఏమీ లేదు. 2022 డిసెంబరులో ఘోర కారు ప్రమాదం తర్వాత ఈ ఎడమచేతి వాటం బ్యాటర్‌ సుదీర్ఘకాలం పాటు జట్టుకు దూరమయ్యాడు.రీ ఎంట్రీలో అదుర్స్‌ ఈ క్రమంలో పరిమిత ఓవర్ల క్రికెట్‌లో టీమిండియా వికెట్‌ కీపర్‌ బ్యాటర్‌గా కేఎల్‌ రాహుల్‌ తన స్థానాన్ని సుస్థిరం చేసుకున్నాడు. అయితే, టీ20 ప్రపంచకప్‌-2024 నాటికి పునరాగమనం చేసిన రిషభ్‌ పంత్‌ కారణంగా.. వరల్డ్‌కప్‌ జట్టులో కేఎల్‌ రాహుల్‌కు చోటు కరువైంది. తాజాగా శ్రీలంక పర్యటనలోనూ వన్డే సిరీస్‌లో భాగంగా తుదిజట్టులో స్థానానికై వీరి మధ్య తీవ్రమైన పోటీ నెలకొంది.పంత్‌.. రాహుల్‌.. ఇద్దరిలో ఎవరు?ఈ నేపథ్యంలో అనుభవజ్ఞుడైన రాహుల్‌ వైపు మొగ్గుచూపుతారా.. లేదంటే పంత్‌కే మొదటి ప్రాధాన్యం ఇస్తారా అన్న అంశం చర్చనీయంగా మారింది. ఈ క్రమంలో టీమిండియా కెప్టెన్‌ రోహిత్‌ శర్మ మొదటి వన్డేకు ముందు మీడియాతో మాట్లాడగా.. ఈ విషయమై ప్రశ్న ఎదురైంది. ఇందుకు బదులిస్తూ.. ‘‘వికెట్‌ కీపర్‌ బ్యాటర్లు రాహుల్‌- పంత్‌ల మధ్య ఒకరినే ఎంచుకోవాలంటే కష్టమే. ఇద్దరూ నాణ్యమైన ఆటగాళ్లే. ఇద్దరు సమర్థులే. మ్యాచ్‌ విన్నర్లు కూడా!హెడ్‌కోచ్‌తో చర్చిస్తానుగతంలో ఎన్నోసార్లు ఒంటిచేత్తో జట్టును గెలిపించారు. అలాంటివాళ్లలో ఒకరినే ఎంచుకోవాలంటే ఎన్నో రకాలుగా ఆలోచించాల్సి ఉంటుంది. ఒక్కోసారి ఇలాంటివి సమస్యలుగా పరిణమిస్తాయి. అయితే, ఒకందుకు ఇది కూడా మంచిదే. కెప్టెన్‌గా నాకు అనేక ఆప్షన్లు అందుబాటులో ఉండటం మంచి విషయమే.రాహుల్‌- పంత్‌ల గురించి హెడ్‌కోచ్‌తో చర్చిస్తాను. మేము రేపు మ్యాచ్‌ ఆడేటపుడు మీకు ఈ విషయంపై స్పష్టత వస్తుంది. భారత క్రికెట్‌ ప్రమాణాలకు తగ్గట్లుగా ఆడటం ముఖ్యం. ప్రయోగాలు సహజమే అయినా అందుకు ఓటమి రూపంలో మూల్యం చెల్లించాల్సి వస్తే మా ప్రయత్నం విరమించుకోవడమే ఉత్తమమని భావిస్తాం’’ అని రోహిత్‌ శర్మ పేర్కొన్నాడు.కాగా శ్రీలంక- టీమిండియా మధ్య శుక్రవారం మధ్యాహ్నం తొలి వన్డే జరుగనుంది. ఇక మూడు మ్యాచ్‌ల టీ20 సిరీస్‌ను సూర్యకుమార్‌ యాదవ్‌ సేన 3-0తో క్లీన్‌స్వీప్‌ చేసిన విషయం తెలిసిందే.కాగా ఈ సిరీస్‌తోనే టీమిండియా హెడ్‌కోచ్‌గా గౌతం గంభీర్‌ ప్రయాణం మొదలుపెట్టాడు. తాజాగా వన్డేల్లోనూ తన మార్కు చూపించేందుకు సిద్ధమయ్యాడు.చదవండి: వన్డే వరల్డ్‌కప్‌ ఆల్‌టైమ్‌ గ్రేటెస్ట్‌ జట్టు.. కోహ్లికి నో ఛాన్స్‌!

టీమిండియా భవిష్య కెప్టెన్‌ ఎవరన్న అంశంపై బీసీసీఐ చీఫ్‌ సెలక్టర్‌ అజిత్‌ అగార్కర్‌ స్పష్టతనిచ్చాడు. యువ ఓపెనర్‌ శుబ్‌మన్‌ గిల్‌ను పూర్తిస్థాయి కెప్టెన్‌గా చూసే అవకాశం ఉందని పేర్కొన్నాడు.అయితే, ఏ విషయంలోనూ గ్యారెంటీ ఇవ్వలేమని.. ప్రస్తుత పరిస్థితుల్లో మాత్రం గిల్‌కే తమ ఓటు అని అగార్కర్‌ పేర్కొన్నాడు. ఇందుకు గల కారణాలను కూడా వెల్లడించాడు.కెప్టెన్‌గా అలరించిన గిల్‌కాగా టీ20 ప్రపంచకప్‌-2024లో భారత్‌ చాంపియన్‌గా నిలిచిన తర్వాత రోహిత్‌ శర్మ అంతర్జాతీయ టీ20లకు రిటైర్మెంట్‌ ప్రకటించిన విషయం తెలిసిందే. ఈ నేపథ్యంలో వరల్డ్‌కప్‌ జట్టు స్వదేశానికి తిరిగి రాగా.. శుబ్‌మన్‌ గిల్‌ సారథ్యంలో ద్వితీయ శ్రేణి జట్టు జింబాబ్వే పర్యటనకు వెళ్లింది.తొలిసారిగా కెప్టెన్‌ బాధ్యతలు నిర్వర్తించిన గిల్‌.. జింబాబ్వేతో ఐదు మ్యాచ్‌ల టీ20 సిరీస్‌లో టీమిండియాను 4-1తో విజేతగా నిలిపాడు. ఈ క్రమంలో శ్రీలంక పర్యటన నేపథ్యంలో టీమిండియా వైస్‌ కెప్టెన్‌గా గిల్‌ పేరును ప్రకటించింది బీసీసీఐ.సీనియర్లను కాదనివన్డేల్లో రోహిత్‌ శర్మ సారథిగా కొనసాగనుండగా.. టీ20 రెగ్యులర్‌ కెప్టెన్‌గా సూర్యకుమార్‌ యాదవ్‌ను ఎంపిక చేసింది. వీళ్లిద్దరికి డిప్యూటీగా శుబ్‌మన్‌ గిల్‌కు అవకాశం ఇచ్చింది.అయితే, కెప్టెన్సీ రేసులో ఉన్న సీనియర్లు రిషభ్‌ పంత్‌, కేఎల్‌ రాహుల్‌, హార్దిక్‌ పాండ్యాలను కాదని బీసీసీఐ గిల్‌ను వైస్‌ కెప్టెన్‌ చేయడం విశేషం.ఈ విషయంపై సోమవారం నాటి మీడియా సమావేశంలో ప్రస్తావనకు రాగా చీఫ్‌ సెలక్టర్‌ అజిత్‌ అగార్కర్‌ క్లారిటీ ఇచ్చే ప్రయత్నం చేశాడు. ‘‘రిషభ్‌ చాలా కాలంగా ఆటకు దూరమయ్యాడు. వికెట్‌ కీపర్‌గా అతడి సేవలు మాకు చాలా అవసరం.అందుకే పంత్‌కు నో ఛాన్స్‌దాదాపు ఏడాదిన్నర కాలం తర్వాత జట్టులో పునరాగమనం చేసిన ఆటగాడిపై భారం మోపాలని మేము భావించడం లేదు. ఇక కేఎల్‌ రాహుల్‌ చాలా కాలంగా అంతర్జాతీయ టీ20లకు దూరంగానే ఉన్నాడు.ఆటగాళ్ల నుంచి కూడా ఫీడ్‌బ్యాక్‌ తీసుకున్న తర్వాతే కఠినమైన నిర్ణయాలు తీసుకునేందుకు మేము సిద్ధమయ్యాం. టీ20 కెప్టెన్‌ విషయంలో గతంలో చాలా సమస్యలు ఎదుర్కొన్నాం.రోహిత్‌ లేనపుడు హార్దిక్‌ పాండ్యా గాయపడితే పరిస్థితి గందరగోళంగా ఉండేది. అయితే, అదృష్టవశాత్తూ వరల్డ్‌కప్‌ నాటికి రోహిత్‌ తిరిగి రావడం మంచిదైంది. కానీ మరోసారి రిస్క్‌ చేసేందుకు సిద్ధంగా లేము.రిస్క్‌ చేయలేంశుబ్‌మన్‌ మూడు ఫార్మాట్లలోనూ కీలక ఆటగాడు. ఏడాది కాలంగా అద్బుతంగా ఆడుతున్నాడు. సూర్య, రోహిత్‌ ఉన్నపుడే అతడిని నాయకుడిగా నైపుణ్యాలు మెరుగుపరచుకునేలా గిల్‌కు శిక్షణ ఇవ్వాల్సి ఉంది.అకస్మాత్తుగా కొత్త కెప్టెన్‌ను ట్రై చేయాలంటే రిస్కే. అందుకే ఇప్పటి నుంచే అతడిని భవిష్య కెప్టెన్‌గా తీర్చిదిద్దాలని భావిస్తున్నాం. కెప్టెన్‌గా తను అనుభవం గడిస్తే మాకు తలనొప్పులు తగ్గుతాయి.ఇప్పుడే కాదు అయితే, ఇందుకు చాలా సమయం ఉంది. ఇప్పుడే ఏదీ కచ్చితంగా చెప్పలేము. రెండేళ్లపాటు అతడిని గమనిస్తూనే ఉంటాం’’ అని అజిత్‌ అగార్కర్‌ చెప్పుకొచ్చాడు. కాగా జూలై 27 నుంచి టీమిండియా శ్రీలంకతో సిరీస్‌ మొదలుపెట్టనుండగా.. హెడ్‌ కోచ్‌గా గౌతం గంభీర్‌ బాధ్యతలు స్వీకరించనున్నాడు. ఈ నేపథ్యంలో గౌతీతో కలిసి సోమవారం నిర్వహించిన ప్రెస్‌ కాన్ఫన్స్‌లో అగార్కర్‌ ఈ మేరకు వ్యాఖ్యలు చేశాడు.చదవండి: టీమిండియా స్టార్ వచ్చేస్తున్నాడు: అగార్కర్

ఐపీఎల్‌-2025 సీజ‌న్‌కు ప‌లు ఫ్రాంచైజీలు భారీ ప్ర‌క్షాళ‌న దిశ‌గా అడుగులు వేస్తున్న‌ట్లు తెలుస్తోంది. అందులో ఒక‌టి ల‌క్నో సూప‌ర్ జెయింట్స్‌. వ‌చ్చే ఏడాది సీజ‌న్‌కు ముందు త‌మ జట్టు కెప్టెన్ కేఎల్ రాహుల్‌ను విడిచిపెట్టాల‌ని ల‌క్నో ఫ్రాంచైజీ యాజ‌మాన్యం నిర్ణ‌యించుకున్న‌ట్లు తెలుస్తోంది. దైనిక్ జాగరణ్ రిపోర్ట్ ప్రకారం.. కేఎల్ రాహుల్‌, ల‌క్నో మేనేజ్‌మెంట్ మధ్య విభేదాలు త‌లెత్తిన‌ట్లు స‌మాచారం. ఈ క్ర‌మంలోనే అత‌డిని ల‌క్నో విడిచిపెట్టాల‌ని భావిస్తున్న‌ట్లు స‌ద‌రు ప‌త్రిక పేర్కొంది. రాహుల్ కూడా ల‌క్నో మేనేజ్‌మెంట్ పైన ఆంస‌తృప్తితో ఉన్నట్లు వార్తలు వినిపిస్తున్నాయి. కాగా ఈ ఏడాది సీజన్‌లో ఎల్‌ఎస్‌జి యజమాని సంజీవ్ గోయెంకా, రాహుల్ మధ్య చిన్నపాటి వాగ్వాదం చోటు చేసుకుంది. ఇందుకు సంబంధించిన వీడియో సోషల్ మీడియాలో వైరల్ అయింది. దీంతో వీరిద్దరి మధ్య విభేదాలు ఉన్నట్లు పలు ఊహాగానాలు వినిపించాయి.ఆ తర్వాత రాహుల్‌, గోయెంకా ఇద్దరూ ఈ ఊహాగానాలను ఖండించినప్పటికి.. క్రికెట్ వర్గాల్లో మాత్రం ఇంకా ఈ చర్చనడుస్తోంది. రాహుల్ సారథ్యంలోని ఎల్‌ఎస్‌జి రెండు సార్లు ఫ్లే ఆఫ్స్‌కు చేరింది. కానీ ఈ ఏడాది సీజన్‌లో లీగ్ దశలోనే ఇంటిముఖం పట్టింది.ఆర్సీబీ కెప్టెన్‌గా రాహుల్‌?ఇక కేఎల్ రాహుల్‌పై రాయల్ ఛాలెంజర్స్ బెంగళూరు ఫ్రాంచైజీ కన్నేసినట్లు తెలుస్తోంది. మెగా వేలానికి ముందు ఎల్‌ఎస్‌జి నుంచి రాహుల్‌ను ట్రేడ్ చేసుకోవాలని ఆర్సీబీ భావిస్తున్నట్లు జాతీయ మీడియాలో కథనాలు వెలువడతున్నాయి. ప్రస్తుత ఆర్సీబీ కెప్టెన్ ఫాఫ్ డు ప్లెసిస్ వయస్సు 40కి చేరుకోవడంతో​.. దీర్ఘకాలిక ప్రయోజనాల దృష్ట్యా కొత్త కెప్టెన్‌ను ఫ్రాంచైజీ వెతుకుతున్నట్లు సమాచారం. ఈ క్రమంలో కేఎల్ రాహల్‌ను సొంతం చేసుకుని తమ జట్టు పగ్గాలను అప్పగించాలని ఆర్సీబీ యాజమాన్యం యోచిస్తున్నట్లు వినికిడి. కాగా కేఎల్ రాహుల్ తన ఐపీఎల్ కెరీర్‌ను ఆర్సీబీ ఫ్రాంచైజీతో ప్రారంభించాడు.

ఐపీఎల్‌-2024 తర్వాత కేఎల్‌ రాహుల్‌ టీమిండియాకు దూరమయ్యాడు. క్యాష్‌ రిచ్‌ లీగ్‌లో స్థాయికి తగ్గట్లు రాణించలేకపోయిన ఈ వికెట్‌ కీపర్‌ బ్యాటర్‌కు.. టీ20 ప్రపంచకప్‌-2024 జట్టులో చోటు దక్కలేదు.అయితే, తాజాగా శ్రీలంకతో జరుగనున్న దైప్వాక్షిక సిరీస్‌తో కేఎల్‌ రాహుల్‌ పునరాగమనం చేయడం దాదాపుగా ఖాయమైంది. అంతేకాదు.. కెప్టెన్‌ రోహిత్‌ శర్మ ఈ పర్యటనకు దూరమైతే వన్డే జట్టుకు కెప్టెన్‌గానూ ఈ కర్ణాటక బ్యాటర్‌ వ్యవహరించనున్నాడు.జూలై 27 నుంచి టీమిండియా శ్రీలంక టూర్‌ మొదలుకానుండగా.. తొలుత మూడు మ్యాచ్‌ల టీ20 సిరీస్‌ ఆడనుంది భారత్‌. అనంతరం ఇరు జట్ల మధ్య వన్డే సిరీస్‌ జరుగనుంది. ఇదిలా ఉంటే కేఎల్‌ రాహుల్‌కు సంబంధించిన ఆసక్తికర వార్త తెరమీదకు వచ్చింది.ఈ టీమిండియా స్టార్‌ క్రికెటర్‌ ఖరీదైన ఇంటిని కొనుగోలు చేశాడు. తన భార్య అతియా శెట్టితో కలిసి ముంబైలోని వెస్ట్‌ బాంద్రాలో విలాసంతమైన ఫ్లాట్‌ను సొంతం చేసుకున్నాడు.ఇందుకోసం రాహుల్‌- అతియా జంట రూ. 20 కోట్లు ఖర్చు చేసినట్లు సమాచారం. వెస్ట్‌ బాంద్రాలోని 3350 చదరపు అడుగుల విస్తీర్ణం గల ఈ ఫ్లాట్‌ కోసం రూ. 1.20 కోట్ల స్టాంప్‌ డ్యూటీ కూడా చెల్లించినట్లు తెలుస్తోంది.ఇక ఇదే అపార్ట్‌మెంట్‌లో ఇప్పటికే బాలీవుడ్‌ సూపర్‌ స్టార్‌ ఆమిర్‌ ఖాన్‌ సైతం ఫ్లాట్‌ కలిగి ఉన్నట్లు సమాచారం. అదే విధంగా షారుఖ్‌ ఖాన్‌, సైఫ్‌ అలీ ఖాన్‌, సల్మాన్‌ ఖాన్‌, జాన్వీ కపూర్‌, త్రిప్తి డిమ్రి కూడా ఇక్కడ నివాసాలు కలిగి ఉన్నట్లు తెలుస్తోంది.ఈ మేరకు ప్రముఖ స్పోర్ట్స్‌ వెబ్‌సైట్‌ తన కథనంలో వివరాలను వెల్లడించింది. కాగా భారత క్రికెట్‌ జట్టులో కీలక సభ్యుల్లో ఒకడైన కేఎల్‌ రాహుల్‌.. బీసీసీఐ సెంట్రల్‌ కాంట్రాక్ట్‌ జాబితాలో గ్రేడ్‌-ఏ జాబితాలో ఉన్నాడు.తద్వారా ఏడాదికి ఐదు కోట్ల రూపాయల వేతనం అందుకుంటున్నాడు. మ్యాచ్‌ ఫీజులు ఇందుకు అదనం. అదే విధంగా.. ఐపీఎల్‌లోనూ కేఎల్‌ రాహుల్‌కు భారీ మొత్తమే సంపాదిస్తున్నాడు.లక్నో సూపర్‌ జెయింట్స్‌ కెప్టెన్‌గా సీజన్‌కు రూ. 17 కోట్ల మేర అందుకుంటున్నట్లు సమాచారం. ఇక అతియా శెట్టి.. బాలీవుడ్‌ సీనియర్‌ నటుడు సునిల్‌ శెట్టి కుమార్తె అన్న విషయం తెలిసిందే. నటిగానూ ఆమె తన అదృష్టం పరీక్షించుకుంటున్నారు.

శ్రీలంక ప‌ర్య‌ట‌నకు ముందు టీమిండియాకు బిగ్ షాక్ త‌గిలింది. శ్రీలంక‌తో వన్డే సిరీస్‌కు స్టార్ ఆల్‌రౌండ‌ర్ హార్దిక్ పాండ్యా దూరం కానున్న‌ట్లు తెలుస్తోంది. వ్య‌క్తిగ‌త కార‌ణాల‌తో లంకతో​ వన్డే సిరీస్‌ దూరంగా ఉండాల‌ని పాండ్యా నిర్ణ‌యించ‌కున్న‌ట్లు స‌మాచారం.ఇప్ప‌టికే త‌న నిర్ణ‌యాన్ని బీసీసీఐకు హార్దిక్ తెలియ‌జేసిన‌ట్లు ప‌లు రిపోర్ట్‌లు పేర్కొంటున్నాయి. బీసీసీఐ కూడా హార్దిక్ నిర్ణ‌యాన్ని అంగీక‌రించిన‌ట్లు తెలుస్తోంది. అయితే శ్రీలంకతో వన్డేలకు భార‌త రెగ్యూలర్‌ కెప్టెన్‌ రోహిత్ శ‌ర్మ కూడా దూరం కానున్నాడు.ఈ క్ర‌మంలో లంక‌తో వ‌న్డే సిరీస్‌ల‌లో భార‌త జ‌ట్టు ప‌గ్గాల‌ను హార్దిక్ పాండ్య‌కు అప్ప‌గించాల‌ని సెల‌క్ట‌ర్లు భావించారు. కానీ అంత‌లోనే హార్దిక్ కూడా వన్డేలకు దూరంగా ఉండాల‌ని నిర్ణ‌యించుకోవ‌డంతో కెప్టెన్సీ పగ్గాలు ఎవరికి అప్పగించాలని సెలక్టర్లు సతమతవుతున్నట్లు వినికిడి. ఈ పర్యటనకు భారత జట్టును బీసీసీఐ మంగళవారం ప్రకటించే అవకాశముంది. లంకేయులతో వన్డే సిరీస్‌లో భారత జట్టు సారథిగా స్టార్ బ్యాటర్ కేఎల్ రాహుల్‌ను నియమించాలని బీసీసీఐ సెలక్టర్లు భావిస్తున్నట్లు వార్తలు వినిపిస్తున్నాయి. ఇక ఈ సిరీస్‌లో భాగంగా భారత్ మూడు వన్డేలు, మూడు టీ20ల్లో శ్రీలంకతో తలపడనుంది. పల్లెకెలె వేదిక‌గా జూలై 27న జ‌ర‌గ‌నున్న తొలి టీ20తో టీమిండియా ప‌ర్య‌ట‌న ప్రారంభం కానుంది.

బాలీవుడ్ భామ అతియా శెట్టి గురించి ప్రత్యేకంగా చెప్పాల్సిన పనిలేదు. బాలీవుడ్ నటుడు సునీల్ శెట్టి కూతురిగా బాలీవుడ్‌లో ఎంట్రీ ఇచ్చింది. 2015లో హీరో మూవీతో అరంగేట్రం చేసింది ముద్దుగుమ్మ. ఆ తర్వాత ముబాకరన్, నవాబ్‌జాదే, మోతీచూర్ చక్నాచూర్‌ చిత్రాల్లో మెరిసింది. అయితే కొన్నేళ్లపాటు టీమిండియా క్రికెటర్‌ కేఎల్‌ రాహుల్‌తో డేటింగ్‌ కొనసాగించిన భామ.. గతేడాది వివాహాబంధంలోకి ‍అడుగుపెట్టింది.తాజాగా ఈ జంట కర్ణాటకలోని ఓ ఆలయాన్ని సందర్శించారు. మంగళూరులోని కుట్టారు కొరగజ్జ ఆలయంలో ప్రత్యేక ప్రార్థనలు చేశారు. దీనికి సంబంధించిన వీడియో సోషల్ మీడియాలో వైరల్‌గా మారింది. వీరితో పాటు అతియా సోదరుడు అహన్ శెట్టి కూడా ఉన్నారు. అంతేకాకుండా ఇటీవల బాలీవుడ్ నటి కత్రినాకైఫ్‌ సైతం ఆలయంలో ప్రత్యేక పూజలు చేశారు. కాగా.. అతియా శెట్టి తండ్రి సునీల్ శెట్టికి కర్ణాటకలోని తులునాడు మూలాలు ఉన్నట్లు తెలుస్తోంది. కాగా.. అంతకుముందే మంగళూరులోని శ్రీ దుర్గా పరమేశ్వరి అమ్మవారి ఆలయాన్ని కూడా దర్శించుకున్నారు. కాగా.. ఇటీవల ముంబైలో జరిగిన అనంత్ అంబానీ-రాధిక మర్చంట్ వివాహానికి కత్రినా, అథియా, అహన్ శెట్టి, కేఎల్ రాహుల్ హాజరయ్యారు. View this post on Instagram A post shared by Mangalore Meri Jaan (@mangaloremerijaanofficial)VIDEO | Indian cricketer KL Rahul (@klrahul) offers prayers at Bappanadu Sri Durga Parameshwari Temple in Karnataka's Mangaluru. (Source: Third Party) pic.twitter.com/zKer47NiQ2— Press Trust of India (@PTI_News) July 14, 2024

టీమిండియా కోచ్‌గా గౌతం గంభీర్‌ ప్రయాణం జూలైలో ఆరంభం కానుంది. ఈనెల చివర్లో భారత జట్టు శ్రీలంకలో పర్యటించనున్న విషయం తెలిసిందే. ఇందుకు సంబంధించిన షెడ్యూల్‌ను భారత క్రికెట్‌ నియంత్రణ మండలి ఇప్పటికే విడుదల చేసింది.రెండు వేదికల్లో 13 రోజులపాటు జరిగే ఈ సిరీస్‌లో శ్రీలంకతో భారత జట్టు మూడు టీ20 మ్యాచ్‌లు, మూడు వన్డేలు ఆడుతుంది. పల్లెకెలో మైదానంలో జూలై 26, 27, 29వ తేదీల్లో వరుసగామూడు టీ20 మ్యాచ్‌లు జరుగుతాయి.అనంతరం ఆగస్టు 1, 4, 7 తేదీల్లో కొలంబోలోని ఆర్‌.ప్రేమదాస స్టేడియంలో మూడు వన్డేలు జరుగుతాయి. ఈ సిరీస్‌లో పాల్గొనే భారత జట్టును ఇంకా ప్రకటించలేదు.ఈ నేపథ్యంలో జట్టు ఎంపిక గురించి హెడ్‌ కోచ్‌ గౌతం గంభీర్‌ చీఫ్‌ సెలక్టర్‌ అజిత్‌​ అగార్కర్‌తో వచ్చే వారం భేటీ కానున్నట్లు సమాచారం. కాగా టీ20 ప్రపంచకప్‌-2024 గెలిచిన తర్వాత అంతర్జాతీయ పొట్టి ఫార్మాట్‌కు వీడ్కోలు పలికిన సీనియర్లు కెప్టెన్‌ రోహిత్‌ శర్మ, విరాట్‌ కోహ్లి, రవీంద్ర జడేజా ఈ పర్యటనకు దూరంగా ఉండనున్నట్లు తెలుస్తోంది.మరోవైపు.. ప్రధాన పేసర్‌ జస్‌ప్రీత్‌ బుమ్రా, టీ20 జట్టు వైస్‌ కెప్టెన్‌ హార్దిక్‌ పాండ్యా, వికెట్‌ కీపర్‌ బ్యాటర్‌ రిషభ్‌ పంత్‌లకు కూడా మేనేజ్‌మెంట్‌ విశ్రాంతినివ్వనున్నట్లు తెలుస్తోంది.ఈ నేపథ్యంలో లంకలో పర్యటించే జట్ల ఎంపిక కూర్పుపై.. ముఖ్యంగా కెప్టెన్ల విషయంలో గౌతీ అజిత్‌తో చర్చలు జరుపనున్నట్లు సమాచారం. కాగా కేఎల్‌ రాహుల్‌తో పాటు శ్రేయస్‌ అయ్యర్‌ వన్డేల్లో పునరాగమనం చేయడం ఖాయంగా కనిపిస్తోంది.రోహిత్‌ శర్మ గైర్హాజరీలో కేఎల్‌ రాహుల్‌ లంకతో వన్డే సిరీస్‌కు కెప్టెన్‌గా వ్యవహరించనున్నట్లు వార్తలు వినిపిస్తున్నాయి. అదే విధంగా.. శ్రేయస్‌ అయ్యర్‌ రీఎంట్రీ గురించి కూడా ఈ భేటీలో గంభీర్‌ అజిత్‌తో మాట్లాడనున్నట్లు తెలుస్తోంది.ఇక ఒకవేళ హార్దిక్‌ విశ్రాంతి కోరుకోనట్లయితే అతడికి టీ20 పగ్గాలు అప్పగించాలనే యోచనలో ఉన్నట్లు సమాచారం. అతడికి డిప్యూటీగా సూర్యకుమార్‌ యాదవ్‌ను ఎంపిక చేస్తారని బీసీసీఐ వర్గాలు జాతీయ మీడియాతో పేర్కొన్నాయి.అదే విధంగా సీనియర్ల గైర్హాజరీలో శుబ్‌మన్‌ గిల్‌, రింకూ సింగ్‌, వాషింగ్టన్‌ సుందర్‌,ఆవేశ్ ఖాన్‌, అభిషేక్‌ శర్మ తదితర యువ ఆటగాళ్లు లంకతో టీ20 సిరీస్‌ ఆడబొయే జట్టులో చోటు దక్కించుకోనున్నట్లు సమాచారం. ప్రస్తుతం వీళ్లంతా జింబాబ్వే పర్యటనలో ఉన్నారు.ఇక ఈసారి టీమిండియా- శ్రీలంక సిరీస్‌కు మరో ప్రత్యేకత ఏర్పడింది. రెండు జట్లూ ఈసారి కొత్త హెడ్‌ కోచ్‌ల పర్యవేక్షణలో ద్వైపాక్షిక సిరీస్‌లో పోటీపడనున్నాయి. టీమిండియాకు గౌతం గంభీర్‌... శ్రీలంకకు సనత్‌ జయసూర్య హెడ్‌ కోచ్‌లుగా వ్యవహరించనున్నారు.గందరగోళంగా శ్రీలంక జట్టు పరిస్థితిగత నెలలో వెస్టిండీస్‌–అమెరికాలలో జరిగిన టీ20 ప్రపంచకప్‌లో హసరంగ నేతృత్వంలో ఆడిన శ్రీలంక లీగ్‌ దశలోనే ఇంటిదారి పట్టిన విషయం తెలిసిందే. జట్టు పేలవ ప్రదర్శన కారణంగా హెడ్‌ కోచ్‌ క్రిస్‌ సిల్వర్‌వుడ్‌ తన పదవికి రాజీనామా చేయగా, కోచ్‌ బాటనే కెప్టెన్‌ కూడా అనుసరించాడు. శ్రీలంక టీ20 క్రికెట్‌ జట్టు కెప్టెన్సీ బాధ్యతల నుంచి వైదొలుగుతున్నట్లు లెగ్‌ స్పిన్నర్‌ వనిందు హసరంగ వైదొలిగాడు. శ్రీలంక క్రికెట్‌ మేలు కోరే తాను ఈ నిర్ణయం తీసుకున్నట్లు, జట్టులో సభ్యుడిగా కొనసాగుతానని హసరంగ వివరించాడు. హసరంగ రాజీనామా నేపథ్యంలో టీమిండియాతో సిరీస్‌ను శ్రీలంక కొత్త కెప్టెన్‌ ఆధ్వర్యంలో ఆడనుంది.

ఈ నెలాఖరులో శ్రీలంకతో జరుగబోయే వన్డే సిరీస్‌కు టీమిండియా కెప్టెన్‌గా కేఎల్‌ రాహుల్‌ ఎంపిక కానున్నాడని తెలుస్తుంది. ఈ సిరీస్‌ కోసం సెలెక్టర్లు రెగ్యులర్‌ కెప్టెన్‌ రోహిత్‌ శర్మకు విశ్రాంతి కల్పించనున్నారని సమాచారం. రోహిత్‌తో పాటు టీ20 వరల్డ్‌కప్‌ ఆడిన పలువురు సీనియర్లు ఈ సిరీస్‌కు దూరంగా ఉండవచ్చు. రోహిత్‌ గైర్హాజరీలో కేఎల్‌ రాహుల్‌కు వన్డే కెప్టెన్సీ బాధ్యతలు అప్పజెప్పే అవకాశం ఉంది. శ్రీలంకతో వన్డే సిరీస్‌కు ముందు భారత్‌ అదే జట్టుతో టీ20 సిరీస్‌ కూడా ఆడనుంది. టీ20లకు సెలెక్టర్లు వేరే కెప్టెన్‌ను ఎంపిక చేసే అవకాశం ఉంది. ఈ సిరీస్‌ సమయానికి హార్దిక్‌ పాండ్యా అందుబాటులోకి వస్తే అతనే టీమిండియా పగ్గాలు చేపట్టవచ్చు. వన్డే, టీ20 సిరీస్‌ల కోసం భారత్‌ క్రికెట్‌ జట్టు ఈ నెల 27 నుంచి శ్రీలంకలో పర్యటించనుంది. ఈ పర్యటనలో తొలుత మూడు మ్యాచ్‌ల టీ20 సిరీస్‌... ఆతర్వాత మూడు మ్యాచ్‌ల వన్డే సిరీస్‌ జరుగనున్నాయి. ఈ రెండు సిరీస్‌లకు ఇద్దరు వేర్వేరు కెప్టెన్లతో పాటు జట్లు కూడా వేరు వేరుగా ఉండే అవకాశం ఉంది. టీ20 వరల్డ్‌కప్‌కు ఎంపిక కాని కేఎల్‌ రాహుల్‌, శ్రేయస్‌ అయ్యర్‌ వన్డే జట్టుకు మాత్రమే పరిమితం కావచ్చు. ఈ రెండు సిరీస్‌లకు సీనియర్లు రోహిత్‌, కోహ్లి, బుమ్రా దూరంగా ఉండే అవకాశం ఉంది. శ్రీలంక పర్యటన నుంచే టీమిండియా హెడ్‌ కోచ్‌గా గౌతమ్‌ గంభీర్‌ ప్రస్తానం మొదలవుతుంది. గంభీర్‌ తనదైన మార్కును చూపించడం కోసం లంక సిరీస్‌లో పలు ప్రయోగాలు చేసే అవకాశం ఉంది. శ్రీలంకతో టీ20 సిరీస్‌కు అభిషేక్‌ శర్మ, మయాంక్‌ యాదవ్‌, హర్షిత్‌ రాణా లాంటి అప్‌ కమింగ్‌ టాలెంట్‌లకు ఎంపిక చేయవచ్చు. లంక పర్యటనలో టీ20లు జులై 27, 28, 30 తేదీల్లో.. వన్డేలు ఆగస్ట్‌ 2, 4, 7 తేదీల్లో జరుగనున్నాయి.

టీ20 ప్రపంచకప్‌-2024 ట్రోఫీ గెలిచిన జోష్‌లో ఉన్న భారత క్రికెటర్లు ప్రస్తుతం వ్యక్తిగత జీవితానికి సమయం కేటాయించారు. కుటుంబాలతో సరదాగా సమయం గడుపుతున్నారు.ఈ క్రమంలో టీమిండియా కెప్టెన్‌ రోహిత్‌ శర్మ, స్టార్‌ ఆల్‌రౌండర్‌ హార్దిక్‌ పాండ్యా, మాజీ సారథి మహేంద్ర సింగ్‌ ధోని సహా పలువురు క్రికెటర్లు అపర కుబేరుడు ముఖేశ్‌ అంబానీ ఇంట నెలకొన్న పెళ్లి సందడిలో భాగమయ్యారు.VIDEO | Anant Ambani-Radhika Merchant's sangeet ceremony: Former India cricketer Zaheer Khan and his wife Sagarika Ghatge arrive at Nita Mukesh Ambani Cultural Centre in BKC, Mumbai for the sangeet ceremony. (Full video available on PTI Videos - https://t.co/n147TvqRQz) pic.twitter.com/W8h0FDcBDB— Press Trust of India (@PTI_News) July 5, 2024 భార్యలతో ఆ క్రికెటర్లునీతా- ముఖేశ్‌ అంబానీల చిన్న కుమారుడు అనంత్‌ అంబానీ- రాధిక మర్చంట్‌ సంగీత్‌లో తళుక్కుమన్నారు. రోహిత్‌, ధోని, హార్దిక్‌, కేఎల్‌ రాహుల్‌, సూర్యకుమార్‌ యాదవ్‌, తిలక్‌ వర్మ, శ్రేయస్‌ అయ్యర్‌, కృనాల్‌ పాండ్యా, జహీర్‌ ఖాన్‌, ఇషాన్‌ కిషన్‌ తదితరులు ఈ వేడుకకు హాజరయ్యారు.ధోని, సూర్య, జహీర్‌, కేఎల్‌ రాహుల్‌, కృనాల్‌ పాండ్యా తమ భార్యలతో కలిసి ఈ ఈవెంట్‌లో సందడి చేయగా.. హార్దిక్‌ పాండ్యా మాత్రం ఒంటరిగా వచ్చాడు. ఇందుకు సంబంధించిన వీడియోలు నెట్టింట వైరల్‌ అవుతున్నాయి.#WATCH | Cricketers Hardik Pandya, Krunal Pandya and Ishan Kishan arrive at Jio World Centre in Mumbai to attend Anant Ambani and Radhika Merchant's 'Sangeet ceremony' pic.twitter.com/bLy33tmZB8— ANI (@ANI) July 5, 2024 కాగా హార్దిక్‌- నటాషా మధ్య విభేదాలు తలెత్తి విడాకులకు దారితీశాంటూ గత కొన్ని రోజులుగా ప్రచారం జరుగుతున్న విషయం తెలిసిందే. ఈ క్రమంలో హార్దిక్‌ ఇలా ఒంటరిగా అంబానీ ఇంట సంగీత్‌కు హాజరుకావడం వీటికి మరింత బలాన్నిచ్చింది.అదే సమయంలో అతడి సతీమణి నటాషా స్టాంకోవిక్‌ తమ కుమారుడు అగస్త్యతో కలిసి ఎంజాయ్‌ చేస్తున్న దృశ్యాలను సోషల్‌ మీడియాలో షేర్‌ చేసింది. జీవితం ఎంతో సంతోషంగా సాగిపోతుందని.. ఇందుకు ఎ‍ల్లప్పుడూ తాను అన్నింటికి కృతజ్ఞురాలిగా ఉంటానంటూ వేదాంత ధోరణిలో క్యాప్షన్‌ జతచేసింది.విడాకులు నిజమేనన్న వార్తలు ఈ నేపథ్యంలో హార్దిక్‌- నటాషా విడాకులు నిజమేనన్న వార్తలు మరోసారి నెట్టింట చక్కర్లు కొడుతున్నాయి. కాగా ఐపీఎల్‌-2024లో ముంబై ఇండియన్స్‌ కెప్టెన్‌గా వ్యవహరించిన హార్దిక్‌ పాండ్యాకు చేదు అనుభవం ఎదురైంది.అంబానీల యాజమాన్యంలోని ఈ జట్టు వరుస పరాజయాలతో పాయింట్ల పట్టికలో అట్టడుగున నిలిచింది. దీంతో హార్దిక్‌పై తీవ్ర స్థాయిలో విమర్శలు వెల్లువెత్తాయి. అయితే, టీ20 ప్రపంచకప్‌-2024లో మాత్రం అద్భుతంగా రాణించిన హార్దిక్‌.. టీమిండియా ట్రోఫీ గెలవడంలో కీలక పాత్ర పోషించి ప్రశంసలు అందుకున్నాడు.ఈ నేపథ్యంలో.. విమర్శలు- ప్రశంసల సమయంలో హార్దిక్‌ పాండ్యాను ఉద్దేశించి నటాషా ఒక్క పోస్ట్‌ కూడా పెట్టకపోవడం గమనార్హం. ఇప్పుడిలా హార్దిక్‌ అంబానీ ఇంట వేడుకలకు ఒక్కడే హాజరుకావడంతో విభేదాలు నిజమేనన్న అభిప్రాయాలు వ్యక్తమవుతున్నాయి.VIDEO | Anant Ambani-Radhika Merchant's sangeet ceremony: Indian cricketer KL Rahul arrives at Nita Mukesh Ambani Cultural Centre in BKC, Mumbai for the sangeet ceremony. (Full video available on PTI Videos - https://t.co/n147TvqRQz) pic.twitter.com/es5B8zIfNJ— Press Trust of India (@PTI_News) July 5, 2024

బాలీవుడ్ నటుడు సునీల్ శెట్టి ముద్దుల కూతురు అతియా శెట్టి గురించి ప్రత్యేకంగా చెప్పాల్సిన పనిలేదు. చేసింది కొద్ది సినిమాలే అయినప్పటికీ మంచి గుర్తింపు తెచ్చుకుంది. గతేడాది జనవరి 23న టీమిండియా క్రికెటర్‌ కేఎల్ రాహుల్‌ను పెళ్లాడింది ముద్దుగుమ్మ. వీరిద్దరికీ పెళ్లి జరిగి ఇప్పటికే ఏడాదిన్నర కావొస్తోంది. అయితే ఈ జంట మొదటి వివాహా వార్షికోత్సవానికి సంబంధించి ఎలాంటి ఫోటోలు, వీడియోలు బయటికి రాలేదు.అయితే దాదాపు ఐదు నెలల తర్వాత అతియా, రాహుల్ మొదటి వివాహా వార్షికోత్సవ ఫోటోలు నెట్టింట లీక్ ‍అయ్యాయి. వేడుక జరిగిన హోటల్ నిర్వాహకులు వీరిద్దరి ఫోటోలను ఇన్‌స్టాలో షేర్ చేశారు. ఈ అద్భతమైన క్షణాలను ఇకపై సీక్రెట్‌గా ఉంచడం సాధ్యం కావడం లేదంటూ క్యాప్షన్ కూడా ఇచ్చారు. అతియా, కేఎల్ రాహుల్ క్యాండిల్‌లైట్ డిన్నర్‌, చెఫ్ టీమ్‌తో ఫోటోలకు పోజులిచ్చారు. ఇది చూసిన అభిమానులు ఈ జంటకు అభినందనలు చెబుతున్నారు.ఇక సినిమాల విషయానికొస్తే అతియా శెట్టి చివరిసారిగా 2019లో వచ్చిన చిత్రం 'మోతీచూర్ చక్నాచూర్'లో కనిపించింది. ఈ చిత్రంలో నవాజుద్దీన్ సిద్ధిఖీ సరసన నటించింది. ఆమె మొదట 2015లో 'హీరో' మూవీ ద్వారా సూరజ్ పంచోలి సరసన బాలీవుడ్‌లో అడుగుపెట్టింది. అర్జున్ కపూర్ నటించిన 'ముబారకన్' సినిమాలో అతియా కీలక పాత్ర పోషించింది. View this post on Instagram A post shared by The Private Chefs Club (@theprivatechefsclub)

టీ20 వరల్డ్‌కప్‌-2024లో టీమిండియా పేస్‌ గుర్రం జస్ప్రీత్‌ బుమ్రా అద్బుతమైన ప్రదర్శన కనబరుస్తున్నాడు. ఇప్పటివరకు ఆడిన మూడు మ్యాచ్‌ల్లోనూ బుమ్రా తన మార్క్‌ చూపించాడు. ఐర్లాండ్‌, పాకిస్తాన్‌తో మ్యాచ్‌లో ప్లేయర్‌ ఆఫ్‌ది మ్యాచ్‌గా నిలిచిన బుమ్రా.. అమెరికాతో మ్యాచ్‌లో వికెట్లు తీయకపోయినప్పటకి పొదుపుగా బౌలింగ్‌ చేశాడు.ఈ మెగా టోర్నీలో బుమ్రా మూడు మ్యాచ్‌ల్లో కేవలం 45 పరుగులు మాత్రమే ఇచ్చి 5 వికెట్లు పడగొట్టాడు. ఈ క్రమంలో బుమ్రా తన సహచర ఆటగాడు, టీమిండియా స్టార్‌ క్రికెటర్‌ కేఎల్‌ రాహుల్‌ ప్రశంసల వర్షం కురిపించాడు. బుమ్రా భారత జాతీయ సంపద అంటూ రాహుల్‌ కొనియాడాడు. "జస్ప్రీత్ బుమ్రా ఒక ఛాంపియన్ క్రికెటర్. అతడొక వరల్డ్‌క్లాస్‌ క్రికెటర్‌. బుమ్రా భారత జాతీయ సంపద. ప్రస్తుత వరల్డ్‌ క్రికెట్‌లో అతడికి ఎవరూ సరిపోరు. బుమ్రా లాంటి బౌలర్‌ జట్టుకు ఒకడుంటే చాలని టైమ్స్‌ నౌకు ఇచ్చిన ఇంటర్వ్యూలో రాహుల్‌ పేర్కొన్నాడు.కాగా రాహుల్‌ టీ20 వరల్డ్‌కప్‌ భారత జట్టులో చోటు దక్కపోయిన సంగతి తెలిసిందే. ఇక ఈ పొట్టిప్రపంచకప్‌లో వరుసగా మూడు విజయాలు నమోదు చేసిన టీమిండియా సూపర్‌-8 బెర్త్‌ను ఖారారు చేసుకుంది.

టీమిండియా హెడ్‌ కోచ్‌ రేసులో వినిపిస్తున్న పేర్లలో జస్టిన్‌ లాంగర్‌ పేరు ఒకటి. గతంలో ఆస్ట్రేలియా ప్రధాన కోచ్‌గా పనిచేసిన లాంగర్‌.. ఆటగాళ్లతో విభేదాల నేపథ్యంలో ఆ బాధ్యతల నుంచి వైదొలిగాడు.ఈ క్రమంలో కొన్నాళ్ల పాటు విరామం తీసుకున్న జస్టిన్‌ లాంగర్‌ 2024లో ఐపీఎల్‌ ఫ్రాంఛైజీ లక్నో సూపర్‌ జెయింట్స్‌తో జట్టుకట్టాడు. పదిహేడో సీజన్‌లో లక్నోకు కోచ్‌గా నియమితుడయ్యాడు ఈ ఆస్ట్రేలియా మాజీ ఓపెనర్.లాంగర్‌ మార్గదర్శనంలో కేఎల్‌ రాహుల్‌ కెప్టెన్సీలో లక్నో అద్భుతాలు సాధిస్తుందనుకుంటే కనీసం ప్లే ఆఫ్స్‌ కూడా చేరకుండానే నిష్క్రమించింది. పాయింట్ల పట్టికలో ఏడో స్థానంలో నిలిచి సీజన్‌ను ముగించింది.ద్రవిడ్‌ వారసుడు ఎవరు?ఇదిలా ఉంటే.. బీసీసీఐ రాహుల్‌ ద్రవిడ్‌ స్థానంలో కొత్త కోచ్‌ వేట మొదలుపెట్టిన నేపథ్యంలో జస్టిన్‌ లాంగర్‌, రిక్కీ పాంటింగ్‌, స్టీఫెన్‌ ఫ్లెమింగ్‌ తదితర విదేశీ కోచ్‌ల పేర్లు తెరమీదకు వచ్చాయి.ఈ విషయంపై స్పందించిన జస్టిన్‌ లాంగర్‌ బీబీసీతో మాట్లాడుతూ సంచలన వ్యాఖ్యలు చేశాడు. టీమిండియా కోచ్‌గా బాధ్యతలు చేపడితే ఎలాంటి పరిణామాలు ఎదుర్కోవాల్సి ఉంటుందో కేఎల్‌ రాహుల్‌ తనకు వివరించాడంటూ బాంబు పేల్చాడు.అంతకు మించి.. వెయ్యి రెట్లు అధికంగా‘‘కోచ్‌ పాత్ర ఎలాంటిదో నాలుగేళ్ల పాటు ఆస్ట్రేలియా జట్టుతో గడిపినపుడే నాకు అర్థమైంది. అప్పుడు నేనైతే పూర్తిగా అలసిపోయాను. ఇక భారత జట్టు హెడ్‌ కోచ్‌ బాధ్యత ఎలా ఉంటుందన్న విషయం గురించి నేను కేఎల్‌ రాహుల్‌తో మాట్లాడినపుడు ఆసక్తికర సమాధానం విన్నాను.‘ఐపీఎల్‌ జట్టు విషయంలో ఒత్తిడి, రాజకీయాలు ఎలా ఉంటాయో మీకు తెలుసు. అందుకు వెయ్యి రెట్ల ఒత్తిడి, పాలిటిక్స్‌ టీమిండియా కోచ్‌గా ఎదుర్కోవాల్సి ఉంటుంది’ అని చెప్పాడు.అంతకంటే గొప్ప సలహా మరొకటి ఉంటుందని నేను అనుకోను’’ అని జస్టిన్‌ లాంగర్ పేర్కొన్నాడు. భారత జట్టు ప్రధాన కోచ్‌ పదవి విషయంలో తనకు ఇప్పుడు పూర్తి స్పష్టత వచ్చిందని తెలిపాడు. ఒక విధంగా కేఎల్‌ రాహుల్‌ తన కళ్లు తెరిపించాడని పేర్కొన్నాడు.రిక్కీ పాంటింగ్‌ సైతంఇదిలా ఉంటే.. ఆస్ట్రేలియా దిగ్గజ కెప్టెన్‌ రిక్కీ పాంటింగ్‌ సైతం టీమిండియా హెడ్‌కోచ్‌ పదవి చేపట్టేందుకు సిద్ధంగా లేనని పేర్కొన్న విషయం తెలిసిందే. తన కుటుంబానికి ఎక్కువ సమయం కేటాయించాలనుకుంటున్నానని.. అందుకే బీసీసీఐ ఆఫర్‌ ఇచ్చినా తాను తిరస్కరించానని తెలిపాడు.చదవండి: IPL 2024: టైమ్‌కి చెక్‌ వస్తుంది.. రూ. 11 కోట్లు.. ఇంకెందుకు ఆడటం?

ఐపీఎల్‌-2024 లీగ్‌ దశలో లక్నో సూపర్‌ జెయింట్స్‌ తమ ఆఖరి మ్యాచ్‌ ఆడేసింది. ముంబై ఇండియన్స్‌తో శుక్రవారం నాటి మ్యాచ్‌లో గెలిచి ప్లే ఆఫ్స్‌ ఆశలను ఇంకా సజీవంగానే ఉంచుకుంది.అయితే, చెన్నై సూపర్‌ కింగ్స్‌- రాయల్‌ చాలెంజర్స్‌ బెంగళూరు మధ్య శనివారం నాటి మ్యాచ్‌ ఫలితంపైనే లక్నో భవితవ్యం ఆధారపడి ఉంది. అయితే, ఈ మ్యాచ్‌లో ఏవైనా అద్భుతాలు జరిగితే తప్ప ఇప్పటికైతే లక్నో దాదాపుగా నిష్క్రమించినట్లే!ఇదిలా ఉంటే.. లీగ్‌ దశను విజయంతో ముగించడం పట్ల లక్నో కెప్టెన్‌ కేఎల్‌ రాహుల్‌ హర్షం వ్యక్తం చేశాడు. సీజన్‌ ఆసాంతం ఇలాగే ఆడి ఉంటే బాగుండేదని పేర్కొన్నాడు. ఏదేమైనా ఈ ఎడిషన్‌లో ఓవరాల్‌గా తమ ప్రదర్శన మాత్రం నిరాశకు గురిచేసిందని విచారం వ్యక్తం చేశాడు.ఫ్రాంఛైజీ మయాంక్‌ యాదవ్‌, యుధ్‌వీర్‌ వంటి భారత యువ ఆటగాళ్ల మీద భారీ మొత్తం పెట్టుబడి పెట్టిందని.. అయితే, గాయాల కారణంగా వారు తమ పని పూర్తి చేయలేకపోయారని కేఎల్‌ రాహుల్‌ పేర్కొన్నాడు. నేను మా మామగారి జట్టులో ఉన్నాఅదే విధంగా.. తన బ్యాటింగ్‌ పొజిషన్‌పై దృష్టి సారించానని.. మిడిలార్డర్‌లో ఆడితే ఎలా ఉంటుందన్న అంశంపై చర్చించినట్లు తెలిపాడు. కాగా ఈ ఎడిషన్‌లో లక్నో 14 మ్యాచ్‌లలో ఏడు గెలిచింది. ఇక ఐపీఎల్‌-2024 తర్వాత తదుపరి ప్రణాళికలు ఏమిటన్న ప్రశ్నకు కేఎల్‌ రాహుల్‌ బదులిస్తూ.. ‘‘ప్రస్తుతం నేను మా మామగారి జట్టులో ఉన్నాను. ఇద్దరం కలిసి ప్రపంచకప్‌ టోర్నీలో ఆడే శర్మా జీ వాళ్ల అబ్బాయిని చీర్‌ చేస్తాం’’ అంటూ సరదాగా వ్యాఖ్యానించాడు. టీ20 ప్రపంచకప్‌-2024లో ఆడనున్న టీమిండియా కెప్టెన్‌ రోహిత్‌ శర్మను ఉద్దేశించి ఈ వ్యాఖ్యలు చేశాడు.తన మామగారు, బాలీవుడ్‌ నటుడు సునిల్‌ శెట్టితో కలిసి మ్యాచ్‌లు చూస్తూ ఎంజాయ్‌ చేస్తానని తెలిపాడు. కాగా జూన్‌ 1 నుంచి ఆరంభం కానున్న టీ20 వరల్డ్‌కప్‌-2024 టోర్నీ నేపథ్యంలో కేఎల్‌ రాహుల్‌కు భారత జట్టులో చోటు దక్కలేదు. వికెట్‌ కీపర్‌ కోటాలో రాహుల్‌ను కాదని రిషభ్‌ పంత్, సంజూ శాంసన్‌లకు చోటిచ్చింది బీసీసీఐ సెలక్షన్‌ కమిటీ!చదవండి: BCCI: హార్దిక్‌ పాండ్యాకు ఊహించని షాక్‌.. ఐపీఎల్‌ 2025లో ఇక.. #LSG wrapped up their season on a winning note and happy faces in Mumbai😃👌🎥 Here's a roundup of the #MIvLSG clash at the Wankhede 🏟️ #TATAIPL pic.twitter.com/FbdT2QQQAk— IndianPremierLeague (@IPL) May 18, 2024

రెండేళ్ల క్రితం ఐపీఎల్‌లో అడుగుపెట్టిన లక్నో సూపర్‌ జెయింట్స్‌ వరుసగా రెండుసార్లు ప్లే ఆఫ్స్‌ చేరింది. కేఎల్‌ రాహుల్‌ కెప్టెన్సీలో టాప్‌-4కు అర్హత సాధించి సత్తా చాటింది. కానీ ఐపీఎల్‌-2024లో మాత్రం ఈ ఫీట్‌ పునరావృతం చేసే అవకాశాలు కనిపించడం లేదు.ఢిల్లీ క్యాపిటల్స్‌తో మంగళవారం నాటి మ్యాచ్‌లో లక్నో 19 పరుగుల తేడాతో ఓడిపోయింది. తద్వారా ప్లే ఆఫ్స్‌ రేసు అవకాశాలను సంక్లిష్టం చేసుకున్న లక్నో.. మిగిలిన మ్యాచ్‌లో గెలిచినా.. ఇతర జట్ల ఫలితాలపై ఆధారపడాల్సిన దుస్థితి.ఈ నేపథ్యంలో ఢిల్లీతో మ్యాచ్‌ సందర్భంగా లక్నో యజమాని సంజీవ్‌ గోయెంక ఇచ్చిన రియాక్షన్స్‌ వైరల్‌గా మారాయి. కాగా గత మ్యాచ్‌లో సన్‌రైజర్స్‌ హైదరాబాద్‌తో లక్నో చిత్తుగా ఓడిపోయిన విషయం తెలిసిందే.ఈ మ్యాచ్‌లో కెప్టెన్‌గా, వికెట్‌ కీపర్‌ బ్యాటర్‌గా కేఎల్‌ రాహుల్‌ విఫలమయ్యాడు. ఈ నేపథ్యంలో సంజీవ్‌ గోయెంక మైదానంలోనే అతడిపై ఆగ్రహం వ్యక్తం చేశాడు. రాహుల్‌ వివరణ ఇస్తున్నా పట్టించుకోకుండా కోపంతో ఊగిపోయాడు.ఇందుకు సంబంధించిన దృశ్యాలు నెట్టింట విరివిగా చక్కర్లు కొట్టగా సంజీవ్‌ గోయెంక తీరుపై విమర్శలు వెల్లువెత్తాయి. టీమిండియా స్టార్‌ పట్ల ఇలా వ్యవహరించడం సరికాదంటూ మాజీ క్రికెటర్లు హితవు పలికారు.ఈ క్రమంలో పొరపాటు గ్రహించిన సంజీవ్‌ గోయెంక ఢిల్లీతో మ్యాచ్‌కు ముందు రాహుల్‌ను తన ఇంటికి డిన్నర్‌కు పిలిచాడు. ఈ నేపథ్యంలో అతడిని ప్రేమగా హత్తుకున్న ఫొటోను బయటకు వదిలారు. తమ మధ్య అంతా బాగానే ఉందనే సంకేతాలు ఇచ్చారు. Goenka smiling after KL Rahul's wicket pic.twitter.com/R0K4BVteSN— Div🦁 (@div_yumm) May 14, 2024 ఈ క్రమంలో ఢిల్లీ క్యాపిటల్స్‌తో మ్యాచ్‌ సందర్భంగా కెమెరాలన్నీ సంజీవ్‌ గోయెంక వైపే దృష్టి సారించాయి. కేఎల్‌ రాహుల్‌ ఐదు పరుగులకే అవుటైనా గోయెంక చిన్నగా నవ్వులు చిందించాడే తప్ప కోపం తెచ్చుకోలేదు. Sanjeev Goenka appreciating KL Rahul's catch. pic.twitter.com/pAeTqjcnTB— Mufaddal Vohra (@mufaddal_vohra) May 14, 2024 అదే విధంగా.. షాయీ హోప్‌ ఇచ్చిన క్యాచ్‌ను రాహుల్‌ పట్టగానే లేచి నిలబడి మరీ చప్పట్లు కొడుతూ అతడిని అభినందించాడు. ఇక మ్యాచ్‌ ఓడిపోయిన తర్వాత మైదానంలో కేఎల్‌ రాహుల్‌తో నవ్వుతూ మాట్లాడాడు. ఇందుకు సంబంధించిన ఫొటోలు బయటకురాగా నెటిజన్లు తమదైన శైలిలో కామెంట్లు చేస్తున్నారు. ‘‘ఇంతలో ఎంత మార్పు సార్‌.. మీరు సూపర్’’ అంటూ సెటైర్లు వేస్తున్నారు.‌చదవండి: సీజన్‌ మొత్తం మాకు అదే సమస్య.. అందుకే ఈ దుస్థితి: కేఎల్‌ రాహుల్‌ Ishant Sharma x Mukesh Kumar ⚡️⚡️The duo combine to dismiss the #LSG openers 👏👏Watch the match LIVE on @StarSportsIndia and @JioCinema 💻📱#TATAIPL | #DCvLSG pic.twitter.com/nuFD7AlK28— IndianPremierLeague (@IPL) May 14, 2024A clinical win at home to finish off their home season 🙌 @DelhiCapitals with a lap of honour for their roaring home fans to extend their gratitude for their love and support 🥳#TATAIPL | #DCvLSG pic.twitter.com/DroMjvb9bU— IndianPremierLeague (@IPL) May 15, 2024KL Rahul with Sanjiv Goenka at the special Dinner in Sanjiv Goenka's home last night in Delhi. [LSG] - All is well at LSG Camp. 🌟 pic.twitter.com/W5BtE0Qmff— Johns. (@CricCrazyJohns) May 14, 2024

ఐపీఎల్‌-2024 ప్లే ఆఫ్స్‌ రేసులో నిలవాలంటే తప్పక గెలవాల్సిన మ్యాచ్‌లో లక్నో సూపర్‌ జెయింట్స్‌ ఓటమి పాలైంది. ఢిల్లీ క్యాపిటల్స్‌ చేతిలో 19 పరుగుల తేడాతో ఓడిపోయింది. ఢిల్లీ వేదికగా మంగళవారం జరిగిన ఈ మ్యాచ్‌ ఫలితంతో రాజస్తాన్‌ రాయల్స్‌ ప్లే ఆఫ్స్‌లో అడుగుపెట్టింది.ఇక సమిష్టి ప్రదర్శనతో లక్నోపై గెలుపుతో లీగ్‌ దశను ముగించిన ఢిల్లీ క్యాపిటల్స్‌.. ఓవరాల్‌గా ఈ సీజన్‌లో ఏడు విజయాలు సాధించింది. వెళ్తూ వెళ్తూ లక్నో సూపర్‌ జెయింట్స్‌ ప్లే ఆఫ్స్‌ ఆశలను దాదాపుగా గల్లంతు చేసింది.వాళ్లిద్దరు పట్టుదలగా నిలబడ్డారుఈ నేపథ్యంలో లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్ ఢిల్లీ చేతిలో ఓటమిపై స్పందించాడు. ‘‘40 ఓవర్ల పాటు వికెట్‌ ఒకే విధంగా ఉంది. తొలి ఓవర్లోనే మేము జేక్‌ ఫ్రేజర్‌ మెగర్క్‌ను అవుట్‌ చేసి శుభారంభం అందుకున్నాం.అయితే, దానిని మేము నిలబెట్టుకోలేకపోయాం. షాయీ హోప్‌, అభిషేక్‌ పోరెల్‌ పట్టుదలగా నిలబడ్డారు. ఇక్కడ 200 పెద్ద స్కోరేమీ కాదు. అయినా, లక్ష్య ఛేదనలో మేము తడబడ్డాం.సీజన్‌ మొత్తం మాకు అదే సమస్యనిజానికి ఇది పూర్తి చేయదగిన టార్గెట్‌. ఈ సీజన్‌ ఆసాంతం పవర్‌ ప్లేలో త్వరగా వికెట్లు కోల్పోవడం మాకు ఇబ్బందికరంగా మారింది. బ్యాటింగ్‌ పరంగా మాకు ఎప్పుడూ శుభారంభం లభించలేదు.స్టొయినిస్‌, పూరన్‌లకు మేము సహకారం అందించలేకపోయాం. అందుకే మేము ఇప్పుడిలా విపత్కర పరిస్థితిలో కూరుకుపోయాం’’ అని కేఎల్‌ రాహుల్‌ విచారం వ్యక్తం చేశాడు. కాగా ఈ మ్యాచ్‌లో రాహుల్‌ పూర్తిగా విఫలమయ్యాడు. 3 బంతులు ఎదుర్కొన్న ఈ ఓపెనింగ్‌ బ్యాటర్‌ కేవలం ఐదు పరుగులు మాత్రమే చేశాడు.ఢిల్లీ వర్సెస్‌ లక్నో స్కోర్లు👉వేదిక: అరుణ్‌జైట్లీ స్టేడియం.. ఢిల్లీ👉టాస్‌: లక్నో.. బౌలింగ్‌👉ఢిల్లీ స్కోరు: 208/4 (20)👉లక్నో స్కోరు: 189/9 (20)👉ఫలితం: 19 పరుగుల తేడాతో లక్నోపై ఢిల్లీ గెలుపు👉ప్లేయర్‌ ఆఫ్‌ ది మ్యాచ్‌:ఇషాంత్‌ శర్మ(3/34).చదవండి: Virat Kohli: అదే జరిగితే.. ఆర్సీబీ కెప్టెన్‌గా మ‌ళ్లీ కోహ్లినే!A clinical win at home to finish off their season 🙌 @DelhiCapitals with a lap of honour for their roaring home fans to extend their gratitude for their love and support 🥳#TATAIPL | #DCvLSG pic.twitter.com/kekvx9uuZK— IndianPremierLeague (@IPL) May 15, 2024

ఐపీఎల్‌-2024లో ఢిల్లీ క్యాపిట‌ల్స్ యువ సంచ‌ల‌నం జేక్ ఫ్రేజర్-మెక్‌గుర్క్ తొలిసారి నిరాశ‌ప‌రిచాడు. అరుణ్ జైట్లీ స్టేడియం వేదిక‌గా ల‌క్నో సూప‌ర్ జెయింట్స్‌తో మ్యాచ్‌లో మెక్‌గుర్క్ ఖాతా తెర‌వ‌కుండానే ఔటయ్యాడు. రెండు బంతులు ఎదుర్కొన్న జేక్‌ ఫ్రేజర్‌.. డైమండ్‌ డక్‌గా వెనుదిరిగాడు. లక్నో కెప్టెన్‌ కేఎల్‌ రాహుల్‌ మాస్టర్‌ ప్లాన్‌తో మెక్‌గుర్క్‌ను ఆదిలోనే పెవిలియన్‌కు పంపాడు. ఢిల్లీ ఇన్నింగ్స్‌ తొలి ఓవర్‌ వేసిన ఆర్షద్‌ ఖాన్‌ రెండో బంతిని లెంగ్త్‌ డెలివరీగా సంధించాడు. ఈ క్రమంలో జేక్ ఫ్రేజర్-మెక్‌గుర్క్ లాంగ్‌-ఆన్‌ దిశగా భారీ షాట్‌ ఆడాడు. అయితే మెక్‌గుర్క్ లాంగ్‌-ఆన్‌ దిశగా ఆడుతాడని ముందు గానే పసిగట్టిన రాహుల్‌.. లాంగ్‌ ఆన్‌ ఫీల్డర్‌లో సెట్‌ చేశాడు. ఈ క్రమంలో లాంగ్‌ ఆన్‌లో ఉన్న నవీన్‌ ఉల్‌-హాక్‌ ఈజీ క్యాచ్‌ను అందుకున్నాడు.ఇది చూసిన రాహుల్‌ వెంటనే నేను చెప్పా కదా అన్నట్లు నవ్వుతూ రియాక్షన్‌ ఇచ్చాడు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. కాగా మెక్‌గర్క్‌ అద్భుతమైన ఫామ్‌లో ఉన్నాడు. ఈ ఏడాది సీజ‌న్‌లో 8 మ్యాచ్‌లు ఆడిన మెక్ గుర్క్‌.. 330 ప‌రుగులు చేశాడు.

ల‌క్నో సూప‌ర్ జెయింట్స్ య‌జ‌మాని, బ‌డా వ్యాపార‌వేత్త సంజీవ్ గోయెంక న‌ష్ట నివార‌ణ చ‌ర్య‌లు చేప‌ట్టారు. ల‌క్నో కెప్టెన్ కేఎల్ రాహుల్‌ను త‌న ఇంటికి ఆహ్వానించి.. త‌న‌పై వ‌స్తున్న విమ‌ర్శ‌ల‌కు చెక్ పెట్టే ప్ర‌య‌త్నం చేశారు. ఈ క్ర‌మంలో రాహుల్‌ను ఆయ‌న ఆత్మీయంగా హ‌త్తుకున్న ఫొటో నెట్టింట వైర‌ల్‌గా మారింది.ఐపీఎల్‌-2022లో ఇండియ‌న్ ప్రీమియ‌ర్ లీగ్‌లో అడుగుపెట్టిన ల‌క్నో ఫ్రాంఛైజీ త‌మ సార‌థిగా టీమిండియా స్టార్ కేఎల్ రాహుల్‌ను నియ‌మించింది. ఈ వికెట్ కీప‌ర్ బ్యాట‌ర్ కెప్టెన్సీలో ల‌క్నో అరంగేట్రంలోనే ప్లే ఆఫ్స్ చేరింది. గ‌తేడాది సైతం టాప్‌-4తో ముగించింది.ఈ క్ర‌మంలో ప‌దిహేడో ఎడిష‌న్‌లోనూ స‌త్తా చాటాల‌ని ప‌ట్టుద‌ల‌గా ఉంది. అయితే, ప్లే ఆఫ్స్ రేసులో ఆటంకాలు లేకుండా ముందుకు సాగాలంటే స‌న్‌రైజ‌ర్స్ హైద‌రాబాద్‌తో త‌ప్ప‌క గెల‌వాల్సిన మ్యాచ్‌లో ల‌క్నో ఓడిపోయింది.అంద‌రూ చూస్తుండ‌గానే చీవాట్లుఈ మ్యాచ్‌లో ప్యాట్ క‌మిన్స్ టీమ్ కేఎల్ రాహుల్ సేన‌ను 10 వికెట్ల తేడాతో చిత్తుగా ఓడించి.. బ్యాటింగ్ విధ్వంసంతో ప‌లు రికార్డులు ఖాతాలో వేసుకుంది. ఈ నేప‌థ్యంలో ల‌క్నో య‌జ‌మాని సంజీవ్ గోయెంక కెప్టెన్ రాహుల్‌పై తీవ్ర‌ ఆగ్ర‌హం వ్య‌క్తం చేశాడు.మైదానంలో అంద‌రూ చూస్తుండ‌గానే చీవాట్లు పెట్టాడు. ఇందుకు సంబంధించిన ఫొటోలు, వీడియోలు వైర‌ల్ కావ‌డంతో సంజీవ్ గోయెంక తీరుపై విమ‌ర్శ‌లు వెల్లువెత్తాయి. కెప్టెన్ ప‌ట్ల ఇంత దారుణంగా ప్ర‌వ‌ర్తిస్తారా అంటూ మాజీ క్రికెట‌ర్లు వీరేంద్ర సెహ్వాగ్ వంటి వాళ్లు గోయెంక వ్య‌వ‌హార‌శైలిని త‌ప్పుబ‌ట్టారు.డిన్న‌ర్ కోసం త‌న ఇంటికి ఆహ్వానించిఇక ఫ్యాన్స్ అయితే, రాహుల్ ఆత్మ‌గౌర‌వం నిల‌బ‌డాలంటే వెంట‌నే ల‌క్నోకు గుడ్‌బై చెప్పాలంటూ సోష‌ల్ మీడియా వేదిక‌గా డిమాండ్ చేశారు. ఈ నేప‌థ్యంలో తాజా ఫొటో తెర మీద‌కు వ‌చ్చింది. కేఎల్ రాహుల్‌ను డిన్న‌ర్ కోసం త‌న ఇంటికి ఆహ్వానించిన సంజీవ్ గోయెంక అత‌డిని ఆలింగనం చేసుకున్నాడు. Sanjiv Goenka invited KL Rahul for dinner at his home last night and both hugged each other.- Everything is okay now in LSG. ❤️ pic.twitter.com/RY9KsiNre3— Tanuj Singh (@ImTanujSingh) May 14, 2024తుపాన్ వెలిసిన త‌ర్వాతఈ నేప‌థ్యంలో గోయెంక‌- రాహుల్ మ‌ధ్య స‌ఖ్య‌త కుదిరింద‌ని.. జ‌ట్టులో ప్ర‌స్తుతం అంతా బాగానే ఉంద‌నే కామెంట్లు వినిపిస్తున్నాయి. ఇదిలా ఉంటే.. కేఎల్ రాహుల్ భార్య‌, న‌టి అతియా శెట్టి చేసిన పోస్ట్ ఇందుకు బ‌లాన్ని చేకూరుస్తోంది. తుపాన్ వెలిసిన త‌ర్వాత ప్ర‌శాంతంగా ఇలా అంటూ ఆమె మ‌బ్బులు వీడిన సూర్యుడి ఫొటో పంచుకుంది.కాగా ఐపీఎల్‌-2024లో భాగంగా ల‌క్నో మంగ‌ళ‌వారం ఢిల్లీతో త‌ల‌ప‌డ‌నుంది. ఈ మ్యాచ్‌లో గెలిస్తే లక్నో ప్లే ఆఫ్స్ ఆశ‌లు స‌జీవంగా ఉంటాయి. అయితే, మిగిలి ఉన్న మ‌రో మ్యాచ్ గెల‌వ‌డంతో పాటు ఇందుకోసం ఇత‌ర జ‌ట్ల ఫ‌లితాల‌పై కూడా ఆధార‌ప‌డాల్సి ఉంటుంది. Athiya Shetty Instagram story.Cryptic post 🤔🤔 pic.twitter.com/HTKdJ95G9d— DREAM11s STATS (@fantasy1Cricket) May 14, 2024

ఐపీఎల్‌ ఫ్రాంఛైజీ యజమానులను ఉద్దేశించి టీమిండియా మాజీ బ్యాటర్‌ వీరేంద్ర సెహ్వాగ్‌ కీలక వ్యాఖ్యలు చేశాడు. ఆటగాళ్లు, కోచ్‌లే జట్టును ముందుకు నడిపిస్తారని.. ఈ విషయంలో ఓనర్ల జోక్యం అనవసమా అంటూ ఘాటుగా విమర్శించాడు.వ్యాపారవేత్తలు కేవలం లాభనష్టాల గురించే ఆలోచిస్తారని.. అయితే, మైదానంలోనే ఆటగాళ్లను కించపరిచేలా వ్యవహరించడం సరికాదని హితవు పలికాడు. లక్నో సూపర్‌ జెయింట్స్‌ యజమాని సంజీవ్‌ గోయెంకా ఆ జట్టు కెప్టెన్‌ కేఎల్‌ రాహుల్‌ పట్ల అనుచితంగా ప్రవర్తించిన నేపథ్యంలో సెహ్వాగ్‌ ఈ మేరకు వ్యాఖ్యలు చేశాడు.కాగా ఐపీఎల్‌-2024లో సన్‌రైజర్స్‌ హైదరాబాద్‌తో మ్యాచ్‌లో కేఎల​ రాహుల్‌ కెప్టెన్‌గా, బ్యాటర్‌గా విఫలమయ్యాడు. ఫలితంగా రైజర్స్‌ చేతిలో లక్నో చిత్తుగా ఓడిపోయింది. ఈ క్రమంలో సంజీవ్‌ గోయెంకా మైదానంలోనే రాహుల్‌తో వాదనకు దిగాడు.అతడు సర్దిచెప్తున్నా వినిపించుకోకుండా ఆగ్రహం ప్రదర్శించాడు. అదే విధంగా కోచ్‌ జస్టిన్‌ లాంగర్‌ పట్ల కూడా ఇదే తరహాలో వ్యవహరించాడు గోయెంకా. ఈ విషయంపై స్పందించిన సెహ్వాగ్‌ క్రిక్‌బజ్‌ షోలో తన అభిప్రాయాలు పంచుకున్నాడు.‘‘డ్రెస్సింగ్‌ రూం లేదంటే ప్రెస్‌ మీట్‌ సమయంలోనే ఓనర్లు ఆటగాళ్లతో మాట్లాడాలి. అది కూడా వాళ్లలో స్ఫూర్తి నింపేలా వ్యవహరించాలి గానీ.. ‘‘సమస్య ఏంటి? ఏం జరుగుతోంది?’’ అంటూ మైదానంలోనే ఇలా వ్యవహరించకూడదు.కోచ్‌లు, కెప్టెన్‌ జట్టును నడిపిస్తారు. కాబట్టి ఓనర్లు ఆటగాళ్ల విషయాల్లో జోక్యం చేసుకోకపోవడమే బెటర్‌. వాళ్లంతా వ్యాపారవేత్తలు. వాళ్లకు కేవలం లాభం, నష్టం గురించి మాత్రమే తెలుసు.అయినా ఇక్కడ వారికి ఎలాంటి లాస్‌ లేదు. 400 కోట్ల రూపాయల వరకు లాభం ఆర్జిస్తున్నారు. అంటే.. ఇక్కడ వాళ్లకు నష్టమేమీ ఉండదు కదా అని అంటున్నా! లాభాలు తీసుకోవడం తప్ప జట్టులో ఏం జరిగినా పట్టించుకునే అవసరం పెద్దగా లేదనే అనుకుంటున్నా. మీరేమైనా చెప్పాలనుకుంటే ఆటగాళ్లను మోటివేట్‌ చేసేలా ఉండాలి.ఐపీఎల్‌లో చాలా ఫ్రాంఛైజీలు ఉన్నాయి. ఆటగాడు ఓ జట్టును వీడితే మరో జట్టు అతడిని తీసుకుంటుంది. కీలకమైన ఆటగాడిని కోల్పోతే మీ విజయాల శాతం సున్నా అవుతుంది. నేను పంజాబ్‌ జట్టును వీడినపుడు వాళ్లు ఐదో స్థానంలో ఉన్నారు. ఆ తర్వాత ఎప్పుడూ కనీసం ఐదో స్థానంతో ముగించలేకపోయారు’’ అని సెహ్వాగ్‌ ఘాటు వ్యాఖ్యలు చేశాడు.

భారత స్టార్‌ క్రికెటర్ కెప్టెన్‌ కేఎల్‌ రాహుల్‌ లక్నో సూపర్‌ జెయింట్స్‌ను వీడనున్నాడనే వార్తల నేపథ్యంలో ఆ జట్టు సన్నిహిత వర్గాలు కీలక అప్‌డేట్‌ అందించాయి. కెప్టెన్‌- యాజమాన్యం మధ్య అంతాబాగానే ఉందని స్పష్టం చేశాయి. కాగా ఐపీఎల్‌-2024లో హైదరాబాద్‌లో సన్‌రైజర్స్‌తో ఘోర ఓటమి నేపథ్యంలో కేఎల్‌ రాహుల్‌కు ఘోర అవమానం జరిగిన విషయం తెలిసిందే. లక్నో ఫ్రాంచైజీ యజమాని సంజీవ్‌ గోయెంకా మైదానంలోకి వచ్చి రాహుల్‌పై తీవ్ర అసహనాన్ని ప్రదర్శించారు. రాహుల్‌పై గోయెంకా ఆగ్రహం వ్యక్తం చేస్తున్నట్లుగా ఉన్న వీడియో సోషల్‌ మీడియాలో వైరల్‌గా మారింది. ఫలితంగా.. ఫ్రాంచైజీ అసంతృప్తి నేపథ్యంలో రాహుల్‌ మిగిలిన రెండు మ్యాచ్‌ల్లో పగ్గాలు వదిలేసి పూర్తిగా బ్యాటింగ్‌పై శ్రద్ధ పెడతాడా లేదా ఫ్రాంఛైజీకి గుడ్‌బై చెబుతాడా? అనేవి చర్చనీయాంశంగా మారాయి. ఈ క్రమంలో.. ‘లక్నో ఈ నెల 14న ఢిల్లీ క్యాపిటల్స్‌తో తలపడుతుంది. ఇందుకు ఇంకా గడువు ఉండటంతో ఏ నిర్ణయం తీసుకోలేదు. మేనేజ్‌మెంట్‌ తప్పిస్తుందా లేదంటే కెప్టెన్‌ రాహులే వైదొలగుతాడా అనే దానిపై త్వరలోనే స్పష్టత వస్తుంది’ అని ఐపీఎల్‌ వర్గాలు తెలిపాయి.తాజాగా ఈ విషయం గురించి లక్నో వర్గాలు స్పందిస్తూ.. ‘‘కేఎల్‌ రాహుల్‌ను కెప్టెన్సీ నుంచి తప్పించడమే గాక... వచ్చే వేలంలో కూడా అతడిని లక్నో తీసుకోదు అని వస్తున్నవి కేవలం వదంతులు మాత్రమే.గత మ్యాచ్‌ ఫలితం మాకు అనుకూలంగా లేదనే బాధ ఉంది. అయితే, జట్టు, ఓనర్ల మధ్య అంతా బాగానే ఉంది. రాహుల్‌ కూడా బాగున్నాడు. ఢిల్లీతో మ్యాచ్‌కు ముందు అతడు విశ్రాంతి తీసుకుంటున్నాడంతే!’’ అని వార్తా సంస్థ IANSకు తెలిపాయి. కాగా సంజీవ్‌ గోయెంకా తీరుతో రాహుల్ తీవ్ర మనస్తాపం చెందడం, సోషల్‌ మీడియాలో తనపై పెద్ద ఎత్తున నెగటివిటీ రావడంతో ఆయన అతడిని క్షమాపణ కోరినట్లు వదంతులు వినిపిస్తున్నాయి.‌చదవండి: ప్లే ఆఫ్స్‌ రేసులో ఉండాలంటే.. సన్‌రైజర్స్‌ చేయాల్సిందిదే! ఆ రెండు జట్లు కన్ఫామ్‌!?

ఇండియన్‌ ప్రీమియర్‌ లీగ్‌లో విజయవంతమైన కెప్టెన్లలో టీమిండియా మాజీ ఓపెనర్‌ గౌతం గంభీర్‌ ఒకడు. రోహిత్‌ శర్మ(ముంబై ఇండియన్స్‌), మహేంద్ర సింగ్‌ ధోని(చెన్నై సూపర్‌ కింగ్స్‌) చెరో ఐదుసార్లు టైటిల్‌ గెలవగా.. గంభీర్‌ రెండుసార్లు ట్రోఫీ అందుకున్నాడు.కోల్‌కతా నైట్‌ రైడర్స్‌ను 2012, 2014 సీజన్లలో చాంపియన్‌గా నిలిపాడు. ఆ తర్వాత ఢిల్లీ ఫ్రాంఛైజీకి మారినా స్థాయికి తగ్గట్లు రాణించలేక క్యాష్‌ రిచ్‌ లీగ్‌కు గంభీర్‌ గుడ్‌బై చెప్పాడు. మళ్లీ ఐపీఎల్‌-2023లో లక్నో సూపర్‌ జెయింట్స్‌ మెంటార్‌గా రీఎంట్రీ ఇచ్చాడు గౌతీ.అయితే, తాజా ఎడిషన్‌ నేపథ్యంలో మెంటార్‌గా సొంతగూటికి చేరుకున్నాడు గంభీర్‌. అతడి మార్గదర్శనంలో కేకేఆర్‌ మరోసారి టైటిల్‌ దిశగా అడుగులు వేస్తోంది. ఇప్పటికే ప్లే ఆఫ్స్‌ రేసులో ముందున్న కోల్‌కతా ట్రోఫీ గెలవడమే లక్ష్యంగా ముందుకు సాగుతోంది.ఇదిలా ఉంటే.. కేకేఆర్‌ సహ యజమాని షారుఖ్‌ ఖాన్‌తో తనకున్న అనుబంధం గురించి గౌతం గంభీర్‌ తాజాగా చేసిన వ్యాఖ్యలు వైరల్‌ అవుతున్నాయి. స్పోర్ట్స్‌కీడాతో మాట్లాడుతూ.. ‘‘అతడితో నా బంధం ఎంతో అద్భుతమైనది. నాతో కలిసి పనిచేసిన ఫ్రాంఛైజీ ఓనర్లలో అత్యుత్తమ వ్యక్తి అతడు.కేవలం నిరాడంబరంగా ఉంటాడని మాత్రమే నేను ఈ మాట చెప్పడం లేదు. ఎంత ఎదిగినా ఒదిగే ఉండే తత్వం అతడిది. క్రికెటింగ్‌ విషయాల్లో అస్సలు జోక్యం చేసుకోడు.స్వేచ్ఛగా నిర్ణయాలు తీసుకునే వాతావరణం కల్పిస్తాడు. అలాంటి ఓనర్‌ ఉండటం నిజంగా అదృష్టం. నా ప్రతీ నిర్ణయంపై నమ్మకం ఉంచి.. నాకు మద్దతుగా నిలిచాడు.అందుకే ఫలితాలతో సంబంధం లేకుండా మా అనుబంధం ఇన్నేళ్లుగా కొనసాగుతోంది. 2011 నుంచి అతడితో నా బంధం ఇలాగే ఉంది. ఎస్‌ఆర్‌కే ఓ ఎమోషన్‌ అని అందరూ చెప్తారు. అయితే, అతడితో పాటు నాకు కేకేఆర్‌ కూడా ఓ ఎమోషనే! పరస్పరం నమ్మకం ఉంటేనే ముందుకు వెళ్లగలుగుతాం’’ అని గంభీర్‌ చెప్పుకొచ్చాడు.కాగా లక్నో సూపర్‌ జెయింట్స్‌ సంజీవ్‌ గోయెంకా ఆ జట్టు కెప్టెన్‌ కేఎల్‌ రాహుల్‌ను బహిరంగంగానే తిట్టిన విషయం తెలిసిందే. ఈ నేపథ్యంలో లక్నో యాజమాన్యంతో కలిసి పనిచేసిన గంభీర్‌ ఈ మేరకు వ్యాఖ్యలు చేయడం ప్రాధాన్యం సంతరించుకుంది.

రెండేళ్ల క్రితం ఇండియన్‌ ప్రీమియర్‌ లీగ్‌లో అడుగుపెట్టింది లక్నో సూపర్‌ జెయింట్స్‌. కేఎల్‌ రాహుల్‌ కెప్టెన్సీలో వరుసగా రెండుసార్లు ప్లే ఆఫ్స్‌ చేరింది. తద్వారా క్యాష్‌ రిచ్‌ లీగ్‌ ఆరంభం నుంచి ఉన్న కొన్ని జట్లకు సాధ్యం కాని ఘనతను లక్నో సాధించింది.ఐపీఎల్‌-2024లోనూ ప్లే ఆఫ్స్‌ రేసులో ముందుకు వెళ్లాలని పట్టుదలగా ఉంది. కేఎల్‌ రాహుల్‌ వికెట్‌ కీపర్‌ బ్యాటర్‌గా, కెప్టెన్‌గా రాణిస్తూ జట్టును టాప్‌-4లో నిలిపేందుకు తన వంతు కృషి​ చేస్తున్నాడు.అయితే, టాప్‌-4లో అడుగుపెట్టాలంటే కీలకమైన మ్యాచ్‌లో లక్నో చిత్తుగా ఓడిపోయింది. సన్‌రైజర్స్‌ హైదాబాద్‌తో బుధవారం నాటి మ్యాచ్‌లో పది వికెట్ల తేడాతో పరాజయం పాలైంది. ఈ మ్యాచ్‌లో కేఎల్‌ రాహుల్‌ బ్యాటర్‌గా, సారథిగా విఫలమయ్యాడు.ఈ నేపథ్యంలో లక్నో సూపర్‌ జెయింట్స్ యజమాని సంజీవ్‌ గోయెంకా అందరి ముందే కేఎల్‌ రాహుల్‌, కోచ్‌ జస్టిన్‌ లాంగర్‌కు గట్టిగా చీవాట్లు పెట్టాడు. దీంతో సంజీవ్‌ గోయెంకా తీరుపై విమర్శలు వెల్లువెత్తుతున్నాయి. రెండుసార్లు జట్టును ప్లే ఆఫ్స్‌ వరకు తీసుకువచ్చిన కెప్టెన్‌కు మీరిచ్చే గౌరవం ఇదేనా అంటూ మహ్మద్‌ షమీ వంటి ప్రముఖులు ఫైర్‌ అవుతున్నారు.ఈ క్రమంలో ఆస్ట్రేలియా దిగ్గజ పేసర్‌ బ్రెట్‌ లీ భిన్నంగా స్పందించాడు. ‘‘అందరి ముందు అలా మాట్లాడేకంటే.. లోపలికి వెళ్లిన తర్వాత చర్చించాల్సింది. ఒకవేళ అదే జరిగితే ఈ విషయం గురించి స్పందించమనే ప్రశ్న నాకు ఎదురయ్యేదే కాదు.అయితే, నాణేనికి మరోవైపు కూడా ఆలోచించాలి. ఆట పట్ల జట్ల యజమానులు, కోచ్‌లకు ఉన్న ప్యాషన్‌ను మనం అర్థం చేసుకోవాలి. వాళ్ల జట్టు అత్యుత్తమంగా రాణించాలని కోరుకోవడంలో తప్పు లేదు. బహుశా అందుకే ఈ ఘటన జరిగి ఉంటుంది’’ అని బ్రెట్‌ లీ ఢిల్లీలో జరిగిన ఓ కార్యక్రమంలో వ్యాఖ్యానించాడు. ‌చదవండి: ద్రవిడ్‌ గుడ్‌ బై!.. టీమిండియా కొత్త కోచ్‌గా ఫారినర్‌?.. జై షా కామెంట్స్‌ వైరల్‌

లక్నో సూపర్‌ జెయింట్స్‌ యజమాని సంజీవ్‌ గోయెంకాపై టీమిండియా స్టార్‌ పేసర్‌ మహ్మద్‌ షమీ ఆగ్రహం వ్యక్తం చేశాడు. ఆటగాళ్లను కించపరిచేలా వ్యవహరించడం సరికాదని విమర్శించాడు. కెప్టెన్‌ పట్ల బహిరంగంగా అసహనం వ్యక్తం చేయడం సిగ్గు చేటంటూ ఘాటు వ్యాఖ్యలు చేశాడు.కాగా సన్‌రైజర్స్‌ హైదరాబాద్‌ చేతిలో లక్నో సూపర్‌ జెయింట్స్‌ ఘోర పరాజయం పాలైన విషయం తెలిసిందే. ఉప్పల్‌లో బుధవారం జరిగిన ఈ మ్యాచ్‌లో కేఎల్‌ రాహుల్‌ సేన నిర్ణీత 20 ఓవర్లలో నాలుగు వికెట్ల నష్టానికి 165 పరుగులు చేయగలిగింది.టాపార్డర్‌ పూర్తిగా విఫలం కాగా ఐదు, ఆరు స్థానాల్లో వచ్చిన నికోలస్‌ పూరన్‌(48), ఆరో నంబర్‌ బ్యాటర్‌ ఆయుశ్‌ బదోని(55) అద్భుత ఇన్నింగ్స్‌ చేయడంతో ఈ మాత్రం పరుగులు రాబట్టింది.ఇక ఈ మ్యాచ్‌లో రాహుల్‌ 33 బంతులు ఎదుర్కొని కేవలం 29 పరుగులు మాత్రమే చేశాడు. ఇక లక్ష్య ఛేదనకు దిగిన సన్‌రైజర్స్‌ ఓపెనర్లు అభిషేక్‌ శర్మ(28 బంతుల్లో 75), ట్రావిస్‌ హెడ్‌(30 బంతుల్లో 89) విధ్వంసకర ఇన్నింగ్స్‌ కారణంగా 9.4 ఓవర్లలోనే పని పూర్తి చేసింది.ఫలితంగా లక్నో 10 వికెట్ల తేడాతో చిత్తుగా ఓడింది. ఈ నేపథ్యంలో లక్నో యజమాని కెప్టెన్‌ కేఎల్‌ రాహుల్‌పై అందరి ముందే సీరియస్‌ అయ్యాడు. రాహుల్‌ వివరణ ఇచ్చేందుకు ప్రయత్నించినా అస్సలు వినిపించుకోలేదు.ఇందుకు సంబంధించిన వీడియోలు వైరల్‌ కాగా.. సంజీవ్‌ గోయెంకా తీరుపై విమర్శలు వెల్లువెత్తాయి. ఈ నేపథ్యంలో మహ్మద్‌ షమీ స్పందిస్తూ.. గోయెంకా తీరును తప్పుబట్టాడు.‘‘ఆటగాళ్లకు ఆత్మ గౌరవం ఉంటుంది. యజమానిగా మీరు కూడా ఒక గౌరవప్రదమైన స్థాయిలో ఉన్న వ్యక్తి. చాలా మంది మిమ్మల్ని చూసి చాలా విషయాలు నేర్చుకుంటారు.కెమెరాల ముందు మీరిలా చేయడం నిజంగా సిగ్గు చేటు. ఇది కచ్చితంగా సిగ్గుపడాల్సిన విషయమే. ఒకవేళ మీరు కెప్టెన్‌తో మాట్లాడాలనుకుంటే అందుకు ఎన్నో మార్గాలు ఉన్నాయి.డ్రెసింగ్‌రూం లేదంటే హోటల్‌ రూంలో కెప్టెన్‌తో మాట్లాడవచ్చు. కానీ ఇలా అందరి ముందే మైదానంలో ఇలా అరిచేయడం సరికాదు. ఇలా చేయడం ద్వారా ఎర్రకోట మీద జెండా ఎగురవేసినంత గొప్ప ఏమైనా వచ్చిందేంటి?అతడు కేవలం ఆటగాడే కాదు కెప్టెన్‌ కూడా! ప్రతిసారి ప్రణాళికలు పక్కాగా అమలు చేయలేకపోవచ్చు. ఆటలో గెలుపోటములు సహజం. అంత మాత్రాన కెప్టెన్‌ కించపరిచేలా వ్యవహరిస్తారా? ఇలా చేసి తప్పుడు సందేశం ప్రజల్లోకి వెళ్లేలా చేశారు’’ అంటూ మహ్మద్‌ షమీ సంజీవ్‌ గోయెంకా వ్యవహార శైలిపై విరుచుకుపడ్డాడు. కాగా చీలమండ సర్జరీ కారణంగా షమీ(గుజరాత్‌ టైటాన్స్) ఐపీఎల్‌-2024 సీజన్‌ మొత్తానికి దూరమయ్యాడు.

కేఎల్‌ రాహుల్‌ లక్నో సూపర్‌ జెయింట్స్‌ కెప్టెన్సీ నుంచి తప్పుకోనున్నాడని తెలుస్తుంది. ఈ నిర్ణయం తక్షణమే అమల్లోకి వస్తుందని సమాచారం. ఈ సీజన్‌లో లక్నో ఆడబోయే తదుపరి రెండు మ్యాచ్‌ల్లో రాహుల్‌ సాధారణ ఆటగాడిగా కొనసాగుతాడని ప్రముఖ వార్తా సంస్ధ వెల్లడించిన నివేదిక ద్వారా తెలుస్తుంది.సన్‌రైజర్స్‌తో నిన్నటి మ్యాచ్‌ తదనంతర పరిణామాల్లో రాహుల్‌ ఈ కఠినమైన నిర్ణయం తీసుకున్నట్లు సమాచారం​. సన్‌రైజర్స్‌ చేతిలో దారుణ పరాభవాన్ని ఎదుర్కొన్న అనంతరం లక్నో ఫ్రాంచైజీ యజమాని సంజీవ్‌ గోయంకా రాహుల్‌ పట్ల చాలా అసభ్యంగా ప్రవర్తించాడు. అందరూ చూస్తుండగానే రాహుల్‌పై మాటల దాడికి దిగాడు.గొయెంకా నుంచి ఈ తరహా ప్రవర్తనను ఊహించని రాహుల్‌ తీవ్ర మనస్థాపానికి గురై కెప్టెన్సీ నుంచి వైదొలగాలని నిర్ణయించుకున్నట్లు తెలుస్తుంది. రాహుల్‌ కెప్టెన్సీ నుంచి తప్పుకోవడానికి మరో కారణం కూడా ఉందని తెలుస్తుంది.గొయెంకా తదుపరి సీజన్‌లో రాహుల్‌ను వదించుకోవాలని సన్నిహితుల వద్ద ప్రస్తావించాడని సమాచారం. గొయెంకాకు ఆ అవకాశం ఇవ్వడమెందుకని రాహులే స్వయంగా కెప్టెన్సీ నుంచి తప్పుకుంటున్నట్లు ప్రచారం జరగుతుంది. 2022 సీజన్‌లో లక్నో టీమ్‌ లాంచ్‌ అయినప్పుడు రాహుల్‌ను గొయెంకా 17 కోట్ల రికార్డు ధరకు సొంతం చేసుకున్నాడు.ఈ సీజన్‌లో లక్నో ఆడబోయే తదుపరి మ్యాచ్‌కు ఐదు రోజుల సమయం ఉండటంతో రాహుల్‌ నిర్ణయం ఏ క్షణానైనా వెలువడవచ్చని సమాచారం. గొయెంకా గతంలో పూణే వారియర్స్‌ అధినేతగా ఉన్నప్పుడు ధోని విషయంలోనూ ఇలాగే వ్యవహరించాడు. ఓ సీజన్‌ తర్వాత ధోనిని తప్పించి స్టీవ్‌ స్మిత్‌ను కెప్టెన్‌గా నియమించాడు.ఇదిలా ఉంటే, నిన్నటి మ్యాచ్‌లో సన్‌రైజర్స్‌ చేతిలో ఓడినప్పటికీ లక్నో ప్లే ఆఫ్స్‌ అవకాశాలు ఇంకా సజీవంగానే ఉన్నాయి. లక్నో తదుపరి ఆడబోయే రెండు మ్యాచ్‌ల్లో భారీ తేడాతో గెలిస్తే 16 పాయింట్లతో ప్లే ఆఫ్స్‌ రేసులో ఉంటుంది. అయితే ఈ జట్టు ప్లే ఆఫ్స్‌ బెర్త్‌ మిగిలిన జట్ల జయాపజయాలపై అధారపడి ఉంటుంది.

‘‘నాకసలు ఏం మాట్లాడాలో అర్థం కావడం లేదు. టీవీలోనే ఇలాంటి బ్యాటింగ్‌ చూశాం. కానీ ఇప్పుడిలా.. అస్సలు నమ్మలేకపోతున్నాం. ప్రతి బంతి బౌండరీ లేదంటే సిక్సర్‌.వారి నైపుణ్యాలకు హ్యాట్సాఫ్‌. సిక్స్‌లు కొట్టేందుకు వాళ్లు పడిన శ్రమ ఇక్కడ కనిపిస్తోంది. సెకండ్‌ ఇన్నింగ్స్‌లో అసలు పిచ్‌ ఎలా ఉంటుందో అంచనా వేసే ఛాన్స్‌ కూడా వాళ్లు మాకివ్వలేదు.మొదటి బంతి నుంచే వారి దూకుడు కొనసాగగా.. మేము ఏ దశలోనూ అడ్డుకట్ట వేయలేకపోయాం. జట్టు ఓడిపోయినట్లయితే.. మనం తీసుకున్న ప్రతీ నిర్ణయాన్ని ప్రశ్నిస్తూనే ఉంటారు.మేము కనీసం ఇంకో 40- 50 పరుగులు చేయాల్సింది. పవర్‌ ప్లేలో వికెట్లు కోల్పోయిన తర్వాత అస్సలు కోలుకోలేకపోయాం. ఆయుశ్‌, నిక్కీ అద్భుతంగా బ్యాటింగ్‌ చేసినందు వల్లే 166 టార్గెట్‌ విధించగలిగాం’’ అని లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్‌ అన్నాడు.ఒకవేళ తాము 240 పరుగులు చేసినా సన్‌రైజర్స్‌ హైదరాబాద్‌ జట్టు ఆ లక్ష్యాన్ని ఛేదించేదేనేమో అంటూ ప్రశంసలు కురిపించాడు. కాగా ఐపీఎల్‌-2024 తాజా మ్యాచ్‌లో లక్నో సన్‌రైజర్స్‌తో తలపడింది.టాపార్డర్‌ పూర్తిగా విఫలం ఉప్పల్‌లో బుధవారం జరిగిన ఈ మ్యాచ్‌లో టాస్‌ గెలిచిన లక్నో తొలుత బ్యాటింగ్‌ చేసి.. పరుగులు రాబట్టేందుకు ఆపసోపాలు పడింది. ఓపెనర్‌, కెప్టెన్‌ కేఎల్‌ రాహుల్‌(29) సహా టాపార్డర్‌లో క్వింటన్‌ డికాక్‌(2), మార్కస్‌ స్టొయినిస్‌(3) పూర్తిగా విఫలమయ్యారు.నాలుగో నంబర్‌ బ్యాటర్‌ కృనాల్‌ పాండ్యా(21 బంతుల్లో 24) నిలదొక్కునే ప్రయత్నం చేసినా రైజర్స్‌ కెప్టెన్‌ ప్యాట్‌ కమిన్స్‌ అతడి పప్పులు ఉడకనివ్వలేదు. దీంతో కష్టాల్లో పడిన లక్నోను నికోలస్‌ పూరన్‌(26 బంతుల్లో 48), ఆయుశ్‌ బదోని(30 బంతుల్లో 55) ఆదుకున్నారు.పరుగుల సునామీవీరిద్దరి భాగస్వామ్యం కారణంగానే లక్నో నిర్ణీత 20 ఓవర్లలో నాలుగు వికెట్ల నష్టానికి 165 పరుగులు చేయగలిగింది. అయితే, లక్ష్య ఛేదనలో ఊహించని విధంగా పరుగుల సునామీ సృష్టించారు సన్‌రైజర్స్‌ ఓపెనర్లు అభిషేక్‌ శర్మ(28 బంతుల్లో 8 ఫోర్లు, 6 సిక్స్‌లు- 75 పరుగులు), ట్రావిస్‌ హెడ్(30 బంతుల్లో 8 ఫోర్లు, 8 సిక్స్‌లు- 89 రన్స్‌).కొడితే బౌండరీ లేదంటే సిక్స్‌ అన్నట్లుగా సాగింది వీళ్లిద్దరి విధ్వంసం. అభిషేక్‌ 267.86, హెడ్‌ 296.67 స్ట్రైక్‌రేటుతో బ్యాటింగ్‌ చేయడంతో.. దెబ్బకు 9.4 ఓవర్లలోనే టార్గెట్‌ పూర్తి చేసింది సన్‌రైజర్స్‌.పాపం రాహుల్‌లక్నోను 10 వికెట్ల తేడాతో చిత్తు చేసింది. ఇక ఈ పరుగుల విధ్వంసానికి సాక్షిగా నిలిచిన వికెట్‌ కీపర్‌ బ్యాటర్‌, కెప్టెన్‌ కేఎల్‌ రాహుల్‌ ఓటమి అనంతరం పైవిధంగా స్పందించాడు.‌ ‌ కాగా ఓటమి నేపథ్యంలో లక్నో యజమాని సంజీవ్‌ గోయెంకా రాహుల్‌పై సీరియస్‌ అయ్యాడు. చదవండి: SRH: కాస్త ఓపిక పట్టు.. నీకూ టైమ్‌ వస్తుంది: యువీ పోస్ట్‌ వైరల్‌WHAT. A. CHASE 🧡A 🔟-wicket win for @SunRisers with more than 🔟 overs to spare! Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/kOxzoKUpXK— IndianPremierLeague (@IPL) May 8, 2024

లక్నో సూపర్‌ జెయింట్స్‌ ఫ్రాంఛైజీ యజమాని సంజీవ్‌ గోయెంకాపై కేఎల్‌ రాహుల్‌ అభిమానులు మండిపడుతున్నారు. కెప్టెన్‌ పట్ల మరీ ఇంత దారుణంగా వ్యవహరిస్తారా? అంటూ ఫైర్‌ అవుతున్నారు. ఇంతకు ముందు ఏ జట్టు ఓనర్‌ కూడా ఇలా ప్రవర్తించినట్లు చూడలేదని సోషల్‌ మీడియాలో పెద్ద ఎత్తున ట్రోల్‌ చేస్తున్నారు.ఐపీఎల్‌-2024లో భాగంగా లక్నో జట్టు బుధవారం సన్‌రైజర్స్‌ హైదరాబాద్‌తో తలపడింది. టాస్‌ గెలిచిన లక్నో సారథి కేఎల్‌ రాహుల్‌ తొలుత బ్యాటింగ్‌ ఎంచుకున్నాడు. అయితే, సొంత మైదానం ఉప్పల్‌లో ప్యాట్‌ కమిన్స్‌ బృందం సమిష్టి ప్రదర్శనతో ఆకట్టుకుంది.సన్‌రైజర్స్‌ బౌలర్లు, ఫీల్డర్ల అద్భుత ప్రదర్శన కారణంగా లక్నో నిర్ణీత 20 ఓవర్లలో నాలుగు వికెట్ల నష్టానికి 165 పరుగులకు పరిమితమైంది. కేఎల్‌ రాహుల్‌(29), కృనాల్‌ పాండ్యా(24) ఓ మోస్తరు స్కోర్లు చేయగా.. నికోలస్‌ పూరన్‌(26 బంతుల్లో 48*), ఆయుశ్‌ బదోని(30 బంతుల్లో 55*) అద్భుతంగా రాణించారు.అయితే, లక్నో విధించిన నామమాత్రపు లక్ష్యాన్ని సన్‌రైజర్స్‌ హైదరాబాద్‌ ఉఫ్‌మని ఊదేసింది. ఓపెనర్లు అభిషేక్‌ శర్మ(28 బంతుల్లో 75), ట్రావిస్‌ హెడ్‌(30 బంతుల్లో 89) పరుగుల వరద పారించి.. 10 వికెట్ల తేడాతో సన్‌రైజర్స్‌ను గెలిపించారు. వీరిని కట్టడి చేసేందుకు లక్నో కెప్టెన్‌ కేఎల్‌ రాహుల్‌ అమలు చేసిన వ్యూహాలలో ఒక్కటీ ఫలితాన్నివ్వలేదు.ఈ నేపథ్యంలో ఘోర ఓటమి అనంతరం లక్నో ఓనర్‌ సంజీవ్‌ గోయెంకా కేఎల్‌ రాహుల్‌తో వాదనకు దిగాడు. అందరూ చూస్తుండగానే సీరియస్‌గా రాహుల్‌కు క్లాస్‌ తీసుకున్నాడు.కెప్టెన్‌ వివరణ ఇచ్చినా పట్టించుకోకుండా.. ‘‘సాకులు చెప్పొద్దు.. నేను సహించను.. ఆ రెండు పాయింట్లు ఎంత ముఖ్యమో తెలుసు కదా’’ అన్నట్లుగా కోపంతో ఊగిపోయాడు. ఇందుకు సంబంధించిన వీడియో నెట్టింట వైరల్‌ అవుతోంది.Mr Goenka is a pathetic owner.I support KL Rahul 100%Repost and show your support towards #KLRahul #SRHvLSG #PBKSvRCB #PBKSvsRCBpic.twitter.com/JUYv9AgVdd— Samira (@Logical_Girll) May 9, 2024 ఈ నేపథ్యంలో సంజీవ్‌ గోయెంకా ప్రవర్తనను రాహుల్‌ ఫ్యాన్స్ తప్పుబడుతున్నారు. కాగా ప్లే ఆఫ్స్‌ రేసులో సాఫీగా ముందుకు వెళ్లాలంటే‌ గెలవాల్సిన మ్యాచ్‌లో లక్నో చిత్తుగా ఓడిపోయింది. పాయింట్ల పట్టికలో ప్రస్తుతానికి ఆరో స్థానంలోనే నిలిచిపోయింది. మరోవైపు సన్‌రైజర్స్‌ మూడో స్థానానికి దూసుకువచ్చింది.చదవండి: SRH: వాళ్లిద్దరు పిచ్‌ను మార్చేశారు.. అతడొక అద్భుతం.. నమ్మలేకపోతున్నా! WHAT. A. CHASE 🧡A 🔟-wicket win for @SunRisers with more than 🔟 overs to spare! Scorecard ▶️ https://t.co/46Rn0QwHfi#TATAIPL | #SRHvLSG pic.twitter.com/kOxzoKUpXK— IndianPremierLeague (@IPL) May 8, 2024

ఐపీఎల్‌ 2024 సీజన్‌లో భాగంగా సన్‌రైజర్స్‌ హైదరాబాద్‌తో ఇవాళ (మే 8) జరుగుతున్న మ్యాచ్‌లో లక్నో సూపర్‌ జెయింట్స్‌ టాస్‌ గెలిచి తొలుత బ్యాటింగ్‌ ఎంచుకుంది. హైదరాబాద్‌లోని ఉప్పల్‌ స్టేడియంలో జరుగుతున్న ఈ మ్యాచ్‌ ప్లే ఆఫ్స్‌ రేసులో ఉన్న ఇరు జట్లకు అత్యంత కీలకంగా మారింది. ప్రస్తుతం పాయింట్ల పట్టికలో సన్‌రైజర్స్‌ నాలుగులో.. లక్నో ఆరో స్థానంలో ఉన్నాయి. నగరంలో నిన్న రాత్రి అతి భారీ వర్షం కురిసిన నేపథ్యంలో నేటి మ్యాచ్‌ సాధ్యాసాధ్యాలపై అనుమానాలు ఉండేవి. అయితే ప్రస్తుత పరిస్థితిని బట్టి చూస్తే వరుణుడి నుంచి మ్యాచ్‌కు ఎలాంటి ముప్పు లేదని తెలుస్తుంది. తుది జట్ల విషయానికొస్తే.. ఇరు జట్లు పలు మార్పులతో బరిలోకి దిగుతున్నాయి. లక్నో జట్టుకు సంబంధించి డికాక్‌ తిరిగి జట్టులోకి రాగా.. మొహిసిన్‌ ఖాన్‌ ఔటయ్యాడు. సన్‌రైజర్స్‌ తరఫున లంక యువ స్పిన్నర్‌ విజయ్‌కాంత్‌ వియాస్‌కాంత్‌ అరంగేట్రం చేయనుండగా.. మయాంక్‌ అగర్వాల్‌ స్థానంలో సన్వీర్‌ సింగ్‌ జట్టులోకి వచ్చాడు.హెడ్‌ టు హెడ్‌ రికార్డ్స్‌ విషయానికొస్తే.. ఐపీఎల్‌లో ఇరు జట్లు ఇప్పటివరకు మూడు సార్లు తలపడగా.. అన్ని సందర్భాల్లో లక్నోనే విజయం సాధించింది.తుది జట్లు..లక్నో సూపర్ జెయింట్స్ (ప్లేయింగ్ XI): క్వింటన్ డికాక్, కేఎల్‌ రాహుల్ (కెప్టెన్‌/వికెట్‌కీపర్‌), మార్కస్ స్టోయినిస్, నికోలస్ పూరన్, ఆయుష్ బదోని, దీపక్ హుడా, కృనాల్ పాండ్యా, కృష్ణప్ప గౌతమ్, యశ్ ఠాకూర్, రవి బిష్ణోయ్, నవీన్-ఉల్-హక్సన్‌రైజర్స్ హైదరాబాద్ (ప్లేయింగ్ XI): ట్రవిస్ హెడ్, నితీష్ రెడ్డి, హెన్రిచ్ క్లాసెన్ (వికెట్‌కీపర్‌), అబ్దుల్ సమద్, షాబాజ్ అహ్మద్, సన్వీర్ సింగ్, పాట్ కమిన్స్ (కెప్టెన్‌), భువనేశ్వర్ కుమార్, జయదేవ్ ఉనద్కత్, విజయకాంత్ వియాస్కాంత్, టి నటరాజన్

టీ20 ప్రపంచకప్‌ కోసం భారత క్రికెట్‌ జట్టును ఏప్రిల్‌ 30న ప్రకటించారు. ఈ జట్టులో 15 మంది రెగ్యులర్‌ ఆటగాళ్లు, నలుగురు ట్రావెలింగ్‌ రిజర్వ్స్‌ ఉన్నారు. రోహిత్‌ శర్మ ఈ జట్టుకు సారధిగా వ్యవహరించనుండగా.. హార్దిక్‌ అతనికి డిప్యూటీగా ఎంపికయ్యాడు. రెగ్యులర్‌ జట్టులో విరాట్‌ కోహ్లి, సూర్య కుమార్‌ యాదవ్‌, రవీంద్ర జడేజా, రిషబ్‌ పంత్‌, బుమ్రా లాంటి స్టార్‌ ప్లేయర్లు ఉండగా.. శుభ్‌మన్‌ గిల్‌, రింకూ సింగ్‌, ఆవేశ్‌ ఖాన్‌, ఖలీల్‌ అహ్మద్‌ రిజర్వ్‌ ప్లేయర్లుగా ఎంపికయ్యారు. అందరూ ఊహించిన విధంగానే ఐపీఎల్‌లో సూపర్‌ ఫామ్‌లో ఉన్న సంజూ శాంసన్‌, శివమ్‌ దూబేలకు చోటు దక్కింది. యశస్వి జైస్వాల్‌, అక్షర్‌ పటేల్‌, కుల్దీప్‌ యాదవ్‌, చహల్‌, అర్షదీప్‌ సింగ్‌, సిరాజ​్‌ మిగతా సభ్యులుగా ఎంపికయ్యారు.ఈ జట్టును ప్రకటించిన అనంతరం పలువురు ఆటగాళ్లకు అన్యాయం (19 మంది సభ్యుల జట్టులో చోటు దక్కక పోవడంపై) జరిగిందని సోషల్‌మీడియా గగ్గోలు పెట్టింది. మాజీలు, విశ్లేషకులు రింకూ సింగ్‌, కేఎల్‌ రాహుల్‌, రుతురాజ్‌, రియాన్‌ పరాగ్‌, నటరాజన్‌, రవి భిష్ణోయ్‌ లాంటి ఆటగాళ్లను పక్కకు పెట్టడంతో అసంతృప్తి వ్యక్తం చేశారు. రింకూ సింగ్‌ విషయంలో కొందరు మాజీలు ఏకంగా సెలక్టర్లనే తప్పుబట్టారు. ఈ నేపథ్యంలో ప్రముఖ క్రికెట్‌ గైడ్‌ విజ్డన్‌ ప్రపంచకప్‌కు ఎంపిక కాని అర్హులైన ఆటగాళ్లతో ఓ జట్టును ఎంపిక చేసింది.ఈ జట్టుకు కేఎల్‌ రాహుల్‌ సారధిగా ఎంపికయ్యాడు. ప్రస్తుత ఐపీఎల్‌ సీజన్‌లో ఆయా ఆటగాళ్ల ఫామ్‌ ఆధారంగా మిగతా జట్టు సభ్యుల ఎంపిక జరిగింది. ఓపెనర్లుగా కేఎల్‌ రాహుల్‌, అభిషేక్‌ శర్మ, వన్‌డౌన్‌లో రుతురాజ్‌ గైక్వాడ్‌, నాలుగో స్థానంలో రియాన్‌ పరాగ్‌, ఐదో ప్లేస్‌లో తిలక్‌ వర్మ, ఆరో స్థానంలో శశాంక్‌ సింగ్‌, ఆల్‌రౌండర్‌ కోటాలో విశాఖ చిన్నోడు నితీశ్‌ కుమార్‌ రెడ్డి, స్పెషలిస్ట్‌ స్పిన్నర్లుగా రవి బిష్ణోయ్‌, వరుణ్‌ చక్రవర్తి.. పేసర్లుగా హర్షిత్‌ రాణా, నటరాజన్‌ ఎంపికయ్యాడు. ఈ జట్టుకు విజ్డన్‌ భారత-బి జట్టుగా నామకరణం చేసింది.

టీ20 వ‌ర‌ల్డ్‌క‌ప్‌-2024కు 15 మంది స‌భ్యుల‌తో కూడిన భార‌త జ‌ట్టును బీసీసీఐ ప్ర‌క‌టించిన సంగ‌తి తెలిసిందే. ఈ జ‌ట్టు ఎంపికపై భిన్న‌భిప్రాయాలు వ్య‌క్త‌మ‌వుతున్నాయి. ముఖ్యంగా స్టార్ బ్యాట‌ర్ కేఎల్ రాహుల్‌ను వ‌ర‌ల్డ్‌క‌ప్‌కు ఎంపిక చేయ‌కపోవ‌డం క్రీడా వ‌ర్గాల్లో తీవ్ర‌ చ‌ర్చ‌నీయాంశ‌మైంది. అయితే ఈ మెగా టోర్నీకి రాహుల్‌ను సెల‌క్ట్ చేయ‌క‌పోవ‌డానికి గ‌ల కార‌ణాన్ని తాజాగా బీసీసీఐ సెల‌క్ష‌న్ క‌మిటీ చైర్మెన్ అజిత్ అగార్కర్ వెల్ల‌డించాడు.మిడిలార్డర్‌లో బ్యాటింగ్ చేసే వికెట్ కీప‌ర్ బ్యాట‌ర్ తమకు కావాలనుకున్నామని, అందుకే రాహుల్‌ను ఎంపిక చేయలేదని అగార్కర్ చెప్పుకొచ్చాడు."రాహుల్ టీ20ల్లో ఎక్కువ‌గా టాప్ ఆర్డర్‌లో బ్యాటింగ్ చేస్తున్నాడు. మేము మిడిల్ ఆర్డ‌ర్‌లో బ్యాటింగ్ చేసే వికెట్ కీప‌ర్ బ్యాట‌ర్‌ను ఎంపిక చేయాల‌న‌కున్నాం. అందుకే రాహుల్‌ను ప‌క్క‌న పెట్టి సంజూ శాంస‌న్‌, రిష‌బ్ పంత్‌ల‌కు స్పెష‌లిస్టు వికెట్ కీప‌ర్‌ బ్యాట‌ర్ల‌గా ఎంపిక చేశాము. వీరిద్ద‌రికి మిడిలార్డర్‌లో బ్యాటింగ్ చేసే స‌త్తా ఉంద‌ని" ప్రెస్‌కాన్ఫ‌రెన్స్‌లో అగార్కర్ పేర్కొన్నాడు. ఈ ప్రెస్‌కాన్ఫ‌రెన్స్‌లో భారత కెప్టెన్ రోహిత్ శర్మ కూడా పాల్గోన్నాడు.భారత టీ20 ప్రపంచకప్ జట్టు:రోహిత్ శర్మ(కెప్టెన్), యశస్వి జైస్వాల్, విరాట్ కోహ్లీ, సూర్యకుమార్ యాదవ్, సంజూ శాంసన్, రిషభ్ పంత్(కీపర్), హార్దిక్ పాండ్యా, శివమ్ దూబే, రవీంద్ర జడేజా, అక్షర్ పటేల్, కుల్దీప్ యాదవ్, యుజ్వేంద్ర చాహల్, జస్‌ప్రీత్ బుమ్రా, అర్ష్‌దీప్ సింగ్, మహ్మద్‌ సిరాజ్.

టీ20 ప్రపంచకప్‌-2024 నేపథ్యంలో జట్ల ప్రకటనకు అంతర్జాతీయ క్రికెట్‌ మండలి మే 1ని డెడ్‌లైన్‌గా విధించింది. ఆలోపు మెగా ఈవెంట్లో పాల్గొనే ఆటగాళ్ల ఎంపికను పూర్తి చేయాలని స్పష్టం చేసింది.ఈ నేపథ్యంలో భారత క్రికెట్‌ నియంత్రణ మండలి ఇప్పటికే జట్టు ఎంపికపై చర్చలు ముమ్మరం చేసినట్లు తెలుస్తోంది. ఈ క్రమంలో టీమిండియా మాజీ ఆల్‌రౌండర్‌, ప్రపంచకప్‌ విజేత యువరాజ్‌ సింగ్‌.. మెగా టోర్నీలో ఆడాల్సిన భారత వికెట్‌ కీపర్‌ గురించి కీలక వ్యాఖ్యలు చేశాడు.పోటీలో ఆ నలుగురు!కాగా ప్రపంచకప్‌ జట్టులో బెర్తు కోసం రిషభ్‌ పంత్‌, సంజూ శాంసన్‌, కేఎల్‌ రాహుల్‌, దినేశ్‌ కార్తిక్‌ మధ్య పోటీ నెలకొంది. ఈ నలుగురిలో డీకే ఐపీఎల్‌-2024లో ఆర్సీబీకి ఆడుతూ ఫినిషర్‌గా రాణిస్తున్నాడు.ఇప్పటి వరకు తొమ్మిది మ్యాచ్‌లలో ‍కలిపి 195.52 స్ట్రైక్‌రేటుతో 262 పరుగులు చేశాడు. మరోవైపు.. ఢిల్లీ క్యాపిటల్స్‌ కెప్టెన్‌ రిషభ్‌ పంత్‌ దాదాపు 14 నెలల విరామం తర్వాత కాంపిటేటివ్‌ క్రికెట్‌లో అడుగుపెట్టినా.. ఫుల్‌ ఫామ్‌లోకి వచ్చేశాడు.ఆడిన తొమ్మిది మ్యాచ్‌లలో మూడు హాఫ్‌ సెంచరీల సాయంతో 342 పరుగులు చేశాడు. ఇక సంజూ శాంసన్‌ రాజస్తాన్‌ రాయల్స్‌ కెప్టెన్‌గా రాణిస్తూ.. వికెట్‌ కీపర్‌ బ్యాటర్‌గానూ రాణిస్తున్నాడు. ఇప్పటి దాకా 385 రన్స్‌తో అత్యధిక పరుగుల వీరుల జాబితాలో రెండో స్థానంలో కొనసాగుతున్నాడు.డీకే అవసరమా?ఈ లిస్టులో సంజూ తర్వాత కేఎల్‌ రాహుల్‌ 378 పరుగులతో మూడో స్థానంలో ఉన్నాడు. ఈ నేపథ్యంలో యువీ ఐసీసీతో మాట్లాడుతూ.. ‘‘డీకే ప్రస్తుతం బాగానే బ్యాటింగ్‌ చేస్తున్నాడు. కానీ గతసారి(2022) టీ20 వరల్డ్‌కప్‌లో అతడు రాణించలేకపోయాడు.కాబట్టి ఈసారి జట్టుకు ఎంపిక చేసినా అతడికి తుదిజట్టులో చోటు దక్కకపోవచ్చు. నిజానికి రిషభ్‌ పంత్‌, సంజూ శాంసన్‌ రూపంలో ఇద్దరు యువ ప్లేయర్లు అందుబాటులో ఉన్నారు.

సోషల్‌ మీడియాలో జరుగుతున్న ప్రచారం మేరకు ఢిల్లీ క్యాపిటల్స్‌ సారధి రిషబ్‌ పంత్‌ టీ20 వరల్డ్‌కప్‌ బెర్త్‌ పక్కా చేసుకున్నట్లు తెలుస్తుంది. ప్రముఖ వార్తా సంస్థ ఓ కథనంలో ఈ విషయాన్ని ప్రస్తావించింది. పంత్‌ టీ20 వరల్డ్‌కప్‌లో టీమిండియా ఫస్ట్‌ చాయిస్‌ వికెట్‌కీపర్‌ బ్యాటర్‌గా ఉంటాడని సమాచారం​. ఐపీఎల్‌ ప్రదర్శనల ఆధారంగా పంత్‌ వరల్డ్‌కప్‌ బెర్త్‌ను ఖరారు చేశారని తెలుస్తుంది. కారు ప్రమాదం తాలూకా గాయాల నుంచి ఇటీవలే బయటపడ్డ పంత్‌.. ఈ ఐపీఎల్‌ సీజన్‌లో ఇరగదీస్తున్నాడు. ఢిల్లీ తరఫున అత్యధిక పరుగులు చేసిన బ్యాటర్‌గా కొనసాగుతున్నాడు.అలాగే అత్యధిక పరుగులు చేసిన వికెట్‌కీపర్‌ బ్యాటర్‌గా..మూడో అత్యధిక రన్‌ స్కోరర్‌గా..అత్యధిక సిక్సర్లు సాధించిన కెప్టెన్‌గా..అత్యధిక స్ట్రయిక్‌రేట్‌ కలిగిన కెప్టెన్‌గా..రెండు ప్లేయర్‌ ఆఫ్‌ మ్యాచ్‌ అవార్డులు గెలుచుకున్న ఏకైక కెప్టెన్‌గా..రెండు ప్లేయర్‌ ఆఫ్‌ మ్యాచ్‌ అవార్డులు గెలుచుకున్న ఏకైక వికెట్‌కీపర్‌ బ్యాటర్‌గా..అత్యధిక ప్లేయర్‌ ఆఫ్‌ మ్యాచ్‌ అవార్డులు గెలుచుకున్న ఆటగాడిగా పలు ఘనతలు సొంతం చేసుకున్నాడు. నిన్న గుజరాత్‌తో జరిగిన మ్యాచ్‌లో పంత్‌ పాత రోజులు గుర్తు చేశాడు. ఎడాపెడా బౌండరీలు, సిక్సర్లు బాది గుజరాత్‌ బౌలర్లకు చుక్కలు చూపించాడు. ఈ మ్యాచ్‌లో 43 బంతులు ఎదుర్కొన్న పంత్‌.. 5 ఫోర్లు, 8 సిక్సర్ల సాయంతో 88 పరుగులు చేసి అజేయంగా నిలిచాడు. ఈ మ్యాచ్‌లో పంత్‌ అద్భుతమైన కెప్టెన్సీ నైపుణ్యాన్ని ప్రదర్శించడంతో పాటు 2 క్యాచ్‌లు కూడా పట్టాడు. వరల్డ్‌కప్‌కు ఎంపిక కావాలంటే ఇంతకంటే ఏం కావాలని పంత్ అభిమానులు అంటున్నారు. పంత్‌ వరల్డ్‌కప్‌ బెర్త్‌ ఖరారైందనుకుంటే సెకెండ్‌ ఛాయిస్‌ వికెట్‌కీపర్‌ ఎవరనే ప్రశ్న ఉత్పన్నమవుతుంది. ఈ స్థానంలో కోసం కేఎల్‌ రాహుల్‌, సంజూ శాంసన్‌ తీవ్రంగా పోటీపడుతున్నారు. ప్రస్తుతమున్న సమాచారం మేరకు ఈ రేసులో రాహుల్‌ ముందున్నట్లు తెలుస్తుంది. రాహుల్‌ మిడిలార్డర్‌లో బాధ్యతాయుతమైన ఇన్నింగ్స్‌లు ఆడగలడని సెలెక్టర్లు భావిస్తున్నట్లు సమాచారం. ఇదే నిజమైతే సంజూ శాంసన్‌కు మరోసారి మొండిచెయ్యి ఖాయం.శాంసన్‌ను తృణీకరించేందుకు సెలెక్టర్ల వద్ద పెద్ద కారణాలు లేకపోయినా సమీకరణల పేరుతో అతన్ని పక్కన పెట్టడం పరిపాటిగా మారింది. సంజూ సంబంధించిన ఈ విషయాన్ని ఇటీవలే మాజీ కేంద్ర మంత్రి శశిథరూర్‌ కూడా ప్రస్తావించారు. జస్టిస్‌ ఫర్‌ సంజూ అని ఓ ట్వీట్‌ చేశారు. సంజూ విషయంలో సెలెక్టర్లు ఏ నిర్ణయం తీసుకుంటారో మరికొద్ది రోజుల్లో తేలిపోతుంది. ఈ నెలఖరులోగా టీ20 వరల్డ్‌కప్‌ 2024 కోసం​ భారత జట్టును ఎంపిక చేయాల్సి ఉంది. ​

ఐపీఎల్‌-2024లో భాగంగా ఏక్నా స్టేడియం వేదికగా లక్నో సూపర్‌ జెయింట్స్‌తో మ్యాచ్‌లో చెన్నై స్టార్‌ ఆల్‌రౌండర్‌ రవీంద్ర జడేజా స్టన్నింగ్‌ క్యాచ్‌ను అందుకున్నాడు. జడ్డూ అద్బుతమైన క్యాచ్‌తో లక్నో కెప్టెన్‌ కేఎల్‌ రాహుల్‌ను పెవిలియన్‌కు పంపాడు. లక్నో ఇన్నింగ్స్‌ 17వ ఓవర్‌ వేసిన మతీషా పతిరానా బౌలింగ్‌లో తొలి బంతిని రాహుల్‌ పాయింట్‌ దిశగా కట్‌ షాట్‌ ఆడాడు. షాట్‌ సరిగ్గా కనక్ట్‌ అయినప్పటికి పాయింట్‌లో ఫీల్డింగ్‌ చేస్తున్న జడేజా.. ఎడమవైపున్‌కు జంప్‌ చేస్తూ సింగిల్‌ హ్యాండ్‌తో స్టన్నింగ్‌ క్యాచ్‌ను అందుకున్నాడు. ఇది చూసిన రాహుల్‌తో పాటు స్టేడియంలో ఉన్న ప్రేక్షకులు మొత్తం ఒక్కసారిగా ఆశ్చర్యపోయారు. ఇందుకు సంబంధించిన వీడియో ప్రస్తుతం సోషల్‌ మీడియాలో వైరలవుతోంది. వారెవ్వా జడ్డూ సూపర్‌ మ్యాన్‌ అంటూ కామెంట్లు చేస్తున్నారు. కాగా ఈ మ్యాచ్‌లో 8 వికెట్ల తేడాతో సీఎస్‌కే ఘోర పరాజయాన్ని చవిచూసింది. తొలుత బ్యాటింగ్‌ చేసిన సీఎస్‌కే.. జడేజా(57), ధోని(28 నాటౌట్‌) రాణించడంతో నిర్ణీత 20 ఓవర్లలో 6 వికెట్ల నష్టానికి 176 పరుగులు చేసింది. అనంతరం 177 పరుగుల లక్ష్యాన్ని లక్నో 19 ఓవర్లలో కేవలం రెండు వికెట్లు మాత్రమే కోల్పోయి చేధించింది. లక్నో బ్యాటర్లలో కెప్టెన్‌ కేఎల్‌ రాహుల్‌(53 బంతుల్లో 9 ఫోర్లు, 3 సిక్స్‌లు) కీలక ఇన్నింగ్స్‌ ఆడగా.. డికాక్‌(54) హాఫ్‌ సెంచరీతో రాణించాడు. సీఎస్‌కే బౌలర్లలో ముస్తఫిజుర్‌ రెహ్మన్‌, పతిరానా తలా వికెట్‌ సాధించారు. Ravi Shastri - "What a Catch, is that the Catch of IPL, WOW, that was Flying like a Trace of Bullet" Ravindra Jadeja took "One of the Greatest Catch of IPL 2024" 👏#CSKvLSG #CSKvsLSGpic.twitter.com/SQDFOz9Lmo — Richard Kettleborough (@RichKettle07) April 19, 2024

ఐపీఎల్‌ సీజన్‌లో వరుసగా రెండు  ఓటముల తర్వాత లక్నో సూపర్‌  జెయింట్స్‌ కోలుకుంది. కట్టుదిట్టమైన  బౌలింగ్‌తో  చెన్నై సూపర్‌ కింగ్స్‌ను నిలువరించిన లక్నో ఆ తర్వాత ఎలాంటి తడబాటు లేకుండా లక్ష్యం చేరింది. ఛేదనలో కేఎల్‌ రాహుల్, డికాక్‌ కీలక పాత్ర పోషించగా... రెండు వరుస  విజయాల తర్వాత చెన్నై తలవంచింది.    లక్నో: సొంతగడ్డపై సమష్టి ప్రదర్శనతో లక్నో కీలక విజయాన్ని అందుకుంది. శుక్రవారం జరిగిన మ్యాచ్‌లో లక్నో 8 వికెట్ల తేడాతో ఐదుసార్లు చాంపియన్‌ చెన్నైపై ఘన విజయం సాధించింది. టాస్‌ ఓడి ముందుగా బ్యాటింగ్‌కు దిగిన చెన్నై 20 ఓవర్లలో 6 వికెట్ల నష్టానికి 176 పరుగులు చేసింది. రవీంద్ర జడేజా (40 బంతుల్లో 57 నాటౌట్‌; 5 ఫోర్లు, 1 సిక్స్‌) అర్ధ సెంచరీ చేయగా... రహానే (24 బంతుల్లో 36; 5 ఫోర్లు, 1 సిక్స్‌), మొయిన్‌ అలీ (20 బంతుల్లో 30; 3 సిక్స్‌లు), ధోని (9 బంతుల్లో 28 నాటౌట్‌; 3 ఫోర్లు, 2 సిక్స్‌లు) రాణించారు. అనంతరం లక్నో 19 ఓవర్లలో 2 వికెట్లకు 180 పరుగులు సాధించి గెలిచింది. కెప్టెన్‌ కేఎల్‌ రాహుల్‌ (53 బంతుల్లో 82; 9 ఫోర్లు, 3 సిక్స్‌లు), క్వింటన్‌ డికాక్‌ (43 బంతుల్లో 54; 5 ఫోర్లు, 1 సిక్స్‌) తొలి వికెట్‌కు 90 బంతుల్లోనే 134 పరుగులు జోడించి విజయాన్ని సులువు చేశారు.   ధోని మెరుపులు...  ఓపెనర్‌ రచిన్‌ రవీంద్ర (0) టోర్నీలో తన వరుస వైఫల్యాలను కొనసాగించగా... మరో ఎండ్‌లో రహానే కొన్ని చక్కటి షాట్లు ఆడాడు. పవర్‌ప్లే ముగిసేసరికి చెన్నై 51 పరుగులు చేసింది. కెప్టెన్‌ రుతురాజ్‌ గైక్వాడ్‌ (17) ప్రభావం చూపలేకపోగా, నాలుగో స్థానంలో వచ్చిన జడేజా పరిస్థితిని చక్కదిద్దాడు. అయితే రహానేతో పాటు ఫామ్‌లో ఉన్న శివమ్‌ దూబే (3), సమీర్‌ రిజ్వీ (1)లను తక్కువ వ్యవధిలో అవుట్‌ చేసి లక్నో ఆధిక్యం ప్రదర్శించింది. ఈ సమయంలో కట్టుదిట్టమైన బౌలింగ్‌ కారణంగా చెన్నై బ్యాటర్లు పరుగులు చేయడంలో ఇబ్బంది పడ్డారు. ఒకదశలో వరుసగా 34 బంతుల పాటు బౌండరీనే రాలేదు! 16 ఓవర్లు ముగిసేసరికి స్కోరు 113/5. అయితే చివరి 4 ఓవర్లలో సూపర్‌ కింగ్స్‌ చెలరేగి 63 పరుగులు రాబట్టింది. మొహసిన్‌ ఓవర్లో సిక్సర్‌తో 34 బంతుల్లో జడేజా అర్ధ సెంచరీ పూర్తి చేసుకోగా... బిష్ణోయ్‌ వేసిన తర్వాతి ఓవర్లో అలీ వరుసగా 6, 6, 6 బాదడం విశేషం. అనంతరం 19వ ఓవర్లో 4, 6 కొట్టిన ధోని... ఆఖరి ఓవర్లో మరో 2 ఫోర్లు, సిక్స్‌తో చెలరేగాడు. ఏడో వికెట్‌కు ధోని, జడేజా 13 బంతుల్లో 35 పరుగులు జోడించారు.   శతక భాగస్వామ్యం...  ఛేదనను రాహుల్, డికాక్‌ ఘనంగా ఆరంభించారు. వీరిద్దరిని ఇబ్బంది పెట్టడంలో చెన్నై బౌలర్లంతా విఫలమయ్యారు. ఇద్దరూ ధాటిగా ఆడటంతో పవర్‌ప్లేలో 54 పరుగులు రాగా... 10.5 ఓవర్లు ముగిసేసరికి స్కోరు 9 ఫోర్లు, 4 సిక్సర్లతో 100 పరుగులు దాటింది. 31 పరుగుల స్కోరు వద్ద డికాక్‌ ఇచ్చిన క్యాచ్‌ను పతిరణ వదిలేయగా, 31 బంతుల్లో రాహుల్‌ అర్ధసెంచరీ పూర్తి చేసుకున్నాడు. ఆ తర్వాత 41 బంతుల్లో డికాక్‌ కూడా హాఫ్‌ సెంచరీ మార్క్‌ను అందుకున్నాడు. విజయానికి చేరువైన దశలో తక్కువ వ్యవధిలో వీరిద్దరు అవుటైనా... లక్ష్యం చేరేందుకు లక్నోకు ఇబ్బంది ఎదురు కాలేదు.   స్కోరు వివరాలు చెన్నై సూపర్‌ కింగ్స్‌ ఇన్నింగ్స్‌: రహానే (బి) కృనాల్‌ 36; రచిన్‌ (బి) మొహసిన్‌ 0; రుతురాజ్‌ (సి) రాహుల్‌ (బి) యశ్‌ 17; జడేజా (నాటౌట్‌) 57; దూబే (సి) రాహుల్‌ (బి) స్టొయినిస్‌ 3; రిజ్వీ (స్టంప్డ్‌) రాహుల్‌ (బి) కృనాల్‌ 1; అలీ (సి) బదోని (బి) బిష్ణోయ్‌ 30; ధోని (నాటౌట్‌) 28; ఎక్స్‌ట్రాలు 4; మొత్తం (20 ఓవర్లలో 6 వికెట్లకు 176. వికెట్ల పతనం: 1–4, 2–33, 3–68, 4–87, 5–90, 6–141. బౌలింగ్‌: హెన్రీ 3–0–26–0, మొహసిన్‌ 4–0–37–1, యశ్‌ ఠాకూర్‌ 4–0–45–1, కృనాల్‌ పాండ్యా 3–0–16–2, రవి బిష్ణోయ్‌ 4–0–44–1, స్టొయినిస్‌ 2–0–7–1.   లక్నో సూపర్‌ జెయింట్స్‌ ఇన్నింగ్స్‌: డికాక్‌ (సి) ధోని (బి) ముస్తఫిజుర్‌ 54; రాహుల్‌ (సి) జడేజా (బి) పతిరణ 82; పూరన్‌ (నాటౌట్‌) 23; స్టొయినిస్‌ (నాటౌట్‌) 8; ఎక్స్‌ట్రాలు 13; మొత్తం (19 ఓవర్లలో 2 వికెట్లకు) 180. వికెట్ల పతనం: 1–134, 2–161. బౌలింగ్‌: దీపక్‌ చహర్‌ 3–0–26–0, తుషార్‌ 4–0–42–0, ముస్తఫిజుర్‌ 4–0–43–1, జడేజా 3–0–32–0, పతిరణ 4–0–29–1, అలీ 1–0–5–0.    ఐపీఎల్‌లో నేడు ఢిల్లీ X హైదరాబాద్‌  వేదిక: న్యూఢిల్లీ రాత్రి 7: 30 గంటల నుంచి స్టార్‌ స్పోర్ట్స్, జియో సినిమా యాప్‌లో ప్రత్యక్ష ప్రసారం

‘‘ఆ రోజు విరాట్‌ అక్కడే ఉన్నాడు. కోచ్‌ రే జెన్సింగ్స్‌.. ఇంకా మిగతా సహాయక సిబ్బంది కూడా ఉన్నారు. అప్పుడు విరాట్‌ వచ్చి.. ‘నీకు ఈ కాంట్రాక్ట్‌ మీద సంతకం పెట్టడం ఇష్టమేనా? ఆర్సీబీకి ఆడతావా? అని అడిగాడు. అందుకు బదులుగా.. ‘ఏంటీ జోక్‌ చేస్తున్నావా?.. నా చిరకాల కల అది’ అని అన్నాన్నేను. అప్పుడు విరాట్‌.. ‘అవును.. జోక్‌ చేశానులే.. అయినా.. ఇది నీకు ఆప్షన్‌ కాదు.. ముందు ఈ కాంట్రాక్టు మీద సంతకం పెట్టు’ అన్నాడు.  నేను అలాగే చేశాను. అప్పుడు వెంటనే విరాట్‌ స్పందిస్తూ.. ‘ఇక నుంచి  నీ ప్రయాణం క్రేజీగా ఉండబోతోంది. వచ్చే రెండు నెలలు నీకు ఫుల్‌ మజా’ అంటూ నన్ను ఆటపట్టించాడు’’ అని టీమిండియా స్టార్‌, ఐపీఎల్‌ ఫ్రాంఛైజీ లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్‌ అన్నాడు. క్యాష్‌ రిచ్‌ లీగ్‌లో అడుగుపెట్టిన నాటి జ్ఞాపకాలను తాజాగా గుర్తు చేసుకున్నాడు. కాగా కర్ణాటకకు చెందిన కన్ననూర్‌ లోకేశ్‌ రాహుల్‌ 2013లో రాయల్‌ చాలెంజర్స్‌ బెంగళూరు తరఫున అరంగేట్రం చేశాడు. ఆ ఏడాది దేశవాళీ టీ20 టోర్నీ సయ్యద్‌ ముస్తాక్‌ అలీ ట్రోఫీలో అదరగొట్టి ఐపీఎల్‌లోనూ ఎంట్రీ ఇచ్చాడు.  కేకేఆర్‌తో మ్యాచ్‌తో ఎంట్రీ సొంతమైదానం బెంగళూరులోని చిన్నస్వామి స్టేడియంలో కోల్‌కతా నైట్‌ రైడర్స్‌తో ఆర్సీబీ తరఫున అరంగేట్రం చేశాడు. ఇక ఆ తర్వాత సన్‌రైజర్స్‌ హైదరాబాద్‌, పంజాబ్‌ కింగ్స్‌(కెప్టెన్‌)కు ఆడిన రాహుల్‌.. 2022లో ఎంట్రీ ఇచ్చిన లక్నో సూపర్‌ జెయింట్స్‌ సారథిగా బాధ్యతలు చేపట్టాడు. తమ తొలి సీజన్‌లోనే లక్నోను ప్లే ఆఫ్స్‌ చేర్చి సత్తా చాటాడు. ఇక ఐపీఎల్‌-2024లోనూ ప్రస్తుతం లక్నో పరిస్థితి మెరుగ్గానే ఉంది. ఆడిన ఆరు మ్యాచ్‌లలో మూడు గెలిచి ఐదో స్థానంలో ఉంది. శుక్రవారం నాటి మ్యాచ్‌లో చెన్నై సూపర్‌ కింగ్స్‌తో లక్నో వేదికగా సూపర్‌ జెయింట్స్‌ తలపడనుంది. ఇదిలా ఉంటే.. లక్నోకు సారథిగా ఉన్నా కేఎల్‌ రాహుల్‌ మనసులో ఆర్సీబీకి మాత్రం ప్రత్యేక స్థానం ఉంది. తన సొంత రాష్ట్రానికి చెందిన ఫ్రాంఛైజీ కావడంతో పాటు.. తనకు లైఫ్‌ కూడా ఇచ్చిన ఆర్సీబీ అంటే అతడికి గౌరవం. ఈ విషయాన్ని తాజాగా రవిచంద్రన్‌ అశ్విన్‌కు ఇచ్చిన ఇంటర్వ్యూలో పంచుకున్నాడు రాహుల్‌. అక్కడే మొదలు.. అక్కడే ముగిస్తా ‘‘ఆ రెండు నెలలు ఆర్సీబీలో నేను చాలా నేర్చుకున్నాను. మంచి అనుభవం గడించాను. అంతా త్వరత్వరగా జరిగిపోయింది. బెంగళూరుకు ఆడటం నాకెల్లప్పుడూ ఇష్టమే. నా కెరీర్‌ మొదలైందే అక్కడ!  అక్కడే కెరీర్‌ ముగిస్తే బాగుంటుందని కూడా అనుకుంటున్నా. ఏదేమైనా భిన్న జట్లతో.. భిన్న ప్లేయర్లతో కలిపే ఐపీఎల్‌ ఓ అద్భుతమైన టోర్నీ’’ అని కేఎల్‌ రాహుల్‌ చెప్పుకొచ్చాడు.  చదవండి: హార్దిక్‌ను పట్టించుకోని ఆకాశ్‌.. రోహిత్‌ మాట విని అలా! వైరల్‌ వీడియో var request = 'https://www.sakshi.com/knowwidget/kwstr_4381453179.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

టీ20 ప్రపంచకప్‌-2024 భారత జట్టులో రిషభ్‌ పంత్‌కు చోటు ఇవ్వాలని ఆస్ట్రేలియా దిగ్గజం, ఢిల్లీ క్యాపిటల్స్‌ హెడ్‌ కోచ్‌ రిక్కీ పాంటింగ్‌ అన్నాడు. మెగా టోర్నీ ఆడే అర్హత పంత్‌కు ఉందని.. తన దృష్టిలో అతడే టీమిండియాకు మొదటి వికెట్‌ కీపర్‌ ఆప్షన్‌ అని పేర్కొన్నాడు. ఐపీఎల్‌-2024లో సత్తా చాటి కచ్చితంగా వరల్డ్‌కప్‌ ఆడే జట్టులో పంత్‌ చోటు దక్కించుకుంటాడని రిక్కీ పాంటింగ్‌ ధీమా వ్యక్తం చేశాడు. కాగా 2022, డిసెంబరులో కారు ప్రమాదానికి గురై.. అదృష్టవశాత్తూ ప్రాణాలతో బయటపడ్డ పంత్‌ కోలుకోవడానికి దాదాపు ఏడాదిన్నర కాలం పట్టింది. బెంగళూరులోని జాతీయ క్రికెట్‌ అకాడమీలో సుదీర్ఘకాలం పాటు పునరావాసం పొందిన పంత్‌.. క్రమక్రమంగా కోలుకుని మ్యాచ్‌ ఫిట్‌నెస్‌ సాధించాడు. ఈ క్రమంలో ఐపీఎల్‌ పదిహేడో ఎడిషన్‌లో ఢిల్లీ క్యాపిటల్స్‌ కెప్టెన్‌గా తిరిగి పగ్గాలు చేపట్టిన పంత్‌.. వికెట్‌ కీపర్‌ బ్యాటర్‌గానూ సేవలు అందిస్తున్నాడు. ఇప్పటి వరకు ఆరు ఇన్నింగ్స్‌ ఆడి 194 పరుగులు చేసిన పంత్‌ ఖాతాలో రెండు హాఫ్‌ సెంచరీలు ఉన్నాయి. అయితే.. కెప్టెన్‌గా మాత్రం పంత్‌ విఫలమవుతూనే ఉన్నాడు. అతడి సారథ్యంలో ఢిల్లీ ఇప్పటిదాకా ఆరు మ్యాచ్‌లు ఆడి కేవలం రెండే గెలిచింది. ఇదిలా ఉంటే.. మే 27న ఐపీఎల్‌-2024 ముగియనుండగా.. జూన్‌ 1 నుంచి వెస్టిండీస్‌- అమెరికా వేదికగా పొట్టి ప్రపంచకప్‌ సమరం మొదలుకానుంది. ఈ నేపథ్యంలో భారత జట్టు వికెట్‌ కీపర్‌ ఎంపిక గురించి రిక్కీ పాంటింగ్‌ ఆసక్తికర వ్యాఖ్యలు చేశాడు. సంజూ బాగా ఆడుతున్నాడు.. అయినా పంత్‌కే చోటివ్వాలి! ‘‘వరల్డ్‌కప్‌ జట్టులో రిషభ్‌ పంత్‌కు చోటు ఇవ్వాలా? అంటే కచ్చితంగా ఇవ్వాలనే చెబుతా. ఐపీఎల్‌ ముగిసేలోపు అతడు అందుకు అర్హత సాధిస్తాడు. గత ఆరు సీజన్లలో పంత్‌ మెరుగ్గా ఆడాడు. టీమిండియా తరఫున కూడా మంచి ప్రదర్శన ఇచ్చాడు. భారత జట్టులో ప్రతిభావంతులైన ఆటగాళ్లకు కొదవలేదని తెలుసు. ముఖ్యంగా వికెట్‌ కీపర్‌ బ్యాటర్లలో ఇషాన్‌ కిషన్‌, సంజూ శాంసన్‌, కేఎల్‌ రాహుల్‌ బాగా ఆడుతున్నారు. చాలా ఆప్షన్లు కనిపిస్తున్నాయి. అయితే.. నేను గనుక జట్టును ఎంపిక చేయాల్సి వస్తే రిషభ్‌ పంత్‌కే మొదటి ప్రాధాన్యం ఇస్తాను. నన్నెపుడు ఈ ప్రశ్న అడిగినా ఇదే సమాధానం ఇస్తాను’’ అని రిక్కీ పాంటింగ్‌ చెప్పుకొచ్చాడు.  కాగా వరల్డ్‌కప్‌-2024 టీమిండియా వికెట్‌ కీపర్ల రేసులో ప్రస్తుతం సంజూ శాంసన్‌ ముందుకు దూసుకుపోతున్నాడు. రాజస్తాన్‌ రాయల్స్‌ కెప్టెన్‌గా వ్యవహరిస్తున్న అతడు ఇప్పటి వరకు ఆరు ఇన్నింగ్స్‌లో కలిపి 264 పరుగులు సాధించాడు.   చదవండి: #Pat Cummins: శెభాష్‌.. ఇది సరైన నిర్ణయం! కమిన్స్‌ అన్నతో అట్లుంటది మరి.. var request = 'https://www.sakshi.com/knowwidget/kwstr_7552012696.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });

ఢిల్లీ క్యాపిటల్స్‌ చేతిలో ఓటమితో లక్నో సూపర్‌ జెయింట్స్‌ జైత్రయాత్రకు అడ్డుకట్ట పడింది. ఐపీఎల్‌-2024లో హ్యాట్రిక్‌ విజయాల తర్వాత సొంత మైదానంలో తొలి పరాజయాన్ని మూటగట్టుకుంది. తద్వారా 160కి పైగా పరుగుల స్కోరు చేస్తే.. లక్ష్య ఛేదనలో లక్నో కచ్చితంగా గెలుస్తుందనే రికార్డు చెరిగిపోయింది. ఈ నేపథ్యంలో లక్నో సూపర్‌ జెయింట్స్‌ కెప్టెన్‌ కేఎల్‌ రాహుల్‌ ఓటమిపై విచారం వ్యక్తం చేశాడు. తాము కనీసం ఇంకో 15- 20 పరుగులు సాధిస్తే ఫలితం వేరేలా ఉండేదని అభిప్రాయపడ్డాడు. శుభారంభం లభించినా దానిని భారీ స్కోరుగా మలచడంలో విఫలమయ్యామని పేర్కొన్నాడు. పిచ్‌ పరిస్థితులను సద్వినియోగం చేసుకున్న ఢిల్లీ చైనామన్‌ స్పిన్నర్‌ కుల్దీప్‌ యాదవ్‌ తమను దెబ్బకొట్టాడని కేఎల్‌ రాహుల్‌ అన్నాడు. ఇక కొత్త బ్యాటర్‌ జేక్‌ ఫ్రేజర్‌- మెక్‌గర్క్‌ ఎలా ఆడతాడన్న విషయంపై తమకు అవగాహన లేదని.. అయితే.. అతడు అద్భుత బ్యాటింగ్‌తో ఆకట్టుకున్నాడని ప్రశంసించాడు. Maiden IPL FIFTY for Jake Fraser-McGurk on DEBUT! Hat-trick of sixes in this thoroughly entertaining knock 💥💥💥 Watch the match LIVE on @StarSportsIndia and @JioCinema 💻📱#TATAIPL | #LSGvDC pic.twitter.com/0hXuBkiBr3 — IndianPremierLeague (@IPL) April 12, 2024 ఢిల్లీ విజయంలో అతడికే ఎక్కువ క్రెడిట్‌ దక్కుతుందని కేఎల్‌ రాహుల్‌ ఈ సందర్భంగా పేర్కొన్నాడు. ఢిల్లీ ఓపెనర్‌ డేవిడ్‌ వార్నర్‌ను పవర్‌ ప్లేలోనే అవుట్‌ చేయాలన్న తమ వ్యూహం ఫలించినా.. క్రీజులో పాతుకుపోయిన రిషభ్‌ పంత్‌, మెక్‌గర్క్‌ కలిసి మ్యాచ్‌ను తమ నుంచి లాగేసుకున్నారని రాహుల్‌ అన్నాడు. Victory in Lucknow for the @DelhiCapitals 🙌 A successful chase power them to their second win of the season as they win by 6⃣ wickets! Scorecard ▶️ https://t.co/0W0hHHG2sq#TATAIPL | #LSGvDC pic.twitter.com/6R7an9Cy8g — IndianPremierLeague (@IPL) April 12, 2024 ఒకవేళ నికోలస్‌ పూరన్‌(0) గనుక కాసేపు నిలబడగలిగితే కచ్చితంగా ప్రమాదకారిగా మారేవాడని.. అయితే, అతడిని పెవిలియన్‌కు పంపడంలో కుల్దీప్‌ యాదవ్‌ సఫలమయ్యాడని రాహుల్‌ పేర్కొన్నాడు. ఏదేమైనా లోపాలు సరిచేసుకుని తదుపరి మ్యాచ్‌కు సిద్ధమవుతామని తెలిపాడు.  ఇక ఢిల్లీతో మ్యాచ్‌లో లక్నో సారథి, వికెట్‌ కీపర్‌ బ్యాటర్‌ కేఎల్‌ రాహుల్‌ 22 బంతుల్లో 5 ఫోర్లు, ఒక సిక్సర్‌ సాయంతో 39 పరుగులు చేశాడు. 177.27 స్ట్రైక్‌రేటు నమోదు చేసి ఎలక్ట్రిక్‌ స్ట్రైకర్‌ అవార్డు అందుకున్నాడు. కాగా లక్నో  తదుపరి ఆదివారం కోల్‌కతా నైట్‌ రైడర్స్‌తో మ్యాచ్‌లో తలపడనుంది.  లక్నో వర్సెస్‌ ఢిల్లీ స్కోర్లు: ►టాస్‌: లక్నో.. బ్యాటింగ్‌ ►లక్నో స్కోరు: 167/7 (20) ►ఢిల్లీ స్కోరు: 170/4 (18.1) ►ఫలితం: లక్నోపై ఆరు వికెట్ల తేడాతో ఢిల్లీ విజయం ►ప్లేయర్‌ ఆఫ్‌ ది మ్యాచ్‌: కుల్దీప్‌ యాదవ్‌(3/20) ►రిషభ్‌ పంత్‌ స్కోరు: 41 రన్స్‌ ►ఓవరాల్‌ టాప్‌ స్కోరర్లు: జేక్‌ ఫ్రేజర్‌- మెక్‌గర్క్‌(ఢిల్లీ- 35 బంతుల్లో 55), ఆయుశ్‌ బదోని (లక్నో- 35 బంతుల్లో 55 నాటౌట్‌). చదవండి: అరంగేట్రంలోనే అదరగొట్టాడు.. ఎవరీ జేక్ ఫ్రేజర్-మెక్‌గుర్క్? var request = 'https://www.sakshi.com/knowwidget/kwstr_7552012696.json'; $.ajaxPrefilter( function (request) { if (request.crossDomain && jQuery.support.cors) { var http = (window.location.protocol === 'http:' ? 'http:' : 'https:'); request.url = http + '//cors-anywhere.herokuapp.com/' + request.url; } }); $.get( request,function (response){ if(response == ''){ $('#frameId').hide(); }else{ $('#frameId').show(); } });