‘‘తెలుగు చిత్ర పరిశ్రమలో పదకొండేళ్ల ప్రయాణం నాది (తొలి చిత్రం ‘అందాల రాక్షసి’). ఇన్నేళ్ల కెరీర్‌ పరంగా హ్యాపీగా ఉన్నాను. అయితే నా పాటలు తెలిసినంతగా నేనెక్కువగా జనాలకు తెలియదేమో అనిపిస్తుంటుంది. అయినా నేను కాదు.. నా పాటలు వారికి తెలియడం సంతృప్తిగా ఉంది’’ అని పాటల రచయిత కృష్ణకాంత్‌ అన్నారు. నేడు ఆయన బర్త్‌డే (జనవరి 10). ఈ సందర్భంగా మంగళవారం కృష్ణకాంత్‌  మాట్లాడుతూ– ‘‘ఇన్నేళ్లలో ఎన్నో పాటలు రాశాను. 2023లో ‘విరూపాక్ష, కోట బొమ్మాళి, హాయ్‌ నాన్న, సలార్, జైలర్, జవాన్, లియో’.. ఇలా 27 సినిమాల్లో 70 పాటలు రాశాను. సిద్ధార్థ్‌ ‘చిన్నా’, ‘ది మార్వెల్స్‌’ చిత్రాలకు పాటలు, మాటలు రాశా. మన పాట వైరల్‌ కావాలనే ఆలోచనతో రాస్తే సినిమా ఆడినన్ని రోజులు గుర్తుంటుంది.. ఆ తర్వాత మరచిపోతారు. నా ప్రతి పాటలో ఓ భావం, అర్థం ఉండాలనే ఆలోచనతో రాస్తాను. నేను పాటలు రాసిన ‘హను–మాన్‌’, ‘సైంధవ్‌’, ‘ఈగల్‌’, ‘కల్కి 2898 ఏడీ’ చిత్రాలు రిలీజ్‌ కానున్నాయి. ప్రభాస్‌ హీరోగా మారుతి దర్శకత్వం వహిస్తున్న సినిమాకీ పాటలు రాశాను’’ అన్నారు.

‘‘ఈ ఏడాది 65 పాటలు రాశాను. పబ్లిసిటీపై నాకు పెద్దగా ఆసక్తి లేదు. అందుకే ఏ వేదికపైనా మాట్లాడలేదు. నా పనే మాట్లాడాలని కోరుకుంటాను’’ అని పాటల రచయిత కృష్ణకాంత్‌ అన్నారు. శర్వానంద్, సాయి పల్లవి జంటగా హను రాఘవపూడి దర్శకత్వంలో రూపొందిన చిత్రం ‘పడి పడి లేచె మనసు’. సుధాకర్‌ చెరుకూరి నిర్మించిన ఈ సినిమా ఈ నెల 21న విడుదలకానుంది. విశాల్‌ చంద్రశేఖర్‌ సంగీతం అందించిన ఈ సినిమా పాటలను నేరుగా మార్కెట్‌లోకి విడుదల చేశారు. ఈ చిత్రంలో అన్ని పాటలు రాసిన కృష్ణకాంత్‌ విలేకర్లతో మాట్లాడారు.  ∙ఈ సినిమా టైటిల్‌ ‘పడిపడి లేచె మనసు’ అనుకోగానే  ‘ప్రళయంలోనూ ప్రణయంతోనే పరిచయం అయ్యే మనసు పడిపడి లేచె మనసు’ అనే త్రీ లైన్స్‌ రాశాను. ఈ లైన్స్‌లోనే సినిమా కథ ఉంది. అన్ని ప్రేమకథలు ఒకేలా ఉంటాయి. కానీ ప్రేమికులు ఎదుర్కొనే సంఘర్షణ డిఫరెంట్‌. ఈ సినిమాలో ఓ కొత్త కాన్‌ఫ్లిక్ట్‌ ఉంది. అది ఆడియన్స్‌కు కనెక్ట్‌ అవుతుందన్న నమ్మకం ఉంది. ∙హను రాఘవపూడి అన్ని సినిమాలకు నేను పని చేశాను. ఆయన సినిమాలో అన్ని పాటలు సందర్భానుసారంగానే ఉంటాయి. ఈ సినిమాలోనూ అంతే. విశాల్‌ చంద్రశేఖర్‌ కూల్‌గా ఉంటాడు. తనతో వర్క్‌ చేయడం ఈజీ. ∙నా ఫేవరెట్‌ మ్యూజిక్‌ డైరెక్టర్‌గా ఎవరో ఒకరి పేరు చెప్పలేను. ఒక్కో మ్యూజిక్‌ డైరెక్టర్‌తో ఒక్కో అనుభవం ఉంది. కీరవాణి, రెహమాన్‌గార్లతో కాకుండా అందరితో వర్క్‌ చేశాను. ‘సిరివెన్నెల’ సీతారామశాస్త్ర్రి, వేటూరిగార్లంటే నాకు ఇష్టం. వేటూరిగారు నాకు ప్రేరణ. ఆయన లేని లోటు ఎప్పటికీ ఉంటుంది. ఆయన రాసే పాటలు రిక్షావాడికి కూడా అర్థం అవుతాయి. ఐదేళ్ల క్రితం సినిమాలోని పాటల్లో బీట్స్‌కి ఇంపార్టెన్స్‌ ఉండేది. ఇప్పుడు లిరిక్స్‌కి ఉంటున్నాయి. ∙ఇప్పటివరకు ప్రేమకథా చిత్రాలు చేశాను. డిఫరెంట్‌గా చేయడానికి సిద్ధమే. గీత రచయితలకు సాహిత్యంపై అవగాహన ఉండాలి. జీవితాన్నైనా చదవాలి.. లేకపోతే పుస్తకాలైనా చదవాలి. ∙ప్రభాస్‌ 20వ చిత్రానికి ఇప్పటివరకు మూడు పాటలు రాశాను. ‘దటీజ్‌ మహాలక్ష్మి’ సినిమాకు సింగిల్‌ కార్డ్‌ రచయితగా చేశాను. రాజశేఖర్‌ ‘కల్కి’, నాని ‘జెర్సీ’లకు రాస్తున్నా. 

అమీర్‌పేట : ప్రేమ పేరుతో యువతి పట్ల అసభ్యంగా ప్రవర్తించిన యువకుడిపై పోలీసులు కేసు నమోదు చేసి రిమాండ్‌కు తరలించారు. ఎస్‌ఆర్‌నగర్‌ ఇన్స్‌పెక్టర్‌ వహీదుద్దీన్‌ కథనం మేరకు నెల్లూరు ప్రాంతానికి చెందిన యువతి  ఉద్యోగం కోసం గత ఏడాది నగరానికి వచ్చి  ఎస్‌ఆర్‌నగర్‌లో ఉంటోంది. ఆమెకు తన స్నేహితురాలి ద్వారా  కూకట్‌పల్లిలో ఉంటున్న  కృష్ణాజిల్లా నివాసి  సుధీర్‌తో పరిచయం ఏర్పడింది. తనకు తెలిసిన సంస్థలో ఉద్యోగాలు ఇప్పిస్తానని నమ్మించాడు. అనంతరం ప్రేమిస్తున్నానని పెళ్లి చేసుకుంటానని చెప్పిన అతను ఈ నెల 20న కృష్ణ కాంత్‌ పార్క్‌కు తీసుకెళ్లి ఆమె పట్ల  అసభ్యంగా ప్రవర్తించడంతో పోలీసులకు ఫిర్యాదు చేసింది. కేసు నమోదు చేసిన పోలీసులు  బుధవారం నిందితుడిని అరెస్ట్‌ చేసి రిమాండ్‌కు తరలించారు.    

‘లై’ సినిమాతో నిరాశపరిచిన నితిన్‌.. త్వరలో ఛల్‌ మోహన్‌ రంగ అంటూ ప్రేక్షకుల ముందుకు రానున్నాడు. రౌడీఫెలో ఫేం కృష్ణచైతన్య దర్శకత్వంలో తెరకెక్కుతున్న ఈ సినిమాను పవర్‌ స్టార్‌ పవన్‌ కళ్యాణ్, స్టార్ డైరెక్టర్‌ త్రివిక్రమ్‌ శ్రీనివాస్‌, నితిన్‌ తండ్రి సుధాకర్‌ రెడ్డిలు సంయుక్తంగా నిర్మిస్తున్నారు. వేసవి కానుకగా రిలీజ్‌కు రెడీ అవుతున్న ఈ సినిమా ప్రమోషన్‌ కార్యక్రమాలను ప్రారంభించారు చిత్రయూనిట్‌. ఇటీవల టీజర్‌ తో ఆకట్టుకున్న ‘ఛల్‌ మోహన్‌ రంగ’ యూనిట్‌ తాజాగా తొలిపాటను రిలీజ్ చేసింది. హీరో హీరోయిన్ల మధ్య వచ్చే సరదా పాటగా రూపొందిన ‘గ..ఘ..మేఘ’ పాటను  రిలీజ్ చేశారు. రాహుల్‌ నంబియార్‌ ఆలపించిన ఈ గీతానికి కృష్ణకాంత్‌ సాహిత్యమందించారు. తమన్ సంగీత మందిస్తున్న సినిమాలో లై ఫేం మేఘా ఆకాష్‌ హీరోయిన్‌ గా నటిస్తోంది.


 హైదరాబాద్, న్యూస్‌లైన్: తెలంగాణ కోసం మరో యువకుడు బలిదానం చేసుకున్నాడు. హైదరాబాద్‌ను యూటీ చేయవద్దని పేర్కొంటూ   హైదరాబాద్‌లోని రసూల్‌పురాకు చెందిన కృష్ణకాంత్ అనే విద్యార్థి గురువారం అర్ధరాత్రి ఉరేసుకుని ఆత్మహత్యకు పాల్పడ్డాడు. ఈ నెల 7న సీమాంధ్ర సభ జరగనీయకూడదంటూ తెలంగాణ నేతలను కోరుతూ సూసైడ్ నోట్‌లో పేర్కొన్నాడు. కృష్ణకాంత్ ఇటీవలే ఇంటర్ పూర్తిచేసి ఇంజనీరింగ్ కౌన్సెలింగ్‌కు హాజరై ఘట్‌కేసర్‌లోని సిద్ధార్థ కాలేజీలో సీటు దక్కించుకున్నాడు. ఈనెల 7న ఎల్బీ స్టేడియంలో సమైక్య సభకు పోలీసులు అనుమతివ్వడం, హైదరాబాద్‌ను యూటీ చేయనున్నారన్న వార్తలతో కలత చెందిన కృష్ణకాంత్ గురువారం అర్ధరాత్రి ఇంట్లోనే ఉరేసుకుని ప్రాణాలు తీసుకున్నాడు. కృష్ణకాంత్ మృత దేహానికి తెలంగాణ జేఏసీ చైర్మన్ కోదండరాం, టీఆర్‌ఎస్ నేతలు, తెలంగాణవాదులు నివాళులర్పించారు.
  
  ఆదిలాబాద్‌లో మరో యువకుడు
  నార్నూర్, న్యూస్‌లైన్ : తెలంగాణ కోసం రాష్ట్రంలో జరుగుతున్న పరిణామాలకు కలత చెంది ఆదిలాబాద్ జిల్లా నార్నూర్ మండలం రాజులాగూడ గ్రామానికి చెందిన రాథోడ్ గోవింద్, శేషుబాయిల కుమారుడు శుశాంక్(20) ఇంటర్‌తో చదువు మానేసి వ్యవసాయం చేస్తూ కుటుంబానికి అండగా ఉంటున్నాడు. శుక్రవారం ఉదయం నుంచి సుశాంక్ ఇంట్లో టీవీ చూస్తూ కూర్చున్నాడు. వచ్చిన తెలంగాణను అడ్దుకోవడానికి జరుగుతున్న యత్నాలపై ఆందోళన చెందాడు. రాత్రి 8.15 గంటల సమయంలో పురుగుల మందు తాగి ‘జై తెలంగాణ’ అంటూ నినాదాలు చేస్తూ నా చావుతోనైనా తెలంగాణకు అడ్డంకులు తొలగాలని చెప్పాడు. వైద్యం కోసం ఆటోలో ఉట్నూర్ ఆస్పత్రికి తరలిస్తుండగా మృతి చెందాడు. మృతుని ప్యాంటు జేబులో తెలంగాణ కోసమే తాను ఆత్మహత్య చేసుకుంటున్నట్లు సూసైడ్ నోట్ దొరికింది.