‘సీమశాస్త్రి’, ‘సీమ టపాకాయ్’ చిత్రాల తర్వాత ‘అల్లరి’ నరేశ్, జి.నాగేశ్వరరెడ్డి కాంబినేషన్‌లో తెరకెక్కిన వినోదాత్మక చిత్రం ‘ఇంట్లో దెయ్యం.. నాకేం భయం’. కృతిక, మౌర్యాని కథానాయికలు. శ్రీ వెంకటేశ్వర సినీచిత్ర ఎల్‌ఎల్‌పీ పతాకంపై బీవీఎస్‌ఎన్ ప్రసాద్ నిర్మిస్తున్న ఈ చిత్రం షూటింగ్ పూర్తయింది. నిర్మాత మాట్లాడుతూ- ‘‘అత్తారింటికి దారేది’, ‘నాన్నకు ప్రేమతో’ చిత్రాల తర్వాత మా బ్యానర్లో వస్తోన్న పూర్తి స్థాయి ఎంటర్‌టైనర్ ఇది. వినోదంతో పాటు హారర్ ఉంటుంది.
 
 బ్యాంకాక్‌లో  తీసిన పాటలతో షూటింగ్ కంప్లీట్ అయ్యింది. నవంబర్ 11న సినిమా విడుదలకు సన్నాహాలు చేస్తున్నాం. మా బ్యానర్లో మరో సూపర్‌హిట్ మూవీ అవుతుంది’’ అని అన్నారు. ‘‘నరేశ్, నా కాంబినేషన్‌లో గతంలో వచ్చిన చిత్రాలు హిట్ అయ్యాయి. ఆ చిత్రాల కంటే ఈ సినిమా విజయవంతమై, మాకు హ్యాట్రిక్ సక్సెస్ సాధించి పెడుతుందనే హోప్ ఉంది’’ అని దర్శకుడు పేర్కొన్నారు. ఈ చిత్రానికి సమర్పణ: భోగవల్లి బాపినీడు.
  


 ‘అల్లరి’ నరేశ్‌ను ‘సీమశాస్త్రి’గా, ‘సీమటపాకాయ్’గా చూపించిన దర్శకుడు జి. నాగేశ్వర రెడ్డి ఇప్పుడు ‘ఇంట్లో దెయ్యం.. నాకేంభయం’ అనే హారర్ చిత్రంతో హ్యాట్రిక్ మీద గురిపెట్టారు. బీవీయస్‌యన్ ప్రసాద్ నిర్మిస్తున్న ఈ చిత్రం షూటింగ్ ఈ నెల 23న ప్రారంభమైంది. ఈ హారర్ ఫ్యామిలీ ఎంటర్‌టైనర్‌ని విజయదశమికి రిలీజ్ చేయాలనుకుంటున్నారు. కృతిక కథానాయికగా నటిస్తున్న ఈ చిత్రానికి సమర్పణ: భోగవల్లి బాపినీడు.
 
 కృష్ణభగవాన్ కథతో... ‘అల్లరి’ నరేశ్ పంచ్ డైలాగ్.. కృష్ణభగవాన్ కౌంటర్ డైలాగ్.. భలే కామెడీ కాంబినేషన్ ఇది. కృష్ణభగవాన్‌లో కమెడియన్‌తో పాటు మంచి రచయిత కూడా ఉన్నారు. అందుకు ఓ నిదర్శనం ‘డిటెక్టివ్ నారద’. ఆ సినిమా స్క్రిప్ట్ రాసిందీయనే. కొంత విరామం తర్వాత ‘అల్లరి’ నరేశ్ కోసం కృష్ణభగవాన్ పూర్తి స్థాయి కామెడీ కథ రాశారు. ఈ చిత్రాన్ని శ్రీమతి నీలిమ సమర్పణలో జాహ్నవి ఫిలింస్ పతాకంపై బొప్పన చంద్రశేఖర్ నిర్మించనున్నారు. ‘అలా ఎలా?’ ఫేమ్ అనీష్‌కృష్ణ దర్శకుడు.