స్టావెంజర్‌ (నార్వే): ఆల్టిబాక్స్‌ నార్వే చెస్‌ టోర్నమెంట్‌లో భారత గ్రాండ్‌మాస్టర్‌ విశ్వనాథన్‌ ఆనంద్‌ వరుసగా రెండో ‘డ్రా’ నమోదు చేశాడు. హికారు నకముర (అమెరికా)తో మంగళవారం జరిగిన రెండో రౌండ్‌ గేమ్‌ను ఆనంద్‌ 39 ఎత్తుల్లో ‘డ్రా’గా ముగించాడు. లెవాన్‌ అరోనియన్‌ (అర్మేనియా)తో సోమవారం జరిగిన తొలి రౌండ్‌ గేమ్‌ను ఆనంద్‌ 31 ఎత్తుల్లో ‘డ్రా’ చేశాడు. 10 మంది గ్రాండ్‌మాస్టర్ల మధ్య జరుగుతున్న ఈ టోర్నీలో రెండో రౌండ్‌ తర్వాత ఆనంద్‌ ఒక పాయింట్‌తో ఎనిమిదో స్థానంలో ఉన్నాడు.  


 మాస్కో: క్యాండిడేట్స్ ఓపెన్ చెస్ టోర్నమెంట్‌లో భారత గ్రాండ్‌మాస్టర్ విశ్వనాథన్ ఆనంద్ మూడో విజయాన్ని సాధించాడు. లెవాన్ అరోనియన్ (ఆర్మేనియా)తో సోమవారం జరిగిన తొమ్మిదో రౌండ్‌లో ఆనంద్ తెల్లపావులతో ఆడుతూ 66 ఎత్తుల్లో గెలిచాడు. తొమ్మిదో రౌండ్ తర్వాత ఆనంద్ 5.5 పాయింట్లతో సెర్గీ కర్జాకిన్ (రష్యా)తో కలిసి సంయుక్తంగా అగ్రస్థానంలో ఉన్నాడు.


 మాస్కో: క్యాండిడేట్స్ ఓపెన్ చెస్ టోర్నమెంట్‌లో భారత గ్రాండ్‌మాస్టర్ విశ్వనాథన్ ఆనంద్ రెండో గేమ్‌ను ‘డ్రా’ చేసుకున్నాడు. లెవాన్ అరోనియన్ (అర్మేనియా)తో శనివారం జరిగిన రెండో రౌండ్ గేమ్‌లో నల్లపావులతో ఆడిన ఆనంద్ 31 ఎత్తుల్లో ‘డ్రా’గా ముగించాడు. ప్రస్తుతం ఆనంద్ ఖాతాలో ఒకటిన్నర పాయింట్లు ఉన్నాయి.