కొత్తగూడెం : తక్కువ ధరకు బంగారం ఇస్తామంటూ మోసగించిన ఓ ముఠాను భద్రాద్రి కొత్తగూడెం పోలీసులు అరెస్ట్‌ చేశారు. స్థానిక టూటౌన్ పోలీస్‌స్టేషన్ పరిధిలో బంగారాన్ని తక్కువ ధరకు ఇస్తానంటూ ఓ వ్యక్తిని ఏడుగురు యువకులు మోసం చేశారు. దీంతో పోలీసులు ఆ ముఠాను అరెస్ట్‌ చేసి వారి నుంచి రూ.3.4 లక్షల నగదు స్వాధీనం చేసుకున్నారు. కేసు నమోదు చేసి దర్యాప్తు చేస్తున్నట్లు స్థానిక సీఐ శ్రీనివాస రాజు తెలిపారు.