పాకిస్థాన్‌ తెహ్రీక్‌ ఇ ఇన్‌సాఫ్‌ అధినేత, పాకిస్థాన్‌ మాజీ ప్రధాని ఇమ్రాన్‌ ఖాన్‌ చిక్కుల్లో పడ్డారు. ఓ మహిళతో అత్యంత సన్నిహితంగా మాట్లాడినట్లుగా ఆడియో క్లిప్స్‌ సోషల్‌ మీడియాలో చక్కర్లు కొడుతున్నాయి. సరిగ్గా సార్వత్రిక ఎన్నికలకు కొన్ని నెలల ముందర ఈ పరిణామం చోటు చేసుకోవడంతో.. పాక్‌లో రాజకీయ దుమారం చెలరేగింది.  పాకిస్థానీ జర్నలిస్ట్‌ సయ్యద్‌ అలీ హైదర్‌ యూట్యూబ్‌లో ఆ ఆడియో క్లిపులను షేర్‌ చేశారు. దీంతో పాక్‌లో ఒక్కసారిగా రాజకీయ ప్రకంపనలు మొదలయ్యాయి. అందులో ఉంది ఇమ్రాన్‌ ఖాన్‌ వాయిస్‌ అనేది ఆరోపణ.  విశేషం ఏంటంటే.. ఈ ఆడియో క్లిప్స్‌ తాజావేనని అందులోని సంభాషణల ఆధారంగా తెలుస్తోంది. అయితే.. ఇది ప్రధాని కార్యాలయం నుంచే వెలువడ్డాయని ఖాన్‌ అనుకూల మీడియా ఛానెల్స్‌ కథనాలు వెలువరిస్తున్నాయి.  మరోవైపు.. పీటీఐ మాత్రం ఈ కాల్‌ సంభాషణలను కొట్టిపారేస్తోంది. అదంతా ప్రభుత్వం కుట్రేనని, తమ అధినేతను బద్నాం చేసే కుట్రలో భాగంగా ఫేక్‌ క్లిప్స్‌తో ప్రచారం చేస్తోందని ఆరోపిస్తోంది. వాళ్లు ఇంతకంటే ఏం చేయలేరని పీటీఐ అధికార ప్రతినిధి అర్సలన్‌ ఖలీద్‌ పేర్కొన్నారు.  ఇక ఆ ఆడియో క్లిప్‌లో సదరు మగ గొంతు తనను కలవాలంటూ అవతలి మహిళను బలవంతం పెట్టగా.. ఆమె కుదరదని చెప్పడం వినొచ్చు. అంతేకాదు.. తన భార్యాబిడ్డలు రాకుండా ప్రయత్నిస్తానని కూడా ఆమెతో చెప్పాడు ఆ వ్యక్తి. ఇదిలా ఉంటే.. ఇమ్రాన్‌ ఖాన్‌ కాస్త ఇమ్రాన్‌ హష్మీ(బాలీవుడ్‌ నటుడు)గా మారిపోయాడంటూ సౌత్‌ ఏషియా కరస్పాండెంట్‌, జర్నలిస్ట్‌ నలియా ఇనాయత్‌ ఎద్దేవా చేశారు. 


 కూతురుపై తండ్రి పైశాచికత్వం
 – డీసీపీఓ సాయంతో పోలీసులకు బాధితురాలి ఫిర్యాదు
 –కటకటాలపాలైన కీచక తండ్రి
 ఓర్వకల్లు : కామంతో కళ్లు మూసుకుపోయి కన్న కూతురిపైనే లైంగిక దాడులకు పాల్పడిన ఓ కీచక తండ్రి కటకటాల పాలయ్యారు. బుధవారం జిల్లా బాలిక సంరక్షణాధికారుల(డీసీపీఓ) సాయంతో బా«ధితురాలు ఓర్వకల్లు పోలీసుస్టేషన్‌లో ఫిర్యాదు చేసింది. వివరాలిలాఉన్నాయి. గ్రామానికి చెందిన చాకలి రాజు (48) భార్య రాణెమ్మ ఐదేళ్ల క్రితం అనారోగ్యంతో మృతిచెందింది. అప్పటి నుంచి రాజు తాగుడుకు అలవాటుపడి జులాయిగా తిరిగేవాడు. వీరికి ఇద్దరు కూతుర్లు కాగా, పెద్ద కూతురు ఈ ఏడాది çపంచలింగాల కేజీబీవీలో పదో తరగతి పూర్తి చేసింది. చిన్న కూతురు ప్రస్తుతం పంచలింగాల హాస్టల్‌లో పదో తరగతి చదువుతోంది. అయితే ఆర్థిక ఇబ్బందుల వల్ల పెద్ద కూతురు పైచదువులకు వెళ్లలేక ఇంటివద్దనే ఉంటోంది. ఈ నేపథ్యంలో  మంగళవారం ఉదయం 9 గంటల సమయంలో తాగిన మత్తులో ఇంటికి వచ్చిన తండ్రి పెద్దకూతురు వద్దకు వెళ్లి అసభ్యకరంగా ప్రవర్తించాడు. సదరు బాలిక తనకు తెలిసిన ఉపాధ్యాయుడికి జరిగిన అఘాయిత్యంపై సమాచారం ఇచ్చింది. సదరు ఉపాధ్యాయుడు డీసీపీవో అధికారులకు సమాచారమిచ్చారు.ఆ మేరకు  అధికారులు గ్రామాన్ని సందర్శించి బాలికను కర్నూలులోని స్వదర్‌ గృహానికి తరలించారు. మూడేళ్ల నుంచి తన తండ్రి తరచుగా లైంగిక వేధింపులకు గురిచేస్తున్నట్లు విచారణలో వెల్లడించింది. బాధితురాలి ఫిర్యాదు మేరకు నిందితుడిని అరెస్టు చేసి కేసు దర్యాప్తు చేస్తున్నట్లు ఎస్‌ఐ చంద్రబాబునాయుడు తెలిపారు.
  


 షికాగో: అందమైన వ్యక్తులు ఎదురుపడినప్పుడు కొందరిపై తీవ్ర వ్యామోహం.. మరికొందరిపై పవిత్రమైన ప్రేమ భావనను అనుభూతి చెందుతుంటారు. అందరూ అందంగానే ఉన్నప్పటికీ.. కొందరిపై మాత్రమే మోహం, మరికొందరిపై మాత్రమే ప్రేమ ఎందుకంటే.. మెదడులోని ఓ భాగం చేసే మాయాజాలం వల్లేనంటున్నారు యూనివర్సిటీ ఆఫ్ షికాగో శాస్త్రవేత్తలు. మెదడులో బాగా లోపల ఉండే ‘ఇన్సులార్ కార్టెక్స్’ అనే భాగం స్పందించే తీరు వల్లే వ్యామోహం లేదా ప్రేమ భావనలు కలుగుతాయని వారు అంటున్నారు. మెదడు దెబ్బతిన్న ఓ రోగిపై పరిశోధించిన తాము ఈ విషయాన్ని గుర్తించామని శాస్త్రవేత్తలు తెలిపారు.
  
 ఇన్సులార్ కార్టెక్స్‌లోని ముందువైపు భాగం యాంటీరియర్ ఇన్సులా ప్రేమ భావన కలగడంలో, వెనకవైపు భాగం పోస్టీరియర్ ఇన్సులా కామ భావన కలగడంలో కీలక పాత్ర పోషిస్తున్నాయని వారు వెల్లడించారు. మోహ భావనలకు గురైనప్పుడు రోగి మెదడులో స్పందనలు చాలా వేగంగా, ప్రేమ భావనలప్పుడు చాలా నెమ్మదిగా జరిగినట్లు గుర్తించారు. పరిశోధనలో భాగంగా.. అందమైన యువతుల్లో కొందరు చిట్టిపొట్టి డ్రెస్‌లు ధరించి, మరికొందరు నిండుగా దుస్తులు ధరించి రోగితో సన్నిహితంగా మెలుగుతూ మాట్లాడారు. ఆ సందర్భంగా రోగిలో కలిగిన భావనలను, అతడి మెదడులో జరిగిన మార్పులను శాస్త్రవేత్తలు పరిశీలించారు.