విభిన్న చిత్రాలతో ప్రత్యేక గుర్తింపు తెచ్చుకున్న యంగ్ హీరో శర్వానంద్. 2017లో రెండు ఘనవిజయాలు అందుకున్న ఈ యంగ్ హీరో కొత్త కొత్త ఏడాదిలోనూ సత్తా చాటేందుకు రెడీ అవుతున్నాడు. మహానుభావుడు సినిమాతో సత్తా చాటిన శర్వ, ప్రస్తుతం హను రాఘవపూడి దర్శకత్వంలో ఓ సినిమా చేస్తున్నాడు. లై సినిమాతో నిరాశపరిచిన హను, శర్వానంద్ సినిమాతో తిరిగి ఫాంలోకి రావాలని భావిస్తున్నాడు. తాజాగా ఈ సినిమాకు సంబంధించిన ఆసక్తికరమైన న్యూస్ ఒకటి టాలీవుడ్ సర్కిల్స్‌లో వినిపిస్తోంది. రొమాంటిక్ యాక్షన్ ఎంటర్ టైనర్‌గా తెరకెక్కుతున్న ఈ సినిమాలో శర్వానంద్ ఆర్మీ ఆఫీసర్‌గా కనిపించనున్నాడట. అంతేకాదు సెకండ్ హాఫ్‌లో వచ్చే యుద్ధ సన్నివేశాలు అద్భుతంగా ఉంటాయన్న టాక్ వినిపిస్తోంది. శర్వానంద్ సరసన సాయి పల్లవి హీరోయిన్‌గా నటిస్తున్న ఈ సినిమా రెగ్యులర్ షూటింగ్ త్వరలోనే ప్రారంభం కానుంది.


 ఈ ఏడాది సంక్రాంతికి ‘శతమానం భవతి’, గతేడాది సంక్రాంతికి ‘ఎక్స్‌ప్రెస్‌ రాజా’ సిన్మాలతో శర్వానంద్‌ సందడి చేశారు. ఇప్పుడీ హీరో దసరాపై కన్నేశారు. శర్వానంద్‌ హీరోగా మారుతి దర్శకత్వంలో యూవీ క్రియేషన్స్‌ పతాకంపై వంశీ, ప్రమోద్‌ నిర్మిస్తున్న సినిమా ‘మహానుభావుడు’. మెహరీన్‌ హీరోయిన్‌. ఓ పాట మినహా చిత్రీకరణ పూర్తయిన ఈ సినిమాను దసరాకు విడుదల చేయడానికి సన్నాహాలు చేస్తున్నామని నిర్మాతలు ప్రకటించారు.
 
 ఈ నెల 24న ఫస్ట్‌ లుక్, ఫస్ట్‌ టీజర్‌లను విడుదల చేస్తారు. దర్శకుడు మారుతి మాట్లాడుతూ– ‘‘భలే భలే మగాడివోయ్‌’ తర్వాత నాకు నచ్చిన క్యారెక్టరైజేషన్‌తో చేస్తున్న మ్యూజికల్‌ కామెడీ ఎంటర్‌టైనర్‌ ఇది. శర్వానంద్‌ అద్భుతంగా నటిస్తున్నారు. ఎస్‌.ఎస్‌. తమన్‌ మంచి పాటలిచ్చారు’’ అన్నారు. ఈ చిత్రానికి కెమెరా: నిజార్‌ షఫి, కూర్పు: కోటగిరి వెంకటేశ్వరరావు, ఎగ్జిక్యూటివ్‌ నిర్మాత: ఎన్‌. సందీప్, సహ నిర్మాత: ఎస్‌.కె.ఎన్‌.