‘మీకోసం’ ద్వారా వస్తున్న వినతుల్లో ఉంటున్న అస్పష్ట సమాచారంతో ఉద్యోగులు తలలు పట్టుకుంటున్నారు. తప్పుడు వినతుల క్రమంలో ఏం చేయాలో తెలియక చేసేది లేక తీవ్ర అసహనం వ్యక్తం చేస్తున్నారు. వివరాల్లోకి వెళ్తే... బొబ్బిలి రూరల్‌: మీకోసం ద్వారా వస్తున్న అసమగ్ర సమాచారం, తప్పుడు వినతులతో ఉద్యోగులు  ఇబ్బందులు పడుతున్నారు. జిల్లా కేంద్రంలో అధికారులు వినతులు తీసుకుని ఆయా మండలాలలో లేదా డివిజన్‌లో కార్యాలయాలకు పంపే వినతులు ఆయా అధికారులు వాటిని గుర్తించి పరిష్కరించాల్సి ఉంటుంది. ఇలా వచ్చిన దరఖాస్తులను పరిశీలించి, వారిచ్చిన చిరునామాను గుర్తించి, ఫోన్‌ ద్వారా వారిని సంప్రదించి వివరాలను అప్‌లోడ్‌ చేయాల్సి ఉంటుంది. సమస్యను అధికారులు గుర్తించి ఆనక పరిష్కరిస్తారు. సిబ్బంది ఇబ్బంది.... మీ కోసం ద్వారా వచ్చే వినతులు నెలలో 100 నుంచి 250 వరకు వస్తున్నాయి. ఈ ఏడాది పీఆర్‌కు 10,549 సమస్యలు రాగా వీటిలో 3,823 మాత్రమే అప్‌లోడ్‌ చేయగలిగారు. ఇక పరిష్కారం సంగతి అటుంచితే కార్యాలయాలలో పని చేసే రెగ్యులర్‌ లేదా కాంట్రాక్టు ఉద్యోగులు వాటిని గుర్తించి వచ్చిన వాటిలో నిజమైన ఆర్జీదారులను గుర్తించడం పెద్ద సమస్యగా పరిణమిస్తోంది. వీరిని గుర్తించే సమయంలో పలువురు తాము అసలు దరఖాççస్తు చేయలేదని చెబుతున్నారని సిబ్బంది తెలిపారు. బాడంగికి చెందిన చిన్నారులు దరఖాస్తు చేసినట్లు వినతులు వస్తే ఆ ఫోన్‌కు కాల్‌ చేస్తే మేం ఆర్జీలు ఇవ్వలేదని వారి నుంచి సమాచారం వచ్చినట్లు ఉద్యోగులు తెలిపారు. వచ్చిన వినతులలో 80శాతం వరకు వాస్తవంగా ఇచ్చినవి కానట్లు తెలుస్తోందని సిబ్బంది తెలిపారు. ఈ నెల 27న బొబ్బిలి పీఆర్‌ కార్యాలయంలో 87 దరఖాస్తులు పరిశీలించగా వీటిలో రెండు మాత్రమే వాస్తవాలని తేలిందంటే పరిస్థితి ఎలా ఉందో అర్ధం చేసుకోవచ్చు. సర్వర్‌ బిజీ... ఇదిలా ఉండగా ఒక్కో వినతి పరిశీలించి, వివరాలు సేకరించే సరికి కనీసం పది నిమిషాలు పడుతుంది. వాటికి రిమార్కులు రాసే సరికి మొత్తం 15నిమిషాలు సమయం పడుతుంది.  ఈ సమయంలో సర్వర్లు పని చేయక అనేక మార్లు ఇబ్బంది పడుతున్నారు. పని వత్తిడి.... ఇదిలా ఉండగా సిబ్బంది అందరికీ ఓడీఎఫ్‌ మరుగుదొడ్లుపై అవగాహన, శాఖాపరమైన పనులు, వీడి యో కాన్ఫరెన్సులు, వీటితో పాటు ఇతరత్రా పనులు చేయలేక సిబ్బంది పని వత్తిడికి గురవుతున్నారు. మాడ్యూల్‌ మార్పుతో ఇక్కట్లు.... గతంలో పాత మాడ్యూల్‌లో ఏ శాఖకు చెందిన ఆర్జీయో...? ఏ సమస్యో వివరాలు ఉండేవి. దీంతో ఆయా శాఖకు ఆయా సమస్యపై అధికారులకు సమాచారం ఇస్తే పరిష్కారం అయ్యేవి. ప్రస్తుతం మాడ్యూల్‌ మార్చడంతో వీటిని గుర్తించడం సాధ్యం కావడం లేదని సిబ్బంది వాపోతున్నారు.


 అనంతపురం సెంట్రల్‌ : హిందూపురం ఎంపీ నిమ్మల కిష్టప్ప తమ భూమిని కబ్జా చేశాడని, న్యా యం చేయకపోతే ఆత్మహత్యే శరణ్యమని గోరంట్ల మండలం బూదిలి గ్రా మానికి చెందిన మల్లేçశప్ప, కదిరప్ప కుటుంబసభ్యు లు వాపోయారు. సోమవారం రెవెన్యూభవన్‌లో జ రుగుతున్న ప్రజావాణి కార్యక్రమంలో కలెక్టర్‌ కోన శశిధర్, జాయింట్‌ కలెక్టర్‌ లక్ష్మీకాంతంకు  ఫిర్యాదు చేశారు. ఈ సందర్భంగా కదిరప్ప, మల్లేసు కుటుం బసభ్యులు లక్ష్మీదేవి, హరీష్‌కుమార్, మీనాక్షి, కమ ల, దినేష్‌ మాట్లాడుతూ బూదిలి గ్రా మ పొలంలో స ర్వేనెంబర్‌ 476 లో 4.32 సెంట్లు, 3.30 సెంట్లు హిం దూపురం ఎంపీ నిమ్మలకిష్టప్ప కుమారులు నిమ్మల శిరీష్, నిమ్మల ఆమ్రేష్‌ పేరు మీదుగా రిజిస్ట్రేషన్‌ చేసుకున్నారని వివరించారు.  రెవెన్యూ అధికారుల అండతో వెబ్‌ల్యాండ్‌లో తమ పే ర్లను తొలగించారని వారు ఆవేద న వ్యక్తం చేశారు. అలాగే ఆయన అనుచరులు చంపేస్తామని బెదిరి స్తున్నారన్నారు. భూమి తమకు ఇప్పించి న్యాయం చేయాలని వేడుకున్నారు. 
  
 మధ్యాహ్న భోజన ఏజెన్సీని ఇప్పించండి
 నగరంలో పాతూరులోని ప్రభాకర్‌స్కూల్, అబ్దుల్‌కలాం ఉర్దూ స్కూల్, కస్తూరిబా మున్సిపల్‌స్కూల్స్‌కు మధ్యాహ్న భోజన ఏజెన్సీ బాధ్యతలు ఇప్పించాలని అంబారపు వీధికి చెందిన  జె.రమణమ్మ, జేసీ చలపతి దంపతులు ప్రజావాణిలో అధికారులకు విజ్ఞప్తి చేశారు. 12 సంవత్సరాలు ఏజెనీస నిర్వహిస్తున్నామని, ఇటీవల ఎలాంటి సమాచారం లేకుండా తొలగించారని వారు ఫిర్యాదు చేశారు.  


 రాయదుర్గం అర్బన్‌ : వెబ్‌ ల్యాండ్‌లో తన భూమి వివరాల నమోదు కోసం రిటైర్డ్‌ తహసీల్దార్‌ ఎం.బలరామిరెడ్డికి సైతం అవస్థలు తప్పలేదు. సోమవారం రాయదుర్గం రెవెన్యూ కార్యాలయంలో జరిగిన మీ కోసం కార్యక్రమంలో ఇన్‌చార్జ్‌ తహశీల్దార్‌ అప్జల్‌ఖాన్‌కు అర్జీ ఇచ్చారు. ఈ సందర్భంగా బలరామిరెడ్డి ‘సాక్షి’తో మాట్లాడుతూ 1994లో తనభార్య పుష్పలత, తన తమ్ముని భార్య సరస్వతి పేరిట రాయదుర్గం పట్టణంలోని మార్కెట్‌యార్డు సమీపంలో సర్వే నంబర్‌ 310బీ–1లో 2.10 ఎకరాల భూమిని ఎన్‌సీ శ్రీనివాసులు నుంచి కొనుగోలు చేసినట్లు తెలిపారు. గతంలోను ఇన్‌పుట్‌ సబ్సిడీ పొందామని, అయితే నేడు వెబ్‌ల్యాండ్‌లో వివరాలు నమోదు కాలేదన్నారు. వీఆర్వో, ఆర్‌ఐ, డిప్యూటీæతహసీల్దార్‌లు వెరిఫికేషన్‌ చేసిన తర్వాత తన వద్దకు ఫైలు వస్తే అప్పుడు వెబ్‌ల్యాండ్‌లో నమోదు చేయాల్సి ఉందని, పల్స్‌ సర్వే, సెలవుల్లో వెళ్లడం వల్ల సిబ్బంది లేకపోవడంతో జాప్యం జరుగుతోందని తహసీల్దార్‌ చెప్పారన్నారు. సిబ్బంది వచ్చిన తర్వాత వెరిఫికేషన్‌ చేయించి, అప్‌డేట్‌ చేయిస్తామని హామీ ఇచ్చారన్నారు.