మెగాసుప్రీమ్, భవానీ అగర్వాల్ జంటగా వేదభూమి సమర్పణలో నర్రా శివనాగు దర్శకత్వం వహిస్తున్న చిత్రం ‘బాయ్‌ఫ్రెండ్’. లక్కరాజు రాధా రాజేశ్వరి, అభి నిర్మాతలు. యల్.యమ్. ప్రేమ్ స్వరపరచిన ఈ చిత్రం ఆడియో ఆవిష్కరణ వేడుక తిరుపతిలో జరిగింది. రుద్రరాజు శ్రీదేవి, సైకం రామచంద్రారెడ్డి, రేణుకా శివనాగు అతిథులుగా పాల్గొన్నారు. శివనాగు మాట్లాడుతూ -‘‘బాయ్‌ఫ్రెండ్ ఏం చేస్తాడు? అనేది ప్రస్తుతానికి సస్పెన్స్. ఈ సినిమాలో పాటలన్నీ యువతను ఆకట్టుకునే విధంగా ఉంటాయి కాబట్టే, కాలేజీలో ఆడియో వేడుక చేశాం. పాటలకు, ప్రచార చిత్రాలకు మంచి స్పందన వచ్చింది. థియేటర్ ప్రోమోస్ ఆవిష్కరణను జిల్లాలవారీగా ప్రతి కాలేజీలో జరుపుతున్నాం’’ అన్నారు.