సాక్షి, న్యూఢిల్లీ: షావోమి మరోసారి  ఫాన్స్‌ ఫెస్టివల్‌ను ప్రారంభించింది. 2018ఎంఐ ఫాన్స్‌ ఫెస్టివల్‌ పేరుతో స్పెషల్‌ డిస్కౌంట్లను ఆఫర్‌ చేస్తోంది. ఏప్రిల్‌ 5నుంచి 6 వరకు ఈ స్పెషల్‌ సేల్‌ నిర్వహిస్తోంది.  ఎంఐ టీవీలు, ఎంఐ మిక్స్ 2, రెడ్‌మి నోట్ 5 ప్రో, రెడ్‌మి 5 లాంటి ఇతర ప్రొడక్ట్స్‌పై డిస్కౌంట్లను అందిస్తోంది. అంతేకాదు  ఎంఐ ఫాన్స్‌ కు రూ. 40 లక్షలు అంతకన్నా ఎక్కువ విలువైన ఎంఐ కూపన్లను అందిస్తోంది. ఫాన్ ఫెస్టివల్‌పై సోషల్‌మీడియాలో ప్రచారం నిర్వహించనున్నట్లు షావోమి ప్రకటించింది. దీని ద్వారా కూడా యూజర్లకు డిస్కౌంట్లను  అందిస్తోంది.  సోషల్ మీడియా యూజర్లు  వారి స్నేహితులను ఆహ్వానిం చడంతో పాటు, నిర్దిష్ట లైక్స్‌ను పొందితే రెడ్‌మి నోట్‌ 5,  వై1,  బ్యాండ్ 2 లాంటి బహుమతులను ఉచితంగా గెలుచుకునే అవకాశం.  ఇందులో గ్రూప్‌గా కూడా కూపన్లు గెల్చుకునే అవకాశం కల్పిస్తోంది. ఈ  కూపన్లు ఏప్రిల్ 4 న ప్రారంభమవుతాయి. మరోవైపు అమ్మకాల సమయంలో ఆఫర‍్లపై పూర్తి స్పష్టత లేనప్పటికీ..ఎంఐ మిక్స్2, ఎంఐ మాక్స్ 2, రెడ్‌మి 4, రెడ్‌మి వై1, రెడ్‌మి వై1లైట్ , రెడ్‌మి 5ఏ వంటి స్మార్ట్‌ఫోన్లపై రూ.3వేల వరకు తగ్గింపు ఇవ్వనుందని తెలుస్తోంది.  ఇవే కాకుండా ఎంఐ యాప్‌లో   "క్రేజీ కాంబోస్" ఆఫర్‌ కూడా అందుబాటులో ఉంది. ముఖ్యంగా షావోమి స్మార్ట్‌ఫోన్లు, స్మార్ట్‌ ఎల్‌ఈడీ టీవీలపై  ఈ  కాంబో ఆఫర్‌ ఉంది. దీంతోపాటు ఏప్రిల్ 2 నుంచి 6 వరకు షావోమి 'కలర్ అవర్ ప్లానెట్' ప్రచారాన్ని  చేపట్టింది. ఇందులో విజేతలు రెడ్‌మి 5ఏ గెలుచుకునే అవకాశం. మరిన్ని వివరాలు ఎంఐ స్టోర్‌ యాప్‌లో లభ్యం. 


 రెడ్మి ఫోన్ల సంచలన విక్రయాలతో  రికార్డు స్థాయిలో దూసుకెళ్తున్న చైనా స్మార్ట్ ఫోన్ దిగ్గజం వినియోగదారులకు సర్ ప్రైజింగ్ ఆఫర్లను ప్రకటించింది. ఒక్క రూపాయికే రెడ్ మి నోట్ 4 కొనుగోలు చేసుకునేలా రూ.1 ఫ్లాష్ సేల్ ప్రారంభించబోతున్నట్టు తెలిపింది. ఏప్రిల్ 6న నిర్వహించబోతున్న 'ఎంఐ ఫ్యాన్ ఫెస్టివల్' లో భాగంగా తమ యాప్ ద్వారా కొనుగోలు చేసే ఉత్పత్తులను ఒక్క రూపాయికే అందించనున్నట్టు షియోమి ప్రకటించింది. యాప్ తో ముడిపడి ఉన్న ఈ ఫెస్టివల్ కు షియోమి ఉత్పత్తులపై ఆఫర్లు పొందాలంటే కచ్చితంగా తమ యాప్ ను డౌన్ లోడ్ చేసుకోని, రిజిస్ట్రర్ చేసుకోవాల్సిందేనని ప్రకటించింది.
  
 ఎంఐ.కామ్ సైట్పైనా ఈ ఫెస్టివల్ ను కంపెనీ నిర్వహిస్తోంది. అయితే యాప్ ద్వారా మాత్రమే ఒక్క రూపాయి ఫ్లాష్ సేల్ ను చేపడుతోంది. ఈ విక్రయం ఉదయం 10 గంటలకు ప్రారంభమవుతుందని, కేవలం 20 రెడ్మి నోట్4 స్మార్ట్ ఫోన్లు  మాత్రమే ఒక్క రూపాయికి ఎంఐ స్టోర్ యాప్ లో అందుబాటులో ఉంచనున్నట్టు తెలిపింది. మధ్యాహ్నం రెండు గంటలకూ ఒక్క రూపాయి ఫ్లాష్ సేల్ ను చేపడుతోంది. ఈ సేల్ లో మాత్రం ఎంఐ బ్యాండ్ 2 లు రూపాయికి అందుబాటులో ఉంటాయి. అవి కూడా 40 యూనిట్లేనని తెలిపింది. అదేసమయంలో 10000ఎంఏహెచ్  ఎంఐ పవర్ బ్యాంకులను 50 మేర విక్రయించనున్నట్టు ప్రకటించింది.
  
 వన్-డే ఎంఐ ఫ్యాన్ ఫెస్టివల్ లో భాగంగా రెడ్మి 4ఏ, రెడ్మి నోట్ 4 ఫోన్లను విక్రయానికి అందుబాటులో ఉంచనుంది. ఇతర స్మార్ట్ ఫోన్లు రెడ్మి 3 ఎస్ ప్రైమ్,  ఎంఐ 5, ఎంఐ మ్యాక్స్ ప్రైమ్ లపై కూడా ఆఫర్లు ప్రకటించింది.  షియోమి ఇతర ఉత్పత్తులు ఎయిర్ ఫ్యూరిఫైయర్, ఇయర్ ఫోన్లు, ఎంఐ బ్యాండ్ వంటి అన్ని ఉత్పత్తులపైనా 500 రూపాయిల వరకు తగ్గింపును కంపెనీ ఇవ్వనుంది. గురువారం నిర్వహించబోయే ఈ సేల్ కు బుధవారం వరకు డిస్కౌంట్ కూపన్లు ఇవ్వనున్నట్టు కంపెనీ తెలిపింది. 10 గంటల నుంచి సేల్ ప్రారంభించి, స్టాక్ అయిపోయే వరకు  ఈ సేల్ నిర్వహించనున్నట్టు పేర్కొంది.