చొప్పదండి: కరీంనగర్ జిల్లా చొప్పదండి మండలం సాంబయ్యపల్లి గ్రామానికి చెందిన కొత్తగొల్ల కొమురయ్య(45) సౌదీఅరేబియాలో రెండు రోజుల క్రితం మృతి చెందాడు. కొమురయ్య ఇరవై సంవత్సరాలుగా సౌదీ వెళ్తున్నాడు. ఆరునెలల క్రితం స్వగ్రామానికి వచ్చి వెళ్లాడు.  ఈ క్రమంలో రెండు రోజుల క్రితం కొమురయ్య మృతి చెందినట్టు అక్కడున్న బాజన్న అనే వ్యక్తి గ్రామస్తులకు ఫోన్ చేసి చెప్పాడు.  దీంతో కుటుంబసభ్యులు, బంధువులు బోరున విలపిస్తున్నారు. మృతదేహాన్ని స్వగ్రామానికి రప్పించేందుకు ఎంపీ, అధికారులు చొరవ తీసుకోవాలని బంధువులు, గ్రామస్తులు కోరుతున్నారు.